ရှာဖွေရေး ...

editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

မောင်မောင်စိုး - ဆွေးနွေးငြင်းခုံခြင်းယဉ်ကျေးမှု ( ပြောင်းလဲချိန်တန်ပြီ )



မောင်မောင်စိုး - ဆွေးနွေးငြင်းခုံခြင်းယဉ်ကျေးမှု ( ပြောင်းလဲချိန်တန်ပြီ )
(မိုးမခ) ဧပြီ ၁၁၊ ၂၀၁၆

ပြသနာတရပ်နှင့် ပတ်သက်၍ မတူသောအမြင်များစွာရှိသည်မှာ အံ့သြစရာရှိမည် မဟုတ်ပေ။ တစ်ဦးနှင့်တစ်ဦး မတူသောဘဝဖြတ်သန်းမှု မတူသောအကျိုးစီးပွါး မတူသောခံယူချက် မတူညီသောဦးတည်ချက်ရှိကြပေ
ရာ မတူသောအမြင်များ ရှိကြသည်မှာ ထူးဆန်းသည်တော့မဟုတ်ပေ။  လူတစ်ဦးချင်းအနေနှင့် မိမိပုဂ္ဂလိက ဘဝလမ်းကြောင်းအား မိမိစိတ်ကြိုက် အမြင်နှင့်ရွေးချယ် နိုင်သည်။ ဆရာဝန်သော်၎င်း အင်ဂျင်နီယာသော်၎င်း နိုင်ငံရေးသမားသော်၎င်း စိတ်ကြိုက်ရွေးချယ်ပိုင်ခွင့်ရှိသည်။ မိမိ မိသားစု ဝါ မိမိမိတ်ဆွေများ၏ မတူသောအမြင်နှင့် ကန့်ကွက်မှုများရှိသော်လည်း မိမိ စိတ်ကြိုက် ဘဝလမ်းကြောင်းကို မိမိအမြင် ဆုံးဖြတ်ချက်အတိုင်းရွေးချယ် လုပ်ပိုင်ခွင့်ရှိသည်။ အဘယ်ကြောင့်ဆိုသော် တစ်ဦးချင်းကိစ္စဖြစ်၍ ဖြစ်သည်။

သို့သော် အများနှင့်ဆိုင်သောကိစ္စရပ်များ ပို၍ဆိုလျင် တိုင်းပြည်နှင့်ဆိုင်သောကိစ္စရပ်များတွင် ဤသို့ပြုမု၍ မရနိုင်ပေ။ လူအများနှင့်ဆိုင်သော ကိစ္စရပ်ဖြစ်သည့် အားလျော်စွာ မတူသောအမြင်များစွာ တွေ့ရမည်ဖြစ်သကဲ့သို့ ထိုမတူသောအမြင်များကို မည်သို့စုစည်းမည်နည်းဆိုသည့် ကောင်းမွန်သော အဖြေတရပ်ကို ရှာရန်လိုအပ်ပေမည်။ ထိုအဖြေမှာ မတူသောအမြင်များအား အပြန်အလှန်ဆွေးနွေးငြင်းခုံကြခြင်းဖြစ်ပြီး အချိန်တခုရောက်လျင် အနဲစုက အများစုကိုနာခံသည့် ဒီမိုကရေစီနည်းလမ်းဖြင့် ဖြေရှင်းဖြစ်သည်။

ဤသို့ဖြေရှင်းရာတွင် ဦးစွာအားဖြင့် အပြန်အလှန်ဆွေးနွေးငြင်းခုံအဖြေရှာသည့် ယဉ်ကျေးမှုထွန်းကားရန်လိုအပ်ပေသည်။ ပြသနာတခု အပြန် အ လှန် ခွဲခြမ်းစိတ်ဖြာခြင်း မိမိနှင့်သဘောထားမတူ အမြင်မတူသောသူတို့၏ အမြင်ကို နားထောင်ခြင်း အခိုင်အမာအချက်အလက်များကို ရယူခြင်းတို့ သည် ဆွေးနွေးငြင်းခုံမှုယဉ်ကျေးမှုထွန်းကားရန်လိုအပ်သည့် အကြောင်းအချက်များဖြစ်သည်။

ယခု ရုပ်မြင်သံကြားဖန်သားပြင်တွင် လူသိများနေသည့် DVB Debate ဆိုသည်မှာ အားနဲချက်အချို့ရှိသော်လည်း အပြန်အလှန်ဆွေးနွေးငြင်းခုံ အဖြေရှာသည့် ယဉ်ကျေးမှုတရပ် ဖေါ်ဆောင်သည်ဟု ဆိုနိုင်ပါသည်။ အားနဲချက်တချို့ရှိသည်ဟု ဆိုရခြင်းမှာ အပြန်အလှန်ဆွေးနွေးငြင်းခုံထဲတွင် အပြန်အလှန်ထိုးနှက်တိုက်ခိုက်မှုအချို့ကို တွေ့နေရ၍ဖြစ်သည်။ ဤသည်မှာလည်း မြန်မာပြည်နိုင်ငံရေးဘဝနှင့် ဆက်စပ်နေသည်ဟုဆိုရပေမည်။

မြန်မာပြည်လွတ်လပ်ရေးပြီးသည်မှ စ၍ မြန်မာနိုင်ငံရေးလောကတွင်  မတူသောနိုင်ငံရေးအမြင်များ အယူဝါဒများဖြင့် ပြည်တွင်းစစ်ဖြစ်ပွါးခဲ့သည် အထိ ပြင်းထန်ခဲ့ရာ နိုင်ငံရေးအရ မတူသည့်အမြင်ဖြင့် တဖက်နှင့်တဖက် ထိုးနှက်တိုက်ခိုက်ခဲ့ကြသည်မှာ အလေ့အကျင့်သဖွယ်ဖြစ်လာခဲ့သည်။ ထိုသို့ နိုင်ငံရေးကိစ္စကြီးများတွင် မတူသည့်အမြင်အယူအဆများကို တဖက်နှင့် တဖက် ထိုးနှက်တိုက်ခိုက်ကြရာမှ ကိစ္စသေးများတွင်ပါ ထိုးနှက်တိုက်ခိုက် ခြင်း ပုတ်ခတ်ခြင်းတို့ အလေ့အထသဖွယ်ဖြစ်လာသည်ကိုတွေ့ရသည်။

အထူးသဖြင့် ၁၉၆၂ ခုနှစ် စစ်တပ်ကအာဏာသိမ်းပြီးနောက် လူထု၏ ပြောခွင့်ဆိုခွင့် ပိတ်ပင်ခံရသည့်အခါ ပို၍ ပြင်းထန်လာသည်ဟုဆိုရမည်။ စစ်အစိုးရအား ဆန့်ကျင်ဝေဖန်သူများကို သောင်းကျန်းသူများ ပြည်ပအားကိုး ပုဆိန်ရိုးများ ပြည်ထောင်စုအားဖြိုခွဲရန်ကြံနေသူများ အမျိုးသားသစ္စာဖေါက်များ အဖြစ်ပြစ်တင်ရှုံ့ချတိုက်ခိုက်ခြင်းခံရသကဲ့သို့ လူထု၏ပြောရေး ဆိုခွင့်သည်လည်း ပိတ်ပင်ခံခဲ့ရသည်။ သို့ဖြစ်ရာ လူထုကလည်း စစ်အာဏာ ရှင်များ၎င်း သူတို့၏နောက်လိုက်များ စစ်အာဏာရှင်စနစ်ကို ကာကွယ်သူများအား၎င်း ပြင်းပြင်းထန်ထန်ပြန်လည်ရှုံ့ချ ပုတ်ခတ်တိုက်ခိုက်ခဲ့ကြပေသည်။ ဤသို့နှင့် အပြန်ထိုးနှက် တိုက်ခိုက်ခြင်းများ အပုတ်ချခြင်းများနှင့် မြန်မာ ပြည်သားတို့ နှစ်ပေါင်းများစွာယဉ်ပါးခဲ့ကြရပေသည်။

စစ်အာဏာရှင်စနစ်ကို ပြင်ပြင်းထန်ထန် ရှုံ့ချတိုက်ခိုက်ကြရင်း မိမိနှင့် အမြင်မတူသူများ ထိုးနှက်တိုက်ခိုက်ခြင်းသည် အလေ့အထတခုကဲ့သို့ ဖြစ်လာသည်။ တချိန်တည်းတွင် အကျိုးသင့် အကြောင်းသင့် ရှင်းလင်းဆွေးနွေးခြင်း အပြန်အလှန်ဆွေးနွေးခြင်းတို့ အားနဲလာသည်။ မိမိနှင့်အမြင်မတူ သူတိုင်း ရန်သူလိုသဘောထားတိုက်ခိုက်လာခြင်း ဆတ်ဆတ်ထိ ဝေဖန်မခံနိုင်ခြင်းတို့ဖြစ်လာသည်။ တဖြည်းဖြည်း အားလုံးအကဲဆတ်လာကြသည်။  ထိုသို့သောအခြေအနေတွင် အကျိုးကြောင်းသင့် ဆွေးနွေးငြင်းခုံသည့် ယဉ်ကျေးမှုသည် နောက်သို့ တဖြေးဖြေး ရောက်သွားတော့သည်။

သို့ဖြစ်ရာ မတူသည့်အမြင်များကို ဆွဲကိုင်ထားကြသည့် လူထုကြားတွင် ဆွေးနွေးငြင်းခုံသည့် ယဉ်ကျေးမှု လျော့ပါးသွားပြီး ထိုးနှက်တိုက်ခိုက် မှုများ မိမိနှင့်အမြင်တူသူများကို အသာလွတ်ကာကွယ်ပေးမှုများ တောထနေခြင်း ပြသနာကိုမှန်ကန်စွာအဖြေမရှာနိုင်သည်သာမက စိတ်ဝမ်းကွဲမှုများကို ပို၍ ဖြစ်စေပါသည်။

အယူအဆအရ တဖက်သို့ရောက်ကာ မစေ့စပ်နိုင်ဟုဆိုသူများအပ လူထု အတွင်းပြသနာများကို ဆွေးနွေးညှိနှိုင်းအဖြေရှာရန်လိုအပ်ပေသည်။ဥပမာ အားဖြင့် ပြီးခဲ့သောရက်ပိုင်းအတွင်းက လူအများစိတ်ဝင်တစားပြောဆိုခဲ့ကြ သော အကြောင်းအရာများဖြစ်သည့် ရန်ကုန်တိုင်းဝန်ကြီးချုပ်သစ်၏ သင်္ကြန် ရေကစားမဏ္ဏပ်ပြသနာ အကယ်ဒမီဆုပေးပွဲမှ ဗေလုဝ ခင်လှိုင်တို့၏ပြသနာ လွှတ်တော်တွင်းမှ ဒီမိုကရေစီအနိုင်ကျင့်ခံရမှုပြသနာ သမတရုံးဝန်ကြီး၏ ပြောခွင့်ရပုဂ္ဂိုလ်အဖြစ် ဦးဇော်ဌေးခေါ်မှူးဇော်တာဝန်ယူမည့်ပြသနာ စသည့်
ပြသနာများကိုကြည့်လျင် အကျိုးသင့်အကြောင်းသင့်ပြောဆိုဆွေးနွေးသည်ထက် ပုတ်ခတ်တိုက်ခတ်ပြောဆိုမှုများက ပိုများနေသည်ကို စိတ်မကောင်းစွာတွေ့ရသည်။

ပြောရလျင် ပထမပြသနာ ၂ ခုမှာ သာမန်မျှသာဖြစ်သည်။ တိုင်းပြည်အပြောင်းအလဲအတွက်အရေးကြီးသည့်ပြသနာ မဟုတ်ချေ။ ဝန်ကြီးချုပ်သစ်၏ ဆုံးဖြတ်ချက်မှာလည်း သူ၏ အကြောင်းပြချက်နှင့်သူဖြစ်သည်။ အကျိုး အကြောင်းရှိသည်။ ဝန်ကြီးချုပ်သစ်၏ ဆုံးဖြတ်ချက်ကို အမြင်မတူသူများကလည်း အကျိုးသင့်အကြောင်းသင့် ပြန်လည်ဖေါ်ပြသူအချို့ရှိသည်။ သို့သော် အများစုမှာ မိမိထောက်ခံသည့်ဖက်မှ ရပ်တည်၍ တဖက်ကို ကလော်တုတ်နေကြသည်မှာ စိတ်ပျက်ဖွယ်ဖြစ်သည်။ မိမိအမြင်ကို အကျိုးအကြောင်း အချက်
အလက်ခိုင်ခိုင်မာမာဖြင့် ဖေါ်ပြခြင်းသည် လွန်စွာကောင်းသည်။ အားလုံး လက်ခံနိုင်သည့် အများစုနှစ်သက်လက်ခံနိုင်သည့် အဖြေတခုကို ဆွေးနွေး ငြင်းခုံအဖြေရှာသည့် ယဉ်ကျေးမှုမှ ရနိုင်မည်ဖြစ်သည်။

အလားတူပင် အကယ်ဒမီပြသနာတွင်လည်း အကျိုးကြောင်းသင့်ဖေါ်ပြဆွေးနွေးသူကအနဲစု ဖြစ်ပြီး အများစုကတော့ ကိုယ်မှန်သည်ထင်သော ဖက်မှ ရပ်ကာ ကလော်တုတ်နေကြပေရာ စိတ်ပျက်ဖွယ်ရာဖြစ်သည်။ ထို့ပြင် ပို၍ စိတ်ပျက်ဖွယ်ကောင်းသည်မှာ အကယ်ဒမီနှင့်မဆိုင်သော အကြောင်းအရာများကိုပါ ဆွဲသွင်း၍ ဝါးလုံးရှည်နှင့်သိမ်းကြုံးရမ်းနေခြင်းဖြစ်တော့သည်။ တကယ်တော့ ထိုပြသနာများသည် အကျိုးအကြောင်းသင့်ဆွေးနွေးငြင်းခုံ အဖြေရှာကြလျင် အေးချမ်းစွာအဖြေရနိုင်သည့် ပြသနာငယ်များသာဖြစ်သည်။

လွှတ်တော်တွင်းမှ ဒီမိုကရေစီအနိုင့်ကျင့်ခံရသည်ဆိုသည့်ပြသနာ ၊ သမတရုံးဝန်ကြီး ဒေါ်အောင်ဆန်းစုကြည်၏ပြောခွင့်ရပုဂ္ဂိုလ်အဖြစ် ဦးဇော်ဌေးဆောင်ရွက်မည့်ပြသနာ တို့နှင့်ပတ်သက်၍ မည်သို့ချဉ်းကပ်မည်ဆိုသည်မှာ ပြောရမည်ဆိုလျင် အသစ်ချဉ်းကပ်မှုလိုအပ်ပေသည်။ ထိုအသစ်ချဉ်းကပ်မှုမှာ ရွေးကောက်ပွဲကာလက ဒေါ်အောင်ဆန်းစုကြည်ပြောကြားခဲ့သော အမျိုးသားရင်ကြားစေ့ပေါ်၌ အခြေခံသည်။ ရွေးကောက်ပွဲကာလက NLD အစိုးရ ဖွဲ့နိုင်လျင် အမျိုးသားရင်ကြားစေ့ရေးလုပ်သွားမည်ဟုဆိုခဲ့သည်။ သူမပြောသည့်အတိုင်း ခြေလှမ်းများလှမ်းခဲ့သည်ကို အများတွေ့ရသည်ဖြစ်သည်။ ဒေါ်အောင်ဆန်းစုကြည်ချမှတ်ရှေ့ရှုသည့်လမ်းကြောင်းနှင့် ပတ်သက်၍ အမြင် မတူသူ ကွဲလွဲသူရှိနိုင်ပါသည်။ သို့သော် ဒေါ်အောင်ဆန်းစုကြည်ရှေ့ဆောင် သည့် အမျိုးသားရင်ကြားစေ့ရေးဆိုသည်မှာ မြန်မာဒီမိုကရေစီတိုက်ပွဲ၏ပင်မ လမ်းကြောင်းဖြစ်သည်ဆိုသည်ကိုတော့ မလွဲမရှောင်သာ အသိမှတ်ပြုရန် လိုသည်။

ထိုအမျိုးသားရင်ကြားစေ့လမ်းကြောင်းတွင် မြန်မာစစ်ဖက်လည်းပါ သည်။ မှူးဇော်လည်းပါသည်။ တလျောက်လုံး စစ်အာဏာရှင်စနစ်နှင့်၎င်း စနစ်အားဖက်တွယ်ကာကွယ်သူများအား ထိုးနှက်တိုက်ခိုက်ခဲ့ရာမှ ထိုသူ
များနှင့် လက်တွဲအလုပ်လုပ်ကိုင်နိုင်ရေးဖြစ်လာသည်။ ထိုသူများအား ဒီမိုကရက်တစ်လမ်းကြောင်းပေါ်ဆွဲတင်အလုပ်လုပ်ရေးဖြစ်လာသည်။ ဤသို့ဆို လျင် အပြန်အလှန်ထိုးနှက်တိုက်ခိုက်ရာကြရာမှ အပြန်အလှန် အကျိုးသင့် အကြောင်းသင့် ဆွေးနွေးအဖြေရှာသည့် ယဉ်ကျေးမှုထွန်းကားရန်လိုအပ်သည်။ ထိုသို့ဆွေးနွေးငြင်းခုံမှုများနှင့်အတူ အနဲစုက အများစုကိုနာခံသည် ဒီမိုကရေစီစနစ် ဖေါ်ဆောင်ရန်လိုအပ်မည်။

အလားတူပင် အလုပ်သမား လယ်သမား စသည့်အခြေခံလူတန်းစားများ ကျောင်းသားစသည့် အလွှာအသီးသီးမှ လူများအတွင်းတွင်၎င်း တိုင်းရင်းသားပါတီများ တိုင်းရင်းသားလက်နက်ကိုင်အဖွဲ့များနှင့် ဆွေးနွေးဖြေရှင်းရမည့်ပြသနာများတွင်၎င်း မတူသည့်အမြင်များကို ဆွေးနွေးငြင်းခုံ အဖြေ ရှာသည့် ယဉ်ကျေးမှု ဖြင့် ဖြေရှင်းရန် လိုအပ်ပေမည်။

အထူးဂရုပြုရန်လိုသည့်အချက်မှာ ယခင်အတိုက်အခံပါတီဖြစ်သော NLD ပါတီသည် အစိုးရဖြစ်သွားပြီဖြစ်သည်။ အစိုးရ၏လုပ်ဆောင်ချက်များ ကိုဝေဖန်မှုများကို NLD အစိုးရသစ်အနေနှင့် မလွဲမသွေရင်ဆိုင်ရမည်ဖြစ်ပေသည်။ ဒေါ်အောင်ဆန်းစုကြည်အား၎င်း NLD အား၎င်း ရပ်ခံကာကွယ်ကြရမည့်သူများအနေနှင့် မိမိတို့အစိုးရသစ်အားဝေဖန်မှုကို အကျိုးသင့် အကြောင်း သင့်ရှင်းလင်းပြောဆိုရန် အထူးလိုအပ်ပေလိမ့်မည်။ စစ်အာဏာရှင်စနစ် အောက်တွင် ဒီမိုကရေစီမရှိ။ ပြောရေးဆိုခွင့်မရှိ။ စစ်အာဏာရှင်စနစ်အား ဝေဖန်သူများအား အမျိုးသားသစ္စာဖေါက် ပြည်ပသြဇာခံ ပုဆိန်ရိုး စသဖြင့် အမျိုးမျိုးတံဆိပ်တပ်စွပ်စွဲခံခဲ့ရသည်။ ထိုခေတ် ထိုစနစ်ကိုကြုံခဲ့ရသည်။ ယနေ့ NLD အစိုးရသစ်လက်ထက်တွင် လွတ်လပ်စွာပြောဆိုခွင့်ရှိသော မတူသော
အမြင်အမျိုးမျိုးကို ပွင့်လင်းလွတ်လပ်စွာပြောဆိုနိုင်သော ဒီမိုကရေစီစနစ်တရပ်ကို ဖေါ်ဆောင်ရန်လိုသည်။ ဒေါ်အောင်ဆန်းစုကြည်အား၎င်း NLD အစိုးရသစ်အား၎င်း ဝေဖန်မှုများကိုနွေးထွေးစွာကြိုဆိုရန်လိုအပ်သည်။ မတူသော အမြင်များ ကွဲလွဲခွင့်ကို အသိမှတ်ပြုရန်လိုအပ်သည်။ ဆွေးနွေးငြင်းခုံသည့် ယဉ်ကျေးမှုထွန်းကားရန်လိုအပ်သည်ဟု ယူဆပါသည်။

သို့သော် တဖက်နှင့်တဖက် ခါးခါးသီးသီး တိုက်ခိုက်လာခဲ့အချိန်ကာလများက ရှည်ခဲ့သည်။ ထို့ပြင် ဒီမိုကရေစီရေးတိုက်ပွဲဝင်ကြသည်ဟု ဆိုသူများအချင်းချင်း မတူသောအမြင် မတူသောအယူအဆများနှင့် အပြန်အလှန် ထိုးနှက်တိုက်ခိုက်လာကြသည့် အာဃာတများရှည်ကြာခဲ့သည့် မြန်မာပြည်တွင် ဆွေးနွေးငြင်းခုံအဖြေရှာသည့် ယဉ်ကျေးမှု အမြန်ထွန်းကားလာရန် လွယ်ကူလှသည်တော့မဟုတ်ပေ။ ငါနှင့်မတူငါ့ရန်သူဆိုသည့် သဘောထား တောထနေခဲ့သည်ကို ရှင်းလင်းရန်တော့လွယ်ကူမည်မဟုတ်ပါ။

သို့ရာတွင် အနည်းဆုံးအနေနှင့် ပြသနာတရပ်ပေါ်လာလျင် အကျိုးအကြောင်းခိုင်လုံစွာ အချက်အလက်ပြည့်စုံစွာ သုံးသပ်ခြင်းများ မိမိနှင့်မတူသည့် တဖက်၏အမြင်ကို လေးလေးစားစား နားထောင်ခြင်းမျိဲုးကိုတော့
တတ်နိုင်သ၍ အလေ့အကျင့်လုပ်ခြင်းဖြင့် အစပြုရန်တော့ လိုအပ်ပေမည်။