ရှာဖွေရေး ...

editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

မောင်မိုးသူ ● မျှော်လင့်ခြင်း၊ လက်တွေ့နှင့် ဘကြီးမိုး


မောင်မိုးသူ ● မျှော်လင့်ခြင်း၊ လက်တွေ့နှင့် ဘကြီးမိုး
(မိုးမခ) ဇွန် ၂၈၊ ၂၀၁၆

(ကုမုဒြာသတင်းဂျာနယ်ပါ မောင်မိုးသူ ဆောင်းပါးဖြစ်သည်။)

၂၀၁၅ သည် မျှော်လင့်ခြင်းနှစ် ဖြစ်ပါတယ်။ နှစ်ပေါင်း ၅၀ ကျော် စစ်အစိုးရ ပုံစံအမျိုးမျိုးနဲ့ အုပ်ချုပ် လာရာမှ ၂၀၀၈ မြန်မာ့ သမိုင်းတွင် အသေအပျောက် အပျက်အစီးအများဆုံး နာဂစ်မုန်တိုင်းဒဏ်ခံပြီးစအချိန်မှာ အခြေခံဥပဒေကို အတည်ပြုခဲ့ကြပါ တယ်။ အဲသည် နာဂစ်အခြေခံဥပဒေနဲ့ ၂၀၁၀ မှာ ရွေးကောက်ပွဲလုပ်ပါတယ်။ ရွေးကောက်ပွဲမှာ စစ်တပ်နဲ့ လူမှုအဖွဲ့အစည်း ဆိုတဲ့ ကြံ့ခိုင်ဖွံ့ဖြိုးရေးကို ပါတီအဖြစ် သတ်မှတ်ပြီး ရွေးကောက်ပွဲ ၀င်ပါတယ်။

၂၀၁၀ ရွေးကောက်ပွဲမှာ အင်န်အယ်လ်ဒီက မပါဝင်ပါဘူး။ ဒါပေမဲ့ အင်န်ဒီအက်ဖ်ဆိုသဟာ ၀င်ပြိုင်ပါတယ်။ အဲသည်တော့ ကြံ့ခိုင်က အများစု၊ တစညနဲ့ အင်န်ဒီအက်ဖ်က မဖြစ်စလောက် နိုင်ကြတယ်။ အများစုနိုင်တဲ့ ကြံ့ခိုင်ဖွံ့ဖြိုးရေးပါတီက လွှတ် တော်မှာ  အများစု အနိုင်ရပြီး သမ္မတဦးသိန်းစိန်ရဲ့ လွှတ်တော်အစိုးရ တက်လာတယ်။ သမ္မတဦးသိန်းစိန်လုပ်ဆောင်ခဲ့တဲ့ တခုတည်းသော ပြည်သူ့အလိုဆန္ဒ ဖြည့်ဆည်းမှုက မြစ်ဆုံစီမံကိန်းကို သူ့သက်တမ်း ငါးနှစ်တာမျှ ရပ်ဆိုင်းခဲ့တာဖြစ်ပါတယ်။ သည်နောက် အစိုးရအဖွဲ့ဝင်တွေ ဖြစ်သွားကြတဲ့ လစ်လပ်တဲ့ လွှတ်တော်ကိုယ်စားလှယ်နေရာ ၄၀ကျော်အတွက် ၂၀၁၂ မှာ ကြားဖြတ်ရွေးကောက်ပွဲလုပ်ပြီး အင်န်အယ်လ်ဒီ ၀င်ခွင့်ရအောင် လုပ်ခဲ့လို့ ဒေါ်အောင်ဆန်းစုကြည်နဲ့ အင်အန်အယ်လ်ဒီ ၄၀ ကျော်က ကြားဖြတ်မှာ အနိုင်ရပြီး လွှတ်တော်မှာ အတိုက်အခံရှိတဲ့ လွှတ်တော်အသွင်ဆောင်ခဲ့လို့ နိုင်ငံတကာမှ ဖြေလျှော့ မှုတွေ၊ ပိတ်ဆို့မှု ဖျက်သိမ်းတာတွေ ရရှိခဲ့ပါတယ်။

သမ္မတဦးသိန်းစိန်အစိုးရဟာ ဆင်းရဲနွမ်းပါးမှု ပပျောက်မှုအပါအ၀င် မည်မည်ရရ လုပ်ဆောင်နိုင်ခဲ့တာ ဘာမှ မရှိခဲ့ပါဘူး။ နောက်ဆုံးလတွေမှာ လုပ်ဆောင်ခဲ့တဲ့ အပစ်အခတ်ရပ်စဲရေးနဲ့ ငြိမ်းချမ်းရေးလုပ်ရပ်မှာလည်း လက်မှတ်ရေးထိုးသူတချို့ ၊မထိုးသူတချို့နဲ့ တပိုင်းတန်းလန်းထားခဲ့ရပြီး ၂၀၁၅ ရွေးကောက်ပွဲကာလ ရောက်ရှိလာခဲ့ပါတယ်။ ၂၀၁၅ ရွေးကောက်ပွဲမှာ ဒေါ်အောင်ဆန်းစုကြည်ရဲ့ အမျိုးသားဒီမိုကရေစီအဖွဲ့ချုပ်ဟာ `ပြောင်းလဲချိန်တန်ပြီ´ ဟူသော ကြွေးကြော်သံဖြင့် လွှတ် တော်သုံးရပ်စလုံး အင်ပြည့်အားပြည့်နဲ့ ကြံ့ခိုင်ရေးကို ယှဉ်ပြိုင်ခဲ့ရာမှာ အမျိုးသားဒီမိုကရေစီအဖွဲ့ချုပ်က တောင်ပြိုကမ်းပြို အနိုင်ရရှိခဲ့ပါတယ်။

လွှတ်တော်သုံးရပ်စလုံး အနိုင်ရရှိခဲ့တဲ့ အမျိုးသားဒီမိုကရေစီအဖွဲ့ချုပ်ဟာ အများစု အနိုင်ရပေမဲ့ အစိုးရဖွဲ့စည်းဖို့ကို အတော် ကြာကြာစောင့်ဆိုင်းရတာကို တွေ့ရပါတယ်။ သမ္မတဦးသိန်းစိန်ဟာ လွှဲပြောင်းပေးဖို့ တွန့်ဆုတ်နှောင့်နှေးခဲ့တာ တွေ့ရပါ တယ်။

ဒါပေမဲ့ နောက်ဆုံးကျတော့ သမ္မတဦးထင်ကျော် ခေါင်းဆောင်တဲ့ ပြည်ထောင်စုအစိုးရ ဖွဲ့စည်းနိုင်ခဲ့ပါတယ်။ သမ္မတဦးထင် ကျော်ရဲ့ အစိုးရအဖွဲ့ဟာ ယခင်ဦးသိန်းစိန်အစိုးရထက် ကျစ်ကျစ်လျစ်လျစ် ဖွဲ့စည်းခဲ့တာ တွေ့ရပါတယ်။

အမျိုးသားဒီမိုကရေစီအဖွဲ့ချုပ်ဟာ လွှတ်တော်သုံးရပ်မှာ အနိုင်ရပြီး အစိုးရ ဖွဲ့စည်းနိုင်ခဲ့ကြတာဖြစ်ပေမဲ့ လွှတ်တော်ထဲမှာ ရွေးကောက်စရာမလိုတဲ့ တပ်မတော်ကိုယ်စားလှယ် ၂၅ ရာခိုင်နှုန်း တည်ရှိနေတာကို တွေ့ရသလို ကာကွယ်ရေးဦးစီးချုပ်၊ တပ်မတော်ရဲ့ အုပ်ချုပ်မှုအောက်မှာ ကာကွယ်ရေး၊ နယ်စပ်နဲ့ ပြည်ထဲရေးတို့ ရှိနေတာကို တွေ့ရပါတယ်။ ဒုတိယသမ္မတ နေရာအတွက်လည်း တပ်မှ ဦးမြင့်တွေနဲ့ တိုင်းရင်းသား ဟင်နရီဗန်ထီးယူတို့ ခန့်အပ်ထားတာကို တွေ့ရပါတယ်။

ပြည်ထောင်စုအစိုးရအဖွဲ့သာမက တိုင်းနဲ့ပြည်နယ် ၁၄ ခုစလုံးမှာ အင်န်အယ်လ်ဒီက ၀န်ကြီးချုပ်ရာထူးကို ရယူပြီး တိုင်းနဲ့ ပြည်နယ်ဝန်ကြီးအဖွဲ့ ဖွဲ့စည်းခဲ့ပါတယ်။ အမျိုးသားဒီမိုကရေစီအဖွဲ့ချုပ်ဟာ တိုင်းနဲ့ပြည်နယ် ၁၄ ခုစလုံးမှာ အများစု အနိုင် ရခဲ့တာတော့ မဟုတ်ပါဘူး။ ရှမ်းနဲ့ရခိုင်မှာ ပြတ်သားစွာ အနိုင်ရခြင်းမရှိပေမဲ့ အစိုးရဖွဲ့စည်းတဲ့အခါမှာတော့ ၀န်ကြီးချုပ် တာ ၀န်ကို အင်န်အယ်လ်ဒီကပဲ တာဝန်ယူခဲ့ပါတယ်။

သည်လို သည်လိုနဲ့ ပြည်ထောင်စုအစိုးရကြီးနဲ့အတူ တိုင်းနဲ့ပြည်နယ် ၁၄ နေရာစလုံး ၀န်ကြီးချုပ်တွေ ဖြစ်လာပြီးတဲ့နောက် ပြည်သူ့အတွက် ရက်ပေါင်း ၁၀၀ စီမံချက်တွေ ချမှတ်ဆောင်ရွက်လာတာကို တွေ့ရပါတယ်။

တိုင်းနဲ့ပြည်နယ် အစိုးရတွေရော၊ ပြည်ထောင်စု အစိုးရကြီးကရော ပြည်သူ့အတွက် ရက် ၁၀၀ စီမံကိန်းတွေ ချမှတ် အ ကောင်အထည်ဖော်ဆောင်လာကြပါတယ်။

ဖော်ဆောင်ကြရတာက ရာဇ၀တ်မှုပပျောက်ရေး၊ မူးယစ်ဆေးဝါးပပျောက်ရေး၊ ပညာရေး၊ ကျန်းမာရေး ဖွံ့ဖြိုးရေး လုပ်ငန်းတွေ လုပ်ရန် ဆောင်ရွက်နေတဲ့နည်းတူ လယ်သိမ်းယာသိမ်း အမှုများအတွက်လည်း ဖြေရှင်းဖို့ လုပ်ကြရသလို အလုပ်ရှင် အလုပ်သမား ပြဿနာပေါင်းများစွာကိုလည်း ဖြေရှင်းရ၊ လျှပ်စစ် အပြည့်အ၀ရရှိရေး လုပ်ကြရ စသည်ဖြင့် စသည်ဖြင့် ၀န်နဲ့အား မမျှသလို ဖြစ်နေပါတယ်။ အဓိက ထိပ်ပိုင်းနေရာ တာဝန်ယူထားသူများကတော့ ပြောင်းလဲချိန်တန်ပြီ ဆိုပြီး ပြောင်းလဲဖို့ လုပ်ဆောင်နေကြပေမဲ့ အောက်ခြေ အဖွဲ့အစည်းကြီးတခုလုံးက စနစ်ဟောင်း၊ လုပ်ရပ်ဟောင်းတွေဖြစ်တဲ့ လာဘ်ပေးလာဘ်ယူ အဂတိလိုက်စားခြင်း ၊ အလုပ်မလုပ်ခြင်း စတဲ့ ခေါက်ရိုးကျိုးအခြေအနေတွေကို တွေ့ရပါတယ်။

မနေ့တနေ့က နိုင်ငံရဲ့ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ ထိုင်းနိုင်ငံကို သွားရောက်ပြီး ထိုင်းဝန်ကြီးချုပ်နဲ့ သ ဘောတူညီမှု စာချွန်လွှာသုံးခု လက်မှတ်ရေးထိုးခဲ့ပါတယ်။

ထိုင်းနိုင်ငံမှာ မြန်မာရွှေ့ပြောင်းလုပ်သားပေါင်း လေးသန်းကျော်ရှိနေပါတယ်။ အဲသည် ရွှေ့ပြောင်းလုပ်သားတွေနဲ့ ဒေါ် အောင်ဆန်းစုကြည်တွေ့ဆုံရာမှာ တိုင်းတပါးရောက် မြန်မာနိုင်ငံသားများဟာ သူတပါးရဲ့ ဥပဒေကို လေးစားပြီး နေထိုင်ကြ ရန် ပြောကြားခဲ့ပါတယ်။ ဆန္ဒအရတော့ ကိုယ့်နိုင်ငံသားတွေ အားလုံး ပြန်လာကြစေချင်တာပေါ့။ ဒါပေမဲ့ ပြန်လာကြပါလို့ ပြောရုံနဲ့ မပြီးသေးဘူး။ ပြန်လာကြတဲ့ မြန်မာပြည်သားများအတွက် စားဝတ်နေရေး၊ အလုပ်အကိုင်ရရှိရေး၊ ပညာရေး၊ ကျန်း မာရေးတို့လည်း ပြည့်စုံအောင် လုပ်ဆောင်ပေးဖို့လိုကြောင်း အတိုင်ပင်ခံပုဂ္ဂိုလ်က ပြောကြားခဲ့ပါတယ်။

ပြည်ပက ရွှေ့ပြောင်းလုပ်သားများ ပြန်လာရေးကိစ္စလိုပဲ ပြည်တွင်းက မူးယစ်ဆေးဝါးတို့ကိုလည်း ဖမ်းလို့ ဆီးလို့ မနိုင်၊ မီးရှို့ဖျက်ဆီးလို့ မနိုင်ဖြစ်နေတာတွေ့ရပါတယ်။ ရာဇ၀တ်မှုပပျောက်ရေး ကိစ္စမှာလည်း ဘားလမ်း၊ မြို့တော်ခန်းမနံဘေးမှာ အမျိုးသမီးတဦးရဲ့ လက်ကိုင်ဖုန်းကို ဓားနဲ့ထိုးလုယူမှု၊ စမ်းချောင်း အင်န်အယ်လ်ဒီကိုယ်စားလှယ် ဘိုဘိုဦးရဲ့ယောက္ခမကို ဓားနဲ့ထိုး လုယက်မှု ဖြစ်သည်အထိ ရာဇ၀တ်မှုတွေများပြားနေတာ တွေ့ရပါတယ်။ သတင်းစာ၊ဂျာနယ်တွေထဲမှာလည်း ဓားထိုးမှု၊ လုယက်မှု သတင်းတွေနဲ့ ပြည့်နှက်နေတာ တွေ့ရပါတယ်။

ပြည်သူလူထုကြီးက ပြောင်းလဲချိန်တန်ပြီ ဆိုတဲ့ အမျိုးသားဒီမိုကရေစီအဖွဲ့ချုပ်ကို တခဲနက် အားပေး ဆန္ဒမဲပေးခဲ့ကြတာ ဖြစ်ပါတယ်။ သူတို့ ဆန္ဒမဲပေးလိုက်တဲ့ အစိုးရဟာ နှစ်ပေါင်း ၅၀ ကျော် ယိုယွင်းပျက်စီးလာတဲ့ အိမ်ဟောင်းကြီး၊ ယန္တရား ဟောင်းကြီးတွေကို နတ်ရေကန်ထဲ ချလိုက်သလို ပြုပြင်ပြောင်းလဲမယ်လို့ မျှော်လင့်ယုံကြည်ထားကြတာ အမှန်ပါပဲ။ မျှော် လင့်ယုံကြည်ကြသူများက မျှော်လင့်ယုံကြည်ထားထိုက်ပါတယ်။

ဘကြီးမိုးဟာ ဦးဝင်းတင်ဖောင်ဒေးရှင်းရဲ့ နာယကတဦးဖြစ်ပြီး နိုင်ငံရေးအကျဉ်းသားများ၊အကျဉ်းသားဟောင်းများကို ကူညီထောက်ပံ့ လှူဒါန်းမှုပြုလုပ်နေရပါတယ်။ အခု အင်န်အယ်လ်ဒီ အစိုးရလက်ထက်မှာလည်း နိုင်ငံရေးအကျဉ်းသားများက ရှိသေးလို့လားလို့ သတင်းသမားတွေရဲ့ အမေးခံရပါတယ်။ ဘကြီးမိုးလည်း မလွှဲမရှောင်သာလို့ တပ်မတော်လက်အောက်မှာ ပြည်ထဲရေး ရှိနေသေးတော့ ရှိနေသေးတာပေါ့လို့ ပြောရပါတယ်။ ပြည်ထဲရေးက ဖမ်းဆီးရေး၊ တရားစီရင်ရေး ဆောင် ရွက်နေတာကိုး။ နိုင်ငံရေးအကျဉ်းသားဆိုတာ ရှိနေဦးမှာပေါ့လို့ ဖြေရပါတယ်။

ဒုသမ္မတဖြစ်တဲ့ ဟင်နရီဗန်ထီးယူဟာ ဧရာဝတီတိုင်း လယ်သိမ်းယာသိမ်းတာ ပြန်ပေးတဲ့ တပ်မြေတချို့ကို စနစ်တကျ ပြန်လည်ပြီး မူလကာယကံရှင်များ လက်ထဲရရှိအောင် လုပ်ဆောင်ကြဖို့ ညွှန်ကြားပြောဆိုတာကိုတွေ့ရပါတယ်။

မြန်မာပြည်တနံတလျား လယ်သိမ်းမြေသိမ်းမှုတွေက ဘယ်လောက် ဘယ်လောက်များပြားသလဲဆိုတာ ထိုင်းနိုင်ငံမှာ ရွှေ့ပြောင်းလုပ်သား လေးသန်းကျော်၊ မလေးရှားနဲ့ တခြားနိုင်ငံများမှာလည်း ရှိသေး။ ရန်ကုန်မြို့ရဲ့ ကျူးကျော်ဆိုတာပဲ ဘယ်လောက် ရှိနေပြီလဲ ဆိုတာ ထင်ထင်ရှားရှား မြင်တွေ့နေရပါတယ်။

အဲသည်လို လုပ်စရာ ကိုင်စရာ ပြုပြင်စရာတွေ အားလုံးကို ပြည်ထောင်စုအစိုးရအဖွဲ့တွေအားလုံး ပြည်သူ့ အတွက် ရက် ၁၀၀ ဆိုပြီး လုပ်ဆောင်နေတာ တွေ့ရပါတယ်။

ဒါပေမဲ့လည်း ဒါပေမဲ့ပေါ့လေ မျှော်လင့်ထားသလိုတော့ ပြုပြင်ပြောင်းလဲမှု ဖြစ်မလာသေးတာကို တွေ့ရပါတယ်။

ဒါဟာ ရက် ၁၀၀ နဲ့ လုပ်နိုင်တဲ့ကိစ္စ မဟုတ်ပါ။ စဉ်ဆက်မပြတ် အားကြိုးမာန်တက် လုပ်ဆောင်ကြရမယ့် ကိစ္စဖြစ်ပါတယ်။

အဲသည်လို ပြုပြင်ပြောင်းလဲမှု လုပ်ဆောင်ကြရာမှာလည်း အစိုးရကသာ လုပ်ရမှာ မဟုတ်ပါဘူး။ ၀န်ထမ်းအားလုံးကလည်း လုပ်ဆောင်ကြရမှာ ဖြစ်သလို ပြည်သူများကလည်း ၀ိုင်းဝန်းကူညီကြမှသာ ပျက်စီးယိုယွင်းနေတဲ့ အိမ်ဟောင်းကြီး၊ ယန္တရား ဟောင်းကြီးကို ပြုပြင်ပြောင်းလဲနိုင်ကြမှာ ဖြစ်ကြောင်း။

မျှော်လင့်ခြင်း၊ လက်တွေ့နှင့် ဘကြီးမိုးပါ။