မောင်မောင်စိုး - ပြိုင်ဆိုင်မှုပြင်းထန်လာသော တရုတ်နှင့် ဂျပန်၊ ပါဝင်ပတ်သက်လာသောမြန်မာ (ပထမပိုင်း)
(မိုးမခ) ဇူလိုင် ၂၇၊ ၂၀၁၅
(မိုးမခ) ဇူလိုင် ၂၇၊ ၂၀၁၅
• တောင်တရုတ်ပင်လယ်က တရုတ်
၁၉၆၀ နှစ်များကထဲက တရုတ်သည် အနုမြူလက်နက်ပိုင်ဆိုင်သောနိုင်ငံဖြစ်လာပေမဲ့ စီးပွားရေးအရ ချမ်းသာသောနိုင်ငံ ဖြစ်မလာသေးပေ။ ၁၉၈၀ တရုတ်စီးပွားရေးစတင် ပြောင်းလဲမှုစတင်သည့်ကာလအထိ တရုတ်များသည် ရိက္ခာ ချည်သား ပိတ်စ လောင်စာတို့ကို ရာရှင်စနစ်နှင့် သွားရဆဲဖြစ်သည်။ စက်ဘီး ရေနွေးဓာတ်ဗူးတို့သည်ပင် ရှားပါးကုန်ဖြစ်နေဆဲ။ အရက် စီးကရက်ကောင်းပါက အလွတ်တမ်းဝယ်မရနိုင်။ ထိုအခြေအနေမှ အနှစ် ၂၀ ကြာ ၂၀၀၀ ပြည့်လောက်မှစ၍ တရုတ် တို့ အခြေအနေကောင်းမွန်လာပြီး ယခုအခါတွင် GDP တွင် အမေရိကန် ဒုတိယနေရာတွင် ရောက်နေပေပြီ။
တရုတ်တို့သည် စီးပွားရေးသာမက စစ်တပ်အားလည်း ပြုပြင်ပြောင်းလဲမှုပြုခဲ့သည်။ ၁၉၈၀ စီးပွားရေးပြောင်းလဲမှုများနှင့် အတူ စစ်တပ်အားလည်း ပြုပြင်ဖွဲ့စည်းခဲ့သည်။ စစ်သားအင်အား ၄ သန်းကျော်ရှိသော စစ်တပ်အား စစ်သည်အင်အား ၂ သန်းကျော်ထိလျော့ချပြီး စစ်ဒေသဖွဲ့စည်းပုံများပြင်ဆင်ခဲ့သည်။ ပြည်သူ့စစ်များဖျက်သိမ်းပြီး လက်နက်ကိုင် စစ်ရဲတပ်ဖွဲ့ကို ပြည်သူလုံခြုံရေးဝန်ကြီးဌာန လက်အောက်ခံအဖြစ် ဖွဲ့စည်းခဲ့သည်။ လက်ရှိ အင်အား ၆ သိန်းခန့်ရှိသည်။
တချိန်ထဲတွင် ၁၉၉၈ က ယခင်ဆိုဗီယက် ယူကရိန်းမှ လေယာဉ်တင်သင်္ဘောအခွံကြီးတစီးကို ရေပေါ်ဟိုတယ်ဆောက်မည်ဟု ဝယ်ယူလာပြီး လေယာဉ်တင်သင်္ဘောအဖြစ်ပင် ပြန်လည်တည်ဆောက်ခဲ့ရာ ၂၀၁၁ ခုနှစ်တွင်ပြီးစီးခဲ့ပြီး ၂၀၁၂ စက်တင်ဘာ ၁၅ တွင် တရုတ်တို့၏ ပထမဆုံးသောလေယာဉ်တင်သင်္ဘော လျောင်နင်အား စတင်အသုံးပြုခဲ့သည်။ ထိုလျောင်နင် လေ ယာဉ်တင်သင်္ဘောတွင် လေယာဉ်နှင့်ရဟတ်ယာဉ် ၃၆ စီးသယ်ဆောင်နိုင်သည်ဟု ဆိုသည်။ စစ်ရေးအကဲခတ်တို့အဆိုအရ တရုတ်တို့အနေနှင့် ၎င်းလေယဉ်တင်သင်္ဘောအား ကျွမ်းကျင်စွာ အသုံးပြုရန် လေ့ကျင်ချိန်လိုဦးမည်ဟုဆိုသည်။ တရုတ် ရေတပ်ဗိုလ်ချုပ်တယောက်အားကိုးကား၍ ၂၀၁၅ နှစ်ဆန်းတွင် ဟောင်ကောင်သတင်းရင်းမြစ်တို့က တရုတ်တို့ ဒုတိယ မြောက် လေယာဉ်တင်သင်္ဘောဆောက်နေသည်ဟု ဆိုလိုက်သည်။
ထို့ပြင် စီးပွားရေးအားကောင်းလာသောတရုတ်တို့သည် အငြင်းပွားနေသော တောင်တရုတ်ပင်လယ်အတွင်း စစ်စခန်းများ ဆောက်ခြင်း ကျွန်းတုများဖန်တီးများကို အားသွန်ခွန်စိုက်လုပ်နေပြီး တောင်တရုတ်ပင်လယ်အား စိုးမိုးရေးအပြင် ပစိဖိတ် ပင်လယ်အားခြေဆန့်လာလေရာ ဒေသတွင်းနိုင်ငံများအဖိ့ တရုတ်အား တုန့်ပြန်နိုင်ဘို့ ပြင်ဆင်လာကြ မဟာမိတ်ဖွဲ့လာ ကြတော့သည်။ အဘယ်ကြောင့်ဆိုသော် နှစ်ရှည်လများ အငြင်းပွားလာသော တောင်တရုတ်ပင်လယ် ပိုင်ဆိုင်မှုကို တရုတ် တို့ စစ်အင်အားဖြင့် ဝါးမြိုမည်ကို စိုးရိမ်ကြောင့်ကျမှု ပိုတိုးလာကြ၍ဖြစ်သည်။
နိုင်ငံတိုင်းသည် စီးပွားရေးဖွံ့ဖြိုးတိုးတက်ပြီး ချမ်းသာကြွယ်ဝလာသည်နှင့်အမျှ မိမိတို့၏ ပိုင်ဆိုင်မှုကိုသော်လည်းကောင်း၊ အနာဂါတ်အကျိုးစီးပွားများအတွက်မျှော်ကို၍လည်းကောင်း မိမိတို့ကြွယ်ဝမှုကိုအသုံးပြုပြီး စစ်အင်အားများ တည်ဆောက် ကြသည်။ မိမိတို့၏ စစ်ရေးလက်တံများကို ဖြန့်ကျက်ကြသည်။ ကမ္ဘာအနှံ့ စီးပွားရေး ဖြန့်ကျက်လာနေသောတရုတ်တို့သည် သူတို့လက်လှမ်းမှီသည့် တောင်တရုတ်ပင်လယ်နှင့် ပစိဖိတ်ဒေသသည် သူတို့၏ ပထမခြေလှမ်းဖြစ်ပုံရသည်။ ပါကစ္စတန် သီရိလင်္ကာတွင် ဆောက်လုပ်ထားသော ရေနက်ဆိပ်ကမ်းများနှင့် မြန်မာနိုင်ငံ ကျောက်ဖြူတွင်ဆောက်လုပ်လျက်ရှိသော ရေနက်ဆိပ်ကမ်းတို့သည် ဒုတိယခြေလှမ်းအတွက် ပြင်ဆင်ထားပုံရသည်။ သို့နှင့် တရုတ်တို့၏ စစ်ရေးလက်တံသည် တောင်တရုတ်ပင်လယ်မှ စတင်ခဲ့ပြီဟု ဆိုရမည်။
တရုတ်တို့၏ စစ်အသုံးစားရိတ်မှာ ၂၀၁၅ တွင် အမေရိကန်ဒေါ်လာ ၁၄၅ ဘီလီယံထိရှိရှိလာသည်။ ၎င်းပမာဏမှာ ယမန်နှစ် ကထက် ဆယ်ရာခိုင်နှုန်းတိုးလာပြီး တိုင်းပြည် GDP ၏ ၃ ရာခိုင်နှုန်း ရှိပါသည်။ ကမ္ဘာပေါ်တွင် အမေရိကန်နောက်တွင် ဒုတိ ယ စစ်သုံးစားရိတ်အများဆုံးနိုင်ငံအဖြစ် ရပ်တည်ခဲ့သည်။
• တောင်တရုတ်ပင်လယ်နှင့် အငြင်းပွားမှုများ
တောင်တရုတ်ပင်လယ်ဟာ ပစိဖိတ်ပင်လယ်ရဲ့ အစိတ်အပိုင်းဖြစ်ပြီး မြောက်ဖက် တိုင်ဝမ်မှသည် တောင်ဖက် မလက္ကာရေ လက်ကြားထိ အရှေ့ဖက်မှာ ဖိလစ်ပိုင် အနောက်ဖက်မှာ ဗီယက်နမ်ကမ္ဘောဒီးယားတို့ရှိပါသည်။ အကျယ်အဝန်း စတုရန်း ကီလိုမီတာ ၃ သန်းခွဲမျှရှိသည်။ ကျွန်းငယ်လေးများ သန္တာကျောက်တန်းများရှိပြီး လူများအခြေချနေထိုင်ရန် မလွယ်ကူပေမဲ့ တောင်တရုတ်ပင်လယ်အတွင်း ရေနံနှင့်သဘာဝဓါတ်ငွေ့ ပေါကြွယ်ဝသည်ဟု ဆိုပါသည်။ ငါးဖမ်းသင်္ဘောများအတွက်လည်း ငါးအမြောက်အများ ပေါကြွယ်ဝသည့်ပင်လယ်ပြင်ဖြစ်သည်။ ထိုကြောင့် ဒေသတွင်း အာဆီယံနိုင်ငံများနှင့် တရုတ်နိုင်ငံတို့ အကြား တောင်တရုတ်ပင်လယ်အတွင်း ပိုင်ဆိုင်မှုနှင့်ပတ်သက်ပြီး အငြင်းပွားမှုမှာ ကြာမြင့်ခဲ့ပြီဖြစ်၏။ ထိုကြောင့်ဒေသတွင်း ပဋိပက္ခများအတွင်း ပေါက်ကွဲလာနိုင်သော အန္တရာယ်အကြီးဆုံးဆုံမှတ်အဖြစ် နိုင်ငံတကာအကဲခတ်များက ဆိုကြသည်။
တောင်တရုတ်ပင်လယ်တွင်း မလေးရှားနှင့်စင်္ကာပူကြား ကျွန်းငယ်လေးများပိုင်ဆိုင်မှုအငြင်းပွားမှုကိုတော့ နိုင်ငံတကာတရား ရုံးက ၂၀၀၈ က အဆုံးဖြတ်ပေးခဲ့သည်။ သို့သော် တရုတ်နှင့် ဗီယက်နမ် တရုတ်နှင့် ဖိလစ်ပိုင်တို့ကြား အငြင်းပွားမှုကတော့ ဖြေရှင်းမရဘဲ ပိုမိုတိုးပွားလာနေသည်။
ဤတောင်တရုတ်ပင်လယ်အတွင်းမှ ပါရာဆယ်ကျွန်းစု စပရတ်လေကျွန်းစုများနှင့်ပတ်သက်၍ အငြင်းပွားမှုမှာ ကြာမြင့် ပြီဖြစ်သည်။ လက်တွေ့ပိုင်ဆိုင်ရန်ကြိုးစားလာသည်နှင့်အမျှ ထိပ်တိုက်တွေ့မှုများ ပိုများလာသည်ဟု ဆိုရမည်။ ၁၉၇၄ တွင် တရုတ်နှင့် ဗီယက်နမ်တို့ ရေတပ်တိုက်ပွဲဖြစ်ပြီး ဗီယက်နမ်တို့ ၁၈ ဦးကျဆုံးကာ ပါရာဆယ်ကျွန်းစုအား တရုတ်တို့က ထိန်းချုပ်နိုင်ခဲ့သည်ဆိုသည်။ သို့သော် ပြဿနာကား ပြီးဆုံးမသွားပေ။ နောက်ပိုင်းတွင်လည်း ပြဿနာများဖြစ်ပွားခဲ့သလို ၂၀၁၄ တရုတ်တိုက ၎င်းကျွန်းစုအနီးရေပ်ိုင်နက်တွင် ရေနံတူးရာမှပြဿနာပိုကြီးထွားခဲ့သည်။ ဗီယက်နမ်တွင်လည်း တရုတ် ဆန့်ကျင်ရေးဆန္ဒပြပွဲများ ဖြစ်ပွားခဲ့သည်။ ၂၀၁၁ ဗီယက်နမ်ကိုလာသော အိန္ဒိယရေတပ်သင်္ဘောအား တရုတ်တို့က သူတို့၏ ရေပိုင်နက်အတွင်းဝင်ရောက်သည်ဆိုသဖြင့် တရုတ်နှင့်အိန္ဒိယ နိုင်ငံတကာရေကြောင်းပိုင်းနက်နှင့်ပတ်သက်ပြီး အချီအချ ဖြစ်ခဲ့သည်။
စပရတ်လေကျွန်းစုတွင် ကျွန်းငယ်များ သန္တာကျောက်တန်းများ သုံးသောင်းကျော်ခန့်ရှိသည်ဟုဆိုသည်။ ထိုထဲမှ ၄၅ နေရာ အား တရုတ် ထိုင်ဝမ် မလေးရှား ဗီယက်နမ် ဖီလစ်ပိုင်တို့ စစ်စခန်းများ ဖွင့်လှစ်နေရာယူထားသည်။ ဘရူနိုင်းနိုင်ငံအနေနှင့် စစ်စခန်းမဖွင့်သော်လည်း စီးပွားရေးဇုံအဖြစ် ကြေငြာထားခဲ့သည်။
အာဆီယံနိုင်ငံများမှ ၎င်းကျွန်းစုပြဿနာအား တရုတ်အပါ အားလုံးတွေ့ဆုံညှိနှိုင်းဖြေရှင်းရန် တောင်းဆိုထားသော်လည်း တရုတ်တို့က သီးခြားစီတွေ့ဆုံဖြေရှင်းမည်ဟုဆိုသည်။ အင်အားကြီးသောတရုတ်နှင့် တနိုင်ငံချင်းတွေ့ပါက အကျိုးမရှိနိုင် သဖြင့် အာဆီယံနိုင်ငံများလည်း မတွေ့ပေ။ ၂၀၁၀ တွင် အမေရိကန်နိုင်ငံခြားရေးဝန်ကြီး ဟီလာရီကလင်တန်က တောင် တရုတ်ပင်လယ်အရေးအား တွေ့ဆုံညှိနှိုင်းဖြေရှင်းရန်တောင်းဆိုခဲ့သော်လည်း တရုတ်တို့က အမေရိကန်တို့ ဤကိစ္စတွင် လက်ရှောင်ရန် ပြန်လည်သတိပေးခဲ့သည်။
တရုတ်တို့က တောင်တရုတ်ပင်လယ်ကို သူတို့ပိုင်ဆိုင်ရာနယ်နမိတ်အဖြစ် ပတ်စ်ပို့စာအုပ်တွင် ထည့်သွင်းဖေါ်ပြလာသည့် နောက် ပြင်းပြင်းထန်ထန် ပြန်လည်တုန့်ပြန်ကြသည်။ ဖိလစ်ပိုင်က တောင်တရုတ်ပင်လယ်အား အနောက်ဖိလစ်ပိုင် ပင် လယ်ဟု တရားဝင်အမည်ပြောင်းလဲသုံးစွဲလိုက်သည်။
တရုတ် တိုင်ဝမ်နှင့်ဂျပန်တို့သည် ဂျပန်အခေါ် ရှင်ကာကူတရုတ်အခေါ် ဒိုင်အိုယူ ကျွန်းများအရေး တင်းတင်းမာမာ အငြင်း ပွားကြရာမှ ၂၀၁၂ တွင် ရေတပ် လေတပ်အပါ ထိပ်တိုက်ရင်ဆိုင်ကြတော့သည်။ တရုတ်ပြည်တွင်း ဂျပန်ဆန့်ကျင်ရေးဆန္ဒပြ ပွဲများ တိုင်းပြည်အနှံ့ဖြစ်သည်။ လက်ရှိ ရှင်ကာကူကျွန်းများအား ဂျပန်ကထိန်းချုပ်ထားနိုင်သော်လည်း ပြဿနာပြီးပြတ်သွား သည်တော့ မဟုတ်ချေ။
ထိုကြောင့် တောင်တရုတ်ပင်လယ်အတွင်း ပိုင်ဆိုင်မှုအငြင်းပွားမှုများမှာ ညှိနှိုင်းဖြေရှင်းမှုမပြုနိုင်ဘဲ ပါဝင်သူအားလုံး စစ် ရေးတည်ဆောက်မှု တိုး၍ပြုလာသည်ကိုတွေ့ရသည်။ ဗီယက်နမ် မလေးရှား ဖိလစ်ပိုင်တို့သည်လည်း တရုတ်ကိုအံ့တုနိုင်ရန်
စစ်ရေးတည်ဆောက်မှု အထူးသဖြင့် ရေတပ်တည်ဆောက်မှုကို တိုးချဲ့လာကြသည်။ ၂၀၁၅ ဖိလစ်ပိုင်၏ စစ်အသုံးစ ရိတ် မှာ၂၀၁၃ ထက် ၃ ဆပိုလာသည်ဟု ဆိုသည်။ သို့သော် တရုတ်ကိုရင်ဆိုင်ရန် အာဆီယံနိုင်ငံငယ်များ၏ အားသက်သက်ဖြင့် မဖြစ်နိုင်ပေရာ အမေရိကန်နှင့် ဂျပန်တို့သည်လည်း ပါဝင်ပတ်သက်လာပေတော့သည်။
• စူပါပါဝါဆိုသော အမေရိကန်
အမေရိကန်တို့သည် ဒုတိယကမ္ဘာစစ်ပြီးကထဲက ဂျပန်အား သူ့လုံခြုံရေးထီးရိပ်အောက်တွင်ထားပြီး အာရှပစိဖိတ်ဒေသ စိုးမိုးရေးအား ဆောင်ရွက်ခဲ့သူဖြစ်သည်။ အင်အားကြီးမားလာသောတရုတ်စစ်အင်အားကို ရင်ဆိုင်ရန်အတွက် အီရတ်မှ တပ်များရုပ်သိမ်းပြီးနောက် အာရှပစိဖိတ်ဒေသတွင် သူတို့၏တပ်များအား ပိုမိုချထားမည်ဟု ကြံရွယ်ကြေငြာထားခဲ့သော် လည်း ကမ္ဘာ့အနောက်ခြမ်းပြဿနာများမှာ ရှင်းမနိုင်ဖြစ်နေသည်။
အရှေ့အလယ်ပိုင်းနှင့်အာဖရိကဒေသ၌ ကြီးထွားလာနေသော မွတ်စလင်အစွန်းရောက်များပြဿနာကား လွှတ်ထား၍မရ။ အချိန်မရွေး ကြီးထွားလာနိုင်သည်ကိုတွက်ဆပြီး ပြင်ဆင်မှုများပြုနေရသည်။ တချိန်တည်းတွင်လည်း ပြီးဆုံးသွားပြီဟုထင် ရသော စစ်အေးတိုက်ပွဲက ပြန်လည်တင်းမာလာနေသည်။
ယူကရိန်းနှင့် ကရိုင်းမီးယားကျွန်းစွယ်အရေးမှစပြီး အမေရိကန်နှင့် သူမဟာမိတ်များကတဖက် ရုရှားကတဖက် စစ်ရေးတင်း မာမှုများ တိုးပွားလာနေသည်။ ရုရှားနယ်စပ်အနီးရှိ အမေရိကန်မဟာမိတ်နိုင်ငံများတွင် စစ်လက်နက်ယန္တရားများ နေရာချ ခြင်း ကျည်အစစ်ဖြင့် စစ်လေ့ကျင့်ခြင်းများ အင်အားအလုံးအရင်းဖြင့်ဆောက်ရွက်ခဲ့လို ထပ်မံဆောင်ရွက်ရန်လည်း ပြင်ဆင် နေသည်။ ရုရှားတို့ကလည်း အလားတူ အင်အားသုံး၍ စစ်လေ့ကျင်မှုများဖြင့်ပြန်လည်တုန့်ပြန်သည်။ သမားရိုးကျစစ်ပွဲတွင် အမေရိကန်၏လေကြောင်းတိုက်ခိုက်မှုကိုမယှဉ်နိုင်သော ရုရှားတို့က ICBM တိုက်ချင်းပစ်ဒုံပျံ ၄၀ ထပ်တိုးမည်ဟု ကြေငြာခဲ့ သည်။ အမေရိကန်၏မဟာမိတ်များက ရုရှားကို စီးပွားရေးပိတ်ဆို့မှု ပစ်ဒဏ်ချသည်။ အမေရိကန်က တိုးပွားလာသော စစ် စားရိတ်များကို မျှဝေထမ်းဆောင်နိုင်ရန် သူ့ဥရောပမဟာမိတ်များ၏ စစ်စားရိတ်ကို တိုင်းပြည် GNP ၏ ၂ ရာခိုင်နှုန်းထိ တိုး သုံးရန် တိုက်တွန်းလာရသည်။
ထိုသို့သောအခြေအနေတွင် တိုးပွားလာသော တရုတ်စစ်အင်အားကိုထိမ်းရန် အာရှပစိဖိတ်ဒေသသို့ တိုက်လေယာဉ်နှင့် ရဟတ်ယဉ် ၉၀ ကျော်တင်ဆောင်နိုင်သော USS Ronald Regan အမည်ရ လေယဉ်တင်သင်္ဘောအုပ်စု ယခုနှစ် ဇွန်လ အတွင်းစေလွှတ်နိုင်တော့သည်။ စူပါဝါလည်း တဦးတည်းနှင့် ကြီးထွားလာနေသောအင်အားများကို ထိမ်းသိမ်းရန် ခက်ခဲ လာပေပြီ။
လက်ရှိတရုတ်အနေအထားအရ အနောက်နှင့် ရုရှား၏ပဋိပက္ခတွင် တရုတ်တို့ ရုရှားဘက်က ပါဝင်ဘွယ်မရှိ။ ရုရှားအနေနှင့် အမေရိကန်တို့အား စစ်ရေးအရရင်ဆိုင်နေသော်လည်း စီးပွားရေးအရ ချိနဲ့နေသည်။ ထိုအခြေအနေတွင် တရုတ်တို့သည်ရုရှား နေရာတွင် စစ်ရေးစူပါ ပါဝါအဖြစ် အစားထိုးဝင်ရောက်လာရန်တာစူနေသည်။ ထိုအခါ အမေရိကန်တို့သည် ဤအခြေအနေကို လက်လွှတ်ထား၍မရတော့။ သူတို့ တချိန်လုံးထိန်းထားခဲ့သော ဂျပန်အား တရုတ်တို့နှင့် ရင်ဆိုင်ရန် ပွဲထုတ်လာတော့သည်။ ဂျပန်တို့အနေနဲ့လည်း သူတို့ခေါင်းထောင်ထရန်အချိန်ကောင်းရောက်လာပြီဟု ယူဆလိုက်ပုံရသည်။
ဆက်လက်ဖေါ်ပြပါမည်