ကိုသန်းလွင် - စင်ကာပူနိုင်ငံ အကောက်ခွန်
(မိုးမခ) မေ ၃၊ ၂၀၁၇
(၁)
နှစ်စဉ်ဧပြီလရောက်ပြီဆိုလျင် စင်ကာပူနိုင်ငံတွင် ၀င်ငွေခွန်ကျေငြာလွှာတင်သွင်းရသည့်ကာလများဖြစ်ပါသည်၊ ပြည်သူတို့က တစ်နှစ်အတွင်း မိမိ၏၀င်ငွေ မည်မျှရရှိကြောင်း အစိုးရသို့အသိပေးတင်ပြကြရပါသည်၊ ယခင်က အစိုးရရုံးသို့ အရောက်သွား၍ တင်ကြရသော်လည်း ယခုအခါဘယ်ကိုမှသွားစရာမလိုတော့ပါ၊ အင်တာနက်မှ တဆင့် မိမိ၏ဖါသာ စာကြောင်း ၄ကြောင်းပါ ကျေငြာလွှာတင်သွင်းခြင်းစနစ်ကို အသုံးပြုနေသည်မှာ ၁၉၉၈ ခု နှစ်မှ စတင်ခဲ့ပါသည်၊ ယခုနှစ်တွင်မူ မိမိ မိုဘိုင်းဖုန်းမှပင်တင်သွင်း၍ရနေပါပြီ။
ပြည်သူတို့ထံမှ ၀င်ငွေခွန်ကောက်ရာ၌ နှုန်းထားအနည်းဆုံးနိုင်ငံများတွင် စင်ကာပူပါဝင်ပါသည်၊ ထို့အပြင် ရုံး လုပ်ထုံးလုပ်နည်း အုပ်ချုပ်ရေးဆိုင်ရာ စာရွက် စာတမ်းကိစ္စများတွင်လည်းရိုးရှင်းလွယ်ကူလှပါသည်၊ စင်ကာပူ နိုင်ငံ၏ဖွဲ့စည်း အုပ်ချုပ်ပုံအခြေခံဥပဒေတွင် သက်တမ်းငါးနှစ်ရှိသော အစိုးရအဖွဲ့တစ်ဖွဲ့သည် နိုင်ငံတော်၏ ၀င်ငွေနှင့်သုံးငွေကိုညီမျှစေရမည်၊ သို့မဟုတ် ညီမျှသောဘတ်ဂျက် (Balanced Budget) ကို နိုင်ငံတော်သို့ တင်ပြနိုင်ရမည်ဆိုသောအချက်တစ်ချက်ပါဝင်ပါသည်။
၁၉၆၅ခုနှစ်တွင် လွတ်လပ်ရေးရခဲ့ရာမှစတင်၍ အခွန်ကောက်ခြင်းကို စနစ်တကျလုပ်ဆောင်ခဲ့ကြသည်ဟုဆို နိုင်ပါသည်၊ ၁၉၆၆ ခုဇန္န၀ါရိလ ၁ရက်နေ့တွင် အကောက်ခွန်ဆိုင်ရာ ဥပဒေကို ပြဌာန်းခဲ့သည်၊ ၁၉၇၀ ခုနှစ် တွင် ပထမဦးဆုံး ကော်မရှင်နာတစ်ဦး (Commissioner) ကိုခန့်ထားပြီးအကောက်ခွန်ဆိုင်ရာကိစ္စအရပ်ရပ်ကိုဆောင် ရွက်စေသည်၊ IRAS - Inland Revenue Aulthority of Singapore အဖွဲ့ကို ၁၉၉၂ခုနှစ် စက်တင်ဘာလတွင် စတင်ဖွဲ့စည်းခဲ့သည်၊ အချက်အလက်ဒေတာများကို အစဦးတွင်စာရွက်ဖောင်တိန်များနှင့်စတင်မှတ်သားကြရာမှ မိုက္ကရိုဖလင်များဖြင့်မှတ်တမ်းတင်သည်၊ ၁၉၇၂ခုနှစ်မှစ၍ ကွန်ပျူတာများကို စတင်အသုံးပြုကြသည်။
(၂)
အစိုးရ၀န်ထမ်း ပရိုက်ဗိတ်ကုမ္ပဏီဝန်ထမ်းများအတွက် လစာဝင်ငွေကို ကွန်ပျူတာမှတ်တမ်းများ ထားရှိရပြီး အကောက်ခွန်ဌာနသို့ အလုပ်ရှင် ကုမ္ပဏီများက တိုက်ရိုက်တင်သွင်းကြရသည်၊ အကောက်ခွန်ဌာနကစီစစ်ပြီး ကင်းလွတ်ခွင့်များနှုတ်ခါ ပေးဆောင်သင့်သည့် အခွန်ငွေပမာဏကို အကြောင်းကြားသည်၊ ပေးသွင်းရမည့်ငွေ ကို တလုံးတခဲတည်းသော်လည်းကောင်း၊ မိမိ၏ဘဏ်စာရင်းမှ အရစ်ကျသော်လည်းကောင်း ပေးသွင်းနိုင်သည်၊
မိမိဖါသာကုမ္ပဏီထောင်သူများ (Self Employ) များအတွက်မူ တဦးချင်းစီကမိမိ၏၀င်ငွေနှင့်ထွက်ငွေအတွက် စာကြောင်း လေးကြောင်းပါ ကျေငြာလွှာတင်သွင်းရသည်၊ အကောက်ခွန်ရုံးသို့ သွားပါလျင် ကွန်ပျူတာတွင် တင်သွင်းရန် ကူညီပေးသူများရှိသည်၊ မိမိဖါသာနေအိမ်မှလည်း တင်သွင်းနိုင်သည်၊ မိမိထည့်သွင်းချက်များ အပေါ်တွင်မူတည်ပြီး မိမိပေးသွင်းရမည့် အခွန်ငွေပမာဏကို ချက်ခြင်းသိရှိနိုင်သည်၊ အကောက်ခွန်ဌာနမှ လည်း ရက်အနည်းငယ်အတွင်း မိမိ၏အဆိုတင်သွင်းလွှာရရှိကြောင်း စာရေးအကြောင်းကြားသည်၊
အိမ်ထောင်ရှိသောလုပ်သားတဦးအဖို့ ဇနီးသည်အတွက်၊ အသက်၂၁နှစ်အောက်ကလေးများအတွက်၊ မိမိကို မှီခိုနေသူ မိဘများအတွက်၊ စသည့် ကင်းလွတ်ခွင့်ပြုသည့်ငွေကြေးပမာဏများရှိသည်၊ ထိုကင်းလွတ်ခွင့်များကို နုတ်ပယ်ပြီး ၀င်ငွေမှာဒေါ်လာနှစ်သောင်း(၂၀၀၀၀) အထိ အခွန်ငွေပေးဆောင်ရန်မလိုပေ၊ ထိုပမာဏကို ကျော် လွန်သွားမှသာ ကျော်လွန်သည့်အလျှောက် အခွန်ပေးရသည်၊ ၀င်ငွေ ၃သိန်း၂သောင်းအထိ အဆင့် ၁၀ ဆင့်မျှ ခွဲထားပြီးအခွန်ငွေ ပေးဆောင်ရမည့်ရာနှုန်းမှာ ၂ ရာနှုန်းမှ ၂၂ ရာနှုန်းအထိ အဆင့်ဆင့်တက်သွားသည်။
ကုမ္ပဏီများအတွက် အမြတ်ငွေမှာ ဒေါ်လာသုံးသိန်းအောက်တွင် ၈.၅%ကောက်ခံပြီး ဒေါ်လာ၃သိန်းအထက် ဆိုပါက ၁၇%ကောက်ခံသည်၊ ၀င်ငွေထွက်ငွေရှင်းတမ်းကို လည်ပါတ်ငွေ ဒေါ်လာ၅သန်းကျော်လျင် စာရင်းကိုင် များကတင်ပြရပြီး လည်ပါတ်ငွေ မများသော ကုမ္ပဏီများအတွက် ကိုယ်တိုင်ဝန်ခံချက်ဖြင့် တင်ပြရသည်။
GST - Government Services Tax စနစ်ကို ၁၉၉၄ခုနှစ်တွင် စတင်ကျင့်သုံးခဲ့ပြီး ၃% မှစတင်ခဲ့သည်၊ ၄%၊ ၅% စသည်ဖြင့် တဆင့်စီတိုးမြှင့်ကောက်ခံခဲ့ပြီး ၂၀၀၇ ဇူလိုင်လတွင် ၇%ဖြစ်လာသည်၊ ပစ္စည်းအားလုံးအတွက် အကောက်ခွန်တစ်မျိုးတည်းသာ ကောက်ခံသည့် စနစ်ဖြစ်ပါသည်၊ ဖိမ်ခံပစ္စည်း စသည်ဖြင့် ပစ္စည်းအမျိုးအမည် ခွဲခြားထားခြင်းမရှိ၊ ဥပမာ မော်တော်ကားများအတွက်၊ ပြုလုပ်သည့်နှစ်၊ မော်ဒယ်၊ အင်ဂျင်ပမာဏ၊ စသည်ဖြင့် ခွဲခြားမထားဘဲ ဂျီ အက်စ် တီ တမျိုးတည်း (၇%) ကိုသာ ကောက်ခံသည်။
အစိုးရ၏ရည်ရွယ်ချက်မှာ တိုင်းပြည်တွင်းသို့ ၀င်လာချိန်တွင် အကောက်ခွန်ကို တစ်ကြိမ်သာ ကောက်ခံပြီးလျင် ထိုပစ္စည်းအတွက် အကြိမ်မည်မျှထပ်မံရောင်းချစေကာမူ အကောက်ခွန်ကို ထပ်မံပေးဆောင်ရန်မလိုတော့ပေ၊ အကယ်၍ ထိုပစ္စည်းကိုနိုင်ငံတွင်းမှပြင်ပသို့တင်ပို့လျင်လည်း ထိုကောက်ခံထားငွေကို ပြန်လည်အန်းပေးသည်။
ကုမ္ပဏီများမှာ GST Merchant အဖြစ်အစိုးရထံ မှတ်ပုံတင်ထားနိုင်သည်၊ ထိုသို့မှတ်ပုံတင်ထားပါက နိုင်ငံခြားမှ တင်သွင်းလာသော ပစ္စည်းများအတွက် အကောက်ခွန်ကိုပေးဆောင်စရာမလိုပေ၊ မိမိကထိုပစ္စည်းကို ပြည်တွင်း ၌ပြန်လည်ရောင်းချလျင်သာ အစိုးရကို ၇ ရာခိုင်နှုန်း ပေးဆောင်ရသည်၊
ဂျီအက်စ်တီ ကုမ္ပဏီအဖြစ်မှတ်ပုံတင်ထားလျင်သုံးလတကြိမ် မိမိဝယ်သောပစ္စည်းများအတွက် ဂျီအက်စ်တီပေး ရငွေ၊ တဖန်မိမိရောင်းချသော ပစ္စည်းများမှ ကောက်ခံရရှိသည့်အတွက် အစိုးရကို ပေးရမည့် ငွေရှင်းတန်းကို တင်သွင်းရသည်၊ မိမိကအစိုးရကိုပေးရန်လိုလျင် ချက်စာရွက်နှင့်ဖြစ်စေ၊ ဘဏ်စာရင်းမှဖြစ်စေ၊ ပေးသွင်းနိုင် သည်၊ အစိုးရက မိမိကိုပေးရမည်ဆိုလျင်လည်း မိမိထံငွေပေးချက်ရောက်လာသည်။
ဤနည်းဖြင့် တိုင်းပြည်အတွင်းသို့ ၀င်လာသော ပစ္စည်းတခုအတွက် အစိုးရကို နှစ်ကြိမ်ထပ်မံအခွန်မပေးရ အောင် စီစဉ်ထားသည်။
နိုင်ငံခြားမှရောက်လာသော ပစ္စည်းများအတွက် အကောက်ခွန်အရာရှိများက ကုန်သည်တဦးမှ တင်ပြလာသည့် ပြေစာ (Invoice) မှတန်ဘိုးကို စီစစ်ခြင်းဖြင့် အချိန်ဆွဲထားလေ့မရှိပါ၊ တင်ပြသော ပြေစာတန်ဘိုးမှာ မသင်ကာ ဘွယ်ရှိလျင် ပစ္စည်းကို ထုတ်ပေးလိုက်ပြီးမှ သက်ဆိုင်ရာဌာနမှ လိုက်လံစစ်ဆေးသည်၊ ဤနည်းဖြင့် နိုင်ငံခြား မှ ရေကြောင်းဖြင့်ရောက်လာသော ကွန်တိန်နာတလုံးသည် ဆိပ်ကမ်း၌ အလုပ်ချိန်သုံးရက်ထက်ပိုပြီး ကြာလေ့မရှိ ပေ၊ ပိုင်ရှင်လက်ထဲသို့ အမြန်ဆုံးရောက်ရှိအောင် ဆောင်ရွက်ပေးသည်။
ထိုနည်းတူ ၀င်ငွေထွက်ငွေစာရင်းကျေငြာလွှာကို ကွန်ပျူတာများကလက်ခံပြီး ကျသင့်သောအခွန်ငွေကို ကွန်ပျူတာများကပင် တွက်ချက်ပေးခြင်းဖြစ်သဖြင့် အကောက်ခွန်အရာရှိများ၏ ပါဝင်ပါတ်သက်မှုမှာ အနည်း ဆုံးဖြစ်သည်။
ဝင်ငွေကျေငြာသူက အကြောင်းတစုံတရာကြောင့် မှားယွင်းတင်မိလျင် အကောက်ခွန်အရာရှိထံ သွားရောက် တင်ပြပိုင်ခွင့်ရှိပြီး အမှားအယွင်းလုပ်မိသည်ကို ပြုပြင်ပေးသည်။
ဂျီအက်စ်တီကို မိမိဖါသာစာရင်းပြုစုရခြင်းကြောင့် မသမာမှုများဖြင့်မကင်းနိုင်ပေ၊ အကောက်အခွန်အရာရှိများ က စာရင်းတိုင်းကို စောင့်ကြည့်စစ်ဆေးလေ့ရှိသည်၊ မသင်ကာဖွယ်ရာကိစ္စများကို သေချာစီစစ်၍မသမာမှုများ ကိုရုံးတင်တရားစွဲ အပြစ်ပေးလေ့ရှိသည်။
(၃)
စင်ကာပူနိုင်ငံလွတ်လပ်ရေးရပြီးမှ ၅နှစ်တကြိမ် ရွေးကောက်ပွဲဖြင့် အာဏာရရှိလာသော အစိုးရအဖွဲ့များ၏ ဘတ်ဂျက်များမှာ အ၀င်အထွက်ညီမျှနေသောကြောင့် သူတို့၏အကောက်ခွန် စနစ်သည် ကောင်းမွန်သည်ဟုဆို နိုင်ပါသည်၊
ဂလိုဘယ်လိုက်ဇေးရှင်းခေါ် ကမ္ဘာ့နိုင်ငံအားလုံး၏ ကုန်သွယ်မှု တစစ တိုးတက်လာသောအခါ စီးပွားရေး ကုမ္ပဏီများနှင့် လူတဦးချင်းစီမှကောက်ခံရရှိသော အခွန်ငွေများမှာတိုင်းပြည်၏ လည်ပါတ်နေသော ဘတ်ဂျက် အတွက် အရေးကြီးလာကြပါသည်၊ ဥပမာအနေဖြင့် စင်ကာပူနိုင်ငံ၏ လည်ပါတ်ငွေ ၆၅ဘီလီယံဒေါ်လာရှိသော နှစ်တနှစ်တွင် ကော်ပိုရေးရှင်းကြီးများမှ ကောက်ခံ ရရှိသော အကောက်ခွန်က ၂၁% တဦးချင်းစီက ပေးငွေများ က ၁၄%နှုန်းနှင့် ဂျီအက်စ်တီ အပေါ်မှ ရသည့်ဝင်ငွေက ၁၆%မျှရှိပါသည်။
စင်ကာပူနိုင်ငံအကောက်ခွန်စနစ်၏ အောင်မြင်ရခြင်းမှာ (၁) အကောက်ခွန်နှုန်းထား သင့်တင့်မျှတမှုရှိခြင်း၊ (၂) အကောက်ခွန်စနစ်ကို ကွန်ပျူတာနက်ဝပ်များဖြင့် လုပ်ဆောင်နိုင်ခြင်း၊ (၃) ထိုစနစ်ကို ကြီးကြပ်နေကြသော ၀န်ထမ်းများနှင့် ၄င်းတို့၏ လုပ်ငန်းတာဝန်များမှာ စနစ်တကျရှိခြင်းတို့ကြောင့် ဖြစ်ပါသည်။
အကောက်ခွန်အရာရှိများတွင် မည်သည့်ပစ္စည်းအတွက် အခွန်မည်မျှချမှတ်ရမည်ဟု ဆုံးဖြတ်ပေးရသော အခွင့် အရေးပေးမထားပါ၊ ဂျီအက်စ်တီ စနစ်ကြောင့် ပစ္စည်းမှန်သမျှ နှုန်းထားတစ်ခုတည်းကိုသာပေးရပါသည်၊ တကမ္ဘာလုံးတွင် ဤစနစ်ကို အသုံးပြုသော နိုင်ငံ ၁၆၀ မျှရှိရာ ၄င်းတွင် အားသာချက်များစွာရှိသည် ဟုယူဆ နိုင်ပါသည်၊ နိုင်ငံတိုင်းတွင် အခွန်နှုန်းထား တိုးကောက်ခြင်းအစား အခွန်ကောက်ယူခြင်းစနစ်ကို ပို၍စနစ်ကျ အောင်သာဆောင်ရွက်သင့်ပါသည်၊
အကောက်ခွန်အရာရှိများအဖို့ စနစ်တကျလည်ပါတ်နေသော စနစ်ကြီးအတွင်းမှ မသမာမှု၊ မရိုးသားမှုများကို စောင့်ကြည့်ရန်နှင့် လိုအပ်သောနေရာတို့ကို ဖြည့်စွက်ပြင်ဆင်ပေးရန်သာ တာဝန်ရှိသဖြင့် ခြစားမှုအနည်းဆုံး ဖြစ်သောစနစ်တခုအဖြစ်ယူဆနိုင်ပါသည်။
ကိုသန်းလွင်
Voice Journal 2017 April 27