ဇင်လင်း ● နိုင်ငံရေးသန္နိဋ္ဌာန် ခိုင်မာမှ တရားစီရင်ရေးမဏ္ဍိုင် ကြံ့ခိုင်မည်

ဇင်လင်း ● နိုင်ငံရေးသန္နိဋ္ဌာန် ခိုင်မာမှ တရားစီရင်ရေးမဏ္ဍိုင် ကြံ့ခိုင်မည်
(မိုးမခ) ဇူလိုင် ၂၂၊ ၂၀၁၇       

ယနေ့ မြန်မာနိုင်ငံသည် အသွင်သဏ္ဍာန်အားဖြင့် ဒီမိုကရေစီ ပြုပြင်ပြောင်းလဲရေးခတ်တစ်ခုကို ဖြတ်သန်းလျှက်ရှိသည်။ ‘အသွင်သဏ္ဍာန်အားဖြင့်’ ဟု ပြောရခြင်းမှာ နိုင်ငံရေးဦးဆောင်မှုအပိုင်းက ဒီမိုကရေစီစိတ်ဓါတ် ဒီမိုကရေစီလုပ်ဟန်နှင့် ဒီမိုကရေစီစည်းကမ်းများကို ဖေါ်ဆောင်နေသော်လည်း၊ နိုင်ငံတော်၏ မောင်းနှင်အားဖြစ်သော အစိုးရ လွှတ်တော်နှင့် တရားရေးမဏ္ဍိုင် အသီးသီးရှိ အမှုထမ်း အရာထမ်း လောကအတွင်းတွင် ပြုပြင်ပြောင်းလဲမှုများကို လက်ခံကျင့်သုံးမှု အားနည်းနေသောကြောင့်ဖြစ်သည်။ ဤသို့ အားနည်းရခြင်း၏ အကြောင်းပေါင်းများစွာအနက် စစ်အစိုးရခေတ် နှစ်ပေါင်း ငါးဆယ်ကျော်အတွင်း ပြည်သူ့နီတိ (Civics) ကို၎င်း၊ လူ့အဖွဲ့အစည်းဆိုင်ရာ စည်းမျဉ်းစည်းကမ်းများ (Communal Disciplines) ကို၎င်း၊ လူမှုရေးနှင့် ကိုယ်ကျင့်တရားဆိုင်ရာ တာဝန်သိမှုများ (Social and Moral Responsibilities) ကို၎င်း၊  မသင်ကြားခဲ့ရ၍ ဖြစ်သည်ဟု ဆိုနိုင်သည်။ ရလဒ်မှာ မြန်မာနိုင်ငံ၏ စာရိတ္တမဏ္ဍိုင် ယိုင်လဲခဲ့ရသည်။

နိုင်ငံတစ်နိုင်ငံ၏ စာရိတ္တမဏ္ဍိုင် ကြံ့ခိုင်ရေးအတွက် အစိုးရလွှတ်တော်နှင့် တရားစီရင်ရေးမဏ္ဍိုင်တို့ အပြန်အလှန် ထိန်းညှိမှု အားကောင်းရန်လိုသည်။ တရားစီရင်ရေးအာဏာပိုင်ဆိုင်သည့် တရားရုံးများ တောင့်တင်းခိုင်မာရေးမှာ ပို၍ ပဓါနကျသည်။ တရားရေးမဏ္ဍိုင်ကြံ့ခိုင်ပါက နိုင်ငံရေးအရ တန်းတူညီမျှမှုကိုပင် အထောက်အကူပြုနိုင်သည်။ တရားစီရင်ရေးမဏ္ဍိုင် ယို ယွင်းလျှင်မူ နိုင်ငံ ဘက်ပေါင်းစုံ ချွတ်ခြုံကျတတ်သည်။ ဆင်းရဲမွဲတေမှုနှင့် မတည်ငြိမ်မှုများနှင့် ရင်ဆိုင်ရတတ်သည်။ လွန်ခဲ့ သော နှစ် ၅ဝ ကျော် မြန်မာနိုင်ငံအခြေအနေကို ပြန်လည်သုံးသပ်ကြည့်လျှင် တရားစီရင်ရေး နှင့်တကွ အစိုးရ၀န်ထမ်းများ စာရိတ္တမဏ္ဍိုင်ယိုယွင်းသဖြင့် နိုင်ငံရေး၊ စီးပွားရေးမျှမက ဘက်ပေါင်းစုံတွင် ကသောင်းကနင်း ဖြစ်ခဲ့ရသည်။ ထိုသို့သော အခြေအနေမျိုး တစ်ကျော့ပြန်မလည်စေရန် လက်ရှိ ဒီမိုကရေစီလိုလားသော အရပ်သားအစိုးရသည် “အဂတိလိုက်စားမှု တိုက်ဖျက်ရေးစီမံချက်” ကို နိုင်ငံရေးသန္နိဋ္ဌာန် (Political Commitment) ခိုင်ခိုင်မာမာဖြင့် တိကျပြတ်သားစွာ ဆောင်ရွက် ဖို့ လိုသည်။

၂၀၁၃ ခုနှစ်၊ သြဂုတ်လတွင် လက်ရှိ အဂတိလိုက်စားမှု တိုက်ဖျက်ရေး ဥပဒေကို ပြဌာန်းခဲ့သည်။ ထို့နောက် ၂၀၁၄ ခုနှစ် တွင် အဂတိလိုက်စားမှု တိုက်ဖျက်ရေး ကော်မရှင် ပေါ်ပေါက်လာသည်။ သို့သော် လက်တွေ့တွင် ထိရောက်မှု နည်းနေ သည်ဟု ဝေဖန်ခံနေရသည်။ ထို့ကြောင့် ကော်မရှင်အသစ် ဖွဲ့စည်း၍ ထိထိရောက်ရောက် လုပ်ဆောင်ရန် ၂၀၁၆ ခုနှစ် အတွင်း လွှတ်တော်ကိုယ်စားလှယ်များက ထောက်ပြခဲ့ကြသည်။ အထူးသဖြင့် ပြည်ထဲရေးဝန်ကြီးဌာနလက်အောက်ရှိ လူ ၀င်မှုကြီးကြပ်ရေး၊ အကောက်အခွန်၊ ရဲတပ်ဖွဲ့နှင့် အထွေထွေ အုပ်ချုပ်ရေးဦးစီးဌာန၊ အကျဉ်းဦးစီးဌာန စသည်တို့တွင် လာဘ်ပေးလာဘ်ယူမှုများ ရှိနေဆဲဖြစ်သည်ဟု ဝေဖန်သံများ ကြားနေရဆဲရှိသည်။ ထို့ကြောင့် တိုင်းပြည်နှင့် လူမျိုး၏ ဂုဏ်သိက္ခာကို ပြန်လည်မြှင့်တင်ရန် အဂတိလိုက်စားမှုတိုက်ဖျက်ရေးသည် အစိုးရ၏ ပဓါနတာဝန်ဖြစ်သည်။

နိုင်ငံတကာ အဂတိလိုက်စားမှု အခြေအနေများကို စောင့်ကြည့်နေသော Transparency International အဖွဲ့၏ ၂ဝ၁၆ ခုနှစ် အစီရင်ခံစာအရ ကမ္ဘာ့နိုင်ငံပေါင်း ၁၇၆ နိုင်ငံအနက် မြန်မာနိုင်ငံသည် အဂတိလိုက်စားမှု အဆင့် ၁၃၆ တွင် ရှိသည်။ အမှတ် ၁၀၀ ပေးရာတွင် မြန်မာသည် ၂၈ မှတ်သာ ရရှိသည်။ ထိုင်းနိုင်ငံက အဆင့် ၁၀၁ ဖြင့် ၃၅ မှတ်၊ ဗီယက်နမ်က အဆင့် ၁၁၃ ဖြင့် ၃၃ မှတ်၊ လာအိုက အဆင့် ၁၂၃ ဖြင့် အမှတ် ၃၀ အသီးသီး ဖြစ်သည်။ အာဆီယံအဆင့်၌ မြန်မာနိုင်ငံ၏ နောက်တွင် ကမ္ဘောဒီးယားသာရှိသည်။ ထို့ကြောင့် မြန်မာနိုင်ငံ ဖွံ့ဖြိုးမှုနိမ့်ကျရသည့် အဓိကအချက်များထဲတွင် တရား စီရင်ရေးနှင့် အစိုးရအုပ်ချုပ်ရေး ယန္တရားအတွင်း အကျင့်ပျက်ခြစားမှု ဆက်ရှိနေခြင်းလည်း ပါဝင်သည်။

မကြာသေးမီက အစိုးရ၏ အကျင့်ပျက်လာဘ်စားမှု နှိမ်နင်းရေး ခြေလှမ်းသစ်ကို မြင်တွေ့ရသည်။ ကရင်ပြည်နယ် အစိုးရ အဖွဲ့ အတွင်းရေးမှူးနဲ့ ပြည်ထဲရေးဝန်ကြီးဌာနက အရာရှိ ၃ ဦးအပါအ၀င် စုစုပေါင်း ၆ ဦးကို ဇူလိုင် ၁၆ ရက်နေ့က ဖမ်း ဆီးခဲ့ကြောင်း RFA (2017-07-17) သတင်းအရ သိရသည်။ အဂတိ လိုက်စားမှု တိုက်ဖျက်ရေး ဥပဒေဖြင့် အရေးယူ နိုင်ရန် တရားစွဲဆိုထားကြောင်း သတင်းက ဆိုသည်။ ကရင်ပြည်နယ်အစိုးရအဖွဲ့ အတွင်းရေးမှူး ဦးပြုံးချိုနှင့် ပြည်ထဲရေး ၀န်ကြီး ဌာနမှ အရာရှိ ၃ ဦး အပါအ၀င် ၆ ဦးသည် ရန်ကုန်ရှိ မြေကွက်တစ်ကွက်နှင့်ပတ်သက်၍ သိန်းထောင်နဲ့ချီ အဂတိ လိုက်စား မှုရှိခဲ့သောကြောင့် ဖြစ်သည်ဟု နိုင်ငံတော်သမ္မတရုံး ညွှန်ကြားရေးမှူးချုပ် ဦးဇော်ဌေးထုတ်ပြန်သည့် သတင်း အချက် အလက်များအရ သိရသည်။

အဆိုပါအမှုဖြစ်စဉ်သည် ၂၀၁၅ ခုနှစ် ဧပြီလ ကစတင်ဖြစ်ပွားခဲ့ပြီး၊ ပြည်ထဲရေးဝန်ကြီးဌာနသို့ တိုင်ကြားထားသည့် အမှုဖြစ် သည်။ ပြည်ထဲရေးဝန်ကြီးဌာနမှ အရာရှိများ ပါဝင်ပတ်သက်နေသဖြင့် အဂတိလိုက်စားမှု တိုက်ဖျက်ရေး ကော်မရှင်ထံ လွှဲပြောင်းကိုင်တွယ်စေခဲ့သည်ဟု ဆိုသည်။ အဂတိလိုက်စားမှု တိုက်ဖျက်ရေးကော်မရှင်က စုံစမ်းစစ်ဆေးခဲ့ရာတွင် ကရင်ပြည်နယ် အစိုးရအဖွဲ့ အတွင်းရေးမှူး ဦးပြုံးချို၊ ပြည်ထဲရေးဝန်ကြီးဌာန ဝန်ကြီးရုံးမှ ဒုတိယ ရဲမှူးကြီးတစ်ဦး၊ ပြည်ထဲရေးဝန်ကြီးဌာနမှ ဒုတိယညွှန်ကြားရေးမှူး တစ်ဦး၊ ပြည်ထဲရေးဝန်ကြီးဌာနမှ ဦးစီးအရာရှိ တစ်ဦးနှင့် မြေပိုင်ရှင် ကိုယ်စားလှယ် လွှဲအပ်ခြင်းခံထားရသူ နှစ်ဦးတို့သည် အဂတိလိုက်စားခဲ့ကြသည်ဟု ဆိုသဖြင့် ယခုအမှု ပေါ်ပေါက်ခဲ့ကြောင်း သတင်းအရသိရသည်။

နိုင်ငံတော်သမ္မတရုံးနှင့် နိုင်ငံတော်အတိုင်ပင်ခံရုံး ပြောခွင့်ရပုဂ္ဂိုလ် ဦးဇော်ဌေးက  “ဒီကိစ္စက ဒုတိယအမြဲတမ်းအတွင်းဝန် အနေနဲ့ တာဝန်ထမ်း ဆောင်ခဲ့တဲ့ ၂ဝ၁၅ ခုနှစ် ဧပြီလကတည်းက စတင်ဖြစ်ပွားခဲ့တဲ့ ကိစ္စဖြစ်ပါတယ်။ အဓိကဖြစ်စဉ်က ရန်ကုန်မှာရှိတဲ့ မြေကွက်တစ်ကွက်နဲ့ပတ်သက်ပြီး သိန်းထောင်နဲ့ချီပြီး အဂတိလိုက်စားမှုဖြစ်ပါတယ်။ ဒီထဲမှာ Alphard ယာဉ်ပေးတာ၊ Mark II ယာဉ်ပေးတာစတဲ့ အချက်တွေပါပါတယ်။ မူလက ပြည်ထဲရေးဝန်ကြီးဌာနကို တိုင်ကြားခဲ့တဲ့ Case  ဖြစ်ပါတယ်။ ပြည်ထဲရေး ဝန်ကြီးဌာနကအရာရှိတွေ ပါဝင်ပတ်သက်နေတာဖြစ်တဲ့အတွက် အဂတိလိုက်စားမှု တိုက်ဖျက်ရေးကော်မရှင်ကို လွှဲပြောင်းပေးပြီး ကိုင်တွယ်စေခဲ့တာ ဖြစ်ပါတယ်။” ဟု ဇူလိုင် ၁၇ ရက်တွင် DemocracyToday ဂျာနယ်သို့ ပြောသည်ဟု သိရသည်။ ယင်းနှင့်ပတ်သက်ပြီး ဇူလိုင် ၁၇ ရက် ဗဟန်းမြို့နယ်တရားရုံး၌ ဦးပြုံး ချိုအပါအဝင် သုံးဦးကိုရုံးထုတ်ခဲ့ပြီး အချုပ်ရမန်ယူခဲ့ကြောင်းသိရသည်။

ကရင်ပြည်နယ် အုပ်ချုပ်ရေးမှူးဦးပြုံးချိုနှင့်နှစ်ဦးကို အဂတိလိုက်စားမှုတိုက်ဖျက်ရေးကော်မရှင်မှ ညွှန်ကြားရေးမှူး ဦးစိန်တင် က တရားလို ပြုလုပ်၍ အဂတိလိုက်စားမှုတိုက်ဖျက်ရေး ဥပဒေပုဒ်မ-၅၆/၆၃ ဖြင့် အမှုဖွင့်သည်။ နိုင်ငံတော် သမ္မတရုံးနှင့် နိုင်ငံတော်အတိုင်ပင်ခံရုံး ပြောခွင့်ရပုဂ္ဂိုလ် ဦးဇော်ဌေးက - “အဂတိလိုက်စားမှု တိုက်ဖျက်ရေးကို အလေးထား ဆောင်ရွက်နေတာဖြစ်ပေမယ့်လည်း အချို့သောကိစ္စတွေက စစ်ဆေးတဲ့အခါ ကျော်စောမှုသဘောမျိုးဖြစ်နေပြီး၊ တိကျတဲ့ ခိုင်မာတဲ့ သက်သေအထောက် အထားတွေလိုအပ်ပါတယ်။ သံသယဖြစ်ခြင်းခံရသူတွေအနေနဲ့လည်း ဥပဒေနဲ့အညီ ပြန်လည်ရှင်းလင်း ချေပခွင့်ရှိရမှာဖြစ်ပါတယ်။ ဒီအတိုင်းပဲ ဆောင်ရွက်နေတာဖြစ်တဲ့အတွက် တချို့ကိစ္စတွေမှာလည်း ဝန်ကြီးဌာန တွေရဲ့စည်းမျဉ်းစည်းကမ်းနဲ့ ဝန်ထမ်းဥပဒေနဲ့အရေးယူတာတွေလည်း အများကြီးရှိနေပြီလို့ ပြောနိုင်ပါတယ်”  ဟု ဆိုသည်။

ယခု အမှုကို တရားစီရင်ရာတွင် မည်ကဲ့သိုသော အဖြေ ထွက်လာမည်ဟု မသိနိုင်သော်လည်း၊ တရားစွဲဆိုခံရသူများမှာ ရာထူးဌာနန္တရအရ ကြီးမြင့်သူများဖြစ်သည်။ အဂတိလိုက်စားမှု ထင်ရှားခဲ့လျှင် ရာထူးကြီးငယ်မရွေး သူ့လူကိုယ့်လူမရွေး ဥပဒေနှင့်အညီ တိတိကျကျ အပြစ်ပေးမှသာ ဥပဒေစိုးမိုးမှုအပေါ် ပြည်သူတို့က ယုံကြည်မည်ဖြစ်သည်။ လာဘ်ပေး လာဘ်ယူမှုများကြောင့် အာဏာအလွဲသုံး ကိုယ်ကျိုးရှာမှုများ အားကောင်းနေခြင်းဖြစ်သည်။ ပြည်သူ့အကျိုးစီးပွားကို မျက်ကွယ်ပြု၍ ကိုယ်ကျိုးအတ္တကို ရှေ့တန်းတင်ကာ ဌာနဆိုင်ရာဆုံးဖြတ်ချက်များချမှတ်ခဲ့သဖြင့် ဘက်ပေါင်းစုံ ဆုံးရှုံး နစ်နာခဲ့ဖူးကြောင်း ပြည်သူ့လွှတ်တော်တွင် လွှတ်တော် ကိုယ်စားလှယ်များက ထောက်ပြခဲ့ဖူးသည်။ NLD အစိုးရသစ် အနေဖြင့် အဂတိလိုက်စားမှုကိုအမှန်တကယ် တိုက်ဖျက်လိုသော အစိုးရဖြစ်ရေးနှင့် တရားဥပဒေ စိုးမိုးမှုကို ဖိဖိစီးစီး လုပ်ဆောင်ပေးရန် လွှတ်တော်ကိုယ်စားလှယ်များက တင်ပြခဲ့ကြဖူးပေသည်။

တရားစီရင်ရေးတွင် အဂတိလိုက်စားမှုများ ကျယ်ပြန့်စွာရှိနေပြီး၊  တရားသူကြီးမှ စာပို့လုလင်အထိ ပါဝင် ပတ်သက်နေ သဖြင့် ထင်သာမြင်သာဖြစ်အောင် ဖော်ထုတ်ရန်ခက်ခဲနေကြောင်း “တရားစီရင်ရေး၊ ဥပဒေရေးရာနှင့် တိုင်ကြားစာများ၊ အသနားခံစာများ စိစစ်ဆောင်ရွက်ရေးကော်မတီ” က ပြည်သူ့လွှတ်တော်သို့ အစီရင်ခံစာတင်သွင်းခဲ့ဖူးသည်ဟု အလဲဗင်း မီဒီယာသတင်းတပုဒ်၌ ဖေါ်ပြခဲ့ဖူးသည်။  ထို့ပြင် တရားစီရင်ရေးတွင် အဂတိတရားလွှမ်းခြုံလျက်ရှိကြောင်း၊ တရားသူကြီး အဆင့်ဆင့်သည် အထက်တရားသူကြီးအဆင့်ဆင့်၏ ကြီးကြပ်မှုဖြင့် ဆောင်ရွက်ရာ၌ အပေးအယူကိစ္စ ကွင်းဆက်များ ရှိနေကြောင်း၊ အလားတူ ဥပဒေဝန်ထမ်းအဆင့်ဆင့်၌လည်း ကြီးကြပ်သူအဆင့်ဆင့် ဝန်ထမ်းများသည် ယေဘုယျအားဖြင့် ကွင်းဆက်ရှိနေပြီး နားလည်မှုဖြင့်ဆောင်ရွက်လျက်ရှိကြောင်းနှင့် အများအားဖြင့် ပြစ်မှုများတွင် အဆိုပါအခြေအနေများကို တွေ့ရှိရကြောင်း အဆိုပါကော်မတီက အစီရင်ခံစာ၌ ဖေါ်ပြခဲ့ဖူးသည်။

၎င်းအစီရင်ခံစာနှင့်ပတ်သက်၍ တာဝန်ရှိပုဂ္ဂိုလ်များနှင့် အဖွဲ့အစည်းများအနေဖြင့် မည်သို့အရေးယူဆောင်ရွက်ကြသည် ကို မသိရှိရသော်လည်း မြန်မာနိုင်ငံအနာဂတ် ကောင်းရန်အတွက်  ပြည်သူ့နီတိ (Civics) ၊ လူမှုရေးနှင့် ကိုယ်ကျင့်တရား ဆိုင်ရာ တာဝန်သိမှုများ (Social and Moral Responsibilities) အစရှိသည့် ပညာရပ်များကို မူလတန်း အလယ်တန်း အထက်တန်းကျောင်းများ၊ တက္ကသိုလ်ကောလိမ်များတွင်သာမက အစိုးရဌာနဆိုင်ရာသင်တန်းများအထိ သင်ကြားပို့ချရန် လိုအပ်နေသည်ဟု သုံးသပ်မိသည်။ ကိုယ်ကျင့်သီလကို ချိုးဖေါက်၍ မမှန်မကန်ပြုသည့် အမှုမှန်သမျှသည် အပြစ်ရှိရုံမက မိမိနှင့်တကွ မိမိလူမှုအဖွဲ့အစည်းအတွက် ရှက်ဖွယ်လိလိဖြစ်ကြောင်း နိုင်ငံသားတိုင်း သိနားလည်စေရန် ပညာပေးဖို့ အထူးလိုနေပြီ ဖြစ်သည်။ ရုံးလုပ်ငန်း/ဌာန အသီးသီးတွင် ရာထူးနေရာ အရွှေ့အပြောင်းများလုပ်ရာ၌ အဂတိလိုက်စားမှု ကြီးစွာ လွှမ်းမိုးနေသည်ကို တွေ့နေရသည်။ မျက်နှာလိုက်၍ဖြစ်စေ၊ လာဘ်ယူ၍ ဖြစ်စေ၊ အခွင့်အရေးတစ်ခုကို ပေးခြင်း သည်ပင်လျှင် အဂတိ လိုက်စားခြင်းဖြစ်သည်။

စာရေးသူတို့ နိုင်ငံရေးအကျဉ်းသားအဖြစ် အင်းစိန်အကျဉ်းထောင်၌ ကျခံရစဉ်က မိမိတို့ တစ်ဦးချင်း အခွင့်အရေးပိုရရန် ထောင်အသုံးအနှုန်းအရ လိုင်းမ၀င်ရေး (လာဘ်မပေးရေး) သဘောထားတစ်ရပ် ချမှတ် ကျင့်သုံးခဲ့ကြသည်။ ထောင်တွင်း ရေချိုးခွင့်ပေးစဉ် ပထမ ရေ ၃ ခွက် လောင်းရသည်။ နောက်ဆပ်ပြာတိုက်ပြီး ရေ ၄ ခွက်လောင်းရသည်။ ရေတစ်ခွက်ချင်း ခပ်ယူရန် ထောင်ဝါဒါက ခပ်ဆိုမှ ခပ်ရသည်။ ချိုးဆိုးမှ ရေလောင်းရသည်။ စုစုပေါင်း ၇ ခွက်ပြည့်လျှင် ခွက်ချဟု ၀ါဒါက အော်သည်။ ပြီးလျှင် ကိုယ့်အချုပ်တိုက်ခန်းသို့ ကိုယ်ပြန်ဝင်ရသည်။ အချို့က တာဝန်ကျ ထောင်ဝါဒါကို ဆေးလိပ် မုန့် ငပိကျော်စသဖြင့် လိုင်းဝင် (လာဘ်ထိုး) ကြသည်။ လိုင်းဝင်လျှင် စိတ်တိုင်းကျ ရေချိုးရသည်။ အချုပ်တိုက်ခန်း အပြင်တွင် လမ်းလျှောက်ချိန် ပိုရသည်။ အဆောင်နေ ထောင်သားတို့လောကတွင် ဒီထက်မက များပြားလှသော လိုင်းဝင်ကြေးများရှိ သည်။ လိုင်းဝင်ထားလျှင် မူးယစ်ဆေးပင် ထောင်တွင်းမှာ သုံးခွင့်ရသည်။ ထောင်ဆေးရုံတွင် ဘာရောဂါမျှမရှိသော ထောင်ကျများက ကောင်းကောင်းနေ ကောင်းကောင်းစားလျှက် နေခွင့်ရ သည်။ သူတို့က လိုင်းကြေးကောင်းကောင်း ပေးထားသည်။ တကယ်နာမကျန်းသူ ထောင်ကျလူနာများက ကြမ်းပြင်ပေါ် တွင် ဘာအခင်းမျှမပါဘဲ နေကြရသည်။ သူတို့က လိုင်းမ၀င်နိုင်သူများ ဖြစ်သည်။ နောက်ဆုံး ထောင်ဆေးရုံမှ ဆေးဝါး ကုသမှု တစုံတရာ မရဘဲ သေဆုံးကြရ သည်။ ထိုဖြစ်ရပ်မျိုး အတွက် ထောင်မှူး ထောင်ပိုင် ထောင်ဆရာဝန်တို့အပြုံးမပျက် တာဝန်မဲ့စွာ အဂတိလိုက်စားရင်း နိုင်ငံ့လစာရိက္ခာစားနေကြပေသည်။ သာမန် ကိုယ်ချင်းစာတရား (Sympathy) မျှ မရှိဘဲ လိုင်းကြေး လာဘ်လာဘကို အငန်းမရ စားသုံးနေကြခြင်းအတွက် စနစ်ကိုထိန်းကျောင်းသည့် အစိုးရကို အပြစ်တင်မလား၊ သို့မဟုတ် ထို အဂတိ လိုက်စားမှုကို လက်တွေ့အကြင်နာမဲ့စွာ ကျင့်သုံးခဲ့သည့် ထောင်ဝန်ထမ်းများကို အပြစ်တင်မည် လား။ စဉ်းစားကြည့် စေချင်သည်။ အဂတိလိုက်စားမှုဒဏ်ကို ခံနေကြရသော အခြား အခြားသော ပြည်သူများစွာ၏ အတွေ့အကြုံများအရ ဆိုလျှင် လူမှုဘ၀ပျက်ကြရခြင်းမျှမက အသက်ပါဆုံးခဲ့ကြရသည်များ ရှိနေသည်ကို မဏ္ဍိုင်ကြီး ၃ ရပ်၌ တာဝန်ယူနေကြ သူများ မသိသေးလျှင် သိအောင်လုပ်စေချင်သည်။ အုပ်ချုပ်ရေးနှင့် တရားစီရင်ရေး အာဏာပိုင်များသည် မြန်မာနိုင်ငံကို ဆိုးသွမ်းသံသရာမှ လွတ်မြောက်စေရန်  နိုင်ငံရေးသန္နိဋ္ဌာန် ခိုင်မာစွာဖြင့် အဂတိ လိုက်စားမှုကို တက်တက်ကြွကြွ တိုက်ဖျက်သင့်ပြီဟု တိုက်တွန်းလိုပါသည်။
0