မောင်မောင်စိုး ● အသစ်မြင် မြန်မာပြည်ငြိမ်းချမ်းရေး - အပိုင်း (၇)

မောင်မောင်စိုး ● အသစ်မြင် မြန်မာပြည်ငြိမ်းချမ်းရေး - အပိုင်း (၇)
(ငြိမ်းချမ်းရေးလုပ်ငန်းစဉ် သုံးသပ်ချက်)
(မိုးမခ) စက်တင်ဘာ ၁၇၊ ၂၀၁၇

● ငြိမ်းချမ်းရေးလုပ်ငန်းစဉ်နှင့် နိုင်ငံတကာ
မြန်မာပြည် ငြိမ်းချမ်းရေးလုပ်ငန်းစဉ် စတင်ကထဲက နိုင်ငံတကာ၏ စိတ်ဝင်စားမှု ကူညီမှုကို ရရှိခဲ့သည်။ နဝတ/နအဖ ခေတ် နောက်ပိုင်း၂၀၀၈ အခြေခံဥပဒေနှင့် အထွေထွေရွေးကောက်ပွဲများ ကျင်းပခြင်း၊ အတိုက်ခံနိုင်ငံရေးပါတီများ တိုင်းရင်းသား ပါတီများ ရွေးကောက်ပွဲ အခင်းအကျင်းတွင် ပါဝင်လာခြင်းကလည်း မြန်မာပြည်ငြိမ်းချမ်းရေးလုပ်ငန်းစဉ်အား နိုင်ငံတကာက စိတ်ဝင်စားစေသည့်အချက်ဖြစ်သည်။

သမတဦးသိန်းစိန်လက်ထက် ငြိမ်းချမ်းရေးလုပ်ငန်းစဉ်များနှင့်ပတ်သက်ပြီး ဥရောပနိုင်ငံများက ငြိမ်းချမ်းရေးရံပုံငွေ ထောက် ပံ့ခြင်းနှင့် နည်းပညာအကူအညီပေးခြင်းတို့ကို MPC အား၎င်း တိုင်းရင်းသားအဖွဲ့များအားNGO များမှတဆင့်၎င်း ပေးအပ်ခဲ့ သည်။ အလားတူပင် ဂျပန်အစိုးရ၏ နိပွန်းဖေါင်ဒေးရှင်းကလည်း ငြိမ်းချမ်းရေးလုပ်ငန်းစဉ်အတွင်း အစိုးရအား အကူ အညီ ပေးအပ်ခဲ့သကဲ့သို့ ထိုင်းနယ်စပ်ရှိ KNU အပါတိုင်းရင်းသားအဖွဲ့များအားလည်း အကူအညီများပေးအပ်ခဲ့သည်။

တရုတ်တို့သည်လည်း ငြိမ်းချမ်းရေးလုပ်ငန်းစဉ်စကထဲက လေ့လာသူအဖြစ် တက်ကြွစွာပါဝင်ခဲ့သည်။ ၂၀၁၅ ခုနှစ် နှစ်ကုန် ပိုင်း NCA လက်မှတ်ရေးထိုးရာ၌ တရုတ်နယ်စပ်ရှိ မည်သည့်လက်နက်ကိုင်အဖွဲ့မှ ပါဝင်ခြင်း မရှိသည့်အပြင် တရုတ်နယ်စပ် တလျောက် တိုက်ပွဲများ ပြင်းထန်လာပြီးနောက်တရုတ်သံတမန် မစ္စတာဆွန်ကော့ရှန်၏ လှုပ်ရှားမှုများ ပိုမိုသွက်လက်လာ သည်ကို တွေ့ရသည်။ တရုတ်တို့သည့် UN မှတဆင့် JMC အတွက် ရံပုံငွေထည့်ဝင်သည်ဟု ဆိုပါသည်။

တရုတ်နယ်စပ်တလျောက်တွင်ရှိသည့် တိုင်းရင်းသားလက်နက်ကိုင်များနှင့်ပတ်သက်၍ အနောက်နိုင်ငံများက တရုတ်သြဇာ အောက်တွင် ရှိသည်ဟုယူဆကြသည်။ တရုတ်နယ်စပ်တလျောက်တွင်ရှိသော တိုင်းရင်းသားလက်နက်ကိုင်တပ်ဖွဲ့များ သည် တရုတ်နှင့်မကင်းရာ မကင်းကြောင်းရှိသော်လည်း တရုတ်၏သြဇာခံသက်သက်ဟု ရှုမြင်ရန် မဖြစ်နိုင်ပေ။ သူရပ် တည်ချက်နှင့် သူ့လွတ်လပ်ခွင့်ရှိသည်ကို တွေ့ရသည်။

၂၀၁၆/၂၀၁၇ အတွင်း တရုတ်သံတမန်မှ UWSA အပါ သူ့နယ်စပ်တလျောက်ရှိ တိုင်းရင်းသားအဖွဲ့များကို NCA ထိုးရန် အကြိမ်ကြိမ်ဆွေးနွေးသော်လည်း ဖြစ်မြောက်ခြင်းမရှိပေ။ တိုင်းရင်းသားလက်နက်ကိုင်အဖွဲ့များသည် တရုတ်၏တိုက်တွန်း ချက်အားပယ်ချက်ပြီး ၎င်းတို့အတွက် သင့်တော်မည်ထင်သည့်လမ်းကို ရွေးချယ်ခဲ့သည်ကို တွေ့ရသည်။ သို့သော် အဆိုပါ တိုင်းရင်းသားအဖွဲ့များသည် တရုတ်၏ မေတ္တာရပ်ခံချက်ကို လက်ခံပြီး ဒုတိယအကြိမ် ၂၁ ရာစုပင်လုံအဖွင့်ပွဲသို့ တက် ရောက်ခဲ့သည်ကိုတွေ့ရသည်။

တဖက်ကလည်း တရုတ်သံတမန်၏ ညှိနှိုင်းချက်ကို မြန်မာအစိုးရနှင့်တပ်မတော် အပြည့်အဝလက်ခံ လက်မခံဆိုသည်ကို လည်း ပြောရန်ခက်ခဲပေသည်။ လက်ရှိအချိန်ထိ တရုတ်တို့၏ ညှိနှိုင်းမှုသည် မျက်နှာချင်းဆိုင်မရသော အဖွဲ့များနှင့် မျက်နှာ ချင်းဆိုင်အောင် လုပ်ပေးနိုင်သောအဆင့်တွင်သာရှိသေးပြီး ဆွေးနွေးနိုင်အောင်လုပ်ပေးသည့်အဆင့်သို့မရောက်သေးပေ။ သို့သော် လက်ရှိ မြောက်ပိုင်း ၇ ဖွဲ့နှင့် NRPC ကြား ညှိနှိုင်းရေးတွင် တရုတ်သံတမန်က ကြားခံညှိနှိုင်းသူအဖြစ် ပါဝင်နေ ဆဲဖြစ်သည်။

သို့သော် တရုတ်၏ မြန်မာပြည်အရေးကြားဝင်ညှိနှိုင်းပေးမှုသည် မြန်မာပြည်ငြိမ်းချမ်းရေးအတွက် သက်သက်တော့ မဟုတ် ပေ။ သူ၏အကျိုးစီးပွားပေါ်တွင် အခြေခံသည့် နိုင်ငံခြားရေးပေါ်လစီအရ ဆောင်ရွက်သည်ကိုတွေ့ရမည်ဖြစ်သည်။ တရုတ် တို့၏ OBOR ခေါ် ခေတ်သစ်ပိုးလမ်းမကြီးတွင်မြန်မာပြည်သည် အစိတ်အပိုင်းတရပ်အဖြစ်ပါဝင်နေပေရာ မြန်မာပြည်၏ တည်ငြိမ်ရေးသည် သူ၏ ခေတ်သစ်ပိုးလမ်းမစီမံကိန်းအတွက် အရေးပါနေသည်။ သို့ဖြစ်ရာ တရုတ်နယ်စပ်တည်ငြိမ် ရေးအ တွက် ငြိမ်းချမ်းရေးလုပ်ငန်းစဉ်တွင် တက်ကြွစွာပါဝင်၍နေပေသည်။ တရုတ်သံတမန် မစ္စတာဆွန့်ကော့ရှန်သည် ငြိမ်းချမ်း ရေးလုပ်ငန်းစဉ်တွင်သာမက မြန်မာ ဘင်္ဂလားဒေ့ရ်ှဆက်ဆံရေးတွင် ကြားဝင်ညှိနှိုင်းရေးအတွက် ဘင်္ဂလားဒေ့ရ်ှသို့ သွားရောက်ခြင်း ၊ရခိုင်ပြည်နယ် ဘင်္ဂါလီပြသနာအတွက် မစ္စတာကိုဖီအာနန်နှင့်သွားရောက်တွေ့ဆုံခြင်းများကို ပြီးခဲ့သော လပိုင်းများအတွင်းက ပြုလုပ်ခဲ့သည်ကို တွေ့ခဲ့ရသည်။ ထို့ကြောင့် တရုတ်နိုင်ငံခြားရေးသံတမန်သည် တရုတ်၏ အကျိုးစီး ပွားကို အခြေခံသည် တရုတ်တို့၏နိုင်ငံခြားရေးပေါ်လစီအောက်တွင် မြန်မာပြည်ငြိမ်းချမ်းရေးလုပ်ငန်းစဉ်တွင် ပါဝင်နေသည် ကို တွေ့ရသည်။

အလားတူပင် အနောက်နိုင်ငံများနှင့်ဂျပန်တို့၏ ငြိမ်းချမ်းရေးလုပ်ငန်းတွင်ပါဝင်ခြင်းသည် နိုင်ငံကြီးများ၏ဒေသတွင်းအားပြိုင်မှု၏အစိတ်အပိုင်းလည်းဖြစ်ပေသည်။ ပစီးဖိတ်နှင့်တောင်တရုတ်ပင်လယ်တွင် အားပြိုင်နေသော တရုတ်နှင့် အမေရိကန်/ ဂျပန်တို့သည် အိန္ဒိယသမုဒ္ဒရာသို့ မြန်မာပြည်အားဖြတ်၍ ခြေဆန့်လာမည့် တရုတ်အား ထိမ်းချုပ်နိုင်ရန် မြန်မာပြည်တွင်း၌ ပြိုင် ဆိုင်ကြိုးပမ်းနေသည်မှာ အံ့အားသင့်စရာမရှိပေ။ အလားတူပင် အိန္ဒိယနိုင်ငံသည်လည်း အိန္ဒိယသမုဒ္ဒရာသို့ ခြေဆန့် လာမည့် တရုတ်အားထိမ်းချုပ်နိုင်ရန် သူ၏ပြိုင်ဆိုင်မှုကို မြန်မာပြည်ဖက်သို့ အာရုံစိုက်လာသည်ကို တွေ့ရသည်။

တရုတ်နှင့်အိန္ဒိယကြား ပြိုင်ဆိုင်မှုကလည်း ပြင်းထန်သည်။ ၂၀၁၇ မေလအတွင်း တရုတ်နိုင်ငံ၌ OBOR ခေါ် ခေတ်သစ်ပိုးလမ်းမစီမံကိန်းနှင့်ပတ်သက်၍ ညီလာခံတခု ကျင်းပပြီးမကြာမီမှာပင် အိန္ဒိယနိုင်ငံ ဂူဂျာရတ်တွင်ပြု လုပ်သည့် အာဖရိကန် ဖွံ့ဖြိုးရေးဘဏ် အစည်းအဝေးတခုတွင် တရုတ်၏ခေတ်သစ်ပိုးလမ်းမအစီအစဉ်ကို တင်ပြခဲ့သည်။ ၎င်းမှာ အိန္ဒိယနှင့်ဂျပန် အစိုးရ နှစ်ခု ပူးပေါင်းဖေါ်ဆောင်မည့် စီးပွားရေးပေါင်းစည်းမှု သဘောတူညီချက်တခုဖြစ်သည့် AAGC (Asia-Africa Growth Corridor) ဖြစ်သည်။AAGC သည် အိန္ဒိယနှင့်ဂျပန်ကြား ရည်ရွယ်ချက်ကြီးမားသည့် ပူးပေါင်းဆောင်ရွက်မည့်အစီအစဉ်ဖြစ် ပြီး တောင်အာရှ၊ အရှေ့တောင်အာရှ၊ အရှေ့အာရှတို့နှင့် အာဖရိကအား စီးပွားရေးအရ ချိတ်ဆက်ပူးပေါင်းရန် ရည်ရွယ်ထား သည်ဟု ဆိုသည်။ ရည်ရွယ်ချက်မှာ ရှေးခေတ်ပင်လယ်ရေကြောင်းဆိုင်ရာလမ်းများကို ရှာဖွေသည့်အပြင် အသစ်အသစ် သော ပင်လယ်ရေကြောင်းကော်ရစ်ဒါများ ဖန်တီးပေးပြီး လွတ်လပ်ပွင်းလင်းသည့် အင်ဒိုပစိဖိတ်ဒေသတခုဖန်တီးရန် ရည် ရွယ်သည်ဟု ဆိုသည်။ တရုတ်၏ခေတ်သစ်ပိုးလမ်းမစီမံကိန်းအား ယှဉ်ပြိုင်မည့် အိန္ဒိယနှင့်ဂျပန်၏ စီမံကိန်းဖြစ်သည်။

ဤသို့ဒေသတွင်းပြိုင်ဆိုင်မှု များနှင့် အဆိုပါ အစိုးရများ၏ ပေါ်လစီအစိတ်အပိုင်းများအဖြစ် မြန်မာပြည်ငြိမ်းချမ်းရေးလုပ်ငန်းစဉ်တွင်လည်း ပါဝင်ပတ်သက်နေကြသည်။ ထိုနိုင်ငံများထဲမှ ငြိမ်းချမ်းရေးလုပ်ငန်းစဉ်ထဲတွင်မပါဝင်သေးသည်မှာ အိန္ဒိယ နိုင်ငံသာ ရှိတော့သည်။ ထိုသို့ ပြိုင်ဆိုင်မှု များကြောင့် တရုတ်၊ ဂျပန်၊ အိန္ဒိယတို့သည် မြန်မာအစိုးရအား၎င်း တပ်မတော် အားလည်းကောင်း၊ အပြိုင်အဆိုင် စည်းရုံးသိမ်းသွင်းနေသည်ကို တွေ့ရသည်။ ၂၀၀၈ ခြေဥအရ မြန်မာပြည်တွင် အစိုးရ သာမက တပ်မတော်သည်လည်း ထူးခြားသည့်အခွင့်အာဏာရှိသည့်အပြင် တပ်မတော်သည် မြန်မာပြည်တွင် လက်နက်ကိုင် အင်အားအတောင့်တင်းဆုံးအင်စတီကျူးရှင်းဖြစ်ရာ တပ်မတော်အားချဉ်းကပ်ရေးသည်လည်း ထိုနိုင်ငံများအတွက် အရေးပါ သည်။ လောလောဆယ်တွင် အခြားနိုင်ငံများထက် ထို ၃ နိုင်ငံ၏ အားပြိုင်လှုပ်ရှားမှုက မြန်မာပြည်တွင် သိသာစွာ တွေ့မြင် ရပေသည်။

တရုတ်တို့၏ ပါဝင်ပတ်သက်မှုအား အကဲခတ်ရာတွင် တရုတ်သံတမန်မစ္စတာဆွန်ကော့ရှန် ဝါ တရုတ်အစိုးရသံတမန်၏ လှု ပ်ရှားမှု တခုတည်းနှင့်မလုံလောက်ပေ။ တရုတ်ပြည်တွင် အဓိကအာဏာဆုပ်ကိုင်ထားသည့် တရုတ်ကွန်မြူနစ်ပါတီ၏ ပေါ်လစီအားလည်း ထည့်သွင်းတွက်ချက်ရန်လိုအပ်သည်။ တရုတ်ကွန်မြူ နစ်ပါတီ နိုင်ငံတကာဆက်ဆံရေးဌာနကြီး ဌာန မှူးဖြစ်သူသည် NLD အစိုးရလက်ထက်တွင် နှစ်ကြိမ်လာရောက်တွေ့ဆုံသည်ကိုတွေ့ရသည်။ ထို့ပြင် တရုတ်ကွန်မြူ နစ်ပါတီ၏ တိုက်ရိုက်ကွပ်ကဲမှုအောက်တွင်ရှိပြီး တရုတ်နယ်စပ်လုံခြုံရေးကို အဓိကတာဝန်ယူနေသည့် တရုတ်လွတ် မြောက်ရေးတပ်မတော်၏ သဘောထားအားလည်း ထည့်သွင်းတွက်ချက်ရန်လိုသည်။

လက်ရှိနိုင်ငံကြီးများ၏ အားပြိုင်မှုအတွင်း တရုတ်သည် နှစ်ဖက်ကစားနိုင်စွမ်းရှိပြီး ကျန်နိုင်ငံများက တဖက်သာ ကစား နိုင်ကြသည်ဟု ဆိုကြသည်။ ဆိုလိုသည်မှာ တရုတ်နယ်စပ်ရှိ တိုင်းရင်းသားလက်နက်ကိုင်တပ်ဖွဲ့များနှင့်ပတ်သက်၍ ကျန် နိုင်ငံများထက် တရုတ်က ပိုလှုပ်နိုင်သည်ဟု သုံးသပ်ကြခြင်းဖြစ်သည်။ သို့ဖြစ်ရာ မြန်မာငြိမ်းချမ်းရေးလုပ်ငန်းစဉ်နှင့်ပတ်သက်၍ဆိုရလျင် နိုင်ငံတကာ၏ ပါဝင်ပတ်သက်မှု များအနက် တရုတ်၏ပတ်သက်မှုက ပို၍သက်ရောက်မှုများသည်ဟု သုံးသပ်ရပါသည်။ ထို့ပြင် တရုတ်တို့သည် သူ၏နယ်စပ်ရှိ တိုင်းရင်းသားအဖွဲ့များအပေါ်သုိ့ အနောက်၏သြဇာ အရောက်မခံ လိုဟု သုံးသပ်ကြပါသည်။ တိုင်းရင်းသားအဖွဲ့များ စုံညီအစည်းအဝေးအား တရုတ်တွင်ကျင်းပလိုပါက ကူညီမည်ဟု တရုတ် သံတမန်ကဆိုထားပေရာ တိုင်းရင်းသားအဖွဲ့များ သူ့ဖက်သို့ ဆွဲကပ်လိုသည်ဟု သုံးသပ်ကြပါသည်။

ထို့ပြင် ထိုသို့နိုင်ငံကြီးများ၏ အပြိုင်အဆိုင် လှုပ်ရှားအားပြိုင်မှုများကြားတွင် တွေ့ရသည်မှ တပ်မတော်အနေနှင့် နိုင်ငံ တကာဖိအားများမှ လွတ်ကင်းခဲ့ခြင်းဖြစ်သည်။ ၁၉၈၈ ခုနှစ်နောက်ပိုင်းမှစ၍ တပ်မတော်သည် နိုင်ငံတကာဖိအားများကို ပြင်းထန်စွာခံခဲ့ရသည်။ တရုတ်တနိုင်ငံနှင့်သာ ဆက်ဆံရေးကောင်းခဲ့သည်။ ယခုကာလ၌ ထိုဖိအားများ ကင်းလွတ်သွား သည်ကို တွေ့ရသည်။ အင်အားကြီးနိုင်ငံများ၏ အပြိုင်အဆိုင် ဆွဲဆောင်နိုင်ရန် ကြိုးပမ်းများကြားတွင် တပ်မတော်သည် နိုင်ငံ တကာဖိအားများမှ ကင်းလွတ်ခွင့်ရခဲ့သည်။ သို့ဖြစ်ရာ တပ်မတော်သည် လက်ရှိငြိမ်းချမ်းရေးလုပ်ငန်းစဉ်အတွင်း ပါဝင် ဆောင်ရွက်ရာတွင် မည်သည့်နိုင်ငံတကာဖိအားကိုမှ ထည့်သွင်းစဉ်းစားရန်မလိုပေ။

ထို့ကြောင့် ပြန်လည်ပေါင်းရုံးသုံးသပ်ကြည့်ပါက ငြိမ်းချမ်းရေးလုပ်ငန်းစဉ်အတွင်း နိုင်ငံတကာ၏ ဘဏ္ဏာရေးအကူအညီသည် ငြိမ်းချမ်းရေးလုပ်ငန်းစဉ်အား အထောက်အကူဖြစ်ပါသည်။ သို့သော် သူတို့၏ပါဝင်ကူညီမှုများသည် သူတို့နိုင်ငံ၏ပေါ်လစီပေါ် တွင် အခြေတည်၍ စဉ်းစားခြင်းဖြစ်သည်။ မြန်မာပြည်၏ လက်တွေ့မြေပြင်အခြေအနေပေါ်တွင် အခြေတည်ထားခြင်းမဟုတ်။ ထို့ပြင် အဆိုပါနိုင်ငံတကာအခြေအနေအောက်တွင် ငြိမ်းချမ်းရေးလုပ်ငန်းစဉ်တွင် အရေးပါသော တပ်မတော်သည် နိုင်ငံ တကာဖိအားများမှ ကင်းလွတ်၍ စဉ်းစားနိုင်သည့် အခွင့်အလမ်းရှိသည်။ ပါဝင်ပတ်သက်နေသည့် နိုင်ငံကြီးများတွင် တရုတ် သည် နှစ်ဖက်ကစားနိုင်သည့်အခွင့်အလမ်းရှိသည်တို့ကို တွေ့ရသည်။ သို့ဖြစ်ရာ ငြိမ်းချမ်းရေးလုပ်ငန်းစဉ်အား လက်တွေ့ ဆောင်ရွက်ရာတွင် ပြောင်းလဲနေသည့် နိုင်ငံတကာ၏ ပါဝင်ပတ်သက်မှုနှင့် သက်ရောက်မှုများကို ထည့်သွင်းတွက်ချက်ရန် လိုပါသည်။

● ငြိမ်းချမ်းရေးလုပ်ငန်းစဉ်နှင့် နိုင်ငံတကာလေ့လာရေး
မြန်မာပြည်တွင်ငြိမ်းချမ်းရေးလုပ်ငန်းစဉ်အတွင်း ပါဝင်နေကြသူများအား နိုင်ငံတကာသို့၍ လေ့လာသည့်အစီအစဉ်များအား နိုင်ငံတကာ၏ ကူညီမှု များနှင့် ဆောင်ရွက်ထားသည်ကိုတွေ့ရသည်။ နိုင်ငံတကာလေ့လာရေးတွင် ပဋိပက္ခဖြေရှင်းရေးနှင့် ဖက်ဒရယ်မူကျင့်သုံးမှု အခြေအနေများအား လေ့လာရေးဟု နှစ်ပိုင်းခွဲ၍ တွေ့ရသည်။

တောင်အာဖရိက၊ အင်ဒိုနီးရှား၊ နီပေါ၊ မီဇိုရမ်တို့တွင် သွားရောက်သည့်လေ့လာလာမှုများသည် ပဋိပက္ခဖြေရှင်းရေးကို ဇောင်း ပေးသည့်လေ့လာရေးများဟု ဆိုနိုင်သည်။ သို့သော်လည်း ဖက်ဒရယ်မူဝါဒကျင့်သုံးမှုများလည်း တွဲ၍ ပါဝင်ပါသည်။ ကနေဒါနှင့် ဥရောပနိုင်ငံများသို့ သွားရောက်လေ့လာသည့်ခရီးစဉ်များသည် ဖက်ဒရယ်မူဝါဒကို ဇောင်းပေးလေ့လာသည် ခရီးစဉ်များဟုဆိုနိုင်ပါသည်။ ထိုခရီးစဉ်များမှ ကောင်းမွန်သော အတွေ့အကြုံ များရနိုင်ပါသည်။ ထို့အတူ မြန်မာပြည်ပြဿနာ ဖြေရှင်းရေးနှင့် အလွန်နီးစပ်၍ အကိုးအကားပြုနိုင်သည့် လေ့လာသင့်သည့် နိုင်ငံတခုရှိပါသေးသည်။ ထိုနိုင်ငံကား တရုတ် နိုင်ငံဖြစ်ပါသည်။

တရုတ်ပြည်တွင် တိုင်းရင်းသားပြသနာဖြေရှင်းထားရာတွင် တိဘက်၊ ရှင်ကျန်နှင့် အတွင်းမွန်ဂိုလီးယားတို့တွင် ပြဿနာရှိ သည်ဟု ဆိုနိုင်သော်လည်း ယူနန်ပြည်အတွင်း တိုင်းရင်းသားဒေသပြဿနာများကို ကောင်းမွန်စွာဖြေရှင်းနိုင်ထားနိုင်သည်ဟု ဆိုနိုင်သည်။ ထူးခြားချက်တခုမှာ ယူနန်ပြည်နယ်တွင်း တိုင်းရင်းသားဒေသများတွင် ကချင်၊ ရှမ်း၊ တအာင်းပလောင်၊ ကိုးကန့်၊ ဝ၊ အခါ စသည့် လူမျိုးများပါဝင်သည်။ ထိုတိုင်းရင်းသားလူမျိုးများသည် မြန်မာပြည်တွင်လည်း ရှိကြသည့်လူမျိုး များဖြစ်ကြသည်။ သို့ဖြစ်ရာ တူညီမှုများစွာကို ရှာဖွေတွေ့ရှိနိုင်ပါသည်။

ကွာခြားသည်မှာ မြန်မာပြည်တွင်ကျင့်သုံးရန်ကြိုးပမ်းနေသည်မှာ ဖက်ဒရယ်စနစ်ဖြစ်သည်။ တရုတ်ပြည်တွင် ကျင့်သုံးနေ သည်မှာ ကိုယ်ပိုင်အုပ်ချုပ်ရေးဒေသ Autonomous Region ဖြစ်သည်။ သို့ဖြစ်ရာ ထပ်တူကူးချ ရန်မဖြစ်နိုင်၊ ကွဲလွဲမှုတော့ ရှိပေမည်။ သို့သော် တရုတ်ပြည်တွင်းရှိ (မိမိတိုင်းပြည်တွင်း၌လည်းရှိပြီး ပဋိပက္ခဖြစ်နေသော) တိုင်းရင်းသားလူမျိုးများအား မည်သည့်အခွင့်အလမ်းများ ပေးအပ်ထားသည်ကို လေ့လာနိုင်သည်။ မည်သို့ပဋိပက္ခမဖြစ်ပွားအောင် ဆောင်ရွက်ထားနိုင် သည်ကို လေ့လာနိုင်သည်။

ဥရောပ၌ ကျင့်သုံးသည့်ဖက်ဒရယ်ကိုလေ့လာ၍ အကျိုးမယုတ်ပါ။ သို့သော် အာရှသားများနှင့် ဥရောပသားတို့၏ အကျင့် စရိုက် စဉ်းစားမှု များများစွာကွာခြားသည်။ သမိုင်းလည်း ကွာခြားသည်။ သို့ဖြစ်ရာ မိမိတို့နှင့်ယဉ်ကျေးမှုလည်းနီးစပ်ပြီး သမိုင်းဖြစ်ပေါ်မှုလည်း ကွာခြားမှုမရှိသည့် တရုတ်ပြည်ရှိ တိုင်းရင်းသားအုပ်ချုပ်ရေးဒေသများအား လေ့လာခြင်းဖြင့် အတွေ့ အကြုံကောင်းများစွာ ရရှိနိုင်ပါသည်။

သို့ဖြစ်ရာ ငြိမ်းချမ်းရေးလုပ်ငန်းစဉ်တွင် ရှေ့ဆောင်နေသူများအားတရုတ်ပြည် ယူနန်ပြည်နယ်ရှိ တိုင်းရင်းသားကိုယ်ပိုင်အုပ် ချုပ် ရေးဒေသများ (အထူးသဖြင့် မြန်မာပြည်တွင်လည်းရှိသည့် ကချင်၊ ရှမ်း၊ တအာင်းပလောင်၊ ဝ ၊ အခါ၊ ကိုးကန့်ဒေသများ) အားသွားရောက်လေ့လာ၍ သုတေသနပြုသင့်ပါသည်။ ထိုသို့ လေ့လာနိုင်ရေးအတွက် ငြိမ်းချမ်းရေးလုပ်ငန်းစဉ်တွင် ပါဝင် ပတ်သက်နေသော တရုတ်တို့နှင့် ပူးပေါင်းဆောင်ရွက်သင့်ပါသည်။

ဆက်လက်ဖေါ်ပြပါမည်။
မောင်မောင်စိုး
0