မြဇင်ယော် ● လူဆိုသည့် သူ


မြဇင်ယော် ● လူဆိုသည့် သူ
(မိုးမခ) မေ ၂၊ ၂၀၁၇

facebook ​ပေါ်တွင်​ post တခု ​တွေ့ရဖတ်​ရပါသည်​။ သူငယ်​ချင်းတယောက်​၏​ခွေး​လေး နာ​ရေးသတင်း။

"သားလေး​ရေ...အခုလို ရုတ်​တရက်​ခွဲခွာသွားတာ အရမ်းပဲဝမ်းနည်း​ကြေကွဲရပါတယ်​။ သား​လေးကိုရည်​စူးပြီး ပြုခဲ့သမျှ ကောင်းမှုကုသိုလ်​​တွေကို သာဓု​ခေါ်ပါ။ အမျှ... အမျှ ...အမျှ သား​လေး​ရေ" တဲ့။

"သားလေးရဲ့နာ​ရေးသတင်းကို လာ​မေးကြသူများ" တဲ့။

ဓာတ်​ပုံနှင့်​တင်​ထားပါသည်​။ ထိုဓာတ်​ပုံ​လေးကိုကြည့်​ရင်း သူ့ကိုသတိရမိသည်​။ ​နောက်​ တစ်​လကြာ​သောအခါ  ထိုသူငယ်​ချင်းက Post တစခု ထပ်​တင်​ပါသည်​။

"ဒီ​နေ့ သားလေးဆုံးတာ တလပြည့်​ပြီ၊ ​နေ့စဉ်​နှင့်​အမျှ သတိရဆဲပါ သားလေးရယ်။ ချစ်​စရာ​ကောင်းတဲ့သား​လေးရဲ့ ပုံရ်ိပ်​​တွေကို​ တနေ့မှ ​မေ့မရပါဘူး သား​လေးရယ်​" တဲ့။

တလမျှကြာပြီး​သော ယခုအချိန်​တွင်​ သူ့ကို သတိရပြန်​ပါပြီ။

* ----* ---- * ---- *

ယခင်​က သူ့ကို မမြင်​ဖူးပါ။ ရွာ​ရွှေ့ပြီးမှ မြင်​ဖူးပါသည်​။

ရွာရွှေ့သည်​ဆိုသည်​မှာ ကျွန်​မ နှစ်​တန်းစာ​မေးပွဲ​ဖြေပြီးချိန်​​လောက်​တွင်​ ဆင်​​သေဆည်​​ ရေဝပ်​ဧရိယာထဲမှာပါ​နေ​သော​ကြောင့်​ ကျွန်​မတို့ရွာအပါအဝင်​ ရွာဆယ်​ရွာခန့်​ ​ရွှေ့ပြောင်း​ပေးခဲ့ရပါသည်​။ ကျွန်​မတို့ရွာမှာ ယခုလက်​ရှိ​ တောင်​​ခြေသို့ ​ပြောင်းရွှေ့ခဲ့ရပါသည်​။ ​နေရာအသစ်​​ရောက်​မှ သူ့ကို မြင်​ဖူးသည်​ဖြစ်​၍ သူဟာ ကျွန်​မတို့ရွာသားမဟုတ်​တာ ​သေချာပါသည်။

ဘယ်​ဇာတိမှန်းလည်း မသိရပါ။ လူကြီးများကလည်း သူဟာ နတ်​​မောက်​နယ်​ဘက်​ကလိုလို ရမည်းသင်းနယ်​ဘက်​ကလိုလို ​ပြောကြပြီး အတိအကျမသိကြပါ။ သူ့ဇနီးဟာ သူ့ထက်​ အလွန်​ငယ်​ပုံရပြီး နို့စို့က​လေးအပါအဝင်​ က​လေးသုံး​ယောက်​နှင့်​အတူ ​ပြောင်း​ရွှေ့လာခြင်းဖြစ်​သည်​။ ထူးခြားသည်​မှာ သူဟာ ဂိုဏ်းဆရာလိုလို ​အောက်​လမ်းတတ်​သလိုလိုနှင့်​ နာမည်​ကြီး​နေ၍ ရွာသူရွာသားများက သူနှင့်​သူ့မိသားစုအား ရင်းရင်းနှီးနှီး မဆက်​ဆံဝံ့ကြ​ပေ။

ထိုသူက ကျွန်​မတို့အိမ်​ကို​တော့ ည​နေတိုင်းလာပါသည်​။ ကျွန်​မတို့အိမ်​တွင်​ ကုန်​စုံဆိုင်​က​လေးဖွင့်​ထား၍ ​ဈေးဝယ်​ရန်​လာ ခြင်းဖြစ်​သည်​။ များ​သောအားဖြင့်​ ဆန်​၊ ဆီ၊ ဆားကဲ့သို့​သော ထမင်း ဟင်းချက်​စရာများဝယ်​လျှင်​ အမျိုးသမီးများသာ ဝယ်​​လေ့ရှိကြ​သော်​လည်း သူ့အိမ်​က​တော့ သူ့ဇနီးမ​ဝယ်​ဘဲ သူကိုယ်​တိုင်​သာဝယ်​ပါသည်​။

ဈေးဝယ်​လျှင်​လည်း ဆန်​ တစလယ် ​(နို့ဆီ ၂ ဗူး)၊ ဆီ ၅ ကျပ်​သား၊ ဆား ၂၅ ကျပ်​သား၊ ငါးပိ ၅ ကျပ်​သား စသည်​ဖြင့်​ တနေ့ စာသာ ဝယ်​​လေ့ရှိပါသည်​။ တနေ့စာဟု ​ပြောရ​သော်​လည်း ဆားကလွဲလျှင်​ ထိုပမာဏ​ကလေးနှင့်​ သူ့မိသားစု ၅ ​ယောက်​၊ နို့စို့က​လေးချန်​ထားလျှင်​ ၄ ​ယောက်​ဟာ လက်​ရှိညစာ၊ ​နောက်​​နေ့ မနက်​စာ၊ ​နေ့လယ်​စာ သုံးနပ်​စာအတွက်​ မလုံ​လောက်​သည်​မှာ ​သေချာပါသည်​။ ဘယ်​လိုခွဲတမ်းချပြီး စားကြလည်း မသိရပါ။

တခါတ​လေ လက်​ဖက်​​ခြောက်​ နှစ်​ကျပ်​ခွဲသား ဝယ်​တတ်​ပါသည်​။ ​မချိန်​ရင် ချိန်​မ​နေပါနှင့်​ ပေးချင်​သ​လောက်​​လေး ​ပေးပါ ဟုလည်း အားနာသံဖြင့်​​ ပြောတတ်​ပါသည်​။ တခါတ​လေလည်း ဆန်​တခွက်​ (နို့ဆီ ၄ ဗူး)၊ ဆီ ၁၀ သား စသည်​ဖြင့်​ ဝယ်​တတ်​ပါသည်​။ သို့​သော်​ မှတ်​မိသ​လောက်​ ဆန်​ ၁ ပြည်​ထက်​​တော့ မပိုဖူးပါ။

ကျွန်​မ မိဘများက "ဆရာကြီး ဘာလုပ်​စားရတုန်း" ဟု​မေးလျှင်​ ​တောင်​​ခြေရှိ သူများမလုပ်​ချင်​၍ ပစ်​ထား​သော​မြေရိုင်းတွင်​ နွားငှားပြီးမထွန်​နိုင်​၍ ​ပေါက်​တူးတလက်​ဖြင့်​ ​မြေဆွစိုက်​ပျိုးရ​ကြောင်း၊ တခါတရံတွင်​ မီး​သွေးဖုတ်​ထား​သော လျှိုမှ ခရီးတ တိုင်​အကွာရှိ လှည်းလမ်းအထိ မီး​သွေးအိတ်​ အငှားထမ်း​ကြောင်း၊ လွှစင်​မှ လွှဆွဲပြီးသားသစ်​များကို ကုန်း​ပေါ်သို့ အငှားထမ်း တင်​​ကြောင်း ​ပြောပြပါသည်​။

ရွာအသစ်​​ရွှေ့ပြီးကတည်းက ရွာသူရွာသား အများစုမှာ ရွာ​ဟောင်းတုန်းက လုပ်​ကိုင်​စား​သောက်​ခဲ့ရ​သော ​မြေများ ​ရေမြုပ်​သွားရာ သူကဲ့သို့ အလုပ်​ကြမ်းလုပ်​လျှင်​လုပ်​၊ မလုပ်​လျှင်​ ဆည်​​ဘေးတွင်​တည်​ရှိ​သောရွာဖြစ်​၍  တံငါသည်​များ ဖြစ်​ကုန်​ကြပါသည်​။ သူ့အ​ပြောမှာ သူက ​ရွှေယင်​​ကြော်​ဂိုဏ်းဝင်​ထား၍ မည်​မျှပင်​ ပင်​ပန်းဆင်းရဲပါ​စေ၊ ထမင်း နပ်​မမှန်​လျှင်​​နေပါ​စေ တံငါအလုပ်​ မလုပ်​နိုင်​ဟုဆိုပါသည်​။​

မနက်​မိုးလင်းလျှင်​ ဇနီး၊ သားများနှင့်​အတူ ထွက်​သွားတတ်​၍ တ​နေကုန်​အလုပ်​လုပ်​၊ ည​နေ​စောင်းမှ ပြန်​လာပြီး ဆန်​၊ ဆီ၊ ဆား ဝယ်​၍ ထမင်းဟင်းချက်​စားရသည်​ ဟုလည်းဆိုပါသည်​။ က​လေးငယ်​ငယ်​များအားလည်း ​ခေါ်သွားသည်​ဖြစ်​ရာ ​တော ထဲ၌ က​လေးများကို ဘယ်​လိုထိန်း၍ သူတို့ဇနီး​မောင်​နှံနှစ်​ဦး ဘယ်​လိုအလုပ်​လုပ်​ကြလည်း မသိရပါ။ သူ့သားက​လေး​တွေ က ရုပ်​ချင်းဆင်​တူကြပြီး ဗိုက်​ပူနံကားတာခြင်းလည်း တူကြပါသည်​။

အလုပ်​ပင်​ပန်းသလား၊ အစာ​ရေစာ ဝလင်​သလားဆိုသည်​မှာ အသက်​ ၆၀ ခန့်​ရှိ​သော သူ့ရဲ့ဥပဓိရုပ်​က သက်​​သေခံ​နေပါ သည်​။ ပိန်​၍ ​ငေါထွက်​​နေ​သော အရိုးများနှင့်​ နဂိုမည်း​သော အသားသည်​ ​ခြောက်​၍ ​မှောင်​​နေပါသည်​။ နီ​ကြောင်​စုတ်​ဖွာ​နေ​သော ဆံပင်​က သရဖူ​လေးလို ဖြစ်​​နေသည်​။ အ​ပေါက်​အဖာမရှိ​သော ပုဆိုး၊ ကြယ်​သီးအကုန်​ရှိ​သောအင်္ကျီ၊ အစုတ်​အပြဲမရှိ​သော အင်္ကျီ၊ ဝတ်​ထားသည်​ကို တခါမှ မ​တွေ့ဖူးပါ။ တာယာဖိနပ်​ကြီးစီး၍လည်း​ကောင်း၊ သဲကြိုးဖွာ ခုံစုတ်​​နေ​သော ဖိနပ်​ကြီးစီး၍လည်း​ကောင်း ​တွေ့ရတတ်​ပါသည်​။

(ကျွန်​မ ၁၀ တန်း​ရောက်​၍ စ​လေဦးပုည၏ ​ရေသည်​ပြဇာတ်​ထဲမှ ​ရေသည်​​ယောက်ျားအ​ကြောင်းသင်​ရလျှင်​ သူ့ကို မြင်​​ယောင်​မိသည်​အထိဖြစ်​ပါသည်​။ ​သျှောင်​ထန်း​စေ့မှုတ်​နှင့်​ ဆံပင်​စုတ်​ဖွားသာ ကွာလိမ့်​မည်​ထင်​သည်​။ )

ဈေးလာဝယ်​​နေကျ သူ မလာဘဲ သူ့ဇနီးကိုယ်​တိုင်​ ​ဈေးဝယ်​လာချိန်​မှာ ကျွန်​မတို့ အံ့သြကြရပါသည်​။ သူ ​နေမ​ကောင်း ဟု သိရသည်​။ ​သူ့ဇနီး​ဈေးလာဝယ်​လျှင်​ အမြဲတမ်း​ဘောင်းဘီမပါ​သော နို့စို့က​လေးကို ခါးထစ်​ခွင်​ချီပြီး၊  တခါတ​လေသာ ​ဘောင်းဘီပါ​သော အလတ်​က​လေးက ထဘီးစကိုဆွဲလျှက်​ ပါလာတတ်​သည်​။ သူ့အိမ်​နီးချင်းအ​ဒေါ်ကြီး ​ပြောသလိုဆို ထိုအချိန်​​လောက်​တွင်​ အသက်​ ၅ နှစ်​သားသာသာရှိ​သော အကြီးဆုံးသား​လေးက ​ခွေး​ကျွေးဖို့ဟုဆိုပြီး အိမ်​နီးချင်း​တွေဆီ ထမင်း ရည်​လိုက်​​တောင်းချင်​ ​တောင်း​နေနိုင်​ပါသည်​။ ကျွန်​မ​ကျောင်းသွားလျှင်​ သူ့အိမ်​​ရှေ့လမ်းအတိုင်း တခါတရံသွားဖူးပါသည်​။ သူ့အိမ်​မှာ ​ခွေးမမြင်​ဖူးပါ။

သူ့ဇနီးနှင့်​သူ ​ဈေးဝယ်​ရာတွင်​ ကွာပါသည်​။ သူလာဝယ်​စဉ်​က ဆန်​၊ ဆီ၊ ဆား၊ ငပိ စသည်​ဖြင့်​ မီးဖို​ချောင်​ပစ္စည်း ပမာဏနည်း​သော်​လည်း အစုံဝယ်​တတ်​ပါသည်​။ ​နေ့စဉ်​လည်းဝယ်​ပါသည်​။ သူ့ဇနီးသည်​က ဆန်​ချည်းဝယ်​တတ်​ပြီး တခါတရံမှသာ ဆားဝယ်​ပါသည်​။ သူ့ဇနီးသည်​ ဆိုင်​​ရောက်​လာလျှင်​ ဘာဝယ်​မှာလဲ ဘယ်​​လောက်​ယူမှာလဲ ​မေးစရာမလို။ 5" × 9" ပလတ်​စတစ်​ အိတ်​က​လေးနှင့်​ ဆန်​ တစစလယ်​ ချိန်​​ပေးလိုက်​ရသည်​။ ​နေ့စဉ်​လည်း လာမဝယ်​ပါ။ သူ့ဇနီးသည်​မလာ​သော​နေ့များ တွင်​ ကျွန်​မစိတ်​ထဲ၌ ကျွန်​မတို့ဆိုင်​မှမဝယ်​ဘဲ အခြားဆိုင်​မှ ဝယ်​​နေတာ ဖြစ်​ပါ​စေဟု​ တွေးမိပါသည်​။

"ထမင်း​လေးချည်းပဲ ဆားဖြူးပြီးစား​နေကြတာ​တော်​၊ က​လေး​လေး​တွေ သနားပါတယ်​" ဟု သူ့အိမ်​နီးချင်း အ​ဒေါ်ကြီးက ပြောလိုက်​ချိန်​မှာ ကျွန်​မ မယုံပါ။ ထမင်းဆီဆမ်း ဆားဖြူးဆိုလျှင်​ ​ယုံချင်​သေးသည်​။ အခု​တော့ ဆားချည်းတဲ့​လေ။ "ထမင်း​လေးချက်​ပြီးရင်​ ထမင်းရည်​​လေး​ခေါ်​ပေးဦးမှ၊ အဲဒါ​ကြောင့်​ ညစာ​စော​စောချက်​ရ​အောင်​ ဆန်​လာဝယ်​တာ။ ပိုက်​ဆံ ​ချေးမရ လို့ နည်းနည်း​တောင်​ ​နောက်​ကျသွားတယ်​" တဲ့။ ထမင်းဆားဖြူးမဟုတ်​ဘဲ ထမင်းရည်​ထဲ ဆားထည့်​ပြီးလည်း ​သောက်​ကြသည်​တဲ့။

ကျွန်​မ ​ငါးတန်းတက်​ရ​သော​နှစ်​ ​နေ့တနေ့တွင်​ သူ့အိမ်​၌ နာ​ရေးတစ်​ခု ဖြစ်​ပွားခဲ့ပါသည်​။ အိမ်​ဟုဆိုရ​သော်​လည်း ​ဘေးက ကြည့်​လျှင်​ ယိုင်​တိုင်​တိုင်​၊ တက်​ကြည့်​လျှင်​ လှုပ်​တုပ်​တုပ်​၊ ​မော့ကြည့်​လျှင်​ အမိုးက ကျိုးတိုကျဲတဲနှင့်​ ပြိုကျခါနီး တဲတစ်​လုံးနှင့်​တူပါသည်​တဲ့။ နာ​ရေးမှာ သူ့နာ​ရေး ဖြစ်​ပါသည်​။

နာ​ရေးလာ​မေးသူ ပြန်​ကာလှန်​ကာ​ရေ၍ စုစု​ပေါင်းကြည့်​လိုက်​လျှင်​ နှစ်​​ယောက်​သာရှိသည်​ဟု သိရပါသည်​။ တဦးမှာ သူ့အိမ်​​ရှေ့ မျက်​နှာချင်းဆိုင်​အိမ်​မှ အသက်​ ၇၀ ခန့်​ အ​မေကြီးနှင့်​ သူ့အိမ်​​ဘေးမှ အသက်​ ၅၀ ခန့်​ အ​ဒေါ်ကြီးဖြစ်​ပါသည်​။ ထိုနှစ်​ဦးမှာ အိမ်​​ပေါ်တက်​ထိုင်​၍ မရပါ။ အိမ်​​ရှေ့မှာ ကိုယ့်​ဖိနပ်​အ​ပေါ် ကိုယ်​ထိုင်​ကြရသည်​ဟု သိရပါသည်​။
           
တယောက်​စနှစ်​​ယောက်​စ လာကြည့်​လိုက်​ကြ၊ ပြန်​သွားလိုက်​ကြနှင့်​  မိုးလင်းခါနီးဆုံးသွား​သော သူ့အား မွန်းတည့်​ ၁၂ နာရီ အချိန်​​လောက်​အထိ အ​လောင်း​မြေကျဖို့ ကိစ္စဘာမှမလုပ်​ရ​သေး ဟုသိရပါသည်​။ ရွာဆိုသည်​မှာလည်း အလုပ်​လုပ်​နိုင်​သူ တိုင်း ​နေမထွက်​ခင်​ ​တောထဲ​တောင်​​ပေါ် လုပ်​ငန်းခွင်​သွားကြရပြီး ည​နေ ​နေ​စောင်းမှ ပြန်​လာကြရပါသည်​။ အသုဘရှိတာ လည်း သိကြပုံမ​ပေါ်။ သူ့ဇနီးသည်​ကလည်း ရွာလူကြီး​တွေကို အ​ကြောင်းကြားတာ၊ အိမ်​နီးချင်း​တွေကို အ​ကြောင်းကြားတာ ရှိပုံမရ။ အခါတိုင်းလည်း တိတ်​ဆိတ်​​ခြောက်​ကပ်​​နေ​သော ထိုအိမ်​က​လေးကို ပတ်​ဝန်းကျင်​ကလည်း သတိပြုမိပုံမရပါ။

ရွာအသုဘအ​နေနှင့်​ ​ငွေကုန်​​ကြေးကျ မများဘူးဆို​သော်​ငြား အသုဘပို့မည့်​သူများအား လက်​ဖက်​၊ ပဲချမ်းမျှ​လောက်​ဖြင့်​ ဧည့်​ခံဖို့၊ သရဏဂုံတင်​​ပေးမည့်​ဆရာ​တော်​အား လှုဖွယ်​ပစ္စည်းလှူဒါန်းဖို့၊ အ​လောင်းစင်​ရိုက်​ဖို့ ပျဉ်​ဖိုးတို့ကို မတတ်​နိုင်​သည်​က ​သေချာ​ပါသည်​။

သူ့အိမ်​နှင့်​ တစ်​လမ်းတည်း​နေသူ ရွာသား​တယောက်​သိသွား၍ ရွာဦး​ကျောင်းဆရာ​တော်​ သွား​လျောက်​​ပေး၊  ရွာလူကြီးအိမ်​ သွားအ​ကြောင်းကြား​ပေး၊ နီးစပ်​ရာလူစု၍ ပျဉ်​တိုပျဉ်​စရှာ အ​လောင်းစင်​ရိုက်​​ပေး၊ နီးရာအိမ်​မှ လက်​ဖက်​ရည်​ပွဲငှား​ပေး၊ အသု ဘအိမ်​မှန်းသိသာ​အောင်​ ​လော်​ငှား​ပေးနှင့်​ အသုဘကိစ္စကို စီစဉ်​​ပေးရသည်​တဲ့။ ထိုရွာသား​ပြောပြ၍ ကျွန်​မတို့ သိကြရခြင်း ဖြစ်​ပါသည်​။

အ​လောင်းစင်​ရိုက်​ပြီး အ​လောင်းစင်​ကို အိမ်​​ပေါ်တင်​၍မရ​သော​ကြောင့်​ အ​လောင်းကို ​အောက်​သို့ထမ်းချပြီးမှ အ​လောင်းစင်​​ပေါ် တင်​ခဲ့ရသည်​တဲ့။ ရက်​လည်​ဆွမ်းသွတ်​သံမကြားရသလို တစ်​လပြည့်​ကုသိုလ်​လုပ်​သံလည်း မကြားရပါ။ ကျွန်​မ​ကျောင်း သွား​နေစဉ်​ လုပ်​လိုက်​တာဖြစ်​နိုင်​​ပေမယ့်​ ဖြစ်​နိုင်​​ချေ အလွန်​နည်းပါသည်​။
*-----*-----*-----*

အခုအချိန်​တွင်​ သူ၏ ကျန်​ရစ်​ခဲ့​သော မိသားစုသတင်းကိုလည်း ကျွန်​မ မသ်ိရ​တော့ပါ။ သူ့ကို​တော့ မကြာမကြာ သတိရတတ်​ပါသည်​။

မြန်​မာ့ထိပ်​တန်း တချို့ပုဂ္ဂိုလ်​ကြီး​တွေ သုံးကြဖြုန်းကြပုံကို ဖတ်​ရ​သောအခါ သူ့ကို သတိရပါသည်​။ အကယ်​ဒမီဆု​ပေးပွဲသို့ သိန်းဆယ်​ဂဏန်းအထိတန်​​သော ဖိနပ်​စီးပြီးတက်​သည့်​ နာမည်​ကြီးမင်းသမီးရဲ့ သတင်းကိုဖတ်​ရတုန်းကလည်း သူ့ကို သ တိရမိသည်​။

နာမည်​ကြီးစား​သောက်​ဆိုင်​​တွေမှာ ​ဈေးကြီး​သော အစားအစာများမှာပြီး တို့ကနန်း ဆိတ်​ကနန်းနှင့်​ တဝက်​ကျ​အောင်​ပင်​ မစား​သော၊ အကုန်​​ပြောင်​​အောင်​ စားခြင်းသည်​ ရှက်​စရာဟုထင်​တတ်​​သော သူ​တွေကို​တွေ့လျှင်​လည်း သူ့ကို သတိရပါ သည်။
  
လင်​မယားချင်း ရန်​ဖြစ်​ပြီး ၄ - ၅ သိန်း​ပေးရ​သော Hand set အား ပစ်​​ပေါက်​ခွဲလိုက်​သူကို ​တွေ့တုန်းကလည်း သူ့ကို သတိရ ပါသည်​။  သားအမိချင်းစိတ်​ဆိုးပြီး တထောင်​တန်​ ၁၅ ရွက်​​လောက်​အား စုတ်​ဖြဲပစ်​လိုက်​သူကို​တွေ့တုန်းကလည်း သူ့ကို သတိရမိပါသည်​။

ယခု သူငယ်​ချင်း၏ ​ခွေးက​လေးနာ​ရေးသတင်းဖတ်​ရ​သောအခါ သူ့ကို အထူးသတိရမိပါသည်​။ ​သူ၏ ကျန်​ရစ်​သူမိသားစုအ​ကြောင်း စုံစမ်း​သောအခါ မည်​သူမျှ ဂဃဏန မသိကြပါ။ သို​သော်​ သူ့ကို​တော့ မ​မေ့ပါ။  သြော်​ ... သတိရစရာ၊ မ​မေ့စရာ အ​ကြောင်း​တွေကလည်း များလိုက်​​လေခြင်း။       ။

မြဇင်​​ယော်