ရှာဖွေရေး ...

editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

မောင်မောင်စိုး - အရပ်သားအစိုးရသစ်နဲ့ မြင်းရိုင်းစီးချိန်


မောင်မောင်စိုး - အရပ်သားအစိုးရသစ်နဲ့ မြင်းရိုင်းစီးချိန်
(မိုးမခ) ဇွန် ၁၂၊ ၂၀၁၆
မြင်းစီးခြင်း
မြင်းကို လူတို့စတင်စီးနင်းအသုံးပြုသည်မှာ ဘယ်အချိန် ဘယ်ကာလကစခဲ့သည်တော့မသိပါ။ လွန်ခဲ့သောကာလများက သဘာဝအတိုင်းလွတ်လပ်စွာ ပေါက်ဖွားရှင်သန်နေသော သတ္တဝါများထဲမှ လူတို့စီးနင်းရန် ရွေးချယ်လေ့ကျင့်ပေးခြင်းကို မြင်းတို့ခံခဲ့ရသည်ဟုဆိုရမည်။

သို့ပေမဲ့ ယနေ့တိုင်မြင်းတကောင်ကို လူတို့ကောင်းစွာစီးနင်းနိုင်ရန်အတွက် ယနေ့တိုင်လေ့ကျင့် နေရဆဲ ဖြစ်သည်။ မြင်းကုန်းကျင့်သည်ဟုဆိုကြသည်။ လူစီးရန်မဆိုထားနှင့် သူ့အပေါ် ကုန်းနှီး တင်လျှင်ပင် ခါချပေရာ ကုန်းနှီးအတင်ခံဖို့ လေ့ကျင့်ပေးရသည်။ နောင်လူစီးသည်ကို လက်ခံနိုင်အောင် လေ့ကျင့်ရသည်။ အနှီလေ့ကျင့်ပေးပြီးသား မြင်းများပင် လူစိမ်းတက်စီးပါက
ခါချ၍ ပညာပြတတ်သေးသည်။ သူ့ဇက်ကြိုးက်ိုနိုင်အောင်ထိန်းနိုင်မှ ငြိမ်ငြိမ်သက်သက် အစီးခံတတ်သည်။

ထို့ကြောင့် မြင်းတကောင်စီးပြီး ခရီးသွားလိုသူတယောက်အဖို့ အရင်ဆုံးကြုံတွေ့သည်မှာ မြင်းဇက်ကို နိုင်အောင်ထိန်း၍ မြင်းခါချ၍ အောက်မကျသွားစေရန် ထိန်းချုပ်ခြင်း ဖြစ်ပေသည်။ မြင်းဇက်ကို နိုင်အောင်ထိန်းနိုင်မှ ထိုမြင်းကိုစီး၍ လိုရာခရီးကို သွားနိုင်ပေလိမ့်မည်။

အရပ်သားအစိုးရသစ်
၂၀၁၅ နိုဝင်ဘာ လကုန် အထွေထွေရွေးကောက်ပွဲနှင့်အတူ NLD ပါတီ အနိုင်ရ၍ အစိုးရဖွဲ့နိုင်ခဲ့သည်။ NLD အစိုးရသစ်သည် ၂၀၁၆ မတ်လကုန်တွင် အစိုးရတာဝန်ကိုလွှဲပြောင်းရယူပြီး ၂၀၁၆ ဧပြီလဆန်းမှ စ၍ အစိုးရတာဝန်များကို စတင်ထမ်းဆောင်ခဲ့သည်။ ရွေးကောက်ပွဲတွင် NLD ပါတီအနိုင်ရ၍အစိုးရ ဖွဲ့နိုင်ခဲ့၍ NLD အစိုးရဟုခေါ်ကြသည်။ သို့သော် သတိပြုရန်တခုမှာ အဆိုပါ NLD အစိုးရသည် နှစ် ငါးဆယ်ကျော်အတွင်း ပထမဆုံးပေါ်လာသည့် အရပ်သားအစိုးရလည်းဖြစ်သည်ဆိုခြင်းပင် ဖြစ်ပါ သည်။

အမေရိကန်ကဲ့သို့ ဒီမိုကရေစီရွေးကောက်ပွဲနှင့်ကျင့်သားရနေသောနိုင်ငံတွင် ရွေးကောက်ပွဲအနိုင်ရ သောပါတီကိုအစွဲပြု၍ ဒီမိုကရက်တစ်အစိုးရသို့မဟုတ် ရီပတ်ဘလီကန်အစိုးရဟု ခေါ်ဝေါ် သမုတ် ကြသည်မှာ မဆန်းလှပေ။ သို့သော် မြန်မာပြည်တွင် လက်ရှိ အစိုးရအား NLD အစိုးရသက်သက် ခေါ်ဝေါ် သမုတ်ကြသည်မှာ လုံလောက်လိမ့်မည်မထင်ပါ။ လက်ရှိအစိုးရသစ်သည် အနှစ် ၅၀ ကျော် အတွင်း ပထမဆုံးသော အရပ်သားအစိုးရသစ်ဖြစ်သည်ကိုလည်း အလေးထား ဂရုပြုသင့်ပေသည်။

၁၉၆၂ ခုနှစ် မြန်မာစစ်ဖက်မှ အာဏာသိမ်းသည်မှစ၍ မြန်မာပြည်သည် စစ်အစိုးရ၏ လက်အောက် တွင် ရှိနေခဲ့သည်။ နှစ် ၅၀ နီးပါးအကြာ ၂၀၁၀ ရွေးကောက်ပွဲတွင် ကြံ့ခိုင်ရေးပါတီအနိုင်ရ၍ ၎င်းပါတီ အစိုးရဖွဲ့နိုင်ခဲ့သည်ဆိုသော်လည်း ၎င်းအစိုးရအားအရပ်သားအစိုးရဟု မည်သူကမှသတ်မှတ်ခဲ့ခြင်း မရှိပါ။ စစ်ဘောင်းဘီချွတ်၍ ချိတ်လုံချည်ပြောင်းဝတ်ထားသော စစ်ဗိုလ်ချုပ်ဟောင်းများ၏ အစိုးရသာ ဖြစ်ကြောင်း အများတွေ့မြင်နိုင်သည် ဖြစ်သည်။

ထို့ကြောင့် လက်ရှိ NLD အစိုးရမှာ အနှစ် ၅၀ ကျော်တွင်း ပထမဆုံးသောအရပ်သားအစိုးရဖြစ်သည် ဟု ဆိုရပေမည်။ တချိန်တည်းတွင် မြန်မာစစ်ဖက်၏အခန်းကို အထူးအသားပေး ထည့်သွင်းရေးဆွဲ ပြဋ္ဌာန်းထားသည့် ၂၀၀၈ အခြေခံဥပဒေအရတက်လာသော ပထမဆုံးအရပ်သားအစိုးရ ဖြစ်ချေသည်။ ၂၀၀၈ အခြေခံဥပဒေအရ မြန်မာစစ်ဖက်အခန်းကို အထူးအသားပေးရေးဆွဲထားသည်ကို ဘောင်းဘီ ချွတ် အငြိမ်းစားစစ်ဗိုလ်ချုပ်ကြီးများကအုပ်စိုးသည့် ပထမအစိုးရသက်တမ်း ( ၂၀၁၁-၂၀၁၅ ) အတွင်း မသိသာသော်လည်း ယခုအရပ်သားစစ်စစ်အစိုးရလက်ထက်တွင်တော့ တွေ့ရတော့မည်
ဖြစ်ပေသည်။

အစိုးရယန္တယား
၁၉၆၂ ခုနှစ် မြန်မာစစ်ဖက်မှ အာဏာသိမ်းပြီးချိန်မှစ၍ အစိုးရယန္တယားသည်လည်း စတင်ပြောင်းလဲခဲ့ သည်။ မူလ မြို့ပိုင် အရေးပိုင် တိုင်းမင်းကြီး စသည်တို့အုပ်ချုပ်သည့်အုပ်ချုပ်ရေးပိုင်းတွင် စစ်ဖက် အရာရှိများက မြို့နယ်၊ ခရိုင်၊ တိုင်း အဆင့်အားလုံးတွင် တိုက်ရိုက်ဝင်ရောက်အုပ်ချုပ်ခဲ့သည်။ မူလ
အုပ်ချုပ်ရေးအရာရှိများမှာ ရုံးလုပ်ငန်းလုပ်သူများ ဖြစ်သွားကြသည်။ အုပ်ချုပ်ရေးအရာရှိပိုင်းများ လေ့ကျင့်မွေးမြူပေးသည့်အပိုင်းသည်လည်း အားနည်း လျော့လျဲသွားခဲ့သည်။

ထို့ပြင် ၁၉၆၂ စစ်ဖက်က အာဏာသိမ်းပြီးနောက် အစိုးရဝန်ကြီးဌာနများ၏ဝန်ကြီးအားလုံးလိုလို စစ်ဖက်အရာရှိကြီးများ ဖြစ်ကြသည်။ အများစုက မူလအရပ်ဖက်ဝန်ထမ်းများသာဖြစ်သည်။ နောက်တော့ အထူးအရာရှိဆိုသည့်ရာထူးဖြင့် အရပ်ဖက်ဝန်ကြီးဌာနသို့စဝင်သည်။ နောက်တော့ တဖြည်းဖြည်းနှင့် အရပ်ဖက်၏အရေးပါသောရာထူးများကို တပ်အရာရှိများက ဝင်ရောက် နေရာ ယူလာပြီး မိုးကျရွှေက်ိုယ်ဟူသော ဝေါဟာရခေတ်စားလာတော့သည်။ အထူးသဖြင့် အုပ်ချုပ်ရေးနှင့် အဓိကဆိုင်သော ပြည်ထဲရေးဝန်ကြီးဌာနလက်အောက်ခံ အထွေထွေအုပ်ချုပ်ရေးဦးစီးဌာနနှင့် ရဲတပ်ဖွဲ့တို့တွင် အောက်ခြေမြို့နယ်အဆင့်ထိ တပ်မှအရာရှိများကို ပြောင်းရွှေ့တာဝန်ပေးထားသည်။

ထို့ပြင် မဆလခေတ်ကာလတလျှောက်လုံးပင် လာဘ်ပေးလဘ်ယူကို ကောင်းကောင်းမလုပ်ရဲသော အစိုးရဝန်ထမ်းအားလုံးသည် ၁၉၈၈ နောက်ပိုင်းစ၍ လက်ဖက်ရည်ဖိုး၊ ဘော်ဒါကြေး လိုင်းကြေးများ ဖြင့် တဖြည်းဖြည်းအသားကျ လာနေသည်မှာ ယနေ့တိုင်ဖြစ်သည်။ ထုံးစံလိုပင် ဖြစ်လာသည်။
၁၉၈၈ အစပိုင်းကာလတချို့တွင် အစိုးရဝန်ထမ်းများ လစာနှင့်မလုံလောက်သည်ကို တွေ့ရသော်လည်း ယနေ့ကာလတွင်တိုက်ဆောက်နိုင်သည့် ကားစီးနိုင်သည့် အစိုးရဝန်ထမ်း သူဌေးများကို တွေ့နေရပေသည်။ ဤကား လက်ရှိအစိုးရယန္တယား အခြေအနေဖြစ်သည်။ လက်ရှိအစိုးရယန္တယားသည် စစ်အစိုးရသက်တမ်း ၅၀ ကျော်အတွင်း ပုံစံကျလာသည့် ယန္တယားပုံစံ ဖြစ်သည်။

အရပ်သားအစိုးရသစ်နှင့်အစိုးရယန္တယား
၂၀၁၆ တွင် လူထုက တင်မြှောက်လိုက်သော အရပ်သားအစိုးရသစ်တက်လာသည်။ ထိုအရပ်သားအစိုးရသစ်အား ခေါင်းဆောင်သူတို့သည် တချိန်က စစ်ခေါင်းဆောင်များ အာဏာရယူ ထားစဉ် အမျိုးမျိုးပုတ်ခတ်တိုက်ခိုက်ခံရသူများဖြစ်သည်။ ထို့ပြင်နှစ်ရှည်ထောင်တန်းကျခံ ဖမ်းဆီးခံခဲ့ ရသူများလည်း ဖြစ်သည်။ ထိပ်ပိုင်းက စစ်ဖက်ခေါင်းဆောင်များ၏သဘောထားအရဆိုသော်လည်း လက်တွေ့တွင် ထိုအလုပ်များကို အစိုးရယန္တရားက အကောင်ထည်ဖော်ခဲ့ခြင်း ဖြစ်သည်။ သို့ဖြစ်ရာ အစိုးရယန္တယားတွင် ပါဝင်လည်ပတ်နေသူများအဖို့ သူတို့ဖမ်းခဲ့သောသူတို့၏ ခေါင်းဆောင်မှု အောက်သို့ ပြန်ရောက်သွားသည်။ ဆိုရလျှင် သူတို့နားရည်ဝနေအောင် ယခင်စစ်အစိုးရပေါ်လစီအရ အမျိုးသားသစ္စာဖောက် ပုဆိန်ရိုးဟု စွပ်စွဲပုတ်ခတ်ခံခဲ့ရသူများ၏လက်အောက်သို့ ပြန်ရောက်သွား သည်ဟုဆိုရမည်။

တကယ်တော့ အရပ်သားအစိုးရသစ်ဆိုသည်မှာ ပြည်ထောင်စုအစိုးရ အဆင့်မှာဖြစ်စေ တိုင်းဒေသ ကြီးနှင့် ပြည်နယ်အဆင့်မှာဖြစ်စေ ဆယ်ဂဏန်းမျှသာ ဖြစ်သည်။ ဝန်ထမ်းအများစုပါသည့် သူတို့ချုပ် ကိုင်လည်ပတ်ရမည့်အစိုးရယန္တရားကတော့ အသားကျပြီးသား အဟောင်းဖြစ်သည်။ ပုံမှန်အား
ဖြင့် ဝန်ထမ်းဌာနတခုသို့ အကြီးအကဲတယောက်ပြောင်းလာသည်နှင့် ပုံမှန်လုပ်ကြသူရှိသကဲ့သို့ ပညာပြတတ်သူ ဝန်ထမ်းများရှိတတ်သည်။ ယခုမူ ယခင်အစိုးရနှင့် မူဝါဒမတူသည့် အတိုက်အခံ အင်အားစုများ အစိုးရဖြစ်လာသောအခါ မူလအသားကျနေသော အစိုးရယန္တယားအား ပေါ်လစီ ပြောင်းလဲလည်ပတ်ရန် မုချပင် အခက်ခဲရှိပေသည်။

မကြာမီက မန္တလေးတွင် စည်ပင်ဝန်ထမ်းများက လမ်းဘေးကျူးကျော်ဈေးသည်များအား ဖမ်းဆီးရာ တွင် ခင်ဗျားတို့မဲပေးခဲ့သည့်အစိုးရက ဖမ်းခိုင်းတာဟုဆိုခဲ့၍ မန္တလေးတိုင်းဝန်ကြီးချုပ်မှ ခေါ်ယူ သတိပေးခဲ့ရသည်ကိုတွေ့ရသည်။ အစိုးရပေါ်လစီကိုအကောင်အထည်ဖော်ရမည့်အစိုးရဝန်ထမ်း များက အစိုးရကို တဖက်လှည့်နှင့် ပြန်လည်တိုက်ခိုက်သည့်ဖြစ်ရပ်ဖြစ်သည်။

လက်ရှိ ပြည်ထောင်စုအစိုးရအဖွဲ့ဝင်များဖြစ်စေ တိုင်းဒေသကြီးနှင့်ပြည်နယ်အစိုးရအဖွဲ့ဝင်များဖြစ်စေ အများစုမှာ နိုင်ငံရေးရည်မှန်းချက်တခုအရ ထိုတာဝန်များကိုထမ်းဆောင်နေသည်ဖြစ်ရာ လောလော ဆယ် လာဘ်ပေးလဘ်ယူမှုမရှိဟု ဆို၍ရသည်။ အစမိုလို့ပါကွာဟု ထေ့ငေါ့၍ ရနိုင်ပါသည်။
သို့သော်လောလောဆယ် လာဘ်မစားကြသည်ကတော့ အမှန်ပင်ဖြစ်သည်။
ထိုအခါ ဘော်ဒါကြေး လိုင်းကြေးများဖြင့် အသားကျနေသော အစိုးရယန္တရားအဖို့ ပြောင်းလဲဖို့ အတော်ကသိကအောက်နိုင်သည့်အခြေအနေဟု ဆိုရမည်။
ပြောင်းချင်သူရှိသကဲ့သို့ မပြောင်းချင်သူများလည်း ရှိသည်မဟုတ်ပါလော။

သို့ဖြစ်ရာ အရပ်သားအစိုးရသစ်အဖို့ မိမိ၏ပေါ်လစီများကို အကောင်အ ထည်ဖော်ရန်အတွက် အသုံးပြုရန် အစိုးရယန္တယားကို ထိန်းချုပ်မောင်းနှင်ရန် လိုအပ်နေပေသည်။ အဆိုပါယန္တယားသည် ပေကပ်ကပ် ဒရွတ်ဆွဲ၍နေပါက အစိုးရသစ်ပေါ်လစီများ အကောင်အထည်ဖော်ရန်ခက်ပေမည်။ အရပ်သားအစိုးရသစ်အဖို့ အစိုးရယန္တယားသည် အရပ်သားအစိုးရနှင့်အသားမကျသော
ယန္တယား ဖြစ်နေသည်။ မြင်းရိုင်းတကောင်စီးနိုင်ဖို့ အားထုတ်နေသည် အခြေအနေမျိုးဟု ဆိုရပေမည်။

ပုံမှန် လျှပ်စစ်မီးရနေသောဒေသများတွင် အရပ်သားအစိုးရသစ်တက်ပြီး မကြာမီကာလအတွင်း လျှပ်စစ်မီးများ မကြာခဏပြတ်တောက်ခြင်းများသည် ပုံမှန်ဖြစ်စဉ်ဟုတ်မဟုတ် စဉ်းစားဖွယ်ဖြစ်တော့ သည်။ အလားတူပင် ရာဇဝတ်မှုများထိန်းချုပ်ရေးမှ ည ၁၁ နာရီ ဆိုင်ပိတ်ရမည်ဆိုသည့် လုပ်ဆောင် ချက်များထွက်ပေါ်လာမှု၊ ကွမ်းစားခြင်း ကွမ်းတံထွေးစည်းကမ်းမဲ့ထွေးခြင်းကို တားဆီးရာမှ ကွမ်းယာ ဆိုင်ပိတ်ခိုင်းသည့်လုပ်ဆောင်ချက်များမှသည် အရပ်သားအစိုးရသစ်ပေါ်လစီအား ဌာနဆိုင်ရာများမှ အကောင်ထည်ရာတွင် လွဲချော်မှုများ ပုံပျက်ပန်းပျက်ဖြစ်မှုများ တွေ့နေရပေသည်။

အာရပ်နွေဦးမှသင်ခန်းစာ
အာရပ်နွေဦးမှသင်ခန်းစာများကို နိဂုံးချုပ်သူများက " ဒီမိုကရေစီပြောင်းလဲမှုဖြစ်စဉ်ဆိုတာ မည်သူကိုတွန်းလှန်လိုက်ပြီး မည်သူကအစားထိုးဆက်ခံသည်ဆိုသည်ထက် အာဏာရှင်များ လက်အောက်တွင်ရှိခဲ့သော ကြီးမားကျယ်ပြန့်သည့် အုပ်ချုပ်ရေးယန္တယားကြီးကွန်ယက်ကြီး တခုလုံးအား မည်မျှပြောင်းလဲပစ်နိုင်မည်အပေါ်တွင် မူတည်သည် " ဟုဆိုကြပါသည်။
ထို့ပြင် " အာဏာရှင်တို့က လွယ်လွယ်နှင့်ပြောင်းမရအောင်ရည်ရွယ်ချက်ရှိရှိပြုလုပ်ထားသည့် အုပ်ချုပ်ရေးယန္တရားကို ပြောင်းလဲမပစ်နိုင်ပါက တော်လှန်ရေးကျရှုံးမည်ဖြစ်သည်။ အာဏာရှင်များကို အကြိမ်မည်မျှ ဖြုတ်ချနိုင်သည်ဖြစ်စေ တော်လှန်ပြည်သူတွေ မည်မျှတော်သည် မည်မျှသန့်စင်သည် ဖြစ်စေ လုံလောက်မှုရှိမည်မဟုတ်ပေ။ ဤသည်မှာ အာရပ်နွေဦးမှ ပေးသောသင်ခန်းစာ ဖြစ်သည် " ဟု ဆိုပါသည်။

အီဂျစ်တွင် မူဘာရက်ပြုတ်ကျပြီး တက်လာသော မော်စီအစိုးရအားသုံးသပ်ရာ၌ " မော်စီအစိုးရသည် မှားယွင်းသောလုပ်ဆောင်ချက်အချို့ရှိသကဲ့သို့ မှန်ကန်သောလုပ်ဆောင်ချက်များလည်းရှိသည်။ သို့သော် မော်စီအစိုးရအနေနှင့် မည်သည့်စွမ်းဆောင်မှုမျိုးပြုသည်ဖြစ်စေ အုပ်ချုပ်ရေးယန္တယား အဖွဲ့အစည်းများ၏ ညံ့ဖျင်းမှုစွမ်းဆောင်ရည်မပြည့်မှုများက မော်စီအစိုးရ၏အုပ်ချုပ်ရေးကို ဖျက်ဆီး ခဲ့သည်။ တရားရေးဌာနကေ မ်ာစီအားဗြောင်ဆန့်ကျင်သည်။ လုံခြုံရေးအဖွဲ့က လမ်းမပေါ်တွင် တာဝန်မယူတော့။ လျှပ်စစ်ဌာနကလည်း မီးမကြာခဏပျက်အောင် လုပ်သည်။ မော်စီအစိုးရအား လူအများမကြေမနပ်ဖြစ်လာအောင် ဆွပေးသည်။ မော်စီ၏ချို့ယွင်းချက်များသည် သူအသုံးမကျမှု ကြောင့်ဆိုနိုင်သော်လည်း သူကောင်းမွန်စွာအုပ်ချုပ်နိုင်သည်ဆိုစေကာမူ အခွံဟောင်းလောင်းသာ ကျန်တဲ့ အီဂျစ်နိုင်ငံအခြေအနေက သူ့ကိုအကြီးအကျယ် ထိခိုက်ကျဆုံး စေသည်မှာ အမှန်ဖြစ်သည်။ ထို့ကြောင့်မော်စီကျဆုံးသည်နှင့် ဒီမိုကရေစီပြောင်းလဲမှုဖြစ်စဉ်ကြီး ပြိုကွဲသွားတော့သည်။ လစ်လပ်သွားသော နိုင်ငံတော်အာဏာကိုလည်း စစ်တပ်က ပြန်လည်ရယူသွားတော့သည် " ဟုသုံးသပ်ကြပါသည်။

ဆက်လက်၍ " ထို့ကြောင့် ဒီမိုကရေစီပြောင်းလဲဖြစ်စဉ်ဆိုသည်မှာ အာဏာရှင်တစ်ယောက် ပြုတ်ကျရုံနှင့်မပြီးဘဲ ဒီမိုကရေစီပြောင်းလဲမှု နည်းဥပဒေများသက်ဝင်ရှင်သန်မှသာ အောင်မြင်မည် ဖြစ်သည်။ ဒီမိုကရေစီပြုပြင်ပြောင်းလဲမှုဆိုသည်မှာ ခေါင်းဆောင်ကောင်း တယောက်ရထားရုံနှင့်
မပြီးဘဲ ဒီမိုကရေစီကျသော ယန္တယားအဖွဲ့အစည်းများရှိရမည်။ ရွေးကောက်ပွဲအနိုင်ရသော နိုင်ငံရေးပါတီရှိရမည်။ အုပ်ချုပ်ရေးစွမ်းရည်ရှိသော နိုင်ငံရေးသမားများရှိရမည်။ အစိုးရလမ်းစဉ်များကို အကောင်အထည်ဖေါ်ပေးသော ဗျူရိုကရေစီယန္တယားရှိရမည်။ အစိုးရအဖွဲ့အစည်းများတည်ငြိမ်ရေး ကို အထောက်အကူပြုမဲ့ အရပ်ဖက်လူ့အဖွဲ့အစည်းများရှိရမည်။ ၎င်းတို့မှာအာရပ်နွေဦးမှပေးသော သင်ခန်းစာများဖြစ်ကြသည် " ဟုသုံးသပ်ကြပါသည်။

အာရပ်နွေဦးကနေရသောနောက်သင်ခန်းစာတခုကတော့ " ဖိနှိပ်သောအာဏာရှင်အစိုးရများသည် လူအများ မကြိုက်ကြသော်လည်း တိုင်းပြည် တည်ငြိမ်ရေးအတွက် လိုအပ်သော အုပ်ချုပ်မှုတခုအဖြစ် ကြေညာခြင်းဖြစ်သည်။ ကျနော်တို့ယူရမည့်သင်ခန်းစာသည် အီဂျစ်ကို မူဘာရက်လက်ထဲမှာ ထားတာ ပိုကောင်းသလော လစ်ဗျားကို ကဒတ်ဖီလက်ထဲထားသည်က ပိုကောင်းသလော ဆီးရီးယားကို အာဆတ်လက်ထဲတွင်ထားသည်က ပိုကောင်းသလောဆိုသည့်အချက် လုံးဝမဟုတ်ပေ။ အဆိုပါအာဏာရှင်များကို ဆက်ထားမလား ဖယ်ရှားမလား ရွေးချယ်ရသည့် အခြေအနေရောက်လျှင်ပင် မိမိတို့ရှုံးပြီဖြစ်သည် " ဟုဆိုပါသည်။

ထို့ပြင် " အာဏာရှင်တယောက်ဖြုတ်ချ ဖို့ စည်းရုံးလှုံ့ဆော်ရတာပို၍ လွယ်သည်။ အသွင်ကူးပြောင်းရေးကာလကို အခက်အခဲမရှိ ကျော်ဖြတ်ဖို့က ပိုခက်ပါသည် " ဟုဆိုကြသည်။

အာရပ်နွေဦးအတွေ့အကြုံကို သတိပြုသင့်သည်။ အချိန်မရွေးပြုတ်ကျနိုင်တဲ့ ကျွတ်ဆတ်သော အစိုးရများရှိသောနိုင်ငံများသည် အာရပ်နိုင်ငံများသာမဟုတ်ပေ။ မိမိတို့တိုင်းပြည်သည် လည်းကြိုးတန်းပေါ် လမ်းလျှောက်နေဆဲအခြေအနေကို သတိပြုသင့်သည်။ အရပ်သားအစိုးရသစ်၏အပြောင်းအလဲကိုဆက်လက်ဝိုင်းရံ ကျားကန်ပေးဖို့လိုသည်။ ဒေါ်အောင်ဆန်းစုကြည်ကိုဆက်လက်ဝိုင်းရံထားဖို့ လိုသည်။ ဒေါ်အောင်ဆန်းစုကြည်ကို ဝိုင်းရံသည် ဆိုသည်မှာ ပုဂ္ဂလိကသဘောအရမကြည့်မြင်သင့်သကဲ့သို့ နိုင်ငံရေးပါတီတခုကို ထောက်ခံခြင်းမျိုး သက်သက် မကြည့်မြင်သင့်ပေ။ သူမအား ဗဟိုပြု၍ဒီမိုကရေစီအသွင်ကူးပြောင်းရေးကို ရှေ့တွန်းတင် ဖို့ ဒီမိုကရေစီပြောင်းလဲမှုဖြစ်စဉ်ကြီး ပြိုကွဲမသွားစေဖို့ဖြစ်သည်ကို လေးနက်ကြရန်လိုသည်။

နိဂုံး

လက်ရှိ ကာလတွင် NLD အရပ်သားအစိုးရကို ဝေဖန်နေသည်များကို တွေ့ရသည်။ အရပ်သားအစိုးရသည် အားနည်းချက်ရှိမည်မှာ အမှန်ပင်ဖြစ်သည်။ ဝေဖန်ဖိုလည်းလိုအပ်မည်မှာ အမှန်ပင်ဖြစ်သည်။ ဝေဖန်ရေးသည် လိုအပ်ပါသည်။ အပြုသဘောဝေဖန်ရေးဖြစ်သင့်သည်ဟု မြင်သည်။ ထိုးနှက်တိုက်ခိုက်သည့် ဝေဖန်ရေးမျိုးမဖြစ်သင့်ပေ။ NLD အရပ်သားအစိုးရကိုထိုးချပါက အဟောင်းများ ပြန်လည်နေရာယူလာမည်ကို ဂရုပြု သင့်သည်။ ထို့ကြောင့် ဝေလည်းဝေဖန်၊ ဝိုင်းလည်း ဝိုင်းရံဖို့ လိုသည်ဟု သုံးသပ်ရပါသည်။
ဒီကရေစီအသားကျနေသော နိုင်ငံတနိုင်ငံရှိ အာဏာရပါတီနှင့်အစိုးရကိုဝေဖန်သည့်ပုံစံမျိုးတော့ ဖြစ်နိုင်ဦးမည် မထင်ပါ။ နှစ် ၅၀ ကျော်အုပ်ချုပ်ခဲ့သည့် စစ်အာဏာရှင်စနစ်အား အသွင်ကူးပြောင်းရေး နှင့် ၂၀၀၈ အခြေခံဥပဒေပါ စစ်ဖက်၏ အခန်းကဏ္ဍကို မမေ့လျော့ကြရန်လိုပါသည်။ သစ်တောတတောလုံး ကြည့်ရန်လိုပါသည်။ သစ်ပင်တပင်တည်း ကြည့်၍မရနိုင်ပေ။

လက်ရှိအစိုးရအား NLD အစိုးရသက်သက်မကြည့်သင့်ပါ။ အနှစ် ၅၀ အတွင်း ပထမဆုံးထွက်ပေါ်လာ သော အရပ်သားစိုးရဖြစ်သည်ကို သတိချပ်သင့်သည်။ ထို့ပြင် အရပ်သားအစိုးရသစ်သည် အစိုးရ အုပ်ချုပ်ရေးယန္တယားဆိုသည့် မြင်းရိုင်းစီးချိန်ဖြစ်သည်ကိုသတိပြုသင့်သည်။ မြင်းရိုင်းပေါ်က ပြုတ်မကျဖို့ အားလုံးဝိုင်းဝန်းဖို့လိုပေသည်။ မင်းကိုနိုင်ကတော့ အဆန်လမ်း
ဖြစ်၍ လှော်တက်တချောင်းစီ ဝေစုရမည်ဟုဆိုပါသည်။

Mg Mg Soe ( မောင်မောင်စိုး )

(Photo - Demonstrators opposed to a copper mine owned by Wanbao Mining faced off against the police in the town of Monywa on May 6.PHOTO: AGENCE FRANCE-PRESSE/GETTY IMAGES)