ထိုင်ခုံ အလွတ်တွေ - လျူရှား (မျိုးတေဇာမောင် ဘာသာပြန်)


Empty Chairs by Liu Xia  ( 1961 , China) 
ထိုင်ခုံ အလွတ်တွေ - လျူရှား (မျိုးတေဇာမောင် ဘာသာပြန်)
(မိုးမခ) ဇူလိုင် ၁၃၊ ၂၀၁၇

ဒီနေ့ပဲ (ဇူလိုင် ၁၃၊ ၂၀၁၇) တရုတ်အကျဉ်းထောင်ဆေးရုံမှာအသည်းကင်ဆာနဲ့ တရုတ်ပြည်က ငြိမ်းချမ့်းရေးနိုဗယ်ဆုရှင် လျူရှောင်ဘို ကွယ်လွန်ခဲ့တယ်။

 နိုဗယ်ဆုရှင်တွေထဲ မှာ ၁၉၃၈တုန်းက ဟစ်တလာရဲ့အကျဉ်းထောင်ထဲမှာကွယ်လွန်ခဲ့တဲ့
ကားလ်ဗွန်အော့တစ်ဇကီး ပြီးရင် အကျဉ်းချခံထားရရင်း ကွယ်လွန်တဲ့ ဒုတိယမြောက် ဖြစ်ပါတယ်။

လျူရှောင်ဘို ရဲ့ ဇနီး လျူရှားရဲ့ Empty Chairs ဆိုတဲ့ကဗျာကိုအမှတ်တရ တင်ဆက်လိုက်ရပါတယ်။ သူ့ ခင်ပွန်း ထိန်းသိမ်းခံနေရတုန်း ကရေးခဲ့ တာဖြစ်ပြီး၊ Poetry Magazine က ပေး ခဲ့ တဲက ၂၀၁၅ အတွက်ဘာသာပြန်ကဗျာဆု ရ သွားတဲ့ ကဗျာပါ။

လျူရှောင်ဘို ဟာ တရုတ်ကွန်မြူနစ်အစိုးရ ရဲ့ အလုပ်ကြမ်း စခန်းတစ်ခုမှာ ၁၉၉၆ အောက်တိုဘာ
ကနေ ၁၉၉၉ အောက်တိုဘာ ထိ ထိန်းသိမ်းခံခဲ့ရပါတယ်။ မိဘ တွေ နဲ့အတူတူနေထိုင်ရင်း ခင်ပွန်းဖြစ်သူ
နဲ့ ဝေးကွာရခြင်းကိုကဗျာအဖြစ်ဖွဲ့ဆိုခဲ့တာပါပဲ။

လျူရှားကို ၁၉၆၁ ၊တရုတ်ပြည်မကြီးမှာဖွားမြင်ပါတယ်။ အကောက်ခွန်ဌာနမှာ တာဝန်ထမ်းဆောင်ဖူးသူ၊  လျူရှားဟာ ၁၉၈၀ ပြည့်နှစ်တွေအတွင်းမှာ ရင်းနှီးခင်မင်ခဲ့တဲ့ လျူရှောင်ဘိုနဲ့ လျူရှောင်ဘိုပြန်လည် ပညာပေးရေးအလုပ်ကြမ်းစခန်းမှာ ထိန်းသိမ်းခံထားရတဲ့ကာလဖြစ်တဲ့ ၁၉၉၆မှာ လက်ထပ်ခဲ့ပြီး အကြိမ်ကြိမ်ဖမ်းဆီးခံရတဲ့ ခင်ပွန်း ဖြစ်သူနဲ့  ပြင်ပကမ္ဘာကြား အရေးကြီးဆုံးတစ်ဦးတည်းသော အဆက်အသွယ်ဟာ လျူရှားပါပဲ။ ၁၉၈၉ မှာဖြစ်ပေါ်ခဲ့တဲ့ တိန်အန်မင်ရင်ပြင်အရေးအခင်းကို တိန့်ရှောင်ဖိန်
အစိုးရကကြမ်းဖက်ဖြိုခွင်းတာကို ဆန့်ကျင်တဲ့အနေနဲ့ ပြည်မကြီးမှာသူမရဲ့ကဗျာတွေကို လုံးဝမထုတ်ဝေဘဲ ဟောင်ကောင်မှာသာ ထုတ်ဝေပါတယ်။ ခင်ပွန်းဖြစ်သူနဲ့ဝေးကွာရခြင်းဟာ လျူရှားအတွက် အနုပညာရှော့ခ်တွေ ရစေခဲ့လေသလားလို့ ဒီကဗျာကိုဖတ်ပြီး တွေးမိပါကြောင်း။

|ထိုင်ခုံ အလွတ်တွေ|

အလွတ်၊အလွတ်၊အလွတ်
ထိုင်ခုံအလွတ်တွေအများကြီး၊နေရာတကာမှာ
သူတို့ကြည့်ရတာ ပျော်နေပုံပဲ
ဗန်ဂိုးရဲ့ပန်ချီကားတွေထဲမှာ။

ကျမ ထိုင်ခုံတွေပေါ် တိတ်တဆိတ် ထိုင်လိုက်တယ်
ပြီးတော့ လှုပ်ကြည့်တယ်
သူတို့ မလှုပ်
အတွင်းမှာအသက်ရှူသံတွေနဲ့ပေမယ့်
သူတို့ ဟာ အေးခဲလို့။

ဗန်ဂိုးက သူ့ပန်းချီစုတ်တံကိုခါရင်း
ထွက်သွား ထွက်သွား ထွက်သွား
ဒီည ဈာပနအခမ်းအနား မရှိဘူး တဲ့။

သူက ကျမကိုတည့်တည့်ကြည့်တယ်
ကျမကတော့
သူ့ရဲ့ နေကြာပန်းထဲက မီးတောက်တွေထဲ
မီးဖုတ်ခံရတော့မယ့် ရွှံ့စေးပစ္စည်းတစ်ခုလို
ထိုင်နေလေရဲ့။ ။

Lu Xia ရဲ့ Empty Chairs
0