အောင်ခိုင်မြင့် - စစ်နှင့် စနစ်၏သားကောင်များမှ စုပေါင်းတည်ထောင်ခဲ့သောနိုင်ငံ



အောင်ခိုင်မြင့် - စစ်နှင့် စနစ်၏သားကောင်များမှ စုပေါင်းတည်ထောင်ခဲ့သောနိုင်ငံ
(မိုးမခ) ဇူလိုင် ၂၆၊ ၂၀၁၆

ဦးနှောက်၏ အတွေးအခေါ်များကို ပိတ်ဆို့့မနေစေလျက် အရာရာကို တရားသေ တသမတ်ထဲမထားပဲ ခေတ်နှင့်ဆီလျော်သော အတွေးသစ် အမြင်သစ်များဖြင့် ပြုပြင်ပြောင်းလဲတတ်သော စိတ်ဓာတ်သည်ပင်လျှင် တိုးတက်သစ်လွင်ခြင်း၏ အသီးအပွင့်ကို ခံစားနေရခြင်း ဖြစ်ဟန်တူသည် ။

ကောင်းကင်တခုထဲအောက်၌ မတူညီသော လူမျိုးများ ၊ ကွဲပြားခြားနားသော သာသာတရားများ ၊ အသွေးအရောင်စုံ သည့် အသားအရောင်များ ၊ အနယ်နယ်အရပ်ရပ်မှ ယဉ်ကျေးမှုများ ၊ အမြောက်အမြား ဘာသာစကားများကို စုပေါင်းပြီး လူသားအချင်းချင်းတန်ဖိုးထားသည့် လူသားဝါဒအား အခြေခံသော ဓမ္မဒိဌာန်ကျကျ တွေးခေါ်စဉ်းစားနိုင်မှုကပင်လျှင် ငြိမ်းချမ်းတိုးတက်သော တိုင်းပြည်အဖြစ် ကမ္ဘာ့အလယ် ပွဲလယ်တင့်တယ်နေရပါသည် ဟုဆိုလျှင် မှားမည် မထင်ပါ ။

ကနေဒါနိုင်ငံတွင် ၂၀၁၆ ခုနှစ် သန်းခေါင်စာရင်း စစ်တမ်းအရ လူဦးရေ ၃၆ သန်းရှိပြီး မတူညီ ကွဲပြားသည့် လူမျိုးနှင့်ဘာသာစကားများ မျိုးစုံထဲမှ တစ်ချို့ ကို တင်ပြရသော် အင်္ဂလိပ်စကားပြောသူ ( ၁၈ )သန်းကျော် ၊ပြင်သစ်စကားပြောသူ (၇ )သန်း ကျော်၊ တရုတ်စကားပြောသူ ( ၁ )သန်းကျော် ၊ အီတလီစကားပြောသူ ( ၄ )သိန်းကျော် ၊ ဂျာမန်စကားပြောသူ ( ၄ ) သိန်းကျော် ၊ စပိန်စကားပြောသူ ( ၄ )သိန်းကျော် ၊ အာရပ်စကားပြောသူ ( ၃ )သိန်းကျော် ၊ ဂရိစကားပြောသူ ( ၁ )သိန်းကျော် ၊ ဒတ်ခ်ျစကားပြောသူ ( ၁ ) သိန်းကျော် စသည်ဖြင့် ( ၁၂ ) မျိုး ဟင်းချိုလို အမျိုးစုံလင်လှပေသည် ။

ကမ္ဘာကြီးသည် သက်ဦးဆံပိုင် ဘုရင် စနစ် ၊ မြေရှင်ပဒေသရာဇ် စနစ် ၊ အရင်းရှင်စနစ် ၊ ဆိုရှယ်လစ် စနစ် ၊ကွန်မြူနစ် စနစ်များ နှင့် ရင်ချင်းကပ် ကျောချင်းထပ်လုနီးပါး အငို အလွမ်း အမျိုးမျိုးရသ စုံလင်စွာ နှစ်ပါးသွားကပြ အသုံးတော်ခံ ခဲ့ဘူးသည် ။ စစ်ဘေး စစ်ဒဏ် နှင့်စနစ်ဆိုးများ၏ ပြင်းထန်သော ရိုက်ချက်များကြောင့် တိုင်းသူပြည်သားများသည် ဒုက္ခမှ ဘ၀လွတ်မြောက်ရာ လွတ်မြောက်ကြောင်း တိုင်းပြည်ကို စွန့် ခွာထွက်ပြေးလျက် ဒုက္ခသည်များဖြစ်သွားသည့် လူမျိုးများသည် ရှေးယခင်ကစတင်ကာ ယခုတိုင်အောင်ဖြစ်ပွားနေဆဲ ဖြစ်ပေသည် ။

၁၈၄၀ ခုနှစ် ၀န်းကျင်ကာလများတွင် အိုင်ယာလန်နိုင်ငံ၌ မြေပိုင်ရှင်ကြီးများ၏ ခေါင်းပုံဖြတ် ဖိနှိပ်မှုများ အပါအ၀င် အာလူးစိုက်ခင်းများ၏ ပျက်ဆီးခြင်းကြောင့် အငတ်ဘေးကပ်ဆိုးကြီး ဆိုက်ရောက်ခဲ့ကာ လူဦးရေ ၁ သန်းကျော် သေဆုံးခဲ့ရပေသည် ။ ထို့ ကြောင့် အိုင်ယာလန်မှ ထောင်ပေါင်းများစွာသော တောင်သူလယ်သမားများသည် မြေပိုင်ရှင်ကြီးများကို လယ်မြေငှားရမ်းခများ မပေးနိုင်သည့် ပြဿနာများ နှင့် အတူ ၊ ရက်စက်ဗိုလ်ကျ နှိပ်စက်သော မြေပိုင်ရှင်ကြီးများအောက်မှ လွတ်မြောက်ရာ လွတ်မြောက်ကြောင်း ရွက်လှေ သဘောင်္များဖြင့် ကမ်းမမြင် လမ်းမမြင် သမုဒ္ဒရာကို ဖြတ်သန်းလျက် မြောက်အမေရိကတိုက်ကို ထွက်ပြေးခိုလှုံ ခဲ့ကြပေသည် ။

သမုဒ္ဒရာကြီးကို ဖြတ်သန်းကာ ထွက်ပြေးလာခဲ့သော အိုင်းရစ်လယ်သမားများသည် အနာဂတ်တွင် ကောင်းမွန်သော ဘ၀များကို ပိုင်ဆိုင်ရမည်ဟူသော မျှော်လင့်ချက်များ ၊ ယုံကြည်ချက်များရှိခဲ့သော်လည်း ၄င်းအချိန်က အဆိုပါ သဘောင်္အများအပြား သမုဒ္ဒရာတွင် နစ်မြုပ်ပျောက်ဆုံးကုန်သဖြင့် Ghost တစ္ဆေသရဲသဘောင်္များဟု တင်စားခေါ်ဝေါ်ခဲ့ကြသည် ။ ထွက်ပြေးလာသော အိုင်းရစ်များထဲမှ ကံကောင်းထောက်မသူများသာ ကနေဒါနိုင်ငံ ၏ အန္တလန်တိတ်သမုဒ္ဒရာကမ်းခြေ၏ မြို့ များတွင် သဘောင်္ကမ်းကပ် သောင်တင် လျက် အသက်ရှင်ခွင့်ရခဲ့ပေသည် ။ကနေဒါနိုင်ငံ၌ ကမ်းကပ် အသက်ရှင်သူများ အထဲမှပင် ၁၈၄၇ခုနှစ်တွင် တနေ့  ( ၅၀ )ယောက်ခန့် သေဆုံးလျက် အိုင်းရစ်ကလေးသူငယ်များသည် မိဘမဲ့များဖြစ်ကာ ကနေဒါနိုင်ငံသားများမှ အဆိုပါကလေးများအား မွေးစားခဲ့ရပေသည် ။ အထက်ပါ ထွက်ပြေးလွတ်မြောက်လာသူများထဲမှ အိုင်းရစ်လူမျိုးတစ်ဦးဖြစ်သော Thomas D'Arcy McGee သည် ကနေဒါဖယ်ဒရယ်ပြည်ထောင်စုတည်ထောင်ရာ၌ အဓိက ပါဝင်ခဲ့သူတစ်ဦးအဖြစ် သမိုင်းမှတ်တမ်းရှိပေသည် ။

အထက်ပါ အိုင်းရစ်လူမျိုးများ၏ အဖြစ်သည် ယခုအခါသမယတွင် ရေပန်းစားနေသော ဆီးရီးယားစစ်ပြေးဒုက္ခသည်များနည်းတူ ကမ်းမမြင် လမ်းမမြင် ပင်လယ်ပြင်အား မျှော်လင့်ချက် ကိုယ်စီဖြင့် လှေစီး ဖြတ်သန်းသည့်နည်းနှင့် သိပ်ပြီးကွဲပြားခြားနားမည် မထင်ပါ။ ကနေဒါအစိုးရမှ ဆီးရီးယားစစ်ပြေး ဒုက္ခသည် ၂သောင်းခွဲကို ၂၀၁၅ခုနှစ်တွင် ကနေဒါနိုင်ငံ၌ ခိုလှုံအခြေချနေထိုင်ခွင့်ပေးခဲ့ပေသည် ။

အထက်ပါ အဖြစ်အပျက်များနည်းတူ ပထမကမ္ဘာစစ် ၊ ဒုတိယကမ္ဘာစစ် စစ်ဘေးစစ်ဒဏ်များမှ လွတ်မြောက်ရာ လွတ်မြောက်ကြောင်းထွက်ပြေးတိမ်းေ၇ှာင်လာသော ဥရောပနိုင်ငံများမှ လူမျိုးပေါင်းစုံသည် ကနေဒါနိုင်ငံတွင် အခြေချနေထိုင်ခဲ့ကြပေသည် ။ တရုတ်နိုင်ငံသားများသည် လည်း အလုပ်အကိုင်အခွင့်အလမ်းများအတွက် လွန်ခဲ့သော နှစ်တရာကျော်ကပင် ကနေဒါသို့ လာရောက်ခဲ့ကြသူများရှိသလို ဟောင်ကောင်ကို တရုတ်ပြည်မကြီးသို့ လွှဲပြောင်းပေးပြီးနောက် တရုတ်လူမျိုးအမြောက်အများသည် ကနေဒါနိုင်ငံကို ခိုလှုံအခြေချခဲ့မှုများရှိခဲ့ပေသည် ။

ကမ္ဘာကြီးသည် ရွာကြီးတရွာလို ဖြစ်လာသကဲ့သို့ ကနေဒါနိုင်ငံသည်လည်း လူမျိုးပေါင်းစုံ အတူတကွ သာတူညီမျှကောင်းစားရေးနှင့် အေးအတူပူအမျှ ယှဉ်တွဲ နေထိုင်အသက်ရှင်နေထိုင်ရေးကို ရှေ့ ရှုကာ ဖယ်ဒရယ်ဒီမိုကရေစီပြည်ထောင်စုကို တည်ဆောက်ခဲ့ခြင်းက စိတ်ဝင်စားဖွယ်ကောင်းလှပေသည်။

ကနေဒါနိုင်ငံ၏ လူမျိုးကြီး နှစ်မျိုးဖြစ်သော အင်္ဂလိပ်နှင့် ပြင်သစ်လူမျိုးတို့ သည် စစ်ပွဲများကို ရပ်ဆိုင်းကာ ငြိမ်းချမ်းစွာ အတူတကွ ယှဉ်တွဲ နေထိုင်လျက် တိုင်းပြည်တည်ဆောက်ရေးကို အတူတကွ လက်တွဲခဲ့ကြခြင်းသည်ပင် နိုင်ငံ့ကြီးသားပီသမှုဟု သမုတ်ရပေမည်လား မသိပေ ။ကနေဒါနိုင်ငံ၌ အင်္ဂလိပ်နှင့် ပြင်သစ်လူမျိုးများ တဖက်နှင့်တဖက် စစ်ခင်းလျက် အမြစ်ပြတ်ခြေမှုန်းလို့ မဖြစ်နိုင်မှန်းသိလာသော အခါ တဖက်နှင့် တဖက် တိုင်းချစ်ပြည်ချစ်စိတ်ဓာတ်ချင်း ပြိုင်ခဲ့ကြပေသည်လားမသိ ။ခေတ်မီ ဖွံ့ ဖြိုးတိုးတက်သော ကမ္ဘာ့စက်မှုနိုင်ငံ G7 နိုင်ငံတနိုင်ငံ ဖြစ်နေပေပြီ။

ဖယ်ဒရယ်ပြည်ထောင်စုကို တည်ဆောက်ရာ၌ ပြည်နယ်များသတ်မှတ်ရာတွင် ပထ၀ီမနေအထားအရ သတ်မှတ်မည်လား လူမျိုးအရသတ်မည်လားဆိုရာ၊ လက်ရှိအဖြစ်သနစ်ကို ဓမ္မဒိဌာန်ကျကျ ရှုမြင်သုံးသပ်ပြီး နေရာတိုင်းတွင် နှစ်ပေါင်းများစွာ လူမျိုးပေါင်းစုံ အတူတကွနေထိုင်ခဲ့ကြရာ သွေးရော သွေးနှောကုန်ပြီဖြစ်သဖြင့်
ပြည်နယ်ကို လူမျိုးအလိုက်မသတ်မှတ်ခဲ့ပေ ။

ဖယ်ဒရယ်ပြည်ထောင်စုတွင် ဗဟိုအစိုးရနှင့် ပြည်နယ်အစိုးရကြား အာဏာကို သဘာဝကျစွာ ခွဲဝေယူခဲ့ပေသည် ။ဆိုလိုသည်မှာ ပညာရေး ၊ ကျန်းမာရေးကို သက်ဆိုင်ရာပြည်နယ်များအား အပြည့်အ၀လုပ်ကိုင်ခွင့်ပေးပြီး ဗဟိုအစိုးရမှလိုအပ်သလို နှစ်စဉ် တိုင်းပြည်ဘဏ္ဍာငွေပေါ်မူတည်ကာ ပြည်နယ်အစိုးရအား ကူညီထောက်ပံ့မှုများရှိပေသည် ။ ကာကွယ်ရေး ၊ နိုင်ငံ့ခြားရေးနှင့် ပြန်ကြားရေး ၊ဆက်သွယ်ရေးလုပ်ငန်းများကို ဗဟိုအစိုးရမှ တာဝန်ယူ စီမံခန့် ခွဲပေသည် ။ရွေးကောက်ပွဲတွင် မည်သည့်ပါတိမှ အနိုင်ရစေကာမူ ကောင်းမွန်သော ဖွဲ့ စည်းအုပ်ချုပ်ပုံက တိုင်းပြည်နှင့် လူမျိုးအား အကာအကွယ်ပေးနေပေသည် ။

ကောင်းမွန်သော အစိုးရ အောက်မှာ တရားမျှတမှုများနှင့် ငြိမ်းချမ်းသော တိုင်းပြည်ဖြစ်စေရန် ၁၈၆၇ ခုနှစ်တွင်ရေးဆွဲခဲ့သော ကနေဒါနိုင်ငံ၏ ဖွဲ့့စည်းအုပ်ချုပ်ပုံအခြေခံဥပဒေကို ခေတ်နှင်အညီ ပြုပြင်ပြောင်းလဲဖို့ အမြဲတမ်း တံခါးဖွင့်ထားခြင်းသည်ပင် ဆန်းသစ်သော အတွေးအခေါ်ဖြစ်လျက် နေပေသည် ။လောကအလယ် အဟောင်းနှင့်အသစ်တို့ ၏ ဖြစ်တည် အားပြိုင်မှုအားကြိုဆိုရင်း ဥပဒေ၏ခိုင်မြဲသောအုတ်မြစ်ကို စားပွဲဝိုင်း၌ စုပေါင်းဆွေးနွေးညှိနှိုင်းအဖြေ၇ှာခဲ့ကြသည်။ ခေတ်အဆက်ဆက် လူဖြစ်မရှုံးဖို့ လူသားပီသဖို့ လူသားဝါဒကိုအခြေခံကာ လူ့ အခွင့်အရေးကို လေးစားလိုက်နာသော တိုင်းပြည်နှင့်လူမျိုးအဖြစ်တည်ဆောက်လျက် ကမ္ဘာ့အလယ် ကနေဒါနိုင်ငံအား ရွှေရောင်လို အရောင်လက်စေခဲ့သည် ။

ကနေဒါ နိုင်ငံသည် ပန်းပေါင်းစုံ ပွင့်လန်းနေသော ရုက္ခဗေဒဥယျာဉ်ကြီးကဲ့သို့ ခေတ်ကောင်း စနစ်ကောင်းဖြင့် လှပသက်ဝင်နေပုံက စိတ်ဝင်စားဖို့ ကောင်းပေသည် ။ကမ္ဘာနိုင်ငံအသီးသီးမှ အရောင်အသွေးစုံသော လူမျိုးပေါင်းစုံသည် လောကအလယ် လူမှုဒုက္ခမျိုးစုံမှ လွတ်မြောက်ရာလွတ်မြောက်ကြောင်းေ၇ကြည်ရာ မြက်နုရာရှာရင်း အကြောင်းအမျိုးမျိုးကြောင့် ကနေဒါနိုင်ငံသို့ လာရောက်အခြေချနေထိုင် ခဲ့ကြသည် ။ ဒီမိုကရေစီထွန်းကားမှုဖြင့် လွတ်လပ်မှု ၊တရားမျှတမှု ၊ငြိမ်းချမ်းမှုအောက်၌ မတူညီမှုများကို ဟန်ချက်ညီညီ ပေါင်းစပ်နိုင်မှုကပင်လျှင် ငြိမ်းချမ်းလေးနက်သည့် အတွေးသစ် အမြင်သစ်များဖြင့် ခေတ်ကို အလှဆင်နေသည့် နိုင်ငံအဖြစ် ကနေဒါနိုင်ငံသူ နိုင်ငံသားများကလည်း ခံယူထားကြဟန်တူသည် ။

ကနေဒါနိုင်ငံတွင် လူကရေးဆွဲထားသော မူဝါဒများသည် စိတ်ဝင်စားဖို့ အရမ်းကောင်းသလို တရားဥပဒေကို လေးစားလိုက်နာသည့် လူမျိုးအဖြစ်လည်း အတုယူနိုင်ကြလျှင် အချိန်ယူမှတ်သားထားသမျှ ပြန်လည်တင်ပြရကျိုးနပ်မည် ထင်ပါသည် ။

ကျောသား ရင်သားမခွဲခြားပဲ စစ်နှင့် စနစ်၏သားကောင်များမှ စုပေါင်းတည်ဆောက်ခဲ့သောနိုင်ငံဟု ကင်မွန်းတပ် အမည်ပေးရမလို ဖြစ်သော ကနေဒါနိုင်ငံသည် ကမ္ဘာတည်သ၍ တည်ရှိနေမှာ သေချာပေသည် ။

မြန်မာဆိုးရိုးစကားတခု အရ ထမင်းကောင်း ဟင်းကောင်းစားရင် မိတ်ကောင်းဆွေကောင်း မိတ်ဆွေအပေါင်းအသင်းများကို သတိယ သည် ဟူသော ဆိုရိုးစကားရှိပေသည် ။ ထို့ ကြောင့်လည်း မြိန်ရာဟင်းကောင်း ခင်ရာဆွေမျိုးဟု ပြောစမှတ်ပြုခဲ့ကြလေသလားဟု စဉ်းစားတွေးခေါ်မိပါသည် ။ယခုလည်း ဖယ်ဒရယ်ပြည်ထောင်စုစနစ်တည်ဆောက်ထားသော ကနေဒါနိုင်ငံ၏ (၁၄၉ )နှစ်ပြည့်မြောက်ဖြစ်သည့် ၂၀၁၆ခုနှစ်တွင် ဖယ်ဒရယ်ပြည်ထောင်စုတည်ထောင်မည့် အမိမြန်မာပြည်ကို ဆိုင်းမဆင့် ဗုံမဆင့်ပဲ ၀င်ရောက်လာသော သတိရစိတ်များ ပြင်းထန်နေမိသည် ။

မြန်မာနိုင်ငံတွင် ခေတ်အဆက်ဆက်၌် စနစ်၏ သားကောင်းများဖြစ်ခဲ့ကြသော့ တိုင်းရင်းသားလူမျိုးပေါင်းစုံသည် နယ်ချဲ့ အား အတူတကွ တိုက်ထုတ်ခဲ့ကြသလို စစ်အာဏာရှင်စနစ်ကိုလည်း မကြိုက်နှစ်သက်ဖြစ်ပုံခြင်းလည်း အသွင်တူပေသည် ။ထို့ ကြောင့် ၂၁ရာစုပင်လုံညီလာခံတွင် အတွေးသစ် အမြင်သစ်ဖြင့် အမျိုးသားပြန်လည်သင့်မြတ် ရင်ကြားစေ့ရေးမူဖြင့် နိုင်ငံရေးပြဿနာကို နိုင်ငံရေးနည်းဖြင့် တွေ့ ဆုံဆွေးနွေးအဖြေရှာကာ စစ်ကြောင့် ဆင်းရဲတွင်းနက်နေသည့် တိုင်းပြည်နှင့် လူမျိုးမျက်နှာကို ထောက်ထားလျက် အလျော့အတင်း အပေးအယူ မျှတသည့် စိတ်ဓာတ်အားအလေးအနက်ထားကာ ဖယ်ဒရယ်ဒီမိုကရေစီပြည်ထောင်စုကို တည်ဆောက်ရန် ဥိးတည်ချက် ၊ရည်ရွယ်ချက်ကောင်းများထားရမည့် အချိန်ကာလဖြစ်ပေသည်။ တချိန်ထဲတွင်ပင် တိုးတက်ငြိမ်းချမ်းသောတိုင်းပြည်အဖြစ် စုပေါင်း တည်ဆောက်လျက် တိုင်းရင်းသားအားလုံး အေးအတူ ပူအမျှ အတူတကွယှဉ်တွဲနေထိုင်ရေးသည် ကမ္ဘာ့အလယ် သိက္ခာရှိသော လူမျိုးဖြစ်ရန် အသက်တမျှအရေးကြီးနေကြောင်း ခေတ်သမိုင်းက တောင်းဆိုနေပေသည် ။

၂၃ ဇူလိုင်လ ၂၀၁၆
ကိုးကား ။

http://www.worldometers.info/world-popul…/canada-population/

http://www.cbc.ca/history/EPCONTENTSE1EP8CH1PA4LE.html

http://www.statcan.gc.ca/…/sum-som/l01/cst01/demo11a-eng.htm