ရှာဖွေရေး ...

PO Box 320-207, San Francisco, CA 94132-0207, USA – editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

မောင်မောင်စိုး ● မြောက်ပိုင်းစစ်ပွဲနှင့် စစ်ရေးအခြေအနေသုံးသပ်ချက်


မောင်မောင်စိုး ● မြောက်ပိုင်းစစ်ပွဲနှင့် စစ်ရေးအခြေအနေသုံးသပ်ချက်
(မိုးမခ) ဒီဇင်ဘာ ၁၇၊ ၂၀၁၆

(၁)
● မြောက်ပိုင်းမဟာမိတ်
၂၀၁၆ နိုဝင်ဘာလ ၂၀ ရက်နေ့မှစသည့် မြောက်ပိုင်းစစ်ပွဲအတွင်းစစ်ရေးမဟာမိတ်ပြုထားသော အဖွဲ့ ၄ ဖွဲ့ပါသည်။ ၎င်းတို့ မှာ ကချင်ပြည်နယ်နှင့် ရှမ်းပြည်မြောက်ပိုင်းတွင်အခြေပြုသည့် KIA ကချင်တိုင်းရင်းသားလက်နက်ကိုင်အဖွဲ့၊ ကိုးကန့်ဒေသ နှင့် ကိုးကန့်/သံလွင်အနောက်ခြမ်း အခြေပြု MNDAA ကိုးကန့်အဖွဲ့၊ ရှမ်းမြောက် တအန်းပလောင်ဒေသတွင် အခြေပြုသည့် TNLA တအန်းပလောင်တိုင်းရင်းသား လက်နက်ကိုင်အဖွဲ့နှင့် တရုတ်နယ်စပ်ရှိ မဟာမိတ်များဒေသတွင် လက်နက်ကိုင် တပ်ဖွဲ့စည်းပြီး ရခိုင်ပြည်နယ်သို့ ပြန်လည်ထိုးဖေါက်နေသည့် AA ရခိုင်တိုင်းရင်းသားလက်နက်ကိုင်တပ်ဖွဲ့တို့ဖြစ်သည်။

၎င်းတပ်ဖွဲ့များသည် လက်ရှိ ရှမ်းမြောက်ပိုင်း၌ စုစုပေါင်းအင်အား အနေနှင့် အများဆုံး တစ်သောင်းခန့်အထိ ရှိနိုင်သော်လည်း လက်ရှိစစ်ဆင်ရေးများတွင် ပါဝင်သည့်အင်အားမှာ ၃၀၀၀ မှ ၅၀၀၀ ထက်မပိုဟုယူဆရ ပါသည်။ ပြီးခဲ့သော ၁၂ ရက်အတွင်း နေရာ ၁၀ နေရာခန့်တွင် တိုက်ပွဲ ရက်ဆက်ဖြစ်ပွားနေပေရာ ထိုမျှလောက် အင်အားသုံးစွဲခြင်းမရှိပါက မဖြစ်နိုင်ပေ။ လက်ရှိ စစ်ပွဲအခြေအနေအရ တိုင်းရင်းသားမဟာမိတ်ပူးပေါင်းအဖွဲ့သည် စစ်မြေပြင်သုံး မောင်းပြန်ရိုင်ဖယ် လက်နက်ငယ်ကိုယ်စီကိုယ်ငှကိုင်တွယ်နိုင်ပုံရပါသည်။ ပြီးခဲ့သော စစ်ပွဲကာလ ၁၂ ရက်အတွင်း နေ့စဉ် ၁၀ နေရာခန့်တွင် ပစ်ခတ်သည့် ကျ ည်သုံး အားအရ ကျည်သုံးအား အတော်မြင့်မားသည်ကိုတွေ့ရပြီး နောက်ထပ်မည်မျှ သုံးစွဲနိုင်မည်ကို တွက်ချက်ရန် မလွယ်ကူပါ။

မြေပြင်သတင်းများအရ မြောက်ပိုင်းမဟာမိတ် ပူးပေါင်းအဖွဲ၏ အကူပစ်လက်နက်ကြီးမှာ အရည်အသွေးမြင့်မားခြင်းရှိပုံမရ ပါ။ ၆၀ မမ မော်တာ၊ ပွို င့် ၅ စက်ကြီး၊ ပွို င့် ၅ ကျည်သုံး စနိုက်ပါ ၊ ၄၀ မမ ဘဇူကာတို့သာ သုံးစွဲနိုင်ပုံရသည်။ ၁၀၇ မမ ဟု ယူဆရသည် ဒုံးပစ်လောင်ချာအချို့သုံးစွဲနိုင်သော်လည်း အကန့်အသတ်ဖြင့်သာ သုံးစွဲနိုင်ပုံရသည်။ ပြီးခဲ့သော တိုက်ပွဲများ အခြေအနေအရ လေယဉ်ပစ်ဒုံးကျည် တင့်ကားဖျက်ဒုံးကျည်တို့အား သုံးစွဲသည်ကို မတွေ့ရပါ။ သို့ဖြစ်ရာ မဟာမိတ် ပူး ပေါင်းအဖွဲ့အနေနှင့် အကူပစ်လက်နက်ကြီးတွင် အားနည်းချက်ရှိသည်ဟု ဆိုသည်။

မဟာမိတ်တပ် တပ်ဖွဲ့များသည် တစုံတရာလေ့ကျင့်မှုများရှိသည်ဟု ကြားသိရသည်။ သို့သော် သူတို့၏ စစ်ပညာဆိုင်ရာလေ့ ကျင့်မှု မှာ ပြည့်စုံလုံလောက်မှု ရှိ/မရှိ စဉ်းစားဘွယ်ဖြစ်သည်။ မဟာမိတ်ပူးပေါင်းအဖွဲ့တွင်ပါဝင်သည့် တပ်သားအများစုသည် တောင်ပေါ်သား လယ်သမားတောင်သူများဖြစ်ကြ၍ အချို့က လယ်သမားတပ်ဟု ခေါ်ဆိုကြသည်။ ထိုသို့သော လယ်သမား တပ်များ၏ အားနည်းချက်မှာ စစ်စည်းကမ်းအမိန့်များကို နာခံရာ၌ လျော့ရဲတတ်သည်။ စည်းကမ်းလျော့ရဲ၍ အနည်းငယ် ဗရမ်းဗတာဖြစ်တတ်သည်ဟု ဆိုလေ့ရှိကြသည်။ သို့သော် ထိုတောင်ပေါ်သားလယ်သမားတပ်များ၏ အားသာချက်မှာ ထိုဒေသတွင် မွေးဖွားကြီးပြင်းလာသူများပီပီ ရေမြေဒေသကျွမ်းကျင်မှု ရှိကြသည်။ စားနပ်ရိက္ခာရှာဖွေစားသောက်တတ် သည်။ ဒေသခံလူထုမှာ သူတို့၏ ဆွေမျိုးသားချင်းများဖြစ်ကြရာ ဒေသခံတို့၏ ကူညီထောက်ခံမှုကို အနည်းနှင့်အများဆိုသလို ရတတ်ကြသည်။

လက်ရှိအချိန်တွင် မြောက်ပိုင်းမဟာမိတ်အဖွဲ့များသည် ပြီးခဲ့သောဆယ်ရက်ကျော်ကာလအတွင်း ကျယ်ပြန့်သောစစ်မျက်နှာ ယူ၍ အနဲဆုံး တနေ့လျှင် ဆယ်နေရာခန့် ဖြန့်ခွဲတိုက်ခိုက်နေရာ သူတို့ စီမံကွပ်ကဲမှုနှင့် ဆက်သွယ်ရေးစနစ်သည် ပြီးပြည့်စုံ ခြင်းမရှိသော်လည်း တစုံတရာ ကောင်းမွန်သည်ဟု ဆိုနိုင်ပါသည်။ မြောက်ပိုင်းမဟာမိတ်အဖွဲ့၏ စစ်ရေးအရအားသာချက်တခုမှာစစ်ဦးစီးသူရော စစ်သည်များပါ ဒေသမြေအနေအထားကျွမ်းကျင်ခြင်းဖြစ်သည်။

ရိက္ခာ လက်နက်ခဲယမ်းထောက်ပံ့ရေးစနစ်တွင် လက်ရှိတိုက်ပွဲဖြစ်ပွါးရာနယ်မြေ၌ ကြိုတင်ပြင်ဆင်ထားပုံရသည်။ ပုံမှန် မော် တော်ယဉ်များအသုံးပြု၍ ထောက်ပို့နိုင်သည့် ဆက်သွယ်ရေးလမ်းကြောင်း အသုံးပြုနိုင်ခြင်းမရှိသဖြင့် ထောက်ပံ့ရေးစနစ် ခက်ခဲသည်ဟု ဆိုနိုင်သည်။

● တပ်မတော်
တပ်မတော်အနေနှင့် စစ်အင်အားအရ မြောက်ပိုင်းမဟာမိတ်အဖွဲ့ထက် များစွာသာလွန်သည်။ အားနည်းချက်တခုမှာ တပ် ရင်းတရင်းစီ၏ ဖွဲ့စည်းပုံ စစ်ထွက်အင်အားမှာ ၁၉၈၈ မတိုင်မီထက် များစွာလျော့ကျနေသည်ဟု သိရသည်။ သို့ဖြစ်ရာ တပ် ရင်းမှူးတဦးစီ၏ ကွပ်ကဲစစ်ဆင်နိုင်မှုစွမ်းအားကို လျော့ကျစေသည်။ သို့သော် စစ်မြေပြင်သို့ စစ်အင်အား အလုံ အလောက် စေလွှတ်ရန်အတွက် တပ်ရင်းအရေအတွက် တိုး၍ စေလွှတ်ခြင်းဖြင့် ဖြေရှင်းနိုင်သည်။

တပ်မတော်သည် အစိုးရ၏ တပ်မတော်တရပ်ဖြစ်ပြီး စစ်လက်နက်ထုတ်လုပ်ရေးစက်ရုံများရှိသည်အားလျော်စွာ စစ်သည် များ၏ လက်နက်ငယ်သုံးစွဲမှုနှင့်ပတ်သက်၍ ကျည်ဆံသုံးစွဲမှုနှင့်ပတ်သက်၍လည်းကောင်း ပူပန်စရာမရှိပေ။ ထို့ပြင် အကူ ပစ်လက်နက်ကြီးနှင့်ပတ်သက်၍ အမြောက်တပ်မများကို ဖွဲ့စည်းထားရှိပြီး လက်ရှိအချိန်တွင် ၁၀၅ မမ နှင့် ၁၂၀ မမများကို ပေါပေါသီသီသုံးစွဲနိုင်သည်။ ၁၅၅ မမနှင့် အတွဲလိုက်ပစ် ဒုံးကျည်များပိုင်ဆိုင်ထားရှိပြီး ယခုချိန်ထိတော့ ပြည်တွင်းစစ်၌ သုံးစွဲခြင်းမတွေ့ရသေးပေ။

ထိုပြင် သံချပ်ကာနှင့်တင့်ကားတပ်မများ ဖွဲ့စည်းထားရှိပြီး လက်ရှိစစ်မြေပြင်တွင် အသုံးပြုလျက်ရှိသည်။ မဟာမိတ်အဖွဲ့တွင် ယခုချိန်ထိ တင့်ကားဖျက်ဒုံးများ သုံးစွဲနိုင်ခြင်းမရှိသေးရာ တပမ်းသာသည်ဟုဆိုရမည်။သို့သော် လက်ရှိမြောက်ပိုင်းစစ်ပွဲ တွင် လမ်းကြမ်း၍ တောင်ကြောမတ်စောက်မှုကြောင့် ထိုယန္တယားတပ်များသုံးစွဲရန် အကန့်အသတ်ရှိသည်။ ယခုစစ်ပွဲအတွင်း ကြူကုတ် ပန်ဆိုင်းမှ မုန်းကိုးသို့ ချီတက်ရန် မုန်လုန်တောင်ကြောအား ကျော်တက်ရန် ခက်ခဲနေပုံရသည်။ မုန်လုံတောင်ကြော (လွယ်ဂျုံဘွမ်) ပြန်လည်ထိမ်းချုပ်နိုင်ပါက စက်ယန္တယားကြီးများသုံး၍ ကြူကုတ် ပန်ဆိုင်းမှ မုန်းကိုးသို့ လမ်းဖောက်ဖွယ် ရှိသည်။

တပ်မတော်ဘက်မှ အဓိကအားသာချက်တခုမှာ လေကြောင်းစစ်ဆင်ရေးဖြစ်သည်။ တပ်များပြောင်းရွှေ့ရာတွင် သယ်ယူပို့ ဆောင်ရေး ရဟတ်ယာဉ်များ အသုံးပြု၍ လွယ်ကူစွာတပ်ပြောင်းရွှေ့နိုင်သည်။ သို့ဖြစ်ရာ ကားဖြင့်ပြောင်းရွှေ့သည်ထက် ပိုမို မြန်ဆန်သည့်အပြင် လမ်းဖြတ်တိုက်ခိုက်သည့်အန္တရာယ်အားလည်း ကျော်လွှားနိုင်သည်။ တိုက်ပွဲများအတွင်း၌လည်း တိုက်လေယဉ် ဗုံးကြဲလေယာဉ် တိုက်ခိုက်ရေးရဟတ်ယာဉ်များ သုံးစွဲတိုက်ခိုက်နိုင်သည်။ လေကြောင်းတိုက်ခိုက်မှုအတွက် အဓိက အနှောင့်အယှက်မှာ ထိုရှမ်းမြောက်ဒေသရှိ အခါမရွေး မိုးရွာခြင်း မြူဆိုင်းခြင်းစသည့် မြင်ကွင်းကိုအုပ်ဆိုင်းစေသည့် သဘာဝအနှောက်အယှက်ဖြစ်သည်။

တပ်မတော်၏အရာရှိ စစ်သည်များသည် လုံလောက်သည့် စစ်ရေးလေ့ကျင့်မှုရှိသည်ဟုဆိုနိုင်သကဲ့သို့ စစ်မိန့်လိုက်နာမှု တည်ဆောက်နိုင်သည်။ သို့သော် တပ်တွင်းအထက်အောက် ကွာဟမှုများရှိခြင်းကြောင့်လည်းကောင်း၊  တိုင်းရင်းသားဒေသ များတွင်လည်းကောင်း၊ စစ်စည်းကမ်းလိုက်နာမှု လျော့ရဲတတ်သည်ဟု ဝေဖန်မှုများရှိသည်။ ထို့ပြင် တပ်မတော်မှ စစ်သည် များမှာ ဒေသခံများမဟုတ်၍ဒေသကျွမ်းကျင်မှု နည်းပါးသည်။ ဒေသခံတို့၏ ကူညီထောက်ပံ့မှုရရန် ခက်ခဲသည်။ ၎င်းအချက် ကိုကုစားရန် တပ်မတော်သည် ၎င်းတို့စည်းရုံးထားသောဒေသခံပြည်သူ့စစ်များကို သုံးစွဲရသည်။ လက်ရှိ မြောက်ပိုင်းစစ်ပွဲနယ် မြေအတွင်း ပန်ဆေး ပသစ၊ မူဆယ်မြို့မ ပသစ၊ ဆင်ကျော့ပသစ၊ မုန်းပေါ်ပသစ၊ ဖေါင်းဆိုင်ပသစ၊ ကွတ်ခိုင်ပသစ၊ တာ မိုးညဲပသစနှင့် ကောင်းခါးပသစတို့ ရှိသည်။

တပ်မတော်အမိန့်ပေးစနစ် ဆက်သွယ်ရေးစနစ် ထောက်ပို့ရေးစနစ် တို့မှာ ယေဘုယျအားဖြင့် ကောင်းမွန်သည်။ သို့သော် မြောက်ပိုင်းစစ်ပွဲအတွင်း တောတောင်ထူထပ်၍ လမ်းပမ်းဆက်သွယ်ရေးခက်ခဲသောနေရာများတွင် အကန့်အသတ်ရှိနိုင် သည်။ အားနည်းချက်တခုမှာ တပ်မှူးရော တပ်သားများပါ ဒေသစိမ်း၍ စစ်သုံးမြေပုံများနှင့် လမ်းပြများကို အားကိုးရသည်။

သို့ဖြစ်ရာ လက်ရှိမြောက်ပိုင်းစစ်မျက်နှာအားရင်ဆိုင်ရန် တပ်မတော်အနေနှင့် သာလွန်သောအင်အား သာလွန်သော လက် နက်များဖြင့် ရင်ဆိုင်နိုင်သည်။ သို့သော် တပ်မတော်သည် တနိုင်ငံလုံးရှိ လုံခြုံရေး ကာကွယ်ရေးစစ်ရေးကိစ္စများကိုလည်း ရင်ဆိုင်ဖြေရှင်းရန်လိုအပ်ပေရာ အခြားဒေသအခြေအနေများကိုလည်း ထည့်သွင်းတွက်ချက်ရန် လိုအပ်ပါသည်။

● ကချင်ပြည်နယ်
ကချင်ပြည်နယ်တွင်ရှိ KIA အဖွဲ့နှင့် တပ်မတော်တို့အတော် တင်းမာနေ သည်ကို ၂၀၁၆ ဒီဇင်ဘာ ၂ ရက်နေ့က ကျင်းပသော ပြည်သူ့လွှတ်တော်၌ ကာကွယ်ရေးဝန်ကြီးနှင့် တပ်မတော်သားကိုယ်စားလည်တို့၏ဆွေးနွေးချက်များအရ သိနိုင်သည်။ က ချင်ပြည်နယ်အတွင်း၌ KIA ဗဟိုဌာနချုပ်နှင့် တပ်မဟာ၆ ခု စုစုပေါင်းအင်အား တစ်သောင်းကျော်ခန့်ရှိနိုင်သည်ဟု ခန့်မှန်းကြသည်။

၂၀၁၁ ခုနှစ် မှစခဲ့သော KIA နှင့် တကျော့ပြန်စစ်ပွဲများသည် တဖြေးဖြေးတိုး၍ လာနေသည်။ ယခုနှစ် သြဂုတ်လမှ စတင် ၍ဖြစ်ပွါးခဲ့သည့် ပြင်း ထန်သည့်တိုက်ပွဲများသည် ကချင်ပြည်နယ်မှ စတင်ခဲ့ခြင်းဖြစ်သည်။ ယခုမြောက်ပိုင်းစစ်ပွဲများ မစတင် မှီခင်ထိ မြစ်ကြီးနားအရှေ့ဖက်ရှိ KIA တို့၏တပ်စခန်းတခုဖြစ်သော ဂီဒွန် (ဂိဒေါင်) စခန်းသိမ်းပိုက်နိုင်ရေးအတွက် ပြင်းထန် စွာ တိုက်ခိုက်နေသည်ကို တွေ့ရသည်။

ဂီဒွန်တိုက်ပွဲနှင့်အတူ တပ်မတော်မှ ယန္တယားတပ်ဖွဲ့များ လက်နက်ကြီးများ စစ်အင်အားများ ပြောင်းရွှေ့ချထားသည်ကို မြေ ပြင် သတင်းများအရ တွေ့ရှိရသည်။ ယခု မြောက်ပိုင်းစစ်ပွဲစတင်ပြီးနောက်တွင်လည်း KIA တပ်မဟာ ၃ နယ်မြေဟုဆိုသော ဗန်းမော်နှင့်နမ့်ခမ်းကြား ဒေသအတွင်းတိုက်ပွဲများစွာ ဖြစ်ပွါးနေသည်ကိုတွေ့ရသည်။

သို့ဖြစ်ရာ လက်ရှိမြောက်ပိုင်းစစ်ပွဲအား စည်းရုံးလှုပ်ရှားသူ ဦးဆောင်သူအဖြစ်အသတ်မှတ်ခံထားရသော KIA နှင့် ကချင်ပြည် နယ်တွင်း ဖြစ်ပွားနိုင်သည့်တိုက်ပွဲများကိုလည်း ထည့်သွင်းတွက်ချက်ထားရန် လိုအပ်ပါသည်။ ထို့ကြောင့် လက်ရှိတိုက်ပွဲ ဖြစ်ပွားနေသော ဂီဒွန် အင်ခရမ်တောင်ကျော ဗန်းမော်ဒေသတို့အပြင် ပူတာအိုဒေသ တနိုင်းဒေသ ဖါးကန့်ဒေသ မိုးညှင်း ဒေသ ပန်ဝါ ချီဗွေဒေသတို့တွင်လည်း တိုက်ပွဲများ ကျယ်ပြန့်ကူးစက်လာမည်ကို ထည့်သွင်းတွက်ချက်ရန်လိုအပ်ပါသည်။ ပြီးခဲ့သော ၂၀၁၁ မှစသည့် တိုက်ပွဲအတွေ့အကြုံများအရ မဖြစ်မနေ ထည့်သွင်းတွက်ချက်ရန် လိုအပ်ပေလိမ့်မည်။

● SSPP/SSA
SSPP/SSA ရှမ်းတိုင်းရင်းသားလက်နက်ကိုင်အဖွဲ့သည် ငြိမ်းချမ်းရေးဖြစ်စဉ်အတွင်း KIA ပြီးလျှင် တပ်မတော်နှင့်လက်နက်ကိုင်ပဋိပက္ခဖြစ်ပွားမှု အများဆုံးဖြစ်သည်။ SSPP/SSA သည် ရှမ်းမြောက် ဝမ်ဟိုင်းဒေသ၌ ဌာနချုပ် အခြေပြုထားသည်။ လားရှိုး မိုင်းရယ် သီပေါ ကျောက်မဲ မိုင်းရှူးကျေးသီး ဒေသများတွင် အဓိကလှုပ်ရှားပြီး ဆက်စပ်နယ်မြေများသို့ ဖြန့်ထွက် လှုပ်ရှားသည်။ ကျေးသီး မိုင်းရှူးမြို့နယ်များ အခြေခံ အထူးကောင်းပုံရသည်။

SSPP/SSA သည် UNFC အဖွဲ့ဝင်ဖြစ်ပြီး NCA လက်မှတ်ထိုးရေးနှင့်ပတ်သက်ပြီး KIA အပါ UNFC အဖွဲ့ဝင်များနှင့်အတူ ရပ်တည်သည်။ ထို့ပြင် SSPP/SSA အခြား ရှမ်းတပ်ဖွဲ့တခုအဖြစ်သော NCA လက်မှတ်ထိုးထားသော RCSS/SSA နှင့် ရင်း နှီးသော ဆက်ဆံရေးရှိသည်။ ထို့အတူ သံလွင်မြစ်အရှေ့ဖက်ကမ်းရှိ UWSA ဝ တပ်ဖွဲ့နှင့်လည်း ထူးကဲသော ဆက်ဆံရေးရှိ သည်။

SSPP/SSA ဌာနချုပ်များအား အဓိကရင်ဆိုင်ထားသည်မှာ ခိုလန်၌ဌာနချုပ်ထားရှိသော အရှေ့အလယ်ပိုင်းစစ်ဌာချုပ် ရလခ ဖြစ်သည်။ ပြီးခဲ့သောနှစ်များကဖြစ်ခဲ့သော လက်နက်ကိုင်ပဋိပက္ခများတွင် ဝမ်ဟိုင်း မိုင်းရှူးမိုင်းနောင်ဒေသတွင် လက်နက် ကြီးပစ်ကူ လေကြောင်းပစ်ကူများပါသည့် ပြင်းထန်သည့်တိုက်ပွဲများဖြစ်ခဲ့ဖူးသည်။

လက်ရှိ မြောက်ပိုင်းတွင်း ဖြစ်ပွါးနေသော တိုက်ပွဲများအတွင်း မြောက်ပိုင်းမဟာမိတ်အဖွဲ့ဝင်အဖြစ် ပါဝင်ခြင်းမရှိသော်လည်း ထိုအဖွဲများနှင့် နိုင်ငံရေးအရနီးစပ်မှုရှိပြီး လက်ရှိတိုက်ပွဲဖြစ်ပွားနေသောဒေသနှင့် နယ်မြေချင်းဆက်စပ်နေပေသည်။ လက်ရှိ မြောက်ပိုင်းစစ်ပွဲနှင့်ပတ်သက်၍ SSPP/SSA မှ မည်သည့်သဘောထားမှတ်ချက်မှ ပေးသည်ကို မတွေ့ရသေးပေ။ သို့သော် နိုင်ငံရေးတပ်ပေါင်းစုအရသော်လည်းကောင်း၊ နယ်မြေဆက်စပ်နေမှုအရလည်းကောင်း၊ စစ်မီးပွားလွင့်စင်ရန် အလွန်နီးစပ် သည့်ဒေသနှင့် လက်နက်ကိုင်အဖွဲ့ဖြစ်သည်။ သို့ဖြစ်ရာ မြောက်ပိုင်းစစ်ပွဲနှင့်ပတ်သက်ပြီး နောက်ဆက်တွဲအဖြစ် မဖြစ်မနေ ထည့်သွင်းစဉ်းစားထားရန် လိုအပ်ပေသည်။

ဆက်လက်ဖေါ်ပြပါမည်။
မောင်မောင်စိုး (Mg Mg Soe)

၁၁၊ ၁၂၊ ၂၀၁၆ နေ့က ဧရာဝတီမြန်မာပိုင်းတွင်ဖေါ်ပြပြီး ဖြစ်သည်။