ဇင်လင်း ● နိုင်ငံတော်အစိုးရနှင့် ပြည်သူလူထုကြား ယုံကြည်မှုရှိမှ နိုင်ငံတိုးတက်နိုင်မည်

ဇင်လင်း ● နိုင်ငံတော်အစိုးရနှင့် ပြည်သူလူထုကြား ယုံကြည်မှုရှိမှ နိုင်ငံတိုးတက်နိုင်မည်
(မိုးမခ) သြဂတ်စ် ၁၅၊ ၂ဝ၁၇

ယခုတလောတွင် ပြည်သူလူထုအကြား လက်ရှိအစိုးရအပေါ် ထင်ယောင်ထင်မှားဖြစ်စေရန်၊ အကြည်ညိုပျက်စေရန်၊ ပြော ဆို လှုံ့ဆော်မှုများ ခပ်စိပ်စိပ်တွေ့နေရသည်။ သို့သော်လည်း ခြေခြေမြစ်မြစ်မဟုတ်သည့် အချက်အလက်များကို အခြေခံ ပြောဆိုနေသည်က များသဖြင့် ပြည်သူလူထုအများစု၏ ထောက်ခံမှုကိုကား ယိမ်းယိုင်အောင် လုပ်ဆောင်နိုင်ခြင်း မရှိချေ။ လက်ရှိ အစိုးရသည် နှစ်ပေါင်း ၅ဝ ကျော် ပျက်စီးယိုယွင်းခဲ့သော နိုင်ငံကို ပြန်လည်ထူထောင်ရန် တာဝန်ကျလာသောကြောင့် ၂ဝ၁၅ ခုနှစ် ရွေးကောက်ပွဲရလဒ်အရ ဖွဲ့စည်းထားသည့် အစိုးရဖြစ်သည်။ အစိုးရတာဝန်ထမ်းဆောင်သည်မှာ ၂ နှစ်ပင် မပြည့်သေး။ စီးပွားရေးတိုးတက်ဖွံ့ဖြိုးမှုနှုန်း နှေးကွေးလွန်းသည်ဟု ဝေဖန်သံကို အများဆုံး ကြားနေရသည်။  ၂ နှစ်သားကို လမ်းလျှောက်ပုံ နှေးလွန်းသည်ဟု ဝေဖန်နေသကဲ့သို့ ဖြစ်သည်။ ယခင် စစ်အစိုးရအဆက်ဆက်က နိုင်ငံကို ကိုယ်ပိုင် ပစ္စည်း ကဲ့သို့ ထုချေခုတ်ဖြတ်ကာ၊ ကိုယ်ကျိုးရှာ ရောင်းစားခဲ့ကြသူများနှင့် နှိုင်းယှဉ်ပါက၊ လက်ရှိအစိုးရ၏ လုပ်ဆောင်ချက်များအပေါ် အားမရသည့်တိုင် အပြစ်တင် မစောသင့်ဟု ထင်ပါသည်။

ပြည်သူလူထု အထူးသတိပြုသင့်သည့်အချက်မှာ လက်ရှိအစိုးရ၏ဆောင်ရွက်မှုများကို မအောင်မြင်စေလိုသူများ ရှိနေ သည်ဆိုသည့် အချက်ဖြစ်သည်။ ထိုသို့ အစိုးရ၏မူဝါဒနှင့် ဆောင်ရွက်ချက်များ မအောင်မြင်စေရန် ချိတ်ဆက်ဆောင် ရွက် နေသူများသည် အစိုးရယန္တရား၏အပြင်၌သာ ရှိသည်မဟုတ်။ အတွင်း၌လည်း ရှိနေနိုင်သည်ကို သတိချပ်ကြရမည်။ အထူး သဖြင့် အာဏာအလွဲသုံးကာ ကိုယ်ကျိုးရှာနေသူများကို သတိပြုသင့်ပေသည်။ တနည်းအားဖြင့် လက်ရှိအစိုးရ၏ ပြောင်းလဲ ချိန်တန်ပြီဟူသောဆောင်ပုဒ်ကို ဆန့်ကျင်နေသူများအား သတိထားရပေမည်။ မကြာသေးမီ  ဇူလိုင် ၂၇ ရက် ညက နေပြည် တော်ရှိ “အမျိုးသား ပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန” ၌  နိုင်ငံတော်အတိုင်ပင်ခံရုံး ဝန်ကြီးဌာန နှစ်ပတ် လည်နေ့ အခမ်းအနားကျင်းပခဲ့သည်ကို သတိပြုမိကြမည်ထင်သည်။

၎င်းအခမ်းအနားတွင် ဒေါ်အောင်ဆန်းစုကြည်က “ကျမတို့ ရွေးကောက်ပွဲဝင်တဲ့အခါတုန်းက ပြောင်းလဲချိန်တန်ပြီဆိုပြီး တော့ ဝင်ခဲ့ပါတယ်။ အဲဒီလို ဆောင်ပုဒ်နဲ့ဝင်ခဲ့တော့ ပြောင်းလဲချိန်တန်ပြီဆိုသည်မှာ ပြောင်းလဲဖို့အဓိကက စိတ်ဓာတ် ပြောင်းလဲဖို့ ဖြစ်ပါတယ်။ ကျမတို့ဟာ ဒီမိုကရေစီလှုပ်ရှားမှုကို စတင်ကတည်းက တချို့က ဒီမိုကရေစီတော်လှန်ရေးလို့ ပြောကြတယ်။ ကျမတို့ တော်လှန်ရေးဟာ အကြမ်းဖက်တဲ့တော်လှန်ရေးမျိုး မဟုတ်ပါဘူး။ အဓိကကတော့ စိတ်ဓာတ် ပြောင်းလဲရေးပဲဖြစ်တယ်။ စိတ်ဓာတ်ကို မပြောင်းလဲဘဲနဲ့တော့ ဘာကိုမှ တကယ်ထိထိရောက်ရောက် ပြောင်းလဲနိုင်မှာ မ ဟုတ်ဘူး။ ကျမတို့ စိတ်ဓာတ်ပြောင်းလဲဖို့ဆိုတာက ပြည်သူ ပြည်သားတွေ၊ နိုင်ငံသူ နိုင်ငံသားတွေ စိတ်ဓာတ်ပြောင်းလဲ စေချင်တယ်ဆိုရင် ပထမဦးဆုံး အစိုးရဘက်ကနေပြီးစပြီး ပြောင်းလဲဖို့လိုပါတယ်” ဟု ပြောကြားခဲ့သည်ကို အထူးသတိပြု သင့်သည်။

ဆက်လက်၍ နိုင်ငံတော်၏ အတိုင်ပင်ခံပုဂ္ဂိုလ်က ပြောင်းလဲမှုကို ဝန်ထမ်းများကစပြီး ပြောင်းလဲရန်လိုသည်ဟု ဆိုသည်။ ယခင့် ယခင်နှစ်ပေါင်းများစွာကအတိုင်း ဆက်လုပ်ရန်မဖြစ်ဟုလည်း ဆိုပါသည်။ စိတ်ဓာတ်ပြောင်းလဲခြင်းဆိုသည်မှာ လုပ် ချင်စိတ်ရှိလျှင် အမြန်ဆုံးပြောင်းနိုင်ပြီး၊ မလုပ်ချင်ပါက အခက်ဆုံးဖြစ်သည်ဟု ပြောကြားသည်။ နောက်ဆုံး မိမိ ဘယ်လောက် ဆန္ဒရှိသလဲဆိုသည့်အပေါ်တွင် မူတည်သည်ဟု ဆိုသည်။ ထို့ပြင် ဒေါ်အောင်ဆန်းစုကြည်က နိုင်ငံကို အမျိုးသား ရင်ကြား စေ့ရေး၊ ငြိမ်းချမ်းရေး၊ တရားဥပဒေစိုးမိုးရေး ဦးထိပ်ထားပြီး ပြည်သူများ၏ဘဝ တိုးတက်အောင် ကြိုးစားဆောင်ရွက်မည်ဟု ဆိုသည်။ အဂတိလိုက်စားမှု ကင်းရှင်းရေးသည်လည်း အရေးကြီးသည့် ရည်ရွယ်ချက်တစ်ခု ဖြစ်သည်ဟုလည်း သတိပေးခဲ့ သည်။

ဆက်လက်၍ နိုင်ငံတော်၏ အတိုင်ပင်ခံပုဂ္ဂိုလ်က "ကျွန်မတို့လုပ်နိုင်မှသာ ကျွန်မတို့ရဲ့ ပြည်သူလူထုဟာ နိုင်ငံတော်အစိုးရ အပေါ်မှာ ယုံကြည်မှုရှိမှာပါ။ နိုင်ငံတော်အစိုးရနဲ့ ပြည်သူလူထုကြားမှာ ယုံကြည်မှုမရှိရင် နိုင်ငံတစ်နိုင်ငံ တိုးတက်ဖို့ ဆိုတာ အင်မတန်မှ ခက်ခဲပါတယ်။ ဒါ့ကြောင့် အတိုင်ပင်ခံရုံးဝန်ကြီးဌာနဟာ ပြည်သူ ပြည်သားတွေနဲ့ အစိုးရကြားမှာ ယုံကြည်မှုရှိ အောင် တည်ဆောက်တဲ့နေရာမှာ အဓိကကျတဲ့ ဝန်ကြီးဌာနဖြစ်တယ်လို့ ပြောရင်လည်း မမှားပါဘူး” ဟု ဆိုသည်။

ဒေါ်အောင်ဆန်းစုကြည်၏ ရှင်းလင်းပြောဆိုချက်များမှာ လွန်စွာဖြစ်သင့်ဖြစ်ထိုက်သောကိစ္စများဟု ဆိုရပါမည်။  ပြည်သူ့ အစိုးရဆိုသည်မှာ ပြည်သူလူထု၏ သုံးသပ်ဝေဖန်မှုကို မှန်မှန်ကန်ကန် သတ္တိရှိရှိနှင့် ရင်ဆိုင်နိုင်ရမည် ဖြစ်ပါသည်။  အစိုးရ နှင့် ဝန်ထမ်းများအနေဖြင့် ပြည်သူများ၏ အထင်အမြင်၊ အယူအဆများကို လေးစားဖို့လည်း လိုပါသည်။ အစိုးရအာဏာ မရမီက ပြည်သူများအား အမျိုးမျိုး မဲဆွယ်စည်းရုံးခဲ့ပြီး အစိုးရဖြစ်သည့်အခါ ပြည်သူများ၏ဆန္ဒကို လျစ်လျူရှုခြင်းသည် အစိုးရကောင်းများ၏ အလုပ်မဟုတ်ဟုလည်း ဒေါ်အောင်ဆန်းစုကြည်က သတိပေးပြောဆိုထားကြောင်း တွေ့ရသည်။

ဒေါ်အောင်ဆန်းစုကြည် ဦးဆောင်သည့် NLD ပါတီသည် ပြည်သူလူထုကို အလုပ်အကျွေးပြုရန် ရည်ရွယ်သော မူဝါဒများ ချမှတ်ဆောင်ရွက်လျှက်ရှိသည်။ ယင်းကဲ့သို့သော နိုင်ငံရေးပါတီတစ်ခုတွင် ပါတီဝင်တစ်ယောက်ဖြစ်လာပြီဆိုပါက၊ ထို ပါတီဝင်ပုဂ္ဂိုလ်သည် အနေအထိုင် အပြောအဆို အကျင့်အကြံမှအစပြု၍ မိမိကိုယ်ကို သတိထားရမည်။ အထူးသဖြင့် ဒီမိုက ရေစီအခြေပြုပါတီဖြစ်သဖြင့် ပိုပြီးသတိထားဖို့လိုသည်။ ဒီမိုကရေစီကျင့်စဉ်အရ လူလူချင်း လေးစားရမည်ဆိုသည့်အချက် သည် အရင်းခံကျသော ကျင့်ဝတ်ဖြစ်သည်။ တစ်ဖက်လူသည် ဆင်းရဲသားဖြစ်စေ၊ ပညာမတတ်သူဖြစ်စေ၊ ရာထူးနေရာ မရှိသူဖြစ်စေ၊ လူမျိုးဘာသာ မတူသူဖြစ်စေ၊ ဖြစ်သည့်တိုင် ဒီမိုကရေစီပါတီဝင်တစ်ယောက်အနေဖြင့် မထေမဲ့မြင် ဆက်ဆံ ခြင်း မလုပ်ရပေ။ လူတစ်ဖက်သားအား တန်းတူ လေးလေးစားစား ချေချေငံငံ ဆက်ဆံရမည်မှာ ပါတီဝင်တိုင်း၏ ကျင့်ဝတ်ဖြစ် သည်။ အာဏာရပါတီ၏ ပါတီဝင်ဖြစ်ပါက ပို၍ပင် တာဝန်ရှိပေသည်။ အဘယ်ကြောင့်ဆိုသော် မိမိ၏ အပြောအဆို အပြုအမူ မှန်သမျှ မိမိကိုသာမက မိမိ၏ပါတီကိုပါ သက်ရောက်မှုဖြစ်စေနိုင်၍ ဖြစ်သည်။ အတိတ် သမိုင်းမှ မဆလပါတီ ကျဆုံးခြင်းကို လေ့လာလျှင် ပြည်သူအပေါ် မောက်မာခဲ့ပြီး ပြည်သူ့အကျိုးထက် မိမိကိုယ်ကျိုးကို ဗဟိုပြုလုပ်ကိုင်ခဲ့ကြသောကြောင့် ဖြစ် သည်။ ထိုကဲ့သို့ မောက်မာသော၊ ကိုယ်ကျိုးပဓါနပြုသော အကျင့်စရိုက်ဆိုးများကို ကျင့်သုံးကြခြင်းမှာ ပုဂ္ဂိုလ်စွဲ ဂိုဏ်းဂဏစွဲ ဆရာမွေး တပည့်မွေးအယူဝါဒများကြောင့်ဟု ဆိုနိုင်သည်။ အာဏာရှင် ဆရာကြီးမျာကို အမှီပြုကာ တပည့်ဖြစ်သူ အာဏာ ရှင်ပေါက်စများက ငွေကြေးလာဘ်လာဘ၊ တံစိုးလက်ဆောင်များများ ရရှိအောင် ရှာခဲ့ကြခြင်းဖြစ်သည်။ အာဏာရှင် အား ကိုးဖြင့် ပြည်သူလူထုအပေါ် မောက်မာရုံမက မိုက်ကြေးပါခွဲခဲ့ကြသည်။ ထိုစနစ်ဆိုးသည် နဝတနှင့်နအဖခေတ်ကစ၍ ယခု အချိန်အထိ ခေတ်စားလျှက်ရှိသည်။ ခရိုနီ သူဌေးအများစုသည် ထိုစနစ်ဆိုးက မွေးထုတ်ပေးခဲ့သူများဟု ဆိုနိုင်သည်။ ၎င်းတို့၏ကြီးပွားချမ်းသာ ကြွယ်ဝလာမှုများသည်  လာဘ်ပေး လာဘ်ယူစနစ်နှင့်မကင်းကြောင်း ပြည်သူအများပင် သိရှိနေ ကြသည်။

ပြည်သူထံမှ စီးဆင်းလာသည့် အာဏာ (Mandate) ရရှိထားသူ လွှတ်တော်ကိုယ်စားလှယ်များနှင့် အစိုးရအဖွဲ့ဝင်များ အ နေဖြင့် ပြည်သူကို တာဝန်ခံဖို့လိုသည်။ ပြည်သူများ၏ လူမှုဖူလုံရေးနှင့် စားဝတ်နေရေးဘဝ တိုးတက်ကောင်းမွန်လာ ရေးကို တာဝန်ယူကြရမည် ဖြစ်သည်။ မိမိတို့အား လွှဲအပ်ထားသော အခွင့်အာဏာကို အလွဲမသုံးမိကြဖို့ အစဉ်သတိပြု နေထိုင်ကြ ရမည်။

ဆရာမွေးတပည့်မွေး ဂိုဏ်းဖွဲ့သည့် စရိုက်ဆိုးများကြောင့် တိုင်းပြည်ဆင်းရဲမွဲတေခဲ့ရသည့် သင်္ခန်းစာကို မမေ့ကြဖို့လိုသည်။ ပြည်သူကို မလေးစားဘဲ၊ ပြည်သူအပေါ်မောက်မာခဲ့သူများ၏ အကျင့်ဆိုးများကို လက်ရှိပြည်သူ့ကိုယ်စားလှယ်များနှင့် အစိုးရဝန်ထမ်းများက ဆက်လက်ကျင့်သုံးမှု မပြုကြရန် လွန်စွာအရေးကြီးသည်။ ထို့ကြောင့် တိုင်းပြည်၏ အလှည့်အပြောင်း တစ်ခုကို အကောင်းဘက်သို့ပြောင်းစေရန် လုပ်ဆောင်ကြရာတွင် “ဝန်ထမ်းများကစပြီး ပြောင်းလဲရန်လိုသည်” ဟု နိုင်ငံ တော်၏ အတိုင်ပင်ခံပုဂ္ဂိုလ်ဆိုသည့်အချက်ကို လေးနက်စွာ နှလုံးသွင်းကြရပေမည်။

ယခုကဲသို့ အာဏာရှင်ခေတ်မှ ဒီမိုကရေစီခေတ်သို့ ပြောင်းလဲရန်အားထုတ်နေချိန်တွင် ဝန်ထမ်းများကစပြီး ပြောင်းလဲရန် လိုသည်ဟူသော အယူအဆမှာ ပြည်သူလူထု၏ လိုလားတောင်းဆိုချက်လည်း ဖြစ်သည်။ အစိုးရအမှုထမ်း အရာထမ်းများ သည် ပြည်သူ့အခွန်ဘဏ္ဍာ/ပြည်သူ့ဆန်စားနေကြသူများဖြစ်သဖြင့် ပြည်သူကို အလုပ်အကျွေးပြုကြရမည်။ ပြည်သူကို လေးစားစွာ ဆက်ဆံရမည်။ အာဏာရှင်ခေတ်တွင် အာဏာရှင်တို့အလိုကျ ပြည်သူကို ဓါးမိုးဆဲဆို ခြိမ်းခြောက် အုပ်ချုပ်ခဲ့ ကြသော်လည်း ယနေ့ ပြည်သူ့ဒီမိုကရေစီ အစိုးရခေတ်တွင်မူ အာဏာရှင်အကျင့်စရိုက်ဆိုးများကို ခဝါချကြရပေမည်။ ယနေ့ ခေတ်သည် စစ်အာဏာရှင်ခေတ်မဟုတ်တော့သည့်အလျောက် “ပြည်သူသာ အမိ၊ ပြည်သူသာ အဖ” ဆိုသည်ကို နှလုံးသွင်း ကြရမည်။ ပြည်သူကို မလေးမစားဆက်ဆံခြင်းသည် ကိုယ့်အမိ ကိုယ့်အဖကို စော်ကားခြင်းနှင့်တူကြောင်း အစိုရဝန်ထမ်း တို့ သတိချပ်သင့်သည်။

အထူးသဖြင့် ပြည်သူလူထုနှင့် နေ့စဉ်ထိတွေ့ဆက်ဆံနေရသော ပြည်ထဲရေးလက်အောက်ခံ ဌာနဆိုင်ရာများကို ပိုမိုကြပ် မတ်ပေးဖို့ လိုပေသည်။ ဥပဒေစိုးမိုးရေးကို ထိန်းသိမ်းကာကွယ်ပေးရမည့် ရဲတပ်ဖွဲ့ကဲ့သိုသော အဖွဲ့အစည်းများ၊ တရားရုံး များ အနေဖြင့် ပြည်သူလူထုအား ယဉ်ကျေးစွာဆက်ဆံတတ်ရန် သင်တန်းများပေးရုံမက ကြီးကြပ်စောင်ကြည့်ပေးရန် လည်း လိုသည်။ ပြည်သူလူထုက အစိုးရဝန်ထမ်းများကို ယခင်ခေတ်ကကဲ့သို့ ကြောက်ရွံ့ကာ မဆက်ဆံလိုဘဲ ဖြစ်နေ သည်မှာ မကောင်းပေ။ အမှန်ဆိုလျှင် အစိုးရဌာနများသည် ပြည်သူလူထုနှင့် ရင်းနှီးဖေါ်ရွေသည့်ဆက်ဆံရေးမျိုး ရှိသင့် သည်။ သို့မှသာ ပြည်သူတို့ ထံမှ လိုအပ်သော အကူအညီကို ရရှိနိုင်ပေသည်။ ယခု အစိုးရအုပ်ချုပ်ရေးနှင့် ဥပဒေစိုးမိုးရေး ကဏ္ဍများတွင် ပြည်သူလူထု၏ ပူးပေါင်းဆောင်ရွက်မှုကို ထိုက်သင့်သလောက်မရသည်မှာ အစိုးရဝန်ထမ်းများကို ပြည်သူက ယခင်ခေတ်နည်းတူ ရွံရှာကြောက်ရွံ့နေ၍ ဖြစ်သည်။ ဤအခြေအနေအမှန်ကို သက်ဆိုင်သူ ဌာနဆိုင်ရာ အမှုထမ်း အရာ ထမ်းများအနေဖြင့် လက်ခံရမည်ဖြစ်သည်။ ၎င်းအခြေအနေကို ပြောင်းလဲပစ်ရန်အတွက် ထိုဝန်ထမ်းများကိုယ်တိုင် မိမိတို့၏ စရိုက်ဆိုးများကို ချေချွတ်ဖို့လိုသကဲ့သို့၊ သက်ဆိုင်ရာ အစိုးရဌာနအကြီးအကဲများကလည်း လိုအပ်သည့်အမိန့်၊ ဥပဒေများ ပြဋ္ဌာန်း၍ ကြပ်မတ်အရေးယူသင့်ပေသည်။

အထူးသဖြင့် အစိုးရဌာနများအတွင်း ဝန်ထမ်းအချင်းချင်း ဆက်ဆံရေးကိုလည်း အပြန်အလှန်လေးစားစွာ ပြောဆိုစေရန် အရာရှိများက တာဝန်ခံဖို့ လိုသည်။ အချို့ အရာရှိ၊ မိမိတို့၏ လက်အောက်ဝန်ထမ်းများကို ဆဲဆိုခြင်း၊ ကြိမ်းမောင်းခြင်း၊ ခြိမ်းခြောက်ခြင်းများ လုပ်ရုံမက ကိုယ်ထိလက်ရောက် ထိုးကြိတ် ရိုက်နှက်ခြင်းများပင်ရှိကြောင်း လွှတ်တော်ရပ်ဝန်း သတင်း များအရ ကြားခဲ့ရသည်။ ထို့ကြောင့် ဝန်ထမ်းများ အမှားကျူးလွန်လျှင် ရုံးလုပ်ထုံးလုပ်နည်း စည်းမျဉ်း စည်းကမ်း များနှင့် အညီ အရေးယူရန် ထိန်းကြောင်းသင့်သည်။ ရုံးကိစ္စကြောင့် လာရောက်ကြသော အရပ်သားပြည်သူများအား  ဆက်ဆံရာ၌ အထက်စည်းမှ ပြောဆိုခြင်းများ ရှိနေဆဲဖြစ်သည်။ ဧည့်သည်ပြည်သူများကို မသိကျိုးကျွံ မထေမဲ့မြင်လုပ် ခြင်းမျိုး မပြုကြရန် တာဝန်ရှိ အရာရှိဝန်ထမ်းများက ကြီးကြပ်သင့်သည်။ အရပ်သားပြည်သူများသည် အစိုးရဝန်ထမ်းများ၏ ထမင်းရှင်များဖြစ် သည်ကို မမေ့သင့်။ မည်သည့် အစိုးရဌာန၊ မည်သည့်အစိုးရဝန်ထမ်းဖြစ်စေ အရပ်သားပြည်သူတို့ကို လက်အောက်ငယ်သား၊ ကျေးကျွန်များသဖွယ် ဆက်ဆံမှု မပြုရ။ ရုံးသို့ အကြောင်းကိစ္စရှိ၍ ရောက်ရှိလာသော  အရပ်သားပြည်သူများကို နှုတ်ကြမ်း လျှာကြမ်းဖြင့် အပေါ်စီးကဆက်ဆံခြင်း၊ ဆဲဆိုအော်ငေါက်ခြင်းလုပ်ပါက ထိထိရောက်ရောက် အရေးယူအပြစ်ပေးကာ ပြုပြင်ရမည်ဖြစ်သည်။

သတင်းမီဒီယာများတွင် အဂတိလိုက်စားမှု တိုက်ဖျက်ရေးကော်မရှင် ကော်မရှင်ဥက္ကဋ္ဌက ဝန်ထမ်းများနှင့်ပတ်သက်၍ အကြံ ပြုခဲ့ဖူးသည်။ ပြည်သူလူထုကို ရုံးဌာနများသို့ အကြိမ်ကြိမ်ချိန်းဆိုကာ အချိန်ဆွဲခြင်း၊ စိတ်ဆင်းရဲ ကိုယ်ဆင်းရဲ ဖြစ်အောင် လုပ်၍ လာဘ်ပေးစေရန် တမင်ဖန်တီးသည့်ကိစ္စများ လျော့နည်းကျဆင်းရေးအတွက် အကြံပြုချက်များ လွှတ်တော်သို့ တင်ပြခဲ့သည်ဟု သိရသည်။ သို့သော် လွှတ်တော်က အဆိုကို မှတ်တမ်းတင်ရုံသာ တင်သည်။ ထိရောက်သည့် အစီအစဉ်များ ဆက်လက်ရေးဆွဲကာ ပြုပြင်ပြောင်းလဲလာအောင် အရေးယူဆောင်ရွက်ခြင်း ယခုအထိ မတွေ့ရသေး။ အဂတိလိုက်စားမှု ကင်းရှင်းရေးသည်လည်း အစိုးရ၏ အရေးကြီးသည့် ရည်ရွယ်ချက်တစ်ခု ဖြစ်သည်ဟု  နိုင်ငံတော်၏ အတိုင်ပင်ခံပုဂ္ဂိုလ် က ပြောဆိုထားသည်ကို ထောက်ရှု၍ အစိုးရဝန်ထမ်းလောက ပြုပြင်ပြောင်းလဲရေးကို အစိုးရလွှတ်တော်နှင့် တရားရုံးတို့ အထူးအားစိုက် လက်တွဲဆောင်ရွက်ကြချိန်တန်ပြီ ဖြစ်သည်။ အစိုးရယန္တရားအတွင်းရှိ အမှုထမ်း အရာထမ်းများ ပြည်သူ လူထုကို မထေမဲ့မြင်ပြုနေသမျှ အစိုးရ သိက္ခာကျလိမ့်မည်။ အစိုးရဝန်ထမ်းများ အကျင့်ပျက်ခြစားနေသည်ကို တိုက်ဖျက်ရန် နှေးကွေးနေပါက  အစိုးရအပေါ် ပြည်သူလူထုက အကြည်ညိုပျက်လိမ့်မည်။ အစိုးရနှင့် ပြည်သူအကြား ယုံကြည်မှု မပျက် ပြားစေရန် အစိုးရဝန်ထမ်းများ ပြည်သူကို လေးစားစွာဆက်ဆံတတ်ရန် ပညာပေးပါ။ အစိုးရအဖွဲ့အမှုထမ်း အရာထမ်း အ ဆင့်ဆင့်အတွင်း အကျင့်ပျက် လာဘ်စားမှုကို နိုင်ငံရေး သန္နိဋ္ဌာန်ချမှတ် တိုက်ဖျက်ပါဟု တိုက်တွန်းအပ်ပါသည်။
0