ရှာဖွေရေး ...

editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

Ashin Wirathu - Burmese Losing on Home Ground


 အိမ်ကွင်းမှာ မရှုမလှ ရှုံးနိမ့်နေရသော ရွှေဗမာ
အရှင်ဝီရသူ (မစိုးရိမ်)၊ မေ ၂၀၊ ၂၀၁၂
            မေလ ၁၂ ရက်နေ့က ဖြစ်သည်ု။ စာရေးသူသည် စစ်ကိုင်းတိုင်း ပင်လယ်ဘူးမြို့နယ် ဝမ်းဘဲအင်းရွာ တရားပွဲနှင့် NLD-ရုံးဖွင့်ပွဲမှ ပြန်လာခဲ့၍ ကောလင်းမြို့သို့ ရောက်သည်တွင် ခရီးရောက်မဆိုက်မှာပင် ဖုန်းသတင်းတစ်ခု ကြားလိုက်ရပေသည်။ ဗြဟ္မစိုရ်လူမှုကူညီရေးအသင်း၏ မိခင်ကြီး ဝါခင်းကုန်းဦးတိက္ခဆရာတော်ကြီးကိုယ်တိုင် ဖုန်းဆက်သတင်းပေးခြင်းဖြစ်၏။
 “ကောလာဟလ ဒေါသပွ”
 “တောင်သာမြို့နယ်၊ ခြုံကြီးကျေးရွာမှ၊ ဗုဒ္ဓဘာသာဝင်မိသားစု လေးဆယ်ခန့်သည် မနက်ဖြန် ပြင်ဦးလွင်မြို့သို့ သွားကြတော့မည်။ နောက်လေးရက်ခန့်ကြာလျှင် ဘာသာကူးပြောင်းကြတော့မည်။ သတင်းအတိအကျရထား သည်”
ဆို၏။
စာရေးသူလည်း တောင်သာနယ်မှ သူငယ်ချင်းများ၊ တပည့်များ ရဲဘော်ပတ်သက်ကြီးများ အားကိုးရှိသည် အားလျော်စွာ ပတ်သက်ကြီး ကိုကြည်စိုးထံသို့ ဖုန်းဆက်မေးလိုက်ရပေသည်။
“ဘာမှမကြားဘူး”ဟု ဆိုလာပြန်၏။
ယခုကဲ့သို့ သော ဖြစ်ရပ်များသည် ရပ်ကျော်ရွာကျော် သတင်းကြီးသွားတတ်ရာ ဝါခင်းကုန်းဆရာတော်ကြီး၏ သတင်းမှာ ကောလာဟလ သာဖြစ်လိမ့်မည်ဟု ထင်မြင်မိသွား၏။
            ၎င်းည မန်းမြေသို့ပြန်ရောက်ပေသည်။ တောင်သာသို့ ဖုန်းဆက်စုံစမ်းကြည့်ရာ သတင်းမရသေး၊ စုံစမ်းဆဲပင် ရှိနေသေး ကြောင်း သိရပြန်၏။
            မေ ၁၃ ရက်၌ တောင်သာမြို့နယ် ရသစ်ရွာတရားပွဲ ရှိနေ၍ လမ်းကြုံဝင်စုံစမ်းဖို့ အားခဲထားခဲ့ပေသည်။ မြင်းခြံမြို့ သို့ရောက်သောအခါ ကိုကြည်စိုးထံမှ ဖုန်းရသဖြင့် သတင်းအတိအကျ သိရပါတော့၏။
 “မောလိုက်တာ တောတိုက်ရာ”
            တောင်သာမြို့နယ်၊ ခြုံကြီးရွာမှာ ကိုကျော်နိုင်အမည်ရှိ လူလတ်ပိုင်းအရွယ် လူတစ်ယောက်ရှိသည်။ လွန်ခဲ့သည့် ဆယ်နှစ်ကျော်ကတည်းက ဘာသာခြားတခုသို့ ကူးပြောင်းသွားသူဖြစ်သည်။ အခြားဘာသာသို့ ကူးပြောင်းသွား ကတည်းက ရွာမှဝိုင်း၍ ကြဉ်ဖယ်ထားကြသောကြောင့် ဟိုကပ်သည်ကပ် လျှောက်ကပ်နေရင်း ရွာအစွန်အဖျားတောထဲတွင် သွားနေရသည်။ ထိုသို့ ရွာမှာမနေဘဲ တောထဲသွားနေကြသည့် မိသားစုများ များစွာရှိသည်ဟု ဆိုပါသည်။ ရွာအမည်အသစ် ပေးခြင်း သီးခြားရွာတည်ခြင်းမပြုဘဲ ရွာနှင့်ဝေးရာ နားအေးပါးအေးနေကြသည့် အိမ်ထောင်စုများ စုဝေးနေကြရာ အရပ်ဒေသကို “တောတိုက်”ဟုခေါ်ကြောင်းသိရပေသည်။
ထိုတောတိုက်၌ ကိုကျော်နိုင်က ဆရာကြီးလုပ်ကာ ပစ္စည်းလာဘ်လာဘများ အခွင့် အရေးများ အခွင့်အလမ်းများပြကာ သွားရည်ကျအောင် စည်းရုံးသိမ်းသွင်းလေတော့၏။ မသိနားမလည်သူများကို “ဘုရားဖူးပို့ပေးမည်”ဟု လိမ်ညာပြောကာ မန္တလေး ပြင်ဦးလွင်မြို့များသို့ လှည့်စားခေါ်ကာ ဘုရားရှိခိုးကျောင်းများမှာ ဇွတ်အတင်း သွတ်သွင်းလေတော့၏။ အားနာသူများ အားပါကုန်ကြ၏။ ပစ္စည်းမက်သူများ ဘာသာပျက်ကုန်ကြ၏။
 “တစ်ကိုယ်တော် သူရဲကောင်း”
            ကိုကြည်စိုးထံမှ ဖုန်းချသွားသည့်အခါ မမြင့်မြင့်ကြည်ဆိုသူက ဖုန်းဆက်လာပါသည်။ ဝါခင်းကုန်းဆရာတော်ကြီး၏ တောင်တန်းသာသနာပြုဌာနမှ ဝန်ထမ်းတစ်ဦးဖြစ်ကြောင်းသိရ၏။ သူက ခြုံကြီးရွာအကြောင်း အတိအကျပြောပြကာ ဦးစန္ဒာသီရိ ဆိုသည့် ဦးဇင်းတစ်ပါးလှုပ်ရှားနေကြောင်း ပြောပြသွား၏။ ဦးစန္ဒာသီရိကား သာသနတက္ကသိုလ်ကျောင်းဆင်းဖြစ်ကာ ခြုံကြီးရွာ နှင့် ရွာနီးစပ် ဘုရားလှရွာသားဖြစ်၏။ အမျိုးဘာသာ သာသနာအတွက် စိတ်အားထက်သန်ကာ တစ်ကိုယ်တော်စွန့်စား လုပ်ကိုင်နေသူဖြစ်ပေသည်။
ဦးစန္ဒာသီရိထံ ဖုန်းဆက်သော်လည်း ရွာထဲဆင်းနေ၍ အဆက်အသွယ်မရခဲ့ပေ။ ခြုံကြီးရွာ အရှေ့ကျောင်းမှ ကျောင်းထိုင်ဆရာတော်လေး ဦးကဝိဓဇထံမှသာ တစ်ဆင့်ကြားသိရပေသည်။
            ရသစ်ရွာမှာ တရားဟောမည်။ ပြီးလျှင်ခြုံကြီးရွာသို့ သွားကြမည်။ ညလုံးပေါက် ဆွေးနွေးပြီး၍ မနက်ရောက်မှ မှတ်တမ်း တင်ကာ မန်းမြေသို့ ပြန်လာကြမည်ဟု အားခဲထားလိုက်၏။
            တရားပွဲနောက်ကျခြင်း လမ်းပြသမား ရှာဖွေနေရခြင်းတို့ကြောင့် ညဥ့်နက်သန်းခေါင်းယံရောက်မှသာ တောင်သာမြို့သို့ ရောက်ရှိနိုင်ခဲ့ပေသည်။ တောင်သာမြို့ မုန်ပင်ကျောင်းမှာ အိပ်ဖို့ NLD-မတူးတို့အဖွဲ့က စီစဉ်ပေးထား၏။ မုန်ပင်ဆရာတော် ကလည်း လိုလေသေးမရှိ ဧည့်ဝတ်ပြုပေသည်။
 “တုန်ဟီးစရာ ခြုံကြီးရွာအကြောင်း”
            မနက် အာရုဏ်ဆွမ်းကို မုန်ပင်ဆရာတော်ကလည်း ကပ်ပါသည်။ မတူးတို့ NLD-အဖွဲ့ကလည်း ကပ်လှူကြပေသည်။ ဆွမ်းစားပြီး တန်းထွက်လာခဲ့ကြ၏။ ခြုံကြီးရွာရောက်ခါနီးတွင် ဦးဇင်းနှစ်ပါးကို တွေ့ရပေသည်။ ကိုကျော်နိုင်ခေါ်ရာ လိုက်သွားဖို့ ပြင်ဆင်နေသည့် သားအမိကို လိုက်ရှာရာ မုံရွာသွားမည်ဟု လိမ်ညာသွားကြောင်း သမီးအကြီးဖြစ်သူက မန္တလေး သင်းအုပ်ဆရာထံမှာ တစ်လတစ်သိန်းနှင့် အလုပ်လုပ်နေကြောင်း သမီးနောက်ကို လိုက်ကြမှာဖြစ်ကြောင်း မလိုက်ဖို့တားမြစ်ရန် လိုက်ရှာနေကြခြင်းဖြစ်ကြောင်း သိရပေသည်။ ဦးစန္ဒာသီရိနှင့် နယ်ခံဦးဇင်းတစ်ပါးဖြစ်၏။
            ဦးစန္ဒာသီရိကို ကားပေါ်တင်ကာ ပါလာသည့်ကျောင်းသားကို နယ်ခံဦးဇင်းနှင့် ထည့်လိုက်ရပေသည်။ ထိုသားအမိ ကံကောင်းသည်ဟု ဆိုရပေမည်။ ဖအေဖြစ်သူရောက်လာကာ လုံးဝမလွှတ်နိုင်ကြောင်း လျှောက်ထားလာ၏။ ဖအေဖြစ်သူကို ခေါ်ကာ ထိုသားအမိနောက်သို့ ရွာခံဦးဇင်းနှင့် စာရေးသူ၏ ကျောင်းသားတို့ လိုက်ကြလေတော့၏။
            အရှေ့ကျောင်းသို့ ရောက်သည်။ ကျောင်းထိုင်ဆရာတော်လေးက (၁၅)ဝါသာရသေးသည်။ ရွာလယ်ဓမ္မာရုံမှာ လူစုပေးဖို့ မှာကြားကာ အသံချဲ့စက်များ ပြင်ဆင်ခိုင်းနေ၏။ ထိုမှတစ်ဆင့် အနောက်ကျောင်းသို့ သွားရပြန်ပါ၏။ အနောက်ကျောင်း ဆရာတော် ဦးဝိသုဒ္ဓက ဝမ်းသာအားရ ထွက်ကြိုရှာ၏။ ကိုကျော်နိုင်နှင့် ပတ်သက်သည့် မေတ္တာရပ်ခံစာ (အထက်တင်ထားသည့်စာ)ကို ပြလေ၏။ ရွာကျောင်းငါးကျောင်းမှ ကျောင်းထိုင်ငါးပါးလုံး တက်ညီလက်ညီ လက်မှတ်ထိုးထား သည်ကို တွေ့ရ၍ ဝမ်းသာကြောင်း ပြန်လည်လျှောက်ထားမိလေသည်။ ဦးဝိသုဒ္ဓကား ရပ်ကျေး သံဃနာယကအဖွဲ့မှ ဖြစ်၏။ ၎င်းတည်ခင်းသော ဒေသစာများကို ရေနွေးကြမ်းနှင့် မြီးကာ မြေဖြူကုန်းရွာသို့ ခရီးဆက်ခဲ့လေသည်။
 “ကန္တာရမှ ကြယ်တစ်ပွင့်”
            မြေဖြူကုန်းရွာ ဆရာတော်ဦးဣန္ဒာစာရကား သိက္ခာ(၂၄)ဝါသာ ရသေးသည်ဖြစ်၍ စာရေးသူနှင့် သက်တူ ရွယ်တူ ဖြစ်ပေ သည်။ ဘကကျောင်းဖွင့်ထားသည်မှာ အလွန်အောင်မြင်လေသည်။ မြို့နယ်သံဃနာယက အတွင်းရေးမှူးလည်း ဖြစ်၍ အလုပ်  များပုံရ၏။ ခြုံကြီးရွာကျောင်းသံဃာများ မညီညွတ်ကြောင်းနှင့် အလုပ်မလုပ်ကြကြောင်း ဦးဝိသုဒ္ဓရှေ့မှောက်တွင် ပွင့်လင်းစွာ ပြောပြနေပေသေး၏။
            မြေဖြူကုန်းရွာ ဘကကျောင်းသို့ ဝင်ရောက်လေ့လာကြသည်။ အားရစရာကောင်း၏။ နေရာအခက်ခဲနှင့် အခြားသော အခက်အခဲတို့ကြောင့် ကန့်သတ်၍ လက်ခံနေရကြောင်း ကျောင်းသားသစ် နှစ်ရာ သုံးရာကျော်လက်ခံရာ သုံးရက်ဖြင့်ပင် ပြည့်သွား၍ စာရင်းပိတ်လိုက်ရကြောင်း ပြောပြလေ၏။ မူလတန်းမှ အထက်တန်းထိဖြစ်ပေသည်။ ယခုအချိန်မှာပင် ၉-တန်း ၁၀-တန်းများကို စာသင်ပေးနေကြပြီ ဖြစ်၏။ မင်္ဂလသုတ်သင်နေသည်ကို တွေ့၍ ဝင်ရောက်လေ့လာ ခဲ့ရသေး၏။ အားတက်စရာပင်။ ရွာတိုင်းနီးပါး ဦးဣန္ဒာစာရလို အလုပ်လုပ်ကြလျှင် ဆိုသည့်အတွေးဖြင့် အနာဂတ်အရေးကို ကြိုတွေးနေမိ၏။
 “အရပ်ကူညီ၊ လူဝိုင်းမည်”
            ဦးဝိသုဒ္ဓရော ဦးဣန္ဒာစာရနှင့်ပါ ယဉ်ကျေးမှုသင်တန်းဖွင့်ဖို့၊ တရားစခန်းဖွင့်ဖို့၊ တရားပွဲများကျင်းပပေးဖို့ တိုင်ပင်ဆွေးနွေး ခဲ့ကြရ၏။ နှစ်ပါးလုံးက လိုလိုလားလား ရှိကြ၍ ကျေးဇူးတင်မိ၏။ လောလောဆယ် အထိမ်းအမှတ်တစ်ခုအဖြစ် “ယဉ်ကျေးမှု သင်တန်း”လာဖွင့်ပေးမည်။ သစ္စဝေဒဂူ မိုးကုတ်ရိပ်သာမှ ဆရာတော်ဦးခေမာစာရတို့အဖွဲ့က အကျွေးအမွေးပါ တာဝန်ယူ သင်ကြားပေးမည်ဖြစ်ကြောင်း လျှောက်ထားရ၏။ ထိုမှတစ်ဆင့် တရားပွဲများ တရားစခန်းများ ကျင်းပကာ ရပ်ရွာသာသနာ အကျိုးကို ဝိုင်းဝန်းသည်ပိုးကြမည့်အကြောင်း သဘောတူညီချက် ရရှိခဲ့ပေသည်။
 “ခံစစ်ကောင်းတော့ တိုက်စစ်ဂျောင်း”
            ဘုရားလှရွာမှ ဦးစန္ဒာသီရိ၏ တစ်ကိုယ်တော်ဆောင်ရွက်ချက်ထိရောက်သည်ဟု ဆိုရပေမည်။ သူ၏ တားမြစ်မှုကြောင့် မသိနားမလည်သော ရွာသူရွာသားများကို ဖြားယောင်းသွေးဆောင်သော ကိုကျော်နိုင်ဆိုသူ အခြားဘာသာဝင်သည် ရွာမှ ထွက်ပြေးတိမ်းရှောင်သွားခဲ့ပေသည်။
            ကိုကျော်နိုင်စည်းရုံးပုံကား ကြောက်စရာ။ ရွာသူရွာသားများကို ဘုရားဖူးပို့ပေးမည်ဆိုကာ လိမ်ညာ၍ ခေါ်သွားခဲ့ ပေသည်။ ဟိုရောက်သည့်အခါ ဒေါက်တာပိုင်စိုးက ဘာသာရေး သွတ်သွင်းပေးတော့၏။ ခြုံကြီးရွာသည် ဆင်းရဲသားရွာဖြစ် သောကြောင့် မြို့မရောက်ဖူးသူများက မြို့ရောက်ဖူးချင်ကြသောကြောင့် လိုက်သွားကြသည်လည်း ရှိ၏။ ထမင်းနပ်မှန်အောင် မစားရသူများက ထမင်းသုံးလေးနပ် အလကားစားရလျှင်လည်း မနည်းဘူးဆိုသည့်တွက်ချက်မှုဖြင့် လိုက်ပါသွားကြသည်လည်း ရှိပေသည်။ တစ်လလျှင် လခတစ်သိန်းပေးမည်ဆို၍ လိုက်ပါသွားကြသည်လည်း ရှိပေသည်။
            ကိုကျော်နိုင်နောက် ခိုးချောင်ခိုးဝှက်လိုက်မည်လုပ်နေသော သားအမိကား သနားစရာ။ ကိုကျော်နိုင်ဆီမှ ငွေတစ်သိန်း လက်လွန်ထားရာ ထိုတစ်သိန်းအတွက် သမီးအကြီးဖြစ်သူကို မန္တလေးသို့ ထည့်လိုက်ရပေသည်။ သမီးအကြီးမကား ၁၈-နှစ်အရွယ်ဖြစ်၍ စိုးရိမ်တကြီးမေးမိရာ ဓမ္မဆရာ(ဖာသာ)ကြီးများ၏ အနီးနားမှာ နေရသည်မဟုတ်ဘဲ ဆရာမ(မာသာ)ကြီး တစ်ယောက်၏ အနီးမှာ နေရသည်ဆို၍ ရင်မောပြေသွားခဲ့ပေသည်။ ဘာသာကူးပြောင်းခိုင်းသေးလားဟု မေးရာ မကူးပြောင်း ခိုင်းကြောင်း မိခင်ဖြစ်သူက ပြောပြ၍ အလုံးကြီးကျသွားခဲ့ပေတော့၏။ သမီးဖြစ်သူ ပြန်ခေါ်လိုက ငွေတစ်သိန်းနှင့် ပြန်ရွေးပေး မည်ဟု ပြောသော်လည်း မိခင်ဖြစ်သူက လုံးဝမလှုပ်ပေ။ နှစ်လတည်းသာ သဘောတူကတိပေးထားသည်ဆိုသော ကြောင့်၎င်း၊ ဘာသာတစ်ခုကို ဇွတ်အတင်းစွန့်ခိုင်းကာ အခြင်းဘာသာတစ်ခုကို အတင်းအဓမ္မယူခိုင်းခြင်းမျိုး မဟုတ်သော ကြောင့်၎င်း၊ သမီးကြီးကိစ္စကို ယာယီလက်ခံထားလိုက်ရ၏။
            တောင်သာမြို့နယ် လဝက ဦးစီးမှူး (သာသနာရေးမှူး)က ဘာသာခြားဝင်ဖြစ်နေ၍ ကိုကျော်နိုင်စည်းရုံးမှု အားကောင်းနေခြင်းဖြစ်ကြောင်းလည်း သိရပေသည်။
 “ကျောင်းထိုင်လို့ မညောင်းသေးဘူးပေါ့ကွယ်”
            ဘုရားလှရွာမှ ဦးစန္ဒာသီရိကား စိတ်အားတက်ကြွသူဖြစ်၏။ ရွာခံဘုန်းကြီးများ လုပ်ရမည့်အလုပ်ကို သူတစ်ပါးတည်း လုပ်နေသည်ကို တွေ့ရ၏။ မြို့တက်ပြီး ကိုကျော်နိုင်နောက် လိုက်ရမည့်သူများကို စုခေါ်၍ တရားဟော၏။ ဆုံးမ၏။ တားမြစ်၏။ အခြားဘာသာတို့ ကူးပြောင်းထားသည့် အိမ်များသို့ ကိုယ်တိုင်ကြွကာ မေတ္တာရပ်ခံ သတိပေး၏။ ဦးစန္ဒာသီရိ၏ ဆောင်ရွက် ချက်ကြောင့် ဗဟုသုတအဖြစ် လိုက်မည့်သူများပင် မလိုက်ဝံ့တော့ပေ။ မတရားသောနည်းလမ်းများဖြင့် စည်းရုံးသိမ်းသွင်း သူများလည်း ကြောက်ရွံ့နောက်တွံ့ကာ ဆင်ခြင်သွားကြပေတော့၏။ ရွာခံကျောင်းဘုန်းကြီးများကား ကျောင်းမှာထိုင်ကောင်း တုန်းပင် ရှိနေလေ၏။
“အိုးကမပူ စလောင်းကပူလေသလော”
            ဦးစန္ဒာသီရိအဖြစ်ကား သားသမီးဒုက္ခရောက်နေမှန်းသိပါလျက် မိဘက ကြည့်ရက်အားပြီး သူစိမ်းက မကြည့်နိုင် မရှုရက်ဖြင့် မနေနိုိင် မထိုင်နိုင် ခြေမကိုင်မိ လက်မကိုင်မိဖြစ်နေသည်နှင့် တူနေပေတော့၏။
            ဦးစန္ဒာသီရိသည် ခြုံကြီးရွာသူ/သားများကို ကယ်တင်နိုင်လိုက်သော်လည်း ညောင်တိုရွာ နတ်ဆောင်ရွာနှင့် ဇဂျမ်းရွာ တို့မှ ရွာသူ/ သားများကိုမူ လက်လွှတ်လိုက်ခဲ့ရပေ၏။ ခိုးချောင်ခိုးဝှက်ခေါ်ထုတ်သွားသောကြောင့်လည်းကောင်း အချိန်တို အတွင်း မှာဖြစ်၍ ဦးစန္ဒာသီရိတစ်ပါးတည်းဖြင့် မလုံလောက်နိုင်သောကြောင့်လည်းကောင်း ထိုရွာကို အချိန်မီ မတားဆီးနိုင်ခဲ့ခြင်း ဖြစ်ပေသည်။
 “ကျောင်းနေအရွယ်ကလေး ပညာရေးတွေ ဆုံးရှုံးနေ”
            ခြုံကြီးရွာသူရွာသားများကား ဆင်းရဲသားများက အများစုဖြစ်၏။ ကျောင်းနေအရွယ် အထက်တန်းကျောင်းသူအရွယ် သမီးပျိုလေးများ သစ်ပင်အောက်မှာ ထိုင်နေကြသည်ကိုတွေ့ရ၏။ သူမတို့ ဘေးမှာ နွားချေးခြောက်တောင်းကိုယ်စီချထားလျက် ငေးငေးငူငူ ထိုင်နေကြသည်ကို တွေ့ရ၍ ရွာခံတစ်ယောက်ကို မေးကြည့်ရာ နွားချေးခြောက်ကောက်သူလေးများဖြစ်ကြောင်း နွားစားကျက်မှာ နွားချေးများကောက်၍ နွားချေးများကို တွင်းတူးသိုလှောင်ထားရကြောင်း အနည်းဆုံး တစ်နှစ်ပြည့်အောင် သိုလှောင်ပြီးလျှင် မြေသြဇာအဖြစ် ပြန်လည်ရောင်းချကြကြောင်း သဘာဝဓာတ်မြေသြဇာဖြစ်၍ စိုက်ပျိုးရေးမှာ အသုံးဝင်ကြောင်း သိရပေသည်။ အချိန်ကလည်း မရ ကျောင်းသားကလည်း ဆိုင်ကယ်နှင့်သွားနှင့်ပြီးဖြစ်၍ မှတ်တမ်းမတင်နိုင်ခဲ့ပေ။
 “အရေးပေါ်တရားပွဲ သွေးဆော်အားခဲ နွှဲကြပြီ”
            ရွာသူရွာသားများကား အလုပ်အားနေပုံပေါ်၏။ အသံချဲ့စက်ဖြင့် အော်လိုက်ရုံဖြင့် ရွာလယ်ဓမ္မာရုံသို့ အပြေးအလွှား ရောက်လာကြ၏။ အရွယ်စုံ အရောင်စုံပင်။ ဓမ္မာရုံလေးကား အရောင်မွဲခြောက်ကပ်၍ နေပေပြီ။ ဘုရားစင်မှာလည်း တူတူတန်တန် ခမ်းခမ်းနားနား မရှိပေ။ ဓမ္မာရုံအတွင်းမှ ပရိသတ်များမှာ အမျိုးသားပရိသတ်က များပေသည်။ ကိုကျော်နိုင်ကိစ္စ စိတ်ဝင်စားပုံပေါ်၏။
            ဘုရားစင်ရှေ့မှာ သံဃာလေးငါးပါးစုထိုင်ကာ အခမ်းအနားမှူး ဦးစန္ဒာသီရိက ပရိသတ်နှင့် စာရေးသူကို မိတ်ဆက် ပေးလေသည်။ စာရေးသူက တရားမဟောမီ ထောင်ကျရခြင်းအကြောင်းနှင့် ထောင်မကျမီ ဟောတရားများအကြောင်းကို အလျင်ပြောပြကာ လုပ်ငန်းစဉ်များကို ချပြလိုက်လေသည်။
            “ဘာသာရေးကူးပြောင်းတဲ့သူတွေထဲမှာ ငါးဆယ်ရာခိုင်နှုန်းက မသိလို့ ကူးပြောင်းကြခြင်းဖြစ်ကြောင်း၊ မိမိဘုရား ဘာမှန်းမသိ၊ မိမိတရားဘာမှန်းမသိ၍ ကူးပြောင်းကြသူများ၊ မိမိလူမျိုး၊ မိမိတိုင်းပြည်၊ မိမိဘာသာ သာသနာ၏ အန္တရာယ်ကို အန္တရာယ်မှန်းမသိကြသူများ၊ သူများဘာသာ သာသနာအကြောင်း သိဖို့ဆိုလျင် ပို၍ပင် ဝေးကွာကြသူများဖြစ်ကြောင်း၊ ဆင်းရဲချို့တဲ့လို့ စားဝတ်နေရေး၊ ကျန်းမာရေး၊ ပညာရေးတို့အတွက် ဘာသာစွန့်သွားကြသူများမှာ ၂၅-ရာခိုင်နှုန်းရှိကြောင်း၊ ကာမရာဂ ကိလေသာအမှောင်ထဲ ဆွဲသွင်းခံရလို့ အမွေပြတ်အစွန့်ခံကာ မိဘများကို စွန့်ခွာသွားသူများ အမျိုးဘာသာ သာသနာကို သစ္စာဖောက်သွားသူများမှာ ၂၅-ရာခိုင်နှုန်း ရှိကြောင်း”၊
            “ပထမအဆင့်အနေဖြင့် မသိလို့ မှားကြသူများ မရှိရလေအောင် ဦးဇင်းတို့ဆောင်ရွက်နေခြင်းဖြစ်ကြောင်း ရွာသူရွာသား များအနေဖြင့် အရင်ဆုံးကိုယ့်ဘုရားအကြောင်း ကိုယ်သိအောင် လုပ်ဖို့လိုကြောင်း၊ ကိုယ့်တရားအနှစ်သာရကို ကိုယ်သိအောင် အရင်ဆုံးလုပ်ဖို့လိုကြောင်း၊ မြတ်စွာဘုရားက မျက်ကန်းယုံ ဘာသာဝင်များကို မလိုလားကြောင်း၊ မိရိုးဖလာဘာသာဝင် များကိုလည်း အားမပေးကြောင်း၊ ကိုယ့်ဘာသာတရားအကြောင်းသိအောင် အရင်လုပ်ပြီးပါက တစ်ခြားဘာသာတရား အကြောင်းကို လေ့လာဖို့လိုကြောင်း၊ အမျိုးဘာသာ သာသနာ၏ အန္တရာယ်ကိုလည်း သိအောင်လုပ်ဖို့လိုကြောင်း၊ ကျောင်းမနေ နိုင်သည့် ကလေးများကို ဝိုင်းဝန်းထောက်ပံ့ကာ ကျောင်းထားပေးသင့်ကြောင်း၊ ဆေးမကုနိုင်သူ ထမင်းနပ်မမှန်သူများကိုလည်း ဝိုင်းဝန်းထောက်ပံ့ဖို့လိုကြောင်း၊ ရွာသူများကို ဘာသာခြားများ စည်းရုံးလာပါက နှမအရင်းလို သဘောထားစောင့် ရှောက်သင့် ကြောင်း၊ ရွာသူနားကို ဘာသာခြား အကပ်မခံသင့်ကြောင်း” ပြောပြကာ ကေသမုတ္တိသုတ္တန်ကို အကျဉ်းမျှ ဟောကြား ခဲ့ပေသည်။
ယခုဟောသည့်အတိုင်း မြတ်စွာဘုရားနည်းလမ်းကျ ချဉ်းကပ်ပြီး ဘာသာတရားအားလုံးကို လေ့လာစမ်းသပ်သင့် ကြောင်းနှင့် လက်တွေ့ကျင့်ကြည့်၍ မကောင်းဘူး မမှန်ဘူး အကျိုးမရှိဘူးဆိုလျှင် ဗုဒ္ဓဘာသာကို တစ်ရွာလုံးစွန့်သွားလည်း ဝမ်းမနည်းကြောင်း၊ မသိနားမလည်သူများ၊ ငွေကြေးခက်ခဲသူများ၊ ကိလေသာအမိုက်အမှားထဲ ရောက်သူများကို ပစ်မှတ်ထား၍ ဝင်ရောက်ထိုးနှက်ခံနေရခြင်းကို မလိုလား၍သာ ယခုလို ဟောပြောနေရခြင်းဖြစ်ကြောင်း ဟောကြားခဲ့ပေသည်။
အရေးပေါ်တရားပွဲဟု နာမည်တပ်ရမည် ဖြစ်ပေသည်။ ကန်တော့ပွဲမပါ၊ ဓမ္မပူဇာမရှိ။ ဆိုင်းဘုတ်မတင်။ ပလ္လင်မပါ။ စာအိတ်နတ္ထိ။ ပြင်ဆင်မှုလည်းမရှိ။ ရေနွေးကြမ်းသောက်ကာ ဟောကြားခဲ့ရခြင်းဖြစ်၏။ တရားပွဲအပြီးတွင် ကျွဲရိုင်းဗူးများ လာကပ်သည်ကို တွေ့ရ၏။ မသောက်တတ်၍ မသောက်ဖြစ်ခဲ့ပေ။ အခြားသံဃားများကိုသာ ကပ်ခိုင်းလိုက်ရလေသည်။
 “တရားငတ်တာလည်း အဖျားတက်သလိုပဲ ဆင်းရဲတယ်”
အချို့တရားပွဲပြီးသည်အထိ လက်အုပ်ချီ၍ နာကြ၏။ အချို့ခေါင်းတညိတ်ညိတ်။ အချို့လက်အုပ်မချီ ခေါင်းမညိတ်ဘဲ စူးစိုက်နားထောင်နေကြ၏။ ဓမ္မာရုံနောက်မှ လူများမတ်တပ်ရပ် နားထောင်ကြပုံရ၏။ ခေါင်းလေးတွေကိုသာ တွေ့ရ၏။ ဓမ္မာရုံကား လူငါးဆယ်ခန့်သာ ဆန့်လေသည်။
ဓမ္မာရုံပေါ်မှ ဆင်းလာသည့်အခါ ဓမ္မာရုံမျက်နှာစာမှာရော လက်ဝဲလက်ယာဘက်မှာပါ မြေကြီးပေါ် ဖင်ချထိုင်၍ တရားနာနေသည့် ရွာသူ ရွာသားများ ဓမ္မာရုံပတ်ပတ်လည် ခြံဝင်းထဲမှ ဖျာခင်းနားထောင်နေကြသည့် ရွာသူရွာသားများကို တွေ့လိုက်ရပေ၏။ တရားငတ်မွတ်နေပုံရပေသည်။
ကလေးသူငယ်များ၊ လူငယ်လူရွယ်များ၊ အဘိုးအို အဘွားအိုများ စုံလင်ကြ၏။ အလဟဿ လေလွင့်ဆုံရှုံးနေကြရသော လူ့စွမ်းအား အရင်းအမြစ်များကို ကြည့်၍ စုတ်တသက်သက်ဖြင့် နှမြောတသ ဖြစ်နေမိလေ၏။ သာသနာမထွန်းကားသော ရွာသူ ရွာသားများ၏ ဘဝကား သနားစရာကောင်းပေစွ။ သာသနာနှင့်ကြုံရကျိုး၊ လူဖြစ်ရကျိုးမနပ်ပေစွ။
 “နွားကွဲ၍ ကျားဆွဲလေရော့သလား”
ရွာသည်ဆင်းရဲနှုံချာနေသည့်အပြင် အရှေ့ခြမ်းနှင့် အနောက်ခြမ်း နှစ်ခြမ်းကွဲနေပြန်သေး၏။ ရွာဘုန်းကြီးများ အသုံးမကြပုံကား စာဖွဲ့၍ပင် ကုန်မည်မထင်မိပေ။
အချိန်ရလျှင် ညတရားပွဲ ကျင်းပဖို့ ပြင်ဆင်ပေးကြသော်လည်း မွန်းလွဲနှစ်နာရီမှာ နိုင်ငံခြားသား ဧည့်သည်များနှင့် ချိန်းထား၍ ညတရားပွဲ အစား နေ့တရားပွဲကို ဖြစ်သလိုကျင်းပလိုက်ရခြင်း ဖြစ်၏။ ယဉ်ကျေးမှုသင်တန်းဖွင့်ပေးမည်။ တရားပွဲတွေ ကျင်းပပေးမည်။ တရားစခန်းတွေ ပြုလုပ်ပေးမည်ဆို၍ ရွာသူ ရွာသားများ ဝမ်းသာပျော်ရွှင်နေကြသည်ကို တွေ့ရလေသည်။ ကရုဏာသက်ဖွယ် ကောင်းလေစွ။
ရွာတရားနာပရိသတ်ကား ဝီရသူကိုလည်း မသိရှာ။ ဝီရသူဟောတရားကိုလည်း မသိရှာ။ အနောက်ကျောင်း ဆရာတော် ဦးဝိသုဒ္ဓကား “စာရေးဆရာထဲမှာ အကြိုက်ဆုံးစာရေးဆရာဟာ ဝီရသူ”ဟု မကြာခဏမိန့်တော်မူ၏။ သူ၏တပည့်များ သည် ဝီရသူကျောင်းထွက်တပည့်ရင်းများဖြစ်ကြသော်လည်း ရွာမှာ ဝီရသူတရားများ ဖြန့်ချီထားခြင်းမရှိကြပေ။ တရားခွေတွေ ရှိပါလျက် ဖွင့်မပြခြင်း ပေးမနာခြင်းမှာ ဆရာတော်ဦးဝိသုဒ္ဓက ကြောက်တတ်သောကြောင့် ဖြစ်သည်ဟု ဝန်ခံ၏။ တပည့်များ ကို လှုပ်ရှားခွင့်မပေးခြင်းမှာ ပညာရေးအနှောက်အယှက်ဖြစ်မည်စိုးသောကြောင့်ဟု မိန့်ကြားတော်မူ လေသည်။
ခြုံကြီးရွာကား အိမ်ခြေလေးငါးရာကျော်သော ရွာကြီးတစ်ရွာဖြစ်၏။ ကျောင်း ငါးကျောင်းရှိ၏။ စင်းလုံးချော ဗမာ-ဗုဒ္ဓရွာကြီးမှ တစ်အိမ်က တပါးဘာသာဖြစ်သွားရာမှ ထိုတစ်အိမ်ထဲက အစုလိုက်အပြုံလိုက် လုယူသွားခြင်းဖြစ်၏။ ကျောင်းထိုင် ဘုန်းကြီးငါးပါးလက်ထဲမှ လူတစ်ယောက်ထဲက လုယူသွားခြင်းဖြစ်၏။ ဗုဒ္ဓဘာသာအများစုမှာ တစ်ဦးတည်းသော အခြားဘာသာဝင်၏ ထိုးနှက်ခြင်းကို ခံနေရခြင်းဖြစ်လေသည်။
 “သမင်ပေါလို့ ကျားထောလေသလား”
အိမ်ကွင်းတွင်မရှုမလှ ရှုံးနိမ့်နေရသော ရွှေမြန်မာအသင်း ဖြစ်ပါ၏။ ယိုသူမရှက် မြင်သူရှက်ဟု ဆိုရလေမည်လော-မပြောသာပြီ။ ရန်ကုန်တိုင်း တိုက်ကြီးမြို့နယ် ဥက္ကံမြို့ခွဲရှိ ဝင်းဂိုက်ရွာသည် စင်းလုံးချော ဘာသာခြားရွာ ဖြစ်သွားခဲ့လေပြီ။ ယခင်က စင်းလုံးချော ဗုဒ္ဓဘာသာဝင် ရွာကြီးသာတည်း။ ၎င်းမြို့နယ်ရှိ မီးလောင်ကွင်းရွာ၌ ဗမာ-ဗုဒ္ဓ ခြောက်အိမ်သာ ကျန်ပါတော့သည်။ ပဲခူးတိုင်း၊ သာယာဝတီမြို့နယ်၊ သုံးဆယ်မြို့ခွဲရှိ ချမ်းသာကုန်းရွာ၌ ဘာသာခြားက အိမ်ခြေ(၂၀၀)ကျော် သွားခဲ့ပါပြီ။ ဗမာ-ဗုဒ္ဓကား ၂၄-အိမ်သာ ကျန်ပါတော့သည်။ “ကယ်တော်မူကြပါဗျို့”အော်ရမည်ကဲ့သို့ ရှိချေ၏။
မြေဖြူကုန်းရွာ ဆရာတော်ဦးဣန္ဒာစာရက မိန့်တော်မူ၏။ “ငါ့ရွာဆို ဘယ်သူမှ မဝင်ရဲဘူး”ဟူ၏။ ဆရာတော် ဦးဣန္ဒာစာရလို အလုပ်လုပ်ကြလျင် မြန်မာ့သာသနာ ဆုံးရှုံးစရာမရှိ။ ယခုတော့ “သမင်ပေါသည်” ကျားထောသည်” ဖြစ်နေရပေပြီ။ ခြံလုံအောင် ကာဖို့လိုပြီ။ အရွယ်မျိုးစုံ၊ အလွှာမျိုးစုံ အသိတရားရှိကြဖို့အတွက် ဓမ္မဖြင့် ကာရံကြပါလျှင် ဘယ်ကျား ရန်မှ မှုစရာမလိုတော့ပေ။ သည်အကြောင်းကို ကျောင်းထိုင်အပေါင်း သိကြစေလိုပါသည်။
“ဘာသာအယူဝါဒ စစ်တမ်း”
ဘာသာဝါဒ၊ မတူကြ၍၊
 လောကအတွင်း၊ ငြင်းခုံခြင်းဖြင့်
ဆင်းရဲဒုက္ခ၊ ရောက်ကုန်ကြ၏။
ဝါဒအယူ၊ မှားခဲ့မူကား
ဆူဆူဗုဒ္ဓ၊ ကယ်မရသည့်
လေးဝပါယ်ဘုံ၊ ဘေးတွေ့ကြုံလိမ့်။
စေ့စုံဉာဏ်ဖြင့်၊ မြှော်ထောက်ချင့်ကာ
တစ်ဆင့်ကြားသိ၊ မိရိုးဖလာ
ကောလာဟလ၊ ကျမ်းစာမျှနှင့်
ကြံဆနည်းမှီ၊ ဆီလျော်သုံးသပ်
ယူခြင်းထပ်၍၊ ယုံအပ်သူပဲ
ဆရာစွဲဖြင့်၊ လွှဲပုံစိတ်ချ
မယူကြလင့်၊ ဒိဋ္ဌကျင့်ကြံ
ကိုယ်ပိုင်ဉာဏ်ဖြင့်၊ မှားမှန်ကောင်းဆိုး
သိအောင်ကြိုးဟု၊ မျိုးကာလာမ
ဟောညွှန်ပြ၊ ဝါဒအယူစစ်တမ်းပေ။
အရှင်ဇနကာဘိဝံသ(တောင်မြို့ဆရာတော်)
ဦးပဉ္စင်း
ဝီရသူ(မစိုးရိမ်)
ဓမ္မသဟာယကျောင်းနာယက
မစိုးရိမ်တိုက်သစ်၊မန္တလေး။ Email.wirathu2012@gmail.com
(မိုးမခ၏ မှတ်ချက် - စာမူကို သင့်တော်သလုို ပြန်လည်တည်းဖြတ်ထားပါသည်။ ဆရာတော်ကို တောင်းပန်ပါ၏)