ရှာဖွေရေး ...

editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

ကိုသန်းလွင် - ခြစားမှုတိုက်ဖျက်ရာဝယ်


ကိုသန်းလွင် - ခြစားမှုတိုက်ဖျက်ရာဝယ်
(မိုးမခ) မေ ၁၇၊ ၂၀၁၆

(၁)

မေလ(၁၂)ရက်နေ့က လန်ဒန်မြို့တွင်ကျင်းပခဲ့သော ခြစားမှုတိုက်ဖျက်ရေး ကွန်ဖရင့်သို့ စင်္ကာပူဝန်ကြီးချုပ်မှ သ၀ဏ်လွှာ ပေးပို့ခဲ့ရာတွင် စင်္ကာပူနိုင်ငံ၏ ခြစားမှုတိုက်ဖျက်ရေး အဘယ့်ကြောင့် အောင်မြင်ခဲ့ရပုံကို အချက် (၄) ချက် ဖြင့် ရှင်းပြခဲ့ပါသည်။

စင်္ကာပူနိုင်ငံလွတ်လပ်ရေးရချိန်တွင် အင်္ဂလိပ်အစိုးရက သန့်ရှင်းသောမြို့ပြအုပ်ချုပ်ရေးစနစ် တခုကို ချန်ထား နိုင်ခဲ့ခြင်း၊ ပထမဆုံးတက်လာသည့် PAP- People’s Action Party အစိုးရသည် ၀န်ထမ်းများခြစားခြင်း ကိစ္စကို တိုက်ဖျက်ရမည်ဟု သံဓိဌာန်ချခဲ့ခြင်း၊ တတိယအချက်မှာ အုပ်ချုပ်ခဲ့သောအစိုးရအဆက်ဆက်က ခြစားမှုကို လက်မခံ၊ တိုက်ဖျက်ရမည်ဟု (Political Will) ရှိထားခဲ့ခြင်း၊ နောက်ဆုံးအချက်မှာ ၀န်ထမ်းများ နှင့်အတူ စာသုံးသူ၊ ပြည်သူများပါ မိမိ ဆန္ဒပြည့်ဝရေးအတွက် ၀န်ထမ်းများကို လာဒ်ပေးလာဒ်ယူလုပ်စရာမလို ဟူသော ခံယူချက်(mind set) ရှိထားခြင်းများကြောင့်ဖြစ်ပါသည်ဟုဖော်ပြခဲ့ပါသည်။

စင်္ကာပူတွင် PCA - Prevention Of Corruption Act ဟုခေါ်သော ဥပဒေရှိသည်၊ လူတစ်ယောက် ကြွယ်ဝ ချမ်းသာလာလျင် တာဝန်ရှိသူက မေးမြန်းလာပါက ထိုဝင်ငွေများကို ဘယ်သို့ရရှိပါသည်ဆိုသော အချက်ကို ရှင်းလင်းပြရန် ထိုသူ့တွင်တာဝန်ရှိသည်၊ ရှင်းမပြနိုင်ဘူးဆိုလျင် သူသည် မသမာသောနည်းဖြင့် ရရှိပါသည်ဟု ၀န်ခံခြင်းဖြစ်ပြီး အပြစ်ပေးရုံသာကျန်တော့သည်၊

မသမာမှုများကို စောင့်ကြည့်နေသည့် CPIB ခေါ် Corrupt Practice Investigation Bureau အဖွဲ့သည် တိုင်းသူပြည်သားအားလုံးတို့အပေါ်တွင် စစ်ဆေးအရေးယူပိုင်ခွင့်ရှိသည်၊ ထိုအဖွဲ့ကို လိုအပ်သမျှလုပ်ပိုင်ခွင့်များ ပေးထားသည်၊ ထိုအဖွဲ့သည် ၀န်ကြီးချုပ်ကို တိုက်ရိုက် အစီရင်ခံရသည်၊ ထိုအဖွဲ့သည် တိုင်စာရလျင်သော်၎င်း၊ သူတို့ ကိုယ်တိုင်က မသင်္ကာဖြစ်လျင်သော်၎င်း အဖြစ်မှန်ပေါ်သည်အထိ စုံစမ်း ထောက်လှမ်းလေ့ရှိသည်၊

အကျင့်ပျက်မှုကို အရေးယူရာတွင် နယ်နိမိတ်သတ်မှတ်ထားခြင်းမရှိ၊ နိုင်ငံသားတယောက်သည် အခြား နိုင်ငံများတွင် အကျင့်ပျက်မှု ကျူးလွန်ခဲ့လျင်လည်း ထိုသူကိုစင်္ကာပူ ဥပဒေက အရေးယူနိုင်သည်၊

မြန်မာစကားပုံတွင် “ ခေါင်ကမိုးမလုံလျင် အိမ်ပျက်ရုံသာရှိမည်” ဟူသော ဆိုရိုးရှိသည်၊ တရုတ်စကားပုံတွင် “ခေါင်က ထုပ်တန်းက မဖြောင့်လျင် အောက်ခြေကသစ်သားတန်းတွေ ကွေးကောက်ကုန်ကြရမည်” ဆိုသော စကား ရှိသည်၊ အာဏာပိုင် အုပ်ချုပ်သူများက ခြစားမှုကင်းရှင်းမှသာ အောက်ခြေကလိုက်နာပါလိမ့်မည်ဟု ဆိုလိုရင်းဖြစ်ပါသည်။

ခြစားမှု အကျင့်ပျက်မှုများကို စီပီအိုင်ဘီ ကစုံစမ်းထုတ်ဖေါ်သည်ဆိုလျင် ထိုအဖွဲ့ကို ကော ဘယ်သူက စောင့် ကြည့်ပါသနည်းဟု မေးရန်ရှိသည်၊ လွန်ခဲ့သော (၂) နှစ်က CPIB ဒါရိုက်တာတစ်ယောက်မှာ ဒေါ်လာသန်း ၁.၇ မျှ အလွှဲသုံးစား လုပ်မှုဖြင့် တရားစွဲဆိုခံရသည်၊ ၁၉၉၆ ခုနှစ်က မစ္စတာလီကွမ်းယူးနှင့် သားဖြစ်သူတို့သည် ကွန်ဒိုမီနီယံဝယ်ရာတွင် မတရားသော လျှော့ဈေးဖြင့် ၀ယ်ယူရသည်ဟုစွပ်စွဲကြသောကြောင့် ထိုစဉ်က ၀န်ကြီးချုပ် ဂိုချောက်တောင်း က စစ်ဆေးရေး အဖွဲ့ဖွဲ့ပြီးစစ်ဆေးပေးခဲ့ရဘူးသည်။

(၂)

ဝန်ထမ်းများ ခြစားသည်ဟု ဆိုခြင်းမှာ မိမိနေရာ(Position) ကိုအကြောင်းပြု၍ ဆောင်ရွက်ပေးရန်ရှိသည်တို့ကို ဆောင်ရွက်ရာတွင် လိုအပ်သူများထံမှ တန်ဇိုးလက်ဆောင်ရယူခြင်းကိုခေါ်သည်။

ခြစားခြင်းသည် လူနေမှုစနစ်အတွက် မလိုလားအပ်သော ရောဂါဝေဒနာတစ်ရပ်ပင်ဖြစ်ပါသည်၊ ကမ္ဘာ့နိုင်ငံ ပေါင်းစုံတို့သည် ဤအကျင့်ပျက်ခြစားသည့် ကိစ္စကို တိုက်ဖျက်ရန်အမျိုးမျိုးကြိုးစားလျက်ရှိကြပါသည်၊ ထိုနိုင်ငံများတွင် ခြစားမှုတိုက်ဖျက်ရေး အေဂျင်စီများကို ဖွဲ့စည်းကြသည်၊ အစိုးရ၀န်ထမ်းများလိုက်နာရန် စည်းမျဉ်းများကို ရေးဆွဲကြသည်၊ ကုမ္ပဏီကြီးများကလည်း သန့်သန့်ရှင်းရှင်းအလုပ်လုပ်ပါမည်ဟု ပဋိဥာဉ် ပြုကြရသည်၊ သို့ပါသော်လည်း ဤအကျင့်ပျက် လာဒ်ယူခြင်းရောဂါသည် ရှိမြဲရှိနေကြပါသည်။

မြန်မာပြည် ဒီမိုရေစီအစိုးရသစ်အတွက် အရေးတကြီးလုပ်ဆောင်ရန်အချက်များတွင် ခြစားမှုပပျောက်ရေးသည် ထိပ်တန်းမှ ပါဝင်ပါသည်၊ ကျွန်တော်တို့နိုင်ငံတွင်လည်း စင်္ကာပူနိုင်ငံကဲ့သို့ သန့်ရှင်းသော ဗြိတိသျှမြို့ပြ အုပ်ချုပ် ရေးစနစ်တခု တချိန်ကရှိခဲ့ဘူးပါသည်၊ သို့သော် ယခုအချိန်သည် ရိုးသားသန့်ရှင်းသော စနစ်သည် မရှိတော့ သလောက် ပျက်ဆီးနေပြီဟု ဆိုနိုင်ပါသည်။

အနှစ် ၅၀ အတွင်း ဖွံ့ဖြိုးတိုးတက်လာခဲ့သော စင်္ကာပူကဲ့သို့နိုင်ငံမှ အတုယူစရာ အချက်အလက်များစွာ ရှိနေ ပါသည်၊ ပုံတူကူးချရန် မလိုပါ၊ အဘယ့်ကြောင့် ဆိုသော် ၁၉၆၅ ခုနှစ်က ကမ္ဘာ့အခြေအနေ နှင့် ယနေ့ စက်မှု ပစ္စည်း ကိရိယာ တိုးတက်မှု အခြေအနေ မှာ မတူညီပါ၊ ဗဟုသုတ သင်ခန်းစာယူရန် ရှိသည်များကို ရှာဖွေသူ သိလိုသူတို့ အတွက် အလွယ်တကူ ရှာဖွေတွေ့ရှိနိုင်နေကြပြီး ဖြစ်ပါသည်၊ နိုင်ငံပေါင်းစုံ အစိုးရ ပေါင်းစုံတို့တွင် သူတို့ အတွေ့အကြုံများကို ပြောပြ ဝေငှရန် ဒေတာများအဆင်သင့်ရှိနေကြပါပြီ၊

ထိုလူမှုရေးလိုအပ်ချက် အမှားများကို ပြင်နိုင်ရန် အတွက် အစိုးရတွင် အခြားနိုင်ငံများကဲ့သို့ ခိုင်မာသော ဆုံးဖြတ်ချက် ချထားရန် လိုအပ်ကြောင်း အထူးရေးသားရန် မလိုပါ၊ သို့ပါသော်လည်း လာဒ်ပေး လာဒ်ယူ ကင်းရှင်းသော စနစ်တခုပေါ်ပေါက်လာရေး ဆိုသည်မှာ လွယ်ကူသော အလုပ်တော့ မဟုတ်ပါ။

မြန်မာနိုင်ငံတွင် နိုင်ငံတကာ အဆင့် မမှီဘဲ ၀န်ထမ်းများ၏ လစာနိမ့်ကျနေခြင်း မှာ အလွန်ကြီးမားသော အခက်အခဲကြီးဖြစ် နေပါသည်၊ အစိုးရသက်တမ်း ၅ နှစ် အတွင်း ညီမျှသော (Balanced Budget) ဘတ်ဂျက်တခု ရေးဆွဲ နိုင်ရေး မှာ ပဌမဆုံး လိုအပ်ချက်ဖြစ်ပါသည်၊ တနည်းဆိုသော် အစိုးရသည် မိမိဝန်ထမ်းများကို အဆင့်မှီမှီ လစာပေးနိုင်ရန်အတွက် ရန်ပုံငွေ လိုအပ်ပါသည်။

၆၄ ဘီလီယံဒေါ်လာ မျှလည်ပါတ်ငွေရှိသော စင်္ကာပူနိုင်ငံ ၏ ၂၀၁၆ ဘတ်ဂျက်တွင် ကုမ္ပဏီ ကော်ပိုရေးရေးရှင်း များမှရသည့် အခွန်ငွေက ၂၁.၆% ဖြင့် အများဆုံး၊ အစိုးရ၀န်ဆောင်မှု အခွန် ( GST – Government Service Tax ) က ဒုတိယအများဆုံး ၁၆.၁ % နှင့် လူပုဂ္ဂိုလ် တဦးချင်းစီ၏ အကောက်ခွန်က ၁၄.၂ % ဖြစ်ပါသည်၊ စင်္ကာပူ ထက်သာသောအချက်မှာ မြန်မာပြည်တွင် သဘာဝ သယံဇာတနှင့် မြေဧရိယာ အကျယ်အ၀န်း များစွာရှိနေခြင်းပင်ဖြစ်ပါသည်၊ စနစ်က မှန်ကန်လာပြီဆိုလျင် နိုင်ငံတော်အစိုးရ ရံပုံငွေမှာ ပြည့်လျှံသွားအောင် ဆောင်ရွက်နိုင်ပါလိမ့်မည်၊

အစိုးရ၀င်ငွေအတွက် မြန်မာနိုင်ငံ၏ အကောက်ခွန် စနစ်ကို မြေလှန်ပြီး ပြုပြင်ရန် လိုကြောင်း စီးပွားရေးကို နားလည်သည့် သူတိုင်းက အကြံပေးကြပါလိမ့်မည်၊ ၀င်ငွေခွန်၊ ဈေးရောင်းခွန်၊ စသည်ဖြင့် အခွန်အမျိုးအစား ကလည်း အမျိုးမျိုး ကွဲပြားနေသေးသည်၊ ရာဖြတ် ၀န်ထမ်းတွေက မိမိအတွက် ဘယ်လောက်ကျန်မှာလဲ ဟူသော အကြည့်ဖြင့် ကိစ္စတိုင်းကို ကြည့်နေကြ ပုံရသည်၊ ၀န်ထမ်းများနှင့် အဆင်ပြေလျင် အခွန်ငွေ သက်သာပြီး အဆင်မပြေလျင် ပေးဘို့သာပြင်ပေရော့၊

နိုင်ငံရပ်ခြားမှ လေကြောင်းဖြင့် ပို့လိုက်သော ပစ္စည်းတခုသည် လေယာဉ်ဆိုက်ပြီးသည်နှင့် နာရီပိုင်းအတွင်း ပိုင်ရှင်၏ လက်ထဲသို့ ထည့်ပေးနိုင်ရပါမည်၊ သင်္ဘောဖြင့် ရောက်လာသော ကွန်တိန်နာများမှာ အလုပ်လုပ်ချိန် သုံးရက်ရပြီဆိုလျင် ပိုင်ရှင်မှထုတ်ယူသွားနိုင်ရပါမည်၊ ကုန်သည်ကတင်ပြလာသော ပစ္စည်းတန်ဖိုး ( Invoice ) ကို အကောက်ခွန် အရာရှိက မေးခွန်းမထုတ်ပါ၊ အလွန်ကြီးမားသော ကွာခြားမှု မဟုတ်လျင် ပစ္စည်းကို မဟန့် တားပါ၊ တနည်းပြောရလျင် ကုန်သည်၏ပစ္စည်းကို အချိန်ကြန့်ကြာအောင် ထိမ်းသိမ်း အချိန်ဆွဲခြင်း မလုပ်ရပါ၊ အကယ်၍ ကုန်သည်က မသမာမှုလုပ်သည် ဆိုလျင် စစ်ဆေးရေး အဖွဲ့ တွေက ပစ္စည်းထုတ်ပေးပြီး သည့် နောက်မှာမှ အချိန်မရွေး လိုက်လံစစ်ဆေးပြီး ဒဏ်ချခြင်း၊ တရားစွဲခြင်းတိုိ့ကို ပြုလုပ်ရပါသည်။

ဘဏ်နှင့် အစိုးရဌာနများတွင်လည်း ဤမူကိုချပေးထားသင့်ပါသည်၊ ကောင်တာမှ အရာရှိသည် စာရွက် စာတမ်း စစ်မစစ်၊ အတု ဟုတ်မဟုတ် အချိန်များစွာယူ၍ဆန်းစစ်ရန်တာဝန်မရှိပါ၊ ထိုစာရွက်စာတမ်းများကို စစ်ဆေးသော အဖွဲ့ကနောက်ပိုင်းတွင်မှ စစ်ဆေးကြပါလိမ့်မည်၊ ကောင်တာမှ အရာရှိက အချိန်ဆွဲထားခြင်းဖြင့် လာဒ်ပေးလာဒ်ယူ ကိစ္စတွေ တိုးပွားလာနိုင်ပါသည်၊

ပြည်ပပို့ကုန်အတွက်လည်း ကုန်သည်များကို ခက်ခဲအောင်လုပ်ထားသော စည်းကမ်း နည်းလမ်းတွေကို ဖယ် ရှားပစ်ရပါမည်၊ အကောက်ခွန်ဌာန ကို မျိုးချစ်စိတ်ရှိသော၊ တက်ကြွသော၊ တိုးတက်စေလိုသော အမြင်ရှိသည် လူငယ်များနှင့် အစားထိုးနိုင်သင့်ပါပြီ၊ ထိုအရာရှိများကို လုပ်ပိုင်ခွင့်များပေးပြီး အစိုးရ၏ ရံပုံငွေကို ထိခိုက်ခြင်း မဖြစ်အောင် ကြပ်မတ် ထားနိုင်သင့်ပါပြီ၊

ဝန်ထမ်းများ၏ ပါဝင်ပါတ်သက်မှု နည်းရန်သော်၎င်း၊ အစိုးရ၏ ရံပုံငွေကို မဖိတ်စင်ရေး အတွက်၎င်း အစိုးရ၏ e-government စနစ်ကို အကောင်အထည်ဖော်ရပါမည်၊ လူတိုင်း၏ မှတ်ပုံတင်နံပါတ်များ၊ ကဒ်ပြားများသည် ကွန်ပျူတာ မှတ်တမ်းတွင် ထိမ်းသိမ်းရန် လိုအပ်ပါသည်၊ မသမာသောနည်းများ ဖြင့်မှတ်ပုံတင်ကဒ်ကို ထုတ်ပေးထားသည်ဆိုလျင် ကွန်ပျူတာစနစ်က ထုတ်ဖေါ်ပေးပါလိမ့်မည်၊ စီးပွားရေး လုပ်ငန်းကြီးများ၏ ၀င်ငွေ ထွက်ငွေကိစ္စ မှန်သမျှကို အစိုးရက အချက်အလက်များစုပေါင်းရရှိရေးအတွက် အားကောင်းသော ဆာဗာကြီး (Servers) များနှင့် ကွန်ပျူတာ စနစ်ကို တည်ဆောက်ကြရပါမည်။

ပြည်သူလူထု၏ Property Listing ကို ကွန်ပျူတာများဖြင့်မှတ်တမ်းတင်ရပါမည်၊ အိုးပိုင်၊ အိမ်ပိုင် ဂရံကိစ္စများ ကိုကွန်ပျူတာဖြင့်ပင် လုပ်ဆောင်သင့်ပါသည်၊ အရောင်းအ၀ယ် အလွှဲအပြောင်းကိစ္စများကို ကွန်ပျူတာက ပိုင် ပိုင်နိုင်နိုင် ကိုင်တွယ်နိုင်ပြီဆိုလျင် ရထိုက်သော အခွန်ငွေများကို အစိုးရက မဖိတ်မစင်ဘဲ ရရှိပါလိမ့်မည်၊

Computer Network များတည်ဆောက်ရန် လိုအပ်သည့် Infra-structure အတွက်ရင်းနှီးမြှုပ်နှံရန် ငွေမှာ ကျွန်တော်တို့ နိုင်ငံအတွက် အရေးအကြီးဆုံး လိုအပ်ချက်ဖြစ်နေပါသည်၊ တက္ကသိုလ်များမှ ဘွဲ့ရလာမည့် လူငယ်ကွန်ပျူတာ ပညာရှင်များဖြင့် နိုင်ငံအတွက် e-government စနစ်ကို ဦးဆုံးတည်ထောင်ရပါမည်။

ထို့ပြင် နိုင်ငံခြားရင်းနှီးမြှုပ်နှံမှု များကို ဖိတ်ခေါ်ရန် အတွက် နိုးကြားတက်ကြွစွာ အလုပ်လုပ်ကြမည့် အရာရှိငယ် အများ အပြားလိုအပ်နေပါသည်၊ စင်္ကာပူ ပုံစံဖြင့်ဆိုသော် နိုင်ငံခြား မှ ရင်းနှီးမြှုပ်နှံလိုသူများအတွက်၊ လိုအပ် သော မြေနေရာ၊ အလုပ်သမား၊ ဘဏ်စာရင်း၊ စသည်ဖြင့် လိုအပ်ချက် အားလုံးကို တနေရာ၊ တရုံးထဲတွင် ဖြည့်တင်းပေးနိုင်ရပါမည်၊ ထိုလုပ်ငန်းများအတွက်တက္ကသိုလ်ကျောင်းဆင်း ထက်မြက်သော အရာရှိငယ်များကို ခန့်ထားကြရပါမည်၊ နိုင်ငံတကာ မှ ရင်းနှီးမြှုပ်နှံမှု ပြုလုပ်လိုသူ များအတွက် မြင်သာထင်သာ ရှိသော ဥပဒေများကိုရေးဆွဲထားရပါမည်၊

လျှပ်စစ်ဓါတ်အားခ၊ တယ်လီဖုန်းဘီလ် စသည်တို့ကို စားသုံးသူများက မိမိ၏ဘဏ်ကဒ် နှင့် ဖြစ်စေ၊ On Line ကပေးသွင်းနိုင်ပြီဆိုလျှင် လူတို့၏ လုပ်အား နှင့် ယိုပေါက်များကို ပိတ်နိုင်ပါလိမ့်မည်၊ မော်တော်ကား လိုင်စင်လဲ ခြင်းကိစ္စကို မြင်သာရုံး သို့ လူတယောက် နှင့် ကားတစီး တနေကုန်သွားပြီး နေကုန်အောင် လုပ်ရခြင်း ကိစ္စများမှာ မဖြစ်သင့်တော့ပါ၊ ကွန်ပျူတာ စနစ်ကို ကျင့်သုံးနိုင်ပြီ ဆိုလျင် ပြည်သူလည်းသက်သာ အစိုးရလည်း ၀င်ငွေတိုး၊ များစွာ အကျိုးရှိနိုင်သည့် ကိစ္စပင်ဖြစ်ပါသည်။

ထိုနည်းတူ မီးရထား၊ မော်တော်ကားခ ပေးရန်ရှိသည်များကို ကွန်ပျူတာ မှ ငွေပေးငွေယူ လုပ်သည့် စနစ် လည်းရှိနေသင့်ပါပြီ၊ ထိုစီမံချက်များ အောင်မြင်ရန် အတွက်မူ အချိန်လည်းယူ၍ ငွေကုန်ကြေးကျလည်း များပါ လိမ့်မည်၊ သို့သော်လည်း ထိုအရာများက ၀န်ထမ်း အကျင့်ပျက်မှုများကို အကာအကွယ်ပေးနိုင်သည် ဟုဆို လျင် မဖြစ်မနေလုပ်ကြရပါမည်၊

စင်္ကာပူမှ မီးပွိုင့်များတွင် ပုလိပ်မစောင့်တော့ပါ၊ကင်မရာများက မီးပွိုင့်များကို စောင့်ကြပ်ပေးသည့်နည်းတူ ကား အမြန်မောင်းသူ စည်းကမ်းဖေါက်ဖျက်သူများကို စောင့်ကြည့်ပေးနေကြပါသည်၊ စည်းကမ်းဖေါက်သူများထံ ကွန်ပျူတာဖြင့်ရေးသော သမ္မာန်စာများရောက်လာကြပါသည်၊

(၃)

ကျွန်တော်တို့နိုင်ငံတွင် လာဒ်ပေးလာဒ်ယူမှုကင်းသော လူနေမှုစနစ်တရပ် ထူထောင်နိုင်ရေးမှာ အဝေးကြီးလိုပါ သေးသည်၊ အကျင့်ဆိုးများဖြင့် အရိုးစွဲနေသော မကောင်းသည့် လုပ်နည်းလုပ်ဟန်များကို ဖယ်ရှားကြရပါမည်၊ စိန်ခေါ်မှုများစွာရှိနေသော အလုပ်ခွင်တွင် ပညာတတ်လူငယ်များကို တာဝန် ပေးရပါမည်၊ ကောင်းမွန်မှန်ကန် သော စိတ်ဓါတ်ဖြင့် လူကြီးတွေက လမ်းညွှန်ပြသနိုင်လျင်ပန်းတိုင်သို့ အမြန်ဆုံးရောက်ရှိနိုင်ပါလိမ့်မည်၊


ကိုသန်းလွင်
Photo : Aung Htet