ရှာဖွေရေး ...

PO Box 320-207, San Francisco, CA 94132-0207, USA – editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

မောင်နွေရင့် (အင်းဝ) ● မျှော်လင့်ခြင်း မြစ်တစင်း

မောင်နွေရင့် (အင်းဝ) ● မျှော်လင့်ခြင်း မြစ်တစင်း
(မိုးမခ) ဇွန် ၁၃၊ ၂၀၁၆

ဟားတိုက်ရယ်မောနေတဲ့
အဆီပြန်မျက်နာတွေ ခေတ်စား
အဖြူရောင်လူသားတွေ ဝင့်ကြွား
ခေါင်းသေးသေးကလေးမှာ
သေနတ်ကျည်ဆံတွေရှိပြီး
ရင်အုံပေါ်မှာ ငွေကျည်ဆံတွေရှိတယ်
ဝမ်းဗိုက်မှာက လေကျည်ဆံတွေ ရှိတယ်
ခါးအောက်ပိုင်းနဲ့ ဘေးပတ်လည်မှာတော့
ချိန်ကိုက်ဗုံးမြှုပ်ထားတဲ့ ငြိမ်းချမ်းရေးအတုတွေနဲ့
သူမကတော့ မေတ္တာတရားတွေ ပြည့်လို့။

ထိန်စူးတဲ့နေရောင်အောက်မှာ
လှိုက်တက်လာတဲ့ မျှော်လင့်ချက်ကိုလှုံရင်း
ကုတ်ခြစ်ပွန်းပဲ့ရာ ဗရပွနဲ့
ဘဝတွေ ဘဝတွေ အန်ကျလာလိုက်တာ
ဖြတ်သန်းလာလိုက်ရတာ
ပျော်ရွင်မှုသယံဇာတဆိုတာ
အရောင်လက်တဲ့မျက်ဝန်းတွေ
အေးစက်လာတဲ့အထိ
ပါးလျခဲ့ရတဲ့  သူမခမျာ
မေတ္တာတရားတွေက ပြည့်တုန်း။

သူမရဲ့ရင်အုံဟာ
ဟောင်းလောင်းပွင့်မတတ်
လက်မှတ်တချက်ထိုးတိုင်း တခါသေရ
လက်ဆွဲနှုတ်ဆက်ခြင်းအပြုံးတွေနဲ့
အလင်းရောင်တွေ ပွန်းပဲ့
ထည်ဝါတဲ့ လက်ဆုံစားပွဲတွေမှာ
သူမရဲ့အသွေးအသားတွေ
တည်ခင်းဧည့်ခံထားလိုက်ကြတာ
ခွက်ချင်းတိုက် cheer လုပ်တိုင်း
သူမအတွက်တော့ မျက်ခုံးလှုပ်ရ
သူမကတော့ မေတ္တာတရားတွေထားတုန်း။

ဒါပေမဲ့
သူမကို ကျွန်တော်တို့ ချစ်ကြတုန်း
သူမကို လှစေချင်ကြတုန်း
သူမကို မြတ်နိုးကြတုန်း
သူမကို တန်ဖိုးထားကြတုန်း
သူမကို မျှော်လင့်ကြတုန်း
သူမက
သူမက
သူမက ကျွန်တော်တို့အချစ်ဆုံးနိုင်ငံတော်။

မောင်နွေရင့် (အင်းဝ)
1/5/2016 . 7:20 PM