ရှာဖွေရေး ...

editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

ဦးဇင်းဂျောင်းဂျောင်း(ရွှေဝါရောင်) - အင်းစိန်ထောင်၏ နောက်ဆုံးရက်များ


ဦးဇင်းဂျောင်းဂျောင်း(ရွှေဝါရောင်) - အင်းစိန်ထောင်၏ နောက်ဆုံးရက်များ

(မိုးမခ) ဇန်န၀ါရီ ၂၈၊ ၂၀၁၆

ရွှေဝါရောင်တော်လှန်ရေးဖြစ်အောင် ဖန်တီးမှုဖြင့် နိုင်ငံတော်မှ တရားလိုလုပ်စွဲဆို ထားသောအမှုများကို ၂၁-၁၁-၂၀၀၈ သောကြာနေ့တွင် အပြီးသတ်အမိန်ချလိုက်ကြသည်။ အားလုံးထောင်ချခံရသူများမှာ မိမိကိုယ် ဘယ်လောက်ချလိုက်မှန်း ၊ အားလုံး မည်မျှကျမှန်း မပြောနိုင်ချေ။ အဘယ့်ကြောင့်ဆိုသော် အထူးတရားရုံးဟုဆိုသော်လည်း မြို့နယ် ကွဲနေကြသည်။ ဒါတောင် သူတို့ဖွင့်ထားသည့် လေးမြို့နယ် ကျန်သေး သည်။ မေးကြည့်တော့ ပ လပ်သလိုလို၊ ဆိုင်းငံ့ထားသလိုလို သာဖြေသည်။ တိကျ သည့်အဖြေ မည်သူမျှ မပေးနိုင်ချေ။ တရားသူကြီးက အမိန့်ချသည့်နေ့တွင် စာရွက်အ ထပ်လိုက်ကြီး ကိုင်ပြီး ဖတ်ပြနေသည်။ မိမိတို့လည်း ရှည်လွန်းတော့ နားမထောင်နိုင် အိပ်ပျော်သွားသည်။ ရုံးထုတ်လိုက်ပို့နေကျ ရဲမှ အမိန့်ချပြီးကြောင်း ပြော၍ ထပြန်ခဲ့ကြသည်။ အဆောင်ပြန်ရောက်တော့လည်း မည်သူကမျှ မည်မျှ ချလိုက်ကြောင်း အကြောင်းလုပ် မေးမနေကြ။ ကိုယ်ကလည်းမဖြေ ၊ တန်းမပိတ်ခင်လေး အပြေးအလွှားရေ ချိုးရန်သာ အာရုံရောက်နေသည်။

ည (၇) နာရီခန့်မှာ ထောင်ဝန်ထမ်း ရောက်လာပြီး ပစ္စည်းများ သိမ်းထားရန်နှင့် ထောင်မကြီးသို့ ပြောင်းရမည်ဖြစ်ကြောင်း လာပြောသွား သည်။ ကျင့်သားရနေ၍ ၁၅ မိနစ် အတွင်း ပစ္စည်းများသိမ်းပြီး စောင့်နေလိုက်သည်။ ၉ နာရီလောက်မှာ ထောင်ကား ရောက်လာပြီး မိန်းဂျေးရုံးသွား၊ တွဲဘက်ထောင်တာဝန်ခံ ဗိုလ်ကြီးနေစိုးကိုနှုတ်ဆက်ပြီး ထောင်မကြီးထဲ ပြောင်းလာခဲ့ကြသည်။ ထောင်မကြီး မိန်းဂျေးလ်ရုံးတွင် ခနဝင်ပြီး ကိုယ်ကျသည့်တိုက်ကို စောင့်နေကြရသည်။ ပါလာသော ပစ္စည်းများကို ထုံးစံတိုင်း ရှာဖွေရေးလုပ်ပြီးသည်နှင့် တိုက်ဝန်းထဲမှ ၃ တိုက်၊ အခန်း ၁ သို့ ချထားလိုက်သည်။

ဤနေရာတွင် တိုက်အကြောင်း အနည်းငယ်ပြောလိုပါသည်။ အင်းစိန်ထောင်တွင်သာ ဤအခေါ် ရှိသည်ဟုလည်း ထင်ပါသည်။ ၃ တိုက် ဆိုလိုက်သည်နှင့် အချင်းချင်း တိုက်ဝန်းထဲက ၃တိုက်မှန်း သိကြသည်။ အခြားအဆောင်များတွင်လည်း တိုက်ရှိပြန်ရာ ၃ဆောင်တိုက် ဆိုလျှင် ၃ ဆောင်အတွင်း၌ ဆောက်ထားသော တိုက်ကို ဆိုလိုမှန်း သိကြသည်။ ဤသို့ သဲသဲကွဲကွဲ မပြောနိုင်ပါက ထောင်ဝင်စာတွေ့သည့်အခါ အလွန်ပြဿနာတက်ပါသည်။

၃ တိုက် ၁ ခန်း တွင် တိုက်တိုက်ဆိုင်ဆိုင် မဂ္ဂင်ဆရာတော် ဦးဣန္ဒက(ပနားမား)နှင့်အတူ နေရသည်။ အဖမ်းခံရပြီး နောက်ပိုင်း ပထမဆုံးအကြိမ် အတူနေထိုင်ခွင့်ရခြင်းပင်။ မနက် တန်းမဖွင့်မီ ပထမဆုံးကြားလိုက်ရသည်မှာ “ ဗိုလ်ချုပ်မှူးကြီးသန်းရွှေ သေပါစေ" ဆိုသည့် အသံနက်ကြီး ဖြစ်သည်။ လမ်းလျှောက်ထွက်ချိန်ရောက်မှ ကုန်ဈေးနှုန်းကျဆင်းရေးမှ ထင်ကျော် အော်လိုက်မှန်း သိရ၏။

အခြား မှတ်မိသူများမှာ စမ်းချောင်းကိုကိုကြီး ၊ ကဗျာဆရာစောဝေ၊ ဦးဇင်းပုရစ်၊ ဘိုကလေး ကိုအောင်မြင့်၊ သော်ဇင်ထွန်း၊ ခု NLD အမတ် ကိုသိန်းဆွေ၊ ဒီငြိမ်းလင်း၊ ကျော်ကိုကို၊ နောက် 'ကျွန်တော်က HR က' ၊ 'အိပ်ရှာ၊ အိပ်ရှာ' နှင့် အလွန်ပြောသောသူ၊ နာမည်မမှတ်မိ တို့ ဆုံဖြစ်ကြသည်။

အချက်အပြုတ်တာဝန်ခံမှာ ကျော်ကိုကိုဖြစ်ပြီး စိတ်ရှည်သည်။ ထမင်း ထိုး လာလျှင် သူတို့အခန်းမှာ ထမင်းပုံး ထားပြီး ဟင်းများပုံပေးကာ အခြားတိုက်များကို လိုက်ဝေပေးသည်။ ထိုနေ့က ကေဖိုး (စမ်းချောင်းကိုကိုကြီး) အိမ်မှ ထောင်ဝင်စာရောက်ပြီးစမို့ စိုစိုဖတ်ဖတ် စားကြရသည်။

ညဘက် အမျိုးသမီးဘုရားရှိခိုးသံများ ကြားရမှ အမျိုးသမီးအချုပ်ဆောင်နှင့် အုတ်တံတိုင်း တစ်ခုသာ ခြားကြောင်း သိရတော့သည်။ မကြာပါချေ သီချင်းသံများ ကြားရတော့သည်။ တစ်ခန်းကျော်မှ သောဇင်ထွန်းက လှမ်းသတိပေးသည်။ သူတို့သီချင်းဆုံးသည်နှင့် သူက တစ်နှစ်သုံး တိုင်ပေးမည်။ “ ကောင်းဗျို့ … ကောင်းကောင်း” ဟု အားပေးရမည်ဖြစ်သည်။ ထို့နောက် သီချင်းဆုံးသည်နှင့် တစ်နှစ် သုံးဟု အသံခပ်အုပ်အုပ်လေး ထွက်လာသည်။ သံတိုင်နား မျက်နှာလေး မော့တဲ့ပြီး "ကောင်းဗျို့ ကောင်း - ကောင်း -" ဟု အသံကုန် အားပေးလိုက်သည်။ ခနနေတော့ နောက် တစ်ပုဒ် ဆက်ဆိုကြတော့သည်။ မိန်းကလေးတွေ ဘယ်လောက်များ အားစိုက်ကြရမည်မသိ၊ "ကောင်းဗျို့ ကောင်း ကောင်း" အော်ရသူက မောလာသည်။

ကိုးနာရီထိုးတော့ အိပ်ချိန် ဆိုသောအသံနှင့်အတူ ကိုးနာရီသံချောင်း ခေါက်သည်။ အခန်းချင်းပင် စကားမပြောကြဘဲ ကိုယ်ပိုင်အချိန် ကိုယ်ဝါသနာပါရာ စာဖတ်ကြသည်။ မနက် ၆ နာရီထိုးသည့်တိုင် တန်းလာမဖွင့်သဖြင့် ရှာဖွေရေးလုပ်တော့မည်ကို သိလိုက်သည်။ ထောင်ဝန်ထမ်းလေး က ဦးဇင်းတို့ ဘာသိမ်းပေးစရာရှိလဲ လာမေးသည်။ မိမိတို့မှာ ဘာမှမပါကြောင်း ပြော လိုက်ရသည်။ ဤလို ဝန်ထမ်းမျိုးလည်း ရှိပါသည်။ တန်းဖွင့်တော့ ကေဖိုးက မိမိတို့ မကြာမီ ခွဲခွာပြီး နယ်ထောင်အသီးသီးတို့ ပြောင်းကြရတော့မည်ဖြစ်၍ နှုတ်ဆက်ပွဲ ကျင်းပမည် ဆိုကာ သူက အကုန်အကျခံ လုပ်ပေးသည်။

 ဆေးလိပ်အသွင်းရ အကြပ်ဆုံးအချိန် ဖြစ်သော်လည်း သနပ်ဖက်ဆေးလိပ်များ ထွက်လာသည်။ ကေဖိုးက ထောင်ဝန်ထမ်းကို သူလိုချင်သောပစ္စည်းရအောင် သွင်းခိုင်းသည့်နေရာမှာ သူ့ကို မီတဲ့သူမရှိချေ။ အားလုံး ဆေးလိပ်ငတ်နေသည့်အတွက် တစ်ဦးလျှင် သုံးဖွာစီ ဖွာပြီး အလှည့်ကျ သောက်ကြရသည်။ ထမင်းစားချိန်လည်း ကိုယ့်အခန်းထဲကိုယ် မဝင်တော့ဘဲ အားလုံး ဝိုင်းစားကြသည်။ အလွန်ပျော်စရာကောင်းသလို အဝေးထောင်ရောက်သွားတော့ တမ်းတမ်းတ တ အဖြစ်ရဆုံး ပျော်ပွဲစားပွဲလေး ဖြစ်ပါတော့သည်။