ရှာဖွေရေး ...

PO Box 320-207, San Francisco, CA 94132-0207, USA – editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

ပြည်သူ့အင်အားက စစ်တပ်ရဲ့ တင့်ကားတွေကို အနိုင်ယူ



ပြည်သူ့အင်အားက စစ်တပ်ရဲ့ တင့်ကားတွေကို အနိုင်ယူ
People Power wins Military Tanks in Turkey's Coup Attempt
(မိုးမခ) ဇူလိုင် ၁၆၊ ၂၀၁၆

တူရကီနိုင်ငံတွင် စစ်တပ်က အာဏာသိမ်းရန် ကြံစည်မှု ဖြစ်ပွားခဲ့သော်လည်း ယခု နောက်ဆုံးရ သတင်းများ အရ အရပ်သား အစိုးရအဖွဲ့က အခြေအနေကို ထိန်းသိမ်းနိုင်ခဲ့ပြီ ဖြစ်သည်ဟု သိရသည်။ တူရကီ သမ္မတ Erdogan က အာဏာသိမ်းရန် ကြံစည်မှု ကို ရှုတ်ချလိုက်ပြီး သစ္စာဖောက်မှု အဖြစ် အစ္စတန်ဘူလ်မြို့တော်က တိုက်ရိုက်ထုတ်လွှင့်သည့် ရုပ်သံမိန့်ခွန်းတွင် ပြောကြားလိုက်သည်။ ကြံစည်သူများကို ပြင်းပြင်းထန်ထန် အရေးယူမည်ဟုလည်း သမ္မတက ဆိုသည်။

အာဏာသိမ်းရန် ကြိုးစားခဲ့မှုတွင် တူရကီစစ်တပ်၏ ထိပ်ပိုင်း ဗိုလ်ချုပ်ကြီးများ မပါဝင်ဘဲ စစ်တပ်၏ အစိတ်အပိုင်းတစ်ခုသာ ပါဝင်ခဲ့သည်။

တူရကီ နိုင်ငံသား လူထုတချို့ကလည်း အိမ်အပြင်မထွက်ရန် သတိပေးပြောဆိုထားမှုကို ဆန့်ကျင်ပြီး မြို့တော် အန်ကာရာ နှင့် အစ္စတန်ဘူလ် ရှိ လမ်းမများပေါ်တွင် "ငါတို့မှာ ဝန်ကြီးချုပ် ရှိတယ်၊ ကာကွယ်ရေးဦးစီးချုပ် ရှိတယ်၊ တိုင်းပြည်ကို လူယုတ်မာတွေလက်ထဲ ဝကွက်မအပ်နိုင်ဘူး" အစရှိသည့် စစ်အာဏာသိမ်းမှုကို ဆန့်ကျင်သည့် ကြွေးကြော်သံများကို ဟစ်ကြွေးကြပြီး နိုင်ငံတော် အလံများကို လွှင့်ထူကာ စစ်တပ်၏ တင့်ကားများအပေါ် တက်ရောက်ကြသည်။

ဝန်ကြီးချုပ် Yildirim ကလည်း ဖြစ်ပွားခဲ့သည့် အခြေအနေ အရပ်ရပ်ကို အကောင်းဆုံး နိုင်နင်းစွာ ထိန်းသိန်းနိုင်ခဲ့ပြီဖြစ်ကြောင်း၊ မြို့တော် အန်ကာရာ တွင် လေယာဉ်မပျံသန်းရ ဧရိယာ သတ်မှတ်ထားပြီး မပျံသန်းရဇုံအတွင်း အာဏာသိမ်းရန် ကြိုစားသူများ အသုံးပြုသည့် လေယာဉ်ပျံများကို ပစ်ချရန် စစ်တပ်ကို အမိန့်ပေးထားကြောင်း၊ ယခုအချိန်အထိ စစ်အာဏာသိမ်းရန် ကြံစည်သူ အယောက် ၁၃၀ ကို ဖမ်းဆီးထားပြီ ဖြစ်ကြောင်း ပြောကြားခဲ့သည်။

အင်ကာရာ တိုက်ခိုက်မှုတွင် လူ အယောက် ၄၃ ယောက် သေဆုံးကြောင်း တူရကီ မီဒီယာများက ဖော်ပြထားသည်။