ရှာဖွေရေး ...

editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

မောင်ရစ် - ပြောင်းလဲချိန်



 မောင်ရစ် - ပြောင်းလဲချိန်
(အယ်ဒီတာ့လက်ရေး) မိုးမခ၊ မေ ၂၁၊ ၂၀၁၆


ပြောင်းလဲချိန်တန်ပြီဆိုသည်မှာ ၂၀၁၅ နိုဝင်ဘာ ရွေးကောက်ပွဲအနိုင်ရ အင်န်အယ်ဒီပါတီ၏ ကြွေးကြော်သံ ဖြစ်ပါသည်။ အဆိုပါပြောင်းလဲချိန်ကို အကောင်အထည်ဖော်နိုင်ဖို့ အနိုင်ရပါတီသည် ဧပြီလအထိ စိတ်ရှည်လက်ရှည် ဣနြေ္ဒရရဖြင့် အာဏာကို လွှဲပြောင်းရယူခဲ့ပါသည်။ ပြည်သူလူထုသည်လည်း အဆိုပါ ပထမဆုံးသော ပြောင်းလဲချိန်ကို ငြိမ်ဝပ်ပိပြားစွာဖြင့် စောင့်ဆိုင်း ကြိုဆိုခဲ့ကြပါသည်။ ပြောင်းလဲချိန်များသည် အဆိုပါ ဧပြီလပြီးနောက် တဆင့်ပြီးတဆင့် တိုး၍ တိုး၍ တခုပြီး တခုသောအပြောင်းအလဲများအဖြစ် ပေါ်ပေါက်လာတော့မည်ဖြစ်ကြောင်းကိုလည်း ပြည်သူလူထုသိရှိပြီး ဆက်လက်စောင့်ဆိုင်းနေကြပါသည်။

အပြောင်းအလဲများကို စောင့်ကြိုပြင်ဆင်နေကြသလို မပြောင်းမလဲဆက်လက်ရှိနေသော ပကတိ အချက်များကိုလည်း ကျနော်တို့က သိရှိ ရိပ်မိကြရပါမည်။ ထို့အတူ ပြောင်းလဲနေပြီးဖြစ်နှင့်သော လက်ရှိအခြေအနေများကိုလည်း ကျနော်တို့ကလက်ခံပြီး ၎င်းနှင့်အတူ ဆက်လက်နေထိုင်ကြရန် ကိုလည်း ပြင်ကြရမည် ဖြစ်သည်။

ထင်ရှားသော မပြောင်းမလဲဆက်လက်တည်ရှိမည့် ပကတိအချက်မှာ ၂၅% သော တပ်မတော် ကိုယ်စားလှယ်များနှင့် နိုင်ငံရေးတွင်ဦးဆောင်မှုနေရာက ဆက်လက်တည်ရှိနေမည့် တပ်မတော်၏ အခန်းကဏ္ဍ ဖြစ်သည်။ ထို့အတူ အင်န်အယ်ဒီအစိုးရနှင့်လွှတ်တော်တို့တွင် လက်တွဲဝင်ရောက် တာဝန်ယူလာကြသော (တာဝန်ပေးခံကြရသော) စစ်အုပ်စုကပုဂ္ဂိုလ်များလည်း ပါဝင်နေသည်ဟု ဆိုနိုင်သည်။ ထိုအသိုင်းအ၀ိုင်းများ လုံးဝမပါဝင်သော၊ ကန့်သတ်ခြင်းခံထားရသော အပြောင်းအလဲ ဖြစ်စဉ်ကို ယခုလောလောဆယ်မှာ မရနိုင်သေးပေ။

ပြောင်းလဲနေပြီးဖြစ်သော အပြောင်းအလဲဆိုသည်မှာ ဘယ်အရာများ ဖြစ်မည်နည်း။ အတိုင်အတာ တစုံတရာအထိ လွတ်လပ်စွာထုတ်ဖော်ပြောဆိုခွင့်၊ စည်းရုံးလှုံဆော်ခွင့်နှင့် ပြည်တွင်းပြည်ပ အရပ် ဖက်အဖွဲ့အစည်းများ၏ အခန်းကဏ္ဍဖြစ်သည်။ အမျိုးဘာသာ သာသနာနှင့် အမျိုးသားရေး ရှေ့တန်းတင်သူများနှင့်အတူ နိုင်ငံတကာ (အထူးသဖြင့် အနောက်နိုင်ငံများ) ၏ ခေတ်ပေါ်အယူအဆ အလေ့အကျင့်နေထိုင် ကျင့်ကြံမှုများကို ဖြန့်ကျက်တိုးမြှင့်လိုသူများတို့အားလုံး၏ အသံများ အလုပ်များ သည် မြန်မာပြည်တ၀ှန်း ကျက်စားလျက် ရှိနေပြီး ဖြစ်သည်။ ထို ပြောင်းလဲပြီး ဖြစ်စဉ်များ လှုပ်ရှားမှုများကို နောက်ပြန်ဆုတ်၍ မရနိုင်တော့ချေ။

ဥပမာတခုအဖြစ် - ပြောင်းလဲနှင့်ပြီးဖြစ်သော သဘာဝတရား၏အပြောင်းအလဲကို ကျနော်တို့က လက်ခံရမည် ဖြစ်သည်။ မူလက ပူနွေးစွတ်စိုသော နွေ၊ မိုး၊ ဆောင်း မျှတသည့် ဥတုရာသီနှင့် မြန်မာပြည်သည် အတိတ်မှာ ကျန်ရစ်ခဲ့ပါပြီ။ ကမ္ဘာကြီးနှင့်အမီ မြန်မာပြည်သည်လည်း ဥတုရာသီ ပြောင်းလဲခဲ့ပြီ ဖြစ်သည်။ အဆိုပါ ဥတုရာသီအပြောင်းအလဲကို မိမိတို့ မည်သို့ ရင်ဆိုင်မည်နည်း။ မုန်တိုင်းများ၊ မိုးခေါင်ရေရှားမှုများ၊ ဥတုဆိုင်ရာဘေးဆိုးများကို ကျနော်တို့က ကြိုတင် မျှော်လင့်ထား ပြီး စိန်ခေါ်ရပါမည်။ ကြိုတင် ကာကွယ်မှုများ ပြင်ဆင်ရပါမည်။ မိမိတို့ အတိတ်က သမာရိုးကျ နေထိုင်မှုစနစ်မှသည် လက်ရှိ ဥတုရာသီနှင့်အညီ နေထိုင်မှုစနစ်သစ်ကို ပြောင်းလဲကြရတော့မည်။ အဆိုပါအချက်သည်လည်း ပြောင်းလဲချိန်တန်ပြီထဲက တချက်ဖြစ်ပါသည်။ ထိုကဲ့သို့ ပြောင်းလဲချိန် တန်နေသည်ကို ခေါင်းမာငြင်းဆန်နေမိလျင် မိမိတို့သာလျှင် သဘာဝဘေးဒဏ်ခံရမည် ဖြစ်သည်။

ရှေ့အစိုးရအဆက်ဆက် အမှားအယွင်းများ၏ ရလဒ်ဆိုးများသည်ကား ယခုအချိန်တွင် မပြောင်းမလဲ ဆက်လက်တည်ရှိနေကြဦးမည် ဖြစ်သည်မှာ ငြင်းဆန်၍ မရနိုင်တော့ပေ။ သာမန်နေ့တဓူဝ အကြပ်အတည်း ဒုက္ခဆင်းရဲဖြစ်သည့် ကားကြပ်ခြင်း၊ မီးမလာခြင်း၊ ရေရှားပါးခြင်း၊ ကျန်းမာရေး စောင့်ရှောက်မှု ညံ့ဖျင်းခြင်း၊ ပညာရေး ချွတ်ခြုံကျခြင်း၊ အလုပ်အကိုင်အခွင့်အလမ်းများ နည်းပါးခြင်း တို့သည် ယခင်ကတည်းကရှိနေပြီးဖြစ်သလို ယခုလည်း ချက်ချင်းကြီး အပြောင်းအလဲကြီးတခုအဖြစ် တမဟုတ်ချင်း ပြောင်းလဲသွားမည် မဟုတ်ပေ။ အဆိုပါအချက်ကို လက်သင့်ခံနိုင်လျှင် မိမိတို့သည် အထက်ပါတို့ကို ပြောင်းလဲနိုင်ရန် စိန်ခေါ်မှုအဖြစ် ရုန်းကန်ကြရဦးမည် ဖြစ်သည်။ ထိုအခါ လက်ရှိ အစိုးရ၊ လွှတ်တော်နှင့် အသိုင်းအ၀ိုင်းတို့သည် လူထုအားလုံး လိုက်ပါဆောင်ရွက်နိုင်သည့် မူဝါဒများ စည်းရုံးပညာပေးမှုများဖြင့် ဆောင်ရွက်ကြလိမ့်မည် မျှော်လင့်သည်။

ပြောင်းလဲချိန် ရောက်နေပြီကို လက်သင့်ခံသော လူမှုအသိုင်းအ၀ိုင်းသာမက စီးပွားရေး၊ ဘာသာရေး၊ ဘဏ္ဍာရေးနှင့် လက်နက်ကိုင်ထားကြသော အင်အားကြီးအသိုင်းအ၀ိုင်းအားလုံး၏ ပါဝင်ပတ်သက် ပြောင်းလဲမှုသည်လည်း အရေးကြီးပါသည်။ ယခင်ခေတ်တုန်းက အလေ့အကျင့် အမူအရာ အနေအထိုင်များ လမ်းစဉ်များသဘောထားများကို ပြုပြင်ခြင်းမရှိဘဲ ဆက်လက်ကျင့်သုံးပြီး လူထု လူတန်းစား အသီးသီးကို ကန့်သတ် ခွဲခြား အနိုင်ကျင့် ဖိနှိပ်သည့် နည်းနာများ၊ အကျင့်ပျက် ခြစား၊ ဖြတ်လမ်းနည်းများ ကိုင်စွဲနေဦးမည် ဆိုလျင် အချိန်တိုတိုအတွင်း ဖြစ်ပေါ်နိုင်သည့်ပြောင်းလဲချိန်သည် နောင် နှစ်ပေါင်းများစွာကြာမှ ပြောင်းလဲချိန်တန်ပြီ ဖြစ်သွား ပါလိမ့်မည်။ ထိုကဲ့သို့သော ပြောင်းလဲချိန် ကို ကျနော်တို့ အားလုံး အလိုမရှိပါခင်ဗျား။

(ကာတွန်း သရုပ်ဖော် - စောငို၊ ၂၀၁၃၊ ခေါင်းစဉ်မှာ မြန်မာပြည်က အစိတ်သား၊ အတော်လေးတယ် ဖြစ်ပါတယ်)