Yan Win (Taung Da Gar) – Zat Poah Saing

မြန်မာ့ဇာတ်ပို့ဆိုင်းဝိုင်းကြီး
ရန်ဝင်း (တောင်တံခါး)
ဖေဖော်ဝါရီ ၁၄၊ ၂၀၁၁

“လုံးနှစ်ဆယ် ပတ်ပြင်
လက်တင်ကာ ရေလှည့်လို့
(ရွာစားရေ) မန်းဘွဲ့နဲ့ ပို့တော်မူစမ်း”
ရှေးဆိုင်းဆင့်လင်္ကာ

မြန်မာ့ရိုးရာဆိုင်းအဖွဲ့တွေမှာ ဇာတ်ပို့ဆိုင်း နဲ့ ဗလာဆိုင်းလို့ခေါ်တဲ့ ဆိုင်းနှစ်မျိုးနှစ်စားရှိပါတယ်။ ဇာတ်ပို့ဆိုင်းကို ဇာတ်အဖွဲ့၊ ရုပ်သေးအဖွဲ့တွေနဲ့တွဲဖက်ထားပြီး နာမည်အတိုင်းပဲ အဲဒီဇာတ်တွေကို ပို့ပေးရတဲ့ အဓိကတာဝန်ရှိပါတယ်။ ဗလာဆိုင်းကတော့ အလှူမင်္ဂလာပွဲ၊ လက်ထပ်မင်္ဂလာပွဲ၊ ဘုရားပွဲ၊ ဧည့်ခံပွဲအမျိုးမျိုးတွေမှာ တီးကြတဲ့ဆိုင်းမျိုးပါ။ ဒုမင်္ဂလ နာရေးပွဲတွေမှာပဲ သီးသန့်တီးတဲ့ ဗလာဆိုင်း အဖွဲ့တွေလည်း ရှိပါတယ်။ 

ဆိုင်းဝိုင်းကြီးကိုဖွဲ့စည်းထားပုံနဲ့ ပါဝင်တဲ့တူရိယာတွေ၊ အဆင်အပြင် အထားအသိုတွေအားလုံးက ဇာတ်ပို့ဆိုင်းဝိုင်းနဲ့ ဗလာဆိုင်းဝိုင်း နှစ်မျိုးစလုံးမှာ အတူတူပါပဲ။ ပတ်ဝိုင်းကြီးရဲ့ ညာဘက်ခြမ်းမှာ အသံစုံ တူရိယာတွေဖြစ်တဲ့ ကြေးနောင်ဝိုင်း၊ မောင်းဆိုင်းနဲ့ နှဲ၊ ပလွေတို့ရှိပါတယ်။ ပတ်ဝိုင်းကြီးရဲ့ ဘယ်ဘက်ခြမ်းမှာ တုံး (ဒုံး) လို့ခေါ်တဲ့ အသံမစုံ တူရိယာတွေရှိပါတယ်။ ‘ပတ်မချောင်’လို့ ခေါ်တဲ့အုပ်စုမှာ ပတ်မကြီး၊ စခွန့်၊ ခြောက်လုံးပတ်၊ အဲဒီနောက်နားက ‘အုပ်စုံတီး’ အုပ်စုမှာပါတဲ့ စည်တို၊ ဗျော၊ ပလုပ်တုတ်၊ စည်းနဲ့ဝါး၊ ဝါးလက်ခုပ်နဲ့ လင်းကွင်းကြီး၊ လင်းကွင်းလတ်တို့ကို နေရာချထားပါတယ်။

 
မြန်မာ့ဆိုင်းဝိုင်းကြီးရဲ့ အင်္ဂါရပ်များ

ဇာတ်ပို့ဆိုင်းပညာ နဲ့ ဗလာဆိုင်းပညာ၊ ဆိုင်းပညာရပ်နှစ်ခုမှာ တူညီသယောင်ယောင်နဲ့ ကွဲပြားတဲ့အချက်တွေ အများအပြားရှိပါတယ်။ ဇာတ်ပို့ဆိုင်းပညာ နဲ့ ဗလာဆိုင်းပညာ၊ ပညာနှစ်ရပ်စလုံးကို ကျွမ်းကျင်တဲ့ ဆိုင်းဆရာကြီးတွေရှိပေမယ့် အများအားဖြင့်တော့ ဗလာဆိုင်းဆရာတွေက ဇာတ်ပို့ဆိုင်းကို တီးနိုင်ဖို့ခက်ခဲတယ်လို့ မှတ်သားရဖူးပါတယ်။ ဇာတ်ပို့ဆိုင်းပညာက ဗလာဆိုင်းပညာထက်ပိုပြီး ခက်ခဲ နက်နဲတယ်လို့ ဆရာ့ဆရာကြီးများ ခေတ်အဆက်ဆက် ညွှန်းဆိုခဲ့ကြပါတယ်။ ပညာရပ်ချင်းမတူ ကွဲပြားတယ်လို့ ဆိုလိုရင်းဖြစ်ပါတယ်။

 
ဗလာဆိုင်းတီးကြတဲ့ ဆိုင်းဝိုင်းကြီး

ဗလာဆိုင်းမှာ ကောင်းနိုးရာရာ လက်စွမ်းပြတီးလုံးတွေ တီထွင်ပြီး လွတ်လွတ်လပ်လပ် တီးနိုင်တယ်။ ဆိုင်းနောက်ထ၊ ဆိုင်းမင်းသမီး စသဖြင့် ပါဝင်ဖျော်ဖြေလေ့ရှိပါတယ်။ တွဲဖက်ကပြတဲ့ ဇာတ်အဖွဲ့၊ ရုပ်သေးအဖွဲ့တွေမပါရင်တော့ အဲဒီဆိုင်းကို ဗလာဆိုင်းလို့ပဲ ခေါ်ပါတယ်။ ဗလာဆိုင်းတွေက ဆိုင်းတဖွဲ့နဲ့တဖွဲ့ ဆိုင်းအပြိုင်လည်း တီးတတ်ကြတယ်။

ဇာတ်ပို့ဆိုင်းကတော့ ဇာတ်ပွဲစပြီဆိုတဲ့ ‘ကရောင်း’ နှက်ချိန်ကစပြီး ပတ်စာခွာ ဖျာသိမ်းချိန်အထိ တိုင်အောင် တာဝန်ယူရပါတယ်။ ဇာတ်လမ်းအရ ထွက်လာတဲ့ဇာတ်ရုပ်နဲ့ ကိုက်ညီအောင် ဇာတ်ဝင်တီးလုံးကို ချက်ချင်း ကောက်တီးနိုင်ရသလိုပဲ ဇာတ်ရုပ်ဆိုင်ရာ အဝင်အထွက် ‘လေပြေထိုး’ ကိုလည်း မှန်မှန်ကန်ကန် အဆင်ပြေအောင် ထိုးရပါတယ်။ အဲဒီလို တီးမှုတ်တဲ့အခါမှာလည်း မဖြစ်မနေ လိုက်နာရတဲ့ သမားရိုးကျ စည်းကမ်းဥပဒေတွေ ရှိပါသေးတယ်။ ဇာတ်ပို့ဆိုင်းဆရာနဲ့ ဆိုင်းအဖွဲ့က အပို့ကောင်းရင် ကောင်းသလောက် ဇာတ်အဖွဲ့နဲ့ ဇာတ်ဆရာ၊ ဇာတ်မင်းသားတို့ ပိုပြီး ကောင်းလာတတ်ပါတယ်။

တီးမှုတ်ကပြကြတဲ့အခါ တဦးကိုတဦး ယိုင်းပင်း ဖေးမကူညီသွားကြပုံတွေက အံ့မခန်းလောက်စရာတွေ ရှိပါတယ်။ ပွဲကြည့်ပရိသတ်ထဲက အင်မတန် နားလည်ပါးနပ်သူ တချို့တလေက လွဲရင် အဲဒီလို ယိုင်းပင်း ဖေးမကူညီသွားကြတာမျိုးတွေကို မသိနိုင်ဖူးလို့ ဆိုပါတယ်။ အဲဒီအချက်တွေက မြန်မာ့ဇာတ်သဘင်မှာ တွေ့နိုင်တဲ့ ဂုဏ်ယူစရာ ရိုးရာယဉ်ကျေးမှုပါ။ 

အင်မတန်ကျယ်ဝန်းတဲ့ ဇာတ်ပို့ဆိုင်းပညာရပ်ရဲ့ ဥပမာတခုကိုပြရရင် ဇာတ်ပွဲကနေရင်း ဇာတ်မင်းသားက အမှတ်တမဲ့နဲ့ မူတည်သံမှားပြီး သီချင်းတပုဒ်ကို စ ဆိုမိတယ်ဆိုပါစို့။ ဆိုင်းဝိုင်းကြီးက တီးမယ့်အသံစဉ်နဲ့ မကိုက်ညီတော့တာကို သီဆိုသူမင်းသားက သိသိချင်းပဲ အသံမမီတဲ့ အခက်အခဲ တွေ့ရတော့တယ်။ ပရိသတ်ရှေ့မှာ မင်းသားကလည်း ဆက်ပြီးမဆိုနိုင်၊ ဆိုင်းဝိုင်းကလည်း ဆက်ပြီး မတီးနိုင်ဘဲ အရှက်ရတော့မလိုဖြစ်နေတယ်။ အဲဒီအခါ ဆိုင်းဆရာက ဆိုင်းပရိယာယ်နဲ့ အသံမှားနေတာကို အဆင်ပြေအောင် ဖျက်ချလိုက်ပြီး အသံမှန်ကိုရောက်ဖို့ လမ်းပြနိုင်လို့ အဆင်ပြေသွားတော့တယ်။ အင်မတန် သိမ်မွေ့တဲ့ပညာရပ်ပါပဲ။

 
မြေဝိုင်းဇာတ် နဲ့ ဇာတ်ပို့ဆိုင်းဝိုင်း

မြေဝိုင်းဇာတ်ပွဲခေတ်မှာ ဆိုင်းဝိုင်းကြီးက ပရိသတ်ဘက်ကို လှည့်ထားပါတယ်။ ဇာတ်ပွဲကပြသူတွေက ဆိုင်းဝိုင်းကြီးရှေ့မှာ ကကြတယ်။ ရုပ်သေးစင်ကတော့ အဲဒီကတည်းက စင်မြင့်ပေါ်မှာဆိုတော့ အမြင့်သဘင် လို့ခေါ်ပါတယ်။ 

ဇာတ်ပွဲကပြဖို့ ဇာတ်ခုံစနစ်ပေါ်လာတဲ့အခါမှာ ဇာတ်အဖွဲ့အပေါ်ရောက်သွားတော့ ဆိုင်းဝိုင်းကြီးက ပရိသတ်ကိုကျောပေးပြီး ဇာတ်ခုံဘက်ကို လှည့်ပါတယ်။ ဇာတ်ခုံပေါ်မှာကပြတဲ့ ဇာတ်အဖွဲ့ကို ‘အပေါ်’၊ ဇာတ်ခုံအောက်က ဆိုင်းအဖွဲ့ကို ‘အောက်’ လို့ ခေါ်ဝေါ်သုံးစွဲတတ်ပါသေးတယ်။ ဂရိတ်ဦးဖိုးစိန် လက်ထက်ကျတော့ ဇာတ်ခုံရဲ့ရှေ့တည့်တည့်မှာထားလေ့ရှိတဲ့ ဆိုင်းဝိုင်းကြီးကို ဇာတ်ခုံရဲ့ဘေးဘက်ကို ရွှေ့ပြောင်းထားလိုက်ပါတယ်။

 
အမြင့်သဘင် ခေါ် ရုပ်သေးစင်
ရုပ်သေးကြိုးဆွဲဆရာနဲ့ ရုပ်သေးရုပ်

အမေရိကန်ပြည်ထောင်စု အော်စတင်မြို့၊ တက်ဆပ်ပြည်နယ် တက္ကသိုလ်၊ မနုဿဗေဒဌာနက မနုဿဗေဒပါရဂူ မြန်မာနာမည် ကိုသူရ ခေါ် Dr Ward Keeler ဦးဆောင်တဲ့ မြန်မာ့ဇာတ်ပိုYဆိုင်းကို မှတ်တမ်းတင်မယ့်အဖွဲ့တဖွဲ့ မန္တလေးမြို့ကို ၂ဝဝ၅ ခုနှစ် ဇွန်လထဲမှာ ရောက်လာတယ်။ အဖွဲ့ဝင်တဦး ဖြစ်သူ စာရေးသူနဲ့အတူပါလာတဲ့ တခြားအဖွဲ့ဝင်တွေအားလုံးက အရှေ့တိုင်းအနုပညာနဲ့ ဘာသာရပ် ဆိုင်ရာ မနုဿဗေဒပါရဂူတွေ ဖြစ်ကြတယ်။ အနောက်တိုင်း ဒေသသားတွေဖြစ်ကြပေမယ့် မြန်မာ့ဂီတကို ထဲထဲဝင်ဝင် လေ့လာထားကြသူတွေပါပဲ။ 

မနုဿဗေဒပါရဂူ ကိုသူရ က မြန်မာဘာသာစကားကိုပါ လေ့လာထားလို့ မြန်မာလိုတော်တော်ပဲ ပီပီသသ ပြောနိုင်တယ်။ မြန်မာစာကို အတော်အသင့် ရေးနိုင် ဖတ်နိုင်တယ်။ မြန်မာ့မဟာဂီတဝင် သီချင်း တချို့ကို သီဆိုနိုင်ဖို့ စနစ်တကျ သင်ယူထားပါသေးတယ်။

 
မြန်မာ့ဇာတ်ပို့ဆိုင်း မှတ်တမ်းတင်အဖွဲ့
ဆရာလေး ဦးသန်းအောင် (ဘယ်အစွန်ဆုံး)၊ ကိုသူရ (ငါးဦးမှာ အလည်ကလူ)

မန္တလေးမြို့ ပန်တျာကျောင်း အကနည်းပြဆရာ၊ ဆရာလေးဦးသန်းအောင်က ဂီတ အနုပညာ အတွေ့အကြုံတွေနဲ့ အသိအမြင်ကြွယ်ဝစုံလင်ပြီး အပေါင်းအသင်း မိတ်ဆွေတွေများသူပီပီ၊ မန္တလေးမြို့ လေးပြင်လေးရပ်က ဆိုင်း၊ နှဲပညာကျော်တွေကို ရှာဖွေ ရွေးကောက် စုစည်းပြီး ဆိုင်းဝိုင်းကြီးတခုကို ဖွဲ့စည်း စီစဉ် ညွှန်ကြားပါတယ်။

ထူးခြားတာက အဲဒီဆိုင်းဝိုင်းကြီးမှာ ပတ်တီးခေါင်းဆောင် ဇာတ်ပို့ဆိုင်းဆရာကြီး စိန်ကျော်ဒင်၊ လက်ထောက် ပတ်တီးခေါင်းဆောင်နဲ့ ကြေးဝိုင်းတီးဆရာ ဦးအေး၊ မောင်းဆိုင်းတီးဆရာ ဦးသိန်းအောင် တို့ကိုယ်တိုင်က ကိုယ့်အဖွဲ့နဲ့ ကိုယ်စီကိုယ်စီ ပတ်တီးခေါင်းဆောင်တွေချည်းပါ။ ပတ်တီးခေါင်းဆောင် သုံးဦးတိတိပါတဲ့အပြင် နှဲဆရာကလည်း မန္တလေးမြို့က ထိပ်တန်းနှဲဆရာကြီးတဦးဖြစ်တဲ့ စိန်မြပို ဖြစ်ပါတယ်။ မောင်းဆိုင်းတီး ဦးစန်းလွင်၊ ပတ်မချောင်က ဒိုးတီး ဦးမြင့်အောင်၊ အုပ်စုံတီး ဦးစိုးမြင့်နဲ့ စည်းဝါးတီး ဦးသန်းဌေး တို့ကလည်း လက်ရွေးစင် ရွေးကောက်ထားသူတွေချည်းမို့ ကြုံတောင့်ကြုံခဲမျှ စင်တော်ကောက် ဆိုင်းဝိုင်းကြီးဖြစ်ပါတယ်။ 

နောက်ထပ်ထူးခြားတဲ့အချက်က အဲဒီဆိုင်းဝိုင်းကြီးရဲ့ မူတည်သံပါ။ ရွာစားကြီးစိန်ဗေဒါ၊ ဦးဟန်ပ၊ ဦးဘမောင်တို့ခေတ်တွေတုန်းကလိုပဲ အဲဒီဆိုင်းဝိုင်းကြီးမှာ ‘တပေါက်-သံမှန်’ အဖြစ် ‘စီ’သံ ကိုသုံးဖို့ စီစဉ်ထားပါတယ်။ ဒီကနေ့ မြန်မာပြည်ထဲက ရှိရှိသမျှဆိုင်းဝိုင်းတွေမှာ ‘တပေါက်-သံမှန်’ အဖြစ် ‘စီ-ရှပ်’သံ ကိုသုံးစွဲနေကြပါတယ်။ အဲဒါကြောင့် ကြေးနောင်ဝိုင်း နဲ့ မောင်းဆိုင်းတွေကို ပြန်ပြင်ရပါတယ်။ တချို့ ကြေးနောင်လုံးတွေနဲ့ မောင်းလုံးတွေကိုလည်း အသစ်တွေလုပ်ကြရတယ်။ မန္တလေးမြို့က နှဲဆရာကြီး စိန်မြရှင် နဲ့ နှဲဆရာကြီး စိန်တာနောတို့ရဲ့ အကူအညီနဲ့ ‘စီ’သံစဉ်ကိုက် နှဲပလွေတွေကိုလည်း ရှာဖွေကြရပါတယ်။

 
ဇာတ်ပို့ဆိုင်းဆရာကြီး စိန်ကျော်ဒင် ရဲ့ ပတ်ဝိုင်းကြီး

 
ကြေးတီး ဦးအေး ရဲ့ ကြေးနောင်ဝိုင်း

 
မောင်းဆိုင်းတီး ဦးသိန်းအောင် ရဲ့ တိုးချဲ့တီထွင်ထားတဲ့ မောင်းဆိုင်း

 
နှဲဆရာကြီး စိန်မြပို ရဲ့ နှဲကြီး နဲ့ နှဲကလေး

 
ဒိုးတီး ဦးမြင့်အောင် ရဲ့ စခွန့်၊ ခြောက်လုံးပတ် နဲ့ ပတ်မကြီး၊

 
အုပ်စုံတီး ဦးစိုးမြင့် ရဲ့ စည်တို၊ ဗျော၊ လင်းကွင်းကြီး၊ လင်းကွင်းလတ်
 စည်းဝါးတီး ဦးသန်းဌေး ရဲ့ စည်းနဲ့ဝါး

ဆရာလေးဦးသန်းအောင် ရှာဖွေစုစည်းထားတဲ့ ‘နောက်ပိုင်းဇာတ်’ အဆိုအက ပညာရှင်တွေကလည်း တကယ့်လက်ရွေးစင်တွေပါ။ ဇာတ်မင်းသားတွေဖြစ်ကြတဲ့ ပန်တျာထွန်းထွန်းနိုင်၊ မြို့တော်တင်ဝမ်း နဲ့ ကိုဖြူး၊ အဆိုပညာရှင်တွေဖြစ်ကြတဲ့ ရွှေဘိုတင်ဆောင်၊ မွန်မွန်အောင် နဲ့ မေမြတ်ကြည်တို့အားလုံးက သမားစဉ် ပိုင်နိုင်ပြီးသူတွေချည်းပါပဲ။ 

ရွှေဘိုမြို့နယ်က ရှားရှားပါးပါး ရှာဖွေခေါ်ယူထားရတဲ့ ရုပ်သေးစင် အဆိုပညာရှင်ကြီးတွေဖြစ်တဲ့ ရွှေဘိုတင်ဆောင် နဲ့ မေမြတ်ကြည် တို့ကတော့ ဇာတ်ကြီးငိုချင်းနဲ့ ရုပ်သေးငိုချင်း ကွဲပြားပုံကို ဆိုပြကြတယ်။ ရွှေဘိုတင်ဆောင်က ရှေးခေတ် ရုပ်သေးအဆိုတော်ကြီး ပုဂံသားမောင်ဘကျော်ရဲ့ ဂန္ဓဝင်မြောက် ဆဒ္ဒန်ဆင်မင်း ငိုချင်းရှည်ကို နားဆင်သူ ပရိသတ်အပေါင်းကို မဆိုထားနဲ့ ပညာရှင်အချင်းချင်းတွေကိုတောင်မှ မျက်ရည်ဝဲစေရအောင် ရင်ထဲကလာတဲ့အသံနဲ့ ဆိုပြသွားပါတယ်။

ဗုဒ္ဓသပြေ၊ ဒေဝသပြေ၊ ရာဇသပြေဆိုတဲ့ သပြေသုံးမျိုး၊ ကရောင်း၊ စည်တော်သံ၊ လှေတော်သံ၊ ဝေလာ၊ ချွတ်နင်း၊ နတ်ဒိုး၊ ဗိန်းဗောင်း၊ သစ္စာထားနှစ်ပါးသွား၊ ငိုချင်း အတို အရှည်၊ ငိုချင်းပုံစံနဲ့ ဆိုတဲ့ ဒွေးချိုး၊ လေးချိုး၊ တေးထပ်တွေနဲ့ နောက်ပိုင်းဇာတ်မှာသုံးတဲ့ လေပြေထိုး အမျိုးမျိုးကိုပါမကျန် ဇာတ်ပို့ဆိုင်းဝိုင်းကြီးက တီးမှုတ်တာ အံ့မခန်းစရာပါပဲ။

ဒီကနေ့ မြန်မာပြည်အတွင်းမှာ အတွေ့ရ၊ အမြင်ရ၊ အကြားရနည်းလာနေပြီဖြစ်တဲ့ မြန်မာ့ဇာတ်ပွဲ နောက်ပိုင်းဇာတ်ဝင်သီချင်းတွေနဲ့ သမားစဉ်ဇာတ်ပို့တီးလုံးတွေကို မန္တလေးပန်တျာကျောင်း အဆိုသင်တန်းဆင်း ဦးတင်ဦးရဲ့ မန္တလေးမြို့ စိန်ပန်းရပ်က နေခြည်စတူဒီယိုမှာ စနစ်တကျ မှတ်တမ်းတင် အသံသွင်းခဲ့ကြတယ်။ 

အခက်အခဲတွေအားလုံးကို ကျော်ဖြတ်အပြီး ငါးနှစ်တာကာလကြာမှ စီဒီဓာတ်ပြား နှစ်ချပ်တွဲကို The Classical Burmese Theatre Music/ Classical Theatre Music: Burma လို့ နာမည်ပေးပြီး ထုတ်ဝေနိုင်ခဲ့တယ်။ ဆွစ်ဇာလန်နိုင်ငံမှာ ရိုက်နှိပ်ပြီး ထုတ်ဝေပါတယ်။

 
Classical Theatre Music: Burma CD Set Cover
www.vdegallo.ch

ဝမ်းနည်းကြေကွဲစရာကောင်းတာကတော့ ဒီဆောင်းပါးကိုရေးတဲ့ အခုအချိန်ဆိုရင် အဲဒီ ဇာတ်ပို့ဆိုင်းဝိုင်းကြီးမှာ ပါဝင်တီးမှုတ်သီဆိုခဲ့ကြတဲ့ ဇာတ်ပို့ဆိုင်းဆရာကြီး စိန်ကျော်ဒင် အပါအဝင် ဇာတ်ပို့ဆိုင်းအဖွဲ့သားသုံးဦး နဲ့ ဇာတ်မင်းသားတဦးတို့ ကွယ်လွန်သွားကြပါပြီ။ သူတို့ရဲ့နောက်ဆုံးလက်ရာ မြန်မာ့ရိုးရာအမွေအနှစ်ကို အချိန်မီ မှတ်တမ်းတင်လိုက်နိုင်တဲ့အတွက် တန်ဖိုးမဖြတ်နိုင်တော့ပါ။ ပါဝင်တဲ့ပညာရှင်တွေနဲ့ စီစဉ်သူအားလုံးကိုလည်း ကျေးဇူး အထပ်ထပ်တင်မိပါတော့တယ်။ 

မြန်မာ့ရိုးရာ ဇာတ်ပို့ဆိုင်းဝိုင်းကြီးရဲ့ အနှစ်သာရကို ကိုယ်တိုင်ကိုယ်ကျ အနီးကပ် မြင်တွေ့ နားဆင်ခဲ့ရပြီး တစေ့တစောင်း လေ့လာခွင့်ရခဲ့ပါတယ်။ အဲဒီအချိန်တုန်းက သိကျွမ်းခဲ့ရတဲ့ ဇာတ်ပို့ဆိုင်း ပညာရှင်ကြီးတွေ၊ အဆိုပညာရှင်ကြီးတွေရဲ့ တီးမှုတ်ပုံ၊ သီဆိုပုံ၊ ပြောပုံဆိုပုံ ဟန်ပန်တွေကို ဘယ်သောအခါမှ မမေ့နိုင်တော့တဲ့ နှလုံးသားထဲက ခံစားချက်တွေနဲ့အတူ လွမ်းဆွတ်တမ်းတနေရပါပြီကောလေ။ 

“သည်ဆိုင်းတော် မဟာသိန်က
လွမ်းချိန်တန်ပါဘိလို့
မေသရီမယ် တရှိငယ်လေ
သာဘိညွှတ်နူး”
ဆိုင်းတော်ဖွဲ့ ခွာပြာသင်း ပတ်ပျိုး
မြဝတီမင်းကြီး ဦးစ

အထူးကျေးဇူးတင်စွာနဲ့ ကိုးကားခြင်း

(၁) နိုင်ငံတော်မူ မဟာဂီတ၊ ပဉ္စမအကြိမ် ပုံနှိပ်၊ ဒီဇင်ဘာ၊ ၁၉၉၇
(၂) ဆောင်းပါး ခေါင်းစီးပန်းချီ၊ ပန်းချီအောင်စိုး
(၃) ဆိုင်းဝိုင်းတူရိယာ ဓာတ်ပုံများ၊ ရန်ဝင်း (တောင်တံခါး)
(၄) အင်တာနက်ကရတဲ့ ဆိုင်းဝိုင်းကြီးဓာတ်ပုံများ
(၅) www.wikipedia.org

Comments

kolay said…
ကောင်းလိုက်တဲ့ ဆောင်းပါး၊ ကျေးဇူးသိပ်တင်တာပဲ။
ကိုလေး။
kolay said…
သိပ်ကောင်းတဲ့ဆောင်းပါးကို ရေးပေးတဲ့သူနဲ့ တင်ပေးသူ အားလုံးကို ပေကျေးဇူးတင်လို့မဆုံးပါ။
ကိုလေး။
myitkyeenar said…
အဲ့ဒီ စီဒီ ၂ ချပ်ကိုဘယ်မှာဝယ်လို့ ရနိုင်မလဲဗျာ။နောင်လာနောက်သားတွေကိုပြောပြရအောင်ပါ။
lwannaung said…
မသိသေးတာတွေ သိလိုက်ရလို့ ကျေးဇူးအထူးပါ ဦးရန်ရေ။ဆရာချစ်ဦးညိုရဲ့ စာတစ်ပုဒ်ထဲမှာ ဦးအောင်မောင်း သီချက်ရှေ့မဆက်နိုင်ပဲ မေ့နေတာကို ဆိုင်းဆရာက မထောက်ပေးလို့ ပျက်လုလု ဖြစ်နေချိန်မှာ စည်းသမားက ထောက်ပေးလို့ သတိရပြီး ပြန်လည် က နိုင်ခဲ့တယ်လို့ မှတ်သားဖူးပါတယ်။