မောင်ဥက္ကလာ - ကောင်မလေးကို မထိနဲ့
(မိုးမခ) နိုဝင်ဘာ ၁၇၊ ၂၀၁၆
ဤစာသည် ဘဝရှင်မင်းတရားကြီး၏ လျှိုဝှက်မှတ်တမ်းဘုတ်အုပ်ကြီးထဲ ရေးခြစ်ထားသော စာဖြစ်သည်။ အတွင်းလူယုံတော်တဦးမှ ကျွန်ပ်ထံ ပေးပို့လာသည့် ဤစာကို အများသူငါ သိစေလိုငှား နိုင်ငံတကာ လျှို့ ဝှက်သတင်းတွေကို ရှာဖွေဖော်ထုတ်တင်ပြနေသော Wiki Leaks အုပ်စုကို ဘာသာမပြန်တတ်၍ မပေးပို့ဘဲ ကမ္ဘာကျော် မိုးမခမဂ္ဂဇင်းကြီးသို့ပေးပို့ ဖြန့်ဝေလိုက်ပါသည်။ စာပါ အချက်အလက်များ မှန်ကန်မှု ရှိမရှိကို အမည်ဝှက်နဲ့ ပေးပို့လာသော ဘဝရှင်မင်းတရားကြီး၏ လူယုံတော်ကို စုံစမ်းဆက်သွယ် တီးခေါက်မေးမြန်းနိုင်ပါသည်။
ဟိုခြစ်ဒီခြစ် ရေခြစ်ထားသော လျှို့ ဝှက်မှတ်တမ်းစာမှာ အောက်ပါအတိုင်း ဖြစ်သည် …
ကျွန်ုပ် ရေမြေ့ရှင်သခင် ဘဝရှင်မင်းတရားကြီး၏ ကံဇာတာသည် မယုံနိုင်လောက်အောင် ဒီရေဒီလှိုင်းအလား တိုးတက်နေမည်ဟု (ကျွန်ုပ်) ကိုးကွယ်ဆည်းကပ်၊ ပေးကမ်းထားသော အထက်လမ်း၊ အောက်လမ်း၊ အလှူရေစက် လက်နဲ့မကွာ ချမ်းသာနေသော နတ်ဘုန်းကြီးများ တွက်ချက်ဟောပြောခဲ့သည့်အတိုင်း ဖြစ်နေပြီး၊ သူတို့ပေးတဲ့ ယတြာ၊ ဓါတ်ရိုက်ဓါတ်စဉ်များကြောင့်လည်း ကမ္ဘာ့နန်းသက်ရှည် ယိုးဒယားဘုရင် ကံကုန်သည်တိုင် ကျွန်ပ်မှာ ဒေါင်ဒေါင်မြည်း ကျန်းမာလန်းဖြာနေပြီး၊ နောက်နှစ်ပေါင်းများစွာ ကသောင်းကနင်း ဖရိုဖရဲ တိုင်းနိုင်ငံကို ဥပဒေအထက် (အမည်ခံ အုပ်ချုပ်သူများအထက်) ကန့်လန့်ကာနောက်ကွယ်ကနေ ဆက်လက်ချုပ်ကိုင်နိုင်မည်။
တိုက်ဆိုင်တယ်လို့ ပြောရမလား … လူရှုပ်လူရမ်းကားများ (ရာထူး) နေရာရနေတဲ့ ဒီနေ့ကမ္ဘာကြီးမှာ နိုင်ငံရေးပရောဟိတ်တွေ လိုက်မမီတဲ့ ကလိမ့်စေ့ငြမ်းဆင် အကွက်ဆန်းတွေနဲ့ လွန်ခဲ့တဲ့ ရှစ်နှစ်ကာလ လူမည်းအိုဘားမားကြောင့် မျက်နှာငယ်၊ မချိတင်ကဲ စိတ်မချမ်းမြေ့ ဖြစ်နေခဲ့ကြတဲ့ လူဖြူတွေကို “အမေရိကားကို ပြန်ကြီးအောင် တခါပြန်လုပ်မယ် (Make America Great Again)” ဟု ကြိမ်းဝါးကြွေးကြော်ပြီး နိုင်ငံရေးပါးဝ၊ စာတတ်ပေတတ် မိန်းမတတ်ကြီး (ဒီမိုမြန်မာတွေ အချစ်တော်) ဟီလာရီကို အောက်လမ်းနည်းတွေနဲ့ အလှဲထိုးကာ သမ္မတကြီး ဖြစ်လာမယ့် ကိုယ်ကျိုးကြည့် (ကျွန်ုပ်တို့ အတုယူစရာ) လူဝါးဝတဲ့ မစ္စတာဒေါ်နယ်ထရမ့်၏ အောင်မြင်မှုကို ကျွန်ုပ် မချီးကျူးဘဲ မနေနိုင်။ ပြီးတော့ ကိုယ့်ရှူး ကိုယ်ပတ်တော့မည့် ငပွကြီးတွေဘဝကို ဝမ်းသာကျေနပ်မိသည်။
“လှံထမ်းလာတာ မြင်ရတယ်၊ ကံထမ်းလာတာ မမြင်ရဘူး” ဆိုစကားအတိုင်း တကမ္ဘာလုံး မမျှော်လင့်ထားတဲ့ ရူးရူးမိုက်မိုက် မစ္စတာထရမ့်လို ငတေမာကြီးကို လူမိုက်အလိုရှိနေသူတွေ (လူမျိုးရေး၊ ဘာသရေး ရှေ့ တန်းတင် အမြင်ကျဉ်း၊ အတွေးတိမ်၊ အစွန်းရောက်များ) က မင်းရှင်သခင် ခန့်အပ်လိုက်တာ သူ့ ကံတရားကြောင့် ဖြစ်သလို၊ “မေမေနိုင်မှ ဖြစ်မယ်” ဆိုပြီး ကျွန်ုပ်နဲ့ အပေါင်းအပါးတွေကို ဖယ်ရှား၊ မျှော်လင့်ချက်တလှေကြီးနဲ့ လူထုက ရွေးကောက်တင်မြှောက်လိုက်တဲ့ အားလုံးအထက်မှာ သူရှိမယ်ဆိုပြီး ရှေ့ တန်း၊ အလယ်တန်း၊ နောက်တန်း၊ ဂိုး၊ ဒိုင်လူကြီး၊ နည်းပြ တကွင်းလုံး ပတ်ကန်နေသော (သူ့ညီမတော်တယောက် ပြောတာကြားမိ) နှမတော်မှာ (လတ်တလော) နိုင်ငံရေး၊ စီးပွားရေး၊ တရားဥပဒေ စိုးမိုးရေး (၆၆(ဃ) မှတပါး)၊ တည်ငြိမ်အေးချမ်းရေးစတဲ့ သပွတ်အူပြဿနာတွေကို ကျွန်ုပ် အကွက်လှလှ ရေးဆွဲပေးခဲ့တဲ့ ခြေဥအောက်မှာ ဘာဆိုဘာမှ အစအနရှာ ရှင်းမရ၊ ဖြေရှင်းမလုပ်နိုင်သေးပေမယ့် ကျွန်ုပ်နဲ့ ဆွေတော်မျိုးတော်များအတွက်တော့ အလွန်အရေးကြီးတဲ့ လိုအပ်ချက်တွေကို လိမ္မာပါးနပ်စွာ ဖြေရှင်းဆောင်ရွက်ပေးလို့ ဆိုခဲ့သည့်အတိုင်း ကျွန်ုပ် ကံဇာတတက်မြဲတက်နေသည်ဟု ဆိုရခြင်းဖြစ်သည်။
အများပြည်သူ သိတော်မူသည်အတိုင်း အခုဆိုရင် နှမတော်၏ မေတ္တာရှေ့ ထား ဥပဒေစိုးမိုးရေးနဲ့ အချိန်မီ ဖြေရှင်းဆောင်ရွက်ခဲ့လို့ နှစ်ပေါင်းများစွာ အနောက်နိုင်ငံများ၏ ကျွန်ုပ်တို့အပေါ် အထင်အမြင်လွဲမှား ပြစ်ပယ်ထားသည့်ကိစ္စ ပျက်ပြယ်ကာ ကျွန်ုပ်နဲ့ ကျွန်ုပ်မိသားစု၊ လက်ဝေခံများမှာ ဒီနေ့ဒီအချိန်အခါ (ပြောင်းလဲချိန်တန်ပြီမို့) လွတ်လွတ်လပ်လပ် တပျော်တပါး ထိုထိုနိုင်ငံကြီးများကို သွားရောက်လည်ပတ်ခြင်း (သမီးတော်၊ မြေးတော်များ သွားလာဖို့ စီစဉ်နေ)၊ အရောင်းအဝယ်လုပ်ငန်းများ ပြန်လည်လုပ်ပိုင်ခွင့်များ ရရှိလေပြီ (မစ္စတာထရမ့် ကတော် နဲ့ အလှနတ်မိမယ်ပြိုင်ပွဲများအတွက် ကျောက်စိမ်း၊ ပတ္တမြားတွေ လက်ဆောင်ပဏ္ဍာဆက်၊ ရောင်းချဖို့ စီစဉ်ရမယ်)။ ဒီအတွက် နှမတော်ကို ကျေးဇူးအခါခါ တင်နေမိ။
ဒီနေရာမှာ အဲဒီ နိုင်ငံတွေ အဘယ်ကြောင့် ကျွန်ုပ်တို့ကို မဆက်ဆံ ပြစ်ဒဏ်ခတ်ရခြင်း မူလဇစ်မြစ်အကြောင်းရင်းကိုလဲ အနည်းငယ် ရှင်းပြလိုသည်။ ဟိုးလွန်လေပြီသော နှစ်ကာလတခုတုန်းက ကျွန်ုပ်တို့ အာဏာကို ထိပါးစော်ကား ရွှေပြည်ကြီး ကံဆိုးမိုးမှောင်ကျ ဂျောက်ထဲကျအောင် ဆူပူကြတဲ့ နှမတော်အပါအဝင် ဆူးငြောင့်ခလုတ်များကို ရှင်းလင်းဖယ်ရှား၊ ခြံသွင်းထိန်းချုပ်ခဲ့တဲ့အပေါ် အခြေအမြစ်မရှိ ရာဇဝတ်ပြစ်မှုဆိုင်ရာ စွပ်စွဲချက်တွေ (Groundless Allegation) - အထူးသဖြင့် အမေကျော်ဒွေးဒေါ်လွမ်းသူတွေ ခလောက်ဆန်လို့ သူများအရေး အမြဲဝင်ရှုပ်တဲ့ ကမ္ဘာ့ပုလိပ်မင်းကြီးက ကျွန်ုပ်တို့လို ဂုဏ်သရေရှိ ပုဂ္ဂိုလ်တွေကို နာမည်ပျက်စာရင်းသွင်း ဖမ်းမယ်ဆီးမယ်၊ နိုင်ငံတကာ ခုံရုံးတင်မယ် ခြိမ်းခြောက်ခဲ့လို့ ဆယ်စုနှစ် သုံးဆယ်နီးပါး ကျွန်ုပ်တို့မှာ Made in USA နဲ့ဝေးကာ၊ မချစ်သောလဲ အောင့်ကာနမ်း … သိသိကြီးနဲ့ ကျွန်ုပ်တို့တိုင်းပြည်ကို အမြီးခေါင်းအဆုံး ဝါးမြိုမယ့် တရုတ်ပေါက်ဖော်ကြီးတွေနဲ့ပဲ ဆက်ဆံကာ ခက်ခက်ခဲခဲ သက်ရှင်ခဲ့ရသည်။
ဒီနေ့ တိုင်းပြည်ချွတ်ခြုံကျ ဆင်းရဲသည်မှာ ကျွန်ုပ်နဲ့ အပေါင်းအပါတွေ အတော်မသတ်လောဘနဲ့ တိုင်းပြည်သဘာဝ သယံဇာတတွေကို အောက်ဈေးပေးပြီး ရသမျှအကုန်ယူတဲ့ တရုတ်ကြီးကို ရောင်းထုတ်ခဲ့လို့မဟုတ်။ အမေရိကန် နဲ့ အနောက်နိုင်ငံတွေ ကျွန်ုပ်တို့ကို မဆက်ဆံ၊ ပစ်ပယ်ထားလို့ ဖြစ်တယ်။ အဲဒီ ခက်ခဲကြမ်းတမ်းလှတဲ့ အချိန်ကာလမှာဆို ကျွန်ုပ်တို့မှာ ကျွဲပိန် ခွေးဝက်လောက်ဖြစ်ကာ နိုင်ငံအတွင်းရှိ သဘာဝသယံဇာတ မြေလွတ်မြေလပ်မြေပိုင်တွေကို သိမ်းယူ၊ ရောင်းထုတ်ပြီး ကြပ်ကြပ်တည်းတည်း သက်ရှင်ခဲ့ရတာကို နှမတော် သိနေလို့၊ ဒီနေ့ သူ့စွမ်းဆောင်မှုနဲ့ ကျွန်ုပ်တို့ လိုအပ်ချက်၊ (မြေးတော်မှတဆင့်) တောင်းဆိုချက်တွေကို အတိတ်ကို ပြည်ဖုံးကားချ မေတ္တာနဲ့ဆောင်ကြဉ်ပေးခဲ့လို့ ကျွန်ုပ် ဘဝမှန်နေရာမှန် ပြန်ရပြီး လုပ်ငန်းကိစ္စများကို တားဆီးမဲ့ ဆောင်ရွက်နိုင်မည်။ ဒီနေရာမှာ ထပ်ခါတလဲလဲ ငြင်းဆိုပါမည် - တိုင်းပြည်ဆင်းရဲ ပြည်သူတွေ ဒုက္ခရောက်ကြတာ ကျွန်ုပ်တို့ကြောင့် မဟုတ်၊ တချိန်တခါက နှမတော်အပါအဝင် ပြည်ပအားကိုး ပုဆိန်ရိုးတွေ သွေးထိုးခဲ့လို့ ပစ်မုန်းသွားခဲ့တဲ့ အနောက်နိုင်ငံတွေကြောင့် ဖြစ်သည်။
အခုလက်ရှိ အခြေအနေက ကျွန်ုပ်တို့အတွက် ဘာမှပူစရာမလို။ ပြင်ပ ပြစ်ဒဏ်ခတ်မှုတွေနဲ့အတူ လွန်လေပြီသော လပိုင်းအထိ ပိုင်ဆိုင်သမျှတွေကိုသိမ်း ရွှေထုပ်ငွေထုပ်ပိုက်ပြီး ဒေါ်လာဈေးတက်အောင် စိုးရိမ်ပူပန်နေခဲ့သော (ကျွန်ုပ် ဘက်တော်သား) ခရိုနီ ခရိုပြာတွေလည်း မြန်မာပေါကားတွေထဲက လူကြမ်းတွေ မဆီမဆိုင် ရယ်တွားသလို ရယ်မောနိုင်လေပြီ။ သူတို့တွေ သက်ပြင်းလုံးချ ရယ်မောပြုံးနိုင်ဖို့ မေတ္တာရှေ့ ထား စွမ်းဆောင်ပေးသူမှာလည်း ကျွန်ုပ်၏ ချစ်နှမပင် ဖြစ်လေသည်။ နှမတော်က ချစ်မြေးတော်အပါအဝင် တိုင်းပြည်သယံဇာတများကို အလုအယက် စွန့်ဦးရောင်းချခဲ့သူတွေကို ကျွန်ုပ်နန်းဆိုက်မြို့ သို့ ဖိတ်ခေါ်ပြီး ကျွဲပါးစောင်းတီး အတိတ်လုပ်ရပ်တွေကို မေ့ဖျက်ကာ တိုင်းပြည်အကျိုး လုပ်ဆောင်ကြဖို့ တိုက်တွန်းပြောဆိုခဲ့သည်။ ဒီအတွက် ကျွန်ုပ်တို့ အထူးကျေနပ်ကြသည်။
အချုပ်ပြောရရင် ကျွန်ပ်ကံဇာတာသည် မစ္စတာဒေါ်နယ်ထရမ့်နဲ့ နင်လားငါလား အကိုင်းဖျားထိပ်သို့ ရောက်နေလေသည်။ ဒီအတွက် ကျွန်ုပ် စိတ်ချမ်းသာ ဝမ်းမြောက်ဂုဏ်ယူသည်။ အထူးသဖြင့် နှမတော်၏ ဖေးမစောင့်ရှောက်မှု၊ မေတ္တာတရားနဲ့ ကျွန်ုပ် ဘဝလုံခြုံရေး၊ ရပိုင်ခွင့်၊ ပိုင်ဆိုင်ခွင့်တွေကို မထိမပါး ကျွန်ုပ်တို့ နေချင်သလို၊ လုပ်ချင်သလို လုပ်ပိုင်ခွင့်တွေ ဆက်လက်ရရှိနေသရွေ့  များစွာကျေနပ်နေပါမည်။
ဘဝရှင်မင်းတရားကြီး ရေးခြစ်ထားသော စာမှတ်တမ်း ဤတွင် အဆုံးသတ်သည်။
အတွင်းလူယုံတော်ထံမှ ရရှိခဲ့တဲ့ ဘဝရှင်မင်းတရားကြီး၏ မလှမပ ကြောင်ခြစ်ခြစ်ထားတဲ့ လက်ရေးမူကို မိုးမခမဂ္ဂဇင်းကြီးသို့ပေးပို့ရန် ကူးယူနေချိန် အိမ်နဲ့မနီးမဝေး ကထိန်အလှုပွဲမဏ္ဍိုပ်မှ အရပ်ရှစ်မျက်နှာ နားမချမ်းသာအောင် မိုးလင်းမိုးချုပ် ဖွင့်နေတဲ့ လော်စပီကာကနေ “ငါက ဗိုလ်အောင်ဒင် … နင်က ဒါကိုမမြင် … မိန်းခလေးရေ … မင်းမိုက်တယ် ... ကောင်မလေးကို မထိနဲ့ မိုက်ရင်ထွက်ခဲ့ … …” သီချင်းသံ အိမ်နံရံကိုထိုးဖောက် ဝင်ရောက်လာလေသည်။