ဇင်လင်း ● ပြည်တွင်းစစ် အလိုမရှိ၊ ငြိမ်းချမ်းပါစေ မြန်မာပြည်


ဇင်လင်း ● ပြည်တွင်းစစ် အလိုမရှိ၊ ငြိမ်းချမ်းပါစေ မြန်မာပြည်
(မိုးမခ) နိုဝင်ဘာ ၂၊ ၂ဝ၁၆

မြန်မာနိုင်ငံ ပြည်သူလူထု ယနေ့ အလိုလားဆုံး ဆန္ဒကို ဖေါ်ပြပါဆိုလျှင် စစ်ပွဲများအမြန်ရပ်ရေးနှင့် ငြိမ်းချမ်းရေးဖြစ်သည် ဟု ဆိုရပေမည်။ သို့ကြောင့်ပင် ပြည်ထောင်စု ငြိမ်းချမ်းရေး အမြန်ဖြစ်ထွန်းပေါ်ပေါက်ရေးအတွက် နိုင်ငံနှင့်အဝှမ်းတွင်  ငြိမ်းချမ်းရေးဆန္ဒပြပွဲများ အဆက်မပြတ် ပြုလုပ်နေသည်ကို မြင်နေကြားနေရသည်။ အောက်တိုဘာလ ၂၂ ရက်နေ့တွင် လက်ရှိ ကချင်ပြည်နယ်အတွင်း ဖြစ်ပွားနေသော စစ်ပွဲများရပ်ဆိုင်းပေးရန် အစိုးရတပ်မတော်နှင့် ကချင်လွတ်လပ်ရေး တပ်မတော် (KIA) တို့ နှစ်ဦးနှစ်ဘက်လုံးအား ကချင်ပြည်နယ် မြစ်ကြီးနားမြို့၌ ထောင်ဂဏန်းချီသည့် ဒေသခံပြည်သူ များက စုပေါင်းဆန္ဒပြတောင်းဆိုခဲ့ကြောင်း တွေ့ရသည်။

ဆန္ဒပြသူများက “ပြည်ထောင်စုမြန်မာနိုင်ငံတဝှမ်းလုံး ငြိမ်းချမ်းပါစေ၊ စစ်ပွဲများ အလိုမရှိ ငြိမ်းချမ်းရေးကိုသာ အလိုရှိသည်” ဟု ရေးသားထားသည့် တောင်းဆိုချက် ပိုစတာများကို ကိုင်ဆောင်ကာ မြစ်ကြီးနားမြို့ ရပ်ကွက်တချို့အတွင်း လှည့်လည် ဆန္ဒထုတ်ဖော်ခဲ့ကြသည်။ ကြွေးကြော်မှု မပြုဘဲ ပိုစတာများကိုသာ ကိုင်ဆောင် ဆုတောင်း လည့်လည်ဆန္ဒပြခဲ့ကြသူများ တွင် စစ်ပြေး ဒုက္ခသည်များအပါအဝင် ကချင်၊ ဗမာ၊ ရှမ်း၊ မွတ်စလင်၊ ဟိန္ဒူ နှင့် တရုတ် အမျိုးသားများ စုစုပေါင်း ၂၈,ဝဝဝ ခန့် ပါဝင်သည်ဟု ကချင်သတင်းဌာန(KNG)က သတင်းဖေါ်ပြခဲ့ သည်။ မြစ်ကြီးနားမြို့တွင် အောက်တိုဘာ ၃ ရက်နှင့် ၆ ရက်နေ့များကလည်း စစ်ပွဲတွေရပ်ဆိုင်းပေးရေးအတွက် ကချင်တိုင်းရင်းသားများ စုပေါင်းဆန္ဒပြခဲ့ကြကြောင်း သတင်းများ အရ သိရသည်။ ပြည်သူလူထုက မြေစာပင်အဖြစ် ဒုက္ခရောက်နေရသောကြောင့် အစိုးရတပ်မတော်နှင့် KIA တို့နှစ်ဦးလုံး စစ်ပွဲများရပ်ဆိုင်းပေးရန် တောင်းဆိုခြင်းဖြစ်ကြောင်း ဆန္ဒပြသူတို့က ဆိုသည်။

အောက်တိုဘာလ ၁၅ ရက်နေ့ကလည်း ကချင်ပြည်နယ်နှင့် ရှမ်းပြည်နယ်များတွင် လက်ရှိ တပ်မတော်၏ ထိုးစစ်ဆင်မှုများ  ရပ်စဲပေးရန် မန္တလေးဒေသခံ လူမှုရေးအသင်းအဖွဲ့များနှင့် ကချင်လူမှုရေးအသင်းအဖွဲ့များ စုပေါင်း၍  မန္တလေးမြို့တော် ခန်းမရှေ့တွင် ဆန္ဒပြတောင်းဆိုခဲ့ကြကြောင်း သတင်းများကြားသိရသည်။   “ဒီနေ့ ပါဝင်ရခြင်းသည် ကျမတို့အတွက် လူမျိုး ရေး မပါ ပါဘူး၊ ဘာသာရေးနဲ့လည်း မဆိုင်ပါဘူး၊ နိုင်ငံရေးလည်း မဟုတ်ပါဘူး၊ စစ်ကြောင့် ဒုက္ခရောက်နေသော ကျမတို့ အမျိုးသမီးများ၊ ကလေးများ၊ သက်ကြီးရွယ်အိုများကို ငြိမ်းချမ်းစေချင်သောကြောင့်သာ စစ်ပွဲများရပ်တန့်ပေးဖို့ တောင်းဆိုရ ခြင်း ဖြစ်ပါတယ်” ဟု ဆန္ဒပြပွဲတွင်ပါဝင်သူ ကချင်အမျိုးသမီး ဒေါ်လမိုင်ထွယ်ရာ က RFA ရေဒီယိုသတင်းသို့ ပြောကြောင်း ကြားရသည်။

အောက်တိုဘာလ ၁၇ ရက်နေ့ကလည်း ချင်းပြည်နယ်ရှိ ဟားခါးမြို့နှင့် ထန်တလန်မြို့များတွင် စစ်ပွဲတွေရပ်ရေးအတွက် ဒေသခံပြည်သူများ ဆန္ဒပြခဲ့ကြသည်။ ဆန္ဒပြသူတို့က ၂၁ ရာစုပင်လုံညီလာခံအောင်မြင်ရေး၊ ဖက်ဒရယ်ပြည်ထောင်စု တည်ဆောက်ရေး၊ တိုင်းရင်းသား လူမျိုးများတန်းတူရေး၊ ပြည်သူ့ဘဝလုံခြုံရေး စသည့်အချက်များ တောင်း ဆိုခဲ့ကြ ကြောင်း RFA ရေဒီယိုသတင်းတွင် ကြားရသည်။ ရှမ်းပြည်နယ် ကွတ်ခိုင်မြို့တွင်လည့်း တိုက်ပွဲများ ရပ်စဲရေးအတွက် ကချင်၊ ရှမ်း၊ ပလောင်၊ စတဲ့ တိုင်းရင်းသားတွေ အပြင် ဂေါ်ရခါး၊ တရုတ် စသည့် လူမျိုးပါဝင်သော ဒေသခံပြည်သူ အင်အား နှစ်ထောင်ခန့် အောက်တိုဘာလ ၂၁ ရက်နေ့က ဆန္ဒပြခဲ့ကြသည်။ ဆန္ဒပြပွဲတွင် စစ်ပွဲများရပ်စဲရေး၊ အသက် အိုးအိမ်လုံခြုံရေး ၊ငြိမ်းချမ်းစွာ ပညာသင်ကြားနိုင်ရေး၊ စစ်ဘေးဒုက္ခသည်များအား ရိက္ခာဖြတ်တောက်မှု ရပ်တန့်ရေး၊ ကလေးငယ်များနှင့် အမျိုးသမီးများ ဘဝလုံခြုံရေး စသည့် အချက်များကို တောင်းဆိုခဲ့ကြောင်း ကြားသိရသည်။

အောက်တိုဘာလ ၃၁ ရက်နေ့ကလည်း “တစ်နိုင်ငံလုံး အပစ်အခတ်ရပ်စဲရေးစာချုပ်” NCA ၌ KIA အနေဖြင့် ပါဝင် လက်မှတ်ရေးထိုး၍ နိုင်ငံတော်က ဖော်ဆောင်နေသော ငြိမ်းချမ်းရေးလုပ်ငန်းစဉ်တွင် လက်တွဲဆောင်ရွက်ရန် ဒေသခံ တိုင်းရင်းသား ၈,ဝဝဝ ကျော်က ကချင်ပြည်နယ် မြစ်ကြီးနားမြို့၌ ဆန္ဒပြတောင်းဆိုကြကြောင်း သိရသည်။ တစ်နိုင်ငံလုံး အပစ်အခတ်ရပ်စဲရေးစာချုပ်ကို လက်မှတ်ရေးထိုးလိုက်မည်ဆိုပါက ပြည်သူများ လိုလားသည့် ငြိမ်းချမ်းရေးအတွက် အကျိုးရှိစေမည်ဟု ထင်မြင်ကြောင်း ဆန္ဒပြခေါင်းဆောင်တစ်ဦးဖြစ်သူ ဦးစိုင်းထွန်းရင် က RFA သတင်းသို့ပြောကြောင်း သိရသည်။ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကလည်း တိုင်းရင်းသား လက်နက်ကိုင်အဖွဲ့များ အနေဖြင့် အချိန်မဆွဲဘဲ တစ်နိုင်ငံလုံးအပစ်အခတ် ရပ်စဲရေးစာချုပ် NCA တွင် ပါဝင်လက်မှတ်ရေးထိုးကြရန် မကြာသေးမီက တိုက်တွန်းခဲ့သည်။

လောလောဆယ် နိုင်ငံရေး အခင်းအကျင်းကို လေ့လာပါက ပြည်တွင်းစစ်ရပ်စဲရေးနှင့် ငြိမ်းချမ်းရေး ရရှိရေးကို ပြည်သူ လူထုက တောင်းဆိုနေသည့်အလျောက် အစိုးရကလည်း ဦးစားပေးဆောင်ရွက်နေကြောင်း တွေ့ရသည်။ အောက်တိုဘာ ၁၅ ရက်နေ့က နေပြည်တော် သင်္ဂဟဟိုတယ်၌ ကျင်းပသည့် “ပြည်ထောင်စုငြိမ်းချမ်းရေး ဆွေးနွေးမှု ပူးတွဲကော်မတီ” UPDJC အစည်းအဝေးတွင် UPDJC ဥက္ကဌ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က တိုင်းရင်းသား အချင်းချင်းအကြား မတူညီတဲ့ သဘော ထားအမြင်အမျိုးမျိုး ကို ၂၁ ရာစုပင်လုံ ငြိမ်းချမ်းရေးညီလာခံမှာ ညှိနှိုင်းရမှာ ဖြစ်ကြောင်း နှိုးဆော်ထားပြီး၊  စစ်မှန်ခိုင်မာသော ပြည်ထောင်စု တည်ဆောက်မည် ဆိုသည့် ဘုံသဘောတူညီချက် ရရှိရန် လိုအပ်ကြောင်း ပြောကြားခဲ့ပါသည်။ ၎င်းအပြင် ပြည်ထောင်စုသားအားလုံး၏ ရုပ်ပိုင်းဆိုင်ရာ စိတ်ပိုင်းဆိုင်ရာ လိုအပ်ချက် များကို ဖြည့်ဆည်းနိုင်ရေး စဉ်းစားပေးရမှာ ဖြစ်ကြောင်း၊  အတိတ်ဆိုးများကို ပယ်ဖျက်၍ အနာဂတ်တွင် ယုံယုံကြည်ကြည် ညီညီညွတ်ညွတ်နှင့် မည်ကဲ့သို့ချီတက်ကြမည်နည်းဆိုသည်ကို ဝိုင်းဝန်းစဉ်းစား ပေးရန်လည်း လိုကြောင်း နိုင်ငံတော် အတိုင်ပင်ခံပုဂ္ဂိုလ်က ဆွေးနွေးပွဲ တက်ရောက်လာသူများအား နှိုးဆော်ခဲ့သည်ကို သတိပြုမိသည်။ NLD အစိုးရ၏ ရည်မှန်းချက်က အမျိုးသားပြန်လည်သင့်မြတ်ရေးကို ဦးတည်ထားသည်။ ပြည်ထောင်စု ငြိမ်းချမ်းရေးလမ်းပြမြေပုံ ၇ ချက်ကို မကြာသေးခင်က ထုတ်ပြန်ခဲ့ရာ၌လည်း အနှစ်ချုပ်အားဖြင့် ဖွဲ့စည်းပုံပြင်ရေးနှင့် ဒီမိုကရက် တစ်ဖက်ဒရယ် ပြည်ထောင်စု တည်ဆောက်ရေးဟု အတိအလင်းညွှန်းဆိုထားသည်။

UPDJC အစည်းအဝေးကို အောက်တိုဘာ ၂၈ ရက်မှ ၂၉ ရက်အထိ ၂ ရက်ကြာပြုလုပ်ခဲ့ကြောင်း နိုင်ငံပိုင်သတင်းစာများ တွင် ဖေါ်ပြခဲ့သည်။ အမျိုးသားအဆင့် နိုင်ငံရေးဆွေးနွေးပွဲများကို အဆင်သင့်ဖြစ်သည့် တိုင်းဒေသကြီးနှင့် ပြည်နယ်များ တွင် စတင်ကျင်းပသွားမည်ဟု အောက်တိုဘာ ၂၉ ရက်က ပြုလုပ်သည့် UPDJC အစည်းအဝေးက ဆုံးဖြတ်ခဲ့သည်။ အစည်းအဝေးတွင် နိုင်ငံရေး ဆွေးနွေးမှု အဆင့်ဆင့် ပုံစံ(Structure)၊ အမျိုးသားအဆင့် နိုင်ငံရေးဆွေးနွေးပွဲ လုပ်ငန်း လမ်းညွှန်များ၊ လူမျိုးအလိုက် ကျင်းပသော အမျိုးသားအဆင့် နိုင်ငံရေးဆွေးနွေးပွဲ လုပ်ငန်းလမ်းညွှန်၊ ဒေသအလိုက် ကျင်းပသော အမျိုးသားအဆင့် နိုင်ငံရေးဆွေးနွေးပွဲ လုပ်ငန်းလမ်းညွှန်၊ အကြောင်းအရာအလိုက်ဆွေးနွေးသော အမျိုးသား အဆင့် နိုင်ငံရေးဆွေးနွေးပွဲ လုပ်ငန်းလမ်းညွှန်၊ အမျိုးသားအဆင့် နိုင်ငံရေးဆွေးနွေးပွဲ ကြီးကြပ်မှုကော်မတီ လုပ်ငန်းလမ်းညွှန်၊ UPDJC လုပ်ငန်း လမ်းညွှန်၊ UPDJC အတွင်းရေးမှူး အဖွဲ့ လုပ်ငန်းလမ်းညွှန်၊ လုပ်ငန်းကော်မတီများ လုပ်ငန်းလမ်းညွှန်၊ UPDJC ရုံးအဖွဲ့ ဖွဲ့စည်းပုံ၊ ပထမအကြိမ် အမျိုးသားအဆင့် နိုင်ငံရေးဆွေးနွေးပွဲများတွင် ဆွေးနွေးမည့် ခေါင်းစဉ်ခွဲများ အစရှိသည်တို့ကို ဆွေးနွေးခဲ့ကြကြောင်း သိရသည်။ UPDJC ဒုတိယဥက္ကဋ္ဌ ဒေါက်တာတင်မျိုးဝင်းက ဆွေးနွေးပွဲ ရလဒ် ဆုံးဖြတ်ချက် ၉ ချက်နှင့် မှတ်တမ်း ၇ ချက်ကို အောင်မြင်စွာ ရရှိခဲ့၍၊ ငြိမ်းချမ်းရေးလမ်းစဉ်ကို မဖြစ်မနေသွားရန် အမျိုးသားအဆင့်နိုင်ငံရေးဆွေးနွေးပွဲကျင်ပရေး ရှေ့သို့ ခြေလှမ်းတိုးနိုင်ခဲ့ပြီဟု ဆိုပါသည်။

ပြည်ထောင်စု ငြိမ်းချမ်းရေး ဆွေးနွေးမှု ပူးတွဲကော်မတီ (UPDJC) ဥက္ကဋ္ဌ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်း စုကြည်က အမျိုးသားအဆင့် နိုင်ငံရေးဆွေးနွေးပွဲများကို နိုဝင်ဘာလတွင် ဆောင်ရွက်ရန် ရည်ရွယ်ထားကြောင်း အစည်း အဝေး ပထမနေ့က ပြောကြားခဲ့သည်။ ဤအတောအတွင်း တနိုင်ငံလုံးအပစ်ရပ်ရေး NCA စာချုပ် လက်မှတ် မထိုးရသေး သည့် တိုင်းရင်းသားလက်နက်ကိုင်တပ်ဖွဲ့များနှင့် အစိုးရငြိမ်းချမ်းရေးကော်မရှင်တို့ တွေ့ဆုံဆွေးနွေးရန်ရှိသည်ဟု သိရ သည်။ NCA စာချုပ် လက်မှတ်မထိုးသေးသော အဖွဲ့များအနေဖြင့်  NCA စာချုပ်တွင် ပါဝင်လက်မှတ်ထိုးမှသာ နိုင်ငံရေး ဆွေးနွေးပွဲ တက်ရောက်ခွင့် ရမည်ဖြစ်၍၊ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က လက်မှတ်ထိုးရန် အချိန်မဆွဲကြစေလိုကြောင်း နှိုးဆော်နေသည်ကို ကြားသိရသည်။ အောက်တိုဘာ ၂၈ ရက်နေ့က နေပြည်တော် သင်္ဂဟ ဟိုတယ်တွင် ကျင်းပသော ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ အစည်းအဝေး၌ UPDJC ဥက္ကဌ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြည်ထောင်စု ငြိမ်းချမ်းရေးညီလာခံ ဒုတိယအကြိမ် ပင်လုံကို လာ မည့် ဖေဖော်ဝါရီလအတွင်း ကျင်းပသွားမည်ဟုလည်း ပြောကြားခဲ့သည်။ သို့ဖြစ်၍ လက်မှတ် မထိုးရသေးသည့် တိုင်းရင်းသား လက်နက်ကိုင်အဖွဲ့အစည်းများအနေဖြင့် ငြိမ်းချမ်းရေးဆွေးနွေးပွဲအဆင့်ဆင့်တွင် အားလုံးပါဝင်ဆောင်ရွက် နိုင်ရေးအတွက် NCA စာချုပ် လက်မှတ်ရေးထိုးရေးကိုလည်း စိတ်အားထက်သန်ရန် လိုကြောင်း ဒေါ်အောင်ဆန်း စုကြည် က တိုက်တွန်းခဲ့သည်။

အောက်တိုဘာ ၁၈ ရက်မှ ၂၁ အတွင်း ရန်ကုန်မြို့ရှိ အမျိုးသားပြန်လည် သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) မှာ “နိုင်ငံရေးဆွေးနွေးမှုဆိုင်ရာ မူဘောင်သုံးသပ်ခြင်း” နဲ့ အမျိုးသားအဆင့် နိုင်ငံရေးဆွေးနွေးပွဲများ ကျင်းပရေးအတွက် လုပ်ငန်းလမ်းညွှန်များ အတည်ပြုနိုင်ရန် ဆွေးနွေးပွဲကျင်းပခဲ့သည်။ အဆိုပါ NRPC နိုင်ငံရေးဆွေးနွေးမှု ဆိုင်ရာ မူဘောင်သုံးသပ်ခြင်း အစည်းအဝေးတွင် NCA လက်မှတ် မရေးထိုးရသေးသော “ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ” (UNFC) ၏ ‘နိုင်ငံရေး ဆိုင်ရာ ဆွေးနွေးညှိနှိုင်းရေးကိုယ်စားလှယ်အဖွဲ့’ (DPN) အဖွဲ့လည်း တက် ရောက်ခဲ့သည်။ နိုင်ငံရေးဆွေးနွေးပွဲနှင့် ငြိမ်းချမ်းရေးဆွေးနွေးပွဲ ဖြစ်စဉ်သည် NCA အပေါ် အခြေခံ ဆောင်ရွက်ခြင်းဖြစ်၍ NCA စာချုပ်အပိုဒ် ၂၁၊ အပိုဒ် ၂၂ အရ စာချုပ်တွင် လက်မှတ်ထိုးသော အဖွဲ့များသာ နိုင်ငံရေးဆွေးနွေးပွဲတွင် ပါဝင်ခွင့်ရှိ သည်ဟု ဖော်ပြထားကြောင်း ဒေါက်တာဆလိုင်းလျန်မှုန်းဆာခေါင်းက ပြောသည်။  UNFC အနေဖြင့် လက်မှတ် မထိုးဖြစ် ခဲ့ပါက ၎င်းတို့အနေဖြင့် နိုင်ငံရေးဆွေးနွေးပွဲများတွင် ပါဝင်ခွင့်ရရှိမည် မဟုတ်ဟု ဆိုသည်။ ယခု ပြန်လည် သုံးသပ်မှု Review လုပ်ရာတွင် လက်မှတ်မထိုးရသေးသော အဖွဲ့များကို ပါဝင်ခွင့် ပြုခဲ့ကြောင်း၊ အကြောင်းမှာ NCA လက်မှတ် ထိုးပြီးလျှင် ပြီးခြင်း အမျိုးသားအဆင့် နိုင်ငံရေးဆွေးနွေးပွဲများတွင် UNFC အနေဖြင့် ဆက်လက်ပါဝင်လာနိုင်ရန် ဖြစ်သည် ဟု ဒေါက်တာ ဆလိုင်းလျန်မှုန်းက ဆိုသည်။ သို့သော် UNFC  သည် အမှန်တကယ် ဆွေးနွေးပွဲ စတင်ချိန် အထိ NCA လက်မှတ် မထိုးခဲ့လျှင် ၎င်းတို့ကို ချန်ထားခဲ့ရမှာဖြစ်ကြောင်း၊ ထိုသို့ မဖြစ်စေလိုသောကြောင့် ဘက်ပေါင်းစုံမှ UPDJC  က ကြိုးစားနေခြင်းဖြစ်ကြောင်း ဒေါက်တာဆလိုင်းလျန်မှုန်းက ဆိုသည်။ အခြားတစ်ဖက်၌လည်း DPN အဖွဲ့ခေါင်းဆောင်  ခူးဦးရယ်က အမျိုးသားအဆင့် နိုင်ငံရေးဆွေးနွေးပွဲ မူဘောင် သုံးသပ်ခြင်း လုပ်ငန်းစဉ်မှာ ပူးပေါင်းပါဝင်ပြီး၊ NCA ထိုးနိုင်မည့် လမ်းကြောင်းများကို ရှာဖွေသွားမည် ဟု အောက်တိုဘာလ ၁၉ ရက်က ပြောခဲ့သည်။

လက်ရှိ ဖြစ်ပေါ်နေသည့် နိုင်ငံရေးအခြေအနေသည် အကောင်းဘက်သို့ ရွေ့မည်လား၊ အဆိုးဘက်သို့ ရွေ့မည်လား ဆိုသည်ကို မှန်းဆရန် မလွယ်သေးပေ။ သို့သော် UNFC  အနေဖြင့် ဒေါ်အောင်ဆန်းစုကြည်၏ နှိုးဆော်မှုကို အလေး အနက် စဉ်းစား၍ မှန်ကန်သည့် ဆုံးဖြတ်ချက် ချနိုင်ခဲ့လျှင် အကောင်းဘက်ကို ရွေ့နိုင်ဖွယ်ရာ ရှိပေသည်။

အောက်တိုဘာ ၂၈ ရက်နေ့က UPDJC အစည်းအဝေးတွင် UPDJC ဥက္ကဌ ဒေါ်အောင်ဆန်းစုကြည်က -  “ငြိမ်းချမ်းရေးတည် ဆောက်မယ် ဆိုပါက တစ်ယောက်နဲ့ တစ်ယောက် သဘောထားချင်း ဖလှယ်ရမည်၊ အပြန်အလှန် စကားပြောရမည် ဖြစ်ပါကြောင်း၊ ထိုသို့ဆွေးနွေးတိုင်ပင်ပြီးမှ အဖြေတစ်ခု ရမည်ဖြစ်ပါကြောင်း၊ ထိုအချိန်ကျမှ သဘောတူ ညီချက်များကို အကောင်အထည်ဖေါ်ရမည် ဖြစ်ပါကြောင်း၊ ထိုသို့ တစ်ဆင့်ပြီး တစ်ဆင့်လုပ်ဆောင်သွားရန်သည် အင်မတန် အရေးကြီးပါ ကြောင်း၊ မိမိတို့နိုင်ငံတွင် တိုင်းရင်းသား လူမျိုးပေါင်းများစွာ ရှိသည့်အတွက် အမျိုးသားအဆင့် ဆွေးနွေးပွဲများတွင် အားလုံးပါဝင်နိုင်ရန် ဦးတည်ပါကြောင်း၊ အားလုံး ပါဝင်နိုင်ခြင်းဆိုသည်မှာ အားလုံးကို ကိုယ်စားပြု သည့် ပုဂ္ဂိုလ်များ ပါဝင်နိုင်ရေးကို ဆိုလိုခြင်း ဖြစ်ပါကြောင်း၊ အမျိုးသားအဆင့် ဆွေးနွေးပွဲများနှင့် ပတ်သက်၍ စမ်းသပ် ကာလ ရောက်ရှိပြီဟု ထင်မြင်ယူဆမိပါကြောင်း၊ တစ်ချိန်တည်းတွင် တစ်တိုင်းပြည်လုံး၌ အားလုံးကို လုပ်ရန်သည် မဖြစ်နိုင်ပါကြောင်း၊ ထို့ကြောင့် ပထမဦးစွာ ဒေသကို အခြေခံခြင်း၊ အမျိုးသားရေးကို အခြေခံခြင်း၊ လူမျိုးရေးရာကို အခြေခံခြင်းစသည့် အမျိုးသားအဆင့် ဆွေးနွေးပွဲ ၃ မျိုးကို နိုဝင်ဘာလတွင် ဆောင်ရွက်ရန် ရည်ရွယ်ထားပါကြောင်း၊ အဆိုပါ ဆွေးနွေးပွဲရလဒ်များကို ကြည့်၍ ပိုမို ပီပြင်အောင် မည်သို့ ဆောင်ရွက်ရမည်ကို ဆုံးဖြတ်နိုင်မည် ဖြစ်ပါကြောင်း။” စသည်ဖြင့် ပြောကြားခဲ့သည်။

ဆက်လက်၍ နိုင်ငံတော်အတိုင်ပင်ခံပုဂ္ဂိုလ်က “မိမိတို့အဖွဲ့များအကြား ရင်းနှီးမှုရှိစေရန်၊ နီးစပ်မှုရှိစေရန် တစ်ဦးနှင့် တစ်ဦးနားလည်မှုယူနိုင်စေရန် အားလုံးကဝိုင်း၍ ကူညီပေးကြရန် မေတ္တာရပ်ခံလိုပါကြောင်း၊ ငြိမ်းချမ်းရေးဖြစ်စဉ်တွင် အားလုံးတစု တစည်းတည်း ပါဝင်လာအောင်ဆောင်ရွက်ရန် မိမိတို့ တစ်ဦးချင်း တစ်ဦးချင်းတွင် တာဝန်ရှိပါကြောင်း၊ ငြိမ်းချမ်းရေးကို အမှန်တကယ် လိုချင်ပါက ယခုအစည်းအဝေးတွင် ထိုင်နေကြသည့် ပုဂ္ဂိုလ်များသာမက ယခု အစည်းအဝေး သို့ မတက်ရောက်သော်လည်း ငြိမ်းချမ်းရေးအတွက် ကြိုးပမ်းနေသည့်အစုအဖွဲ့များ၊ ပုဂ္ဂိုလ်များနှင့် ဆက်နွှယ်သည့်သူများ အားလုံးသည် တစ်ဦးချင်း တစ်ဦးချင်းစီ၌ တာဝန်ရှိသည်ဟု ခံယူစေလိုပါကြောင်း။”

“အပစ်အခတ်ရပ်စဲရေးစာချုပ်တွင် လက်မှတ်မထိုးရသေးသည့် အစုအဖွဲ့များ တာဝန်ယူလာ နိုင်စေရန် မည်သို့ ဆောင်ရွက်ရ မည်ဆိုသည့် နည်းလမ်းများကိုလည်း မိမိတို့ရှာဖွေရမည်ဖြစ်ပါကြောင်း။ ငြိမ်းချမ်းရေးရရန် ပဋိပက္ခများ ချုပ်ငြိမ်းရေးနည်းလမ်းတစ်မျိုးတည်းသာ ရှိပါကြောင်း၊ ထို့ကြောင့် ပဋိပက္ခရပ်စဲရေးကို အားလုံးက ဦးတည်ရမည် ဖြစ်ပါကြောင်း၊ မိမိတို့တွင်အချိန်ဆွဲနိုင်သည့် အခြေအနေ မရှိပါကြောင်း၊ မိမိတို့နိုင်ငံသည်အချိန်ဆွဲ၍ မရပါကြောင်း၊ ငြိမ်းချမ်းရေး ညီလာခံ ပြင်ပတွင်နေ၍ အချိန်မဆွဲကြရန်နှင့် အားလုံးပါဝင်ကြရန် လိုအပ်ပါကြောင်း၊ အချိန်ဆိုသည်မှာ အကန့်အသတ်ရှိပါကြောင်း၊ အချိန်နှင့် ဒီရေသည် လူကို မစောင့်ဟူသည့် စကားပုံကို အားလုံးကြားဖူးကြလိမ့်မည် ဖြစ်ပါကြောင်း၊ မိမိတို့သည် အချိန်ကို မှန်မှန်ကန်ကန်သုံးစွဲရန် လိုအပ်ပါကြောင်း။”

“ဒုတိယပင်လုံအစည်းအဝေးကို ဖေဖော်ဝါရီလတွင် ကျင်းပရန် မျှော်မှန်းထားပါကြောင်း၊ အားလုံးသည် အပစ်အခတ် ရပ်စဲရေးတွင် လက်မှတ်ရေးထိုးပြီး ငြိမ်းချမ်းရေး ညီလာခံ၌ အပြည့်အဝပါဝင်လာနိုင်မည်ဟု မျှော်လင့်ပါကြောင်း၊ အဆိုပါ မျှော်လင့်ချက်ကိုလည်း အကောင်အထည်ဖော်နိုင်ရန် မိမိတို့ကြိုးစား သွားမည်ဖြစ်ပါကြောင်း၊ ယခု အစည်းအဝေးသို့ တက်ရောက်လာကြသည့် ပုဂ္ဂိုလ်များအားလုံးကလည်း ဝိုင်းဝန်းကြိုးပမ်းပေးကြပါရန် မိမိအနေဖြင့် မေတ္တာရပ်ခံပါကြောင်း။ မိမိတို့နိုင်ငံ၏ တိုးတက်မှုသည် ကမ္ဘာ၏ တိုးတက်မှု၊ အောင်မြင်မှုဟု ရှုမြင်နေကြသည့်မိတ်ဆွေများ၊ ပညာရှင်များသည် NRPC ၏ ငြိမ်းချမ်းရေးလုပ်ငန်းများကို ပံ့ပိုးရန် အဆင်သင့်ရှိပါကြောင်း၊ မိမိတို့အားလုံး ဝိုင်းဝန်းလက်တွဲ၍ ဖန်တီးကြရန် အဆင်သင့်ဖြစ်နေပြီဖြစ်ပါကြောင်း၊ ထို့ကြောင့် အဆင်သင့်ဖြစ်နေသည့် အခြေအနေမှ တစ်ဆင့်တိုးပြီး အားလုံးက တက်တက်ကြွကြွပါဝင်နိုင်သည့် အဆင့်သို့သွားရန်အတွက် မိမိတို့ ကြိုးပမ်းဆောင်ရွက်ကြရမည် ဖြစ်ပါကြောင်း၊ အားလုံးကလည်း ဝိုင်းဝန်းကူညီကြပါရန် မိမိအနေဖြင့် မေတ္တာရပ်ခံပါကြောင်း ပြောကြားသည်။” စသည်ဖြင့် ငြိမ်းချမ်းရေး လုပ်ငန်းစဉ် အဆင်ပြေချောမွေ့စေရန် အထူးတိုက်တွန်းနှိုးဆော်သွားသည်။

လွန်ခဲ့သည့် အောက်တိုဘာ ၁၇ နှင့် ၁၈ ရက်နေ့များတွင် တိုင်းနဲ့ပြည်နယ် ၁၄ ခုရှိ  အရပ်ဘက်အဖွဲ့အစည်းပေါင်း ၉ဝ မှ ကိုယ်စားလှယ်များ၏ ၁၄ ကြိမ်မြောက် ငြိမ်းချမ်းရေးဖိုရမ်က နိုင်ငံတော် အတိုင်ပင်ခံ ပုဂ္ဂိုလ်၊ ကာကွယ်ရေးဦးစီးချုပ်၊ NCA လက်မှတ်ထိုးပြီး တိုင်းရင်းသား လက်နက်ကိုင်အဖွဲ့များ၊ NCA  လက်မှတ် မထိုးရသေးသည့် တိုင်းရင်းသားလက်နက်ကိုင် အဖွဲ့များထံ အိတ်ဖွင့်ပေးစာ ပေးပို့ခဲ့ကြသည်။ အိပ်ဖွင့်ပေးစာတွင် “တိုင်းရင်းသားဒေသ ထိုးစစ်များရပ်တံ့ရေးနှင့် နိုင်ငံရေး လမ်းပြမြေပုံတွင် အပစ်ရပ်ရေး လက်မှတ် မထိုးရသေးသော  တိုင်းရင်းသားလက်နက်ကိုင်အဖွဲ့များပါဝင်ခွင့် ရရှိရေး ”  စသည့် ကိစ္စများကို အမြန်ဆုံး တာဝန်ယူ ဆောင်ရွက်ပေးရန် တောင်းဆိုထားသည်။ ခြုံငုံသုံးသပ်ကြည့်လျှင် မြန်မာပြည်သူ လူထု အများစုကြီးက “ပြည်ထောင်စု ငြိမ်းချမ်းရေး ညီလာခံ” ၂၁ ရာစုပင်လုံ (ဒုတိယအကြိမ်) ပြန်လည် ကျင်းပသောအခါ လူစုံတက်စုံ အဖွဲ့ပေါင်းစုံ မပျက်မကွက် ပါဝင်တက်ရောက်စေလိုသော ဆန္ဒရှိကြောင်း ထင်ရှားပါသည်။

ထို့ကြောင့် ပြည်တွင်းငြိမ်းချမ်းရေးအတွက် ဆောင်ရွက်ကြရာတွင် နိုင်ငံရေး ခေါင်းဆောင်များ အနေဖြင့် ပြည်ထောင်စု အကျိုးစီးပွား၊ အမျိုးသားအကျိုးစီးပွားကို ဦးစားပေး စဉ်းစားကြရန် သတိမမေ့သင့်ပါ။ မိမိတို့တစ်ဦးချင်း တစ်ဖွဲချင်းစီ၏ အကျိုးစီးပွားကို အလွန်အကျွံရှေ့တန်းမတင်ရန်လည်း သတိပြုသင့်ပါသည်။ “မိမိတို့တွင် အချိန်ဆွဲနိုင်သည့် အခြေအနေ မရှိပါကြောင်း၊ မိမိတို့နိုင်ငံသည် အချိန်ဆွဲ၍ မရပါကြောင်း၊ ငြိမ်းချမ်းရေးညီလာခံ ပြင်ပတွင်နေ၍ အချိန်မဆွဲ ကြရန်နှင့် အားလုံး ပါဝင်ကြရန် လိုအပ်ပါကြောင်း၊” ဆိုသည့် ဒေါ်အောင်ဆန်းစုကြည်၏ နှိုးဆော်ချက်ကို အလေးအနက် နှလုံးသွင်း လျှက် ပြည်သူလူထုလိုလားတောင့်တလျှက်ရှိသော ‘ငြိမ်းချမ်းရေး’ ကို အမိအရ ယူနိုင်ကြပါစေကုန်။