မြတ်လှိုင်း-ငြိမ်းငြိမ်းချမ်းချမ်းနေချင်သူကြီးတယောက်အကြောင်း(ကဗျာဆရာမောင်အောင်ပွင့်)

ငြိမ်းငြိမ်းချမ်းချမ်းနေချင်သူကြီးတယောက်အကြောင်း
(ကဗျာဆရာမောင်အောင်ပွင့်)
(စီးဆင်းနေသောမြစ်များနှင့်ပြန်မစီးဆင်းနိုင်တော့သောမြစ်များ)
မြတ်လှိုင်း
(မိုးမခ)၊ စက်တင်ဘာ ၈၊ ၂၀၁၇

ကျွန်တော်အင်အယ်ဒီဌာနချုပ်မှာတာဝန်ယူနေရတဲ့ ၁၉၈၈ နောက်ပိုင်းကာလ။

အမှတ်၄၄၊ တက္ကသိုလ်ရိပ်သာလမ်း၊ အင်အယ်ဒီဌာနချုပ် ရုံးစဖွင့်ခါစအချိန်မှာ ဧရာဝတီတိုင်း စည်းရုံးရေးအဖွဲ့(ရုံး)က ဌာနချုပ်ရုံးအနောက်ဖက်မှာ တဲထိုးပြီး နေရပါတယ်။ အင်အယ်ဒီဌာနချုပ်ရုံး အုပ်ချုပ်ရေးမှူးက ဆရာဦးဝင်းခက်ပါ။ ဆရာဦးဝင်းခက်က အင်အယ်ဒီရဲ့ပထမဗဟို ဦးစီးအဖွဲ့ဝင် ပါ။ 

အဲဒီအချိန်ကအင်အယ်ဒီရုံးအဖွဲ့ဝင်တွေအားလုံးက ဆရာ ဦးဝင်းခက်ကို ချစ်ကြောက်ရိုသေခဲ့ကြတယ်။ သူ့ကွယ်ရာမှာ ဝခ လို့နာမယ်ပေးထားခဲ့ကြတယ်။ ရုံးအဖွဲ့ဝင်တွေ အားလုံး ကို မနက်စာထမင်းကျွေးတော့ ဦးဝင်းခက်က လက်မှတ်လေးတွေ တယောက်ချင်းထုတ်ပေးတယ်။ ထမင်းစားလက်မှတ်ဆိုပါတော့။

တမနက်ခင်းမှာပေါ့။ ဌာနချုပ်ရုံးနောက်က တဲတန်းလျားမှာထိုင်ပြီးအလုပ်လုပ်နေတုန်း (ဝခ) ခေါ်ခိုင်းလိုက်တယ်ဆိုတော့ ရုံးအရှေ့မှာဖွင့်ထားတဲ့ ရံပုံငွေလက်ဖက်ရည်ဆိုင်ကို ထသွားခဲ့တယ်။ ဆရာဦးဝင်းခက်ဘေးမှာထိုင်နေတာက ကိုအောင်ပွင့်။


ကျွန်တော်နှုတ်ဆက်လိုက်တယ်။ ”ကိုပွင့်ရောက်နေပြီလား၊ ဗိုလ်ချုပ်မြင့်အောင်က နှင်ထုတ်လိုက်တာ မဟုတ်လား” လို့ ကျွန်တော် ကိုပွင့်ကိုပြောလိုက်တယ်။

ကိုအောင်ပွင့်ပြုံးပြီး ”မောင်ရင့်လိုပေါ့ကွာ” လို့ လေသံအေးအေးလေးနဲ့ပြန်ပြောတယ်”


မင်းတို့က ဧရာဝတီသူပုန်တွေပေါ့၊ ကိုအောင်ပွင့်ကို မင်းတာဝန်ယူပေတော့၊ ကိုပွင့်က မြတ်လှိုင်းတို့ ရုံး အဖွဲ့ကိုကူပေါ့၊ ဒါမှမနက်စာတနပ်တော့စားရမှာ”

ဆရာဦးဝင်းခက်က ရီပြီး ပြောတယ်။ ရုံးချုပ်မှာမနက်စာစား။ အလုပ်တွေလုပ်၊ ညနေရောက်ရင် ကိုအောင်ပွင့်၊ ကိုအောင်ဝေးနဲ့ ကျွန်တော်တို့ သုံးယောက်သား ၃၃ လမ်းက လေထန်ကုန်းကို ချီတက် ခဲ့တယ်။

ဒါကလည်း သိပ်မကြာလိုက်ပါဘူး။ ကိုအောင်ဝေးနဲ့ ကျွန်တော်ကဧရာဝတီတိုင်းကို စည်းရုံးရေး ခရီးထွက်  တော့ ဌာနချုပ်မှာ ကိုအောင်ပွင့်တယောက်ထဲ ကျန်နေခဲ့တယ်။တယောက်ထဲကျန်ခဲ့တော့ မနေချင်တော့ ဘူးထင်တယ်။ ကိုယမုံ၊ ကိုသာချိုတို့ ကိုခင်လွန်းတို့လုပ်နေတဲ့ အိပ်မက်ဖူးမဂ္ဂဇင်းအဖွဲ့ဆီ ရောက်သွား တယ်။

ကျွန်တော်ခရီးကပြန်လာတိုင်း ကိုပွင့်နဲ့ ၃၃ လမ်းက လေထန်ကုန်းမှာ ဆုံဖြစ်တယ်။ နောက် အင်အယ်ဒီ အထွေထွေအတွင်းရေးမှူး ဒေါ်အောင်ဆန်းစုကြည်ရဲ့ ဧရာဝတီတိုင်းပထမခရီးစဉ်၊ ပုသိမ်မှာ ကိုအောင်ဝေး တို့ အဖမ်းခံလိုက်ရတယ်။ အဲဒီ့ခရီးစဉ်ကအပြန်မှာ အင်းလျားကန် အရှေ့၊ ကန်လမ်းမှာ ကျွန်တော် တယောက်ထဲနေခဲ့ရတယ်။ ကိုအောင်ဝေးအဖမ်းမခံရခင်က ကန်လမ်းမှာ ကိုအောင်ဝေးနဲ့ ကျွန်တော် အတူနေခဲ့ရတယ်။

ကိုအောင်ပွင့်နဲ့အတူပြန်နေဖြစ်တာက ၁၉၈၉ မှာပေါ့။ အစ်မကြီး(ဒေါ်)စမ်းစမ်းနွဲ့ (သာယာဝတီ)က မောင်သာရဝတ္ထုတိုဆုရတဲ့အထိမ်းအမှတ်အနေနဲ့ ကိုမင်းသစ်ခြံကျယ်ကြီးထဲမှာ ဧည့်ခံပွဲလုပ်ပါတယ်။ အဲဒီပွဲမှာ စာရေးဆရာ၊ ကဗျာဆရာတွေတော်တော်များများပါတယ်။ စားရင်းသောက်ရင်းနဲ့ ကိုပွင့်က ကျွန်တော့်အနားမှာလာထိုင်ပြီးပြောတယ်။

”မြတ်လှိုင်း ရေ၊ ကိုယ်ညဖက်ရောက်ရင် ဟိုလူ့ဆီလိုက်အိပ်ရမလား၊ ဒီလူ့အိမ်လိုက်အိပ်ရ မလားနဲ့ ညနေတိုင်း စိတ်ပူပန်နေရတယ်၊အတည်တကျပြန်အိပ်ရမယ့်အိပ်စရာနေရာလေးတခု လိုချင်တယ်ကွာ၊ အခုဟာက မငြိမ်းချမ်းဘူး”တဲ့။
ငြိမ်းငြိမ်းချမ်းချမ်းလေးနေချင်တဲ့ ကိုပွင့်ပြောတာကို ကျွန်တော်ခံစားနားလည်လိုက်မိတယ်

ကိုပွင့်ကလည်း အားနာတတ်သူတယောက်မဟုတ်လား။ ကွန်တော်လည်းချက်ချင်းပြန်ပြောလိုက် တယ်။”ကျွန်တော့်အဆောင်မှာလာနေပေါ့ကိုပွင့်ရာ၊ ကိုအောင်ဝေးနေခဲ့တဲ့ ခုတင်လည်း ရှိတယ်၊ အိပ်ရာခြင်ထောင်လည်း ရှိတယ်၊ ဘာမှအားနာစရာလည်းမလိုဘူး”

ကျွန်တော်လည်း နေရာပေါင်းစုံမှာလိုက်အိပ်ဖူးတယ်လေ။ ညနေစောင်းရင်ဘယ်မှာအိပ်ရ မလဲလို့တွေးမိ မှာကြောက်ခဲ့တဲ့အချိန်တွေရှိခဲ့ပါတယ်။ ကိုမင်းသစ်ခြံထဲမှာလည်း ညပေါင်း များစွာ အိပ်ခဲ့ဖူးတယ်။ ကိုမင်းနွယ်စိုးအိမ်မှာလည်း လိုက်အိပ်ဖူးသလို၊ ကိုဇောင်းထက်အိမ်မှာလည်း အိပ်ခဲ့ဖူးတော့ အခု ကိုပွင့် လို ချင်တဲ့အိပ်စရာနေရာလေးတနေရာဆိုတာကို ခံစားနားလည်နိုင်ခဲ့တယ်။

အဲဒီညမှာပဲ အစ်ကိုမင်းသစ်ခြံကအပြန်မှာ ကိုပွင့်ပါလာခဲ့တယ်။ မနက်ဖက်ဆို ကန် လမ်းထိပ်က မုန့်ဟင်း ခါးဆိုင်မှာ အတူစားသောက်ပြီး ကျွန်တော်က တက္ကသိုလ်ရိပ်သာလမ်းကို သွားတယ်။ ကိုပွင့်က မြို့ထဲကို ချီတက်တယ်။

ညဖက်ဆိုအဆောင်မှာ ပြန်ဆုံဖြစ်ကြတယ်။ ကိုပွင့်ပြန်ရောက်နေတာက များသောအားဖြင့် စောပါတယ်။ ညတိုင်းကျွန်တော်အတွက် ဘီအီးတပိုင်း ဝယ်လာပေးတယ်။ ကျွန်တော်က ပေါင်မုန့်တစ်လုံးဝယ်လာတယ်။

ဘီအီးနဲ့ခပ်ပေါပေါပေါင်မုန့်ကိုမြည်းတာပေါ့။ ကျွန်တော်တို့နှစ်ယောက်အတွက် အေးချမ်း ငြိမ်းချမ်းတဲ့ ကာလလေးတွေလို့ ဆိုရမှာပါ။ တခါတရံမှာတော့ ငြိမ်းချမ်းတဲ့ ကျွန်တော်တို့ ကမ္ဘာလေးကို အနှောင့် အယှက်တွေ ယူလာတတ်တာတခုပါပဲ။

အဲဒီအချိန်က ကိုပွင့်က ဗိုလ်ကြီး(မောင်သင်းခိုင်)နဲ့တွဲတယ်လေ။ ဗိုလ်ကြီးနဲ့အတူ ကိုချော (မောင်ချောနွယ်)၊ ကိုမြေကြီး(မြေချစ်သူ)တို့ အဆောင်ကိုလိုက်လာတတ်တယ်။ ကိုချောနဲ့ ကိုမြေကြီးတို့က အေးအေးဆေးဆေးပါ။ စကားပြောရင်လည်း အေးအေးဆေးဆေးပါပဲ။

ဗိုလ်ကြီးကတော့ မအေးဆေးဘူးလေ။ ကျွန်တော်နဲ့က ကိုမင်းသစ်ခြံထဲမှာ တခြင်ထောင်ထဲ အကြာကြီး အိပ်ခဲ့ဖူးတော့ ဗိုလ်ကြီးအကြောင်းကို သိနေတယ်။ ကဗျာအကြောင်းပြောကြတဲ့ အခါမှာတော့ အားပါပါေ ပြောတတ်တာအကြောင်းမဟုတ်ပါဘူး။ တခါတခါ ဂျီကျတတ်တယ်လေ။ အဲဒီလိုဆိုရင် ကိုပွင့်က အင်းလျားကန်ဘောင်ပေါ်ခေါ်သွားရတော့တာပဲ။အဆောင်အောက်ထပ်မှာက ပိုင်ရှင်တွေရှိတယ်လေ။ ကိုပွင့်က အရမ်းသိတတ်၊ အားနာတတ် တယ်မဟုတ်လား

အင်အယ်ဒီမှာမှတ်တမ်းလွှာအယ်ဒီတာအဖြစ် ကိုပိန်ပိန်နဲ့တွဲပြီးတာဝန်ယူတဲ့အချိန်မှာ မှတ် တမ်းလွှာထွက်တဲ့နေ့ဆို မှတ်တမ်းလွှာ ၁၀ စောင် ကိုပွင့်အတွက် ယူလာပေးရတယ်။ အဲဒီအချိန်က မှတ်တမ်းလွှာကို ရုံးချုပ်ကဖြန့်ချိတာနှစ်ကျပ်ပြားလေးဆယ်။

လက်ပွေ့သမားတွေက ငါးကျပ်နဲ့ရောင်းကြပါတယ်။
”ကိုရင်ရယ် ငါတို့ကဗျာဆရာတွေမှာ မှတ်တမ်းလွှာဖတ်ချင်ပေမယ့် ငါးကျပ်က မတတ်နိုင်ဘူးကွာ၊ ကိုရင်ယူလာတဲ့မှတ်တမ်းလွှာဆယ်စောင်ကို ၃၃ လမ်းမှာ အလုအယက်ပဲ။ ဒီထက်ပိုရ ရင် ကောင်းမှာ” လို့ ကိုပွင့်ကပြောတာသတိရနေသေးတယ်။

အဲဒီမှတ်တမ်းလွှာအယ်ဒီတာလုပ်လို့စစ်ထောက်လှမ်းရေးက ကျွန်တော်နဲ့ ကိုပွင့်နေတဲ့ အဆောင်ကို ညဘက်ကြီးစစ်ကားနှစ်စီးနဲ့ဝိုင်းထားပြီးဖမ်းတာကိုခံလိုက်ရတယ်။

ကျွန်တော့်ကိုဖမ်းသွားပြီးနောက်ပိုင်းမှာ ကန်လမ်းအဆောင်ကို ကိုပွင့်ပြန်မအိပ်တော့ဘူး။ အဲဒီညက အဆောင်မှာကျန်ခဲ့တဲ့ ကိုပွင့်ဟာ တော်တော်ကြီးစိတ်ထိခိုက်သွားပုံရတယ်။

ကိုပွင့်က တီအမ်တီဆိုတဲ့ ဗီဒီယိုဂျာနယ်လုပ်နေတယ်။ ကိုဇောင်းထက်ရဲ့ညီ အာနိုးက ရိုက်ကူးရေးကို တာဝန်ယူပြီး ကိုပွင့်က တည်းဖြတ်ရေးကိုတာဝန်ယူတယ်။ ကျွန်တော့်ကို ဖမ်းသွား ပြီးတော့ ကိုပွင့်က ဘားလမ်းကတီအမ်တီမှာပဲ နေတော့တယ်။ တီအမ်တီ ကုမ္ပဏီပိုင်တဲ့ ဘားလမ်းတိုက်ကြီးက ကြီးကျယ် တယ်ထင်ပြီး ကိုပွင့်က မနေချင်ခဲ့တာ။

ကန်လမ်းအဆောင်လေးက ငြိမ်းချမ်းတယ်လို့ ကိုပွင့်ခဏခဏပြောတယ်။
ညဖက်အဆောင်ပြန်ရောက်ရင် အဆောင်ကလူတွေနဲ့စစ်တုရင်(Chest)ထိုးနေတတ်တယ်။ ကိုအောင်ပွင့်နဲ့ကျွန်တော်က အတူနေတာကြာပေမယ့် တခါမှအငြင်းအခုန်မလုပ်ဖူးဘူး။


ဒါပေမဲ့ ဆရာကြီးဒဂုန်တာရာပြီးရင် ကဗျာလောကခေါင်းဆောင်အနေနဲ့ ဗိုလ်ကြီး (မောင်သင်း ခိုင်) ပဲ ရှိတာပေါ့ကွာလို့ ကိုပွင့်ပြောတာကိုတော့ ကျွန်တော်ငြင်းဖူးတယ်။ ကိုပွင့်စိတ်ထဲမှာ တကယ်ယုံကြည်နေတာ ပါ။ ကျွန်တော်က ဆရာဒဂုန်တာရာဟာ ငြိမ်းချမ်းရေးကဗျာဆရာလို့ ကျွန်တော်အနေနဲ့ယုံထားတယ်။ အဲဒီအတွက် ဆရာကြီးဒဂုန်တာရာပြီးရင် ကိုအောင်ပွင့်ပဲလို့ ကျွန်တော်ပြောခဲ့ဖူးတယ်။

ကျွန်တော်ကလည်း တကယ့်ကိုယုံကြည်ခဲ့တာပါ။ ကိုပွင့်အမေက ပြည်တွင်းစစ်မှာပျောက်ဆုံးသွားခဲ့တယ်၊  မောင်အောင်ပွင့်ဆိုတာ နာမယ်အရင်းပါ။

ဒီနာမယ်ရင်းနဲ့ကဗျာတွေရေးနေတာ တကယ်လို့ကိုပွင့်ရဲ့အမေရှိနေသေးရင်သိရအောင်ဆိုပြီး ခဏခဏ ပြောပြဖူးပါတယ်။ ပြောပြတဲ့အခါတိုင်းလည်း မြန်မာပြည်ကြီးစစ်ပွဲတွေ ပြီးစေချင်လှပြီ။ မြန်မာပြည်သူပြည်သားအားလုံး ငြိမ်းချမ်းစေချင်ပြီလို့ တမ်းတမ်းတတပြောနေတတ်တာပါ။

ကိုပွင့်ကခံစားချက်နူးညံ့တယ်။ စကားပြောရင်လည်း သိမ်သိမ်မွေ့မွေ့ညင်ညင်သာသာ ပြောတတ်တယ်။ သူများအပေါ်မနာလိုဝန်တိုစိတ်မရှိတဲ့ သူတယောက်ပါ။ ကြွားဝါလိုစိတ်လည်း အလျဉ်းမရှိပါဘူး။ တကယ့်ကို ငြိမ်းချမ်းရေးကဗျာဆရာပီသပါတယ်။

ကိုပွင့်ရဲ့သားနဲ့သမီးကို မောင်ကြီးငြိမ်းချမ်းနဲ့ လုံမငြိမ်းချမ်းဆိုပြီး နာမယ်ပေးတာကို ကြည့်ရင် သိနိုင်ပါတယ်။
ကိုပွင့်က အိမ်အရမ်းလွမ်းတယ်လို့ပြောတတ်တယ်။ သူ့သမီးကိုလွမ်းရင် မျက်ရည်ကျ တတ်တယ်။ တခုခုကိုမြင်တွေ့လို့ခံစားတတ်မှုဟာ နူးနူးညံ့ညံ့လေး။ သိမ်သိမ်မွေ့မွေ့လေးပါ။

သိပ်မကြာခင်က ကိုပွင့်အကြောင်းကို နိုင်ငံတကာငြိမ်းချမ်းရေးကဗျာဆရာတယောက်ဆိုပြီး ရုပ်ရှင်ရိုက် တာပြသွားပါတယ်။ ဒီလိုငြိမ်းချမ်းရေးကို အသက်ထက်တောင်လိုလားတဲ့ ကဗျာ ဆရာတယောက်က မြန်မာပြည်မှာထောင်ခဏခဏကျနေတာကိုတော့ အံ့သြမယ်ဆိုရင် အံ့သြစရာဖြစ်ပေမယ့် မြန်မာပြည် အနေနဲ့တော့မအံ့သြတော့ပါဘူး။

ကျွန်တော်ထောင်ကျနေတဲ့အချိန်မှာ မြင်းခြံထောင်ကိုအပို့ခံလိုက်ရတော့၊ ကျွန်တော့် အိမ်က တစ်နှစ် လောက်မှာမှ တခေါလောက်ပဲ ထောင်ဝင်စာလာတွေ့နိုင်ပါတယ်။ ရန်ကုန်မှာ ရှိနေသေးတဲ့ကိုပွင့်က တစ်လတခါ လူကြုံနဲ့ငွေပို့ပေးခဲ့တယ်။ အခုပြန်စဉ်းစားရင် အလွန် ကျေးဇူး တင်စရာပါပဲ။ နောက်တော့ မြင်းခြံထောင်ထဲကနေ သတင်းကြားလိုက်ရတယ်။
ကိုပွင့်အဖမ်းခံလိုက်ရပြီတဲ့။

အဲဒီအချိန်ကတည်းက ကျွန်တော်ဟာကိုပွင့်နဲ့ပြန်မဆုံတော့တာပါ။ နောက်ပိုင်းကျွန်တော် ကလည်း စာပေနယ်နဲ့မလှမ်းမကမ်းကိုရောက်သွားခဲ့တယ်။ မလှမ်းမကမ်းဆိုပေ မယ့်လည်း စာပေနယ်ကိုခြေဦး လုံးလုံးမလှည့်နိုင်ခဲ့ပါဘူး။ ဇာတ်ညွှန်းရေးသူ တယောက်ဘဝမှာ လုံးလုံး နစ်မြုပ်သွားခဲ့ရတယ်။ ပြောမယ်ဆိုရင် စာပေနယ်ဖက်ကိုပြန်မလှည့်နိုင်ခဲ့ပေမယ့် ၂၀၁၂ မှာ ဒေါ်အောင်ဆန်းစုကြည် ငြိမ်းချမ်းရေး နိုဗယ်ဆုရတဲ့ နှစ်နှစ်ဆယ်မြောက်နေ့အခမ်းအနားက နေစပြီး နိုင်ငံရေးနယ်ကိုပြန်ခြေလှမ်းခဲ့တယ်။

ရန်ကုန်တက္ကသိုလ်ထဲမှာ ငြိမ်းချမ်းရေးနိုဘယ်ဆုရှင်လွတ်မြောက်ရေးအတွက်ဆန္ဒပြခဲ့လို့ ကျွန်တော်ထောင် (၁၀)နှစ်ကျခဲ့ရတာပါ။ ရှစ်လေးလုံးငွေရတုမဂ္ဂဇင်းထုတ်ဖို့ အယ်ဒီတာအဖွဲ့မှာ တာဝန်ယူတော့ ဘယ်သူတွေ ဆီက စာမူတွေတောင်းမလဲဆိုပြီးညှိနှိုင်းတဲ့အချိန်မှာ ကဗျာဆရာထဲက ကိုအောင်ပွင့်တယောက်ထဲဆီက တောင်းဖို့ဆုံးဖြတ်နိုင်ခဲ့တယ်။

ကိုပြည်သွေးနိုင်က ကိုအောင်ပွင့်ကဗျာတောင်းဖို့သူ့မှာ Email ရှိတယ်ဆိုပြီး တာဝန်ယူလိုက်တယ်။ ဒါလောက်နဲ့ပဲ ကျွန်တော်အနေနဲ့ ကိုပွင့်အပေါ်မှာတာဝန်ကျေပြီလို့ မထင်ခဲ့ပါဘူး။
ကျွန်တော်နဲ့အတူနေခဲ့လို့မဟုတ်ပဲ၊ ဒီစာပေနယ်မှာကျွန်တော့်အတွက်အစဉ်အမြဲချစ်နေမယ့် ကဗျာဆရာ အစ်ကိုနှစ်ယောက်ရှိနေပါတယ်။ ကဗျာဆရာအောင်ဝေးနဲ့ မောင်အောင်ပွင့်ပါ။

ကိုအောင်ဝေးကတော့ နိုင်ငံရေးအစဉ်တက်ကြွတဲ့ကဗျာဆရာဖြစ်သလို မောင်အောင်ပွင့်ကတော့ အစဉ် အမြဲငြိမ်းချမ်းရေးကိုလိုလားတဲ့ကဗျာဆရာပါပဲ။ ကျွန်တော်တို့မသေသေးခင်မှာ ဆုံတွေ့နိုင်မယ်ဆိုရင် ပြန်ဆုံတွေ့ချင်ပါတယ်။

မြတ်လှိုင်း
(Dailly Eleven Journal, Sept 6,2017) 
0