မောင်မောင်စုိုး - လားမား လာရိန် နှင့် လားရှိုးငွေတိုက်


မောင်မောင်စုိုး - လားမား လာရိန် နှင့် လားရှိုးငွေတိုက်
(မိုးမခ) သြဂုတ် ၂၇၊ ၂၀၁၅

မူစယ်နမ့်ခမ်းကားလမ်းသည် ရွှေလီမြစ် ဘေးတလျောက် ဖေါက်လုပ်ထားပါသည်။ ထိုကားလမ်းနှင့်ယှဉ်၍ ရွှေလီမြစ်၏ တဖက်ကမ်းတွင် မောရှမ်းရွာ ၂၀ ခန့်မှာ မြန်မာပိုင်အဖြစ် တည်ရှိနေသည်။ လက်ရှိ ဖွဲ့စည်းပုံအရ မန်ဟီးရိုးမြို့နယ်ခွဲဟု ဖွဲ့စည်းထားသည်ဟု ဆိုသည်။ အစိုးရအခေါ်အရ မန်ဟီးရိုး ဆိုသော ရှမ်းရွာက်ို ဒေသခံများက မန်ရှိုးဟု ခေါ်ကြပါသည်။

တိန်းဟေး ခါးလျံ မန်ရှုိး ကောက်ကွတ် ဘန်ဂွမ် နောင်မ ကွန်ဟိုင်း ဟူသည့် မောရှမ်းရွာများဖြစ်သည်။ ရွှေလီမြစ်ကမ်းပါး တလျောက်ပျံ့ပြူးသော လယ်ကွင်းများနှင့် စည်ပင်သောရှမ်း ရွာကြီးများ ဖြစ်သည်။တရုတ်နယ်စပ်နှင့်ကပ်နေ သော ရွာများဖြစ်ကြသည်။

၁၉၇၈ နှစ်ဆန်းလောက်က ထိုမန်ရှိုးဒေသကောက်ကွတ်ရွာတွင် ကချင်လက်ကိုင်အဖွဲ့ KIAမှ ခေါင်းဆောင်တဦးနှင့် တွေ့ဆုံခဲ့ဘူးသည်။ထိုစဉ်က ကျနော်မှာ အသက် ၂၀ စွန်းစ လူငယ်တဦးမျှသာရှိသေးသော်လည်း ထိုသူမှာ အသက်လေး ဆယ်ကျော်ခန့်ရှိပြီး KIO ၏ ဗဟိုခေါင်းဆောင် တဦးဖြစ်နေပေပြီ။ အနေတည်၍ ရင်းနှီးဖေါ်ရွေသည့် ပုံစံမျိုးမပေါ်သော်လည်း သူသည်လူကြီးလူငယ်မရွေး လေးလေးစားစား ဆွေးနွေးပြောပြ တတ်သူတဦးဖြစ်သည်။ သူ၏အမည်မှာ လားမားလာရိန်ဟု ခေါ်သည်။ သူနှင့်ခဏတာမျှ ဆုံ၍စကားစမြည်ပြောခွင့် ကြုံခဲ့သည်။လားမားလာရိန်သည် KIO ကိုစတင်ဖွဲ့စည်းရာ တွင်ပါဝင်ခဲ့သော KIO/KIA founder တစ်ဦးဖြစ်သည်။

ကချင်ထဲမှလက်ရှိအစိုးရကို စတင်ပုန်ကန်သူမှာ ဗိုလ်နော်ဆိုင်းဟုဆိုရမည်။ ၁၉၄၉ ပြည်တွင်းစစ်အစပိုင်းက ဗိုလ်နော်ဆိုင်းသည် ကချင်သနက ၁ မှ ဗိုလ်ကြီးတဦးဖြစ်သည်။ ၁၉၅၀ တွင် KNDO တို့နှင့်အစိုးရပုန်ကန်ပြီး ရှမ်းပြည်မြောက်ပိုင်း တွင် လှုပ်ရှားခဲ့သည်။ ထိုစဉ်လားရှိုးမှ ကျောင်းသားတစ်ဦးဖြစ်သူ ဇော်ဆိုင်းသည်လည်း ဗိုလ်နော်ဆိုင်းအဖွဲ့နှင့် ဆက်သွယ်လှုပ်ရှားခဲ့သည်။ ၁၉၅၁ ခုနှစ် ဗိုလ်နော်ဆိုင်းအဖွဲ့ တရုတ်ပြည်သို့ နိုင်ငံရေးခိုလှုံခွင့် တောင်းခံ ဝင်ရောက်သွားသောအခါ ဇော်ဆိုင်းသည် တရုတ်ပြည်သို့လိုက်ပါမသွားဘဲ KNDO နှင့်အတူ သံတောင်ကြီး ဘောဂလိနယ်ဖက်တွင် လိုက်ပါကျန်နေခဲ့သည်ဟုဆိုသည်။

၁၉၅၉ မှာတော့ ဇော်ဆိုင်းဟာ ရှမ်းပြည်မြောက် ပိုင်းမှာ ကချင်လက်နက်ကိုင်အင်အားတွေ ဖွဲ့စည်းဖို့ ပြန်လည်ဝင်ရောက်လာခဲ့ပါသည်။ သူအားကူညီဘို့ KNDO မှ ဗိုလ်မှူးလစ်လင်း Gilitlin ပါလိုက်ပါခဲ့သည်ဟု ဆိုပါသည်။ သိန္နီကွင်းအတွင်းမှာရှိသော ဇော်ဆိုင်း၏မိခင် ကျောင်းဆရာမလုပ်နေ သော နန့်အွန်ရွာမှ အခြေပြုဖွဲ့စည်းခဲ့ကြပါသည်။

ဇော်ဆိုင်း၏ ညီ ဇော်တူးလည်း တက္ကသိုလ်တက်ရာမှ ပြန်လာပူးပေါင်းခဲ့သလို ကချင်သနက ၄ မှ ဒုတပ်ကြပ် လမုန်တူးဂျိုင်လည်း လာရောက်ပူးပေါင်းခဲ့သည်။ ထို့ပြင် တက္ကသိုလ်မှ ဇာတိသို့ ပြန်လည်ရောက်ရှိနေသော လားမားလာရိန်လည်း ဇော်ဆိုင်းတို့နှင့်ပူးပေါင်းခဲ့ပြီး KIO ကိုစတင်ထူထောင်ခဲ့ကြတော့သည်။ လားမားလာရိန်၏ဇာတိ ကတော့ ဗန်းမော်လား ကွတ်ခိုင်လား သေချာ မမှတ်မိတော့ပါ။

ထိုစဉ် KIO အား ဇော်ဆိုင်းမှ ဥက္ကဌ ဇော်တူး မှ ဒုဥက္ကဌ နှင့် လားမားလာရိန်က အတွင်းရေးမှူး တာဝန်ယူပြီး လက်နက်ကိုင်အင်အား ၂၇ ယောက်နှင့် KIO ကိုစတင်ဖွဲ့စည်းခဲ့ကြသည်။ ၁၉၆၀ ခုနှစ် ဖေဖဝါရီ ၅ ရက်နေ့ လားရှိုးငွေတိုက်အား ဝင်ရောက်စီးနင်း ခြင်းဖြင့် KIO အားစတင်ခဲ့သည်။ ၁၉၆၁ မတ်လ နောက်ပိုင်း KIA/KIC တို့တိုးချဲ့ဖွဲ့စည်းပြီး KIA ရင်း ၁ အား ဗန်းမော် မွန်ဘာပါတွင်၎င်း KIA ရင်း ၂ အား ကွတ်ခိုင်ဒေသ မုန်းစီး မုန်ထန်တွင်၎င်း ဖွဲ့စည်းခဲ့သည်။ KIA ရင်း ၂ အား လားမားလာရိန်မှ တာဝန်ယူဦးဆောင်ခဲ့ပါသည်။

၁၉၇၂ ခုနှစ် KIO/ KIA အားပြင်ဆင်ဖွဲ့စည်းရာ တွင် ဥက္ကဌ ဇော်ဆိုင်း ဒုဥက္ကဌ ဇော်တူး တို့ ဦးဆောင်သော KIO ဗဟိုကော်မတီတွင် ပုန်ရွှေဇော်ဆိုင်း ဇော်ဒန် လမုန်တူးဂျိုင် ဇော်မိုင်မရန်ဘရန်ဆိုင်း မရန်ဘရန်တောင် တို့နှင့်အတူ လားမားလာရိန်လည်း ဗဟိုကော်မတီဝင်တစ်ဦး အဖြစ်ပါဝင်ခဲ့သည်။

ပြောရလျင် တိုင်းရင်းသားလက်နက်ကိုင် တော်လှန်ရေးတခုကို လူအနည်းငယ်နှင့် စတင် စည်းရုံးလှုပ်ရှား ကျော်ဖြတ်လာသူတဦးနှင့် တွေ့ ခဲ့ရခြင်းဟုဆိုရမည်။ မီးကျိုးမောင်းပျက် သေနတ်တွေနှင့် လူနှစ်ဆယ်ကျော်လောက်က အစိုးရကိုအံတုသည့် စစ်ပွဲတစ်ပွဲစခဲ့ခြင်းသည် အံ့အားသင့်ဘွယ် အချင်းအရာတခု ဖြစ်သည်။
လားမားလာရိန်က သူတို့၏ ပထမဆုံးတိုက်ပွဲက်ို ပြောပြသည်။ ၁၉၆၀ ခုနှစ်ဖေဖဝါရီလ ၅ ရက်နေ့က ဖြစ်ပွါးသည်။ လားရှိုးငွေတိုက်ကို စီးနင်းသိမ်းပိုက်ခြင်း ဖြစ်သည်။

 " အဲဒီတုန်းက လားရှိုးငွေတိုက်ကိုစီးပြီး သိမ်းရလာတဲ့ ငွေတချို့ကို ဂျစ် ကားနဲ့ မြို့ပတ်ပြီး လိုက်ကြဲလိုက်သေးတာဗျ " ဟုဆိုသည်။ ထိုသို့ပြောစဉ် မျက်နှာထားတည်သော သူ့မျက်နှာမှာ ပြုံးယောင်ယောင်ဖြစ်နေသည်။ သူအတွက် လွမ်းမောဘွယ် အတိတ် ဂုဏ်ယူစရာအတိတ်ဖြစ်ပေလိမ့်မည်။

အစိုးရထိမ်းချုပ်ရာ မြို့ပြတခုအား လျပ်တပျက် ဝင်ရောက်စီးနင်းပြီး အင်အားအနဲငယ်နှင့် အံတု ပြနိုင်ခြင်းသည် ကချင်လူမျိုးများအား လှုပ်နှိုးလိုက်သလို ဖြစ်ပေလိမ့်မည်။ ပါဝင်သူများအဖို့လည်းအလွန်တရာ စိတ်လှုပ်ရှားဖွယ်ရာ အခိုက်အတန့် ဖြစ်ပေလိမ့်မည်။ ငွေတိုက်မှ သိမ်းလာသော ပိုက်ဆံများကို ဂျစ်ကားတစ်စီးနှင့်မြို့ပတ်ကျဲနေသည့် စိတ်လှုပ်ရှားစွာ အော်ဟစ်အောင်ပွဲခံနေသည့် ကချင်လူငယ်များ၏ ပုံရိပ်သည် ကချင်လူမျိုးတို့အတွက် အချိုးအကွေ့တခုဖြစ်ခဲ့ပေသည်။

အစိုးရငွေတိုက်မှ ပိုက်ဆံသိမ်းပြီး လူထုအား ဝေငှခြင်းသည် နည်းလမ်းမှန်မဟုတ်ဟု ဆိုနိုင်ပါသည်။ သို့သော် လူငယ်တို့၏ စိတ်သဏ္ဏာန်က ကောင်းစွာတွေနိုင်သည်။မတရားမှုကို ခေါင်းငုံ့မခံ တွန်းလှန်လိုသောစိတ် အများပြည်သူအကျိုး သယ်ပိုးလိုသောစိတ် ချမ်းသားကြွယ်ဝခြင်းအာ  ပြည်သူအားလုံးသို့ ဝေငှလိုသောစိတ်ဖြစ်သည်။ ကချင်လူငယ်များတွင်ရှိသကဲ့သို့ လူမျိုးတိုင်းက လူငယ်များတွင်ရှိကြသည်။ ခေတ်အဆက်ဆက် လူငယ်များတွင် ရှိကြသည်။ ဖေါ်ပြသည့်ပုံစံချင်းသာ မတူကြ။ သူလူမျိုး ဘဝ သူဖြတ်သန်းခဲ့ရသော ခေတ်အခြေအနေအရသာ ကွဲပြားမှုရှိပေ လိမ့်မည်။ ထို့ကြောင့်ပင် အနာဂါတ်ကို လူငယ်တွေက ပိုင်သည်ဟု ဆိုကြသည်မဟုတ်ပါလော။

ထို့နောက်တွင်တော့ လားမားလာရိန်နှင့် ထပ်မတွေ့ဖြစ်တော့ပါ။ ၁၉၈၀ နောက်ပိုင်း သူ ကွယ်လွန်သွားပြီဟူသည့် သတင်းကြားလိုက်ရ သည်။ အချိန်တွေကြာမြင်ခဲ့ပေမဲ့ လားရှိုးငွေတိုက် မှ သိမ်းလာသောပိုက်ဆံများကို ဂျစ်ကားတစီးနဲ့ မြို့ပတ်၍ ကြဲခဲ့ကြသော လားမားလာရိန်နှင့် ကချင်လူငယ်များကိုမြင်ယောင်နေဆဲဖြစ်သည်။

ထို့အတူ ခေတ်အဆက်ဆက်လူငယ်တို့၏ တက်ကြွ သော အားမာန်များကို မြင်ယောင်နေဆဲ မြင်နေရ
ဆဲဖြစ်သည်။ အနာဂါတ်ကို လူငယ်တွေ ပိုင်စိုး ပါသည်။

မှတ်ချက်

လားမားလာရိန်နှင့်အတူ KIO ဗဟို ခေါင်းဆောင်များအဖြစ်တာဝန်ယူခဲ့သော ဥက္ကဌဇော်ဆိုင်း ၊ ဒုဥက္ကဌ ဇော်တူး၊  အတွင်းရေးမှူး ပုန်ရွှေ ဇော်ဆိုင်းတို့မှာ ၁၉၇၅ က ထိုင်းနယ်စပ်တွင် အချင်းချင်း လုပ်ကြံသတ်ဖြတ်ခံရမှုကြောင့် ကွယ်လွန်ခဲ့သည်။ ဇော်ဆိုင်း ညီအငယ် ဇော်ဒန်မှာ KIA တပ်မဟာ ၄ မှူးအဖြစ်ပါတာဝန်ယူစဉ် ၁၉၇၅ နှစ်ကုန်ပိုင်းက CPB နှင့် ဖြစ်ပွါးသော တိုက်ပွဲတွင် ကျဆုံးခ့သည်။ မရန်ဘရန်ဆိုင်း ၊ လမုန်တူးဂျိုင် တို့မှာ KIO ဥက္ကဌ အဖြစ် ရှေ့ဆင့်နောက်ဆင့် တာဝန်ယူပြီး လူကြီးရောဖြင့် ကွယ်လွန်သွားခဲ့သည်။ မရန်ဘရန်တောင်လည်း လူကြီးရောဂါဖြင့် ကွယ်သွားခဲ့သည်။ ဇော်မိုင်ကတော့ ၂၀၀၀ ပြည့် နှစ်လောက်က ဖြုတ်ချခံခဲ့ရပြီး ယခုတော့ မြစ်ကြီးနားတွင် ရှိနေသည်ဟုဆိုသည်။ လက်ရှိ KIO/KIA ခေါင်းဆောင်ပိုင်းကား မျိုးဆက်သစ်ဖြစ်သည်။ မျိုးဆက်ဟောင်းက လက်ရှိ ဥက္ကဌ ဇောင်းဟရာ တစ်ယောက်သာ ကျန်တော့သည်ဟုဆိုရပေမည်။