ရှာဖွေရေး ...

PO Box 320-207, San Francisco, CA 94132-0207, USA – editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

မောင်မောင်စိုး ● မြောက်ပိုင်းစစ်ပွဲနှင့် စစ်ရေးအခြေအနေသုံးသပ်ချက် - အပိုင်း (၂)

 
 မောင်မောင်စိုး ● မြောက်ပိုင်းစစ်ပွဲနှင့် စစ်ရေးအခြေအနေသုံးသပ်ချက် - အပိုင်း (၂)
(မိုးမခ) ဒီဇင်ဘာ ၁၈၊ ၂၀၁၆

● RCSS/SSA
ရှမ်းပြည်တောင်ပိုင်း လွယ်တိုင်းလျံတွင် အခြေပြုသည့် စဝ်ရွက်ဆစ် ခေါင်းဆောင်သည့်အဖွဲ့ဖြစ်သည်။ ၂၀၁၅ အောက်တိုဘာ ၁၅ ရက်နေ့ NCA လက်မှတ်ထိုးရာတွင် ပါဝင်ခဲ့သောအဖွဲ့ဖြစ်သည်။ RCSS/SSA သည် UNFC အဖွဲ့ဝင် မဟုတ်သကဲ့သို့  ငြိမ်းချမ်းရေးဆွေးနွေးပွဲများတွင် အခြားတိုင်းရင်းသားလက်နက်ကိုင်တပ်ဖွဲ့များနှင့် အတူတကွ ပါဝင်ဆွေးနွေးခြင်းမရှိဘဲ သီး ခြား ရပ်တည်ဆွေးနွေးခဲ့သောအဖွဲ့ဖြစ်သည်။ သို့သော် RCSS/SSA သည်အခြားရှမ်းတိုင်းရင်းသားလက်နက်ကိုင်တပ်ဖွဲ့ဖြစ်သည့် SSPP/SSA နှင့် ရင်းနှီးသောဆက်ဆံရေးရှိသည်။

လက်ရှိ မြောက်ပိုင်းစစ်ပွဲဖြစ်ပွားသောအခါ RCSS/SSA သည် ထူးခြားစွာ နှုတ်ဆိတ်၍ လက်ရှောင်နေသည်။ ၂၀၁၅ ခုနှစ် NCA ထိုးပြီးနောက်ပိုင်း ယခုမြောက်ပိုင်းမဟာမိတ်အဖွဲ့ဝင်ဖြစ်သော TNLA နှင့် လက်နက်ကိုင်ပဋိပက္ခပြင်းထန်စွာ ဖြစ်ပွားခဲ့ သော်လည်း ယခု မြောက်ပိုင်းစစ်ပွဲဖြစ်ပွားသောအခါ လက်ရှောင်သွားသည်ကို တွေ့ရသည်။ TNLA နှင့် ဖြစ်ပွားသော လက် နက်ကိုင်ပဋိပက္ခအား ခေတ္တရှောင်လွှဲထားသည်ကို တွေ့ရသည်။

မြောက်ပိုင်းစစ်ပွဲဖြစ်ပွဲနေစဉ်အတွင်း KNU ဥက္ကဌ စောမူတူးစေးဖေါ နေပြည်တော်သို့ ရောက်လာပြီး တပ်မတော်ခေါင်းဆောင် များနှင့် တွေ့ရသည်။ ယခင်က ဤသို့တွေ့ဆုံမှုမျိုးရှိပါက မရှေးမနှောင်းဆိုသလို RCSS ဥက္ကဌစဝ်ရွက်ဆစ်လည်း နေပြည် တော်သို့ ရောက်လာလေ့ရှိသော်လည်း ယခုအကြိမ်တွင် ရောက်လာသည်ကို မတွေ့ရပေ။ လက်နက်ကိုင်အင်အား ခြောက် ထောင်ခန့်ရှိသည်ဟု ခန့်မှန်းခြင်းခံရသည့် RCSS သည် လက်ရှိမြောက်ပိုင်းစစ်ပွဲတွင် လက်ရှောင်နေပြီး မြောက်ပိုင်း စစ်ပွဲအခြေအနေနှင့် SSPP/SSA အနေအထားကို စောင့်ကြည့်နေသည်ဟု သုံးသပ်ရသည်။ ဤအချက်သည်လည်း မဖြစ် မနေ ထည့်သွင်းတွက်ချက်ရန် လိုအပ်သည့်အချက်တချက် ဖြစ်ပေလိမ့်မည်။

● သံလွင်အရှေ့ခြမ်း
သံလွင်အရှေ့ခြမ်းတွင် မြန်မာပြည်ရှိတိုင်းရင်းသားလက်နက်ကိုင်အဖွဲ့များထဲတွင် လက်နက်ကိုင်အင်အားအတောင့်တင်းဆုံး UWSA ဝ တိုင်းရင်းသားလက်နက်ကိုင်တပ်ဖွဲ့ရှိသည်။ စုစုပေါင်း လက်နက်ကိုင်အင်အား နှစ်သောင်းခွဲခန့်ရှိနိုင်သည်ဟု အများက ခန့်မှန်းကြသည့် UWSA သည် အင်အားကြီးလက်နက်ကိုင်တပ်ဖွဲ့နှင့် ၎င်းတို့ထိမ်းချုပ်ထားနိုင်သည့် ကျယ်ပြန့်သည့် နယ်မြေရှိသည်။

UWSA သည် ၁၉၈၉ ခုနှစ် အပစ်ရပ်ပြီးနောက်တပ်မတော်နှင့် ကောင်းမွန်သည့်ဆက်ဆံရေးရှိခဲ့သော်လည်း ၂၀၀၉ ခုနှစ် နအဖ၏ BGF ဖွဲ့စည်းရန် ဖိအားပေးခံရပြီးနောက် ယုံကြည်မှု စတင်ပျက်ပြားခဲ့သည်။ လက်ရှိအချိန်တွင်အစိုးရနှင့်တပ်မ တော်က ငြိမ်းချမ်းရေးလုပ်ငန်းစဉ်အား NCA အတိုင်းသွားမည်ဟုဆိုနေချိန်တွင် UWSA သည် NDAA မိုင်းလားအဖွဲ့နှင့်အတူ ၎င်းတို့အနေနှင့် NCA လက်မှတ်ထိုးရနိ မလိုအပ်ဟု ရပ်ခံထားရာ လက်ရှိငြိမ်းချမ်းရေးလုပ်ငန်းစဉ်များအရ နိုင်ငံရေးဆွေး နွေးပွဲတွင် ပါဝင်ခြင်းမရှိပေ။

မူလက NDAA နှင့် တွဲ၍သာရပ်တည်ခဲ့ပြီး အခြားတိုင်းရင်းသားအဖွဲ့များနှင့် ဆက်စပ်မှုနည်းခဲ့သော UWSA သည် သမတ ဟောင်းဦးသိန်းစိန်လက်ထက် ငြိမ်းချမ်းရေးလုပ်ငန်းစဉ်တွင် အခြားတိုင်းရင်းသားလက်နက်ကိုင်အဖွဲ့များနှင့် အတူတကွ ပါ ဝင်ခြင်းမရှိခဲ့သော်လည်း UNFC အဖွဲ့ဝင်များအပါ တိုင်းရင်းသားလက်နက်ကိုင်များအား ၎င်းတို့ဌာနချုပ်ရှိရာ ပန်ဆန်းသို့ ဖိတ်ခေါ်၍ တိုင်းရင်းသားလက်နက်ကိုင်အဖွဲ့များ၏ ထိပ်သီးညီလာခံကိုနှစ်ကြိမ်တိုင်ပြုလုပ်ခါ အခြားတိုင်းရင်းသားလက်နက် ကိုင်များနှင့် ထိတွေ့ဆက်ဆံခဲ့သည်။ ဆွေးနွေးပွဲများသည် နိုင်ငံရေးဆွေးနွေးပွဲများဟုဆိုသော်လည်း UWSA သည် လက် နက်ကိုင်အင်အားရှိသော တိုင်းရင်းသားအဖွဲ့များအား အလေးထားခဲ့သည်။

UWSA သည် ၂၁ ရာစုပင်လုံညီလာခံ ပထမအကြိမ်အစည်းအဝေးအားတက်ရောက်ခဲ့သော်လည်း အဆင်မပြေမှုအချို့ ကြောင့် သပ်ိတ်မှောက်ထွက်ခွာခဲ့သည်။ ထို့နောက် ၂၀၁၆ ခုနှစ် စက်တင်ဘာလ ၂၈ ရက်နေ့တွင် UWSA ၏ မထင်မှတ် ထားခဲ့သော စစ်ရေးလှုပ်ရှားမှုတခုဖြစ်သည်။ ဖြစ်စဉ်မှာ UWSA အင်အား ၅၀၀ ခန့် မိုင်းလားဒေသတွင်းသို့ ဝင်ရောက်လာခဲ့ပြီး မိုင်းလားဒေသမှ ကျိုင်းတုံသို့သွားသည့် ကားလမ်းထွက်ပေါက်ရှိ လွယ်ဆမ်ဆုမ် လွယ်ကျူဆိုင်းတောင်ကျောများသို့ ဝင် ရောက် နေရာယူခဲ့သည်။ ထိုတောင်ကုန်းများသည် ကျိုင်းတုံမြို့အထွက် တာပင်းနှင့် ရင်ဆိုင်ကုန်းများဖြစ်ပေရာ တပ်မတော် မှလည်း တာပင်းတဝိုက်တွင် အင်အားဖြည့်တင်း၍ ပြန်လည်အသင့်ပြင်ခဲ့သည်။

တကယ်တမ်းဆိုလျင် UWSA တပ်များ မိုင်းလားဒေသတွင်း ဝင်ရောက်တပ်စွဲထားသည်မှာ ယခုမှမဟုတ်ချေ။ ၂၀၀၉ ခုနှစ် BGF ဖွဲ့စည်းရေးနှင့်ပတ်သက်ပြီး ဖိအားပေးခံရပြီး စစ်ရေးတင်းမာမှုများဖြစ်လာပြီးနောက် တပ်မဟာ ၃ ခုသာရှိပြီး အင်အားမ လုံလောက်ဘွယ်ရှိသည့် မိုင်းလားဒေသသို့ ၂၀၁၀ ခုနှစ် နှစ်ဆန်းတွင် UWSA တပ်အင်အား ၅၀၀ ခန့်ဝင်ရောက် တပ်စွဲပြီး ဖြစ်သည်။ ထိုစဉ်က ဝင်ရောက်တပ်စွဲသည့် UWSA တပ်များသည် မိုင်းယောင်မြို့ အရှေ့မြောက်ရှိ မိုင်းလားဒေသ စိုးမိုးမှု အောက်ရှိ လွယ်ပန်နောင်းနှင့် ဆက်စပ်တောင်ကြောများတွင် တပ်စွဲနေရာယူထားခဲ့သည်မှာ ယနေ့ချိန်ထိဖြစ်သည်။ ကွာ ခြားသည်မှာ ယခင်အခါက မိုင်းလားဒေသတွင်း UWSA တပ်များ တပ်စွဲသည်မှာ နှစ်ဖွဲ့သဘောတူညီချက်နှင့်ဖြစ်ပြီး ယခု အကြိမ်မှာ UWSA ၏ တပ်ဖွဲ့၏ ဆုံးဖြတ်ချက်သက်သက်နှင့် ဖြစ်သည်။

UWSA တပ်ဖွဲ့များ တပ်စွဲသည့်ရည်ရွယ်ချက်မှာ နိုင်ငံရေးအရ NDAA မိုင်းလားအဖွဲ့နှင့် လက်ရှိအစိုးရ/တပ်မတော်တို့ ပိုမိုနီးကပ်သွားမည်ကို စိုးရိမ်သွားမည်ကို စိုးရိမ်၍ ဖြစ်နိုင်သည်ဟု ယူဆကြသည်။ စစ်ရေးအရဆိုလျင်၁၉၈၉ ခုနှစ်နောက်ပိုင်း နဝတအစိုးရ၏ ခွင့်ပြုချက်နှင့် မိုင်းဆတ်ခရိုင်အတွင်းရှိ ထိုင်းနယ်စပ်တလျောက် (လွယ်လန်းဒေသ) တွင် ဝင်ရောက်နေရာ ယူပြီး ဝလူမျိုးများပါ ပြောင်းရွှေ့အခြေချနေရာယူထားသည့် UWSA ၏၁၇၁ စစ်ဒေသနှင့် UWSA မြောက်ပိုင်းဒေသများ ဆက်စပ်ရေးအတွက် မိုင်းလားဒေသမှာ အချက်အခြာနေရာတွင် ရှိနေ၍ဖြစ်သည်။

၂၀၁၆ အောက်တိုဘာလကုန်ပိုင်းတွင် တပ်မတော်မှ UWSA တပ်များ မိုင်းလားဒေသမှ ထွက်ခွာရန် သတိပေးခဲ့သည်ဟု သတင်းများထွက်ပေါ်ခဲ့ပြီးနောက် ကျိုင်းတုံမှ မိုင်းလားသို့အထွက် တာပင်းဂိတ်အား တပ်မတော်မှသွားလာခွင့် ပိတ်ထား လိုက်သည်။ အလားတူ မိုင်းယောင်းမှ မိုင်းလားဒေသထိမ်းချုပ်မှုအောက်ရှိ မဲခေါင်ဒေသသို့ ဝင်ရောက်သည့် မိုင်းမဂိတ်အား ပိတ်ဆို့ထားခဲ့သည်။ လက်ရှိတွင် မိုင်းလားဒေသမှ ကျိုင်းတုံသို့သွားလာရန် မိုင်းယန်း ဆီလူးဂိတ်တခုသာ ခွင့်ပြုထားပြီး မိုင်းလားဒေသခံများအားသာ စီစစ်ခွင့်ပြုသည်ဟု ဆိုသည်။ လက်ရှိတွင် UWSA တို့၏ တပ်ပြောင်းရွှေ့နေရာယူမှုများ အကျိုး ဆက်အနေနှင့် UWSA မြောက်ပိုင်းဒေသနှင့် မိုင်းဆတ်ခရိုင်တွင်းရှိ UWSA ၁၇၁ ဒေသတို့ အဆက်သွယ်ဖြတ်တောက် ခံထားရပြီး လက်ရှိအချိန်တွင် ထိုဒေသတွင် တပ်မတော်နှင့် UWSA တို့ အပြန်အလှန် တပ်များချထားပြီး စစ်ရေးအရတင်းမာ မှုဖြစ်ပွားနေသည်ဟု သိရသည်။

ထိုပြဿနာနှင့်ပတ်သက်ပြီး မိုင်းလားဒေသ ခေါင်းဆောင်များနှင့် UWSA ခေါင်းဆောင်များသည် အကြိမ်အချို့ ညှိနှိုင်း ဆွေး နွေးခဲ့ကြပြီး ပြဿနာကိုပြေလည်အောင် ညှိနှိုင်းဆွေးနွေးကြသည်ကို တွေ့ရသည်။ အကယ်၍ ထိုပြဿနာအား ငြိမ်းချမ်းစွာ မဖြေရှင်းနိုင်ပါက ဒေသတွင်းရှုပ်ထွေးမှုဖြစ်လာမည်ကို သတိထား၍ ကိုင်တွယ်ဆောင်ရွက်နေပုံရသည်။ နောက်ပိုင်းထွက်ပေါ် လာသောသတင်းများအရ မိုင်းလားဒေသတွင်း ဝင်ရောက်တပ်စွဲထားသော UWSA တပ်ဖွဲ့များမှ သံချပ်ကားယာဉ် ၃ စီး၊ စစ်ကားကြီး ၃ စီး၊ ကားငယ် ၂ စီးနှင့် အင်အား ၁၅၀ ခန့်သည် ၂၀၁၆ နိုဝင်ဘာ ၈ ရက်နေ့တွင်လည်းကောင်း၊ စစ်ကားကြီး ၆ စီး၊ ကားငယ် ၂ စီး၊ ဆိုင်ကယ် အစီး ၂၀ ခန့်နှင့် အင်အား ၂၀၀ ခန့်သည် ၂၀၁၆ ဒီဇင်ဘာ ၂ ရက်နေ့တွင်လည်းကောင်း၊ ဝ ဒေသသို့ ပြန်လည်ထွက်ခွာသွားသည်ဟုသိရသည်။ သို့သော် UWSA အင်အားအချို့သည် ကျိုင်းတုံမှ မိုင်းလားသို့ဝင်ပေါက် ဖြစ်သည့် လွယ်ဆမ်ဆုမ် လွယ်ကျူဆိုင်း စခန်းများကို ထိမ်းချုပ်ထားဆဲဖြစ်သကဲ့သို့ ၂၀၁၀ ခုနှစ်မှစ၍ မိုင်းယောက်း အရှေ့ မြောက်ဘက်တွင်တပ်စွဲထားသော UWSA စခန်းများကိုလည်း ဆက်လက်ထိမ်းချုပ်ထားဆဲ ဖြစ်သည်။

UWSA သည် လက်ရှိစစ်အင်အားအတောင့်ဆုံးဖြစ်သည့်ပြင် သူ၏ဒေသတွင်း၌ စစ်မှုထမ်းစနစ်နှင့် ပြည်သူ့စစ်ဖွဲ့စည်းထား မှုကြောင့် စစ်အင်အား ထပ်မံဖြည့်တင်းရန် စစ်လေ့ကျင့်မှု ပြုလုပ်ပေးထားပြီးသော အရန်အင်အားရှိသည်။ ၎င်း၏တပ်အား လက်နက်ငယ်မျိုးစုံတပ်ဆင်ပေးထားပြီးဖြစ်သကဲ့သို့ အခြားတိုင်းရင်းသားလက်နက်ကိုင်တပ်ဖွဲ့များထက် ပိုမိုသော အကူပစ် လက်နက်ကြီးများရှိသည်။ ယခင် အရှေ့မြောက် ဗကပမှ ခွဲထွက်စဉ်ကရှိပြီးဖြစ်သော ၆၀ မမ/၈၂ မမ မော်တာ ၅၇ မမ/၇၅ မမ နောက်ပွင့် ပွို င့် ၅ စက်ကြီး (ပြောင်းတခု / ပြောင်း ၂ ခုတွဲ) တို့အပြင် ယခုအခါ ၁၀၅ မမ နှင့် ၁၂၂ မမ ဟော်ဝစ်ဇာများပါတပ်ဆင်ထားရှိသည်ကို တွေ့ရသည်။ ထို့ပြင်HN-5 နှင့် HN-7 ဝေဟင်ပစ် ပုခုံးထမ်းဒုံးကျည်များ တပ်ဆင်ထားနိုင်သည်ဟု စစ်ရေးအကဲခတ်များက သုံးသပ်ထားကြသည်။ ထိုပြင် ဝ ဒေသ၌ လက်နက်ငယ်စက်ရုံ ကျည်ဆံစက်ရုံ လက်ပစ်ဗုံးထုတ် လုပ်သည့်စက်ရုံများရှိသည်ဟု သတင်းများထွက်ပေါ်နေပေရာ လက်နက်ငယ်ကျည် သုံးစွဲနိုင်အားမှာ အခြားအဖွဲ့များထက် သာလွန်မည်ဟု သုံးသပ်ရသည်။

ထို့ပြင် သံချပ်ကာကားများ ဖြည့်တင်းထားသည်ကိုတွေ့ရသည်။ ၎င်းဒေသတွင်း စစ်အင်အားများပြောင်းရွှေ့ရာတွင် စစ်ကား ကြီး/ငယ်များကိုအသုံးပြုနိုင်သကဲ့သို့ ဝ ဒေသနှင့် မိုင်းလားဒေသအတွင်းရှိ စခန်းများအားလုံးနှင့် အစိုးရထိမ်းချုပ်သည့်ဆက် စပ်ဒေသများသို့ ကားလမ်းများဖောက်လုပ်ထားပြီး ရာသီမရွေး လျင်မြန်စွာ သွားလာနိုင်သည်ကို တွေ့ရသည်။

လက်ရှိ UWSA တပ်ဖွဲ့များနှင့် တပ်မတော် အပြန်အလှန်ထိမ်းချုပ်၍ ရင်ဆိုင်ထားသည့်ဒေသများမှာ  ....
၁။ မိုင်းမော၊ ရှင်းတိဖန်း၊ ချင်းရွှေဟော်၊ ဟိုပန်၊ ပန်လုံ
၂။ တန့်ယန်းအရှေ့ဖက် သံလွင်အရှေ့ဖက်ကမ်း မန်မန်းဆိုင်ဒေသ မော်ဖါဒေသ
၃။ ကျိုင်းတုံ တာပင်းနှင့် လွယ်ကျူဆိုင်း၊ လွယ်ကျူ၊ မောမိုင်းယောင်းနှင့် လွယ်ပန်နောင်း ဆက်စပ်တောင်ကျောများ၊ မိုင်းပေါက် ဆီလူးနှင့် မိုင်းယန်းဒေသ
၎။ မိုင်းဆတ်၊ မိုင်းတုံ၊ ပုံပါကျင်ဒေသတို့ဖြစ်သည်။

မိုင်လားဒေသတို့ UWSA တပ်များဝင်ရောက်လာပြီး ထိုဒေသသို့တပ်မတော်မှလည်း တပ်အင်အားဖြည့်တင်းခြင်း သတိပေး ခြင်းများပြုလုပ်ခဲ့သည်။ UWSA ကလည်း ၎င်းတို့ဘက်မှ စတင်တိုက်ခိုက်မည်မဟုတ်ကြောင်းနှင့် ၎င်းတို့အားတိုက်ခိုက်ခဲ့ပါက ပြန်လည်တုန့်ပြန်မည်ဟုဆိုထားခဲ့သည်။ သို့ဖြစ်ရာ နှစ်ဖက်တပ်များ အမှားမခံဘဲ တဖက်နှင့်တဖက် စောင့်ကြည့်နေကြ သည်ဟု ဆိုရမည်။

NDAA မိုင်းလားတပ်ဖွဲ့များမှာ နှိုင်းယှဉ်မှုအရ အစိုးရတပ်မတော်နှင့်ပြေလည်သောဆက်ဆံရေးရှိသော်လည်း ၎င်းတို့အဖွဲ့ သည်လည်း NCA ထိုးရန်မလိုအပ်ဟု UWSA နှင့်အတူ ရပ်ခံထားသည်။ သို့သော် လက်ရှိအနေအထားတွင် NDAA တပ် များနှင့် တပ်မတော်တပ်ဖွဲ့များ ထိပ်တိုက်ရင်ဆိုင်ထားသော တင်းမာမှုမရှိပါ။

● UWSA နှင့် မြောက်ပိုင်းမဟာမိတ်အဖွဲ့
သမတဦးသိန်းစိန်ကာလက ပန်ဆန်းဒေသတွင်ပြုလုပ်သည့် ထိပ်သီးဆွေးနွေးပွဲများသည် UWSA နှင့် KIA တို့ ပူးတွဲ ကမက ထပြုလုပ်၍ စီစဉ်ခြင်းဖြစ်ရာ UWSA နှင့် KIA တို့ကြား တစုံတရာ ရင်းနှီးသောဆက်ဆံရေးရှိသည်ဟု ဆိုရမည်။

၂၀၁၅ ခုနှစ်အောက်တိုဘာ ၁၅ ရက်နေ့ NCA လက်မှတ်ရေးထိုးရာတွင် MNDAA/AA/TNLA အဖွဲ့ ၃ ဖွဲ့ ပါဝင်ငြင်းပယ်ခံရပြီး နောက် ထို ၃ ဖွဲ့နှင့် UWSA တို့ ပိုမိုနီးစပ်လာသည်ဟု ဆိုရမည်။ ထို ၃ ဖွဲ့သည် တိုင်းရင်းသားလက်နက်ကိုင်အဖွဲ့များ၏ တနိုင်ငံလုံး အပစ်အခတ်ရပ်စဲရေးဆိုင်ရာ ပူးပေါင်းဆောင်ရွက်ရေးအဖွဲ့ NCCT တွင် တလျောက်လုံးပါဝင်လာခဲ့ပြီး MNDAA နှင့်TNLA တို့မှာ UNFC အဖွဲ့ဝင်ဖြစ်ပြီး AA မှာ UNFC အဖွဲ့ဝင်အဖြစ်လျှောက်ထားဆဲကာလဖြစ်သည်။ သို့သော် ၂၀၁၅ အကုန် ၂၀၁၆ နှစ်ဆန်းတွင် TNLA နှင့် MNDAA တို့သည် UNFC မှ နှု တ်ထွက်ခွင့်တင်ပြီးနောက် (UNFC ၏အတည်ပြု ချက် တော့မရှိသေး) MNDAA/TNLA/AA အဖွဲ့ ၃ ဖွဲသည် UWSA နှင့် ပိုမိုပူးပေါင်းလာပြီး မြောက်ပိုင်း၏ မဟာမိတ်တပ်ပေါင်းစု တခုသဖွယ် ဖြစ်ခဲ့သည်။

၂၀၁၆ ခုနှစ်အတွင်း မိုင်းလား၌ MNDAA/TNLA/AA အဖွဲ့ ၃ ဖွဲ့နှင့် ငြိမ်းချမ်းရေးကော်မရှင်တို့ တရားဝင်တွေ့ဆုံညှိနှိုင်းမှု ပြု လုပ်ရာတွင် UWSAက အရေးပါသောအခန်းမှ ရပ်တည်ခဲ့သည်။ ထို့ပြင် မြန်မာ့ပြည်ငြိမ်းချမ်းရေးလုပ်ငန်းစဉ်တွင် ထို ၃ ဖွဲ့ ပါ ဝင်ရေးကို ရပ်ခံခဲ့သည်။

လက်ရှိမြောက်ပိုင်းစစ်ပွဲဖြစ်ပွားချိန် ၂၀၁၆ ခုနှစ် နိုဝင်ဘာ ၂၄ ရက်နေ့တွင် ကြေညာချက်တရပ်ထုတ်ပြန်ခဲ့ပြီး UWSA အနေ နှင့် ထိုအခြေအနေကိုစောင့်ကြည့်နေကြောင်း အားလုံးနိုင်ငံရေးနည်းနှင့် ဆွေးနွေးကြရန်တိုက်တွန်းပြီး UWSA မှ လိုအပ် သော အကူအညီပေးမည်ဟု ဆိုထားသည်။ သို့ဖြစ်ရာ မြောက်ပိုင်းစစ်ပွဲတွင်ပါဝင်သော မဟာမိတ်ပူးပေါင်း အဖွဲ့ ၄ ဖွဲ့နှင့် ရင်းနှီးသောဆက်ဆံရေးရှိသည့် UWSA အား မြောက်ပိုင်းစစ်ပွဲနှင့်ပတ်သက်၍ အလေးထားထည့်သွင်းစဉ်းစားရန်လိုအပ်သည် စစ်အင်အားတရပ်ဖြစ်သည်ဟု သုံးသပ်ရပါသည်။

ဆက်လက်ဖေါ်ပြပါမည်။
မောင်မောင်စိုး (Mg Mg Soe)

( ၁၂၊ ၁၂၊ ၂၀၁၆ နေ့က ဧရာဝတီမြန်မာပိုင်းတွင် ဖေါ်ပြပြီးဖြစ်သည်။)