ရှာဖွေရေး ...

Loading...
PO Box 320-207, San Francisco, CA 94132-0207, USA – editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

Maung Ye - Reorganizing NLD - CEC, EC and so on ...

မူဝါဒရေးရာ ဗဟိုဦးစီးအဖွဲ့ ပြန်လည်ဖွဲ့စည်းရေး - ဘာလဲ ဘယ်လဲ
မောင်ရဲ
ဇန်န၀ါရီ ၃၁၊ ၂၀၁၀
အမျိုးသားဒီမိုကရေစီအဖွဲ့ချုပ်က ဗဟိုဦးစီးအဖွဲ့ အသစ်ပြန်လည်ဖွဲ့စည်းတော့မယ်၊ ဗမာတနိုင်ငံလုံးက တိုင်းနဲ့ ပြည်နယ်ဥက္ကဋ္ဌတွေနဲ့ စည်းရုံး ရေးအဖွဲ့တွေဆီကို ဇန္နဝါရီလ ၂၇ ရက်နေ့ရက်စွဲနဲ့ အမျိုးသားဒီမိုကရေစီအဖွဲ့ချုပ် ဥက္ကဋ္ဌကြီး ဦးအောင်ရွှေကိုယ်တိုင် လက်မှတ်ရေးထိုးပြီး ညွှန် ကြားလွှာပေးပို့ထားတယ်လို့ သတင်းတွေမှာဖတ်ရကြားရပါတယ်။ 
အဖွဲ့ချုပ်ရဲ့ပြောခွင့်ရပုဂ္ဂိုလ် ဦးခင်မောင်ဆွေနဲ့ လွှတ်လပ်တဲ့အာရှအသံ မေးမြန်းခန်းမှာ ဦးခင်မောင်ဆွေက “ဗဟိုဦးစီးအဖွဲ့ဝင်များ အသစ် ပြန်လည်ဖွဲ့စည်းရေးမှာ အောက်ခြေကရွေးချယ်ပြီး ရုံးချုပ်ကိုပေးပို့ရမှာဖြစ် တယ်” လို့ ဆိုပါတယ်။  အကြမ်းဖျင်းအားဖြင့် ဝမ်းမြောက်ဝမ်းသာ ကြိုဆိုရမယ့်ဒီသတင်းမှာ မရှင်းလင်းတဲ့ ဝီ့ဝါဒကွဲစရာ အချို့အချက်ကလေး တွေပါရှိလို့နေတာ သတိထားမိလိုက်ပါတယ်။
ပထမဦးဆုံးသတိထားမိတာက ဗဟိုဦးစီးအဖွဲ့ဝင် အသစ်များ ရွေးချယ်ရာမှာလိုက်နာရမယ့်စည်းကမ်းတွေပါ။ ရွေးချယ်ရေးမှု ၅ ချက်ကို အခြေခံမယ် လို့ဆိုပါတယ်။  အဖွဲ့ချုပ်ရဲ့ပြောခွင့်ရပုဂ္ဂိုလ် ဦးခင်မောင်ဆွေရှင်းပြတာက
“ပထမအချက်ကတော့ နိုင်ငံရေးနဲ့ပတ်သက်တဲ့ အရည် အချင်းရှိရမယ်၊ ဒုတိယအချက် ကတော့ အဖွဲ့ချုပ်အပေါ်မှာ သစ္စာရှိရမယ်၊ တတိယအချက်ကတော့ အဖွဲ့ချုပ်ရဲ့နိုင်ငံရေးလုပ်ငန်းတွေနဲ့ မကင်းကွာဘဲ တဆက်စပ် တည်းရှိနေသူတွေဖြစ်ရမယ်၊ စတုတ္ထအချက်ကတော့ အဖွဲ့ချုပ်ကကိုင်စွဲထားတဲ့နိုင်ငံရေး ရပ်တည်ချက်တွေနဲ့ သဘော တူညီမှုရှိတဲ့ ပုဂ္ဂိုလ်တွေ ဖြစ်ရမယ်၊ နောက်ဆုံးအချက်ကတော့ နံပါတ် ၅ ကတော့ အဖွဲ့ချုပ် စည်းမျဉ်းစည်းကမ်းများအရ အရေးယူ အပြစ်ပေး ထားသူတွေမဖြစ်စေရ ဆိုပြီးတော့ အဲဒီမူ ၅ ချက်နဲ့ ကျွန်တော်တို့ ရွေးချယ်သွားမှာ ဖြစ်တယ်” တဲ့။ 
ဒီနေရာမှာ နံပါတ် ၃ အချက်ဖြစ်တဲ့ အဖွဲ့ချုပ်ရဲ့နိုင်ငံရေးလုပ်ငန်းတွေနဲ့ မကင်းကွာဘဲ တဆက်စပ် တည်းရှိနေသူတွေဖြစ်ရမယ်ဆိုတာရယ်၊ နံပါတ် ၅ ဖြစ်တဲ့ အဖွဲ့ချုပ်စည်းမျဉ်း စည်းကမ်းများအရ အရေးယူအပြစ်ပေးထားသူတွေမဖြစ်စေရ ဆိုတာကို ဘယ်လိုလူမျိုးတွေကိုရည်ရွယ်တယ်ဆိုတာ အမျိုးသားဒီမိုကရေစီ အဖွဲ့ချုပ်က ရှင်းရှင်းလင်းလင်း ညွှန်ကြားသင့်တယ် လို့ထင်ပါတယ်။
ဗဟိုဦးစီးအဖွဲ့ ပြန်လည်ဖွဲ့စည်းရေးအတွက် အရေးအကြီးဆုံးအချက်ကတော့ ဗဟိုဦးစီးအဖွဲ့ဝင်များရဲ့ တာဝန်နှင့်လုပ်ငန်းစဉ်များဖြစ်ပါတယ်။  အသစ်ပဲဖွဲ့ဖွဲ့ တိုးချဲ့တာပဲလုပ်လုပ် အဓိကအချက်က ဒီခေါင်းဆောင်တွေကို ဘယ်လိုတာဝန်တွေပေးပြီး ဘာတွေကို လုပ်ကိုင်ဆောင်ရွက် ခွင့်ပြုမယ် ဆိုတာပါ။ 
ဒီနေရာမှာ အဖွဲ့ချုပ်ရဲ့ ပြောခွင့်ရပုဂ္ဂိုလ် ဦးခင်မောင်ဆွေရှင်းပြတာက “ဒီလိုရှိတယ်ခင်ဗျ ကျွန်တော်တို့ ဗဟိုအလုပ်အမှုဆောင်အဖွဲ့အောက်မှာ  ဗဟိုလုပ်ငန်းအဖွဲ့ ဆိုတာရှိမှာပါ၊ အဲ ဗဟိုလုပ်ငန်းအဖွဲ့အောက်မှာမှ ကျွန်တော်တို့ ဗဟိုဦးစီးအဖွဲ့တွေရှိပါ လိမ့် မယ်။ အဲတော့ ဗဟိုဦးစီးအဖွဲ့ဆိုတဲ့ဟာက ခုနကကျွန်တော်ပြောတဲ့ ဗဟိုလုပ်ငန်းအဖွဲ့ကော ဗဟိုအလုပ်အမှုဆောင်အဖွဲ့ကော အပါအဝင်ကို ကျွန်တော်တို့ ဗဟိုဦးစီးလို့သက်မှတ်ပါတယ်” တဲ့။  ဒီရှင်းလင်းချက်က အမျိုးသားဒီမိုကရေစီအဖွဲ့ချုပ် စတင်တည်ထောင်စဉ်ကရှိခဲ့တဲ့ အဖွဲ့ချုပ်ဖွဲ့စည်းပုံနဲ့ မတူခြားနားနေတာတွေ့ရပါတယ်။ 
နဂိုဖွဲ့စည်းပုံမှာ ဗဟိုဦးစီးအဖွဲ့ဝင်များဟာ တဦးချင်းအနေဖြင့် ပြည်နယ်နှင့်တိုင်းများကို တာဝန်ခံရတဲ့ စည်းရုံးရေးတာဝန်ခံများ ဖြစ်ကြတဲ့အတွက် ဗဟိုအလုပ်အမှုဆောင်အဖွဲ့ရဲ့ လုပ်ငန်းညွှန်ကြားချက်များကို မိမိတာဝန်ကျရာဒေသများမှာ အကောင်အထည်ဖေါ်ဆောင်ရွက်ကြရပေမယ့်၊ ဗဟိုဦးစီးအဖွဲ့အနေကတော့ဖြင့် အမျိုးသားဒီမိုကရေစီအဖွဲ့ချုပ်ရဲ့ လုပ်ငန်းလမ်းစဉ် မူဝါဒများကိုချမှတ်ရခြင်းနဲ့ ချမှတ်ထားတဲ့မူဝါဒကို ဗဟိုအလုပ်အမှုဆောင်အဖွဲ့ရဲ့ လုပ်ငန်းအကောင်အထည်ဖော်ဆောင်မှုများ ပြီးမြောက်အောင်မြင်ခြင်းရှိမရှိ စောင့်ကြပ်ရသည့်တာဝန်တွေကို ပါတီညီလာခံမရှိခင် ကြားကာလမှာ တာဝန်ယူဆောင်ရွက်ရပါတယ်။ ပါတီညီလာခံက ရွေးချယ်တင်မြောက်ခြင်းခံရတဲ့ ဗဟိုဦးစီးအဖွဲ့ဝင်များအနေနဲ့ (ယနေ့ကာလ ပါတီညီလာခံမရှိခင်ကြားကာလမှာ အမြူတေပါတီဗဟိုဦးစီးအဖွဲ့ဝင်များအနေနဲ့) ၄င်းတို့ထဲကမှ သင့်တော်သော ခေါင်းဆောင်များ ကိုရွေးကောက်တင်မြှောက်ပြီး ဗဟိုအလုပ်အမှုဆောင်အဖွဲ့ကို ဖွဲ့စည်းပေးရခြင်းဟာလည်း ဗဟိုဦးစီးအဖွဲ့ရဲ့တာဝန်တခုပါ။ 
ဦးခင်မောင်ဆွေရဲ့ အပြောအရဆိုရင် ပါတီညီလာခံကိုယ်စား ပါတီရဲ့မူဝါဒရေးရာကို အဓိကတာဝန်ယူရတဲ့ ဗဟိုဦးစီးအဖွဲ့အစား ဗဟိုအလုပ်အမှုဆောင်အဖွဲ့ရဲ့ ချမှတ်ပေးတဲ့  မူဝါဒကိုအကောင်အထည်ဖော်ရမယ့် ဗဟိုဦးစီးအဖွဲ့ဆိုရင် အဖွဲ့ချုပ်ဖွဲ့စည်းပုံအရ ပြောင်းပြန်ဖြစ်နေပါပြီ။
အမျိုးသားဒီမိုကရေစီအဖွဲ့ချုပ် စတင်တည်ထောင်စဉ်ကရှိခဲ့တဲ့ အဖွဲ့ချုပ်ဖွဲ့စည်းပုံအရ မူဝါဒရေးရာ အထက်အောက်စီးဆင်းမှုကို ဥပမာပြရှင်းရလျှင် ၁၉၉၀ ရွေးကောက်ပွဲအပြီး ဂန္ဒီခန်းမကျေညာစာတမ်းနှင့်ပက်သက်ပြီး ဆွေးနွေးကြရာမှာ ဗဟိုအလုပ်အမှုဆောင်အဖွဲ့ဝင် ဦးချမ်းအေး တင်သွင်းတဲ့ (နအဖရဲ့ ၂၀၀၈ ဖွဲ့စည်းပုံပါ အစိုးရဝန်ကြီးနေရာခွဲဝေမှုနဲ့ ဘာမှမခြားတဲ့) အလျော့ပေး စေ့စပ်ရေးမူဟာ ဗဟိုအလုပ်အမှုဆောင်အဖွဲ့ရဲ့ မူဝါဒအဖြစ် မဲခွဲအတည်ပြုခဲ့ကြပေမယ့် ဗဟိုအလုပ်အမှုဆောင်အဖွဲ့က ဒီမူဝါဒကို ဗဟိုဦးစီးအဖွဲ့အစည်းအဝေးမှာ တင်သွင်းမဲခွဲခဲ့တဲ့ အခါ ဗဟိုဦးစီးအဖွဲ့ကလက်မခံဘဲပယ်ချခဲ့တာတွေ့ရမှာပါ။ 
အခု အဖွဲ့ချုပ်ရဲ့ပြောခွင့်ရပုဂ္ဂိုလ် ဦးခင်မောင်ဆွေရှင်းပြတဲ့ အတိုင်းဆိုရင် ဗဟိုအလုပ်အမှုဆောင်အဖွဲ့ရဲ့အထက်မှာ ဘယ်သူမှမရှိ ဆိုတဲ့အနေကိုရောက်နေပါတယ်။  ဒါဟာ ၁၉၉၁ ခုနှစ်ကစပြီးရှိနေခဲ့တဲ့ အဖွဲ့ချုပ်ဖွဲ့စည်း ပုံစံနဲ့ ဘာမှမခြားသလို ဒီလိုဗဟိုချုပ်ကိုင် မှုပုံစံနဲ့ ဘာမှထူးခြားတဲ့အောင်မြင်မှု လောက်လောက်လားလား ရရှိလာစရာမရှိဘူးဆိုတာ ဖြတ်သန်း လာခဲ့တဲ့ သမိုင်းကလည်း အထင်အရှားပြပြီးသားပါ။  အဝိုင်းပတ်ပြေးတဲ့ ပြေးပွဲတခုလိုမျိုး လိုရာမရောက်တဲ့ ပြောင်းလဲမှုဆိုတာ  ပြုပြင်ပြောင်းလဲမှု မမည်ပါဘူး။ 
အောက်ခြေအဖွဲ့ဝင်များရဲ့ ဗဟိုဦးစီးအဖွဲ့ ပြန်လည်ဖွဲ့စည်းရေး တိုက်တွန်းတောင်းဆိုချက်များဟာ ဒီလို ဗောင်းတော်ညိမ့် ခိုင်းတာလုပ်မယ့် အဖွဲ့မျိုးမဟုတ်ဘဲ အမျိုးသားဒီမိုကရေစီအဖွဲ့ချုပ်ရဲ့ မူဝါဒတွေကို မှန်မှန်ကန်ကန် ဦးဆောင်နိုင်မယ့်အဖွဲ့မျိုးပါ။
ဗဟိုလုပ်ငန်းအဖွဲ့တွေနဲ့ပက်သက်ရင်လည်း အမှန်တကယ်က ဗဟိုဦးစီးအဖွဲ့ရဲ့ အထက်က အဖွဲ့အစည်းမဟုတ်ဘဲ ဗဟိုအလုပ်အမှုဆောင်အဖွဲ့အတွက် လုပ်ငန်းအထောက်အကူပြုအဖွဲ့များသာဖြစ်ခဲ့တာပါ။  ဦးခင်မောင်ဆွေ ရှင်းလင်းပြခဲ့တဲ့အတိုင်းဆိုရင် ယခုဖွဲ့စည်းမှုက နိုင်ငံရေး ပါတီတခုရဲ့ ဖွဲ့စည်းပုံနဲ့မတူဘဲ ဝန်ထမ်းရုံးဌာနတခုရဲ့ အထက်အောက်စီးဆင်းမှု ပုံသဏ္ဍာန်ဖြစ်နေပါတယ်။ ဒီတော့ကာ အမျိုးသားဒီမိုကရေစီ အဖွဲ့ချုပ်ရဲ့ဖွဲ့စည်းပုံ အပြောင်းအလဲရှိ မရှိဆိုတာ အမျိုးသားဒီမိုကရေစီအဖွဲ့ချုပ် အဖွဲ့ဝင်များအတွက် မေးစရာကိစ္စတရပ် ဖြစ်လို့လာနေပါပြီ။
နောက်ပြီး ဗဟိုဦးစီးအစည်းအဝေးခေါ်ယူရေးကာလသတ်မှတ်ချက်မှာလည်း အဖွဲ့ချုပ်ရဲ့ပြောခွင့်ရပုဂ္ဂိုလ် ဦးခင်မောင်ဆွေ အဆိုအရ “အခါ အားလျှော်စွာ ဒီဗဟိုဦးစီးတွေရဲ့ တိုင်းနဲ့ပြည်နယ်၊ မြို့နယ်တွေမှာဖြစ်နေတဲ့ နိုင်ငံရေး၊ စီးပွားရေး၊ လူမှုရေးရှေ့အလားအလာတွေကို အဲ ဗဟိုဦးစီးအဖွဲ့ တွေ့ဆုံပွဲတွေလည်း ကျွန်တော်တို့ အခါအားလျှော်စွာ ရှေ့ဆိုရင်တော့ကျင်းပသွားဖို့ရှိပါတယ်” ဆိုတော့ကာ ဒီဗဟိုဦးစီးအဖွဲ့ရဲ့ အစည်းအဝေးတွေကို ဘယ်သူကခေါ်ယူခွင့်ရှိတာလည်း၊ ဘယ်လိုခေါ်ယူမှာလည်းဆိုတာလည်း စိတ်ဝင်စားစရာပါ။
အမျိုးသားဒီမိုကရေစီအဖွဲ့ချုပ် စတင်တည်ထောင်စဉ်ကထားခဲ့တဲ့ ရည်ရွယ်ချက်၊ ရပ်တည်ချက်၊ မူဝါဒသဘောထားများ မပျောက်မပျက်ဘဲ၊ ရွှေဂုံတိုင်ကြေညာချက်ကို မှန်မှန်ကန်ကန်အကောင်အထည်ဖော်ပြီး၊ စစ်မှန်တဲ့ ဒီမိုကရေစီနိုင်ငံတော်သစ်ကြီး ဆီအရောက်သွားဖို့ ယခုဗဟို အလုပ်အမှုဆောင်ခေါင်းဆောင်များနှင့် လာလတံသော ဗဟိုဦးစီးခေါင်းဆောင်များက ဦးဆောင်လျှောက်လှမ်းနိုင်ကြမှ ၁၉၉၀ ရွေးကောက်ပွဲ မှာ ပြည်သူက မဲပေးပြီးရွေးချယ်ထားရကျိုးနပ်မှာပါ။ 
ပါတီအပေါ်သစ္စာရှိမှုနဲ့ ပြည်သူအပေါ်သစ္စာရှိမှု ထပ်တူကျဖို့အရေးက အမျိုးသားဒီမိုကရေစီအဖွဲ့ချုပ်ရဲ့ အရေးကိစ္စဖြစ်ပါတယ်။  အမျိုးသားဒီမိုကရေစီအဖွဲ့ချုပ် အဖွဲ့ဝင်များအားလုံး စဉ်းစာကြဖို့ပါ။     ။ 

Burmese workers in private sectors expecting salary raise like the government employees

ပုဂ္ဂလိက လုပ်ငန်းမှ ၀န်ထမ်းများလည်း လစာတိုးမြင့်ရန် မျှော်လင့်နေကြ
မိုးမခ အထောက်တော်၊ ရန်ကုန်
ဇန်န၀ါရီ ၃၀၊ ၂၀၁၀
ယခု လကုန် ၃၁ ရက်နေ့တွင် အစိုးရ၀န်ထမ်းများအား ပေါကြွယ်စရိတ် ကျပ် ၂ သောင်းထပ်ဆောင်းပေးမည့် အစီအစဉ်ကြောင့် ပုဂ္ဂလိက ကဏ္ဍမှ လခစား ၀န်ထမ်းများလည်း လစာတိုးမြှင့်ရန် မျှော်လင့်လာကြသည်ဟု ကုမ္ပဏီဝန်ထမ်းများက ပြောဆိုသည်။
အစိုးရ၏ အောက်ခြေ၀န်ထမ်းမှ အစ ညွန်ချုပ်၊ ဦးဆောင်ညွှန်ကြားရေးမှူး အဆင့်ထိ တဦးလျင် ကျပ် ၂ သောင်း ထပ်ဆောင်းပေးမည့် လုပ်ဆောင်ချက်ကြောင့် ငွေကြေးဖောင်းပွလာမည့် အရေးကို စိုးရိမ်ပူပန်ပြီး ပုဂ္ဂလိက ကဏ္ဍတွင် လုပ်ကိုင်နေကြသည့် ၀န်ထမ်းများ အနေဖြင့်လည်း လစာတိုးတက်ရရှိရန် မျှော်လင့်လျက် ရှိကြသည်။
အစိုးရ၀န်ထမ်းများ ပေါကြွယ်စရိတ် ထပ်ဆောင်းပေးမည့် သတင်းထွက်ပေါ်ပြီး နောက် လွန်ခဲ့သည့် သီတင်းပတ် ၂ပတ်ဝန်းကျင်က အသားငါး၊ ကြက်သွန်၊ ဆန်အစရှိသည့် နေ့စဉ်စားသောက်ကုန်များ ၅ရာခိုင်နှုန်းမှ ၁၀ ရာခိုင်နှုန်းဝန်းကျင် အထိရုတ်တရက် မြင့်တက်သွားခဲ့ပြီး တပတ်ကျော်အကြာတွင် အနည်းငယ် ပြန်လည်ကျဆင်းခဲ့သည်။
သို့သော်ထိုအဖြစ်အပျက်သည် လစာ အပိုဆောင်းတိုးပေးမည့် နောက်တွင် ကုန်ပစ္စည်းဈေးနှုန်းများ မြင့်တက်လာမည့် အရေးကို သတိပေးလိုက်သကဲ့သို့ ဖြစ်ပြီး ပုဂ္ဂလိက ကဏ္ဍမှ လခစား ၀န်ထမ်းများ အနေဖြင့်လည်း ထိုသို့မြင့်တက်လာနိုင်သည့် ကုန်ကျစရိတ်ကို ကာမိစေရန် လစာတိုးဖို့မျှော်လင့် လျက်ရှိကြခြင်းဖြစ်သည်။
ရန်ကုန်မြို့ ခရီးသွားလုပ်ငန်း ကုမ္ပဏီ တခုမှ လခစားဝန်ထမ်း တဦးက``အစိုးရ၀န်ထမ်းတွေ အပိုဆောင်း စရိတ်ရတယ် ဆိုတာကြားရတော့ ၀မ်းသာပါတယ်။ ကျွန်တော်တို့ အနေနဲ့လည်း ကုမ္ပဏီကို ပြောဖို့ရှိပါတယ်။ လမ်းစရိတ်၊ စားသောက်စရိတ်မြင့်လာရင် လခက သုံးလို့မလောက်ဖြစ်လာမှာကို စိုးတာပါ။ ငွေဖောင်းပွလာမယ်လို့ ထင်တယ်။ ကုမ္ပဏီဘက်ကလည်း ပြင်ဆင်နေတယ်လို့ ကြားတာပါပဲ´´ဟု ပြောဆိုသည်။
အခြား ပုဂ္ဂလိက လခစား ၀န်ထမ်း တဦးကမူ ``ကျွန်မတို့ အလုပ်ရှင်ကတော့ အဲဒီကိစ္စကို မသိသလိုနေတယ်။ စကားမစပ်ဘူး။ ကျွန်မတို့ကတော့ ကုန်ဈေးနှုန်း တက်မယ့်အရေးကြောင့် လစာတိုးဖို့ မျှော်လင့်ပါတယ်´´ဟုပြောဆိုသည်။ လမ်းဘေးဈေးသည် တဦးကလည်း ``လစာအပိုဆောင်းပေးတာကြောင့် ငွေဖောင်းပွပြီး ကုန်ဈေးနှုန်းတွေ တက်လာမှာ စိုးတယ်။ ငွေအသုံးမခံတော့မှာကို စိုးတယ်´´ဟုပြောဆိုသည်။
ယခုလို အစိုးရ၀န်ထမ်းများအား ပေါကြွယ်စရိတ်ပေးမည့် သတင်းမထွက်ပေါ်မီ  ပြီးခဲ့သည့် လများအတွင်းက လှိုင်သာယာရှိ စက်ရုံအလုပ်ရုံ အချို့တွင် လုပ်သားများ လစာတိုးတောင်းသည့် ဆန္ဒပြမှုများ ဖြစ်ပေါ်ခဲ့သည်။ ကုန်ဈေးနှုန်း တဖြည်းဖြည်း မြင့်တက်လာမှုကြောင့် နေ့စား၊ နာရီစား စက်ရုံဝန်ထမ်းများ အနေဖြင့် မလောက်ငှ၍ အလုပ်ရုံပိုင်ရှင်များအား ဆန္ဒပြခဲ့ကြခြင်း ဖြစ်သည်။
ရန်ကုန်မြို့တွင် ပုဂ္ဂလိက လခစားဝန်ထမ်းတဦး၏ အနိမ့်ဆုံးလစာမှာ တလလျင် ကျပ် ၃ သောင်းဝန်းကျင်သာ ရှိပြီး ယခုပေါကြွယ်စာရိတ် ပေးပြီးသည့်နောက် အနိမ့်ဆုံး နေ့စားအစိုးရ၀န်ထမ်း တဦး၏ လုပ်ခမှာ တရက်လျင် ကျပ် ၁၅၀၀ ဖြစ်သည့်အတွက် ပုဂ္ဂလိကကဏ္ဍထက် ပိုမိုမြင့်နေသည်ကို တွေ့ရှိရသည်။ ၀န်ထမ်း ဦးရေ ခန့်မှန်းခြေ ၇ သိန်း ကျော်နှင့် လက်နက်ကိုင် စစ်တပ် အင်အား ၄ သိန်းကျော်ရှိသည့် မြန်မာနိုင်ငံတွင် တဦးလျင် ကျပ်၂သောင်းထပ်ဆောင်း ပေးသည့်အတွက် ငွေကြေးလည်ပတ်မှုထဲသို့  လစဉ် ကျပ် သန်းပေါင်း ၂သောင်းကျော် စီးဝင်လာမည့် အတွက် လူအများက ငွေဖောင်းပွလာမည်ကို စိုးရိမ်ကြခြင်း ဖြစ်သည်။ နအဖ အစိုးရအနေဖြင့် ငွေကြေးလည်ပတ်မှု ပမာဏမည်မျှရှိသည် အစရှိသည့်ကိန်းဂဏန်းများကို တရားဝင် ထုတ်ပြန်ကြေငြာခြင်းမရှိသည်မှာ နှစ်အတန်ကြာကတည်းက ဖြစ်သည်။
ဓါတ်ပုံ - အင်းစိန်မြို့နယ်ရှိ ဈေးတဈေးအတွင်း ဈေးဝယ်နေသူတဦး

Moe Sel Nay - The open hearted bird - poem

ရင်ဖွင့်ငှက်တကောင်
မိုးစဲနေ
ဇန်န၀ါရီ ၃၀၊ ၂၀၁၀
အဆုံးအစ မရှိတဲ့ ကျောပြင်ကြီးပေါ်
ကမ္ဘာကျော် ပြောင်းရွှေ့မှု့များထဲ
မင်းနဲ့ငါ ချစ်ခဲ့
ငါ့ရဲ့ ၀ှက်ဖဲလေး
ငါ့အဖြစ်သနစ်က မင်းဖြစ်သွားပြီး
မင်း စိုးရွံမှုတွေရဲ့ နားခိုရာ ငါ့ရင်ပါ
အရင်းနှီးဆုံးအနမ်းတွေ ဆောင်းမလာခင်ကြွေရမလား
ဒုက္ခကို ဒုက္ခနဲ့ပေါင်းခဲ့တဲ့ ငါ့ချမ်းမြေ့မှုလေးရယ်
မင်းပျံ မလာနိူင်တဲ့အခါ ငါပျံလာခဲ့မယ်။ ။

Revolution participants - 15

အရေးတော်ပုံ ရင်ခုန်သူများ အမှတ် ၁၅
အောင်ဝေး
ဇန်နဝါရီ ၃၀၊ ၂ဝ၁ဝ

အခုတစ်လော မြန်မာနိုင်ငံ အကျဉ်းထောင် အသီးသီးထဲက ပြန်လွတ်လာတဲ့ နိုင်ငံရေးအကျဉ်းသားတွေထဲမှာ ကျွန်တောာ်တို့ရဲ့ ရဲဘော်ကြီး ကဗျာဆရာ မုံရွာအောင်ရှင်လည်း အင်းစိန်ထောင်ကနေ ပြန်ထွက်လာပါတယ်။ ဆရာမုံရွာအောင်ရှင်ကို စစ်အစိုးရက ၂၀၀၀ ပြည့်နှစ်မှာ ပုံနှိပ်အက်ဥပဒေတွေနဲ့ ထောင်ဒဏ် ၂၁ နှစ် ချခဲ့တာပါ။

ကျွန်တောာ်တို့ တိုင်းပြည်မှာ စာပေအနုပညာ လွတ်လပ်ခွင့်ဟာ ဘယ်တုန်းကမှ မရှိခဲ့တာပါ။ ဘယ်ရှိပါ့မလဲ။ ကျွန်တော်တို့ဟာ ဒီမိုကရေစီနဲ့ လူ့အခွင့်အရေးတွေ နှစ်ပေါင်းများစွာ အကြမ်းဖက် ချိုးဖောက်ခံနေရတဲ့ တိုင်းပြည်ပဲ။

အခုလို ပြန်လွတ်လာတဲ့ သူတွေထဲမှာ ၁၉၈၈ တုန်းက ဒီမိုကရေစီ အရေးအခင်းကို မှတ်တမ်းတင် ဗီဒီယို ရိုက်ကူးခဲ့တဲ့ တောင်ဥက္ကလာက လောကနတ် ဦးဝင်းမြင့်လည်း ထောင်သက် ၂၁ နှစ်နဲ့ ပြန်လည် လွတ်မြောက်လာပါတယ်။ ရှစ်လေးလုံး အရေးတော်ပုံကို အနုပညာနဲ့ မှတ်တမ်းတင်ခဲ့လို့ စစ်အစိုးရက ဦးဝင်းမြင့်ကို သေဒဏ် အမိန့် ချမှတ်ခဲ့တာပါ။

စာပေမှာ လွတ်လပ်ခွင့် မရှိဘူး။ ရုပ်ရှင်၊ ဂီတ၊ ဇာတ်သဘင် ဘယ်နေရာမှာမှ လွတ်လပ်ခွင့် မရှိတဲ့ တိုင်းပြည်ဟာ ကျနော်တို့ တိုင်းပြည်ပါ။ အဲဒီလို လွတ်လပ်ခွင့် မရှိတဲ့ တိုင်းပြည်မှာ လွတ်လပ်ခွင့်ရဖို့ ကျောင်းသားတွေ၊ ပြည်သူတွေဟာ စစ်အစိုးရ အဆက်ဆက် တောင်းဆို တိုက်ပွဲဝင်ခဲ့ကြတာပါ။

စစ်အစိုးရဟာ သူ့ရဲ့ ၀ါဒဖြန့် မုသာဝါဒ ပေါ်လစီ ယန္တရားတွေ အဖြစ်နဲ့ သတင်းစာ၊ ရေဒီယို နဲ့ ရုပ်မြင်သံကြားတွေကို တစ်ဖက်သတ် တွင်တွင်ကျယ်ကျယ် အသုံးချနေပါတယ်။ တစ်ဖက်က ပြည်သူလူထုရဲ့ လွတ်လပ်စွာ ပြောဆို ရေးသား ထုတ်ဝေခွင့်ကိုတော့ အပြတ်အသတ် ဖိနှိပ် ပိတ်ပင်ထားတာပါပဲ။

စစ်အစိုးရက ပိတ်ပင်ထား၊ ဖိနှိပ်ထားတဲ့ ကြားကပဲ မရ ရတဲ့နည်းနဲ့ တိုက်ပွဲဝင် ကျောင်းသား လူငယ်တွေဟာ စစ်အာဏာရှင် ဖြုတ်ချရေး၊ အစိုးရ ဆန့်ကျင်ရေး၊ လှုံ့ဆော် စာရွက်စာတမ်း စာစောင်တွေကို သက်စွန့်ဆံဖျား လျှို့ဝှက် ထုတ်လုပ် ဖြန့်ဝေခဲကြပါတယ်။ ကျောင်းသား လူငယ်တွေဟာ ဘ၀နဲ့ ရင်းပြီး ဒီအလုပ်ကို လုပ်ကြရတာပါ။ တချို့ အဖမ်းခံရပြီး အစိုးရ အကျဉ်းထောင်ထဲမှာ စစ်အုပ်စုရဲ့ နှိပ်စက် ညှဉ်းပန်းမှုကို အလူးအလဲ ခံခဲ့ကြရပါတယ်။

မကြာသေးခင်က ကော့သောင်းမြို့ အကျဉ်းထောင်ကနေ ပြန်လွတ်လာတဲ့ ရန်ကုန်တိုင်း မရမ်းကုန်းမြို့နယ်က လူငယ်တစ်ဦးဖြစ်တဲ့ ကိုထွန်းမင်းအောင် ဆိုရင် ၂၀၀၇ စက်တင်ဘာ ရွှေဝါရောင် တော်လှန်ရေးတုန်းက အစိုးရ ဆန့်ကျင်ရေး စာရွက်စာတမ်း ဖြန့်ဝေမှုနဲ့ ထောင်ဒဏ် ၂ နှစ်ခွဲ ချမှတ်ခံခဲ့ရသူပါ။

မဆလ၊ န၀တ၊ နအဖ စစ်အာဏာရှင် ခေတ်အဆက်ဆက် အစိုးရ ဆန့်ကျင်ရေး လျှို့ဝှက်စာရွက်စာတမ်း ဖြန့်တာတွေ၊ လျှို့ဝှက်ကဗျာစာအုပ်ထုတ်တာတွေဟာ တော်လှန် တိုးတက်တဲ့ ကျောင်းသား လူငယ်တွေ ကြားမှာ ဘယ်တုန်းကမှ တိမ်ကောမသွားခဲ့ပါဘူး။

၁၉၇၄ အလုပ်သမား အရေးအခင်းနဲ့ ဦးသန့် အရေးအခင်း၊ ၁၉၇၅ ရွှေတိဂုံ အထွေထွေ သပိတ် ကာလတွေမှာ ရန်ကုန်တက္ကသိုလ်မှာ ‘အင်ကြင်း’ လို့ အမည်ရှိတဲ့ အစိုးရဆန့်ကျင်ရေး စာစောင်တစ်ခု လျှို့ဝှက် ပေါ်ထွက်ခဲ့ပါတယ်။ ကွယ်လွန်သူ ကဗျာဆရာ ကျော်ဝင်းမောင် (ရန်ကုန်တက္ကသိုလ်) တို့ရဲ့ အနုပညာ လက်ရာပါ။ အဲဒီအချိန်က ရန်ကုန်တက္ကသိုလ် နှစ်လည်မဂ္ဂဇင်း မျက်နှာဖုံးကို စစ်အစိုးက ပိတ်ပင် တားဆီး အရေးယူခဲ့ဖူးပါတယ်။

၁၉၇၆ မှိုင်းရာပြည့် ၀န်းကျင် တစ်ဝိုက်ဟာ ‘တပေါင်း’၊ ‘ရေပူစီးကြောင်း’၊ ‘အရှေ့လေ’ ဆိုတဲ့ အစိုးရ ဆန့်ကျင်ရေး မြေအောက် ကဗျာစာအုပ်တွေ ဆက်တိုက် ထွက်ပေါ်လာတဲ့ အချိန်ပါ။ မှိုင်းရာပြည့် အလွန်မှာလည်း ‘မီးမောင်း’ ဆိုပြီး အစိုးရဆန့်ကျင်ရေး စာစောင် ဖြန့်ဝေတဲ့ လှုပ်ရှားမှု ပေါ်ပေါက်ခဲ့ပါသေးတယ်။

အဲဒီလို အန္တရာယ်များလှတဲ့ စာစောင် ထုတ်ဝေမှုနဲ့ အဖမ်းခံရပြီး ထောင်ထဲရောက်သွားကြတဲ့ အခါမှာလည်း ကျောင်းသား လူငယ်တွေဟာ အကျဉ်းထောင်ထဲမှာ ထောင်အာဏာပိုင်တွေ မသိအောင် လျှို့ဝှက်ပြီး အစိုးရဆန့်ကျင်ရေး စာစောင်တွေ၊ သတင်းလွှာတွေ ထုတ်ခဲ့ကြတဲ့ သမိုင်းဟာ အခိုင်အမာ ရှိပါတယ်။

မနေ့တနေ့က ပြန်လွတ်မြောက်လာတဲ့ နိုင်ငံရေး အကျဉ်းသမားတစ်ဦး (ကျွန်တော် အမည် မှတ်မထားလိုက်မိတာကို ခွင့်လွှတ်ပါ) သူဆိုရင် ထောင်ထဲမှာ မဂ္ဂဇင်း ထုတ်လို့ နောက်မှုတိုး၊ ထောင်ထပ်ကျပြီး နှစ်တွေ အများကြီး ပိုနေရခဲ့ရတယ်လို့ ဆိုပါတယ်။

မဆလခေတ်အလွန် န၀တခေတ်ဦး အင်းစိန် အကျဉ်းထောင်ထဲမှာ နိုင်ငံရေး အကျဉ်းသားတွေ လျှို့ဝှက်ထုတ်ဝေခဲ့ပြီး ဒီကနေ့အထိ လက်ဆင့်ကမ်း ထိန်းသိမ်းထားတဲ့ အဆင့်မြင့် လက်ရေးစာစောင်တစ်ခုကို ကျွန်တော် လွတ်မြောက်နယ်မြေက AAPP နိုင်ငံရေးအကျဉ်းသားများ ကာကွယ်စောင့်ရှောက်ရေးအသင်းမှာ တွေ့ခဲ့ရပါတယ်။

ဆရာဦးဝင်းတင်တို့၊ ဆရာဇင်လင်းတို့၊ ဆရာမျိုးမြင့်ညိမ်းတို့လည်း အကျဉ်းထောင်ထဲမှာ ရတဲ့နည်းနဲ့ မဖြစ်မနေ သတင်းစာ ထုတ်ခဲ့ကြတာကို ကျွန်တော်တို့ လေးစား အသိအမှတ် ပြုကြရမှာပါ။

ကျွန်တော်တို့ ကိုယ်တွေ့အရ ၁၉၈၉ အာဇာနည်နေ့ အရေးအခင်း နောက်ပိုင်း ပုသိမ် အကျဉ်းထောင်ထဲမှာ NLD အဖွဲ့ဝင်တွေရယ်၊ လူ့ဘောင်သစ် ပါတီက လူငယ်တွေရယ်၊ ဗကသ ကျောင်းသားတွေရယ်၊ ဗကပ ၄၈၂၈ ယူဂျီတွေရယ် လေးတံခါး အတွင်းဘက် ကြိုးတိုက်နဲ့ သီးခြားတိုက်တွေမှာ နေကြရတော့ ကျနော်တို့တွေ ရတဲ့ စက္ကူ၊ ရတဲ့ ဘောပင်နဲ့ ‘အောင်ဆန်းဂျာနယ်’ ကို တစ်ဆောင်ကနေ တစ်ဆောင်၊ တစ်တိုက်ကနေ တစ်တိုက် လျှို့ဝှက် လက်ဆင့်ကမ်း ဖြန့်ဝေပေးခဲ့ကြတာပါ။

အောင်ဆန်းဂျာနယ် အမှတ်စဉ် ၃ အထိ အောင်အောင် မြင်မြင် လုပ်နိုင်ခဲ့ပေမဲ့ ဂျာနယ် အမှတ်စဉ် ၄ ဖောင်ပိတ်နေတုန်းမှာပဲ ထောင်အာဏာပိုင်တွေနဲ့ စစ်ထောက်လှမ်းရေးတွေက မိသွားပြီး တာဝန်ခံလုပ်တဲ့ ကျွန်တော် လက်ပါးတိုက်မှာ အနူတွေကြား တိုက်ပိတ်ခံခဲ့ရပါတယ်။

၁၉၉၀ ကျွန်တော် ထောင်က ပြန်လွတ်လာတော့ ရွှေဂုံတိုင် NLD ဌာနချုပ်မှာ မမျှော်လင့်ဘဲ အဲဒီ အောင်ဆန်းဂျာနယ်တွေထဲက အမှတ်စဉ် ၁ ကို အမှတ်တရ သိမ်းဆည်း ပြသထားတာ တွေ့ခဲ့ရပါသေးတယ်။

ထောင်အုတ်ရိုး အပြင်ဘက်မှာ ဘာ စာပေ အနုပညာ လွတ်လပ်ခွင့်မှ မရှိပါဘူ.း။ ထောင်အုတ်ရိုး အတွင်းမှာတော့ ဆိုဖွယ်ရာ မရှိ၊ ပိုဆိုးပါတယ်။ အဲဒီ ဆိုးတဲ့ ကြားကပဲ ဘယ်ခေတ်မှာ ဖြစ်ဖြစ် ဘယ်အကျဉ်းထောင်မှာ ဖြစ်ဖြစ် ဦးမညွတ်တဲ့ နိုင်ငံရေး အကျဉ်းသားတွေရဲ့ အစိုးရ ဆန့်ကျင်ရေး လျှို့ဝှက် စာစောင်တွေကတော့ ထွက်ပေါ်နေဦးမှာပဲ မဟုတ်ပါလား။ ။

(၉-၂၈-၂၀၀၉)


[ မူရင်း - လွတ်လပ်တဲ့ အာရှအသံ / Radio Free Asia - www.rfa.org/burmese ]

Yar Ma Nya War so - on behalf of our brother

Kyae Thee
ကိုယ်စား
ရာမည၀ါဆို
ဇန်န၀ါရီ ၂၉၊ ၂၀၁၀
ကျွန်ုပ်ဗိုက်ရွှဲရွှဲနဲ့      အမှိုက်လှဲကာ
လူ့ပြည်အရေးအတွက်    ကုဋီဆေးကာ
ဖြေလည်း မဆုံပေမဲ့  
ပြည်(ပြေ) အတွက်ကျေနပ်လို့ငိုခဲ့။

တနေကုန် ရွှေရက်ကို  နေတတ်ခဲ့ကြတယ်
ဘုရားခန်း ... ဘုန်းတော်ကြီးကျောင်း ...
အမှိုက်လှဲ ကုဋီဆေးလို့ 
အဖွဲ့လိုက်ကလဲ ဆွမ်းကပ်   လွမ်း (လွန်း)
ရက်တရက်မှာ ... ပျော်စရာ။

လန်းဆန်းနေတဲ့ ငြိမ်သက်နေတဲ့
ပတ်ဝန်းကျင် ... အားလုံးက ....
ခင်ဗျားကို ဒီခဏပြန်လာပါလို့ ဖိတ်ခေါ်နေသလိုလို။

တံပြက်စည်း တချက်လှဲတိုင်း ပေါ့ပေါ့ပါးပါး
လုပ်သမျှ အကြောင်းရင်းခံကို သိနေတာမို့ လေ...
စားပွဲခုံကို မပြီး      ကိုယ်စီကိုယ်စီ တစိတ်ထားကာ
ဘုန်းကြီးများရှေ့ကိုချတယ်
လုပ်သမျအားလုံးကတော့ ဖြေးဖြေးလျှောလျှောာပါပဲ။

ဒါပေမဲ့ ...
ပီတိလား
သတိလား
အသိလား
သတ္တိလား
ဘာတွေလဲတော့ မသိဘူး
အဲဒီအချိန်မှာ ဆရာတော်ကြီးရဲ့ ပြောသံကိုကြားလိုက်ရတယ်
အာယု … ၀ဏ္ဏ … သုခံ … ဗလံ ... တဲ့
အစ်ကိုကိုယ်စား။

Than Soe Hlaing - Undercover Journalists and their media group's responsibility

လျှို့ဝှက်သတင်းထောက်နှင့် မီဒီယာဌာနများရဲ့တာဝန်
ပြည်တွင်းက သတင်းထောက်တွေ ဘာပြန်ပြောကြသလဲ
သန်းစိုးလှိုင်
ဇန်န၀ါရီ ၂၉၊ ၂၀၁၀
မြန်မာနိုင်ငံလို သတင်းလွတ်လပ်ခွင့် မရှိပဲ သတင်းမီဒီယာသမားတွေကို အတိုက်အခံနိုင်ငံရေး သမားတွေလို သဘောထားပြီး စောင့်ကြည့်နေတဲ့ နိုင်ငံမှာ `လျှို့ဝှက်သတင်းထောက်´(ယူဂျေ - undercover journalist) အဖြစ်နဲ့ ရပ်တည်ရလုပ်ကိုင်ရတာ မလွယ်လှပါဘူး။ ထောင်နှုတ်ခမ်းနင်း ပြီးလုပ်နေရတဲ့သဘောပဲ ဖြစ်နေပါတယ်။
အတိုက်ခံနိုင်ငံရေးသမားလို အပြစ်မရှိ အပြစ်ရှာဖမ်းတာ မဟုတ်ပေမယ့် တနေရာရာမှာ အစပေါ်သွားပြီဆိုရင်တော့ ချမ်းသာမပေးတော့ပဲ ထောင်နှစ်ရှည် ချခံရဖို့သေချာနေပါပြီ။ သတင်းမီဒီယာ သမားတွေ အနေနဲ့ အဲဒီလို ထောင်နှုတ်ခမ်းနင်းတဲ့ အလုပ်ကို ဘာကြောင့်လုပ်နေကြပါသလဲ။ မီဒီယာ ဆိုတာ ပြည်သူ့နားမျက်စေ့၊ ဖုံးကွယ်နေတဲ့ အဖြစ်အပျက်တွေ ဖိနှိပ်မှုတွေ ပေါ်ထွက်လာရင် ဖိနှိပ်မှု လျော့ပါးသွားမလား၊ စစ်အစိုးရအနေနဲ့ ဆင်ခြင်နောက်တွန့်သွားမလား ဆိုတဲ့ရည်ရွယ်ချက်နဲ့ စွန့်စားလုပ်နေကြတာပါ။
ဒါပေမယ့် လျှို့ဝှက် သတင်းထောက် တယောက်အနေနဲ့ ရှိသင့်ရှိထိုက်တဲ့ လုံခြုံရေးဆိုင်ရာ ဗဟုသုတ၊ စာနယ်ဇင်းဆိုင်ရာ ကျင့်ဝတ်၊ လုပ်ငန်းဆိုင်ရာ ကျွမ်းကျင်မှုတို့ကို စေခိုင်းကြတဲ့ သတင်းဌါနများက လေ့ကျင့်သင်ကြားပေးကြဖို့ တိုက်တွန်းလိုပါတယ်။
ယခုတလော ထွက်ပေါ်လာတဲ့ သတင်းတွေမှာ ဒီဗီဘီသတင်းထောက်တယောက်ကို ထောင်ဒဏ် အနှစ် ၂၀ကျော် ချမှတ်လိုက်တာ၊ နောက်ထပ်တယောက်ကို ၁၃နှစ် ချမှတ်လိုက်တာတွေဟာ ကြားရတဲ့သူတွေ အတွက် စိတ်မချမ်းသာစရာပါ။ သူတို့လွတ်မြောက်ရေး အတွက် နိုင်ငံတကာက ပိုမိုတောင်းဆိုဖို့ လိုအပ်တာမှန်ပေမယ့် အဲဒီလို အဖြစ်အပျက်တွေ ခဏခဏ မဖြစ်ဖို့သက်ဆိုင်ရာ သတင်းဌါနများ အနေနဲ့ ဂရုစိုက်ဆင်ခြင်ကြစေလိုပါတယ်။
ပြီးခဲ့တဲ့ သီတင်းနှစ်ပတ်ဝန်းကျင်က ဒီဗွီဘီ သတင်းဌါနမှ တာဝန်ရှိသူ
ဦးခင်မောင်ဝင်းနဲ့ ဗီအိုအေ မြန်မာပိုင်းအင်တာဗျူးကို နားဆင်ပြီးနောက် ပြည်တွင်းမှ သတင်းထောက် အချို့က သူတို့ရဲ့ အမြင်တွေကို ယခုလို ထုတ်ဖေါ်ထားကြပါတယ်။

ပြည်တွင်း မှ သတင်းထောက် တဦးမှ -
ပြင်ပမီဒီယာတွေရဲ့ကဏ္ဍဟာ ဒီနိုင်ငံအတွက် အင်မတန်မှ အရေးပါတယ်ဆိုတာ ဘယ်သူမှမငြင်းနိုင်ပါဘူး၊ ဒါကြောင့်မို့လဲ ဒီနိုင်ငံထဲမှာ အဖမ်းဆီးခံရမယ့်အန္တရာယ်က ကင်းအောင် သတိဝီရိယထားပြီး ပြင်ပမီဒီယာတွေအတွက် လုပ်ဆောင်နေကြတဲ့ ၀ါရင့်သတင်းသမားတွေ အများကြီးရှိပါတယ်။ ဒီလိုသတိဝီရိယထားခြင်းအားဖြင့် မိမိကိုယ်တိုင်ရဲ့လုံခြုံရေးအတွက်သာမကပဲ ပြင်ပမီဒီယာတွေကို မှီခိုအားထားကြတဲ့ ပြည်တွင်းကပရိသတ်တွေအတွက်ပါ အလုပ်အကျွေး ပြုရာကြတယ်ဆိုတဲ့ စိတ်တခုနဲ့လုပ်နေကြသူတွေအများကြီးပါ၊
ဒါပေမယ့် ဒီနေ့ခန့်လိုက်တာနဲ့ဒီနေ့သတင်းထောက်စဖြစ်တဲ့ လူတိုင်းမှာ ဒီလို သတိဝီရိယမျိုး ချက်ခြင်း ပါမလာနိုင်ပါဘူး၊ အတွေ့အကြုံ အလေ့အကျင့် ကွင်းဆင်းလုပ်ဆောင်မှုတွေတင်မကပဲ မွေးရာပါ အကင်းပါးဖျတ်လတ်မှုတွေရှိမှသာ ဒီလိုအန္တရာယ်စက်ကွင်းထဲကို ၀င်ဖို့အသင့်ဖြစ်ကြမှာပါ။
ဒီမိုကရက်တစ်မြန်မာအသံ (Democratic Voice of Burma) က တာဝန်ရှိပုဂ္ဂိုလ်ကိုယ်တိုင်ကိုယ်က ဖမ်းခံရမှာ သိသိကြီးနဲ့ သတင်းထောက်တွေ ခန့်ထားတယ် ဆိုတော့ စစ်မြေပြင်ထဲကို မောင်းသူမဲ့လေယာဉ်တွေ လွှတ်လိုက်တာနဲ့ တူမနေဘူးလား။ ဒီဗီဘီအနေနဲ့ သူတို့ရဲ့ ပြည်တွင်းသတင်းထောက်တွေကို မောင်းသူမဲ့လေယာဉ်တွေလို့ သဘောမထားဘဲ အသက်သွေးခဲနဲ့ လူသားတွေ၊ အထူးသဖြင့် လေ့ကျင့်သင်ကြားပေးဖို့ လိုနေသေးတဲ့ လူငယ်ခြေတက်ကလေးတွေလို သဘောထားပြီး အန္တရာယ်စက်ကွင်းထဲကို မ၀င်ခင် စခန်းသွင်းလေ့ကျင့်မှုမျိုးတွေ ကြိုတင်လုပ်ပေးသင့်တယ်လို့ ယူဆပါတယ်။
ဒါမှမဟုတ်ရင်တော့ ဒီဗီဘီက တာဝန်ရှိပုဂ္ဂိုလ်တွေကိုယ်တိုင် အန္တရာယ်စက်ကွင်းထဲကိုဝင်လာပြီး ဘယ်လို ဆောင်ရန် ရှောင်ရန်တွေ ရှိတယ်ဆိုတာကို လက်တွေ့ကျကျ လေ့လာနိုင်ရင် အကောင်းဆုံးဖြစ်လိမ့်မယ်လို့ ထင်ပါတယ်။

ဂျာနယ်သတင်းထောက် တယောက်ရဲ့အမြင်
အဖမ်းခံရမယ်ဆိုတာ ကြိုသိပေမယ့် ကာကွယ်မှုထက် အဖမ်းခံရပြီးမှ ကမ္ဘာသိအောင်ပဲ လုပ်နိုင်ပါတယ် ဆိုတဲ့စကားကတော့ ကိုယ့်လူကို ကိုယ် တာဝန်မယူနိုင်ဘူးဆိုတဲ့ သဘောပဲလို့ ယူဆပါတယ်။
နောက်ပြီး မီဒီယာဆေ့ဖ်တီးအတွက် ဘာမှကြိုတင်လုပ်ပေးမထားဘူးဆိုတာလည်း ထင်ရှားပါတယ်။ မဖြစ်သင့်မဖြစ်ထိုက်တဲ့ ထောင်ဒဏ်တွေကနေ အမြန်ဆုံးလွတ်လပ်လာအောင် ကြိုးစားမယ် ဆိုတော့ နိုင်ငံအဝေးကနေပြီး ဘယ်လိုများလုပ်ပေးမှာလဲဆိုတာ သိချင်ပါတယ်။
ဂျာနယ်လစ်ဇင်ကို သိပြီး တိကျခိုင်မာတဲ့ သတင်းတွေဖြစ်ဖို့နဲ့ လုံခြုံရေးယူတတ်ဖို့ဆိုတာ အချိန်ပေး သင်ယူမှရတယ် ဆိုတာရယ် ကိုယ့်ဌာနအတွက်လုပ်ပေးနေတဲ့ သတင်းသမားကို ဘယ်လိုအတတ်ပညာတွေ သင်ပေးထားသလဲ၊  ဘယ်လိုလုံခြုံမှုမျိုး ပေးထားသလဲ ဆိုတာ ပြန်စဉ်းစားစေချင်ပါတယ်။ ဗီဒီယိုကင်မရာခလုတ်ကို နှိပ်တတ်ရုံနဲ့ ဗီဂျေမဖြစ်နိုင်ဘူး ဆိုတာကို လည်းပြောပြချင်ပါတယ်။
လုံခြုံမှုဆိုတဲ့အထဲမှာ အရေးပေါ်လိုအပ်လာရင်သုံးဖို့ နည်းပညာအထောက်အကူနဲ့ အသုံးစရိတ်တွေလည်း ပါဝင်ပါတယ်။

ပြည်တွင်းမှ ဖရီးလန့်စ် သတင်းထောက်တဦး
အပြင်က ဒီလုပ်ငန်းကို ညွှန်ကြားသူတွေအနေနဲ့ အတွင်းကလုံခြုံရေး၊ သတိပြုရမယ့်အချက်တွေကို သိရှိအောင် ကြိုးစားသင့်ပြီး ကိုယ့်သတင်းထောက်တွေကို အမြဲတမ်း သတိပေး၊ အကြံပေးဖို့ တိုက်တွန်းပါတယ်။ Undercover အနေနဲ့ လုပ်နေတဲ့ သတင်းထောက်ဖြစ်တဲ့အတွက် သူတို့ဟာ လုံခြုံရေးအနေအထားအရ လုပ်ဖေါ်ကိုင်ဖက် တဦး နှစ်ဦး ၀န်းကျင်ကလွဲရင် အခြားသတင်းထောက်တွေနဲ့ ထိတွေ့ခွင့်ရှိမှာ မဟုတ်ပါဘူး။
အဲဒီအချက်က လုံခြုံရေးနဲ့ပတ်သက်ပြီး သူတို့အနေနဲ့ အခြားသူတွေရဲ့ အတွေ့အကြုံတွေကို ရရှိဖို့အခွင့်အလမ်း နည်းသွားပါတယ်။ ဒါကြောင့် မိခင်သတင်းဌာနအနေနဲ့ အဲဒီ အခြေအနေတွေကို အမြဲတမ်း ဖြည့်ဆည်းပေးဖို့ ပိုတာဝန်ရှိလာပါတယ်။
သတင်းထောက်တွေရဲ့ လုံခြုံရေးကို သူတို့ကိုယ်တိုင် တာဝန်ယူရတယ် ဆိုတာ လက်တွေ့အခြေအနေပါ။ ဒါပေမယ့် အဲလိုကိုယ့်လုံခြုံရေးကို မိမိဘာသာ စောင့်ထိန်းနိုင်အောင် လေ့ကျင့်သင်ကြားပေးရမှာက မိခင်သတင်းဌာန တာဝန်လို့မြင်ပါတယ်။ အကျအဆုံး အနည်းဆုံး ဖြစ်အောင် လုပ်သင့်တယ်လို့ မြင်ပါတယ်။ မကြာခဏ အဖမ်းခံရပြီး သူရဲကောင်းတွေ မွေးထုတ်တာမျိုးဆိုရင်တော့ သိပ်မသင့်တော်ဘူး လို့မြင်ပါတယ်။

ဖရီးလန့်စ် တဦး
“ကျနော်တို့သတင်းထောက်တွေ ဒါမျိုးအဖမ်းခံရမယ်ဆိုတာ ကျနော်ကတော့ ယူဆထားပြီးသားပါ။” လို့ဆိုရင် ဒီလိုအန္တရာယ်မျိုးကို အတတ်နိုင်ဆုံးရှောင်ရှားနိုင်အောင် ပါးစပ်ကနေ ကိုယ့်လုံခြုံရေးကို ကိုယ်သတိထားကြဆိုပြီး ၀တ်ကျေတမ်းကျေပြောနေရုံနဲ့ မလုံလောက်ပါဘူး။
အတွေ့အကြုံနုနယ်သေးတဲ့ သတင်းထောက်တွေအတွက် ဘယ်ဟာက သူတို့ကိုအန္တရာယ်ရှိစေနိုင်တယ်၊ အဲလိုအနေအထားမျိုးမှာ ဘယ်လိုအကာအကွယ်တွေယူပြီး လှုပ်ရှားသင့်တယ်ဆိုတာကို သိနိုင်ဖို့ဆိုတာ မလွယ်လှပါဘူး။
ပြည်ပသတင်းဌာနတွေနဲ့ ချိတ်ဆက်လုပ်နေကြတဲ့ အတွေ့အကြုံမရှိသေးတဲ့ သတင်းထောက်အတွက် သတင်းစာပညာကို စနစ်တကျ သင်တန်းပေးဖို့ လိုအပ်သလို သူတို့တတွေ ဘေးကင်းရေးအတွက်လည်း စနစ်တကျ သင်တန်းတွေပေးပြီးတော့မှ လုပ်ငန်းခွင်ထဲ ၀င်ခိုင်းဖို့ သင့်ပါတယ်။
နောက်ပြီး သတင်းထောက်တွေကို စီမံခန့်ခွဲနေရတဲ့သူတွေ ကိုယ်တိုင်ကလည်း သူတို့အောက်က သတင်းထောက်တွေကို ဘေးမဖြစ်စေဖို့ အစဉ်မပြတ်ဂရုစိုက်ပေးနေဖို့လိုအပ်ပါတယ်။
ကိုယ်နဲ့နှိုင်းစာပြီး သတင်းထောက်တွေရဲ့ အန္တရာယ်ကို ကာကွယ်ပေးဖို့သင့်ပါတယ်။ အဓိကပြောချင်တာက အဖမ်းခံရပြီးမှ နိုင်ငံတကာက သိသွားအောင် လုပ်နေတာထက်၊ အဖမ်းခံမထိအောင် အစကတည်းက ကြိုတင်ကာကွယ်မှုတွေ လုပ်ပေးဖို့လိုအပ်ပါတယ်။

မိုးမခမှာ ပါခဲ့တဲ့ စာနဲ့ အွန်လိ်ုင်းပေါ်က ဗွီအိုအေ အင်တာဗျုး အညွန်း

သင့် သတင်းထောက်ကို သင်ကိုယ်တိုင် ကာကွယ်ပါ
သန်းစိုးလှိုင်၊ ရန်ကုန်
ဇန်န၀ါရီ ၁၅၊ ၂၀၁၀

အန္တရာယ်ကြားက ပြည်တွင်းသတင်းထောက်များကို ကာကွယ်ကူညီပေးဖို့
သန်းလွင်ထွန်း (VOA) ၏ ခင်မောင်ဝင်း (DVB) သို့ အင်တာဗျူး
ဇန်န၀ါရီ ၁၇၊ ၂၀၁၀

(ဓာတ်ပုံ - ၂၀၀၉ ခုနှစ်၊ အင်းစိန်ထောင်ရှေ့၊ အကျဉ်းသားများ လွှတ်မည်ဆို၍ စောင့်ဆိုင်းနေသော မြန်မာပြည်တွင်းက သတင်းထောက်နှင့် စာနယ်ဇင်းသမားများ၊ File Picture – MoeMaKa)

Zaw Aung (Washington DC) - Losing Zinn

သမိုင်းမှန်ရေးသူတယောက် ဆုံးရှုံးခြင်း
ဇော်အောင် (၀ါရှင်တန်ဒီစီ)
ဇန်န၀ါရီ ၂၉၊ ၂၀၁၀
လူပုဂ္ဂိုလ်တဦးတယောက်၊ အဖွဲ့အစည်းတခု၊ နိုင်ငံတနိုင်ငံအကြောင်းကို သမိုင်းများမှ ကျနော်တို့ လေ့လာသိရှိနိုင်ကြတယ် မဟုတ်လား? အထူးသဖြင့် ကျောင်းသမိုင်းစာအုပ်များ နဲ့ ထိန်းချုပ် သတင်းမီဒီယာများမှာ ဖတ်ကြားသိရတဲ့ နိုင်ငံသမိုင်းတွေကတော့ အနိုင်ရသူ၊ အာဏာပိုင်ဆိုင်သူတွေက သူတို့အကြိုက် ကောင်းတာတွေ ပုံကြီးချဲ့ ရေးပြီး သမိုင်းအမှန်ကို ကွယ်ဝှက်ထားကြတာ များပါတယ်။ အစစအရာရာ ဖိနှိပ်ချုပ်ချယ် တားမြစ်ခြင်း ခံနေရတဲ့ ကျနော်တို့ နိုင်ငံမှာတော့ သမိုင်းအမှန် ရေးဖို့ကြိုးစားသူများရှိခဲ့ ရှိနေပေမယ့် ယနေ့အထိတော့ အုပ်စိုးအာဏာရှင်တို့က မိမိတို့သမိုင်းကလွဲလို့ တခြားသမိုင်းမှန် ဖြစ်ရပ်များကို ရေးသားခွင့်၊ ပြည်သူများ ဖတ်ခွင့် ထိန်းချုပ်ထားဆဲ။
တိုးတက်လွတ်လပ်တဲ့ အမေရိကန်ပြည်ထောင်စုမှာလည်း စာပေလွတ်လပ်ခွင့်ရှိလို့ သမိုင်းအမှန်ရေးသူများရှိနေပေမယ့် သူတို့ကို လူသိနည်း၊ အဓိက မီဒီယာသတင်းဌာနများ (CNN, NBC, CBS, ABC) မှာ ဖော်ပြခြင်း၊ ဆွေးနွေးမေးမြန်းခြင်းများ မရှိသလောက် ရှိနေသေးတာကို တွေ့ရတယ်။ ဒါပေမဲ့ သူတို့ ရေးသားတဲ့ စာများ၊ ပြောဆိုချက်များကိုတော့ လွတ်လွတ်လပ်လပ် ဖတ်ရှု့ လေ့လာနိုင်လို့ သူတို့ရဲ့  စာများကို ကျနော်တို့ လေ့လာမှတ်သားနိုင်တယ်။ နိုင်ငံရေးသမိုင်း စိတ်ဝင်စားတဲ့ ကျနော်တို့ မြန်မာနိုင်ငံသားများ၊ အထူးသဖြင့် အမေရိကန်ရောက်နေသူများ၊ အမေရိကန်သမိုင်း၊ နိုင်ငံရေး စိတ်ဝင်စားသူများအနေနဲ့ အမေရိကန်သမိုင်းကို အာဏာရအစိုးရ အုပ်ချုပ်သူများ အကြိုက်၊ အနိုင်ရသူများဘက်က မရေးဘဲ ပြည်သူ့ရှုထောင့်၊ ဖိနှိပ်ခံရသူများဘက်ကနေ  မခြွင်းမချန် သမိုင်းအမှန်ရေးတဲ့ ပါမောက္ခ ဟာဝက်ဇင် (Howard Zinn) ရေးသားခဲ့တဲ့ သမိုင်းမှတ်တမ်း စာအုပ်၊ ဆောင်းပါးများကို ဖတ်ရှု့ လေ့လာကြည့်ဖို့ တိုက်တွန်းပါတယ်။
ကျနော်ကိုယ်တိုင်လည်း ၁၉၉၆ ခုနှစ် အင်ဒီးယားနားတက္ကသိုလ်မှာ ကျောင်းတက်နေစဉ်ကာလ ဆရာတယောက် မိတ်ဆက်ပေးမှုကြောင့် ပါမောက္ခ ဟာဝက်ဇင် ရေးသားတဲ့ စာတချို့ ကို ဖတ်ရပြီး သူ့အကြောင်းကို သိခဲ့၊ သူရေးတဲ့စာများကို နှစ်ခြိုက်ခဲ့တယ်။ လူဘ၀ သက်တမ်းအရ ပါမောက္ခ ဟာဝက်ဇင် အသက်ရှည်စွာ (၈၇) နှစ် အကျိုးရှိရှိ နေထိုင်သွားခဲ့ပေမယ့် ကျနော်အနေနဲ့ သူကို ဒီထက်မက အသက်ရှည် နေစေချင်ပြီး ပြည်သူလူထု သိသင့်တဲ့ သမိုင်းအမှန် ဖြစ်ရပ်မှန်များကို ဆက်လျှက်ရေးသား စေချင်ပါတယ်။ ပါမောက္ခ ဟာဝက်ဇင် ဟာ ကမ္ဘာပေါ်မှာ ရှားရှားပါးပါး အလွန်လေးစားဖို့ကောင်းတဲ့ သမိုင်းကို နိုင်သူချီးမွမ်းခန်းဖွင့် မရေးဘဲ ဖိနှိပ်ခံပြည်သူများကိုယ်စား အဖြစ်မှန်၊ အမှန်အတိုင်း ရေးသူ သမိုင်းသုတေသီ တဦးဖြစ်ပါတယ်။
ပါမောက္ခ ဟာဝက်ဇင် ကို ၁၉၂၂ ခုနှစ် သြဂုတ်လ (၂၄) ရက်နေ့မှာ နယူးရော့ခ် (New York) ပြည်နယ်၊ ဘရွတ်ကလင် (Brooklyn) မြို့ မှာ ဆင်းရဲတဲ့ စက်ရုံအလုပ်သမား ဂျူးမိဘနှစ်ပါးမှ မွေးဖွားခဲ့ပါတယ်။ ဆင်းရဲတဲ့ အလုပ်သမား အောက်ခြေလူတန်းစားဘ၀ကို ငယ်စဉ်ကတည်းက တွေ့မြင်ခဲ့ရလို၊ ကိုယ်တိုင်လည်း သင်္ဘောကျင်းအလုပ်သမားအဖြစ် လုပ်ကိုင်ခဲ့တာကြောင့် အခြေခံလူတန်းစားများဘ၀၊ အရင်းရှင်စနစ် မတရားမှုများ နဲ့ အုပ်ချုပ်အစိုးရများရဲ့  တရားဥပဒေမဲ့ လုပ်ကိုင်မှုများကို အခြေခံ အလုပ်သမားလူတန်းစား၊ ကျောင်းသားများနဲ့ လက်တွဲတိုက်ပွဲဝင်ခဲ့သူတဦး ဖြစ်လာခဲ့တယ်။
ဒုတိယကမ္ဘာစစ်ကာလအတွင်းမှာ အမေရိကန်လေတပ်ထဲ ၀င်ရောက်တာဝန်ထမ်းဆောင်ခဲ့ပြီး လေသူရဲအဖြစ် ဂျာမန်နာဇီ ရှေ့ တန်းစစ်စခန်းများကို ဗုံးကြဲတိုက်ခိုက်မှုများတွင် ပါဝင်ခဲ့တယ်။ နောက်ပိုင်း စစ်ပွဲများရဲ့  ဆိုးကျိုး၊ စစ်ပွဲများမှာ အပြစ်မဲ့ပြည်သူများ သေကြေဆုံးရှုံးမှုများကို ကိုယ်တွေ့မြင်ခဲ့ပြီးနောက် စစ်ဆန့်ကျင်ရေးသမား ဖြစ်လာခဲ့တယ်။ ဒုတိယကမ္ဘာစစ်အပြီးမှာ စစ်မှုထမ်းဟောင်း ထောက်ပံ့ကြေး (G.I Bill) ဖြင့် ကျောင်းပြန်တက်ပြီး နယူးရော့ခ် တက္ကသိုလ် (New York University) မှ သမိုင်းဝိဇ္ဇာဘွဲ့ကို ၁၉၅၁ ခုနှစ်မှာ ရရှိခဲ့ပြီး မဟာဝိဇ္ဇာဘွဲ့ နဲ့ ပါရဂူ ဒေါက်တာဘွဲ့တို့ကို ၁၉၅၂ ခုနှစ် နဲ့ ၁၉၅၈ ခုနှစ်တို့မှာ ကိုလံဘီယာ တက္ကသိုလ် (Columbia University) တို့မှ ရရှိခဲ့တယ်။ ဘွဲ့ရပြီးနောက် ဂျော်ဂျီယာ (Georgia) ပြည်နယ် အက်လန်တာ (Atlanta) မြို့ ရှိ ပထမဦးဆုံး လူမဲအမျိုးသမီး ကောလိပ် ဆပယ်မန် (Spelman College) မှာ (၇) နှစ် နဲ့ ဘောစတွန်းတက္ကသိုလ် (Boston University) တို့မှာ သမိုင်း နဲ့ နိုင်ငံရေးသိပ္ပံပါမောက္ခအဖြစ် လုပ်ကိုင်ခဲ့တယ်။
၁၉၆၀ ကာလအတွင်း ဖြစ်ပွားခဲ့တဲ့ အသားအရောင်ခွဲခြားမှု ဆန့်ကျင်ရေး ခေါ် ပြည်သူများရပိုင်ခွင့် (Civil Rights) လှုပ်ရှားမှုများ၊ ဗီယမ်နမ်စစ် ဆန့်ကျင်ရေး၊ အလုပ်သမားအခွင့်အရေးတိုက်ပွဲများ နဲ့ အာဏာဖိဆန်ရေး အကြမ်းမဖက် လှုပ်ရှားမှုများမှာ ရှေ့ တန်းမှ ပါဝင်လှုပ်ရှားခဲ့တယ်။ အမေရိကန်တောင်ပိုင်းဒေသ အသားအရောင်ခွဲခြားမှု ဆန့်ကျင်ရေး လှုပ်ရှားမှုမှာ အကြမ်းမဖက် လှုပ်ရှားမှု ပူးပေါင်းဆောင်ရွက်ရေး ကျောင်းသားများကော်မတီ (Student Nonviolent Coordinating Committee) အကြံပေးအဖြစ် တာဝန်ယူလုပ်ဆောင်ခဲ့ပြီး ကျောင်းသားလူငယ်များကို အကြမ်းမဖက် ငြိမ်းချမ်းစွာ အာဏာဖိဆန်ရေး လှုပ်ရှားမှုများဆိုင်ရာ သင်ခန်းစာများကို သင်ကြားပို့ချခဲ့တယ်။ ဒီလို ကျောင်းသား လူငယ်များဘက်က ရပ်တည်ပြီး အသားအရောင်ခွဲခြားမှု ဆန့်ကျင်ရေး လှုပ်ရှားမှုများကြောင့် ဆပယ်မန်ကောလိပ် အာဏာပိုင်များက သူကို ကျောင်းမှထုတ်ပယ်လိုက်တယ်။ စစ်ရဲများရဲ့  ရိုက်နှက်မှု၊ အကျဉ်းကျ ထောင်ချခြင်းများလည်း ခံခဲ့ရတယ်။ နောက်ပိုင်း ဘောစတွန်းတက္ကသိုလ်မှာ ပြည်သူများ လွတ်လပ်မှု နဲ့ ရပိုင်ခွင့် ဘာသာရပ်ကို သင်ကြားစဉ် ကျောင်းသားပေါင်း လေးငါးရာ သူ့အတန်းကို တက်ရောက်သင်ကြားခဲ့တယ်။
ဘောစတွန်းတက္ကသိုလ် နိုင်ငံရေးသိပ္ပံဌာနမှာ (၂၆) နှစ်ကြာ နိုင်ငံရေးသမိုင်းဆိုင်ရာ ဘာသာရပ်များကို သင်ကြားခဲ့ပြီး ၁၉၈၈ ခုနှစ်မှာ အငြိမ်းစားယူခဲ့တယ်။ သူရဲ့  နိုင်ငံရေးသမိုင်း သင်ကြားမှုနဲ့ ပတ်သက်ပြီး သူပြောဆိုခဲ့တာက “ကျောင်းသားတွေက ဆရာပြောသမျှ၊ စာအုပ်ထဲက အကြောင်းအရာ အချက်အလက်တွေကို သဘောတူ ရေငုံနှုတ်ပိတ် မနေဘဲ ဒီမိုကရေစီရဲ့  အဓိကအနှစ်သာရဖြစ်တဲ့ မိမိယုံကြည်ချက်ကို ပြောဆိုနိုင်ဖို့၊ ဖွင့်ပြောရဲဖို့၊ မတရားတာကို ဆန့်ကျင်လုပ်ကိုင်ဖို့တွေကို အဓိက သင်ကြားပေးကြောင်း” ဆိုတယ် (မြန်မာနိုင်ငံ သမိုင်းဆရာကြီး ဒေါက်တာသန်းထွန်း ကလည်း ‘မအအောင် သမိုင်းသင်တာ’ လို့ ပြောခဲ့ဘူးတယ်)။
ဘောစတွန်းတက္ကသိုလ်မှာ စာသင်နေချိန်မှာ အမေရိကန်အစိုးရ ၀င်ရောက်စွက်ဖက်ခဲ့တဲ့ ဗီယက်နမ်စစ်ကို ရှေ့ တန်းပါဝင် ဆန်ကျင်ရှုတ်ချခဲ့ပြီး အမေရိကန်တပ်များ ချက်ချင်းပြန်ရုတ်သိမ်းရန် တိုက်တွန်းထားတဲ့ စာအုပ်တအုပ် (Vietnam: The Logic of Withdrawal) ရေးသားထုတ်ဝေခဲ့တယ်။ ၁၉၆၈ ခုနှစ်မှာ အစိုးရကိုယ်စားလှယ်တဦးနဲ့အတူ ဗီယက်နမ်ကို သွားရောက်ခဲ့ပြီး အကျဉ်းကျခံနေရတဲ့ အမေရိကန်စစ်သား (၃) ယောက် လွတ်မြောက်ရေးကို လုပ်ဆောင်နိုင်ခဲ့တယ်။ ဗီယက်နမ် စစ်ဆန့်ကျင်ရေးမှ နောက်ဆုံးအချိန်အထိ အမေရိကန်အစိုးရ ပါဝင်စွက်ဖက်ခဲ့တဲ့ အီရတ်၊ အာဖဂန် စစ်ရေးတိုက်ခိုက်မှုများကို ဆန့်ကျင်ရေးသား ပြောဆိုခဲ့တယ်။ အခြေခံလူတန်းစားများအရေး၊ အလုပ်သမားအရေး၊ စစ်ဆန့်ကျင်ရေး နဲ့ အမေရိကန်နိုင်ငံဆိုင်ရာ နိုင်ငံရေးသမိုင်းစာအုပ်ပေါင်း (၂၀) ကျော် နဲ့ စာတမ်းပေါင်း ထောင်ကျော် ကို ရေးသားထုတ်ဝေခဲ့ပြီး အစိုးရအာဏာပိုင်များရဲ့  မတရားတဲ့အမိန့် ဖီဆန်ကြဖို့၊ ဖိနှိပ်ခံ လူတန်းစားများဘက်က ရပ်တည်ကြဖို့ နောက်ဆုံးရက်အထိ နယ်လည်ဟောပြော လုပ်ကိုင်ခဲ့တယ်။
ဒီလို ရေးသားဟောပြောနေရင် ကယ်လီဖိုးနီးယား (California) ပြည်နယ်၊ ဆန်တာ မော်နီကာ (Santa Monica) မြို့  မှာ စာပေဟောပြောပွဲ ခရီးသွားလာနေတုန်း ရုတ်တရက် နှလုံးရောဂါနဲ့ ဇန်န၀ါရီလ (၂၇)၊ ၂၀၁၀ မှာ ကွယ်လွန်သွားခဲ့ပါတယ်။ သူကို လေးစားချစ်ခင်ကြသူတွေက အမေရိကအတွက် ကြီးမားတဲ့ ဆုံးရှုံးမှုကြီးလို့ ပြောကြတယ်။ မလွန်ဆန်နိုင်တဲ့ တရားကြောင့် သမိုင်းကို အမှန်တရားရှေ့ တန်းတင် ပြည်သူလူထုအတွက် ရေးသူ၊ စစ်ဆန့်ကျင်ရေး ငြိမ်းချမ်းရေးသမား၊ ကျောင်းဆရာ၊ စာရေးဆရာကြီး ဟာဝက်ဇင် ငြိမ်းချမ်းနယ်မြေသို့ ထွက်ခွါသွားလေပြီ။
နောက်ဆုံးအနေနဲ့ အမေရိကန်နိုင်ငံရေးသမိုင်း လေ့လာချင်သူများ သူရေးသားခဲ့တဲ့ စာအုပ်များထဲမှ A People’s History of the United States ကို ဖတ်မှတ်လေ့လာကြည့်ရန် တိုက်တွန်းလိုက်ပါတယ်။
ဇန်န၀ါရီ ၂၈၊ ၂၀၁၀

Po Zaw (Zagarwa Myay) - Happy Birthday to Brother-Teacher Ko Zarganar

Happy  Birthday  ပါ  အကိုဆရာ
ဖိုးဇော် ( စကားဝါမြေ )
ဇန်န၀ါရီ ၂၉၊ ၂၀၁၀
ကျနော်ငယ်ငယ် တီဗွီထဲကနေ အကိုဆရာရဲ့ ဟာသပြက်လုံးတွေကို ကြည့်ခဲ့ဘူးပါတယ်။ အဲဒီအချိန်တုန်းက ကျနော်က ပန်တျာကျောင်သားဘ၀ဆိုတော့ မင်းသားရူးရူးနေတာပေါ့။  အကိုဆရာနဲ့ ဆုံလိမ့်မယ်လို့ လုံးဝမစဉ်းစားမိဘူး။ ကံတရားက ထူးဆန်းတယ်ဗျာ၊ ကျနော်ဟာ မင်းသားဘ၀ကနေ လူရွှင်တော်ဘ၀ကိုပြောင်း ကံကောင်းခြင်းများစွာနဲ့ အကိုဆရာနဲ့တွေ့ဆုံခဲ့တယ်။ ဒီလိုနဲ့ (သီးလေးသီး) ဆေးရောင်စုံ ဆိုတဲ့ နာမည်ကိုပေးပြီး ပြည်သူတွေရဲ့  ရင်ထဲကို အရောက်ပို့လိုက်တယ်ပေါ့။  
ကျနော်မှတ်မိသေးတယ်  ပထမဆုံး “လက်ဆင့်ကမ်းအငြိမ့်” ရိုက်မဲ့အချိန်ပေါ့။  ပြက်လုံးတိုက်ဖို့အတွက် အကိုဆရာရဲ့အိမ်မှာ တလကျော်ကျော်လောက် ကန့်သွင်းသလို နေခဲ့ကြတယ်။ ကျနော်တို့တတွေကတော့ ည (၁၀) လောက်ဆိုရင် အိပ်ငိုက်ပြီး အိပ်ရာဝင်ခဲ့ကြပေမယ့် အကိုဆရာကတော့ အငြိမ့်အတွက် ကွန်ပျူတာရှေ့မှာ ပြက်လုံးတွေ ထိုင်ရှာနေတယ်လေ။  နံနက် (၉) နာရီ ကျနော်တို့အိပ်ရာထတော့လည်း အကိုဆရာ တယောက် ကွန်ပျူတာရှေ့မှာ မအိပ်သေးဘဲ အလုပ်လုပ်နေတုန်းပါပဲ။   အလုပ်နဲ့ ပတ်သက်လာရင် နေ့မအိပ် ညမအိပ် ၀ိရိယထားပြီး ကြိုးစားအားထုတ်တဲ့ အကိုဆရာရဲ့ စိတ်ဓါတ်ဟာ လေးစား အတုယူစရာ ကောင်းပါတယ်။
အဲဒီ လက်ဆင့်ကမ်းအငြိမ့်ဟာ အောင်မြင်စွာနဲ့ အခွေအပိတ်ခံရတယ်လေ။  ဒါပေမဲ့ DVB ရုပ်သံကနေ ထုတ်လွှင့်သွားတဲ့အတွက် ကြိုးစား အပင်ပန်းခံရကျိုး နပ်ခဲ့ရတာပေါ့။ 
 ကျနော် အမှတ်တရ ပြောပြချင်သေးတယ်။  မျှော်စင်ကျွန်းရဲ့ တန်ဆောင်တိုင်ည ပေါ့။
ပွဲကမယ့်နေ့မှာ “ငါ့ညီတွေကမယ့်ပွဲကို အရမ်းလိုက်အားပေးချင်တယ်” တဲ့။
ဒါပေမယ့် မလိုလားအပ်တဲ့ ပြဿနာပေါ်မှာစိုးလို့ အိမ်ကနေပဲ အားပေးတော့မယ်လို့ အကိုဆရာ ပြောခဲ့တယ်လေ။  ပွဲ စကတည်းက ဟန်းဖုန်းကို ဖွင့်ထားပေးပြီး၊ ပွဲပြီးတဲ့အထိ ဖုန်းထဲကနေ အားပေးခဲ့တယ်။ ပွဲပြီးတော့ အိမ်မှာ အရက်ပုလင်းနဲ့ ကျနော်တို့ကို ထိုင်စောင့်နေတယ်။ ငါညီတွေကို ဂုဏ်ပြုချင်လို့ တဲ့။
ငါညီတွေကို အားပေးတဲ့ ပရိသတ်တွေရဲ့ လက်ခုပ်သံကို နားထောင်ရင်း ငါ မျက်ရည်တွေ ကျခဲ့ရတယ်လို့ အကိုဆရာ ပြောခဲ့တယ်လေ။  
တနေ့ ကျနော် မှတ်မိသေးတယ်။ အိတ်လေးတလုံးထဲမှာ အ၀တ်အစားတစုံရယ်၊ သွားတိုက်ဆေးဘူးနဲ့ မျက်နှာသုတ်ပါဝါရယ်၊  ပြီးတော့ ဆေးတွေရယ် ထည့်ထားတာ တွေ့ရတော့ … အဲဒါတွေ ဘာလုပ်ဖို့လဲ လို့ မေးလိုက်မိတယ်။ 
အကိုဆရာက -
“သူတို့ လာဖမ်းရင် အဆင်သင့်ဖြစ်အောင် ပြင်ထားတာ …” တဲ့။
အခုတော့ အကိုဆရာ ပြင်ထားတဲ့ အိတ်လေးနဲ့အတူ  သံတိုင်ကြားမှာ (၄၉) နှစ် မြောက် အကိုဆရာရဲ့ မွေးနေ့ကို ဖြတ်သန်းနေရပြီ ပေါ့။ အနုပညာနဲ့ တိုင်းပြည်ကိုချစ်တဲ့ အကိုဆရာ အမှန်တရားအတွက်တိုက်ပွဲနေတဲ့ အကိုဆရာဟာ အံဖွယ်မဟာလူသားတယောက် ပါဗျာ။
အကိုဆရာ ပေးအပ်တဲ့တာဝန်တွေကို အတတ်နိုင်ဆုံး ကျေပွန်စွာ ထမ်းဆောင်ပါမယ်လို့ ကတိပြုရင်း စစ်မှန်တဲ့ဒီမိုကရေစီရတဲ့တနေ့မှာ မြန်မာပြည်မှာ ပြန်ဆုံပါရစေလို့ ဆုတောင်းရင်း  (Happy Birthday) ပါ … အကိုဆရာ။       ။

Saung Yun La - To Sabe - Poem


ရနံ့မမွှေးနိုင်တော့တဲ့ စပယ်ပင်မကလေး … သို့
ဆောင်းယွန်းလ
ဇန်န၀ါရီ ၂၉၊ ၂၀၁၀
ဘုရားသခင်အကြောင်းပြောတော့
သူမက ရယ်မောတယ်။
 ရယ်လိုက်ရင် မြစ်တစင်းလိုပဲ
တသွင်သွင် စီးဆင်းနေတဲ့
သူမရဲ့ ရယ်မောခြင်းတွေထဲကို
ကျနော်က ကျနော့်စိတ်တွေနဲ့  ရွက်လွှင့်နေခဲ့လိုက်မိတယ်။
 အဲဒါ…
လွန်လေပြီးသော နှစ်ပေါင်းများစွာတုန်းက
ပြန်မလှန်ကြည့်ဖြစ်တော့တဲ့ ဒိုင်ယာရီစာမျက်နှာတွေထဲမှာပေါ့။
 အခုတော့ …
ကျနော့် စပယ်ပင်ကလေးက
သူမရဲ့ ပန်းပွင့်တပွင့်ချင်းစီပေါ်မှာ
မွန်းကြပ်မှုတွေကို ကပိုကရို လိမ်းကျံလို့
 ဖုန်ထူတဲ့ လမ်းမပေါ်မှာ သောကကို နေပူစာလှုံလို့
 ခပ်သိမ်းကုန်သော အမှုခင်းအမှုရာတွေထဲမှာ
ဘုရားသခင်လည်း တရေးတမောမှ မအိပ်စက်နိုင်
မိုးစင်စင်လင်းကတည်းက တသသ တနေကြတဲ့
နှုတ်ခမ်းဖျားပေါင်း သန်းခြောက်ဆယ်ကျော်ရဲ့ စက္ကန့်တံတွေပေါ်မှာ ။
 အခုတော့လည်း
ဘုရားသခင်ရဲ့ အလိုတော်အတိုင်း
ပြန်မနိုးတော့တဲ့ အိပ်ပျော်ခြင်းတွေထဲမှာ
နှစ်နှစ်ခြိုက်ခြိုက် အိပ်နေကြသူတွေက
နင်နဲ့ငါ့ကို ပြန်ပြီးအမျှဝေရမယ့် ကိန်းကြီးဆိုက်နေပါပြီ စပယ်ပင်မကလေးရေ ။        ။

Pirated CD DVD market to be cracked down by the city officials - sources told


ခိုးကူးခွေ ပြဿနာကို စည်ပင်က အရေးယူဆောင်ရွက်မည်ဟုဆို
မိုးမခ အထောက်တော်၊ ရန်ကုန်
ဇန်န၀ါရီ ၂၉၊ ၂၀၁၀
မြန်မာနိုင်ငံ ဂီတနယ်ပယ်ရှိ တေးရေးသူ သီဆိုသူနှင့် ဂီတလောကသားများ ခံစားနေရသည့် ခိုးကူးဈေးကွက်ကျယ်ပြန့်စွာ ရှင်သန်နေသည့် ပြဿနာကို ရန်ကုန်မြို့တော် စည်ပင်က ကိုင်တွယ်အရေးယူ ဆောင်ရွက်ရန် ပြင်ဆင်နေသည်ဟု မကြာမီက ပြုလုပ်ခဲ့သည့် သတင်းမီဒီယာနှင် တွေ့ဆုံပွဲတွင် ရန်ကုန်မြို့တော်ဝန်ကပြောကြားခဲ့သည်။
ရန်ကုန်မြို့တော်ဝန်က ပြောကြားရာတွင် ရန်ကုန်မြို့ လူစည်ရာ လမ်းဘေးပလက်ဖောင်းများတွင် ရောင်းချနေသည့် ဆင်ဆာမဲ့ စီဒီ၊ ဒီဗီဒီရောင်းချသူများအား လိုင်စင်ထုတ်ပေးရန် ထို့နောက် တေးထုတ်လုပ်သူများအား တရားဝင်ခွေများကို သက်သာသောဈေးနှုန်းဖြင့် လက်လီဆိုင်များအား ရောင်းပေး စေမည်ဟု ဆိုသည်။ ထိုသို့ တရားဝင်ခွေများအား သက်သာသည့် ဈေးနှုန်းဖြင့် ရောင်းချပေးသည့်နောက် ခိုးကူးခွေ ရောင်းချသည် ကိုတွေ့ရှိပါက ထိရောက်စွာ အရေးယူနှိမ်နှင်းမည်ဟုဆိုသည်။ တေးထုတ်လုပ်သူများ အနေဖြင့် တရားဝင်ခွေများကို ဘယ်လောက်ထိ ဈေးလျော့ရောင်းပေးမည် ဆိုသည်ကိုမူ မသိရှိရသေးပေ။
အထက်က အရေးယူနှိမ်နှင်းမည်ဆိုခြင်းကို ရန်ကုန်မြို့တော်စည်ပင်သာယာရဲများက လုပ်ဆောင်မည်လား  သို့မဟုတ် ရဲစခန်း အပိုင်ရဲများက အရေးယူဆောင်ရွက်မည်လား ဆိုသည့် အချက်ကိုမူ ရှင်းလင်းစွာ မသိရှိရသေးပေ။ ယခုလက်ရှိ အနေအထားတွင် လမ်းဘေး ခိုးကူးခွေရောင်းသူများထံမှ နယ်မြေအပိုင်ရဲ ခရိုင်ရဲတို့က နေ့စဉ်နီးပါး အကောက်အစား ကောက်ယူလျက်ရှိပြီး ဆင်ဆာမဲ့၊ ခိုးကူးခွေရောင်းချသည့် ဆိုင်များသည် ရဲများအား ပုံမှန် ထောက်ပံ့ကြေးပေးထားရပြီး ရဲများ အတွက် စားကျက်တခုကဲ့သို့ ဖြစ်နေသည်ကို တွေ့ရှိရသည်။


ကျောက်တံတား မြို့နယ်ထဲမှ လမ်းဘေး ခွေရောင်းသူ တဦးက
“နေ့ကြေးမဟုတ်ပေမယ့် အပတ်စဉ်တော့ မှန်မှန်လာတယ်။ ခရိုင်ကလာတယ်၊ စခန်းက လာတယ်၊ နောက် နယ်မြေကလာတယ်၊သူတို့ကို ၅၀၀ နဲ့ ၁၅၀၀ ကျပ် အတွင်းပေးရတယ်။ ဒီကြားထဲ စခန်းကရဲ တယောက်ချင်း ကလည်း ၁၀၀ ကျပ် ၊ ၂၀၀ ကျပ်လောက်ထိ လာတောင်းတာ ရှိသေးတယ်။ဒီနယ်မြေ အပိုင်ထဲက သာမန်ရဲသား တွေကတောင် အရပ်ဝတ်နဲ့ပဲ သွားလာရင်း  လမ်းကြုံလို့ ၁၀၀ ကျပ် ရရ၊ ၂၀၀ ကျပ်ရရ လာတောင်းတာမျိုးလည်း ရှိတယ်။ ပေးတဲ့ အခါလည်း ပေးလိုက်တယ်။ ဈေးရောင်းမကောင်းရင် မပေးဘူး။ ငြင်းလွှတ်လိုက်ရတယ်။ တလလုံးဆိုရင် လမ်းဘေးဆိုင်တဆိုင်က တသောင်းကျော်ပေးရတယ်၊ သူတို့ကိုမပေးရင် အဖမ်းခံရမယ်၊ ပေးထားရင်တော့ အဖမ်းအဆီးရှိမယ့် အခါ ကြိုတင်သတိပေး တာမျိုးရတယ်”
ဟု ပြောဆိုသည်။
ယခုလက်ရှိတွင် ခိုးကူးစီဒီ ခွေများအား တချပ်လျင် ၃၀၀ကျပ်၊ ဒီဗီဒီဆိုပါက ၅၀၀ကျပ် (သုံးချပ်ယူလျင် ၁ထောင်ကျပ်) ဖြင့်လမ်းဘေး ဆိုင်များတွင်ရောင်းချလျက်ရှိပြီး တရားဝင်ဖြန့်ချိသည့် စီဒီများမှာ အနိမ့်ဆုံး ၅၀၀ ကျပ်မှ ၁၀၀၀ ကျပ်၊ ဒီဗီဒီဆိုပါက ၁၅၀၀၊ ၂၀၀၀ကျပ် အသီးသီးရောင်းချလျက်ရှိပြီး လူငယ်လူကြီး အများစုမှာ လမ်းဘေးဆိုင်မှ ကူးခွေများကိုသာ ၀ယ်ယူလျက်ရှိကြသည်။
လမ်းဘေးဆိုင်များတွင် တရုတ်နိုင်ငံမှ တဆင့်ဝင်ရောက်လာသည့် ခိုးကူး ဟောလီးဝုဒ် ရုပ်ရှင်ကားများ၊ ကိုးရီးယား ဇတ်လမ်းတွဲများ နှင့်အတူ ပြည်တွင်းမှ တေးသီချင်း၊ ဗီစီဒီ၊ ဒီဗီဒီ ကူးခွေများကို လွယ်ကူစွာ ၀ယ်ယူနိုင်ပြီး တေးသီချင်း အပုဒ် ၁၀၀ ကျော်ပါရှိသည့် အမ်ပီသရီး တချပ်ကို ၄၀၀မှ ၅၀၀ ကျပ်၊ ကာရာအိုကေ ဗီစီဒီတချပ်ကို ၃၀၀ကျပ် ဖြင့်ရောင်းချလျက်ရှိသည်။ ပြည်တွင်းမှ အဆိုတော်များ၏ အသစ်ထွက်ရှိသည့် တေးသီချင်းအယ်ဘမ်များကို ထွက်ရှိသည့် နေ့တွင်ပင်လမ်းဘေးဆိုင်များတွင် ကော်ပီခွေအဖြစ် ၀ယ်ယူရရှိနိုင် သည့်အခြေအနေသို့ ရောက်ရှိနေသည်။
တေးသီဆိုသူများ၊ ထုတ်လုပ်သူများအနေဖြင့် တရားဝင်ခွေ အရေအတွက် များများစားစား ရောင်းချရဖို့ မျှော်လင့်ချက် ပို၍နည်းပါးလာနေသည့် အခြေအနေ ရောက်ရှိနေပြီး မူရင်းခွေ ၀ယ်လျင် ရှိုးပွဲလက်မှတ် လက်ဆောင်ပေးခြင်း၊ သီဆိုသူကိုယ်တိုင် လက်မှတ်ရေးထိုးပေးခြင်းတို့ဖြင့် မူရင်းခွေ ၀ယ်ယူရန် ဆွဲဆောင်လျက် ရှိသည်ကိုလည်း တွေ့ရသည်။
ခိုးကူးခွေများအား မနှိမ်နှင်းနိုင်ရသည့် အဓိက အကြောင်းအချက်မှာ ဥပဒေကို လိုက်နာအောင် စောင့်ကြည့် အရေးယူရမည့် ရဲ များက ခိုးကူးခွေဈေးကွက်ကို မပျောက်ပျက်သွားအောင် မွေးထားသည့် အတွက်ဖြစ်သည်ဟု ဂီတလောကမှ သီချင်းရေးသူနှင့် သီဆိုသူများက ကောက်ချက်ချကြသည်။ ဂီတအစည်းရုံးဝင် တေးရေးသူ တဦးက ပြောရာတွင် လွန်ခဲ့သည့် နှစ်နှစ်ကျော် သုံးနှစ်က ခိုးကူးခွေနှိမ်နှင်းရန်၊  ခိုးကူးခွေ ရောင်းချနေသူများအား ဖမ်းဆီးပေးရန် ဂီတအစည်းအရုံးက
ရဲများအား အသိပေးခေါ်ယူရာတွင် ရဲများထံမှ တဖက်လှည့်ဖြင့် ခွေရောင်းသူများအား သတင်းပြန်ပေးပြီး တိမ်းရှောင်ခိုင်းသည့် ဖြစ်ရပ်များ ရှိခဲ့သဖြင့် မအောင်မြင်ခဲ့ကြောင်း ပြောဆိုသည်။


(ဓာတ်ပုံ - ခိုးကူးခွေ၊ တရားမ၀င်ကူးခွေများ ရောင်းချနေသည့် ရန်ကုန်က လမ်းဘေးဆိုင်နဲ့ အားပေးနေသူများ။ မိုးမခ)

Renting 800 MHz CDMA Phone not popular in Rangoon


ဆက်သွယ်ရေးမှ ငှားရမ်းသည့် ၅သိန်းတန်ဖုန်း ယခင်ဖုန်းများလောက် စိတ်ဝင်စားမှုမရှိကြ
မိုးမခ အထောက်တော်၊ ရန်ကုန်
ဇန်န၀ါရီ ၂၈၊ ၂၀၁၀
မြန်မာ့ ဆက်သွယ်ရေးမှ ငှားရမ်းချထားပေးသည် ဆိုသည့် စီဒီအမ်အေ စနစ်သုံ; RUIM, Re-usable Identification Module ဆင်းကဒ်အား Elite Tech ဟု အမည်မှည့်ခေါ်ထားသည့် ကုမ္ပဏီမှ ထုတ်ပေးပြီး အဆိုပါကုမ္ပဏီမှ တင်သွင်းလာသည့် အထိုင်ဖုန်းများလည်းရောင်းချ လျက်ရှိသည်ဟု ကြားသိရသည်။
သို့ရာတွင်ယခင် ဂျီအက်စ်အမ်ဖုန်း၊ စီဒီအမ်အေ ၈၀၀ ဖုန်းနှင့် ကမ်းရိုးတန်းဖုန်းများကဲ့သို့ ကိုယ်တိုင်သုံးရန် မဟုတ်ပဲ အကျိုးအမြတ်ရရန် လျှောက်ထားခြင်း ၀ယ်ယူခြင်းများ မတွေ့ရပဲ အနေအထားကို စောင့်ကြည့်လျက်ရှိကြသည် ကိုတွေ့ရသည်။
ဇန်န၀ါရီလအတွင်း ရန်ကုန်မြို့တခွင်၌ အဆိုပါ ၅သိန်းတန် ဖုန်းအလုံးရေ တစ်သိန်း အငှားချထားပေးမည်ဟု သက်ဆိုင်ရာတာဝန်ရှိသူများက ပြောကြားသော်လည်း အမှန်တကယ် လျှောက်ထားသူ မများပြားသဖြင့် သက်ဆိုင်ရာ ရပ်ကွက် အေးချမ်းသာယာရေး အဖွဲ့မှ ဥက္ကဌ၊ ရာအိမ်မှူးတို့က ဖုန်းလျှောက်ထားလိုပါက ထောက်ခံချက်ထုတ်ပေးမည် ဖြစ်ကြောင်း ရပ်ကွက်တွင်း နေထိုင်သူများကို လိုက်လံနှိုးဆော်လျက်ရှိသည် ကိုကြားသိရသည်။
ပုဇွန်တောင်မြို့နယ်တွင် နေထိုင်သူတဦးက
“ကျွန်တော်တို့ ရယက အတွင်းရေးမှူးက တနေ့ အိမ်တွေကိုလိုက်ပြောတယ် ဖုန်းလျှောက်မလား ၊ ဖုန်းလျှောက်ရင် ထောက်ခံချက်ပေးမယ် ဆိုပြီးလိုက်နှိုးဆော်နေတယ်၊ လူတွေ အနေနဲ့လည်း ဖုန်းက တမြို့လုံးယူသွားချင်တဲ့နေရာ ယူသွားလို့မရဘူး၊ တမိနစ်ကို ပြောခက ၅၀ ကျပ်ဆိုတော့ ၀ယ်ဖို့မ၀ယ်ဖို့ကို စောင့်ကြည့်နေကြတယ်”
ဟုပြောဆိုသည်။
၂၀၀၁ခုနှစ်အကုန်မှစတင်ပြီး ဂျီအက်စ်အမ်နှင့် စီဒီအမ်အေ မိုဘိုင်းဖုန်းများအား စစ်အရာရှိ၊ ဌါနဆိုင်ရာအရာရှိများအား အငှားချထားပေးခဲ့သည်။ ထိုအချိန်မှ စပြီး ယခုနှစ်ပိုင်းအထိ တယ်လီဖုန်း ငှားရမ်းခွင့် ပါမစ်ကို အခွင့်အရေးတခု အဖြစ်ရှုမြင်ခဲ့ကြပြီး ဗိုလ်ချုပ်များ၊ ၀န်ကြီး ဒုဝန်ကြီး ညွှန်ချုပ် အစရှိသည့် ရာထူးကြီးသူများ၏ မိသားစု ဆွေမျိုးသားချင်းများ၊ စစ်တပ်အရာရှိများ နှင့်အရပ်ဘက် အရာရှိများအား ရာထူး မြင့်ရာမှ နိမ့်ရာသို့ တဆင့်ပြီး တဆင့် ငှားရမ်းခွင့် ပါမစ်ချပေးကာ အကျိုးအမြတ်ရရှိစေခဲ့ကြသည်။
ဖုန်းပါမစ်ချထားပေးခြင်း ဖြစ်စစ်အစိုးရအပေါ် သစ္စာစောင့်သိစေရန်နှင့် စည်းရုံးရေး လက်နက်သဖွယ် အသုံးပြုခဲ့သည်ကို တွေ့ရှိရသည်။ ဂျီအက်စ်အမ်ဖုန်း ဈေးအမြင့်ဆုံးဖြစ်သည့် ၂၀၀၃ ခုနှစ်အကုန်တွင် ဖုန်း ဆင်းကဒ် တစ်ကဒ်ကို ကျပ်ငွေ သိန်း ၅၀ ၀န်းကျင်အထိ ရှိခဲ့ပြီး ပြီးခဲ့သည့် နှစ်တွင်မူ ၁၇သိန်း ၁၈သိန်းအထိ ပေါက်ဈေးရှိခဲ့သည်။ ယခုနောက်ပိုင်း အက်ဖ်အီးစီ ၂၀ တန် တလခံကဒ်များ ပေါ်ထွက်လာခြင်း၊ ၁၅သိန်းခွဲ ပေးသွင်းရသည့် စီဒီအမ်အေ ၄၅၀ မီဂါဟဇ် စနစ်သုံး ကမ်းရိုးတန်းဖုန်းများ ပေါ်လာခြင်း စသည့်အချက်များကြောင့် ဖုန်းဈေးကွက်မှာ အကျိုးအမြတ်ရရှိသည့် ဈေးကွက်အဖြစ်မှ အသုံးလိုသူများသာ ၀ယ်ယူသည့် ဈေးကွက်သို့ တဖြည်းဖြည်း ပြောင်းလဲလာခဲ့သည်။

          ထို့အတွက်ကြောင့် အခြားမည်သည့်နိုင်ငံတွင်မျှမရှိသည့် ဖုန်းရောင်းဝယ်ခြင်း၊ ဖုန်းငှားရမ်းခြင်းဈေးကွက်များ မြန်မာနိုင်ငံတွင်ဖြစ်ပေါ်လာခဲ့ပြီး ဖုန်းငှားရမ်းခွင့် ရရှိသူ အစိုးရ၀န်ထမ်း အချို့မှာ မိုဘိုင်းဖုန်း ကဒ်ဖိုးငွေ၁၅သိန်း ၅သောင်းကျပ်ကိုပင် စိုက်ထုတ် ပေးမသွင်းနိုင်ဘဲ ပါမစ်ကို ကျပ်သိန်းဂဏန်း အနည်းငယ် အမြတ်ယူပြီး ရောင်းချခဲ့ကြသည်။ ယခုအခါ မြန်မာ့ဆက်သွယ်ရေး၏ လုပ်ပိုင်ခွင့်အများစုကို စစ်အစိုးရမိသားစုများနှင့် အကြီးမားဆုံး အကျိုးတူ လုပ်ကိုင်သူ ဦးတေဇ၏ ထူး ကုမ္ပဏီခွဲများသို့ လွှဲပြောင်း လုပ်ကိုင်စေလျက်ရှိသည်။

NLD hosts State and Township Meeting


အင်န်အယ်ဒီပါတီက ရန်ကုန်တိုင်းနှင့် မြို့နယ်စည်းရုံးရေးအဖွဲ့များ တွေ့ဆုံ
မိုးမခအထောက်တော် ၀၀၃
ဇန်န၀ါရီ ၂၈၊ ၂၀၁၀

ဇန်န၀ါရီ ၂၆ က ရန်ကုန်မြို့၊ ဗဟန်း ရွှေဂုံတိုင်ရှိ အင်န်အယ်ဒီပါတီ ဌာနချုပ်မှာ ပါတီ၏ တိုင်းစည်းရုံးရေးအဖွဲ့နှင့် မြို့နယ်အဖွဲ့များ တွေ့ဆုံဆွေးနွေးခဲ့ကြသည်။ ပါတီတွင်း စည်းရုံးရေးလုပ်ငန်းများအတွက် ဆွေးနွေးကြသည်ဟု ဆိုသည်။

 
လက်ရှိတရားဝင်ပါတီတခု အဖြစ်သာမက၊ အဓိက အတိုက်အခံ နိုင်ငံရေးအင်အားစုဖြစ်သော အင်န်အယ်ဒီပါတီက ယခုကဲ့သို့ ပါတီတွင်း တွေ့ဆုံစည်းဝေးနေကြသည်ကို ပုံမှန်ဆောင်ရွက်မှုအဖြစ် ရှုမြင်ကြောင်း၊ အခုတလောမှ ပေါ်ပေါက်လာသော အဖွဲ့များ၊ လူပုဂ္ဂိုလ်များက စစ်အစိုးရနှင့် ကြိုတင်ညှိနှိုင်းပြီး ပြည်သူလူထုထံသို့ တိုက်ရိုက် စည်းရုံးရေးဆင်းခြင်း၊ သဘောထားအာဘော်များ ထုတ်ပြန်နေခြင်းတွေကသာ ထူးဆန်းသည်ဟု ဆိုချင်ပါကြောင်း၊ သို့ဖြစ်ပါ၍ ၂၀၁၀ ခုနှစ်အတွင်း နိုင်ငံရေးပွင့်လင်းမှုများ ဖြစ်ထွန်းလာမည်လား၊ နိုင်ငံရေးဖိနှိပ်မှုများ ချမှတ်လာမည်လားကို စောင့်ကြည့်ရန်သာ ရှိကြောင်း ပြည်တွင်းရှိ ဂျာနယ်အယ်ဒီတာတဦးက မှတ်ချက်ပေးသည်။


၁၉၉၀ ခုနှစ် ရွေးကောက်ပွဲတွင် စည်းရုံးရေးလုပ်ငန်းများ ဆောင်ရွက်ခဲ့သူ နိုင်ငံရေးပါတီဝင်ဟောင်းတဦးက
“ ၁၉၈၈ စက်တင်ဘာမှာ စစ်တပ်က အာဏာသိမ်းတယ်။ ပါတီတွေက တလအတွင်း စတင် ဖွဲ့ကြတယ်။ ၁၉၈၉ တနှစ်လုံးမှာ စစ်တပ်က အတိုက်အခံတွေကို နှိမ်နင်းတယ်။ ၁၉၉၀ နှစ်ဆန်းနောက်ပိုင်းမှာမှ ကျန်ရစ်တဲ့ ပါတီကြီးတွေနဲ့ ပါတီဝင်တွေက ရွေးကောက်ပွဲဝင်ရေး စည်းရုံးရေးတွေ လုပ်ကြရတယ်။ အဲသည်တုန်းက အချိန်ကို အခုနဲ့ နှိုင်းကြည့်လို့ ရတာပေါ့နော်။ အခုအချိန်မှာက ၂၀၁၀ တနှစ်တွင်းမှာ ရွေးကောက်ပွဲကိစ္စက ဘာမှန်းတောင် မသိရသေးဘူး။ ၂၀၀၈ အခြေခံဥပဒေကိစ္စ၊ နိုင်ငံရေးအကျဉ်းသားတွေ၊ ဒေါ်အောင်ဆန်းစုကြည် တရားရင်ဆိုင်နေရတဲ့ ကိစ္စ၊ နယ်စပ်ဒေသ တိုင်းရင်းသားအဖွဲ့တွေနဲ့ နိုင်ငံတကာက တောင်းဆိုထားတာ … အဲဒါတွေကို ဒီရှေ့ပိုင်း ၆ လ အတွင်း ဖြေရှင်းနိုင်မှာလား။” ဟု မေးခွန်းထုတ်လိုက်သည်။

Aung Way - Ga Done Gyi


ကတုံးကြီး
အောင်ဝေး
ဇန်န၀ါရီ ၂၈၊ ၂၀၁၀
သူဟာ
ဧရာဝတီပေါ်က ကြယ်နီ။

သူဟာ
မြန်မာပြည်ရဲ့ ချာလီချက်ပလင်။

သူ အခု
မြစ်ကြီးနားထောင်မှာ
ဗိုလ်ဝင်ခံနေပါတယ်။
မကြာခင်
သူ စင်ပေါ် ပြန်ရောက်လာလိမ့်မယ် ဆိုတာ

ကျနော်တို့ ယုံကြည်နေပါ၏။
နရသိန်သာ အမိ
နရသိန်သာ အဖ
သူ့ဆီက ဟာသ
ကမ္ဘာက ကြားစေသော်ဝ်။ ။

ဇန်န၀ါရီ ၂၇၊ ၂၀၁၀ - မစ်ရှီဂန်

(ဓာတ်ပုံ - ကိုဇာဂနာနဲ့ မိသားစု ငယ်စဉ်ကဓာတ်ပုံ)
(မိသားစုနဲ့ အချိန်တွေထက် အကျဉ်းထောင်နံရံတွေနောက်မှာ၊ တိုင်းပြည်ရဲ့ နှလုံးသားနဲ့ အနီးဆုံးမှာ နေတဲ့သူ အတွက် အမှတ်တရဓာတ်ပုံပါ - မိုးမခ)

May Sa presents Tin Moe's paper on Burmese Life, Style and Poem from 2002

ကဗျာဆရာကြီး (ဦး) တင်မိုး ၃ နှစ်ပြည့် အမှတ်တရ လက်ဆောင်
မေစာ ရှာဖွေတင်ဆက်သည်

မြန်မာ့ဘ၀၊ မြန်မာ့ဝန်းကျင်နှင့် မြန်မာ့ကဗျာ (စာတမ်း)
တင်မိုး
ဇန်န၀ါရီ ၂၈၊ ၂၀၁၀
          မိတ်ဆက် - ၂၀၀၂ ခုကပါ။ မြောက်အီလီနွိုင်းတက္ကသိုလ် မြန်မာပညာရပ်ဌာန နှီးနှောဖလှယ်ပွဲကို ဆွီဒင်နိုင်ငံ၊ ဂိုတီးဘော့မြို့မှာ ကျင်းပပါတယ်။ မြန်မာပညာရပ်နှီးနှောဖလှယ်ပွဲဆိုတာ ကြားတော့ ဆရာဦးတင်မိုး ဆိတ်ဆိတ်မနေနိုင်ပါဘူး။ နှီးနှောဖလှယ်ပွဲမှာ ဖတ်ဖို့ဆိုပြီး “မြန်မာဘ၀၊ မြန်မာ့ဝန်းကျင်နှင့် မြန်မာ့ကဗျာ” ဆိုတဲ့ စာတမ်းတစောင် သူ့မိတ်ဆွေတွေဆီကို ပို့လိုက်ပါတယ်။
          အကြောင်းကြောင်းကြောင့် နှီးနှောဖလှယ်ပွဲမှာ စာတမ်းကို အရင်းအတိုင်း ဖတ်ပြခွင့် မရလိုက်ပါဘူး။ သိတဲ့အတိုင်း နှီးနှောဖလှယ်ပွဲမှာ စာတမ်းဖတ်ချိန်က စာတမ်းတစောင်အတွက် ၁၅ မိနစ်ပဲ ရတာက အကြောင်းတကြောင်း၊ စာတမ်းအားလုံးကို အင်္ဂလိပ်လို ဖတ်ကြတာက အကြောင်းတကြောင်း ဆိုပါတော့။ ဒါပေမယ့် ဆရာ့ကို ကြည်ညိုလေးစားတဲ့ ပညာရှင်တဦးက ဆရာ့စာတမ်းရဲ့ အနှစ်သဘောကို ရသမျှအချိန်လေးအတွင်းမှာ တတ်နိုင်သမျှ တင်ပြပေးခဲ့ပါတယ်။
          အဲနောက်မှာတော့ ဆရာ့စာတမ်းဟာမြုပ်နေခဲ့တယ်လို့ ယူဆပါတယ်။ ဘယ်စာစောင်၊ ဘယ်အင်တာနက် စာမျက်နှာမှာမှ မတွေ့မိပါဘူး။ ကိုယ်တိုင်က မျက်စိလျှံသွားတာ ဖြစ်ကောင်း ဖြစ်နိုင်ပါတယ်။ ဘယ်လိုပဲ ဖြစ်ဖြစ် မပျောက်ကောင်း မမြုပ်ကောင်း စာတမ်းတစောင်ကို မဖတ်ဖူးသူများ ဖတ်ခွင့်ရစေချင်လို့ မိုးမခကနေ ဖြန့်လိုက်ရပါတယ်။ မြန်မာနိုင်ငံနဲ့ မြန်မာစာပေ ယဉ်ကျေးမှု အပေါ်ထားရှိတဲ့ ဆရာစေတနာရနံ့ကြောင့် ဖတ်ရင်း ဖတ်ရင်း ကြည်နူးအားတက်ခွင့် ရကြလိမ့်မယ်လို့ ယုံကြည်ပါတယ်။
          ဒီစာတမ်းကို မြောက်အီလီနွိုင်းတက္ကသိုလ်က မြန်မာစာပြဆရာ ဦးစောထွန်းဆီက ရပါတယ် ရှင်။
          မေစာ
         
        မိုးမခကျေးဇူးစကား - ဆရာ(ဦး) တင်မိုး ၃ နှစ်ပြည့်မှာ အမှတ်တရ ကဗျာတွေ၊ စာတွေ၊ အခမ်းအနားတွေနဲ့ အမှတ်တရလုပ်ဖြစ်ကြပါတယ်။ ပြီးတော့ ဆရာရဲ့ ရှားပါးတန်ဖိုးကြီးတဲ့ စာတမ်းတွေကို ထုတ်ဖော်ခွင့်ကိုလည်း ဆရာရဲ့ ချစ်မိတ်ဆွေများက တင်ဆက်ပေးကြပါတယ်။ ယခုစာတမ်းအတွက် ဆရာဦးစောထွန်းနဲ့ ရှာဖွေပေးသူ “မေစာ” ကို မိုးမခက အားလုံးကိုယ်စား ကျေးဇူးတင်ပါတယ်။ ဆရာစာတမ်းကို မိုးမခချစ်သူများက ၀ိုင်းပြီး စာရိုက်ပေးကြမယ်ဆိုရင်လည်း ကြိုဆိုနေပါတယ်ခင်ဗျား။ ယခုတော့ ဆရာ့လက်ရေးမူအတိုင်း တင်ဆက်ပေးလိုက်ပါရစေ။
           ဒီနေရာမှာ ရယူနိုင်ပါပြီ။

Burma arrests 11 accused of plotting bombings

မြန်မာပြည်တွင် လူ ၁၁ ဦးကို ဖမ်းပြီး ဗုံးခွဲသည်ဟု စွပ်စွဲ
AP သတင်းဌာန
ဇန်န၀ါရီ ၂၈၊ ၂၀၁၀

မြန်မာစစ်အစိုးရက လူ ၁၁ ဦးကို ဖမ်းဆီးထားကြောင်း၊ ထိုသူများသည် ယခုနှစ် ပြုလုပ်မည့် ရွေးကောက်ပွဲကို ကဖျက်ယဖျက်လုပ်ရေးအတွက် ဗုံးဖောက်ခွဲမှုများ ပြုလုပ်ရန် စီစဉ်ခဲ့ကြောင်း ဗုဒ္ဓဟူးနေ့က စွပ်စွဲလိုက်သည်။

ထိုသူများသည် စက်တင်ဘာလအတွင်း ရန်ကုန်ရှိစက်မှုဇုန်တခုတွင် ဖြစ်ပွားခဲ့သော ပေါက်ကွဲမှုများကို စီစဉ်ခဲ့သူများဖြစ်သည်ဟု မြန်မာ့အသံ ရေဒီယိုက ဆိုသည်။

ပြီးခဲ့သည့် အပတ်က မင်္ဂလာဒုံမြို့နယ်တွင် ဖမ်းဆီးနိုင်ခဲ့ခြင်းဖြစ်သည်ဟု သတင်းတွင် ပါရှိသည်။

အိမ်လုပ်ဗုံးများ၊ လျှပ်စစ် ဒီတိုနေတာ ၄၃ ခု၊ အမေရိကန်လုပ် TNT နှင့် C4 အမျိုးအစား ဖောက်ခွဲရေး ပစ္စည်များ၊ ပစ္စတို ၁ လက်၊ ဂြိုဟ်တုဖုန်း ၁ လုံး တို့ကိုလည်း သိမ်းဆည်းရမိခဲ့သည်ဟု သတင်းတွင် ဖော်ပြထားသည်။

ဖမ်းဆီးထားသူများတွင် ပြည်သူ့ပျောက်ကျားတပ်ဦး မှ အဖွဲ့ဝင်တဦး ပါဝင်ကြောင်း၊ ထိုအဖွဲ့သည် စွမ်းအားမြှင့် မြန်မာကျောင်းသား စစ်သည်တော်များအဖွဲ့ နှင့် ဆက်စပ်နေကြောင်း သတင်းက ဆိုသည်။

၁၉၉၉ ခုနှစ် အောက်တိုဘာလက စွမ်းအားမြှင့် အဖွဲ့မှ အဖွဲ့ဝင် ၅ ဦးသည် ဘန်ကောက်မြို့ မြန်မာသံရုံးကို ၀င်ရောက် စီးနင်းခဲ့သူများ ဖြစ်သည်။ ထိုစဉ်က ဓားစာခံ ၃၈ ဦးကို ဖမ်းဆီးထားပြီး မြန်မာပြည် ဒီမိုကရေစီ ရရှိရေးကို တောင်းဆိုခဲ့ကြသည်။
နောက်ပိုင်းတွင် ထိုင်းအစိုးရက သူတို့ကို နယ်စပ်ဒေသသို့ ပို့ဆောင်ပေးခဲ့သဖြင့် ပျောက်ကွယ်သွားသောကြောင့် မြန်မာအစိုးရ အမျက်ထွက်ခဲ့ရသည်။ သို့သော်လည်း စီးနင်းမှုက သွေးထွက်သံယိုမှု မဖြစ်ပွားဘဲ အဆုံးသတ်ခဲ့သည်။

စွမ်းအားမြှင့် အဖွဲ့သည် ၂၀၀၈ ဧပြီလ ရန်ကုန် ဗုံးကွဲမှုများနှင့် ပတ်သက်ပြီးလည်း စွပ်စွဲခံခဲ့ရသည်။

ဖမ်းဆီးခံထားရသူများသည် စက်မှုဇုန်များတွင် ဖောက်ခွဲရေး လုပ်ငန်းများ ဆက်လက် လုပ်ကိုင်ရန် အစီအစဉ် ရှိကြောင်း၊ လုံခြုံရေးဆောင်ရွက်နေသော လက်နက်ကိုင်တပ်ဖွဲ့ဝင်များကိုလည်း ပစ်မှတ်ထားကြောင်း မြန်မာ့အသံသတင်းတွင် ဖော်ပြထားသည်။

ဗုဒ္ဓဟူးနေ့ထုတ် အစိုးရအာဘော် သတင်းစာများတွင်လည်း ဆောင်းပါးတပုဒ် ပါဝင်ရာ တခြားသော တိုက်ခိုက်မှုများအတွက် ကရင်သူပုန်တို့ကို အပြစ်တင်ထားသည်။ အင်္ဂါနေ့က ပဲခူးတိုင်း ကျောက်ကြီးမြို့နယ်တွင် ဖြစ်ပွားခဲ့သည့် ပေါက်ကွဲမှု ၂ ခု၏ နောက်ကွယ်တွင် ကရင်အမျိုးသားအစည်းအရုံး KNU ရှိသည်ဟု စွပ်စွဲထားသည်။ ထိခိုက်ဒဏ်ရာရ သေဆုံးမှုသတင်း မရသေးပေ။

Zarny Win - Burmese Woman Comedians


လူရွှင်တော် အမျိုးသမီးများ ပြတဲ့ အစွမ်း
ဇာနည်ဝင်း
ဇန်န၀ါရီ ၂၈၊ ၂၀၁၀
အမျိုးသမီးတွေ လူရွှင်တော်အဖြစ် အစွမ်းပြတာကို သိပ်မကြာခင်တုန်းက ချင်းမိုင်မှာ ကြည့်လိုက်ရတယ်။ လူရွှင်တော်တွေ ထွက်မလာခင် အငြင်းပွားလို့ ကောင်းတဲ့ အကြောင်းအရာတွေနဲ့ ပတ်သက်ပြီး မေးခွန်းတွေထုတ်၊ ပရိသတ်ကို ၀င်ဆွေးနွေးဖို့ ဖိတ်ခေါ်တော့ ထူးခြားတဲ့ အတွေးအခေါ်တွေကိုလည်း ကြားလိုက်ရပါတယ်။
ဥပမာ စီးပွားရေးကြော်ငြာတွေမှာ အမျိုးသမီးတွေကို အသုံးချတာ သင့်လျော်ရဲ့လား ဆိုတဲ့ အချက်ပေါ့။ အမျိုးသမီးတွေကို လုပ်ငန်းရှင်တွေ အသုံးမချသင့်ဘူး၊ လူတွေကလည်း အမျိုးသမီးတွေကို အသုံးချတဲ့ ကြော်ငြာတွေကို အားမပေးသင့်ဘူး စသဖြင့် ဆွေးနွေးကြ ငြင်းခုံကြပါရဲ့။
တချို့သော ဆွေးနွေးချက်တွေကို ကြားလိုက်ရတဲ့နောက်မှာ ချင်းမိုင်ကို မကြာသေးခင်ကမှ ရောက်လာတဲ့ မြန်မာ သတင်းထောက်တယောက်က အံ့အားသင့်သွားတယ်။
ဟုတ်တယ်၊ လုပ်ငန်းရှင်တွေက သူတို့လုပ်ငန်းတွေကို အမျိုးသမီးတွေနဲ့ ကြော်ငြာတာဟာ မလုပ်သင့်ဘူး ဆိုတဲ့ ဆွေးနွေးချက်ကို သူကြားလိုက်ရလို့ အံ့သြသွားရှာပေါ့။
မင်းတို့ချင်းမိုင်မှာ ဒါမျိုးတွေချည်းပဲလား တဲ့၊ အလွတ်ကျက်တဲ့ ကြက်တူရွေးတွေလား တဲ့ ကျနော့်ကို မေးတယ်။
အမျိုးသမီးရေးဝါဒီတချို့ရဲ့ သံတမန်မဆန်တဲ့ ပြောဆိုချက်တွေက အနှီ သတင်းထောက်ရဲ့ နားထဲကို ဒေါင်လိုက် ၀င်သွားဟန် တူတယ်။
ဝေဖန် လေကန် ဆွေးနွေး ပေရှည်တာတွေအပြီးမှာတော့ ပရိသတ်ကြီး မျှော်နေတဲ့ ချိုးလင်းပြာအငြိမ့်အလှည့်ကို ရောက်တယ်။
လူရွှင်တော် အမျိုးသမီး ၄ ယောက်၊ အငြိမ့်မင်းသား ၁ ယောက်၊ အငြိမ့်မင်းသမီး ၂ ယောက်ရဲ့ တင်ဆက်မှုကို တွေ့ကြရတယ်။
ပရိသတ်က သိပ်ကြိုက်ကြတာပေါ့။ ဒီပွဲက အင်မတန် လမိုင်းကပ်ပါလားလို့ ထင်မိတယ်။
လူရွှင်တော်တွေထဲက ၂ ယောက်က ထူးခြားတယ်၊ သူတို့မှာ လူရွှင်တော် မျက်နှာပေး၊ လူရွှင်တော်ရုပ်ရှိတယ်လို့ ခံစားမိတယ်။
ပြက်လုံးတွေကတော့ သိပ်များတာပေါ့။ မှတ်မိတာ တခုကတော့ ဗိုက်ကြီးသည် အမျိုးသမီးတယောက် ထွက်လာတယ်။ ဗိုက်ပူတယ် ဆိုပေမယ့် သူက ကိုယ်ဝန်ရှိတာ မဟုတ်ဘူး ဆိုပဲ။ ယောက်ျားတွေက တင်ပါးနဲ့ရင်သားကို ကြည့်ကြလွန်းတယ်၊ လမ်းလျှောက်သွားရင် တင်ပါးကို လိုက်ကြည့်ကြတယ်၊ ဒါကြောင့် စိတ်ချရအောင် တင်ပါးကို ရှေ့ပို့ထားလို့ ဗိုက်ပူတယ် ထင်ရတာပါ တဲ့၊ ကိုယ်ဝန် ရှိပါဘူး ဆိုပဲး)
မြန်မာပြည်အနှံ့ အငြိမ့်တွေ ကနေကြတာ လူရွှင်တော်တွေထဲမှာ အမျိုးသမီး ဘယ်နှစ်ယောက် ပါမလဲ။ မသိနိုင်ဘူး။
လူထု ဒေါ်အမာရေးတဲ့ အငြိမ့် ဆိုတဲ့ စာအုပ်မှာ ရေးထားတာ ဂျပန်ခေတ် မတိုင်ခင်က မန္တလေးမှာ "ဒေါန နဲ့ နှင်းဆီ ဆိုတဲ့ မိန်းမလူပြက် ၂ ယောက်" ပေါ်ထွက်ခဲ့ဖူးတယ် တဲ့။
ဒေါန နဲ့ နှင်းဆီ ဆိုတော့ ပန်းနာမည်တွေပေါ့။ ဒီခေတ် မျက်လုံးနဲ့ ကြည့်ရင်တော့ ဒီနာမည်တွေက လူရွှင်တော် မဆန်ဘူး။
အနာဂတ်မှာရော အမျိုးသမီး လူရွှင်တော်တွေ ရှိလာမလား။ ရှိလာရင်ရော ဘယ်လို နာမည်တွေ ပေးမလဲ သိချင်လိုက်တာ။
အဲဒီနေ့က လူရွှင်တော်တွေကတော့ တိုးတိုး၊ စဲစဲ၊ မီးသီး၊ ဘုတ်ဘုတ် တဲ့။
(သူ့ဘလော့ဂ်က ပြန်ကူးပါတယ်။ ခွင့်တောင်းစရာမလို)

Aung Tha Nge's poem

ပစ္စုပ္ပန် အပေါ်မှ ပစ္စက္ခ ပစ္စလက္ခတ်များ
အောင်သာငယ်
ဇန်န၀ါရီ ၂၇၊ ၂၀၁၀


ကဗျာဆရာ ဖြစ်ရတာကလည်း
မသက်သာပါကလား... ညီမလေးရယ်...

တွေ့ရာ... ကြုံရာတွေကို...
ကဗျာ တပုဒ်... လုပ်လုပ်နေရ...
အဲသလို မဟုတ်ရင်...
ကဗျာဆရာ အလုပ် မလုပ်ဘူး အပြောခံရ...

ဟုတ်ပါ့...

ကဗျာဆရာ အလုပ်လုပ်လိုက်ဦးမယ်...

ကမ္ဘာကြီးကို လည်ပတ်စေတဲ့ ရေနံဈေးနှုန်းအကြောင်း ...
တာလီဘန်နဲ့ အမေရိကန်ရဲ့ အနိုင်အရှုံးအကြောင်း ...
ဆေတန်ရဲ့ ဂျီးဆပ်စ်အပေါ် ထားခဲ့သော အဖြူစင်ဆုံး အမုန်းအကြောင်း ...
အတ္တလန်းတစ်စီးတီးဆိုတာ မပျောက်မပျက် ဆက်လက် ရှင်သန်နေသေးကြောင်း ...
ကိုယ်မျက်နှာကိုပဲ ကိုယ်ကြည့်တတ်သူတွေသည်သာ သူတော်စင်များ ဖြစ်ကြောင်း ...
လကမ္ဘာဆိုတာ ဘုံ ၇ ဆင့်မှာ တတိယအဆင့်ပဲ ရှိသေးတယ်လို့ ပြောဖူးတဲ့ အဖိုးကြီးတယောက်ကို ရူးနေတယ်လို့ ထင်ခဲ့မိကြောင်း ...
ဒုတိယ နိဗ္ဗာန်မှာ တတိယအရွယ်ရဲ့ စတုတ္ထ ဝေဒနာကို ပဉ္စမမြောက် အဖြစ် ခံစားရသူကို နိုဘယ်ဆုပေးသင့်ကြောင်း...
ကိုယ့်အိမ်ကကားကို ကိုယ်တိုင် မောင်းခွင့် မရသည်မှာကလည်း ၀ဋ်ကျွေးတခုပင် ဖြစ်ကြောင်း...
စားချင်သလို စားခွင့် မရသည့်အခါ လူတယောက်သည် ပြိတ္တာ တကောင်မျှသာ ဖြစ်ကြောင်း...
မည်သို့ ဖြစ်စေ အရာရာကို ပစ္စလက္ခတ်ထား-ခဲ့/မိ သူကို
အရာရာကလည်း တမင်တကာ/ရည်ရွယ်ချက်ရှိရှိ ပစ္စလက္ခတ် မေ့ထားတတ်ကြောင်း...
အိမ်ခေါင်းရင်းက အိမ်မြှောင် စုတ်ထိုးသမျှ ရုပ်ဆိုးရသော ဘ၀သည်လည်း သဘာဝ ကျကြောင်း...
အောင်သာငယ် ဆိုသော ငတိသည်လည်း ငါးပိမစားရသော အမေရိကားမှာ ငါးပိ ငတ်ကြောင်း...
သစ်ကောင်းအိမ်ဆိုသော ကဗျာဆရာတယောက်သည်လည်း တော်တော် အရပ်ရှည်ကြောင်း. ..
၂၀၁၀ ရွေးကောက်ပွဲမှာ သွေးသောက်ရဲသူများကိုလည်း တွေ့ရမည် ဖြစ်ကြောင်း...
ဆိုင်ဆိုင် မဆိုင်ဆိုင် ဤကဗျာသည်လည်း နိုင်ငံရေးများပါကြောင်း...
ပြည့်ပြည့်၀၀...
ဖူဖူလုံလုံ...
ထူထူထဲထဲ...
ရဲရဲရင့်ရင့်...
သေသေချာချာ...
အပ်ချမတ်ချ...
(အောင်သာငယ်) ကိုယ်တိုင်ကိုယ်ကျ....
ပစ္စုပ္ပန် အခြေအနေအရ...
ပစ္စလက္ခတ် အာမခံလိုက်ပါကြောင်း...

Cartoon Saw Ngo - After 2010, Burma's liability


ကာတွန်းစောငို - ၂၀၁၀ လွန် အမွေဆိုင်မြန်မာပြည်
ဇန်န၀ါရီ ၂၇၊ ၂၀၁၀

Japanese Reporter award

ကင်ဂျိနာဂါအိ အမှတ်တရဆု အကျဉ်းကျ သတင်းသမား ၂ ဦး ရရှိ
မိုးမခအထောက်တော် အမှတ် ၀၀၁
ဇန်နဝါရီ ၂၇၊ ၂ဝ၁ဝ
ရန်ကုန်မြို့ဆန္ဒပြပွဲတခုတွင် ဂျပန်သတင်းထောက် ကင်ဂျိနာဂါအိ သတင်းယူနေစဉ် ပစ်ခတ်ခံရသဖြင့် လဲကျသွားပုံ (ဓာတ်ပုံ- Reuters)

ဒုတိယအကြိမ်မြောက် ကင်ဂျိနာဂါအိ အမှတ်တရဆုကို အကျဉ်းကျနေသည့် မြန်မာသတင်းသမား၂ဦးကို ပေးအပ်ရန် ရွေးချယ်ထားသည်ဟု ဂျပန်သတင်းဌာန APF နှင့် ပြည်ပအခြေစိုက် မြန်မာသတင်းသမဂ္ဂတို့က အင်္ဂါနေ့တွင် ကြေညာလိုက်သည်။

ဆုရသူ ဗီဒီယိုရိုက်ကူးသည့် သတင်းသမား၂ ဦးမှာ ထောင်ဒဏ် ၂၇ နှစ် ကျခံနေရသော မလှလှဝင်း၊ ထောင်ဒဏ် ၁၇ နှစ် ကျခံနေရသော ကိုဝင်းမော်တို့ဖြစ်သည်ဟု ဆိုသည်။

ကင်ဂျိနာဂါအိ အမှတ်တရဆုသည် ၂ဝဝ၇ ခုနှစ်က ရန်ကုန်မြို့ဆန္ဒပြပွဲတွင် သတင်းယူနေစဉ် ပစ်ခတ်မှုကြောင့် သေဆုံးသွားသူ ဂျပန်သတင်းထောက် မစ္စတာကင်ဂျိနာဂါအိ အထိမ်းအမှတ်ပြုသောအားဖြင့် ဖန်တီးခဲ့ခြင်း ဖြစ်သည်။

သတင်းသမားများကို ဖမ်းဆီးထောင်ချ၊ ညှင်းပန်းနှိပ်စက်ရာတွင် ထင်ရှားသည့် မြန်မာနိုင်ငံတွင် စွန့်စားပြီး သတင်းယူနေသူများကို မြန်မာသတင်းသမဂ္ဂ အတွင်းရေးမှူး ဦးစံမိုးဝေက ချီးကျူးလိုက်သည်။

“သတင်းမှန်ရဖို့ စွန့်စားဆောင်ရွက်ကြသူတွေဟာ သူရဲကောင်းတွေ ဖြစ်ပါတယ်။ သူတို့လို ပုဂ္ဂိုလ်မျိုးတွေ ရှိနေသရွေ့ ကျနော်တို့နိုင်ငံမှာ မျှော်လင့်ချက်တွေ ရှိနေဦးမှာပါ”ဟု ဦးစံမိုးဝေက ပြောသည်။

ဒုအကြိမ်မြောက် ကင်ဂျိနာဂါအိ အမှတ်တရဆုကို ရှေ့လတွင် ကျင်းပမည့် မြန်မာမီဒီယာညီလာခံတွင် ပေးအပ်မည်ဟု ဆိုသည်။

ပထမအကြိမ်မြောက် ကင်ဂျိနာဂါအိ အမှတ်တရဆုကို ရရှိသူမှာ မကြာမီက ထောင်မှ လွတ်လာသည့် သတင်းထောက် အိမ့်ခိုင်ဦး ဖြစ်သည်။