ရှာဖွေရေး ...

editors @ moemaka.net ((510) 854-6501)။
မိုးမခ ရုံးစားပွဲ - Home ရုံးခန်းအသစ်၊ အမှတ် (၁၂၄)၊ ၅၇ လမ်း၊ မဟာဗန္ဓုလ လမ်းမ၊ ပုဇွန်တောင်မြို့နယ်၊ ရန်ကုန်မြို့၊
ဖုန်း – ၀၉ ၂၅၂ ၂၄၉ ၀၉၄ ၊ ၀၉ ၄၂၁ ၇၄၃ ၇၅၃ ၊ ၀၉ ၅၀၄ ၁၀ ၅၈ ၊ ၀၉ ၄၃၀ ၄၆၃ ၉၉ (မန္တလေး)။ ။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

စိုးမိုးအောင် ● ဒေါသဂျမ်း

ပန်းချီ အောင်ကျော်မိုး


စိုးမိုးအောင် ● ဒေါသဂျမ်း
(မိုးမခ) ဖေဖော်ဝါရီ ၁၆၊ ၂၀၁၇

အမေရိကန်ပြည်ထောင်စု နော့ကယ်ရိုလိုင်းနားတက္ကသိုလ်ရဲ့ ပတ်ဝန်းကျင်နွေဦးပုံရိပ်ဟာ ကျွန် တော်တို့ကျင်လည်ခဲ့ရတဲ့ အင်းလျား၊ ကန်နံဘေးက ရန်ကုန်တက္ကသိုလ်ရဲ့ နွေဦးပုံရိပ်နဲ့ ခပ်ဆင်ဆင်ပါပဲ။ အင်မ တန်လှပတဲ့ သစ်ပင်တွေအုပ်ဆိုင်းပြီး သာယာတဲ့ရှုခင်းအလှအပတွေ အုပ်ဆိုင်းပြီး သာယာတဲ့ရှုခင်း အလှအပ တွေက တခုနဲ့တခုသိပ်မကွာခြားလှပါဘူး။

အမေရိကန်နိုင်ငံမှာ အခြေချနေထိုင်ခဲ့ရတဲ့ ကျွန်တော့်အတွက် တခါတခါလွမ်းမောဖွယ်ရာ ခံစားချက်မျိုး ရရှိခဲ့ပါတယ်။ ဘ၀တလျှောက်လုံးလိုလို လူငယ်တွေရဲ့တက်ကြွတဲ့စိတ်ဓာတ်နဲ့ သူတို့ရဲ့လှုပ်ရှားမှုတွေ ကို စိတ်ဝင်စားစွာနဲ့ လေးလေးစားစား တန်ဖိုးထားရင်း အချိန်တွေကုန်ဆုံးခဲ့ရတာတွေကိုလည်း ကျွန်တော် တခါမှနောင်တမရခဲ့ပါဘူး။ အမေရိကန်တက္ကသိုလ် ကျောင်းသားကျောင်းသူတွေရဲ့ ဖြတ်လတ်ပြီး ချစ်စရာကောင်း တဲ့ပုံရိပ်ကလေးတွေနဲ့ မြန်မာတက္ကသိုလ်ကျောင်းသားကျောင်းသူတွေရဲ့ သွက်လက်ချက်ချာတဲ့ ပုံရိပ်ကလေး တွေဟာ သိပ်မကွာခြားလှပါဘူး။

မြန်မာနိုင်ငံရဲ့ နာမည်ကျော်စာရေးဆရာအများစုက မြန်မာတက္ကသိုလ်ကျောင်းသားလှုပ်ရှားမှုတွေကို တစိုက်တမတ် အားပေးထောက်ခံခဲ့ကြတာကို တွေ့ခဲ့ရပါတယ်။ ကျောင်းသားလူငယ်ထုရဲ့ ချစ်ခင်ယုံကြည်မှုကို အသီးသီးရရှိခဲ့ကြတဲ့ ဆရာကြီးတွေအနက် ဆရာတင်မိုးနဲ့ ဆရာမောင်စွမ်းရည်တို့ဟာ အထူးခြားဆုံးဖြစ်ကြပါ တယ်။ ကျွန်တော်ကိုယ်တိုင်လည်း ဆေးကျောင်းသားဘ၀က ကလေးသရုပ်ဖော်ပန်းချီဆရာဖြစ်ခဲ့ဖူးပါတယ်။ ဆရာကြီးတင်မိုးရဲ့ စာအုပ်အချို့ကို သရုပ်ဖော်ပုံရေးဆွဲခဲ့ဖူးပါတယ်။ ဆရာတင်မိုးနှစ် ၈၀ပြည့်မှာ ခရီးလွန်နေတာကြောင့် မရေးဖြစ်ပါ။

မန္တလေးလူထုစာကြည့်တိုက်က စာကြည့်တိုက်မှူး ကိုအောင်က ဒီဖေဖော်ဝါရီလ ၁၇ရက်မှာ ကဗျာ ဆရာကြီးမောင်စွမ်းရည်ရဲ့ နှစ်၈၀မွေးနေ့ပွဲကို တောင်မြို့ကို ပညာရဲ့တောင်လေးလုံးကျောင်းတိုက်မှာ လူငယ် စာပေ၀ါသနာရှင်တွေ ပူးပေါင်းပြီး အခမ်းအနားလုပ်ကြမယ်လို့ ပြောတယ်။ ကြုံတုန်းကြုံခိုက် ကဗျာဆရာကြီးနှစ် ယောက်လုံးအတွက် အမှတ်တရလေးတခုရေးပေးဖို့ ဆုံးဖြတ်လိုက်ပါတယ်။

သတိတရစဉ်းစားမိတဲ့ အကြောင်းအရာလေးတခုကို နယူးယောက်မှာနေထိုင်တဲ့ ကဗျာဆရာကြီး မောင်စွမ်းရည်ဆီ ဖုန်းဆက်ပြီးပြောပြလိုက်တယ်။ သူ့အတွက်လည်း အမှတ်ရစရာအကြောင်းအရာလေးတခု ဖြစ်နေတာကြောင့် အားလုံးကိုမှတ်မိနေတယ်။

လွန်ခဲ့တဲ့ နှစ်၄၀ကျော်ကျော်က ဆရာဂျမ်းဟာ တက္ကသိုလ်ဘာသာပြန်ဌာနမှာ အလုပ်လုပ်နေပါတယ်။ ရုံးက ဆေးကျောင်းရဲက ကျောကပ် BOC ကောလိပ်ဖြစ်ပါတယ်။ ကျွန်တော်ငှားစီးလာတဲ့ လေးဘီးကားလေးကို ခရေပင်အောက်ရပ်ခိုင်းပြီး၊ BOC ကင်တင်းထဲလှမ်းကြည့်မိတယ်။ ကျွန်တော့်အတန်းဖော်သူငယ်ချင်းတွေလည်း တယောက်မှမတွေ့၊ ဆရာဂျမ်းတို့အုပ်စုကလည်း တယောက်မှမတွေ့၊ လူရှင်းနေတယ်။ လက်ဖက်ရည်ဆိုင် ထဲက ဒေါ်ကြည်က ဆရာဂျမ်းတို့ရုံးထဲမှာပဲရှိလိမ့်မယ်၊ ထွက်မလာသေးဘူးလို့ လှမ်းပြောတယ်။

'ကားဆရာ ခဏစောင့်ဗျာ၊ ၁၅မိနစ်အတွင်း ပြန်လာခဲ့မယ်' ကျွန်တော်လည်း ကားဆရာကိုပြောပြီး ရုံး တွင်းသို့ဝင်သွားတယ်။ ရုံးထဲရောက်တော့ ဆရာမင်းကျော်ကို သူ့ရုံးခန်းထဲမှာ တွေ့လိုက်ရတယ်။ အလုပ်ရှုပ်နေ တဲ့ဆရာကို အပြင်ကနေပဲ လက်ပြနှုတ်ဆက်လိုက်တယ်။

ဆရာမင်းလှအောင်ကြီးနဲ့ ဆရာညွှန်ကြူးတို့ကို ရိပ်ကနဲမြင်လိုက်တယ်၊ ဆရာတင်မိုးအခန်းထဲ လှမ်း ကြည့်လိုက်တော့ ဆရာမောင်စွမ်းရည်ရောက်နေတာကိုပါ တွေ့ရတယ်။ ကျွန်တော့်ကိုတွေ့တော့ ဆရာနှစ် ယောက်စလုံးထွက်လာကြတယ်။


'ဆရာဂျမ်း၊ ဆရာစွမ်း'
'မောင်ရင် မနေ့က လာမယ်ထင်တာ'
'စာမေးပွဲတွေက ဆက်တိုက်မို့ မလာဖြစ်ဘူး။'
'ဆရာတို့နှစ်ယောက်စလုံး ဒီမှာလာတွေ့နေတာနဲ့ အတော်ပဲ'။
'ကျွန်တော်မှာ တရုတ်ဝူရှုးသိုင်းအဖွဲ့ လက်မှတ်၂စောင်ရလာတယ်၊ ဆရာတို့နှစ်ယောက်အတွက်' ပြော ပြောဆိုဆိုနဲ့  ဆရာစွမ်းကို လက်မှတ်၂စောင့်ထုတ်ပေးလိုက်တယ်။

ဆရာစွမ်းနဲ့ဆရာဂျမ်း တယောက်နဲ့တယောက်လှမ်းကြည့်ရင်း ဆရာဂျမ်းက 'ပြပွဲကဘယ်တော့လဲ' ဆရာစွမ်း ဒီနေ့ညနေ ၆နာရီလို့ရေထားတာပဲ။ ကျွန်တော် မနက်ဖြန် ကျွန်တော့်စာမေးပွဲရှိတယ်။ ကျွန်တော် မလိုက်ဖြစ်တော့ဘူး။ စာလည်း သိပ်မရသေးဘူး။ ကဲ-ဆရာ ကျွန်တော်သွားတော့မယ်။ အပြင်မှာကားစောင့်ခိုင်း ထားတယ်။

ကျွန်တော်လည်း လက်မှတ်ထုတ်ပေးပြီး ခပ်သုတ်သုတ်ပြန်ထွက်လာတယ်။ ကားဆရာက စိတ်တိုနေ ပြီ။

နောက် ၄-၅ရက်ကြာတော့ မြို့ထဲခဏသွားတယ်။ လက်ရွေးစင်လက်ဖက်ရည်ဆိုင်ရှေ့မှာ အောင်ကျော်မိုးနဲ့တွေ့တယ်။ အောင်ကျော်မိုးက ဆရာဂျမ်းတို့နဲ့ ဘာသာပြန်မှာပဲ အလုပ်ရတယ်။

'ဟိတ်- စိုးမိုး မိပြီ မပြေးနဲ့'
'မပြေးပါဘူး သူငယ်ချင်းရာ'

 'မင်းအင်္ဂါနေ့က ဆရာဂျမ်းနဲ့ ဆရာစွမ်းတို့ ရန်ပွဲဖြစ်မြောက်အောင် အားပေးအားမြောက်လုပ်ဖို့ တရုတ် ၀ူရှုးသိုင်းပြပွဲလက်မှတ် ပေးခဲ့တယ် မဟုတ်လား။'
'ဘယ်တုန်းကလည်း ငါဘာမှမသိရဘူး'

'မင်း တကယ်မသိဘူးလား'
'တကယ်ကို မသိလို့ပါကွာ၊ အကျိုးအကြောင်းလေး ပြောပြပါဦး၊'

'ဆရာစွမ်းရည်ရောက်တဲ့အချိန်က ကိုတင်မိုးကို မတွေ့ရလို့ သူ့စားပွဲဘေးမှာပဲထိုင်ပြီး၊ စာဖတ်နေတယ်။ ကိုတင်မိုးပြန်လာတော့ နှုတ်ဆက်ရင်း ထမင်းစားချိန်မို့ သူ့ထမင်းဘူးကိုရှာတယ်။ မောင်စွမ်းရည်လည်း စာဖတ်နေတာပေါ့၊ ကိုတင်မိုးက မောင်စွမ်းရည်ဖွက်ထားတယ် ထင်တာပေါ့။ ဆရာမင်းကျော်တို့ ဆရာမင်းလှညွန့်ကြူးတို့ ကိုတင်မိုးက စနေနောက် နေတတ်ကြတာပဲ၊ အင်မတန်ရိုး လွန်းအလွန်းတဲ့ ကိုတင်မိုးကိုချစ်လို့ ကြည်စားတဲ့သဘောပါကွာ။'

'အေး သူတို့အုပ်စုက ဆရာကြီးဒဂုန်တာရာတောင် အလွတ်မပေးဘူး။ ဒီလိုပဲ နောက်နေပြောင်နေတာပဲ။'

'အမှန်မှာက ဆရာစွမ်းနဲ့ဘာမှမဆိုင်ဘူး၊ ဆရာစွမ်းကလည်း သူမလုပ်ပါဘူးလို့ငြင်းတယ်။ အဲဒါ ဆရာဂျမ်းက စိတ်ဆိုးပြီး စားပွဲကို ခုံနဲ့ရိုက်တာ စားပွဲကြီးပေါက်ထွက်သွားတာ မောင်ရင်မမြင်ဘူးလား'။

'ငါလည်း အမှုမဲ့အမှတ်မဲ့ပဲ သတိမထားမိဘူး။ ပြဿနာဆက်ဖြစ်သေးလား'

ကျွန်တော်က စိုးရိမ်စိတ်ဖြင့် ဆက်မေးတယ်။

'အေး ကံကောင်းတယ်ဆိုရမှာပေါ့ကွာ၊ အဲဒီနေ့ ရုံးဆင်းချိန်ရောက်တော့ သူတို့သူငယ်ချင်းနှစ်ယောက် ဘာမှမဖြစ်သလို လက်ချင်းချိတ်ပြီး ၀ူရှုးသိုင်းပြပွဲကို သွားကြည့်တယ်လေ။'

'တော်သေးတာပေါ့ သူငယ်ချင်းရာ'

'လက်ရွေးစင်မှာ လက်ဖက်ရည်သောက်ရအောင်'

ကျွန်တော်တို့နှစ်ယောက်လည်း စိတ်အေးလက်အေးနဲ့ လက်ဖက်ရည်ဆိုင်လှေခါးထစ်တွေပေါ် အတူ တက်သွားကြပါတော့တယ်။

စိုးမိုးအောင်
ပန်းချီဆရာ
နော့ကယ်ရိုလိုင်းနား