ရှာဖွေရေး ...

PO Box 320-207, San Francisco, CA 94132-0207, USA – editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

ကိုသန်းလွင် ● အင်တာနက်၏ ဒုတိယတော်လှန်ရေး

ကိုသန်းလွင် ● အင်တာနက်၏ ဒုတိယတော်လှန်ရေး
(မိုးမခ) အောက်တိုဘာ ၁၉၊ ၂၀၁၆

(၁)
မိမိအိမ်မှာ နှစ်ပေါင်း ၃၀ ကျော် နေထိုင်ခဲ့ပါလျက်၊ ရဲမှလာပြီး မြေကွက်မှ ဖယ်ပေးရမည်ဟု နှင်ထုတ်ခံရသော အမှုတခု ဟွန်ဒူးရပ် နိုင်ငံတွင် ၂၀၀၉ ခုနှစ်က ဖြစ်ပွားခဲ့ပါသည်။ အိမ်ပိုင်ရှင်မှာ မြေနေရာကို ပိုင်ဆိုင်ကြောင်း အထောက်အထား သက်သေစာရွက်စာတမ်းတွေရှိပါသည်။ သို့ပါသော်လည်း နိုင်ငံ၏ပိုင်ဆိုင်မှု ထိမ်းသိမ်းရေးရုံး (Property Institute) တွင် နာမည်ပေါက်သူမှာတမျိုးဖြစ်နေသည်။ ထိုပိုင်ဆိုင်သူကတရားသူကြီးကို ချဉ်းကပ်ခါ နှင်ထုတ်ခွင့် အမိန့်ကိုရယူခဲ့ခြင်း ဖြစ်ပါ သည်။

ဤပြဿနာမျိုးမှာ ပိုင်ဆိုင်မှု ရီကော့ကို သေသေချာချာ သိမ်းဆည်းမထားသော နိုင်ငံများတွင် ဖြစ်လေ့ရှိပါ သည်။ ဟေတီ နိုင်ငံတွင် ငလျင်လှုပ်သောအခါ မြေ အိမ်ပိုင်ဆိုင်မှု မှတ်တမ်းမှတ်ရာမှန်သမျှ ပျက်စီးပျောက်ဆုံး ကုန်ကြသည်ဟုဆိုသည်။ အိမ်၊ မြေပိုင်ဆိုင်မှု အထောက်အထားများ အခိုင်အမာမရှိခြင်းသည် အလွန်းဆိုးရွားသော အကျိုးဆက်များကို ဖြစ်စေနိုင်ပါ သည်။

(၂)
၁၉၉၀ ခုနှစ်များဆီက အင်တာနက်စတင်ပေါ်ပေါက်ပြီး လူသုံးများခဲ့ကြသလိုပင် ယခုအခါ “Blockchain’’ ဆော့ (ဖ) ၀ဲယား အသစ်မှာ တကမ္ဘာလုံးတွင် ရေပန်းစားလျက်ရှိပါသည်။ တချိန်က အင်တာနက်သည် ကျွန်တော်တို့၏အလုပ်လုပ်ပုံ ပုံစံကို ပြောင်း လဲပစ်ခဲ့သလို လာမည့်ဆယ်နှစ်အတွင်းတွင် ဤဘလော့ချိန်းတော်လှန်ရေးက လူနေမှုစနစ်တရပ်လုံးကိုပြောင်းလဲ ပစ်လိမ့်မည်ဟု နိမိတ်ဖက်လျက်ရှိကြပါသည်။

ဤတော်လှန်ရေးအကြောင်းပြောရလျင် ၂၀၀၈ ခုနှစ်က သြစတေလျ လူမျိုး Satoshi Nakamoto ၏ “Bit Coin: A Peer to Peer Electronic Cash System’’ ဆိုသည့် စာတမ်းမှ အစပြုရမည် ဖြစ်ပါသည်။

၁၉၉၃ ခုနှစ်က David Chaum ခေါ် ဒတ်(ချ)လူမျိုး သင်္ချာပညာရှင်တယောက်က eCash စနစ်ခေါ် ဒီဂျစ်တယ်နည်းဖြင့် ငွေ ပေး ငွေယူလုပ်နိုင်သော ဆော့ (ဖ) ၀ဲယား တခုရေးခဲ့ပါသည်။ အင်တာနက်မှ တဆင့်ငွေပေးငွေယူ လုပ်ရန်စနစ်မှာ သေသပ် လှသဖြင့် မိုက္ကရိုဆော့ (ဖ) ကုမ္ပဏီကပင် ထိုစနစ်ကို ၀ယ်ယူအသုံးပြုရန် ကမ်းလှမ်းခဲ့ပါသည်။ သို့ပါသော်လည်း လုံခြုံရေးစနစ် များပြားလှသောကြောင့် လူအများသုံးဖြစ်မလာဘဲ  ၁၉၉၈ ခုနှစ်တွင် ဒတ်ခ်ျ်ကုမ္ပဏီမှာ ဒေ၀ါလီခံခဲ့ရပါသည်။

ယခု နာကာမိုတို၏ ဆော့ဖ၀ဲယားမှာ ငွေပေးငွေယူလုပ်ရာတွင် ဘဏ်ကဲ့သို့ ကြားမှအာမခံပေးစရာ အဖွဲ့အစည်းများမလိုဘဲ ပေးသူနှင့်ယူသူ တိုက်ရိုက် အပေးအယူလုပ်နိုင်ကြသဖြင့် လူအများစိတ်ဝင်စားခဲ့ကြရာမှ ကုန်ခဲ့သည့်နှစ်များအတွင်းလူသုံး များ လာခဲ့ပါသည်။ ဤဒီဂျစ်တယ်ပိုက်ဆံကို Bitcoin ဟု ခေါ်ပါသည်။

ကျွန်တော်တို့အင်တာနက်တွင် ဖိုင် (သို့) ဓါတ်ပုံ ကိုတနေရာမှ တနေရာသို့ ပို့ကြသည်ဆိုခြင်းမှာ ကော်ပီကိုသာ ပို့ကြခြင်းဖြစ် ပါသည်။ မူရင်းဖိုင် (Original) က မိမိကွန်ပျူတာမှာ ကျန်ရစ်ခဲ့ပါသည်။ ငွေပို့သည်ဆိုခြင်းမှာ ကော်ပီကိုပို့၍မရ၊ မိမိပိုင်ငွေကို ပေးခြင်းဖြစ်ရာ၊ ပေးပြီးသည်နှင့် ပေးသူထံတွင် ငွေမရှိရတော့ပါ။

နာကာမိုတို၏ စက္ကူဖြူစာတမ်းတွင်း ငွေပေးသူက နှစ်ခါမပေးရအောင် အင်တာနက် နက်ဝပ်ကိုသာ ကြားခံအသုံးပြု၍ လက် ခံသူ့ထံ တိုက်ရိုက်ရောက်သွားမည့်နည်းကို ဖန်တီးပေးထားခြင်း ဖြစ်ပါသည်။ ငွေပေးသူက အချိန်တခုတွင် block တခုကို ဖန်တီးပေးလိုက်သည်။ ထိုဘလော့တုံးကလေးများသည် ယခင်ရှိခဲ့ပြီးသား အတုံး (Block) ကလေးများနှင့် ချိတ်ခါဆက်ခါ ဆက်တွဲကြီးတခု (Chain) ဖြစ်လာပြီး ရီကော့များကို ထိန်းသိမ်းထားခြင်းလည်းဖြစ်ပါသည်။ ဤစနစ်ကို Blockchain System ဟုခေါ်ပါသည်။

ငွေပေးလိုသူက ရီကော့တခုကို ဖန်တီးပေးရသည်။ ထိုဖန်တီးလိုက်သော Block ကို မည်သူမျှပြင်၍မရတော့ပေ၊ နက်ဝပ်အတွင်းတွင်ရှိနေသော ထိုရီကော့ကို ပိုက်ဆံလက်ခံရရှိသူက လက်ခံပြီးလျင်လည်း အခြား Block တခု ဖြစ် ပေါ်လာခါမှတ်တမ်းတင်ပေးသည်။ မိမိပိုင်ဆိုင်ပြီး ပိုက်ဆံမှာ သူခိုးရန်ကို မပူပင်ရတော့ပေ၊ နေရာထားမှား ခြင်းလည်းမရှိနိုင်၊ ကျပျောက်သည်ဟူ၍လည်းမရှိ၊ စိတ်ချရမှုများကြောင့် ဤစနစ်ကို Truth Protocol ဟုလည်း ခေါ်သည်။

ရီကော့များကို ဗဟိုမှထိမ်းသိမ်းထားခြင်းမရှိသလို ရေးပြီး မှတ်တမ်းပြုပြီးလျင်လည်း တစုံတဦးက၀င်ပြီး ပြုပြင်၍မရနိုင်အောင် ဆော့(ဖ)၀ဲယားက အကာအကွယ်ပေးသည်။

ဗဟိုဆာဗာ (Server) မရှိသောကြောင့် ကွန်ပျူတာ (hacker) များ၏ အနှောင့်အယှက်ကိုလည်း စိုးရိမ်ရန်မလို၊ ထိုဘလော့ တုံးကလေးများသည် ကမ္ဘာကြီးအနှံ့ ကွန်ပျူတာများနှင့်ဖွဲ့သည်းထားသော နက်ဝပ်ကြီးအဖြစ် ဖြန့်ကျက်ထားခြင်းဖြစ်ရာ သတင်းဒေတာအချက်အလက် မည်မျှများပြားမည်ဆိုခြင်းကို စဉ်းစားကြည့်နိုင်ပါသည်။

တနည်းပြောရလျင် ကမ္ဘာပေါ်ရှိ သုံးစွဲသူအားလုံး၏ ငွေပေးငွေယူ ဒေတာအားလုံးကို ထိမ်းသိမ်းပေးထားခြင်း လည်းဖြစ်ပါ သည်။ ကျွန်တော်တို့၏ ပိုက်ဆံအိတ်ထဲတွင် ပိုက်ဆံများအတွက်မှတ်တမ်းရှိသလို အခြားသုံးစွဲသူအားလုံး၏ မှတ်တမ်းများလည်းရှိရမည်ဖြစ်သည်။  လူတဦးနှင့်တဦး အင်တာနက်ချိတ်ဆက်ထားသူ မည်သူ့ထံသို့မဆို ထိုပိုက်ဆံကိုပေးပို့နိုင်ခြင်းဖြစ်ရာ ဤနက်ဝပ်အတွင်း ရှိနေရမည့် ဘီလီယံ များစွာသော သုံးစွဲသူတို့၏ သတင်းဒေတာပမာဏကို ခန့်မှန်းကြည့်နိုင်ကြပါသည်။ တနည်းဆိုသော် တကမ္ဘာလုံး ဖြန့်လျက်ထားသည့် လယ်ဂျာစာအုပ်ကြီးတခုနှင့်လည်း နှိုင်းယှဉ်သဘောထားနိုင်ပါသည်။ ကွန်ပျူတာပေါင်း သန်းချီ၍ ချိတ်ဆက်ထားနိုင်ပြီး မည်သူမဆို ဝင်ရောက်ကြည်ရှု့အသုံးပြုနိုင်ကြပါသည်။

မကြာမီက ဟွန်ဒူးရပ် Property Institute က အမေရိကန်မှ Factom ကုမ္ပဏီကို ဘလော့ချိန်း သဘောတရားများကို အသုံး ပြု၍ ပိုင်ဆိုင်မှုများကို မှတ်တမ်းတင်ရန် လိုင်စင်ချပေးခဲ့သည်။ မြေဧရိယာအားလုံး၏ ၇ ရာခိုင်နှုန်းကိုသာ မှတ်တမ်းတင် နိုင်သည့် ဂရိနိုင်ငံကလည်း အလားတူ ဒီဂျစ်တယ်နည်းဖြင့် ရီကော့ထားရှိရန် အမေရိကန် ဘလော့ချိန်းကုမ္ပဏီများနှင့် စီစဉ် လျက်ရှိသည်။

ဤဆော့ဖ၀ဲယားမှာ ပိုက်ဆံနှင့် မြေ၊ အိမ်ယာတို့ကိုသာမက တန်ဖိုးရှိသည့် စိန်ရွှေရတနာ ပန်းချီကားများကို လည်းမှတ်တမ်း တင်ထားနိုင်သည်။ အရောင်းအ၀ယ် လက်ပြောင်းလက်လွှဲပြုလုပ်နိုင်သည်။ ဥပမာ သီချင်းတပုဒ်ရေးစပ်သီဆိုပြီးသည်နှင့် ဤစနစ်အတွင်းမှာ ရောင်းချပါက ရောင်းချသည့်ပုဒ်ရေကိုလိုက်၍ သီချင်းရေးသူက Royality ရရန်ရှိရာ ထိုငွေပေးငွေယူကိစ္စ များကို ဆော့ဖ၀ဲယားကပင် တာဝန်ယူ ဖြေရှင်းပေးသွားပါသည်။

အင်တာနက်ပေါ်လာခါစက စီးပွားရေး ကုမ္ပဏီများစွာက မျှော်လင့်ခဲ့ကြသလို အသုံးစရိတ်များ လျှော့ကျမသွားခဲ့ပါ။ ယခုအ ခါ Bank Of England  ကဲ့သ်ို့သော နည်းစနစ်အသစ်ကို သုံးစွဲရန်ဝန်လေးသည့် ဘဏ်ကြီးကပင် ဤဆော့ဖဝဲယားကို အသုံး ပြုရန် စီစဉ်နေသည်။ တကမ္ဘာလုံးဖြန့်လျက်ထားသည့် ဤလယ်ဂျာ၏ အကျိုးကျေးဇူးကြောင့် ငွေပေးငွေယူလုပ်တိုင်း စာရင်းပြန်လည် တိုက်ဆိုင်ရခြင်း အလုပ်ကိုလုပ်ရန် မလိုတော့သောကြောင့် သက္ကရာဇ် ၂၀၂၀ တွင် ဘဏ်များအဖို့ ကုန်ကျ စားရိတ် ၂၀ ဘီလီယမ် မျှသက်သာစေလိမ့်မည်ဟု ခန့်မှန်းကြသည်။ အမေရိကန် ဘဏ် ၂၃ ခုသည် R3 CEV ခေါ် ဘလော့ ချိန်း ကုမ္ဗဏီတခုအား ဤနည်းစနစ်အသစ်ကို စတင်အသုံးပြု နိုင်ရန် တာဝန်ပေးထားကြသည်။

ဥရောပယူနီယံကမူ မကြာမှီကမှ Bitcoin ကိုငွေကြေးအဖြစ် အသိအမှတ်ပြုလိုက်ပြီဖြစ်သည်။ တရုတ်အစိုးရကမူ ဘစ်ကွိုင် ကို ပြည်တွင်းတွင် သုံးစွဲခွင့်မပြုပေ။ ၂၀၀၉ ခုနှစ်က ၂၇ ဒေါ်လာဖြင့် ဘစ်ကွိုင် ၅၀၀၀ ဝယ်ထားသော နော်ဝေနိုင်ငံသား ဆော့ဝဲယားရေးသူတယောက်မှာ မိမိဝယ်ထားသည်ကို မေ့နေခဲ့သည်။၂၀၁၃ ခုနှစ် ဧပြီလတွင် ထိုပိုက်ဆံတန်ဘိုးမှာ ဒေါ် လာ ၁၁၀၀ အထိထိုးတက်သွားရာ မိမိပိုင်ဘစ်ကွိုင် ၅၀၀၀ မှာ ဒေါ်လာ ၈ သိန်း ၈ သောင်းတန်နေပြီဖြစ်ကြောင်း တွေ့လိုက် ရသည်။ ဤငွေပမာဏမှာ နော်ဝေနိုင်ငံတွင် အိမ်ခန်း တခန်းဝယ်၍ရသည်။ ယနေ့ကမ္ဘာပေါ်တွင် လည်ပတ်ငွေမှာ ကွိုင်အရေ အတွက် ၁၆ သန်းနီးပါး ရှိနေပြီး ဘစ်ကွိုင်တခုလျင် ဒေါ်လာ ၆၆၀ ခန့် တန်ဖိုးရှိသည်။

စကာင်္ပူမှ ထိုပိုက်ဆံကို ဒေါ်လာ ၁၀၀ ဖိုးဝယ်ပြီး စမ်းကြည့်သော ကျွန်တော့်မိတ်ဆွေတဦးမှာ နောက်တနေ့တွင် ဒေါ်လာ ၉၀ သာ တန်ဘိုးရှိတော့ကြောင်း သိရသည်။ ယခုအခါ ဘစ်ကွိုင်ကို ငွေကြေးနှင့် အပြောင်းအလဲလုပ်ပေးနိုင်သော ကုမ္ပဏီ များ စွာပေါ်ပေါက်နေပါပြီ။

နယ်ခြားမျဉ်းများကို ဖြတ်ကျော်၍ ငွေပို့ရာတွင် ကြားခံဘဏ်ငွေလွှဲဌာနများ၏ စရိတ်စကမပေးရသောကြောင့် ပိုမိုလွယ်ကူ မြန်ဆန်သွားပါသည်။ ကနေဒါနိုင်ငံကပို့လိုက်သော ငွေမှာ ဖိလစ်ပိုင်နိုင်ငံတွင် ချက်ချင်းထုတ်ယူ၍ ရနိုင်ပါသည်။ ငွေလွှဲဌာန ၌ မှတ်ပုံတင်ကဒ်ပြရခြင်း၊ ငွေလွှဲနူန်းတွင် ဈေးနှိမ်ခံရခြင်းများမရှိတော့ပေ။

အင်တာနက်ပေါ်လာပြီး နှစ် ၄၀ အတွင်း အီးမေးလ်း၊  world wid web၊ မိုဘိုင်းဖုန်း ဆက်သွယ်မှုများ cloud computing စသည်ဖြင့် ကျွန်တော်တို့အလုပ်လုပ်ရပုံစနစ် တိုးတက်ခဲ့ကြောင်းဆိုခဲ့ပါပြီ။ အိုင်တီ ရီဗေါ်လူရှင်းခေါ် ဤတီထွင်မှုကြောင့် ကမ္ဘာကြီး၏ ဆက်သွယ်ရေး၊ သတင်းဖလှယ်ရေး၊ ပညာသင်ကြားရေး ကိစ္စ အဝဝ ပြောင်းလဲခဲ့ပါသည်။ ဖေ့ (စ) ဘွတ်နှင့် တွစ်တာ စသည့် ဆိုရှယ်မီဒီယာများကြောင့် သတင်းအချက်အလက်များမှာ လူထုအတွင်းသို့ချက်ချင်း ရောက်ရှိသွားနိုင်ကြပါ သည်။ လူတိုင်း၏လက်ဝယ်သို့ကရိယာအသစ် အဆန်းများမှာလည်း နေ့စဉ်နှင့်အမျှ ရောက်ရှိနေကြပါသည်။

(၃)
ယခု ဘလော့ချိန်းစနစ်အသစ်မှာ ရေပန်းစားလာပြီး  အသုံးချပုံအသစ်၊ နည်းစနစ်အသစ်များကို နေ့စဉ်နှင့်အမျှ ကြားနေကြရ ပါသည်။ မနက်ဖြန်တွင် ဘယ်လိုအသစ်အဆန်းတွေပေါ်လာမည်ကို ခန့်မှန်းရန်ပင် မလွယ်ကူပါ၊ လျင်မြန်ခြင်း၊ ဈေးနှုန်းချိုသာ ခြင်း၊ လုံခြုံမှုရှိခြင်း၊ အမှားနည်းခြင်း၊ ဗဟိုဌာနချုပ်မရှိသောကြောင့် ပြင်ပရန်သူ အနှောင့်အယှက်မရှိနိုင်ခြင်း စသည်တို့မှာ များစွာသော အကျိုးကျေးဇူးများမှ အချို့သာဖြစ်ပါသည်။

အင်တာနက်၏ ဒုတိယတော်လှန်ရေးဟုလည်း တင်စားသုံးစွဲနေကြပါသည်။

ကိုသန်းလွင်