မြန်မာပြည် ရေရှည်အတွက် ပါတီစုံဒီမိုကရေစီဟာ အကောင်းဆုံးပဲ


မြန်မာပြည် ရေရှည်အတွက် ပါတီစုံဒီမိုကရေစီဟာ အကောင်းဆုံးပဲ
စက်တင်ဘာ ၂၃၊ ၂၀၁၆ ရက်နေ့ CNN နှင့် ဒေါ်အောင်ဆန်းစုကြည့်တို့ တွေဆုံမေးမြန်းခန်း
(မိုးမခ) စက်တင်ဘာ ၂၇၊ ၂၀၁၆

Spring Flower လှုမှုကွန်ရက်စာမျက်နှာပေါ်မှ ပြန်လည်ကူးယူပါသည်။

CNN ။ ။ လူအများကို နားလည်ရခက်နေစေတဲ့မေးခွန်းကနေ ကျနော် စမေးရမှာပါဘဲ။ ဒေါ်စုတို့နိုင်ငံကို ဘယ်လိုခေါ်ပါသလဲ။
SUU ။ ။ တရားဝင် အခု Myanmar လို့ ခေါ်ပါတယ်။ အရင်ကတော့ အင်္ဂလိပ်လို Burma လို့ ခေါ်ခဲ့ပါတယ်။ ဒါကိုဘဲ ကျမ တို့ဘာသာစကားနဲ့ Myanmar လို့ ပြောဆိုရည်ညွှန်းကြပါတယ်။ မြန်မာဆိုတာ ကျမတို့အသံထွက်ဆိုပါတော့။

CNN ။ ။ ကုလသမဂ္ဂမိန့်ခွန်းမှာ ဒေါ်စုက Myanmar လို့သုံးခဲ့တာကို ကျနော်သတိထားမိလို့ပါ။ အရင်ကဆို Burma လို့ဘဲ သုံးလေ့ရှိတယ်လေ။ ဒေါ်စုရဲ့လက်ရှိအနေအထားရာထူးကြောင့် တမင်တကာ ပြောင်းသုံးခဲ့လား။
SUU ။ ။ ကျမတို့က Myanmar ဆိုတဲ့နာမည်နဲ့ ကုလသမဂ္ဂမှာ အသင်းဝင်နိုင်ငံဖြစ်နေလို့ပါ။ လက်ရှိအချိန်မှာ ကျမတို့အနေနဲ့ အစိုးရဖြစ်နေလို့ဆိုပြီး အရာရာကို ပြင်ပစ်ရမယ်လို့ ကျမ မယူဆပါဘူး။ ဒါက (စိတ်ဓါတ်) အင်အားကိုပြလိုက်တဲ့သဘောဆိုပါတော့။ အရင်ပြောခဲ့သလိုဘဲ ကျမတို့လိုချင်တာက ရင်ကြားစေ့ ပြေလည်ရေးပါ။ လွှမ်းမိုးချုပ်ကိုင်ခြင်း မဟုတ်ပါဘူး။

CNN ။ ။ အရင်က အိမ်အကျယ်ချုပ်ကျနေခဲ့တဲ့ အတိုက်အခံတစ်ယောက်အဖြစ်ကနေ အခုအစိုးရအဖွဲ့ခေါင်းဆောင်ဖြစ်လာခဲ့တဲ့အပေါ် ဒေါ်စု ဘယ်လိုခံစားရပါသလဲ။
SUU ။ ။ အိမ်အကျယ်ချုပ်ကျနေတုန်းကလည်း ကျမအဖို့ ဆုံးဖြတ်ချက်တွေ အများကြီးချခဲ့ရတာပါဘဲ။ လိုတာထက်တောင် ပိုလိမ့်ဦးမယ် (ရယ်လျှက်)။ ဘာလို့လည်းဆိုတော့ တယောက်တည်း ရှင်သန်ရတာလေ။ ဘယ်သူမှမရှိဘဲ တဦးတည်း နေ့ တိုင်းနေ့တိုင်းကို ဖြတ်သန်းဖို့ဆိုတာ အရေးကြီးတဲ့ဆုံးဖြတ်ချက်တွေ အများကြီးလိုပါတယ်။ ပတ်ဝန်းကျင် အခင်းအကျင်း ကတော့ ကွာတာပေါ့။ ဒါပေမယ့် အတိုက်အခံခေါင်းဆောင်တစ်ယောက်အနေန လုပ်နေခဲ့တာနဲ့ အခုလုပ်နေတာမှာ သိပ် ကွာလှတယ်လို့တော့ ကျမ မထင်ပါဘူး။

CNN ။ ။ ဒေါ်စုအနေနဲ့ နယ်ဆင်မင်ဒဲလားနဲ့ နှိုင်းယှဉ်ခံရမှုမျိုးတွေကို စဉ်းစားမိပါသလား။ ကမ္ဘာကြီးကို မင်ဒဲလား သင်ပြပေးခဲ့ တာက ''ခွင့်လွှတ်ခြင်း'' တရားလို့ ထင်ပါတယ်။ သူက သူ့ကို (၂၅) နှစ်ကျော် မတရားထောင်ချထားခဲ့သူတွေအပေါ် ခွင့် လွှတ်ခဲ့တယ်လေ ။
SUU ။ ။ (ရယ်လျက်) လူတွေက ကျမကို ''ခွင့်လွှတ်ခြင်း'' ဆိုတဲ့ကိစ္စအကြောင်းကို မေးတတ်ကြတယ်။ ကျမ အမြဲရှင်းပြပါ တယ်.....ခွင့်လွှတ်တယ်၊ မလွှတ်ဘူးဆိုတာ ကျမလုပ်ရမယ့်ကိစ္စမဟုတ်ပါဘူး။ တကယ်လည်း ကျမမှာ နာကျည်းခါးသီးတဲ့ ခံစားချက်ဆိုတာမျိုး မရှိပါဘူး။ ဒါက ကျမရဲ့ သိပ်ကိုကံကောင်းတဲ့အချက်လို့ဘဲ ထင်ပါတယ်။ မွေးရာပါဆိုတာမျိုးလည်း ဖြစ် နိုင်ပါတယ်။ ဘဝအပေါ်ထားတဲ့ သဘောထားအမြင်လည်း ဖြစ်ကောင်းဖြစ်မယ်။ ကျမအပေါ် (လူတွေက) ဘယ်လိုလုပ် သွားကြ တယ်ဆိုတာတွေကို ကျမ သိပ်မှတ်မထားတတ်ဘူး။ ကျေးဇူးတရားကိုတော့ နက်နက်နဲနဲ ခံစားတတ်တဲ့ စိတ်ရှိပါ တယ်။ ကျမအတွက် ကောင်းတာလေးတစ်ခုခုကို လုပ်ပေးခဲ့ဖူးသူတယောက်ကိုမှ ကျမ မမေ့ပါဘူး။ မမေ့အောင်လည်း ကြိုးစားပါတယ်။ သူများက ကျမတို့အပေါ် ပြုမူသွားတဲ့ မကောင်းမှုကို ကျမအကြာကြီး တွေးမနေတတ်တာ ကျမကံကောင်း တယ်လို့ဘဲ ထင်ပါတယ်။ ကျမတစ်ယောက်တည်းအပေါ် လုပ်တာမျိုးတင်မဟုတ်ဘဲ ကျမတို့အဖွဲ့အစည်းအပေါ် ဘယ်သူက ဘယ်လိုလုပ်သွားတယ်ဆိုတာမျိုးတွေလည်း ကျမ အကြာကြီး တွေးမနေတတ်ပါဘူး။

CNN ။ ။ ဒေါ်စုတို့တိုင်းပြည်က စစ်အုပ်ချုပ်မှုကနေ နောက်စနစ်တစ်ခုကိုပြောင်းတဲ့ အကူးအပြောင်းကာလထဲမှာပါ။ မြန်မာ ပြည်အပေါ်မှာ ဖိအားဆက်ပေးသင့်တယ်၊ စီးပွားရေးပိတ်ဆို့မှုတွေကို ဆက်ထားသင့်တယ်လို့ လူတော်တော်များများက ယူဆတာမျိုးတွေ ရှိခဲ့ပါတယ်။ ဒါပေမယ့် ဒီတစ်ပတ်ထဲမှာဘဲ အမေရိကန်ရဲ့ပိတ်ဆို့မှုတွေအားလုံးကိုဖွင့်ပေးလိုက်ပြီ။ ဒေါ်စု ကိုယ်တိုင်က တချို့သောပိတ်ဆို့မှုတွေကို ဆက်ထားသင့်တယ်လို့ မေလလောက်ကဘဲ ယူဆခဲ့သေးတယ်။ အဲဒီဖိအားတွေ လုံးဝမလိုတော့ဘူးလို့ထင်ရလောက်အောင် ပြောင်းလဲတိုးတက်သွားပြီလို့ ဒေါ်စု ထင်ပါသလား။ အဲဒီလို ဖိအားပေးမှုတွေ မလိုတော့ဘူးလား။
SUU ။ ။ (ပိတ်ဆို့မှုတွေကနေ) နောက်တစ်ဆင့်ကို ဆက်သွားဖို့ရာ လုံလောက်တဲ့တိုးတက်မှုရှိပြီလို့ ကျမထင်ပါတယ်။ ပိတ် ဆို့မှုဆိုတာတွေကလည်း တကယ်တော့ ကျမတို့သွားရာလမ်းမှာ အကူအညီပေးဖို့ ထားခဲ့တဲ့အရာတွေဘဲလေ။ ဒါတွေက လိုချင်တဲ့ပန်းတိုင်ကို ရောက်အောင်သွားဖို့သုံးရတဲ့အရာတွေသာဖြစ်ပါတယ်၊ အဆုံးသတ်ပန်းတိုင်မဟုတ်ပါဘူး။ အမေရိကန် ကွန်းဂရက်စ်က မိတ်ဆွေတွေကို ကျမရှင်းပြခဲ့သလိုဘဲ ပိတ်ဆို့မှုတွေဆိုတာ တနည်းအားဖြင့် ကျမတို့ သိပ်အင်အားမရှိခဲ့ တုန်းက သုံးခဲ့ရတဲ့ ဂျိုင်းထောက်တွေနဲ့တူပါတယ်။ အခုအချိန်က ဂျိုင်းထောက်တွေကို ဖယ်ပြီး ကြွက်သားတွေတောင့်တင်းခိုင်မာအောင် လုပ်ရမယ့်အချိန်ပါ။

CNN ။ ။ ဒါပေမယ့် စစ်တပ်က သိပ်ကို ပါဝါရှိနေသေးတယ်နော်။ သူတို့က လွှတ်တော်ရဲ့ (၂၅ ) ရာခိုင်နှုန်းရှိရမယ်လို့လည်း အခြေခံဥပဒေထဲမှာ ရေးထားတယ်။ စစ်တပ်နဲ့ပတ်သက်ပြီး ဒေါ်စုတို့အနေနဲ့ ကျော်ဖြတ်လို့မရနိုင်သေးတဲ့မျဉ်းနီ (အကန့် အသတ်) တော့ ရှိကို ရှိမှာပေါ့။
SUU ။ ။ ဟုတ်ကဲ့ ရှိပါတယ်။ ဒါကလည်း ကျမတို့က တရားဥပဒေစိုးမိုးရေး (rule of law) အပေါ်မှာ လုံးဝယုံကြည်ချက်ရှိလို့ ပါ။ အခြေခံဥပဒေကို အခုနေအခါမှာတော့ ဒီအတိုင်းဘဲ လက်ခံထားပါတယ်။ ဒါပေမယ့် ဒါကို ကျမတို့ ပြင်ချင်ပါတယ်။ ပြင် မယ်ဆိုတာကိုလည်း ပွင့်ပွင့်လင်းလင်းပြောထားပါတယ်။ အခြေခံဥပဒေကိုပြင်မယ်ဆိုတာ ရွေးကောက်ပွဲတုန်းက ကျမတို့ပါတီမူတွေရဲ့တစ်စိတ်တစ်ပိုင်းလည်း ဖြစ်ပါတယ်။

CNN ။ ။ ပြီးတော့ ဖယ်ပစ်မယ်ပေါ့ ... .. တချို့သော.....? ။
SUU ။ ။ ကျမတို့က တကယ်ပီပြင်တဲ့ဒီမိုကရေစီနည်းကျ အခြေခံဥပဒေကိုသာ လိုချင်တာပါ။ အစကတည်းက ဒီမိုကရေစီကျ တဲ့အခြေခံဥပဒေမရှိဘဲနဲ့တော့ အလုပ်ဖြစ်တဲ့ဒီမိုကရေစီနိုင်ငံလို့ ပြောလို့မှမရတာ။

CNN ။ ။ အနောက်နိုင်ငံသားတွေ၊ အထူးသဖြင့် အမေရိကန်တွေ နားလည်ရခက်နေတဲ့အချက်ကို မေးချင်ပါတယ်။ ဒေါ်စုတို့ တိုင်းပြည်ရဲ့ လက်ရှိအခြေအနေအကြောင်းကိုဖတ်ရင် အများအားဖြင့် ရိုဟင်ဂျာမွတ်ဆလင်တွေကို ဘယ်လိုဆက်ဆံတယ် ဆိုတဲ့အကြောင်းတွေ ဖတ်ရတာများပါတယ်။ မွတ်ဆလင်တွေက မြန်မာနိုင်ငံရဲ့(၅) ရာခိုင်နှုန်းပါတယ်။ ဒါပေမယ့် ဘယ်လူ့ အခွင့်အရေးလှုပ်ရှားတဲ့အဖွဲ့ရဲ့စာရင်းတွေအရမဆို ဒရရိုဟင်ဂျာအုပ်စုကိုတော့ စနစ်တကျ ဖိနှိပ်ထားတယ်၊ နိုင်ငံသားဖြစ်ခွင့် ငြင်း ပယ်ထားတယ် ။ မှတ်ပုံတင်တောင် မပေးဘူး စသဖြင့်ဆိုကြပါတယ်။ ဒီမှာတင် လူတွေအဖို့ နားလည်ရခက်နေတဲ့အချက် ရှိပါတယ်။ ဗုဒ္ဓဘာသာဝင်တိုင်းပြည်ဖြစ်ရဲ့သားနဲ့ လူနည်းစုမွတ်ဆလင်တွေကို ပြင်းပြင်းထန်ထန် နှိပ်ကွပ်နေတယ်၊ တိုင်းပြည် ကို ဦးဆောင်နေတာကလည်း ငြိမ်းချမ်းရေးနိုဘယ်ဆုရှင်ဖြစ်နေတယ်ဆိုတော့ အဲဒါ ဘာကြောင့်ပါလဲ။
SUU ။ ။ ငြိမ်းချမ်းရေး နိုဘယ်ဆုရှင်ရဲ့ခေါင်းဆောင်မှုဆိုတာက လွန်ခဲ့တဲ့မတ်လကုန်ကမှ စတာပါ။ ပြီးတော့ ကျမတို့လိုချင်တဲ့ အချင်းချင်းသဟာဇာတဖြစ်မှု၊ နားလည်မှုနဲ့ သဘောထားကြီးသည်းခံမှုတွေ ပေါ်ပေါက်လာစေဖို့လုပ်ရတာ အခက်အခဲ အ များကြီးရှိပါတယ်။ ဒေါက်တာကိုဖီအန်နန်ဦးဆောင်တဲ့ကော်မရှင်ကို ကျမတို့ဖွဲ့စည်းခဲ့တယ်ဆိုတာ ကြားမိမှာပါ။ ရခိုင်ပြည် နယ်က ပြဿနာတွေကို စုံစမ်းစစ်ဆေးဖို့ ၊ (ရှင်တို့) တလျှောက်လုံး မေးနေတဲ့အခုလို မေးခွန်းမျိုးတွေကို သွားရောက်မေးမြန်းအဖြေရှာဖို့ပါ.... ပြသနာတွေက ဘာလဲ၊ ဘာလို့ ဒါတွေဖြစ်ရတာလဲ ဆိုတာမျိုးတွေပေါ့။ ဒါပေမယ့် တစ်ခုတော့ မမေ့ပါနဲ့ဦး။ ဒါက ကျမတို့ရင်ဆိုင်နေရတဲ့တစ်ခုတည်းသော ပြသနာမဟုတ်ပါဘူး။ ဒါကို ကျမအခုလို ပြောခွင့်ရချိန်မှာ တခါတည်း ပြော ချင်ပါတယ်။ ဒါပေမယ့် ဒီတစ်ခုကိုဘဲ နိုင်ငံတကာအသိုင်းအဝိုင်းက အာရုံစိုက်နေခဲ့ကြတယ်။ ဒီ (ကိုဖီအန်နန်ဦးဆောင်တဲ့) ကော်မရှင်ကို ကျမတို့ဖွဲ့တော့ နိုင်ငံရေးပါတီတော်တော်များများက ဆန့်ကျင်ခဲ့ကြတယ်။ အခုလည်း အကြောင်းအမျိုးမျိုးနဲ့ ဆန့်ကျင်နေကြတုန်းပါဘဲ။ ဒီတော့ ဒါက အခက်အခဲတွေ ဒင်းကြမ်းပြည့်နေတဲ့ အတက်လမ်းပါဘဲ။ ကျမတို့အတွက်လည်း ဒါက စဉ်းစားရကျပ်တဲ့ကိစ္စပါဘဲ။ ဗုဒ္ဓဘာသာဆိုတာ မတူကွဲပြားမှုတွေအပေါ်မှာ သဘောထားအကြီးဆုံးဘာသာတရားဖြစ်ရက်နဲ့ ဘယ်နှယ်ကြောင့် ကျမတို့တတွေ ဒီလိုသည်းမခံနိုင်ဖြစ်နေရသလဲဆိုတာကိုပါ။

CNN ။ ။ ဖြစ်နေတဲ့ဖိနှိပ်ရက်စက်မှုမမာဏကြောင့် ကော်မရှင်ဖွဲ့ရုံလောက်နဲ့ မလုံလောက်ဘူးလို့ ပြောတဲ့သူတွေရှိနေတယ် ။ ဥပမာပြောရရင် ငြိမ်ချမ်းရေးနိုဘယ်ဆုရထားတဲ့ ဘုန်းတော်ကြီး ဒလိုင်းလားမားကလည်း ဒီကိစ္စနဲ့ပတ်သက်ပြီး မြန်မာပြည် အပေါ် သိပ်ကို ဝေဖန်ပြောကြားခဲ့တယ်။ ဒီ (ရိုဟင်ဂျာ) လူမျိုးတွေရဲ့ဒုက္ခကို သက်သာသွားအောင် ဒေါ်စုအနေနဲ့ ဒီထက်ပိုမြန် မြန်လုပ်ပေးလို့ရတဲ့နည်းတစ်ခုခုများ မရှိဘူးလား။
SUU ။ ။ မဆိုင်းမတွလုပ်လို့ရတာတွေမှန်သမျ ကျမတို့ လုပ်ခဲ့ပြီးပါပြီ။ ဥပမာပြောရရင် နိုင်ငံသားစိစစ်ရေးလုပ်တာမျိုးတွေ ပေါ့။ အရင်တုန်းက မွတ်ဆလင်တွေကို ကန့်သတ်ထားတာတွေ ရှိခဲ့တယ် သီးသန့်အမိန့်တွေ၊ ဥပဒေတွေအသေးစိတ် ထုတ် ပြန်ပြီး ကန့်ထားတာမျိုးတော့ မဟုတ်ပါဘူး။ ကျမတို့လုပ်နိုင်သလောက် ဒီကန့်သတ်ချက်တွေကိုလည်း ဖယ်ပေးခဲ့ပါတယ်။


CNN ။ ။ ရိုဟင်ဂျာတွေကို မဲပေးခွင့်ရော ၊ နိုင်ငံသားအခွင့်အရေးအပြည့်အဝနဲ့ရော ဆက်ဆံခံရလောက်တဲ့အခြေအနေတစ်ခုကို ရောက်မယ်လို့ ဒေါ်စု မျှော်တွေးထားတားများ ရှိသလား။
SUU ။ ။ ပထမဆုံးပြောချင်တာက နိုင်ငံသားအခွင့်အရေးအရေးနဲ့ ထိုက်တန်သူတိုင်းကို နိုင်ငံသားအခွင့်အရေးပေးရမှာပါ။ ဒါက ဥပဒေအရပေါ့။ ဒီထက်ပိုအရေးကြီးတာက အုပ်စုတစ်စုနဲ့တစ်စုကြားမှာ အချင်းချင်းသဟဇာဖြစ်မှု၊ နားလည်မှုနဲ့၊ မတူကွဲပြားမှုအပေါ်မှာသဘောထားကြီးမှု စတာတွေကို ပြန်ရအောင် ကျမတို့လုပ်ရပါမယ်။ လူတွေကို ဥပဒေအရ သာတူညီမျှ လုပ်ပစ်လိုက်ရုံနဲ့ မလုံလောက်ပါဘူး။ ဥပေဒေတွေပြဌာန်းပြီး လူတွေ တဦးပေါ်တဦး ချစ်ခင်တတ်လာအောင် လုပ်လို့မှမရ တာကိုး။

CNN ။ ။ နိုင်ငံတော်အကြံပေးအနေနဲ့ ဒေါ်စုသွားခဲ့တဲ့ပထမဆုံးခရီးက တရုတ်ပြည်နော် ။ တရုတ်က ဒေါ်စုတို့တိုင်းပြည်အပေါ်မှာ သိပ်ကို လွှမ်းမိုးနေတယ်လို့ ဒေါ်စုမထင်ဘူးလား။ တရုတ်စီမံကိန်းတစ်ခုဖြစ်တဲ့ (မြစ်ဆုံ) ဆည်ကိုလည်း ဆောက်နေခဲ့တယ် ။ ပြည်သူတွေရဲ့စိုးရိမ်ပူပန်မှုကြောင့် အရင်အစိုးရက ဒီဆည်စီမံကိန်းကို ရပ်ခဲ့ရတယ်။ တရုတ်ရဲ့လွှမ်းမိုးမှုသိပ်ကြီးလွန်းတာကို အများပြည်သူက ခံစားမိနေတာကြောင့်လို့ကျနော် ထင်ပါတယ်။ ဒေါ်စု ဘယ်လိုထင်ပါသလဲ။
SUU ။ ။ တရုတ်က ကျမတို့ကို လွှမ်းမိုးဖို့ ကြိုးစားနေတယ်လို့ ကျမ မထင်ပါဘူး။ အင်အားကြီးနိုင်ငံတွေဟာ စီးပွားရေးအရ အစွမ်းကုန် ကြိုးပမ်းလုပ်ဆောင်နေကြတာကတော့ နေရာတကာဖြစ်နေတဲ့ကိစ္စပါဘဲ။ အခုခေတ်က စစ်အင်အားမသုံးဘဲ ယဉ်ကျေးမှု၊ စီးပွားရေးစတဲ့ အနုနည်းတွေနဲ့လွှမ်းမိုးနေကြတဲ့ (soft power) ခေတ်ကိုး။ ဒါပေမယ့် တရုတ်ဟာ ကျမတို့ အိမ်နီး ချင်းနိုင်ငံပါ။ ကျမတို့ တနိုင်ငံနဲ့ တနိုင်ငံ ဘယ်လိုမှ ကင်းကွာလို့မရပါဘူး။ ကျမတို့နိုင်ငံလွတ်လပ်ရေးရပြီးကတည်းက တရုတ်နဲ့ကောင်းမွန်တဲ့ဆက်ဆံရေးကို ထိန်းထားနိုင်ခဲ့တယ်။ ကျမလည်း အဲဒီအတိုင်းဘဲ ဆက်ဆက်လုပ်သွားမှာပါ။

CNN ။ ။ သမ္မတ အိုဘားမားအပေါ် ဒေါ်စု ဘယ်လိုမြင်ပါသလဲ။ သူနဲ့ ဒီတစ်ပတ် တွေ့ဖြစ်ခဲ့တယ်နော်။
SUU ။ ။ ကျမ သူ့ကို သဘောကျပါတယ်။ သူ့ခွေးတွေကိုလည်း အရမ်းသဘောကျပါတယ် (ပြုံးလျှက်) ။

CNN ။ ။ သူနဲ့ ဘာတွေများ ပြောဖြစ်ခဲ့သလဲ။
SUU ။ ။ ပိတ်ဆို့မှုတွေကိစ္စတို့၊ နှစ်နိုင်ငံဆက်ဆံရေးတို့၊ မြန်မာပြည်ဒီမိုကရေစီဖြစ်ထွန်းမှုဖြစ်စဉ်အတွက် ဘာတွေ အတူတူ လုပ်ကြမယ်ဆိုတာတွေ ပြောဖြစ်ခဲ့ပါတယ်။

CNN ။ ။ သူ့ကို မြန်မာပြည်သူတွေက သဘောကျကြသလား။
SUU ။ ။ သဘောကျကြပါတယ် ။ သူက မြန်မာပြည်ကို နှစ်ခါရောက်ပြီးပါပြီ။ ပထမခရီးမှာ မြန်မာလူငယ်တချို့နဲ့သူတွေ့တာ တော်တော်အဆင်ပြေခဲ့ပါတယ် ။

CNN ။ ။ မြန်မာပြည်အတွက် ဒေါ်စုရဲ့ ရည်မှန်းချက်က ဘာပါလဲ။ ပါတီစုံဒီမိုကရေစီစနစ်လား၊ ဒါမှမဟုတ် အာရှတိုင်းပြည်ငယ် တစ်ခုမို့ တခြားနည်းနဲ့တိုးတက်မှုကိုဖော်ဆောင်သင့်တယ်လို့ ဒေါ်စု ထင်ပါသလား။
SUU ။ ။ တိုင်းပြည်တိုင်းဟာ သူ့နည်းသူ့ဟန်နဲ့ တိုးတက်ပုံတွေ ကွဲပြားကြပါတယ်။ ဒါပေမယ့် ပီပီပြင်ပြင် ဖော်ဆောင်နိုင်ရင် ရေရှည်အတွက် ပါတီစုံဒီမိုကရေစီစနစ်ဟာ အကောင်းဆုံးဘဲလို့ ကျမထင်ပါတယ်။

CNN ။ ။ ဒါက ဒေါ်စုရဲ့ အဆုံးစွန်ရည်မှန်းချက်ပေါ့။
SUU ။ ။ ဟုတ်ပါတယ်။ ပြီးတော့ ကျမ အလုပ်ကနေ ရပ်နားဖို့ ၊ ကျမကို မလိုတော့တဲ့အချိန်ရောက်ဖို့၊ မြန်မာပြည်ဒီမိုကရေစီ လှုပ်ရှားမှုထဲ ပါဝင်ကတည်းက ယူထားခဲ့တဲ့ကျမရဲ့တာဝန်ဝတ္တရားတွေ ပြီးသွားဖို့က ကျမရဲ့ အဆုံးစွန်ရည်မှန်းချက်ပါ။

CNN ။ ။ အဲလိုပြီးဆုံးသွားရင် ဒေါ်စု ဘာလုပ်မှာလဲ။
SUU ။ ။ အေးအေးဆေးဆေးထိုင်ပြီး ရှင်ရဲ့ နောက်ဆုံးထွက်ထားတဲ့စာအုပ်တစ်ချို့ကို ဖတ်မယ်လေ (ရယ်လျက်)။ ခုတ လော ရှင် စာအုပ်အသစ် ရေးဖြစ်သေးလား။

CNN ။ ။ (ရယ်လျှက်) တစ်အုပ်ဆိုပါတော့ ဒါပေမယ့် သိပ်တိုလွန်းပါတယ်။ ဒေါ်စု လက်ရှိတာဝန်တွေက ရပ်နားစရာမလိုဘဲ ဖတ်နိုင်လောက်ပါတယ်။ အခုလို မေးမြန်းခွင့်ရတဲ့အတွက် ဒေါ်စုကို ကျေးဇူးတင်ပါတယ်။
SUU ။ ။ ကျမကလည်း ကျေးဇူးတင်ပါတယ်။