ရှာဖွေရေး ...

editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

အိုအေစစ် (မအူပင်) ● သူခိုး

အိုအေစစ် (မအူပင်) ● သူခိုး
(မိုးမခ) ဇန်နဝါရီ ၁၀၊ ၂၀၁၇

၁။
သူ့ရင်ဟာ တဒုတ်ဒုတ်ခုန်နေတယ်။ သူ့ရင်ခုန်သံကို သူကိုယ်တိုင် အကျယ်ကြီးပြန်ကြားဖူးတာ ဒီတခါ ပထမဦးဆုံးပဲလို့ ထင် နေရတယ်။ သူ့အသက်ရှုနှုန်းဟာလည်း လိုတာထက်ပိုပြီးပြင်းထန်နေတယ်လို့ ထင်မှတ်ရတယ်။ သူ့တကိုယ်လုံးဟာ ဇော ချွေးတွေရွဲနစ်နေတယ်။ သူ့လှုပ်ရှားမူဟာ လေဟာနယ်ထဲ လွင့်ပါးနေတဲ့ ဝါဂွမ်းလေးတစလို ထင်မှတ်ရတယ်။ ဒါပေမယ့် သူခံစားချက်တိုင်းက ဆထက်တပိုး လေးလံနင့်သည်းလွန်းနေခဲ့တယ်။

မြင့်မားခိုင်ခံ့တဲ့ခြံကြီးရဲ့ဝန်းတံခါးကိုကျော်လာပြီးတဲ့အချိန်အထိ သူဟာ လူနဲ့စိတ်ကို ကပ်မိဖို့ အစွမ်းကုန်ကြိုးစားနေခဲ့ရ တယ်။ တိုက်ကြီးပေါ်ကို သူဘယ်လိုကျော်ဖြတ်ရောက်ရှိလာခဲ့တယ်ဆိုတာကအစ ပြန်ပြီးစဉ်းစားလို့မရအောင်ဖြစ်နေတယ်။ သေချာတာကတော့ သူအတော့်ကို ပင်ပမ်းလွန်းနေခဲ့ပြီ။

သူဟာ တခါမှမလုပ်ဖူးသေးတဲ့အလုပ်တခုကို စွန့်စွန့်စားစား လုပ်နေခဲ့တယ်။ လက်ရှိအချိန်တခုအထိ အရာရာဟာ သူ့အ တွက် အဆင်ပြေချောမွေ့နေပါလျက် သူ့စိတ်လှုပ်ရှားမူကို သူအရှိန်မထိန်းနိုင်ဖြစ်နေခဲ့တယ်။ သူကြောက်နေတာလား သို့မ ဟုတ် ဆက်လုပ်ဖို့ မဝံ့ရဲတော့တာလား မကွဲပြားဘူးဖြစ်နေတယ်။ နံရံတွေကတဆင့် သူ ပြတင်းတံခါးတချပ်ကို ဖွင့်ဝင်ခဲ့တယ်။ တိုက်ကြီးထဲ သူရောက်ရှိနေပြီ။ စိတ်ပင်ပမ်းဆင်းရဲလွန်းလို့ အမှောင် ရိပ်ကျကျ ချောင်ကလေးတချောင်မှာ သူကုက်ပြီး ထိုင် တွေဝေနေတာ အတော်ကလေးကြာသေးတယ်။

တိုက်ကြီးရဲ့အတွင်းပရဝဏ်တခုလုံးဟာချောက်ချားစရာကောင်းလောက်အောင် ဆိတ်ညံလွန်းနေတယ်။ တကယ်ဆို သူ့ အတွက် ဒါဟာ အသင့်တော်ဆုံး အကောင်းဆုံးအခွင့်တခုဖြစ်နေတယ်။ ဒါပေမယ့် ဒီလိုဆိတ်ညံမူဟာ သူ့ကို ပိုလို့တွေဝေ နေစေပြန်တယ်။ ဒီတိုက်ကြီးထဲမှာ အဖိုးကြီးနဲ့ အဖွားကြီးလင်မယားနှစ်ယောက်ရယ်၊ အိမ်အကူကောင်မလေးတယောက် ရယ်၊ စုစုပေါင်း သက်ရှိလူသားသုံးယောက်ပဲရှိမှန်း သူသိနှင့်ခဲ့ပြီးတာကြာခဲ့ပြီ။ ယခုဆို သူအပါအဝင်မှ သက်ရှိလူသားရယ်လို့ လေးယောက်သာရှိနိုင်မည်။ မစွမ်းသာသော လူအိုအရွယ် အဖိုးကြီးအဖွားကြီးကလွဲလျှင် သူနှင့် အိမ်အကူကောင်မလေးရယ် သာထူးထူးခြားခြား ထည့်တွက်စရာရှိလိမ့်မည်။ အခြေအနေအားလုံးဟာ သူ့ဘက်မှာ အသာစီးရနေမှန်းလည်း သူသိတယ်။ သူ့ဦးတည်ချက်ကလည်း တသတ်မတ်တည်းသာ။ ဤတိုက်ကြီးရဲ့အရှင်သခင်အဖိုးကြီးနှင့်အဖွားကြီးရဲ့ပိုင်ဆိုင်မှုစုဝေးရာ မီးခံသေတ္တာကြီးရှိရာ အရောက်သွားနိုင်ဖို့သာပင်။

သူဟာ သူခိုးတယောက် မဟုတ်ခဲ့ဘူး။ ဒါပေမဲ့ ခိုးမှရတော့မယ့် သူ့အခြေအနေကို သူသာ နားလည်တယ်။ ထွေထွေထူးထူး စဉ်းစားစရာမဟုတ်သော်လည်း သူခိုးတယောက်ရဲ့ ဘဝပထမဦးဆုံး အတွေ့အကြုံသစ်ဟာ သူ့ကိုလွှမ်းမိုးချုပ်ကိုင်ထား တယ်။ သူ ထပ်လှုပ်ရှားဖို့ ကြိုးစားလိုက်တယ်။ တိုက်ကြီးထဲမှာ အခန်းပေါင်းများစွာရှိနေမှန်းလည်း သူသိနှင့်ခဲ့ပြီးပြီ။ ထို့အပြင် အခန်းပေါင်းများစွာထဲမှ သူပစ်မှတ်ထားရမည့်အခန်းတခန်း၏ တည်နေရာကိုပါ သူစနစ်တကျ လေ့လာသိရှိနှင့်ခဲ့ပြီးပြီ။

(၂)
လော့ချထားတဲ့အခန်းတံခါးကို ကျွမ်းကျင်ပိုင်နိုင်စွာ သူဖွင့်လိုက်နိုင်ပြန်တယ်။ အပ်ကျသံမကြားရလောက်အောင် ဆိတ်ညံ နေတဲ့အခန်းထဲ လှစ်ခနဲ တိုးဝင်လိုက်နိုင်ချိန်အထိ သူ့ရဲ့ရင်ခုန်သံဟာ မြန်နေတုန်းပဲ။ အလင်းရောင်လုံးဝမပေးဘဲ အမှောင် အထိချထားတဲ့အခန်းဟာ သူ့လှုပ်ရှားမူတိုင်းအတွက် အခွင့်အရေးကောင်းကို ပေးစွမ်းထားနိုင်တယ်။

ပထမဦးဆုံး သူ့အာရုံခံနိုင်စွမ်းကို အသုံးပြုတယ်။ စည်းချက်မှန်တဲ့ အသက်ရှုသံခပ်အုပ်အုပ်ကို သူကြားတယ်။ ထပ်ပြီး အရှိန် မြှင့်တင် အာရုံခံစားကြည့်လိုက်တဲ့အခါ အသက်ရှုသံဟာ တဦးတယောက်တည်းဆီကလာနေတယ်ဆိုတာ သေချာသွား တယ်။

သူဟာ အခန်းထဲ ထည်ထည်ဝါဝါနေရာယူထားတဲ့ အိပ်ကုတင်ကြီးကို အမှောင်ထဲမှာ အာရုံပြင်းပြင်းစူးစမ်းကြည့်တယ်။ ခု တင်နားကို တဖြည်းဖြည်းချင်း တိုးကပ်လေ့လာကြည့်တယ်။ ထူးထူးခြားခြား အပြောင်းအလဲမျိုး ရှိမလာနိုင်ဘူးဆိုတာကို စိတ်ချ လက်ချသိလိုက်မှ သူအသက်မှန်မှန်ပြန်ရှူတယ်။

ဇာခြင်ထောင်ပါးလှပ်လှပ်ကို ပြတင်းပေါက်က အချို့တဝက်ဖြတ်ဝင်ကျရောက်နေတဲ့ အပြင်ဘက်မှ အလင်းရောင်ဖျော့ဖျော့ကို အကူအညီယူပြီး သူခုတင်ပေါ်ကို ထပ်မံစူးစမ်းကြည့်တယ်။ မြင်ရတဲ့မြင်ကွင်းထဲမှာ တစုံတယောက်တည်း အိပ်မောကျနေတာ မြင်ရတယ်။ အမျိုးသမီးဆိုတဲ့အသိရယ်၊ သူ့ခန့်မှန်းမှုထဲ ဆတ်စပ်ရောက်ရှိလာတဲ့အသိတခုရယ် ပေါင်းစပ်ကြည့်တော့ ခု တင်ပေါ်ကအိပ်ပျော်နေသူဟာ အဖွားကြီးတယောက်လို့ ကောက်ချက်ချလိုက်နိုင်ခဲ့တယ်။ ရှည်ရှည်ဝေးဝေး ထပ်မံမစဉ်းစား မိသော်လည်း အခန်းထဲမှာအဖွားကြီးတယောက်တည်းရှိနေတယ်ဆိုတာကို သိလိုက်ရတယ်။ သူ့ရဲ့ကြိုတင်မျှော်လင့်ထင် မြင် ယူဆချက် တချို့တဝက် လွဲချော်နေခဲ့တယ်။ သူမျှော်လင့်ထားတာဟာ ဒီအခန်းထဲမှာ အဖိုးကြီးနဲ့အဖွားကြီးကို တွဲပြီးရှိ နေလိမ့်မယ်လို့ ထင်မှတ်မျှော်လင့်ထားခဲ့တာ။

ဘာပဲဖြစ်ဖြစ် သူ့အတွက်အခွင့်အရေးတခုပိုသာပြီလို့ တွေးဆထားလိုက်မိတယ်။ သူ့ရဲ့ နောက်ထပ်ရှေ့ဆက်လှုပ်ရှားမူကို စ တင်တယ်။ အလင်းရောင်သေးသေးလေးရအောင် စနစ်တကျစီစဉ်အသုံးပြုထားတဲ့ပစ္စည်းကလေးကို အကူအညီယူပြီး သူ တစုံတရာကို ရှာဖွေတယ်။

မီးခံသေတ္တာ။ ဒီအခန်းထဲမှာသာ ဒီပစ္စည်းအရှိနိုင်ဆုံးဆိုတာ မြေကြီးလက်ခက်မလွဲ သူလေ့လာယုံကြည်ထားပြီးသားလည်း ဖြစ်တယ်။ သူ့စိတ်တွေထိန်းရခက်အောင် ပြန်ပြီးခံစားရသလိုရှိလာတယ်။ ရုတ်တရတ် သူအလင်းရောင်လေးရဲ့လမ်းပြမှုနဲ့ အတူ တစုံတခုကိုမြင်လိုက်တယ်။ ရင်ခုန်သံတွေပြန်ပြီးပြင်းထန်လာပေမယ့် သူဝမ်းသာသွားတယ်။ မီးခံသေတ္တာဆိုတာ သေချာတဲ့ပစ္စည်းတခုကို အဖွားကြီးရဲ့အိပ်ခုတင်ဘေးထောင့်တနေရာမှာ သူ တွေ့မြင်လိုက်ရခြင်းဖြစ်တယ်။

သူကိုယ်တိုင်တောင် မမျှော်လင့် မထင်မှတ်ထားတဲ့ သူ့လှုပ်ရှားမူတွေကို အံ့သြနေမိတယ်။ မိနစ်အတန်ကြာမျှ သူကြိုးစား  လိုက်တဲ့အခါ မီးခံသေတ္တာသော့ဟာ အလွယ်တကူ ပွင့်သွားတယ်။ သူမီးခံသေတ္တာကို အဆင်ပြေပြေဖွင့်လိုက်နိုင်ပြီဆိုတဲ့ အသိနဲ့ကြိုတင်မျှော်လင့်ထားတဲ့မျှော်လင့်ချက်တွေရဲ့ခံစားမူဟာ အားပြိုင်စိုးမိုးခံစားလာရပြန်တယ်။

သူ အသက်ရှူဖို့မေ့နေခဲ့တယ်။ မီးခံသေတ္တာရဲ့အတွင်းပိုင်းမြင်ကွင်းကိုမြင်လိုက်ရပြီး သူရုတ်တရက် တွေဝေမှင်သပ်သွားခဲ့ တယ်။ သူဝမ်းသာရမယ့်အချိန်ကို တဒင်္ဂမေ့လျော့နေမိချိန်လေးမှာပဲ ကမ္ဘာပျက်သလို ခြောက်လှန့်တုန်လှုပ်စရာ အဖြစ်အ   ပျက်တခုကို ထပ်မံရင်ဆိုင်ကြုံတွေ့လိုက်ရတော့တယ်။

(၃)
အချိန်မတော်ကြီး မမျှော်လင့်ဘဲထမြည်လာတဲ့ ဖုန်းသံရှည်ရှည်စူးစူးကြီးဟာ သူ့ကို သွေးပျက်မတတ် ခံစားမှုပေးတယ်။ မရပ်မနား ဆတ်တိုက်မြည်တယ်။ သူငေးကြောင်နေရာကနေ သုတ်ခနဲထလိုက်တယ်။ အဖွားကြီးဟာ ဒီအသံကြောင့် မဖြစ် မနေနိုးလာတော့မယ်။ သူအခန်းထဲ ပိတ်မိနေလိမ့်မယ်။ ဘာဆတ်လုပ်ရမယ်ဆိုတာကို ရုတ်တရတ်ဆုံးဖြတ်ဖို့ သူ့အတွေ့ အကြုံသစ်ဟာ အကူအညီမပေးနိုင်ဘူးဖြစ်နေတယ်။ နောက်ဆုံး သူသတိထားမိလိုက်တာ သူထွက်ပြေးနေတာကိုဖြစ်တယ်။ သူအခန်းထဲကနေထွက်ပြေးလာတယ်။ ဘယ်ကိုထွက်ပြေးနေမိမှန်း မသိဘူး။ အမှောင်ထဲ ရပ်လိုက်ပြေးလိုက် ခိုကပ်လိုက်နဲ့ ပြေးနေတယ်။ ဖုန်းသံဟာ အတော်ကလေးကို ကျယ်လောင်စူးရှလွန်းပြီး တိုက်ကြီးတခုလုံးထဲပျံ့နှံ့နေသလို ထင်မှတ်ရတယ်။ သူ့နောက်ကို အသံတွေကလိုက်နေသလို ခံစားရတယ်။

သူဟာ အသံတွေနဲ့ အတော်ဝေးဝေးအထိပြေးထွက်လာမိတယ်။ ဒီတော့မှ သူအကျယ်ချုပ်မိနေသလို တိုက်ကြီးထဲလည်နေမှန်းသတိထားမိတယ်။ သူ ချောင်တခုမှာကပ်ပြီး အမှောင်ခို အမောဖြေလိုက်တယ်။ သူအရမ်းမောဟိုက်နေခဲ့တယ်။ တော် တော်ကို စဉ်းစားဉာဏ်မဲ့စွာ သူတည်ငြိမ်မှု ပျက်ပြားသွားခဲ့တယ်။ အခန်းထဲမှာ ဘာတွေဆတ်ဖြစ်နေလိမ့်မလဲ သူမတွေးနိုင် တော့ဘူး။ သူ့ရင်ဘတ်ကြီးပေါက်ကွဲထွက်မတတ် ခုန်ငင်လှုပ်ရှားနေတာကို သူကြိုးစားထိန်းချုပ်ကြည့်တယ်။ အတန်အသင့် တည်ငြိမ်လာတဲ့အထိ ချောင်ကလေးထဲကနေ သူပြန်မထွက်နိုင်သေးဘူး။ လိုအပ်တာထက်ပိုပြီး သူခြေကုန်လက်ပမ်းကျနေခဲ့တယ်။

"အစ်ကိုကြီး အချိန်ကို အရမ်းမဆွဲနဲ့ကွာ စီစဉ်ထားတာတွေလွဲကုန်မယ်။ လုပ်စရာရှိတာ မြန်မြန်လုပ်သိရဲ့လား"

"xxxxxx xxxx "
"xxxxxxxxx xxxxxx"

သူရုတ်တရတ် ချက်ခြင်း ဒိန်းကနဲ ခေါင်းကြီးသွားပြန်တယ်။ စိတ်လှုပ်ရှားမူဟာ အထိဋ်အထိပ်ကိုပြန်ရောက်လာတယ်။ သူ အသက်ရှူဖို့ ပြန်မေ့သွားအောင် သူရှိနေတဲ့နေရာချောင်ကလေးရဲ့ အနောက်ဘက်ကလာတဲ့စကားသံတွေဟာ သူ့ကို လွှမ်း မိုး ပစ်လိုက်နိုင်တယ်။

"xxxxxx xxxxx xxxxxxx"
"xxxxxx xxxxxx xxxxxx"
"xxxxxx xxxxx xxxxxxx"
"xxxxxx xxxxxx xxxxxx"

သူပတ်ဝန်းကျင်ကို စူးစမ်းလိုက်တယ်။ အလင်းရောင်ပျပျရနေတဲ့ အခန်းငယ်လေးတခန်းရဲ့ရှေ့ထောင့်ချိုးချောင်ကလေး  မှာ သူရှိနေတာဖြစ်တယ်။ သူအခန်းထဲကို ထပ်မံမစူးစမ်းမိခင်မှာ တစုံတရာကို ချက်ခြင်းသဘောပေါက် လက်ခံသွားနိုင်ခဲ့တယ်။

"xxxxxx xxxxx xxxxxxx"
"xxxxxx xxxxxx xxxxxx"
"xxxxxx xxxxx xxxxxxx"
"xxxxxx xxxxxx xxxxxx"

ဒီတကြိမ်မှာ သူကိုယ်တိုင်မွှမ်းကြပ်ပိတ်လှောင်ပြီး အသက်ရှုမရတော့သလို ခံစားလိုက်ရတယ်။ ဒါပေမဲ့ အမှောင်ချောင်ကလေးထဲကနေ သူထွက်လို့မရသေးဘူး။ သူလုံးဝ ထင်မှတ်မျှော်လင့်မထားတဲ့ ဆင့်ကဲဖြစ်စဉ်တွေထဲမှာ သူထောင်ချောက် လုံးလုံး မိသွားခဲ့တာမျိုးဖြစ်တယ်။

(၄)
သူ ဘာဆက်လုပ်ရမှန်းမသိနိုင်အောင်ဖြစ်နေတယ်။ သူ့ရှေ့ကနေ အဖိုးကြီးထွက်သွားတာ မြင်ရတယ်။ မိနစ်ပိုင်းလောက်ပဲ ကြာလိမ့်မယ်ထင်မိတယ်။ အဖိုးကြီးဟာ အခန်းထဲပြန်ရောက်လာတယ်။

သူ့ရင်ထဲမှာ ဟာနေတယ်။ ခံစားမူဟာ ပြောမပြတတ်တဲ့ ခံစားမူတခုဆိုတာအပြင် သူဘာမှမသိဘူး။ ကံကြမ္မာဟာ သူ့ကို လှ လှပပ မျက်လှည့်ပြလိုက်သလို တဒင်္ဂအတွင်း အပြောင်းအလဲဆန်းတွေချည်း ဖြစ်နေတယ်။

သူဟာ လက်ရှိအဖြစ်အပျက်ဆန်းဆန်းတခုအတွင်းမှာ အဖြည့်ခံသက်သက်ဖြစ်ခဲ့ပြီလို့ နားလည်လိုက်မိတယ်။ အဖွားကြီးရဲ့ အခန်းထဲက မီးခံသေတ္တာသော့ကို သူကိုယ်တိုင်ဖွင့်လျှက်သားထားခဲ့မိတယ်။ သူဟာ ပိုင်ဆိုင်ခွင့်တခုကို လက်ထဲရောက်ရှိ နေပြီးမှ သဲထဲရေသွန်သလို စွန့်လွှတ်ဆုံးရှုံးလိုက်ရတယ်။

ဆုံးဖြတ်ချက်လိုလို လှုံ့ဆော်မူတခုဟာ သူ့ခေါင်းထဲ ဒိုင်းခနဲပြေးဝင်လာတယ်။ သူချောင်ထဲကနေထပြီး လက်ရှိအခြေအနေကိုတားဆီးလိုက်ဖို့ဖြစ်တယ်။ ဒါပေမဲ့ သူ့ဆန္ဒဟာ ချက်ချင်းအငွေ့ပျံပျောက်ရှသွားခဲ့ရှာတယ်။ သူမလုပ်ရဲဘူး။ လက်ရှိအခြေအနေထက်ပိုပြီးဆိုးရွားတဲ့ အခြေအနေတခုထပ်ရှိလာဖို့ သူ့မှာ ရင်ဆိုင်နိုင်စွမ်းတွေရှိမနေခဲ့ဘူး။ သူ ဘာတတ်နိုင်မှာမို့လဲ။ အကာင်းဆုံးကတော့ သူနေရာမှာပဲ ကျောက်ရုပ်တရုပ်လိုရှိနေဖို့ကလွဲပြီး ဘာမှမလုပ်မိတာ အကောင်းဆုံးလို့ ထင်မိတယ်။ သူဝမ်းနည်းဆို့နင်သလို ခံစားလာရပြန်တယ်။ ဆုံးရှုံးမူကြီးတခုအတွက် ယူကျုံးမရဖြစ်နေရသလို ခံစားမူကြီး။

ကြိုတင်ပြင်ဆင်ထားနှင့်ကြပြီးပုံအရ အဖိုးကြီးနဲ့အိမ်ဖော်ကောင်မလေးဟာ တိုက်ကြီးထဲကနေ အချိန်မတော်စွန့်ခွာဖို့ ခပ် သုတ်သုတ်ပြင်ဆင်နေကြတယ်။ သူကရော ဘာဆတ်လုပ်ရမလဲ။ ဒါလည်း သူလုံးဝမစဉ်းစားနိုင်တော့ဘူး။ သူခိုးလက်က သူဝှက်ပြန်လုခံလိုက်ရတဲ့ခံစားမူကို သူခံစားရတယ်။ အတွေ့အကြုံအဖြစ်အပျက်အားလုံးဟာ သူ့အတွက် ပထမဦးဆုံးနဲ့ အဆန်းကြယ်ဆုံးတွေချည်းဖြစ်နေတယ်။ ခံစားမူရဲ့နှိပ်စက်ဒဏ်ပေါင်းစုံဟာ သူ့ကို ချုပ်ကိုင်လွှမ်းမိုးထားခဲ့တယ်။

သူခြေကုန်လက်ပမ်းကျပြီး အဓိပ္ပါယ်မဲ့စောင့်ဆိုင်းနေတဲ့အချိန်တွေ တရွေ့ရွေ့ကုန်ဆုံးသွားတယ်။ အဖိုးကြီးနဲ့ အိမ်ဖော် ကောင်မလေးဟာ ပတ်စက်ယုတ်မာတဲ့ အကြံအစည်နဲ့ တိုက်ကြီးထဲက အချိန်မတော်ရှိသမျှမကာ ထွက်ခွာသွားကြတယ်။ သျူောင်ကလေးမှာ ဒီအတိုင်းစောင့်ကြည့်ကျန်ရစ်ခဲ့ရတယ်။ သူနေရာကနေ လုံးဝပြန်ထမရတော့ဘူး။ သူ့ခြေတွေ လက်တွေ ဟာ ပြန်သယ်မရတော့သလို ဖြစ်နေတယ်။ သူ့မျှော်လင့်ချက်မှန်သမျှ အပိုင်းပိုင်းဖြတ်ခုတ်ချခံလိုက်ရတယ်လို့ ခံစားနေခဲ့ရ တယ်။

(၅)
ငွေအမြန်ရှာပါဆိုတဲ့စကားတခွန်းဟာ သူ့နားထဲကို အထပ်ထပ် ပြန်ပြေးဝင်လာတယ်။ သူနားတွေကို ပိတ်ထားလိုက်မိတယ်။ ဒါပေမဲ့ သူ့မျက်လုံးတွေထဲကို ပုံရိပ်တခု ချက်ချင်းပြေးဝင်လာတယ်။ အရေးပေါ်အခန်းထဲမှာ အသက်ရှုဖို့ အခွင့်အရေးကို တောင်စက်တွေပိုက်တွေကတဆင့် အကူအညီယူထားရတဲ့ သူ့ဇနီးရဲ့ သွေးမဲ့မျက်နှာဖြစ်တယ်။ နောက်မျက်နှာပေါင်းများ စွာကိုလည်း မြင်ရတယ်။ မျက်နှာတွေအများကြီးကြားမှာ ကူကယ်ရာမဲ့နေတဲ့ သူ့မျက်နှာသူပြန်မြင်ရတယ်။ ဆေးရုံပေါ်က အရေးပေါ်အခန်းထဲမှာ သူ့ဇနီးဟာ သူ့ကိုစောင့်နေမှာသူသိတယ်။ အရေးပေါ်အခြေအနေကနေ သူ့ဇနီးကို ကူကယ်တင် မယ့်ဆရာဝန်ကြီးတွေလည်း သူ့ကိုစောင့်နေကြတယ်။ သူအချိန်မီပြန်ရောက်သွားမှ သူ့ဇနီးရဲ့အနာဂတ်ကို သူပြန်ရမှာဖြစ် တယ်။

သူရှိနေတဲ့ဒီတိုက်ကြီးထဲမှာ သူ့မျှော်လင့်ချက်တွေမရှိတော့ဘူး။ ပြီးတော့ ဘာမှမရှိတော့ဘူးလို့ သူခံစားလာရတယ်။ သက် ရှိလူသားအနေနဲ့ သူရယ် အပေါ်ထပ်အခန်းထဲမှာ အိပ်ဆေးမိနေတဲ့အဖွားကြီးရယ်သာ ကျန်ရစ်ခဲ့တယ်။

သူ့ရဲ့တခုတည်းသောမျှော်လင့်ချက်ဟာအစိတ်စိတ်အမွှာမွှာ ပြိုကွဲပျက်ဆီးသွားခဲ့ပြီ။ သူကယ်တင်ရမယ့်အနာဂတ်ကိုတွေး ကြည့်တော့လည်း စိတ်ကူးထဲမှာပင် ဖမ်းဆုတ်ကြည့်မရတော့ပေ။ သူသိတာ သူအားပါးတရ ငိုချလိုက်ချင်နေတယ်။ သူ ဖြည်းဖြည်း နေရာကထတယ်။ ဘယ်ကိုဦးတည်ရမယ်ဆိုတဲ့ ဆုံးဖြတ်ချက်ရှိမနေခဲ့ဘူး။ သူဒီတိုက်ကြီးထဲကပြန်ထွက်သွားဖို့ ဆိုတာအပြင် ဘယ်လိုအခွင့်အရေးမျိုးမှ သူ့ဘက်မှာရှိမနေခဲ့တော့ဘူး။

သူ့ခြေလှမ်းတွေရဲ့ဦးတည်ရာကို သူမသိဘူး။ သူသတိထားမိသလောက် သူဟာ အဖွားကြီးရှိရာအပေါ်ထပ်ကအခန်းကို သွားနေတယ်။ ဘာကြောင့်သွားနေတာလဲဆိုတဲ့မေးခွန်းကို သူဖြေနိုင်မှာမဟုတ်ဘူး။ သူဟာ သူ့ကိုယ်သူ သနားလာတယ်။ ပြီးတော့ သူမဟုတ်တဲ့အခြားတယောက်ကို သနားလာတယ်။ သူဟာ သနားစရာကောင်းတာလား သူ့ထက် အဖွားကြီးက သနားစရာကောင်းနေတာလား ဝေခွဲမရတော့အောင် ဖြစ်လာပြန်တယ်။ သူအဖွားကြီးရဲ့အခန်းတံခါးကို အသာတွန်းဖွင့်လိုက် တယ်။ အဖွားကြီးဟာ အိပ်မောကျနေတုန်းပဲဆိုတာ သူသိတယ်။ သူအခန်းဝကတံခါးဘောင်ကိုမှီပြီး အားအင်ယုတ်လျော့ ထိုင်ချလိုက်မိတယ်။

တိုက်ကြီးထဲမှာ မတူညီတဲ့အသက်ရှုသံကိုယ်စီနဲ့ လူသားနှစ်ဦးရှိနေတယ်။ တိုက်ကြီးရဲ့ဆိတ်ညံမူဟာ နက်ရှိုင်းသထက် နက် ရှိုင်းလာတယ်လို့ ထင်မှတ်ရတယ်။ နက်ရှိုင်းမူတွေနဲ့ညကြီးဟာလည်း တစထက်တစ သိပ်သည်းဆတွေနဲ့ … … … ။။