ရှာဖွေရေး ...

editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

ကျော်မောင်(တိုင်းတာရေး) - စာကြည့်တိုက်တွေလည်း ရှိပါတယ်



ကျော်မောင်(တိုင်းတာရေး) -  စာကြည့်တိုက်တွေလည်း ရှိပါတယ်
(မိုးမခ) မေ ၁၂၊ ၂၀၁၆


ကျနော်တို့တတွေ စာဖတ်ကြပါတယ်။ အဲဒါကို ကျနော်တို့ စာမဖတ်ကြတော့ဘူးရယ်လို့ တချို့က စိုးရိမ်တကြီးနဲ့ ပြောကြတယ်။ ကာတွန်းစာအုပ်တွေဖတ်ကြ၊ ပုံပြင်စာအုပ်တွေဖတ်ကြ၊ သတင်းစာ ဂျာနယ် မဂ္ဂဇင်းတွေ ဖတ်ကြ၊ ၀တ္ထုတို ၀တ္ထုရှည်တွေ ဖတ်ကြ၊ ဆောင်းပါးတွေကဗျာတွေ ဖတ်ကြ၊ ကျမ်းကြီး ကျမ်းငယ်တွေ ဖတ်ကြ၊ မဖတ်ရင် ကြိမ်လုံးနဲ့ နာနာဆော်မယ်ဟဲ့လို့ ဘယ်သူကမှ အတင်းအကျပ် မတိုက်တွန်းပါ။ တိုက်တွန်းစရာမလိုဘဲနဲ့ စာအုပ်စာပေတွေ့ရင် မနေနိုင်မထိုင်နိုင် ကို ဖတ်ရှုကြတဲ့သူတွေဟာ ကျနော်တို့တတွေပဲ ဖြစ်ပါတယ်။

ဘယ်လောက်အထိတောင် စာဖတ်ကြလည်းဆိုရင် ရထား၊ ကား၊ သင်္ဘော၊ စက်လှေ၊ လေယာဉ်ပျံ ပေါ်တွေမှသည် ဆိုက်ကားပေါ်မှာလည်း စာတွေပေတွေဖတ်ကြလို့ အခုဆိုရင် လမ်းလျှောက် နေရင်းတောင် စာဖတ်နေကြပြီဖြစ်ပါတယ်။ လမ်းခရီးသွားရင်း ခရီးသည်တယောက်ယောက် စာဖတ်နေလို့ ဖတ်စရာ ဘာမှမယူဖြစ်ခဲ့တဲ့ တခြားခရီးသည်က သူ့ဘေးနားမှာ ရှိနေရင်၊ စာဖတ်နေတဲ့ခရီးသည်ရဲ့ စာအုပ်ကို ဘေးကနေ ဘေးတိုက်လိုက်ဖတ်ကြတဲ့အထိ စာဖတ်ဝါသနာ ပြင်းကြပါတယ်။

မေးလည်း မေးကြပါတယ်။ စာဖတ်ကြတယ်ဆိုတော့ စာအုပ်တွေက ဘယ်ကရကြပါသလဲတဲ့။ စာကြည့်တိုက်တွေသွားပြီး စာဖတ်တာတို့၊ စာအုပ်ငှားတာတို့ရော မလုပ်ဘူးလားတဲ့။ ဟုတ်ကဲ့၊ ဖတ်စရာစာအုပ်တွေရဖို့က စာကြည့်တိုက်တွေကိုပဲ အားကိုးနေရပါတယ်။

စာကြည့်တိုက်တွေဆိုတာမှာ ကျောင်းစာကြည့်တိုက်၊ ရပ်ကွက်စာကြည့်တိုက်၊ မြို့နယ်စာကြည့် တိုက်၊ ဗဟိုစာကြည့်တိုက်၊ တက္ကသိုလ်စာကြည့်တိုက်၊ ပုဂ္ဂလိက စာကြည့်တိုက်၊ တပိုင်တနိုင်လုပ် နေကြတဲ့ ကိုယ်ထူကိုယ်ထစာကြည့်တိုက် အစရှိတဲ့ စာကြည့်တိုက်တွေကို ဆိုလိုတာဖြစ်ပါတယ်။ အရေးပါလှတဲ့ ရွေ့လျားစာကြည့်တိုက်၊ ကလေးစာကြည့်တိုက်နဲ့ ရည်ညွှန်းစာကြည့်တိုက်တွေ လည်း ပါသပေါ့။

ရွေ့လျားစာကြည့်တိုက်ဆိုတာကလည်း စာအုပ်စာပေရှိရာကို စာဖတ်သူ မလာနိုင်ရင်၊ စာဖတ်သူရှိရာ စာအုပ်စာပေတွေက အရောက်လာမယ်ဆိုတဲ့ သဘောအသွင်ဆောင်တဲ့ စာကြည့်တိုက်ပဲဖြစ်ပါတယ်။

ကျောင်းစာကြည့်တိုက်က စပြောပါမယ်။ ကျောင်းစာကြည့်တိုက်တွေ အတော်များများမှာ စာအုပ်တွေ ငှားဖို့တောင် မရှိတော့ပါ။ အစကတည်းက မရှိတာ မဟုတ်ပါ။ ကျောင်းသူကျောင်းသားတွေသာမက ဆရာ ဆရာမတွေကပါ စာအုပ်တွေ ငှားဖတ်ကြတဲ့အတွက် ကျောင်းစာကြည့်တိုက်မှာ ရှိတဲ့စာအုပ်တွေနဲ့ မလောက်ငှနိုင်တော့လို့ပဲ ဖြစ်ပါတယ်။

နောက်တခါ ထိုထိုကျောင်းတွေ ကျောင်းတွေမှာ ပညာရင်နို့စို့ခဲ့တဲ့ သူတွေက သူတို့တက်ခဲ့တဲ့ ကျောင်းတွေရဲ့ကျောင်းစာကြည့်တိုက်တွေကို စာအုပ်တွေ၊ လစဉ်ထုတ် စာစောင်တွေ၊ အပတ်စဉ် ထုတ် စာစောင်တွေ ကောင်းနိုးရာရာတွေ ရွေးချယ်ပြီး မှန်မှန်လှူကြပါတယ်။ အဲဒီအခါ စာအုပ်ထားဖို့နေရာတွေတောင်မလောက်လို့ စာအုပ်ဗီရိုအသစ်တွေ ၀ယ်ရ၊ လက်သမားဆရာတွေ ခေါ်ပြီး စာအုပ်တင်ဖို့ စာအုပ်စင်တွေ အတော်များများ ထပ်လုပ်ရနဲ့ အလုပ်များရတဲ့အထိပါပဲ။ ဒါပေမဲ့ စာအုပ်တွေကို ငှားဖတ်ကြသူ များပြားလာတဲ့အတွက် လောက်ငှတယ်လို့ မရှိပါ။

ကျောင်းပိတ်ရက် စနေ၊ တနင်္ဂနွေနေ့လယ်နေ့ခင်းဆို ကလေးတွေဟာ မိဘတွေ အုပ်ထိန်းသူတွေနဲ့ အတူ ရပ်ကွက်စာကြည့်တိုက်တွေဆီသွားပြီး အချိန်ကုန်ကြပါတယ်။ အကျိုးရှိစွာ အချိန်ကုန်စေ ခြင်း ဖြစ်ပါတယ်။ စာကြည့်တိုက်တွေမှာလည်း စာဖတ်ကြ၊ အိမ်ပြန်လာတဲ့အခါမှာလည်း စာအုပ်တွေ ငှားလာကြနဲ့။ ညနေပိုင်းမှာ အားပါးတရ ကစား၊ ရေမိုးချိုး ထမင်းစားပြီးတာနဲ့ ရုပ်မြင် သံကြားကိုတောင် မကြည့်ကြဘဲ နံရံမှီ၊ တိုင်မှီ၊ ထိုင်ခုံမှီကြပြီး စာပဲ တညလုံး ဖတ်နေကြတာ ဖြစ်ပါတယ်။

အဲဒီရပ်ကွက်စာကြည့်တိုက်တွေမှာတော့ စာအုပ်တွေက ဖောချင်းသောချင်းပါပဲ။ ဒါတောင် စာလာဖတ်တဲ့သူတွေ၊ စာအုပ်လာငှားတဲ့သူတွေ အတော်များပါတယ်။ ဆယ်ကျော်သက် လူငယ် တွေ သူတို့သူငယ်ချင်းတွေနဲ့ မကြာခဏဆိုသလိုချိန်းပြီး နေရာထိုင်ခင်းပိုကျယ်တဲ့ မြို့နယ်စာကြည့် တိုက်တွေမှာ စာသွားဖတ်ကြ၊ စာအုပ်အကြောင်းတွေ စာပေအကြောင်းတွေ ဆွေးနွေးကြနဲ့ စည်စည်ကားကားပါပဲ။

ရပ်ထဲရွာထဲမှာရှိတဲ့ စာကြည့်တိုက်ကို မရောက်ဖူးတဲ့သူဆိုတာ အတော်ကို ရှားပါးသွားပြီဖြစ်ပါ တယ်။ မြို့နယ်စာကြည့်တိုက်တွေကလည်း သူတို့မှာရှိတဲ့ ဖတ်ဖွယ်ဖတ်ရာ စုံစုံလင်လင်ကို ကျောင်းဖွင့်ရက်တွေမှာ စာသင်ကျောင်းတွေရှိရာဆီ မော်တော်ကားကြီးတွေနဲ့ သယ်ယူလာပြီး ကျောင်းသူကျောင်းသားတွေ ဆရာဆရာမတွေ ငှားဖတ်စေပါတယ်။

တက္ကသိုလ်စာကြည့်တိုက်တွေဆိုရင် စာအုပ်ငှားရာ နေရာသက်သက်မျှသာ မဟုတ်တော့ဘဲ တက္ကသိုလ်မှာ ပညာဆည်းပူးသူများအတွက် ပညာရပ်ဆိုင်ရာနှီးနှောဖလှယ်ပွဲများ ဆွေးနွေးပွဲများ ကျင်းပရာနေရာ၊ ကမ္ဘာအရပ်ရပ်က ပညာရှင်တွေ သုတေသီတွေ ရေးသားတင်ပြထားကြတဲ့ စာတမ်းတွေထားတဲ့ ပညာ့ဘဏ်ဆိုတာမျိုးတွေကို တနေရာတည်းကနေ တထိုင်တည်း ဖတ်ရှု လေ့လာနိုင်ရာ နေရာ၊ တဦးတည်းပိုင်အဖြစ် ၀ယ်ယူဖတ်ရှုဖို့အတွက် ဈေးကြီးလွန်းလို့ မ၀ယ်ဖတ် နိုင်တဲ့ ရည်ညွှန်းစာအုပ်တွေ ရှားပါးစာအုပ်တွေ ရှိရာနေရာ စတာတွေအနေနဲ့ ပြောင်းလဲတည်ရှိ နေပြီဖြစ်ပါတယ်။

စာကြည့်တိုက်မှာ ဖတ်ချင်တဲ့စာအုပ်မရှိသေးရင် ၀ယ်ယူဖို့အတွက် အကြံပေးနိုင်တဲ့အပြင် တခြားတက္ကသိုလ်စာကြည့်တိုက်မှာ အဲဒီစာအုပ်ရှိရင် အဲဒီစာကြည့်တိုက်ကနေငှားပေးပြီး စာဖတ်သူလက်ထဲအရောက်ထည့်ပေးနိုင်တဲ့အထိ တက္ကသိုလ်စာကြည့်တိုက်တွေက ၀န်ဆောင်မှု တွေ ပေးနေပြီဖြစ်ပါတယ်။

အခုခေတ်က မြန်နှုန်းမြင့် အင်တာနက်ခေတ်ဖြစ်ပါတယ်။ ဟိုခေတ်တွေက အချိန်ကုန်ခဲ့တဲ့ အရာတွေမှန်သမျှကို ကလစ်တချက်စာ၊ လက်ချောင်းတတောက်စာ အချိန်တိုအတွင်းလေးမှာပဲ ချက်ချင်း သိနိုင်ပါတယ်။ စာတအုပ်၊ စာတပုဒ် ဖတ်ရဖို့ ရှာရဖွေရတဲ့အချိန်လိုမျိူးအချိန်တွေ အလဟဿကုန်ဆုံးမှုမဖြစ်တော့တဲ့အတွက် အရင်ကထက် စာများများဖတ်နိုင်လာကြပါတယ်။ ဒါကြောင့်မို့ အင်တာနက် အသုံးတွင်ကျယ်လာတာဟာ ကျနော်တို့တတွေ စာဖတ်အား ပိုကောင်း လာစေတဲ့ အကြောင်းတကြောင်းဖြစ်တယ်လို့ ဆိုနိုင်ပါတယ်။

စာပေဖွံ့ဖြိုးရေးအတွက် ဖြတ်သန်းလာခဲ့ကြတဲ့ ခေတ်တွေကို ပြန်သုံးသပ်ကြည့်တဲ့အခါ စာတတ်မြောက်ရေး နိုးဆော်တဲ့ ခေတ်ကနေ စာတတ်မြောက်သူတိုင်း စာဖတ်ရေး နိုးဆော်တဲ့ ခေတ်၊ အဲဒီကနေ စာဖတ်ရှိန်မြှင့်တင်ရေး ခေတ်၊ အခုအချိန်မှာတော့ စာဖတ်သူများ စာရေးနေတဲ့ ခေတ်အထိ တိုးတက်ပြောင်းလဲလို့ လာနေပါပြီဆိုတာကို မျက်ဝါးထင်ထင်မြင်တွေ့နေကြရပြီ ဖြစ်ပါတယ်။

လူငယ်ပိုင်းတွေ စာဖတ်တော့ လူလတ်ပိုင်းတွေက လူငယ်တွေထက် ပိုသိအောင် ပိုဖတ်လာရ တယ်။ လူငယ်တွေ လူလတ်တွေထက် ပိုသိအောင်လို့ လူကြီးပိုင်းတွေကလည်း စာကို မပြတ် ဖတ်ကြရပြန်ရော။

စာဖတ်များလာရတဲ့ နောက်အကြောင်းရင်းတခုက တခြားတော့ မဟုတ်ပါ၊ စာအုပ်အရောင်းဆိုင်တွေ အလွန်များပြားလာတဲ့အတွက်ကြောင့်လည်း ဖြစ်ပါတယ်။ များပြားလာတဲ့ စာအုပ်ဆိုင်တွေထဲဝင်ကြည့်လိုက်တဲ့အခါ ၀ယ်ဖတ်ဖို့ စာအုပ်တွေက အပုံလိုက် အပုံလိုက်ပါပဲ။ အပုံလိုက်ဖြစ်နေတဲ့အတွက် ဘယ်စာအုပ်ကို ၀ယ်ရမှန်းတောင် မဝေခွဲနိုင်ဘဲ ဟိုစာအုပ်ဝယ်ဖတ်ရနိုးနိုး၊ ဒီစာအုပ်ဝယ်ဖတ်ရနိုးနိုးနဲ့၊ စာဖတ်ချင်သူတွေခမျာ ဆုံးဖြတ်ရခက် ဖြစ်နေတာကလည်း ခဏခဏပါ။

အခုဆို စာအုပ်ဆိုင်ရှိတဲ့နေရာတွေကိုတောင် တကူးတကသွားပြီး စာအုပ်ဝယ်ဖို့ မလိုတော့ဘဲ၊ အင်တာနက်ကနေ အွန်လိုင်းစာအုပ်ဆိုင်ဆိုတာတွေမှာ ဖတ်ချင်တဲ့စာအုပ်ကို စိမ်ပြေနပြေ ရွေးချယ်ပြီး ကြိုက်တဲ့စာအုပ် ၀ယ်လိုက်ရုံပဲဖြစ်ပါတယ်။ အိမ်တိုင်ရာရောက် လာပို့တဲ့အတွက် ရောက်လာတဲ့အခါ စာအုပ်ကို အဖုံးလှလှဖုံးပြီး အေးအေးဆေးဆေး ဖတ်ရှုနိုင်ပြီဖြစ်ပါတယ်။

မနက်မိုးလင်း အိပ်ရာထ၊ မျက်နှာသစ်၊ သွားတိုက်ပြီးလို့ အမြင်ကျယ်သွား၊ ကြည်လင်သွားတဲ့ အချိန်က စလို့ ညဖက်အိပ်ရာဝင်တဲ့အခါ မျက်လုံးမမှိတ်ခင်အထိ ကျနော်တို့တတွေ စာတွေချည်း တောက်လျှောက် ဖတ်နေကြပါတယ်။ ဒီလိုနဲ့ ကျနော်တို့တတွေ စာတွေဖတ်နေကြ၊ လေ့လာနေကြ တာကို လူအတော်များများက အမှုမဲ့ အမှတ်မဲ့ သတိမထားမိကြပါ။ ဘာဖြစ်လို့လဲဆိုတော့ သူတို့ကိုယ်တိုင်လည်းပဲ စာတွေဖတ်နေကြတဲ့အတွက် ဖြစ်ပါတယ်။

ကဲ အဲဒီတော့၊ ဘယ်သူပြောလဲ၊ ကျနော်တို့ ခင်ဗျားတို့တတွေ စာမဖတ်ကြတော့ဘူးဆိုတာ။ စာကြည့်တိုက်တွေလည်း ပေါမှပေါပါပဲ။ စာအုပ်ဆိုင်တွေကလည်း စာအုပ်တွေ ရောင်းမလောက် ပါပဲ။ သိချင်တာတွေကို သိနိုင်ဖို့အတွက် တစ်တွေ သုညတွေနဲ့ ပုံဖော်ထားတဲ့ စာမျက်နှာတွေက အင်တာနက်ဆိုတာကြီးမှာ အရေအတွက် ထောင်သောင်းပေါင်းမက တသီတတန်းကြီး ရှိလို့နေပါတယ်။ အဆင့်သင့်ရွေးချယ်ဖတ်နိုင်ပါတယ်။

စာဖတ်တဲ့သူကို စာမဖတ်တဲ့သူက မေးတယ်။ ဘာလို့ စာတွေဖတ်နေတာလည်း။ အချိန်အလကား ဖြုန်းတယ်ပေါ့။ အဲဒီအခါ အဖြေက အခုလိုဖြေနိုင်ကြပါတယ်။ ဒီထက်သင့်လျော်ကောင်းမွန်တဲ့ အဖြေတွေလည်း ရှိနိုင်ပါတယ်။

စာဖတ်တယ်ဆိုတာ မသိသေးတာကို သိအောင်လို့ ဖတ်တယ်။ မရသေးတာကို ရအောင်လို့ ဖတ်တယ်။ သုတချည်းသက်သက် လိုချင်လို့ ဖတ်တယ်။ ရသချည်းသက်သက် လိုချင်လို့ ဖတ်တယ်။ သုတ ရသ နှစ်မျိုးစလုံးလိုချင်လို့ဖတ်တယ်။ တခါတလေ ဘာသုတ ဘာရသမှ မလိုချင်ဘဲ၊ မမျှော်မှန်းဘဲ စာဖတ်ချင်လို့ကို ဖတ်တယ်။ အချိန်အားတဲ့အတွက် စာဖတ်တယ်၊ အချိန်မအားလည်း အချိန်ရအောင်ယူပြီး စာဖတ်တယ်။ အချိန်တွေ အကျိုးမဲ့သုံးတာ မဖြစ်စေချင်လို့ စာဖတ်တယ်။ စာဖတ်နေရတာကို ကြည်နူးလို့၊ ပျော်ရွှင်လို့ စာဖတ်တယ်။

စာဖတ်တဲ့အလေ့အထတွေ၊ စာဖတ်တဲ့ဝါသနာတွေ၊ စာပေဆွေးနွေးတာတွေဟာ ပျောက်ကွယ် လုနီးနီး ဖြစ်နေပြီလို့ ပြောကြဆိုကြတာတွေကို သေသေချာချာ ဆန်းစစ် လေ့လာဆင်ခြင် သုံးသပ်သမှုမပြုလုပ်ကြဘဲ ဟုတ်မှာပါပဲ ဟုတ်မှာပါပဲလို့ လွယ်လွယ်ကူကူ ယုံကြည်နေတဲ့သူတွေ က ယုံကြည်နေကြဆဲပဲဖြစ်ပါတယ်။ စာအုပ်စာတမ်းတွေနဲ့ ဒီလောက်နီးကပ်နေကြတဲ့ ဒီခေတ် ဒီအခါ ဒီကာလကြီးမှာ ကျနော်တို့တတွေ စာဖတ်ပါတယ်လို့ အကျယ်တ၀င့် ပြောစရာလိုတော့မယ် မထင်ပါ။

ဆိုလိုရင်းတွေကို ပြန်ချုပ်ရရင် ကျနော်လည်း စာဖတ်တယ်။ ခင်ဗျားလည်း စာဖတ်တယ်။ တခြားသူတွေလည်း စာဖတ်တယ်။ စာဖတ်တတ်စ ကလေးသူငယ်ကစလို့ လူငယ် လူလတ် လူကြီးတင်မက လူတန်းစားပေါင်းစုံ စာဖတ်ကြတယ်။ ခရီးသွားရင်းလည်း စာဖတ်ကြတယ်။

စာကြည့်တိုက်တွေလည်း ရှိပါတယ်၊ စာအုပ်ဆိုင်တွေလည်း ရှိပါတယ်၊ အင်တာနက်ကြီးလည်း ရှိပါတယ်။ အဲဒါတွေကြောင့် ကျနော်တို့အားလုံးလည်း စာများများဖတ်ဖြစ်ကြပါတယ်။

ကဲ ခွင့်ပြုပါဦးခင်ဗျာ၊ စာကြည့်တိုက်က ငှားလာတဲ့ ဖတ်လက်စ စာအုပ်လေးကို ဇာတ်သိမ်းပိုင်း အထိ ပြီးဆုံးသွားအောင် ဆက်လက် ဖတ်ရှုဖို့ အိပ်ချိန်ထဲက နာရီဝက်လောက်တော့ မရမက ယူလိုက်ဦးမှာပ။

ကျော်မောင်(တိုင်းတာရေး)

(Photo credit - http://www.newindianexpress.com/cities/bengaluru/The-book-readers-havens/2013/09/30/article1810148.ece)