မောင်လူပေ - စာပေဟောပြောပွဲဆီသို့



မောင်လူပေ - စာပေဟောပြောပွဲဆီသို့
(မိုးမခ) စက်တင်ဘာ ၃၊ ၂၀၁၇

'စာပေတင့်မှလူမျိုးမြင့်မည်' တဲ့။ ဟုတ်ပါတယ်။ လူမျိုးတစ်မျိုးရဲ့ အဆင့်အတန်းကို သူ့ရဲ့စာပေဖွံ့ဖြိုးမှုကို ကြည့်ပြီး အကဲခတ်လို့ရပါတယ်။

မြန်မာစာပေဟာလည်း ပေါ်ပေါက်ခဲ့တာ နှစ်ပေါင်းထောင်ချီရှိခဲ့ပါပြီ။ တိဘက်မြန်မာအနွယ်ဝင် မြန်မာတွေဟာ တိဘက်ကုန်းမြင့်က ဆင်းသက်လာကြပေမဲ့ စာပေရေးသားမှုကိုရော ယဉ်ကျေးမှုကိုပါ အိန္ဒိယကို မှီငြမ်းခဲ့ကြပါတယ်။ အစောဆုံးမြန်မာစာအဖြစ် မြစေတီကျောက်စာမှာ တွေ့နိုင်ပါတယ်။ ကျောက်စာတွေရေးခဲ့ကြတယ်။ မှင်စာတွေရေးခဲ့ကြတယ်။ ပေစာတွေရေးခဲ့ကြတယ်။ ကဗျာ လကာင်္တွေ သီခဲ့ကြတယ်။ ပျို့၊အဲချင်း၊ အေးချင်း၊အိုင်ချင်း၊တေးထပ်၊ ရတု၊ ရကန်၊ ဘောလယ် စတဲ့ မြန်မာမှုအနုသုခုမတွေကို သီကုံးခဲ့သူ ပညာရှင်တွေ ခေတ်အဆက်ဆက်မှာ ပေါ်ထွန်းခဲ့ပါတယ်။

ပုဂံခေတ်က အနန္တသူရိယအမတ်ကြီးကစပြီး ပင်းယခေတ်၊ အင်းဝခေတ်က ပေလေးပင်ရှင်လေးပါး၊ ကုန်းဘောင်ခေတ်က မြဝတီမင်းကြီး၊ စလေဦးပုည တို့အလယ်၊ ယခုခေတ် စာဆိုတွေဖြစ်တဲ့ ချစ်ဦးညို၊ဂျူး တို့အဆုံး စာဆိုပညာရှင်တွေအများကြီးပေါ်ထွန်းခဲ့တဲ့ နိုင်ငံတစ်ခုဆိုလည်း မမှားနိုင်ပါ။

ဘုရင့်အကြိုက်ရေးရတဲ့ နန်းတွင်းစာဆိုတွေရှိသလို ပြည်သူတွေရဲ့ဘဝတွေကို သီကုံးခဲ့တဲ့စာဆိုတွေလည်းအများကြီးပါပဲ။ ပြည်သူချစ်သော စာဆိုတွေမို့ ခေတ်အဆက်ဆက်မှာ သူတို့ရဲ့စာတွေမတိမ်ကောခဲ့ကြပါ။

ခေတ်ပေါ်မြန်မာဝတ္ထုကတော့ ဂျိမ်းလှကျော်ရဲ့ 'မောင်ရင်မောင်မမယ်မ' က စခဲ့ပါသတဲ့။ အဲဒီနောက်မှာ မကြာမှီပေါ်လာခဲ့တဲ့ စာရေးဆရာ ဦးကြီးရဲ့' ချဉ်ပေါင်ရွက်သည်မောင်မှိုင်း' ဝတ္တုကလည်း အတော်နာမည်ကျော်ခဲ့သတဲ့။ ဂုဏ်သရေရှိလူကြီးလူကောင်းတွေက မစ္စတာတွေ နာမည်ရှေ့တတ်ပြီးဂုဏ်ယူကြတဲ့ခေတ်ကို အမြင်ကပ်နေတဲ့ စာရေးဆရာကြီးဆရာလွန်းက ဝတ္ထုဇာတ်လိုက် ကြာကူလီမောင်မှိုင်းအမည်ကိုယူပြီး မစ္စတာမောင်မှိုင်းအမည်ခံလိုက်လို့ မစ္စတာတွေ တခန်းရပ်ကုန်ကြရပါသတဲ့။ မစ္စတာမောင်မှိုင်းကလောင်က တွင်သွားပြီမို့ ဒို့ဗမာအစည်းအရုံးဝင်ဖြစ်သွားတဲ့အခါအထိ သခင်ကိုယ်တော်မှိုင်းကလောင်အမည်နဲ့ ပြည်သူ့စာဆိုကြီး ဖြစ်ခဲ့ပါသတဲ့။ စာပေသြဇာဟာ ဒီလောက်ထိ ကြီးမားခဲ့ပါတယ်။

ခေတ်စမ်းစာပေကို ဦးဆောင်ခဲ့ကြသူတွေကတော့ သိပ္ပံမောင်ဝ၊ ဇော်ဂျီနဲ့ မင်းသုဝဏ် (ယခု မြန်မာနိုင်ငံသမ္မတကြီး ဦးထင်ကျော်၏ ဖခင်) တို့ပါပဲ။ စာရှည်ကြီးတွေရေးတဲ့ခေတ်ကနေ လိုရင်းတိုရှင်းရေးတဲ့ခေတ် ရောက်လာပါပြီ။ ကဗျာ၊ စကားပြေခေတ်ဆန်းချိန်ပေါ့။ သာမန်ပြည်သူတွေပါ စာပေတွေရေးသားနိုင်တဲ့ခေတ်ကို ရောက်ခဲ့အောင် ခေတ်အဆက်ဆက် ဖြတ်ခဲ့ကြရတယ်။ ဆရာဒဂုန်တာရာတို့နဲ့ ' စာပေသည်စာပေအတွက်လား၊ စာပေသည် ပြည်သူ့အတွက်လား၊' ဆိုပြီး ငြင်းခုန်ခဲ့ကြတယ်။ ဆရာဒေါင်းနွယ်ဆွေဦးဆောင်တဲ့ ကာရံမဲ့ဗျာတွေ ခေတ်စားလာတော့ ကဗျာဆိုတာ ကာရံမဲ့သင့် မမဲ့သင့် ငြင်းခုန်ခဲ့ကြတယ်။ ဆရာဇော်ဇော်အောင်တို့အုပ်စုက ပို့မော်ဒန်စာတွေဖန်တည်းကြတယ်။ အနုပညာတွေကို လွတ်လပ်စွာဖန်တည်းနိုင်တဲ့ခေတ်ကို ရောက်လာခဲ့တယ်။ မြန်မာစာပေဟာ ခေတ်တွေကိုဖြတ်သန်းရင်း အဆင့်ဆင့် ပြောင်းလည်းလာခဲ့ပါတယ်။

အခုတော့ ရသစာတွေ တိမ်မြုတ်နေကြတယ်တဲ့။ စာဖတ်သူလူငယ်တွေနည်းလာနေတယ်လို့ အသံတွေကြားနေရတယ်။ လူတွေဆင်းရဲဒုက္ခရောက်နေကြတဲ့ခေတ်မှာ စာမဖတ်နိုင်ကြဘူးလို့လဲ ဆရာမောင်စိန်ဝင်းက ပြောခဲ့ဖူးတာ မှတ်သားဖူးတယ်။ ဒီအခက်အခဲတွေကြားကပဲ ပြည်သူ့ကြားကပေါက်ဖွားလာတဲ့ ပြည်သူ့ စာရေးဆရာအများစုကတော့ ပြည်သူတွေကိုအသိပညာပေးဖို့အတွက် တနိုင်ငံလုံးအနှံ့သွားပြီး စာပေဟောပြောပွဲတွေ ပြုလုပ်နေကြတာ အားရစရာပါ။

မြန်မာစာပေချစ်သူတွေများတဲ့ ဆန်ဖရန်စစ္စကိုဗေးဧရိယာမှာလည်း သက္ကရာဇ်၂၀၀၀ ခုနှစ်ကစလို့ နှစ်စဉ်နှစ်တိုင်း စာပေဟောပြောပွဲတွေ ကျင်းပလာခဲ့တာ ယခုအကြိမ်ဆိုရင် (၁၈)ကြိမ်ရှိခဲ့ပါပြီ။ ဒီနှစ်အတွက် လာရောက်ဟောပြောမဲ့စာရေးဆရာတွေကတော့.......

' ဆရာ ချစ်ဦးညို၊ ဆရာမဂျူးနဲ့ ဆရာထင်လင်းဦး' တို့ ဖြစ်ပါတယ်။

ဆရာချစ်လို့ ချစ်စနိုးခေါ်ကြတဲ့ တကယ်လည်း ချစ်ဖို့ကောင်းလှတဲ့ ဆရာချစ်ဦးညိုကိုတော့ မိတ်ဆက်ပေးရန်မလိုပါ။ မြန်မာမှု မြန်မာ့ယဉ်ကျေးမှု မြန်မာ့သမိုင်းတွေကို ကျွမ်းကျင်လှတဲ့ ဆရာချစ်ဟာ သက်ရှိစာပေဟင်းလေးအိုးကြီးပါပဲ။ အငြိမ့်၊ သဘင်၊ ရုပ်ရှင်စတဲ့အနုသုခုမပညာတွေကိုပါ ပညာရှင်အဆင့် တတ်မြောက်ခဲ့သူဆရာတစ်ဦးပါ။ ရာဇဝင်တွေသမိုင်းတွေကို ဖတ်ကြသူနည်းပေမဲ့ ဆရာချစ်ရဲ့လက်ရာ သမိုင်းရာဇဝင်နောက်ခံဝတ္ထုတွေဟာ အကြိမ်ကြိမ်ရိုက်နှိပ်ခဲ့ရပါတယ်။ ဆရာ့လက်ရာ ' လကာင်္ဒီပချစ်သူ' ကြောင့် ရာမ၊ သီတာ၊ဒဿဂီရိတို့ရဲ့ သုံးပွင့်ဆိုင်အချစ်ဇာတ်လမ်းကို သိခဲ့ရတယ်။ 'နှင်းကေသရာချစ်တဲ့သူရဲကောင်း' ကိုဖတ်ရင်း မွန်သူရဲကောင်းလဂွန်းအိမ်ရဲ့သစ္စာတရားကို ရင်းနှီးခဲ့ရတယ်။ 'ရှင်စောပု' နဲ့ ပထမဆုံးမွန်ဘုရင်မကြီးကို ပိုစိတ်ဝင်စားမိခဲ့တယ်။ ငြိမ်းချမ်းရေးမဟာတမန်၊ ရတနာဂီရိအကျဉ်းသား၊ မဟာသေနာပတိ စသည်နဲ့ ဆရာ့စာတွေဖတ်ပြီး သမိုင်းထဲက ဘုရင်တွေ ဇာတ်ကောင်တွေနဲ့ ရင်းနှီးခဲ့ရတာပါ။

ဆရာမဂျူးကလည်း နိုင်ငံကျော် ဘက်ဆဲလ်လားစာရေးဆရာမတစ်ဦးပါပဲ။ ဆရာဝန်အလုပ်ကိုစွန့်ပြီး စာရေးဆရာဘဝကို ခံယူခဲ့တဲ့သူ။ အမျိုးသမီးတွေရဲ့စိတ်ခံစားချက်၊ ခွန်အား၊ မာန၊ ဆရာမဂျူးကလည်း နိုင်ငံကျော် ဘက်ဆဲလ်လားစာရေးဆရာမတစ်ဦးပါပဲ။ 'အမှတ်တရ' ကစပြီး နာမည်ကျော်လာခဲ့ပြီး ဆရာမရေးတဲ့စာအုပ်တွေများစွာဟာ စာအုပ်ဘဝကနေ ရုပ်ရှင်တွေအဖြစ်လည်း ပြောင်းလည်းခဲ့ပါတယ်။ မိန်းမတစ်ယောက်ရဲ့ဖွင့်ဟဝန်ခံချက်၊ မရှိမဖြစ်မိုး၊ ကြေမွသွားသောတိမ်တိုက်များအကြောင်း၊ကြာတော့သည်လည်း မောင့်စကား၊ နံရံ၏အခြားတဖက်၊ စတဲ့ စာအုပ်ပေါင်းများစွာဟာ ယနေ့ထိတိုင် အကြိမ်ကြိမ် ရိုက်နှိပ်နေရဆဲ ဖြစ်ပါတယ်။

ဆရာထင်လင်းဦးကတော့ ပညာပေးစာတွေရေးသားဟောပြောနေသူ။ ပြည်သူ့ပါတီကြီးရဲ့ အလုပ်အမှုဆောင်ဟောင်းတစ်ဦး။ ဘာသာ၊ သာသနာကို ခုတုံးလုပ်နေတဲ့ အမျိုးသားရေးကိုယ်တော်တွေနဲ့ အစိုးရကို ပြတ်သားစွာ ဝေဖန်ထောက်ပြခဲ့သူ။ ဒါကြောင့်လည်း ဒီလူတွေရဲ့အငြိုးထားမှုခံရပြီး ထောင်ချခံခဲ့ရသူ။ အမှန်တရားရဲ့ဘက်တော်သားတစ်ဦးဆိုလည်း မမှားနိုင်ပါဘူး။

ဒီလိုနာမည်ကြီးစာရေးဆရာသုံးဦးရဲ့ အမေရိကန်နိုင်ငံ စာပေဟောပြောပွဲဟာ ကြုံတောင့်ကြုံခဲပွဲတစ်ခုလို့ဆိုနိုင်ပါတယ်။ သူတို့တွေဟောပြောတာကို တဝကြီးနားထောင်ကြမယ်။ စာရေးသူနဲ့စာဖတ်သူ တွေ့ဆုံမေးမြန်ခန်းလည်း ပါဝင်ပါလိမ့်မယ်။

ကျင်းပမဲ့အချိန်ကတော့ ယခုလာမဲ့ စက်တင်ဘာလ (၂၃)ရက်နေ့ စနေနေ့ညနေမှာ ကျင်းပပြုလုပ်မှာဖြစ်ပါတယ်။ ညနေ ငါးနာရီခွဲမှ ညဆယ်နာရီအထိပါ။

ကျင်းပမဲ့နေရာကတော့......

Southern Alameda County Buddhist Church (SACBC)
32975 Alvarado Nile Rd,
Union City, CA 94587

ဖြစ်ပါတယ်။ကြွရောက်လာကြတဲ့ စာပေချစ်သူအပေါင်းကို ညနေအဆာပြေ မြန်မာအစားအစာ တစ်မျိုးမျိုးနဲ့ ဧည့်ခံနိုင်ရေးအတွက်လည်းစီစဉ်နေကြပါတယ်။


၂၀၀၀ခုနှစ်မှာ ဆရာတင်မိုးနဲ့စခဲ့ပြီး အခက်အခဲမျိုးစုံကြားကနေ နှစ်စဉ်ကျင်းပနိုင်ခဲ့တာဟာ ဒေသခံစာပေချစ်သူတွေရဲ့ အားပေးမှုကြောင့်ပါပဲ။ စီးပွားရေးလုပ်ငန်းရှင်တွေက စပွန်ဆာပေးဖို့ လက်မတွန့်ကြသလို အားပေးကြတဲ့ပရိတ်သပ်ကလည်း လာဖို့ကို တိုက်တွန်းနေစရာမလိုခဲ့ကြဘူး။ စုပေါင်းအားနဲ့ပဲ မြန်မာစာပေဟောပြောပွဲတွေ ကျင်းပခဲ့ကြပါတယ်။ အမေရိကားမှာ နှစ်စဉ်မှန်မှန် မြန်မာစာပေဟောပြောပွဲကျင်းပနိုင်တဲ့ တစ်ခုတည်းသောမြို့အဖြစ် မှတ်တမ်းဝင်ခဲ့ပြီမို့ မြန်မာစာပေချစ်သူတွေရဲ့ ပံ့ပိုးကူညီမှုတွေကို ကျေးဇူးတင်ကြောင်း ဒီနေရာကနေ လေးစားစွာ မှတ်တမ်းတင်ခွင့်ပြုပါ။

မကြာခင်ကျင်းပတော့မဲ့ ဆန်ဖရန်စစ္စကိုဗေးဧရိယာ မြန်မာစာပေဟောပြောပွဲကိုလည်း စာပေချစ်သူတွေအနေနဲ့ ယခင်နှစ်များနည်းတူ တခဲနက်ကြွရောက်အားပေးကြပါဦးလို့ ဒီနေရာကနေပြီး နှိုးဆော်အသိပေးအပ်ပါသည်ခင်ဗျား။

ဆန်ဖရန်စစ္စကိုဗေးဧရိယာ မြန်မာစာပေဟောပြောပွဲဖြစ်မြောက်ရေးကော်မတီကိုယ်စား

မြန်မာစာကိုချစ်တဲ့

မောင်လူပေ

Comments