ရှာဖွေရေး ...

PO Box 320-207, San Francisco, CA 94132-0207, USA – editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

ဘ၀တက္ကသိုလ် နှင့် မောင်မိုးသူ

      ဘ၀တက္ကသိုလ် နှင့် မောင်မိုးသူ

မောင်မိုးသူ (မော်ဒန် သတင်းဂျာနယ်တွင် ဖော်ပြပြီး)    မိုးမခ  ဇွန် ၂၆- ၂၀၁၆


          ဘ၀တက္ကသိုလ်ဆိုတာ လူတွေက အင်းစိန်ထောင်ကို ခေါ်ကြတာ။ မောင်မိုးသူလည်း အင်းစိန်ထောင်ကို နှစ်ကြိမ်တိုင်တိုင် ခုနစ်နှစ်နေထိုင်ခဲ့ဖူးသူဖြစ်တဲ့အတွက် ဦးဝင်းတင်ရဲ့ နာမည်ကျော် `ဘာလဲဟဲ့ လူ့ငရဲ´ ဆိုတဲ့စာအုပ်လို အင်းစိန်ထောင်အကြောင်းရေးမှာ မဟုတ်ပါဘူး။ ဦးဝင်းတင်ရဲ့ ` ဘာလဲဟဲ့ လူ့ငရဲ ´ စာအုပ်ထဲမှာ မောင်မိုးသူလည်း ဇာတ်ရုပ်အဖြစ် ပါဖူးပါတယ်လေ။ ထားပါတော့၊ အခု မောင်မိုးသူ ရေးမယ့် ` ဘ၀တက္ကသိုလ် ´ဆိုတာကတော့ ကိုနေ၀င်းတည်ထောင်တဲ့ မောင်မိုးသူ ကိုယ်တိုင်လည်းအများဆုံး ၀င်ရောက် ဘာသာပြန် ရေးသားပေးခဲ့တဲ့ `ဘ၀တက္ကသိုလ်´ စာပေတိုက်အကြောင်း ဖြစ်ပါတယ်။

          အရင်က ဘ၀တက္ကသိုလ်စာပေတိုက်နဲ့ ထုတ်ဝေသူ ကိုနေ၀င်းကိုမသိပါ။ ဒါပေမဲ့ မောင်ပေါ်ထွန်း ဘာသာပြန်တဲ့ Sidney Sheldon  ရဲ့ Bloodline ၀တ္ထုအဖုံးကို ပန်းချီမောင်ညိုဝင်းအိမ်ကို မျက်နှာဖုံး လာအပ်ရင်း ခင်သွားသလားမသိပါဘူး။ ကိုနေ၀င်းနဲ့ သိသွားရာက ကိုနေ၀င်းဟာ ကမ္ဘာပေါ်က အရောင်းရဆုံး best sellers ဆိုတဲ့ ၀တ္ထုတွေကို ပြည့်ပြည့်စုံစုံ ဘာသာပြန်ပြီး စာအုပ်ထုတ်တဲ့ ထုတ်မယ့်သူလို့ မောင်မိုးသူ သိရပါတယ်။ အဲသည်အချိန်မှာ မောင်မိုးသူတို့၊စန္ဒရားလှထွတ်တို့ကလည်း စာဖတ်သရဲများ ဖြစ်လေတော့ Time မဂ္ဂဇင်းထဲမှာ ပါတဲ့ အရောင်းရဆုံး ၁၀ အုပ် စာရင်းဝင် စာအုပ်များကို ရှာကြ ဖတ်ကြ လုပ်နေကြတဲ့အချိန်ပါ။ မောင်မိုးသူက ရိုးရိုးဝတ္ထုတွေသာ ဖတ်မိပေမဲ့ ကိုလှထွတ်ကတော့ သူဖတ်ပြီး ကြိုက်နေတဲ့ စပိုင်ဝတ္ထုတပုဒ်ကို မောင်မိုးသူကို ပေးဖတ်ပါတယ်။ အဲသည်ဝတ္ထုကတော့ ကင်ဖောလေးရဲ့ Eye of the Needle ဆိုတဲ့ဝတ္ထု မောင်မိုးသူ ဘာသာပြန်တော့ `ကျားကုပ်ကျားခဲ ´ ဆိုတဲ့ နာမည်နဲ့ ပြန်ဖြစ်ပါတယ်။

          ကိုနေ၀င်းကို အဲသည်ဝတ္ထု ဘာသာပြန်ပေးမယ်၊ ထုတ်မလားဆိုတော့ မောင်မိုးသူရဲ့ နှစ်ပေါင်းများစွာက `စိတ္တဇ´ ဘာသာပြန်စာအုပ်ကို ဖတ်ဖူးပုံရတဲ့ ကိုနေ၀င်းက လက်ခံပြီး ဖြစ်နိုင်ရင် ဆက်တိုက် ဘာသာပြန်ပေးဖို့ ပြောရာက မောင်မိုးသူနဲ့ ဘ၀တက္ကသိုလ်စာပေတိုက်နဲ့ ဆက်မိသွားပါတော့တယ်။ အကြောင်းတိုက်ဆိုင်ချင်တော့ မောင်မိုးသူ `ကျားကုပ်ကျားခဲ ´ဘာသာပြန်တဲ့ စာရေးဆရာ ကင်ဖောလေးဟာ နှစ်လတအုပ်၊ သုံးလတအုပ်လောက် စာအုပ်အသစ်တွေထုတ်ပြီး သူ့စာအုပ်တွေကလည်း ကမ္ဘာ့အရောင်းရဆုံး စာရင်းဝင်ဖြစ်လေတော့ မောင်မိုးသူလည်း ကင်ဖောလေးရဲ့ ၀တ္ထုတွေကို ပင်တိုင် ဆက်တိုက် ဆက်တိုက် ဘာသာပြန်ပေး ဖြစ်ပါတော့တယ်။ Tripple, Key to Rebecca, The Man from St.Petersburg ၀တ္ထုတွေ အပါအ၀င် ဆက်တိုက် ဘာသာပြန်ဖြစ်ရင်း ကိုနေ၀င်းရဲ့ ဘ၀တက္ကသိုလ်စာပေတိုက်ရဲ့ ပင်တိုင်ဘာသာပြန်စာရေးဆရာလိုလို ဖြစ်လာပါတယ်။ ပင်တိုင်နောက်တဦးကတော့ မောင်မိုးသူထက် အရင်ရောက်နေတဲ့ မောင်ပေါ်ထွန်းပါပဲ။

          မောင်ပေါ်ထွန်းနဲ့ မောင်မိုးသူတို့ဟာ ကိုနေ၀င်း စာအုပ်တိုက်မှာ ဗလာစာအုပ် တအုပ်ထဲမှာ မောင်မိုးသူ ယူငွေ၊ မောင်ပေါ်ထွန်း ယူငွေ ဆိုပြီး လက်မှတ်ထိုးပြီး ပိုက်ဆံထုတ်ကြပါတယ်။ ပိုက်ဆံထုတ်ပြီး ဘ၀တက္ကသိုလ်စာပေတိုက်တည်ရာ ၃၇လမ်း နဲ့ အနီးဆုံး ဘားဆိုင်တွေမှာ ဆုံပြီး အရက်သောက်ကြပါတယ်။ ညနေတိုင်းလိုလို ဆုံကြသောက်ကြလေတော့ မောင်မိုးသူတို့ မောင်ပေါ်ထွန်းတို့ ကိုနေ၀င်းစာအုပ်မှာ လက်မှတ်ရေးထိုး ထုတ်ယူထားတဲ့ ပိုက်ဆံဟာ စာအုပ်ထွက်ချိန်ကျတော့ ဘာမှ သိပ်မကျန်တော့ပါဘူး။

          ကိုနေ၀င်းတိုက်မှာ အဲသည်တုန်းက ယခုသရဖူ မောင်ရဲမြင့်လည်း ရှိပါတယ်။ ကိုနေ၀င်းက ရံဖန်ရံခါပဲ အရက်လိုက်သောက်တတ်ပေမဲ့ မောင်ရဲမြင့်ကတော့ မောင်ပေါ်ထွန်း၊ မောင်မိုးသူတို့နဲ့ ပေါင်းမိရာက အရက်သမားလေး ဖြစ်သွားလေသလား၊ ဒါမှမဟုတ် ပြည်သူ့ခေတ် ပြည်သူ့အရေးတွေ ထုတ်ကြတော့ ကိုမျိုးညွန့်၊ ကိုဝင်းချို တို့နဲ့ပေါင်းမိပြီး အရက်သမား ဖြစ်သွားလေသလား မသိပါဘူး။

          ဘ၀တက္ကသိုလ်စာပေတိုက်မှာ မောင်မိုးသူက ပင်တိုင်စာရေးဆရာ တာဝန်ယူရတာ တော်ရုံတန်ရုံပါ။ အဓိကတာဝန်က စာတော်ဖတ်ပေါ့လေ။ Best Sellers စာရင်းမှာပါတဲ့ စာအုပ်တွေကို ရှာရဖတ်ရတာပါပဲ။ အဓိကကတော့ မောင်နေ၀င်းနဲ့ မောင်မိုးသူ ဖတ်ကြတာပါပဲ။ ဖတ်ပြီးရင် အဲသည် ၀တ္ထုကို ဘယ်သူက ဘာသာပြန်ရင် ကောင်းမလဲ ဆိုပြီး ဘာသာပြန်စာရေးဆရာတွေ ရှာကြ၊တွေ့ကြ စာအုပ်ပြန်ပေးနိုင်ရေး လုပ်ကြရတာပါပဲ။ စာဖတ်နေရရင် ပြီးတာပဲဆိုတဲ့ စာအုပ်သရဲ မောင်မိုးသူအတွက်တော့ ရေငတ်တုန်း ရေတွင်းထဲကျသလို ဖြစ်သွားပြီး ရသမျှစာအုပ်တွေ ဒိုင်ခံဖတ်ပါတယ်။ စာအုပ်တွေလည်း ရှာရပါတယ်။ ရတဲ့ စာအုပ်တွေထဲက ဘယ်ဘာသာပြန်စာရေးဆရာနဲ့ လိုက်သလဲဆိုပြီး ဘာသာပြန်ဖို့ အပ်ရပါတယ်။ သည်လိုနဲ့ ဆရာမြ(မြသန်းတင့်) ၊ဆရာနန္ဒမိတ်တို့ဆီ မောင်မိုးသူနဲ့ ကိုနေ၀င်း ရောက်ခဲ့တာပေါ့။
          မှတ်မှတ်ရရ မောင်ပေါ်ထွန်းနဲ့ လိုက်တဲ့ ၀တ္ထုစာအုပ်ရလို့ မောင်ပေါ်ထွန်း မော်လမြိုင်က သူ့ညီမအိမ် သွားနေတာကို ကိုနေ၀င်းနဲ့ မောင်မိုးသူ လိုက်ပြီး အဲသည်စာအုပ်ကိုပေး၊ မောင်ပေါ်ထွန်းကို ဘာသာပြန်ခိုင်းရတာလည်း ရှိပါတယ်။
          တခါလည်း ကိုနေ၀င်းက မောင်ပေါ်ထွန်းနဲ့ မောင်မိုးသူတို့ကို ပြင်ဦးလွင်ကို ခေါ်သွားပြီး တယောက်တအုပ် ဘာသာပြန်ခိုင်းလို့ မောင်မိုးသူ၊ မောင်ပေါ်ထွန်းတို့ ပြန်ပေးကြရတာလည်းရှိပါတယ်။
          ဘာသာပြန်ရာမှာ မောင်ပေါ်ထွန်းဟာ အလွန်စနစ်ကျပြီး စိတ်ရှည်ပြီး အသေအချာပြန်တဲ့သူ ဖြစ်ပါတယ်။ မောင်မိုးသူက ပေါ့ပေါ့လွယ်လွယ် ထိုင်တတ်တာ၊မောင်ပေါ်ထွန်းလို ဖင်မြဲပြီး စားပွဲမှာ မထိုင်နိုင်ဘူး။ ခဏနေ ကွမ်းစားလိုက်၊ အရက်သောက်လိုက်၊ လျှောက်လိုက်လုပ်တာ။

          ဘ၀တက္ကသိုလ်စာပေတိုက်ဟာ ဘာသာပြန်စာအုပ်တွေကို အများဆုံးထုတ်ဝေပေမဲ့ တခြားစာအုပ်တွေလည်း ထုတ်ဝေပါတယ်။ နွယ်နီ နိုင်ငံတကာမဂ္ဂဇင်းလည်း ထုတ်တယ်။ တခြားစာအုပ်တွေလည်း ထုတ်တယ်။ သူ့ဆီကို ထုတ်ဖို့ စာမူလာပေးတဲ့ စာအုပ်တွေဆိုရင် မောင်ပေါ်ထွန်းတို့၊ မောင်မိုးသူတို့ကို ပြလေ့ တိုင်ပင်လေ့ရှိပါတယ်။ မောင်မိုးသူ ကြိုက်လှချည့်ဆိုတဲ့ စာအုပ် ဖိုးကျော့ရဲ့ ရခိုင်ပလိပ် ရောဂါအကြောင်းရေး ၀တ္ထုကို ဂန္တ၀င်ပဲဆိုပြီး ကိုနေ၀င်းကို အထုတ်ခိုင်းခဲ့တာ ကိုနေ၀င်းက ထုတ်ပါတယ်။ ဈေးကွက်မှာ မရောင်းရပါဘူး။ မောင်မိုးသူ မျက်နှာပျက်ရပါတယ်။

          တခါလည်း မောင်မိုးသူထက် အသက်နည်းနည်းကြီးတဲ့ စာရေးဆရာမောင်ထွန်းသူက အေဂျေကရိုနင်ရဲ့ ရဲတိုက်ဝတ္ထုကို ဘာသာပြန်ပြီး လာပို့တော့ ကိုနေ၀င်းက မောင်မိုးသူကို ပေးဖတ်ပါတယ်။ ကရိုနင်ရဲ့ ၀တ္ထုကို ဖတ်ပြီးသား၊ ကြိုက်ပြီးသားမို့ မောင်ထွန်းသူရဲ့ မြန်မာပြန်လက်ရာကို နှစ်ခန်းသုံးခန်းလောက် ဖတ်အပြီး ဘာသာပြန်တဲ့ မြန်မာစကားပြောကောင်းတယ်။ ကိုနေ၀င်း ထုတ်ပါလို့ တိုက်တွန်းတော့ ကိုနေ၀င်းက ရဲတိုက် ကို ထုတ်ပါတယ်။ မရောင်းရပါ။ တော်ပါသေးရဲ့၊ အမျိုးသားစာပေဆု ရပြီး ရောင်းရသွားလို့။

          ဘ၀တက္ကသိုလ် စာပေတိုက်ဆိုတာ တချိန်တခါသမယက မြန်မာစာပေလောကမှာ ဘာသာပြန်စာအုပ် တွေအများဆုံးထုတ်ဝေခဲ့တဲ့ စာအုပ်တိုက်တခု ဖြစ်ခဲ့ပါတယ်။ မောင်မိုးသူလည်း အဲသည်ဘ၀တက္ကသိုလ် စာပေတိုက်ရဲ့ ဘာသာပြန်စာရေးဆရာတဦး ဖြစ်ခဲ့သလို စာအုပ်တွေကို ဒိုင်ခံဖတ်ပေးတဲ့သူတယောက် ဖြစ်ခဲ့ကြောင်းပါ။
          ဘ၀တက္ကသိုလ်နှင့် မောင်မိုးသူပါ။