ဇာဝါရီ - ကြွေလွင့်သွားတဲ့ မြေလူးငှက်ရှင်

ဇာဝါရီ - ကြွေလွင့်သွားတဲ့ မြေလူးငှက်ရှင်
(မိုးမခ) ဖေဖော်ဝါရီ ၂၁၊ ၂၀၁၆
 
ဒီနေ့ ဖေဖေါ်ဝါရီလ (၁၉) ရက် သောကြာနေ့ မနက်ပိုင်းမှာ အထင်ကရ အမေရိကန် စာရေးဆရာမကြီး ဟာပါ လီ (နာမည်ရင်း နယ်လီ ဟာပါ လီ - Nelle Harper Lee) တစ်ယောက် အသက် (၈၉) နှစ်အရွယ်မှာ ငြိမ်းချမ်းဘုံနန်းသို့ ထွက်ခွါသွားလေပြီ။ သူက စာအုပ်တစ်အုပ်ရေးပြီး ပြည်သူချစ်၊ ကမ္ဘာကျော် စာရေးဆရာမကြီး ဖြစ်လာခဲ့သူ။ အဲဒီစာအုပ်ရေးပြီး တသက်လုံး စားမကုန်ပြည့်စုံခဲ့ကာ၊ အေးအေးလူလူ ဧကစာကျင့် သူ့မွေးဇာတိမြို့ ကလေးမှာ ခေါင်းချနေထိုင်ခဲ့သူ။

သူ ရေးခဲ့တဲ့ တစ်အုပ်တည်းသောစာအုပ်က To Kill a Mockingbird ဖြစ်ပြီး၊ နှစ်ပေါင်း (၅၀) အကြာ၂၀၁၅ ဇူလိုင်လမှာတော့  သူရေးခြစ်ခဲ့တဲ့ လက်ရေးစာမူ (manuscript) ကို သူကို စောင့်ရှောက်နေသူက ရှာဖွေတွေ့ရှိပြီး HarperCollins စာအုပ်တိုက် က Go Set a Watchman အမည်နဲ့ ဒုတိယစာအုပ်ကို ပုံနှိပ်ထုတ်ဝေခဲ့တယ်။ အများအမြင်မှာတော့ သူကိုစောင့်ရှောက်သူ နဲ့ စာပုံနှိပ်တိုက်တို့ အကြံအဖန်ထုတ်တာ ဖြစ်နိုင်ကြောင်း ဝေဖန်ပြောဆိုမှု၊ စွပ်စွဲမှုတွေ ရှိခဲ့တယ်။ အကြောင်းက သူကိုယ်တိုင် To Kill a Mockingbird စာအုပ်ရေးပြီးတဲ့နောက် နောက်ထပ် စာအုပ်ထုတ်ဝေဖို့ မရှိကြောင်း၊ ရေးထားရေးနေတဲ့အကြောင်းလဲ တခါမှ မပြောခဲ့။ ပြီးတော့ အဲဒီ ဒုတိယစာအုပ်ထွက်လာချိန်မှာ ဆရာမကြီးက ကျန်းမာရေးချို့ ယွင်း၊ မျက်စိတွေလည်းမကောင်း၊ အကြောင်းအရာတွေ မေ့တေ့တေ့ ဖြစ်နေတာကြောင့်ဖြစ်တယ်။ ဒါပေမဲ့ သူ့စာကို နှစ်ပေါင်းကြာရှည် မျှော်လင့်နေခဲ့တဲ့ စာချစ်ပရိသတ်တွေကတော့ အလုအယက် ဝယ်ယူကြလို့ ပထမနေ့မှာ စာအုပ်ရေ (၁.၁) သန်းကျော် စံချိန်တင် ရောင်းရ တယ်။

ဒီစာအုပ်က To Kill a Mockingbird ရဲ့  ဇာတ်လမ်းဆက် ဖြစ်ပြီး၊ ဒါပေမဲ့ ဒီစာအုပ်ကို အရင်ရေးခဲ့တာ ဖြစ်မယ်လို့ သုံးသပ်ပြော ဆိုကြတယ်။ ဒီအငြင်းပွားမှု၊ သံသယတွေနဲ့ ပတ်သက်ပြီး ဆရာမကြီးကတော့ စကားမပြောနိုင်လို့ ဘာမှ တုံ့ပြန်မပြောခဲ့ဘူး။ တကယ်တော့ ပထမစာအုပ် ထုတ်ဝေခဲ့ပြီးနောက်ပိုင်း သတင်းမီဒီယာတွေနဲ့ စကားပြောဆို၊ အင်တာဗျူးလုပ်တာ၊ စာပေအ ကြောင်း ဆွေးနွေးတာတွေ မရှိခဲ့ဘူး။ ဆရာမကြီး ရေးခဲ့တယ်ဆိုတဲ့ ဒုတိယစာအုပ်ကိုတော့ အခုထိ မဖတ်ဖြစ်သေး (ဖတ်ဖို့ လည်း စိတ်ဆန္ဒမရှိ)။ To Kill a Mockingbird စာအုပ်ကိုတော့ ဒီကိုရောက်ပြီး ကျောင်းတက်နေတုန်းက ဖတ်ဖြစ်ပြီး၊ အကြိုက်ဆုံးစာအုပ်တအုပ် ဖြစ်ခဲ့တယ်။

ဆရာမကြီးကို အမေရိကန်တောင်ပိုင်း အယ်လဘားမား (Alabama) ပြည်နယ်၊ မွန်ရိုဗေလ် (Monroeville) ကျေးလက်မြို့ ကလေးမှာ ဖခင် ရှေ့ နေကြီး Amasa Coleman Lee နဲ့ မိခင် Frances Cunningham Finch Lee တို့က ၁၉၂၆ ခုနှစ် ဧပြီလ (၂၈) ရက်နေ့မှာ မွေးဖွားခဲ့တယ်။ မွေးချင်း လေးယောက်မှာ အငယ်ဆုံး ဖြစ်တယ်။ အိမ်နဲ့မနီးမဝေး မူလတန်း နဲ့ အထက် တန်းကျောင်းတွေမှာ အခြေခံပညာရေးကို တက်ရောက်သင်ကြားခဲ့ပြီးနောက် မောင့်ဂိုမားရီမြို့ မှာရှိတဲ့ ဟန်တင်ဒန် အမျိုး သမီးကောလိပ် (All-female Huntingdon College) မှာ (၁) နှစ် တက်ရောက်ခဲ့ပြီး၊ အယ်လဘားမား တက္ကသိုလ်ကို ပြောင်းရွှေ့ ကာ ဥပဒေဘွဲ့ ရယူဖို့ ကြိုးစားခဲ့တယ်။ ကျောင်းတက်နေစဉ် ကျောင်းသားတွေ ထုတ်ဝေတဲ့ သတင်းစာ နဲ့ မဂ္ဂဇင်း တွေကို တည်ဖြတ်ရေးသားခဲ့တယ်။ နောက်တော့ စာရေးဆရာဖြစ်ချင်၊ စာရေးတဲ့အလုပ်ကို ဇောက်ချလုပ်ချင်လို့ဆိုပြီး ကျောင်းထွက်လိုက်တယ်။

၁၉၄၉ မှာ နယူးရော့ခ် (New York) ကို ပြောင်းရွှေ့ ပြီး လေကြောင်းလိုင်းတစ်ခုမှာ အကူစာရေးလုပ်ကာ၊ တဘက်မှာ စာရေးဆရာမ ဖြစ်ဖို့ လေ့လာကြိုးစားခဲ့တယ်။ ဒီလိုနဲ့ နယူးရော့ခ်မြို့ ရောက်ပြီး (၈) နှစ်အကြာမှာ သူကြိုးစားရေးခဲ့တဲ့ စာမူကြမ်းကို J.B. Lippincottt ပုံနှိပ်တိုက်ကို ပေးပို့ခဲ့တယ်။ ပုံနှိပ်တိုက်က ပြန်ပြင်ရေးဖို့ ပြောဆိုပြီး၊ ၁၉၆၀ ဇူလိုင်လ (၂၂) ရက်နေ့မှာ To Kill a Mockingbird အမည်နဲ့ J.B. Lippincott က ပုံနှိပ်ထုတ်ဝေခဲ့တယ်။

ထုတ်ဝေပြီး ရက်ပိုင်းလပိုင်းအတွင်း လူကြိုက်များပြီး တဟုန်ထိုး အရောင်းရဆုံး စာအုပ်တအုပ် ဖြစ်လာခဲ့တယ်။ နောက်တနှစ် ၁၉၆၁ ပူလစ်ဇာဆု စာပေအနုပညာအသင်းကြီးက ချီးမြှင့်တဲ့ ၁၉၆၀-၆၁ အကောင်းဆုံးစာပေဆုကို ရရှိခဲ့တယ်။ နောက်ပိုင်း တက္ကသိုလ်အသီးသီးက ဂုဏ်ထူးဆောင်ပါရဂူဘွဲ့ (Honorary Doctorate Degrees) တွေအပြင်၊ ၂၀၀၇ ခုနှစ်မှာ အမေရိကန် သမ္မတကြီး ဂျော့ခ်ျ ဘုရှ် (George W. Bush) က သမ္မတဂုဏ်ထူးဆောင်ဆု နဲ့ ၂၀၁၀ မှာ သမ္မတအိုဘားမား (Barrack Obama) က အမျိုးသားစာပေအနုပညာဆုတို့ကို ချီးမြှောက်ခဲ့တယ်။ ဆရာမကြီးကို အမေရိကန်ပြည်သူတွေက (၂၀) ရာစု အမေရိကန်စာပေသမိုင်းရဲ့  ပြည်သူချစ်တဲ့ စာပေပညာရှင်၊ စာပေသူရဲကောင်းအဖြစ် ဂုဏ်ပြုကြတယ်။

ဒီနေ့အထိ ဆရာမကြီးရဲ့  စာအုပ်ကို အထက်တန်းကျောင်း နဲ့ ကောလိပ်တက္ကသိုလ်တွေမှာ လေ့လာဖတ်မှတ်ရမယ့် စာအုပ် တအုပ်အဖြစ် ပြဌာန်းထားတယ်။ နှစ်ပေါင်း (၅၀) အကြာမှာ စာအုပ်ရေ စုစုပေါင်း သန်း (၄၀) ကျော် ပုံနှိပ်ထုတ်ဝေခဲ့ပြီး၊ ဘာသာပေါင်း (၄၀) ကျော် ဘာသာပြန် ထုတ်ဝေခဲ့ပြီးပြီ။ မြန်မာဘာသာပြန် မရှိသေး။

ဝထ္တုဇာတ်လမ်းက အမေရိကန်နိုင်ငံ တောင်ပိုင်းဒေသတွေမှာ နှစ်ပေါင်းများစွာ ရှင်သန်ခဲ့တဲ့ လူဖြူ-လူမည်း အသားအရောင် ခွဲခြားမှု တရားမဲ့ဥပဒေ စိုးမိုးနေချိန်  အယ်လဘားမားပြည်နယ် မြို့ ကလေးတမြို့ မှာ လူဖြူမတယောက်ကို အတင်းအဓမ္မပြုကျင့် (မုဒိမ်းကျင့်) တယ်ဆိုပြီး အခြေအမြစ်မရှိ စွပ်စွဲဖမ်းဆီးကာ၊ သေဒဏ်ကျခံရတော့မယ့် ဆင်းရဲသား လူမည်းကြီးတယောက်ကို အစွန်းရောက်လူဖြူတွေရဲ့  ရန်လိုခြိမ်းခြောက်မှုကို အန်တုဆန့်ကျင်ပြီး ရှေ့ နေလိုက်နေတဲ့ ဖခင်ရှေ့ နေကြီး အာတီကပ်စ် ဖင့်ခ်ျ (Atticus Finch) ရင်ဆိုင်နေရတဲ့ အခြေအနေ၊ ခံစားချက်၊ အလွန်ရုပ်ဆိုးအကျည်းတန်လှတဲ့ လူဖြူ-လူမည်း ခွဲခြားဆက်ဆံရေး လူ့အသိုင်းအဝိုင်း၊ ဥပဒေမဲ့လုပ်ရပ်တွေကို (၁၀) နှစ် သမီးငယ်လေး စကော့တ် (Scout) ရဲ့  အမြင်အတွေး ခံစားချက်နဲ့ ဇာတ်ကြောင်းပြန် ပြောပြထားတဲ့ အလွန်ဖတ်ကောင်း၊ ခေတ်ဆိုးအခြေအနေမှန်ကို ရုပ်လုံးဖော် တင်ပြထားတဲ့ စာအုပ်ကောင်းတအုပ် ဖြစ်တယ်။

၁၉၆၂ မှာ ဟောလီဝုဒ် က ဒီဝထ္တုဇာတ်လမ်းကို နာမည်ကြီး ရုပ်ရှင်ဇာတ်ညွှန်းရေးဆရာ ဟော်တန် ဖူတီ (Horton Foote) နဲ့ ဆရာမကြီး တွဲဘက်ပြီး ဇာတ်ညွှန်းပြင်ဆင်ရေးကာ To Kill a Mockingbird အမည်နဲ့ပဲ  ရုပ်ရှင်မင်းသား ဂရက်ဂိုရီ ပက်ခ် (Gregory Peck - မြန်မာသရုပ်ဆောင် (ဒေါ်) ဝင်းမင်းသန်း တွဲဘက်ခေါင်းဆောင်မင်းသမီးအဖြစ် ပါဝင်ခဲ့တဲ့ ခရမ်းရောင် လွင်ပြင် (Purple Plain) ရုပ်ရှင်ကားထဲက ခေါင်းဆောင်မင်းသား) နဲ့ မူရင်းဝထ္တုဇာတ်လမ်း မပျောက်မပျက်၊ အလွန်ကြည့် ကောင်းတဲ့ ရုပ်ရှင်ဇာတ်ကားကို ရိုက်ကူးပြသခဲ့တယ်။ အဲဒီနှစ် အော်စကာဆုပေးပွဲမှာ စကားတင် (၈) ဆု ရွေးချယ်ခံရပြီး၊ ဆုပေးပွဲနေ့မှာ အကောင်းဆုံးသရုပ်ဆောင်ဆု (မင်းသား Gregory Peck)၊ ဇာတ်ညွှန်းဆု (Horton Foote) နဲ့ စုစုပေါင်း အော်စကာ (၄) ဆု ရရှိခဲ့တယ်။

နောက်ဆုံးပြောချင်တာက မိုးမခစာချစ်သူတွေအနေနဲ့ စာအုပ်ဖတ်ဖို့ အချိန်မပေးနိုင်၊ အင်္ဂလိပ်လိုဖတ်ဖို့ ခက်ခဲတယ်ဆိုရင် အနည်းဆုံး ရုပ်ရှင်ကိုကြည့်ပြီး ဆရာမကြီး ပြောပြချင်တဲ့ အဓမ္မ နဲ့ ဓမ္မ၊ လူ့အခွင့်အရေး၊ ဥပဒေစိုးမိုးရေး နဲ့ ကလေးတဦးရဲ့  ရိုးသားဖြူစင်တဲ့ အတွေးအမြင် ဖွင့်ဟချက်တွေကို ခံစားနိုင်ပါတယ်။

လူသားဆန်မှု့နဲ့ မေတ္တာတရားတွေကို စာဖတ်သူအသည်းခိုက်အောင် ဆွဲထုတ်ဖန်တီးပေးခဲ့တဲ့ ပြည်သူချစ်တဲ့ ဆရာမကြီး ကောင်းရာသုဂတိ၊ ဘုံဘဝ ရောက်ရှိမှာမို့ ဆုတောင်းစရာ မလိုပါ။