ရှာဖွေရေး ...

PO Box 320-207, San Francisco, CA 94132-0207, USA – editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

မောင်မောင်စိုး - မှိုင်းပြပြ ဝ နယ်တောင်တန်းများဆီမှ ဝ တိုင်းရင်းသားစစ်သည်များ၏ ပုံရိပ်များ - အပိုင်း (၁)


မောင်မောင်စိုး - မှိုင်းပြပြ ဝ နယ်တောင်တန်းများဆီမှ ဝ တိုင်းရင်းသား စစ်သည်များ၏ ပုံရိပ်များ - အပိုင်း (၁)
(မိုးမခ) မတ် ၆၊ ၂၀၁၆
 
● ဝ နယ်တောင်တန်းများ
ဝနယ်တောင်တန်းများသည် ရှမ်းပြည်နယ်၏အရှေ့မြောက်ပိုင်းတွင်တည်ရှိသည်။ သံလွင်မြစ်၏အရှေ့ဖက်ခြမ်း တောင်ကြီး ကျိုင်းတုံ ကားလမ်း၏ မြောက်ဖက်ခြမ်းတွင် ဝ နယ်တည်ရှိသည်။ သံလွင်အရှေ့ဖက်ခြမ်းတွင်ရှိသော ကိုးကန့်ဒေသမှအပ ဟိုပန် ပန်လုံ မိုင်းမော ခွင်းမား မန်မန်းဆိုင် ယုံအော ပန်ယန်း ပန်ဆန်း (ပန်ခမ်း) မော်ဖါ လွယ်ဟိုလာ မိုင်းပေါက် စသည့် ဒေသများသည် ဝ တို့၏ဒေသဖြစ်သည်။

၂၀၀၈ အခြေခံဥပဒေအရ ဝ တို့အား ကိုယ်ပိုင်အုပ်ချုပ်တိုင်းအဖြစ်သတ်မှတ်ပြီး မြို့နယ် ၆ မြို့နယ်ပါဝင်သည်။ ဟိုပန် / မိုင်း မော / ပန်ဝိုင် / နားဖန်း / မက်မန်း / ပန်ဆန်း(ပန်ခမ်း) မြို့နယ်ဟု မြို့နယ် ၆ မြို့နယ်အား ခရိုင် ၂ ခုဖွဲ့စည်းထားရှိသည်။ သို့ သော် ဟိုပန် ပန်လုံနှင့် မော်ဖါဒေသတို့အား မြန်မာစစ်ဖက်က ထိမ်းချုပ်ထားနိုင်သေးပြီး ကျန်ဒေသအများစုအား UWSP/UWSA ဝ နယ်သွေး စည်းညီညွတ်ရေးပါတီ/ ဝ နယ်သွေးစည်းညီညွတ် ရေးတပ်မတော်၏ ထိမ်းချုပ်မှုအောက်တွင် ကျရောက် နေသည်။

ထိုဒေသအများစုသည် ရှမ်းပြည်နယ်တွင် အတွင်းရှိနေသော်လည်း အစဉ်အလာရှမ်းစော်ဘွားတို့၏ အုပ်ချုပ်မှုအောက်တွင် လည်း အများစုဒေသကြီး ရှိမနေဟုဆို၍ ရသည်။ ဝ နယ်အတွင်း ပန်ယန်းနယ်တွင်သာ ရှမ်းစော်ဘွားရှိဘူးသည်ဟု မှတ်တမ်း များက ဆိုသည်။ ဗြိတိသျှအစိုးရလက်ထက်တွင် ကွန်လုံ တန့်ယန်းတို့တွင် ရုံးစိုက်ပြီး ဝ နယ်တောင်တန်းများကို အုပ်ချုပ်နိုင် ရန် စီမံခဲ့ဘူးသည်ဟု ဆိုပါသည်။

ဝနယ်တောင်တန်းများတွင် ဝလူမျိုးစုအများစုနေထိုင်သည်။ လားဟူ ပလောင်နှင့် တောင်ကြားကွင်းငယ်များတွင် ရှမ်းတို့ အနည်းငယ်ရောနှောနေထိုင်မှုရှိသည်။ တကယ်တမ်း ဝ နယ်တောင်တန်းများပေါ်တွင် ဝ မျိုးနွယ်စုခေါင်းဆောင်များသာ အုပ်ချုပ်ခဲ့ကြသည်။ ထိုတောင်တန်းများပေါ်တွင်ရှမ်းစော်ဘွားများ၏အုပ်ချုပ်ရေးအာဏာသည်လည်းကောင်း၊ ဗြိတိသျှအစိုး ရ၏ အာဏာသည်လည်းကောင်း ထိထိရောက်ရောက်သက်ရောက်ခဲ့ခြင်းမရှိပေ။

ယခင်အခါက ဝ နယ်တောင်တန်းများတွင် တောင်ကြောကြီးတခုအလိုက် ဝ မျိုးနွယ်စုတစ်ခုအဖြစ်ရှိနေသည့် ဝ ရွာများအား မျိုးနွယ်စုခေါင်းဆောင်မှ အုပ်ချုပ်သည်။ ရတတ်သမျှမှတ်တမ်းများအရ ဝ မျိုးနွယ်စု အုပ်စုပေါင်း ၃၄ အုပ်စုရှိသည်ဟုဆိုသည်။ ထိုအုပ်စုတစ်စုနှင့်တစ်စု စကားအနည်းငယ်ကွဲလွဲသည်။ ၁၉၇၀ မတိုင်မှီကာလအထိ ဝ အုပ်စု တစုနှင့်တစု အပြန်အလှန် တိုက်ခိုက်ခြင်းများ ရှိကြသည်။ အနိုင်ရသူများက ရှုံးသူများအား ကျွန်အဖြစ် ဖမ်းဆီးခြင်းများရှိသည်။

ထိုဒေသသည် ပြည်မနှင့်ကူးလူးဆက်ဆံမှုနဲသဖြင့် ဗမာစကားလည်း မတတ်ကြချေ။ အုပ်စုလိုက်တိုက်ပွဲများကို အမြဲဆင်နွှဲ နေရသဖြင့် အထင်ကရ ဝ ရွာကြီးများတွင် ကတုတ်ကျင်းများ လိုက်ကျင်းများ တပ်စည်းရိုးများဖြင့် ခံတပ်သဖွယ်တည်ဆောက် ထားလေ့ရှိကြသည်။ ထိုအုပ်စုတိုက်ပွဲများသည် ဝ တို့အား မွေးရာပါ စစ်သားများအဖြစ် ဖန်တီးလေ့ကျင့်လိုက်သကဲ့ပင်ဖြစ်သည်။

● ဝ တို့၏ ရှေးရိုးယုံကြည်မှုဟောင်းများ
ဝ လူမျိုးတို့၏ ကနဦး ကိုးကွယ်ယုံကြည်မှုမှာ အခြားလူမျိုးများကဲ့သို့ နတ်ကိုးကွယ်ယုံကြည်မှုဖြစ်သည်။ ဝ တို့အနေနှင့် ရှေးရိုးယုံကြည်မှုအရ ကောက်သစ်စိုက်ပျိုးရာတွင်လည်းကောင်း၊ ကောက်သစ်ရိတ်သိမ်းချိန်တွင်လည်းကောင်း၊ လူသွေး ပက်ဖြန်း၍ ယဇ်ပူဇော်မှ ကောက်ပဲသီးနှံအထွက်ကောင်းသည်ဟု အယူရှိကြသည်။ ထိုအခါ ထိုအချိန်ကာလများတွင် အုပ်စု တိုက်ပွဲများက ဖမ်းဆီးရမိထားသူများအားလည်းကောင်း သို့တည်းမဟုတ် အခြားအုပ်စုမှ သူတဦးဦးအား ချောင်းမြောင်းဖမ်းဆီးသတ်ဖြတ်၍လည်းကောင်း ခေါင်းဖြတ်ယဇ်ပူဇော်ခြင်းများပြုလုပ်ကြသည်။ ထိုခေါင်းပြတ်အား ရွာထိပ်နတ်စင်တွင် ပသ ထားလေ့ရှိကြသည်။

သစ်ပင်အလုံးကြီးများ တစ်လံအရှည်ပတ်ချာလည်ခန့်ဖြတ်၍ အရှည်လိုက်ထောင်ကာ ထိုသစ်လုံးပြတ်ပေါ်တွင်တင်ကာ ယဇ်ပူဇော်လေ့ရှိသည်။ ဝ မျိုးနွယ်စုခေါင်းဆောင်များနေထိုင်ရာ ဝ ရွာကြီးများထိပ်တွင် အဆိုပါယဇ်ပူဇော်ရာ တိုင်လုံးများကို တွေ့ရှိနိုင်ခဲ့သည်။ အဆိုပါစနစ်အား ၁၉၇၀ ခုနှစ် ဝ နယ်သို့ CPB ဝင်ရောက်လာပြီး ဖျက်သိမ်းနိုင်ခဲ့သည်။

ကောက်စိုက်ချိန်နှင့်ကောက်သစ်ပေါ်ချိန်သည်ရိက္ခာရှားပါးခဲ့သည့် ထိုတောင်တန်းဒေသတွင် အရေးပါသည်။ ရိုးရာယုံကြည်မှု အစွဲအလမ်းများကို ထိုချိန်ကာလများနှင့်တွဲ၍ တွေ့ရသည်။ ရှေးရိုးယုံကြည်မှုအရဆိုလျှင် ကောက်စိုက်ချိန်နှင့် ကောက်သစ် ပေါ်ချိန်ကြား၌ လူတစ်ဦးတစ်ယောက်သေဆုံးခဲ့လျှင် ချက်ခြင်းမြှုပ်နှံခွင့်မရှိပေ။ ကောက်သစ်ပေါ်ပြီးမှ မြှုပ်နှံခွင့်ရှိသည်။ ထို ရုပ်အလောင်းကို အိမ်၏ရှေ့ခန်း၌ မြှုပ်နှံချိတ်ထားလေ့ရှိတတ်ကြသည်။ ထိုရှေးရိုးစွဲအယူအဆများသည် ဝ နယ်အတွင်းသို့ CPB (ဗကပ) ဝင်ရောက်လာပြီးနောက်ပိုင်းတွင်လည်းကောင်း၊ ဝ လူငယ်များ အမြင်ကျယ်လာမှုများကြောင့်လည်းကောင်း ချုပ်ငြိမ်း သွားခဲ့သည်။

ဤအချက်များကိုရေးပြခြင်းရည်ရွယ်ချက်မှာ ဝ လူမျိုးများကို အထင်သေးစေရန် မရည်ရွယ်ပါ။ ဝ ဒေသနှင့် ပြင်ပဒေသနှင့် အဆက်သွယ်ပြတ်တောက်ကာ အထီးတည်းသီးသန့်ရပ်တည်ခဲ့ကြသည်ကို လေးနက်စေလို၍ ဖြစ်သည်။ တကယ်တော့ နတ်ကိုးကွယ်ယုံကြည်မှုဆိုသည်မှာလည်း ထူးဆန်းလှသည်တော့မဟုတ်ပေ။ ထေရဝါဒဗုဒ္ဓဘာသာထွန်းကားသည်ဆိုသည့် ဗမာများသည်ပင်လျှင် ယနေ့တိုင် တောင်ပြုံးနတ်ပွဲ ခြိမ့်ခြိမ့်သဲဆင်နွှဲနေသည် မဟုတ်ပါလော။ ဝ လူမျိုးတို့အနေနှင့် ကောက် ပဲသီးနှံပေါများစေခြင်းအပေါ် သူတို့၏ ကိုးကွယ်ယုံကြည်မှုများ ပုံထားခဲ့သည်ဟုဆိုရပါမည်။

● ဝ တို့၏ရှေးရိုးစီးပွားရေး
ဝ တို့၏ ရှေးရိုးစီးပွားရေးမှာ တောင်ယာ စိုက်ပျိုးခြင်းဖြစ် သည်။ တောင်ယာစိုက်ပျိုးရေးထွက်နှုံးနိမ့်ပါးခြင်းကြောင့် ၁၉၇၀ မတိုင်မှီကဆိုလျှင် ဝ ဒေသ သီးနှံထွက်ရှိမှုမှာ ဝ ဒေသတခုလုံးအတွက် တနှစ်လျှင် ၄ လမှ ၇ လအထိသာရှိပေရာ ကျန်အချိန် များအတွက် တောတောင်အတွင်း မျောက်ဥ ကြွေဥတူး၍ စားသောက်ပြီး ရိက္ခာပြဿနာကိုဖြေ ရှင်းကြရသည်။

ပြည်မနှင့် ဆက်စပ်နေသော ဝဒေသများသည်လည်းကောင်း၊ တရုတ်ပြည်ရှိ ဝ ဒေသနှင့်ဆက်စပ်နေသောဒေသများသည်လည်းကောင်း၊ ဟိုယခင်ကထဲက အပြန်အလှန် ကူးသန်းကုန်သွယ်မှုပြုကြသည်။ ဒုတိယကမ္ဘာစစ်အပြီး ကွန်လုံနယ်များလူ အချို့သည် ရတတ်သမျှ ရိုင်ဖယ်များကိုယူ၍ ဝ အုပ်စုများသို့ သွားရောက်ရောင်းချခြင်းများရှိကြသည်။

ထိုအချိန်တွင် ဝ နယ်တွင်သုံးစွဲသည့်ငွေကြေးမှာ အင်္ဂလိပ်ဘုရင်ပုံပါ ငွေဒင်္ဂါးနှင့် ကြေပြားများဖြစ်ကြသည်။ အင်္ဂလိပ်ငွေကြေး များရောက်သည်ဆိုသော်လည်း ကုန်သွယ်မှုများသည်မဟုတ်၍ ငွေကြေးအများအပြား လည်ပတ်ခြင်းတော့မရှိပေ။

လမ်းပမ်းဆက်သွယ်ရေးခက်ခဲကာ မြန်မာပြည် ပြည်မအစိုးရလည်းလက်လှမ်းမမှီသည့်အခြေအနေတွင် ပညာရေး ကျန်းမာ ရေး စီးပွားရေးလူမှုရေး ဘက်စုံခေတ်နောက်ကျနေပြီး ဝ တောင်တန်းသည် ဒုတိယကမ္ဘာစစ်ပြီးချိန်အထိ အထီး တည်းဖြစ်နေ သည်။ ပြင်ပကမ္ဘာနှင့် အဆက်အသွယ်ပြတ်နေသည်။ သို့သော် ဝ လူငယ်ပိုင်းသည် ထိုအခြေအနေအောက်တွင် လမ်းသစ်ရှာ ရန် အစပြုလာကြသည်။ ဒုတိယကမ္ဘာစစ်ပြီး၍ မကြာမှီတွင် ဝ ဒေသ၏အိမ်နီးချင်း တရုတ်ပြည်တွင် အပြောင်းအလဲကြီး ဖြစ်ခဲ့သည်။ ကူမင်တန်အစိုးရ ပြုတ်ကျပြီး တရုတ်ကွန်မြူနစ်ပါတီ အာဏာရလာခဲ့သည်။

● ဝ နယ်တွင် တရုတ်ဖြူဝင်ရောက်လာမှု
စစ်ရှုံးသော မြောက်ပိုင်းရှိ ကူမင်တန် ချန်ခဲ့ရှိတ်နှင့် တပ်အင်အားအချို့သည် တိုင်ဝမ်သို့ ထွက်ပြေးသွားခဲ့သည်။ တောင်ပိုင်းရှိ ကူမင်တန်ဗိုလ်ချုပ် လီမီနှင့်ယူနန်နယ်မှ ကူမင်တန်တပ်များသည် ဝနယ်ကိုဖြတ်၍ မြန်မာပြည်ထဲသို့ဝင်ရောက်လာခဲ့ကြ သည်။ ကူမင်တန် တရုတ်ဖြူတပ်များသည် ဝနယ်အပါ ရှမ်းပြည်နယ်တွင်အခြေပြု၍ တရုတ်ပြည်အား အံတုရန်ကြံစည်ခဲ့ကြ သည်။

ဝ နယ်တွင်းရောက်ရှိလာသော ကူမင်တန်တရုတ်ဖြူတပ်များသည် ဝ မျိုးနွယ်အုပ်စုအချို့အားစည်းရုံးသိမ်းသွင်း လက်နက် တပ်ဆင်ပေးကာ တရုတ်ပြည်မကြီးအား နှောက်ယှက်တိုက်ခိုက်ခြင်း ထောက်လှမ်းသတင်းယူခြင်းများအား ပြုလုပ်လာ ခဲ့သည်။

တရုတ်နီအစိုးရကလည်း ၎င်းတို့တရုတ်နယ်ထဲရှိ ဝ မျိုးနွယ်စုများနှင့်ရင်းနှီးဆက်ဆံမှုရှိသော ဝနယ်မြောက်ပိုင်းမှ ဝ မျိုးနွယ် စုခေါင်းဆောင်များအား စည်းရုံးသိမ်းသွင်း၍ ကူမင်တန်ဆန့်ကျင်ရေးသင်တန်းများပေးကာ သူ၏နယ်စပ်လုံခြုံရေးကိုဆောင်ရွက်ခဲ့သည်။ ထိုစဉ် မြန်မာစစ်ဖက်မှ ကူမင်တန်တရုတ်ဖြူတိုက်ခိုက်သည့်စစ်ဆင်ရေးများကို ရှမ်းပြည်တောင်ပိုင်းတွင် ပြု လုပ်ခဲ့ပြီး ထိုင်းနိုင်ငံတွင်းသို့ တရုတ်ဖြူတပ်များအားမောင်းထုတ်ခဲ့သည်။ သို့သော် တရုတ်ဖြူတပ်ကြွင်းတပ်ကျန်အချို့ သည် ဝ နယ်ထဲတွင် ၎င်းတို့စည်းရုံးထားသော အချို့ ဝ များနှင့် ပူးတွဲနေသကဲ့သို့ ထိုင်းသို့ဆုတ်ရာတွင် အချို့ ဝ လက်နက် ကိုင်များပါသွားခဲ့သည်။

ဤသို့ ဝဒေသသို့ ကူမင်တန်တပ်များဖြတ် သန်းဝင်ရောက်လာမှုမှစ၍ ဝ နယ်တခေတ်ဆန်းလာသည်ဟုဆိုရမည်။ ဤသို့ဝင် ရောက်လာသောကူမင်တန်တပ်များကြောင့် ဝ တို့သည်ခေတ်မှီ လက်နက်များနှင့် စတင်ရင်းနှီးခွင့်ရသကဲ့ ခေတ်မှီလက်နက်များစတင်ကိုင်ဆောင်ခွင့်ရသည့် စစ်သည်များ warriors ဖြစ်လာတော့သည်။ ဝ တို့သည် ကူမင်တန်များပေးသော လက်နက် များကိုကိုင်ဆောင်ခွင့်ရလာသည့်အဖွဲ့အချို့ရှိသကဲ့သို့ တရုတ်နီတို့က ကူမင်တန်ဆန့်ကျင်ရေး သင်တန်းပို့ချ၍ လက်နက် တပ်ဆင်ပေးခြင်းကို ရယူနိုင်သည့်အဖွဲ့များလည်း ရှိလာသည်။

ထို့ပြင် တရုတ်ဖြူတို့သည် ရိက္ခာရှားပါးသောဝ ဒေသအခြေအနေနှင့် ရေမြေ ရာသီဥတုကို အခွင့်ကောင်းယူကာ ဘိန်းစိုက် ခြင်းကို အားပေးလာခဲ့ပြီး ဘိန်းကုန်းသွယ်မှုမှ အကျိုးအမြတ်ရယူခဲ့ကြသည်။ တရုတ်ပြည်မှထွက်ပြေးရသည့်အပြင် မြန်မာ ပြည်မှတိုက်ထုတ်မောင်းနှင်ခြင်းခံရ၍ နောက်ဆုံးတွင် ထိုင်းနိုင်ငံတွင်းသို့ရောက်ရှိသွားသော တရုတ်ဖြူတို့သည် လက်မ လျော့သေးဘဲ အမေရိကန်၏ အားပေးကူညီမှုဖြင့် ရှမ်းပြည်နယ် ဝ တောင်တန်းများကိုဖြတ်၍ တရုတ်ပြည်ကို ထိုးဖောက်စည်း ရုံး နှောက်ယှက်ရန် စီစဉ်ခဲ့ကြသည်။ ထိုအခါ ပြည်မမှတရုတ်အစိုးရကလည်း နယ်စပ်ရှိ ဝ မျိုးနွယ်စုများကို လေ့ကျင့်မွေးမြူတုန့် ပြန်လာကြပေရာ ယခင်ခေတ်မမှီသော ရှေးရိုးလက်နက်များကိုကိုင်ဆောင်သည့် ဝ အုပ်စုများသည် ခေတ်မှီလက်နက်များကိုကိုင်ဆောင်သည့် ဝ မျိုးနွယ်အုပ်စုများဖြစ်လာပေတော့သည်။ မိမိနယ်အလိုက် ကူမင်တန်ကိုဆန့်ကျင်သော လက်နက် ကိုင်အုပ်စုများဖြစ်လာသည်။

ထိုအချိန်ကာလများက မြန်မာပြည်မအစိုးရ၏အုပ်ချုပ်ရေး ဝ တောင်တန်းများပေါ်သို့ လက်လှမ်းမမှီခဲ့ပါ။

ဆက်လက်ဖေါ်ပြပါမည်။ (photo source : People`s Daily Online)