ရှာဖွေရေး ...

PO Box 320-207, San Francisco, CA 94132-0207, USA – editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

လင်းသက်ငြိမ် ● စစ်ကြောင်း



လင်းသက်ငြိမ် ● စစ်ကြောင်း
(မိုးမခ) နိုဝင်ဘာ ၂၃၊ ၂၀၁၆

စစ်ကြောင်းဟာ သူ့အလံလို တလူလူ
စစ်ကြောင်းဟာ မကျဘူး စစ်သားတွေသာ
တစ်ယောက်ပြီး တယောက် ကျကျသွား
စစ်ကြောင်းဟာ သူ့ဝါဒနဲ့သူ
သူ့သေနတ်ပြောင်းလို ပြောင်လက်လို့
ယမ်းငွေ့တွေ ဖုန်မှုန့်တွေ သေနတ်သံတွေနဲ့
စစ်ကြောင်းတလျှောက် စွပ်ကြောင်းတွေထင်းလို့
ထင်းနေတဲ့စွပ်ကြောင်းမှာ သွေးစတွေပေကျံလို့
ပန်းပွင့်ဖပ်အကြွေများ
ပြားကပ်နေတဲ့မြက်ပင်များ
ရူးသွပ်နေတဲ့ဖိနပ်ရာများ
စစ်ကြောင်းဟာ စစ်အကြောင်း အပီအပြင်ပြောပြသွားခဲ့တယ်
စစ်ကြောင်းဟာ အစစ်ဖြစ်ကြောင်း
ငိုသံတွေက သက်သေပြတယ်
စုတ်ပြဲနေတဲ့ထမီ၊ အသံတိတ်နေတဲ့ခွေး၊ မီးခိုးအူနေတဲ့ရွာတွေ
ကြည့်ဖူးတဲ့ဇာတ်ကားတွေကို
ဒီမှာထည့်သွင်းရေးသားလိုက်ပါတယ်
စစ်ကြောင်းကို ဘယ်သူခလုတ်နှိပ်လိုက်တာလဲ
စစ်ကြောင်းထဲ စက်ရုပ်မျက်နှာတွေနဲ့ စစ်သားတွေ
ရက်စက်သောလေ့ကျင့်ခန်းများရဲ့ ပြက္ခဒိန်အိုကို
မှတ်ဉာဏ်အခန်းထဲ တပိုင်းတစထည့်လို့
စစ်ကြောင်းအကြောင်းရေးတော့
အောင်သပြေတွေအကြောင်းပါ ထည့်ရေးရမလား
ရဲဘော်မသေ သေသော်ငရဲမလားကော ရေးဖို့လိုလား
ချိုးဖြူငှက်နဲ့ မီးခိုးတွေမည်းနေတဲ့မျက်နှာ
ဘယ်အရာကို လူတွေမြင်တွေ့ဖူးခဲ့ကြပါသလဲ
စစ်ကြောင်းဟာ ဘယ်သူမောင်းလိုက်မှန်းမသိပဲ ရွေ့လျား
စစ်ကြောင်းကို ဘယ်သူကျောင်းသလဲ ငါစဉ်းစား
စစ်ကြောင်းမှာ စစ်သားတွေတင်မကပဲ
တခြားလူတွေလည်း ကျသွားခဲ့ရကြောင်း သတင်းတွေကပြောပြလည်း
စစ်ကြောင်းကတော့ သူ့အလံနဲ့သူ တလွင့်လွင့် ။

လင်းသက်ငြိမ်