ငြိမ်းချမ်းအေး ● ဆိုင်းဘုတ်ကလေးတွေ ဖြုတ်ကြရအောင်




ငြိမ်းချမ်းအေး ● ဆိုင်းဘုတ်ကလေးတွေ ဖြုတ်ကြရအောင်
(The Ladies News Journal / မိုးမခ) နိုဝင်ဘာ ၁၇၊ ၂၀၁၆


Myanmar Now သတင်းအေဂျင်စီက “ထွန်းကားနေသော အမျိုးသမီးတားမြစ်နယ်မြေယဉ်ကျေးမှု” သတင်းဆောင်းပါး ဖတ်ရလို့ ဝမ်းသာမိပါတယ်။ ကျနော်ဟာ သာသနိက အဆောက်အအုံတွေက “အမျိုးသမီးမဝင်ရ” ဆိုင်းဘုတ်တွေကို ဖြုတ်နိုင်ဖို့ သုတေသန အသေးစားလေးတခု တနိုင် လုပ်နေပါတယ်။

မြန်မာနိုင်ငံမှာ ၂၀၁၄ ခုနှစ် သန်းခေါင်စာရင်း ကို မူတည်ပြီး တရားဝင် ထုတ်ပြန်တဲ့ စာရင်းအရ ဗုဒ္ဓ ဘာသာ ဝင် လူဦးရေက ၈၇.၉ % ရှိပြီး အများစု ဖြစ်တာမို့ ဗုဒ္ဓဘာသာဆက်စပ် ဘာသာရေး အဆောက်အအုံ နယ်မြေတွေမှာ တားမြစ်ထားတဲ့ “အမျိုးသမီးမဝင်ရ” ဆိုင်းဘုတ်တွေ အတွက် သဘောထား စစ်တမ်း ကောက်ယူပြီး ဖြုတ်ချနိုင်မယ့် အခွင့်အရေး နည်းလမ်း ရှိမရှိ ဆန်းစစ်လိုတဲ့ စိတ်ဆန္ဒ ရှိပါတယ်။ ဒါကြောင့် နီးစပ်ရာ မိတ်ဆွေတွေကတဆင့် စကားပြောဆို ဆွေးနွေးနိုင်မယ့် ဘာသာရေးခေါင်းဆောင် တချို့နဲ့ တွေ့ဆုံ စကားပြော ဖြစ်ပါတယ်။ နိုင်ငံရဲ့ ပုံရိပ် အထင်ကရ ဘာသာကြီး တခုဖြစ်တဲ့ ဗုဒ္ဓ ဘာသာ ပြီးရင် ပြည်ထောင်စု အတွင်း မှီတင်းနေထိုင်နေတဲ့ တခြား ကိုးကွယ်ယုံကြည်မှုများ၊ နတ်ကိုးကွယ်မှုများက ကျား-မ ခွဲခြားမှု သဘော သက်ရောက်တဲ့ တားမြစ်ချက်တွေ၊ သတ်မှတ်ချက်တွေကိုလည်း ဆက်လက် တို့ထိ ဖို့ စဉ်းစားထားပါတယ်။

ဗုဒ္ဓဘာသာ အတွက်မှာတော့ ပါမောက္ခချုပ်ဆရာတော် ဘဒ္ဒန္တ ဒေါက်တာ နန္ဒမာလာဘိဝံသ . လို ကျင့်ဝတ်သီလပိုင်းအတွက် သြဇာရှိသူ ဆရာတော်ကြီး ကိုယ်တိုင်က “အမျိုးသမီးမဝင်ရ ဆိုင်းဘုတ်တွေဟာ ဗုဒ္ဓဘာသာက တားမြစ်တာမဟုတ်ဘူး၊ ဒါတွေက ရိုးရာယဉ်ကျေးမှု ဆက်စပ်တွေပါ” ဆိုပြီး ဟောကြားတော်မူခဲ့လို့ ဆိုင်းဘုတ်တွေ ဖြုတ်ချနိုင်ဖို့ လမ်းစ ဖြစ်နိုင်မလား ဆိုပြီး ကျနော် တွေးမိရင်းနဲ့ “ဆိုင်းဘုတ်ကလေးတွေ ဖြုတ်ကြရအောင်” အတွက် လှုပ်ရှားမှုဖော်ဆောင်မယ်၊ ဘာသာရေးခေါင်းဆောင်ပိုင်းနဲ့ အများပြည်သူ (မ + ကျား နှစ်ဘက်စလုံး ) ရဲ့ တုံ့ပြန်မှုကို လေ့လာမယ် ဆိုပြီး စီစဉ်ထားတာပါ။ စာနယ်ဇင်းကနေ သတင်းဆောင်းပါး၊ အမြင်အာဘော်ဆောင်းပါးတွေနဲ့ အားဖြည့် ပေးနိုင်ရင်လည်း ပိုပြီး အသိအမှတ်ပြုမှု ရလာမှာ ဖြစ်ပါတယ်။

ဗုဒ္ဓ ဘာသာ ဘုန်းတော်ကြီး တချို့ကို ဒီကိစ္စ ကျနော် တင်ပြချိန်မှာ တားမြစ် ဆိုင်းဘုတ်ဖြုတ်ချခြင်းဟာ အပေါ်ယံ ရုပ်ပိုင်းဆိုင်ရာ သဘောသက်သက် မဟုတ်ကြောင်း၊ ခေတ်ရေစီးကြောင်း ပေါ်ပင် မဟုတ်ကြောင်း လျှောက်ထားပါတယ်။ ဘာကြောင့်ဆို အတွေးအခေါ် အယူအဆ ခံယူချက်တွေဟာ ရုပ်ပုံဖော်မှုတွေမှာ ကိန်းအောင်းစွမ်းပါတယ်။ အတွင်း အဇ္ဈတ္တသန္တာန် ကို လွှမ်းမိုးနိုင်စွမ်းပါတယ်။ ကိုယ်မြတ်နိုး တန်ဖိုးထားတဲ့ နေရာတခုခုကို မဝင်ရဘူးဆိုတာဟာ မသိစိတ်မှာ သိမ်ငယ်စိတ်၊ နိမ့်ကျစိတ်ကို စွဲမြဲ စေပါတယ်။ ဒီလို တားမြစ်ချက် သင်္ကေတေတွေနဲ့ ရုပ်သဘော ပိတ်ပင်နေမှုတွေကို တိုက်ဖျက်နိုင်ရင် ကျား-မ လူမှု စီးပွား ကျန်းမာ ပညာ နိုင်ငံရေးရာ ကွဲပြားမှု၊ ခွဲခြားမှုတွေကို ပပျေက်စေဖို့ အခြေခံကောင်း (Ground) တခုကို ရလာမှာ ဖြစ်ပါတယ်။

ရိုးရိုးရှင်းရှင်းလေး တွေးကြည့်ရင်လည်း သဒ္ဓါ တရား ကိုးကွယ်ယုံကြည်မှုရှိသူ တဦးဟာ သူကြည်ညိုတဲ့ အထွတ်အမြတ် ထားရာ နေရာတခုကို ကိုယ်တိုင်ကိုယ်ကျ သွားခွင့်ရသင့်ပါတယ်။ ဗုဒ္ဓဘုရားရှင် သက်တော်ထင်ရှား ရှိစဉ်တုန်းကတောင် အမျိုးသမီးများ ဘုရားရှေ့တော်မှောက် သွားရောက် ဖူးမြော်ခွင့်ရခဲ့သေးတာပါပဲ။ အမျိုးသား သာသနာ့ဝန်းထမ်းများနည်းတူ အမျိုးသမီးများကိုလည်း ရဟန်းမ (ဘိက္ခုနီ) ပြုခွင့်ပေးခဲ့တာပါပဲ။ တရားထူးတရားမြတ်များရနိုင်၊ ဉာဏ်အလင်းပွင့်နိုင်၊ သောတပန် ဖြစ်နိုင်၊ နိဗ္ဗာန်ကို မျက်မှောက်ပြုနိုင်သေးတာ အခုကျမှ ဘာလို့ တန်းတူ ကြည်ညိုခွင့်၊ ပူဇော်ခွင့် ဆုံးရှုံးနေရတာလဲ။ မကောင်းတဲ့ ရည်ရွယ်ချက် တခုခုနဲ့ စော်ကားဖို့ ဘုရား ပေါ် တက်လာတာမှမဟုတ်ဘဲ ခင်ဗျာ..။

ယဉ်ကျေးမှုမှာ ရိုးရာ (Custom/Tradition) ဓလေ့ ထုံးတမ်း (Culture) ဆိုတာအပြင် လူသား ရဲ့ ဖြစ်ပေါ် တိုးတက် ပြောင်းလဲ ယဉ်ကျေးလာခြင်း ဆိုတဲ့ “Civilisation” ဖြစ်စဉ်ကိုပါ ထည့်သွင်း စဉ်းစားရပါမယ်။ ဆိုချင်တာက ယဉ်ကျေးမှုပဲ ဆိုတိုင်း ရှေးရိုးစွဲ ချင်လို့ မရပါ။ လူသား အနေနဲ့ ပိုမို လူပီသ လာခြင်း လူသားဆန်လာခြင်း “Humanity and Decency” ဖွံ့ဖြိုးလာခြင်းဟာလည်း ယဉ်ကျေးမှုကို စောင့်ရှောက်ခြင်း တည်ဆောက်ခြင်း မည်ပါတယ်။

ဒါကြောင့် ယဉ်ကျေးမှု ဆိုတာမှာ အသိ အမြင်၊ ဉာဏ်ပညာ အလိမ္မာတိုးကာ ဆင်ခြင်တုံတရား ပိုမို ရှိလာခြင်း နဲ့အတူ စဉ်ဆက်မပြတ် ပြောင်းလဲ ဖြစ်ထွန်း တိုးတက်နေရတဲ့ “ပြောင်းလဲမှု ဖြစ်စဉ် -- Change” ဆိုတဲ့ အနှစ်သာရ ပါရပါမယ်။ ဥပမာ - ရှေးတုန်းက ယဉ်ကျေးမှု ဓလေ့ အဖြစ် လက်ခံခဲ့တဲ့ လူသား ယစ်ပူဇော်ခြင်း၊ ကျွန်စနစ်၊ အသားအရောင် ခွဲခြားမှု စတဲ့ အလေ့အထတွေဟာ ယနေ့ခေတ် ယဉ်ကျေးတဲ့ လူသား ပီသမှုကို မျက်မှောက်ပြုရတဲ့ အချိန်မှာ လက်သင့်မခံနိုင်တော့ပါဘူး။

ဒါဟာ အသိအမြင်၊ အတွေးအခေါ်၊ ခံယူချက်၊ ကျယ်ပြန့် မြင့်မားလာခြင်းနဲ့ အတူ စံသတ်မှတ်မှုတွေ ပြောင်းလဲလာပြီး လူသား အားလုံး ရဲ့ တန်းတူညီမျှ ဖြစ်တည်မှု ကို အသိအမှတ်ပြု ပြောင်းလဲ လာတဲ့၊ တနည်းအားဖြင့် ပြောင်းလဲ ခံယူ ကျင့်သုံးတတ် ရမယ့် လူသား ယဉ်ကျေးမှု သဘောပဲ ဖြစ်ပါတယ်။ ယဉ်ကျေးမှု၊ အတွေးအခေါ်၊ ခံယူချက်၊ စံ တွေ ဟာ ပြောင်းလဲယူ ရပါတယ်၊ လူသားရဲ့ မွေးရာပါ အခွင့်အရေးကို လေးစားတန်ဖိုးထားမှုကို ရှေးရှုရပါတယ်။

လိင်ကွဲပြားမှု၊ လွတ်လပ်စွာ လိင် တိမ်းညွတ်မှု၊ ရွေးချယ်မှု၊ ဓလေ့၊ အယူဝါဒ၊ ကျင့်သုံးမှုနဲ့ လူမျိုး၊ ဘာသာ၊ အသားအရောင် ကွဲပြားမှုတွေဟာ လူ့အဖွဲ့အစည်းကို၊ တခြား လူ အုပ်စု တခုခု ကို (သို့မဟုတ်) တဦးတယောက်ကို အန္တရာယ် ပြု မထိခိုက်သရွေ့ မတားဆီး မပိတ်ပင် ဖိနှိပ် ခွဲခြားမှု မလုပ်သင့်ပါဘူး။

ဒီနေရာမှာ ဘာသာရေး ဆက်စပ် အဆောက်အအုံတချို့က အမျိုးသမီး မဝင်ရ တားမြစ်နယ်မြေ သတ်မှတ်ခြင်းမှာ အမျိုးသမီးဝင်လို့ ဘယ်သူကို ထိခိုက်နစ်နာစေသလဲ၊ လူ့အဖွဲ့အစည်း အတွက် ဘာ အကျိုးယုတ်စေသလဲ ဆိုတာ မေးခွန်းထုတ် အဖြေရှာ ဖို့ လိုပါတယ်။ ယောက်ျားသာ အကြီးအမှူး၊ အရာရာ အသာရ၊ မဟာဖိုဝါဒ ကြီးစိုးတဲ့ (Patriarchy) လူ့အဖွဲ့အစည်းက ကျားတွေရဲ့ အတ္တ မာန ကို ထိခိုက်စေရုံသက်သက် ဆိုရင်တော့ ဒီလို တားမြစ်မှုတွေဟာ မဖြစ်သင့်ပါဘူး။ ဒီလို တားမြစ်ချက်တွေဟာ ဘာသာရေး အဆောက်အအုံ သက်သက်မှာ တင် မဟုတ်ပါဘူး။

ဥပမာ - မိတ္ထီလာကန်က ဘုရားမှာဆိုရင် နဂါးရှိတဲ့ ဘက်ကို အမျိုးသမီး မဝင်ရတဲ့ ကန့်သတ်ချက်မျိုးက ရိုးရာ အစွဲအလမ်း ယုံကြည်မှု ဆိုပြီး အကြောင်းလုံးလုံးပြနိုင်ပါတယ်။ ဒီလို နေရာမျိုးမှာ အမျိုးသမီးဝင်လို့ လူမှုရပ်ရွာမှာ ဘယ်လို အတိဒုက္ခဘေးရောက်စေသလဲ ဆိုတဲ့ အစဉ်အဆက် ယုံကြည်လာခဲ့တဲ့ ထုံးတမ်းမျိုးကို ဒါဟာ ခွဲခြားမှု ပဲ ဆိုပြီး ဒေသခံတွေကို နင်ပဲငဆ ဖိနင်း နင်းနှိမ် မပြောဆိုအပ်ဘူး ဆိုတာလည်း ကျား-မ လူမှုရေးရာ တန်းတူညီမျှရေး လိုလားသူတွေ သတိပြုအပ်ပါတယ်။ ရိုးရာအစွဲတွေ ချွတ်ဖို့ ပြောင်းလဲယူတတ်ဖို့ကို ပညာပေးမှု၊ ဆွေးနွေးမှု အစီအစဉ်တွေ အရင် လုပ်မှ ရပါမယ်။

နောက်တချက် မလုပ်အပ်တာကတော့ မင်း အမိန့်အာဏာနဲ့ ဥပဒေ ထုတ် ဆိုင်းဘုတ်တွေဖြုတ်စေခြင်းလို့မျိုးတွေပါ။ လူတွေရဲ့ ရိုးရာယုံကြည်မှုကို ဥပဒေက မတားနိုင်ပါဘူး။ “Law and force cannot change the hearts.” ပါ၊ ဥပဒေနဲ့ ဖိအားပေးမှုတွေက လူတွေရဲ့ နှလုံးသားကို ယဉ်ကျေးအောင် အဆုံးတိုင် စွမ်းဆောင်နိုင်မှာမဟုတ်ပါဘူး။ အထူးသဖြင့် ပုံစံခွက်ထဲ အသားကျနေတဲ့ အမျိုးသမီးတချို့နဲ့ ကျားကြီးဝါဒီ အမျိုးသားတွေကို ဆွဲဆောင်သိမ်းသွင်းနိုင်မှာမဟုတ်ပါဘူး။ ပညာရေး၊ စာပေနဲ့ ဆွေးနွေးပွဲ တွေကနေသာ လူတွေရဲ့ အလေ့အထဆိုး၊ အမူအကျင့်ဆိုးနဲ့ အသုံးမဝင်တဲ့ အစွဲအလမ်းတွေကို ဖြေဖျောက်စေရပါမယ်။

ဥပမာ - အမျိုးသမီးရဲ့ လစဉ် ရာသီစက်ဝန်း သွေးဆင်းခြင်းက ယုတ်ညံ့တယ် ဆိုတာမျိုးကိုပါ။ ဒါကြောင့် မြင့်မြတ်တဲ့ နေရာတွေကို တက်ခွင့်မပြုနိုင်ဘူး ဆိုတဲ့ ရှေးရိုးစွဲ အယူအဆမျိုးကိုပါ။ ဒါကို ယထာဘူတကျကျ စဉ်းစားသုံးသပ်ရင် မမှန်ဘူးဆိုတာ လွယ်လွယ်ကူကူ ရှင်းပြနိုင်ပါတယ်။ ဒါဟာ ဓမ္မတာ သဘာဝ ကိစ္စပါ။ မျိုးပွားခြင်းဆိုင်ရာ ခန္ဓာဗေဒ ရုပ်ပိုင်းဆိုင်ရာ ဇီဝကမ္မ ဖြစ်စဉ်သက်သက်သာ ဖြစ်ပါတယ်။ ဒီဖြစ်စဉ်မှာ နာမ်ပိုင်းဆိုင်ရာ အကျင့်သီလ ပိုင်းဆိုင်ရာ မြင့်မြတ်ခြင်း၊ ယုတ်ညံ့ခြင်း ဘာမှ မရှိသလို ရုပ်ပိုင်းဆိုင်ရာ အရလည်း နိမ့်ကျမှု မရှိပါဘူး။ အညစ်အကြေးလို့လည်း ယူဆလို့ မရပါဘူး။ လူမှု-စီးပွား အလွှာအစုံ က အမျိုးသမီးတွေကို မျိုးပွားအင်္ဂါဆက်စပ် ကျန်းမာရေးအသိမြင့်မားအောင် စွမ်းဆောင်ပေးနိုင်ဖို့ပဲလိုပါတယ်။ အမျိုးသမီးများ ကိုယ်ဝန်ဆောင်နိုင်ခြင်း (သားသမီးမွေးဖွားနိုင်ခြင်း) နဲ့ ၊ လစဉ် ဓမ္မတာ ရာသီသွေးဆင်းခြင်း ကို ဒုက္ခအနေနဲ့ မယူဆအပ်ပါဘူး။ ရှေးအတတ်ကုသိုလ်ကံကြောင့် အပို ဒုက္ခတွေ ထမ်းပိုးနေရခြင်းလို့ မဆိုသင့်ပါဘူး။ လူသားမျိုးနွယ် ရှင်သန် တည်တံ့ ရေးအတွက် အခွင့်အရေး တခု အဖြစ်သာ ယူဆမပေးနိုင်ကြဘူးလား ခင်ဗျာ။

ကျနော် အခုလောလောဆယ် အထိ တကိုယ်ရေ ဆန်းစစ်မှုတွေ အရ၊ ဘာသာရေးခေါင်းဆောင်ရဟန်းတချို့၊ လူ ပုဂ္ဂိုလ် တချို့နဲ့ တွေ့ဆုံ စကားပြောပြီး လေ့လာခဲ့မှုအရတော့ အမျိုးသမီးမဝင်ရ ဆိုင်းဘုတ် တွေ ဖြုတ်နိုင်ဖို့က အင်မတန် ခက်ခဲနေပါသေးတယ်။ ပထမဆုံးကတော့ ပုံစံခွက်ထဲက အမျိုးသမီး အများစုရဲ့ ခံယူချက် အမြင်တွေကို သိမ်းသွင်း ပြောင်းလဲယူရပါမယ်။ နောက် မဝင်ရ တားမြစ်တဲ့ နေရာကို ဝင်မိရင် အစွဲနဲ့ ဥပါဒါန် ကြောင့် ဥပါဒ် မဖြစ်စေဖို့ နည်းလမ်းမှန် ကိုင်တွယ်နိုင်ရပါမယ်။ လူ့အဖွဲ့အစည်းရဲ့ နေရာတကာ အရာရာမှာ ဗိုလ်ကျ နေရာယူထားတဲ့ ကျား များရဲ့ လွှမ်းမိုးမှု Power ကိုလည်း ထိန်းညှိ ယူနိုင်ရပါမယ်။ ဘာသာရေး ဓမ္မ တရား ဟောပြောချက်တွေကို ကိုယ်လိုရာဆွဲ ကောက်ချက်ဆွဲထားတဲ့ Interpretation ဘာသာပြန်ချက်တွေကိုလည်း သြဇာ တိက္ကမကြီး သိက္ခာတော်ရ ဆရာတော်ကြီးများရဲ့ သွန်သင်ဖွင့်ဆိုချက်တွေနဲ့အတူ အများလူထု လူပြိန်း နားဝင် နားလွယ် လက်ခံအောင် လုပ်နိုင်ရပါမယ်။ သံဃာ အစုအဝေး အထူးသဖြင့် သက်တော် အလယ်အလတ်ရှိတဲ့ လောကီ လောကုတ္တရာ နှစ်ဖြာ နှံ့စပ်တဲ့ ခေတ်ပညာတတ် ရဟန်းပျိုများ၊ သီလရှင်ဆရာ ကြီးများရဲ့ အသံအား ပံ့ပိုးမှုလည်း လိုပါတယ်။

နိဂုံးချုပ်ရရင်တော့ လူသားရဲ့ ယဉ်ကျေးမှု အလေ့အထ Culture ဟာ အကောင်းဘက်ကို ပြုပြင်ပြောင်းလဲ ယူနိုင်စွမ်းရပါမယ်။ ပိုမိုကောင်းမွန်တဲ့ လူ့အဖွဲ့အစည်းတခုကို လိုချင်ရင် လက်တွေ့ အသုံးမဝင်တဲ့ အပြင် အပြစ်လည်း ဖြစ်စေတဲ့ အစွဲစိတ် အခြေခံ ခွဲခြားမှုတွေကို ဖျောက်သင့်ပါတယ်။ ငါ၊ သူတပါး၊ ယောက်ျား၊ မိန်းမ၊ ကုလ မျိုးနွယ်၊ ဇာတိ၊ အသားအရောင် ဆိုတဲ့ တကယ် စစ်မှန်မှု ပရမတ်တရား မဟုတ်တဲ့ ပညတ်ချက်တွေကို ထည့်သွင်း မစဉ်းစားဘဲ ရုပ် နာမ် နှစ်ပါးနဲ့သာ ဖွဲ့စည်း တည်ရှိတဲ့ လူသားအချင်းချင်း တန်းတူညီမျှ ပြုမူဆက်ဆံကာ ဉာဏ်ပညာနဲ့ ချစ်ခြင်း မေတ္တာ တရားတွေ ပွားများတဲ့ ဗုဒ္ဓ ဝါဒ လမ်းစဉ် စစ်စစ်ကို မျက်မှောက်ပြုသင့်လှကြောင်းပါ ခင်ဗျာ..။

ငြိမ်းချမ်းအေး
နိုဝင်ဘာ ၁၆၊ ၂၀၁၆
(ဆက်သွန်ရန်နှင့် ဝေဖန်ရန် nyeinchanaye81@gmail.com)

မှတ်ချက် --
The Ladies News Journal မှာ မူလ ဖော်ပြခဲ့ပါသည်။
http://theladiesnewsjournal.com/articles/wed-2016-11-16-1601/4207