ကိုသန်းလွင် ● တူနီးရှားမှ နောက်ထပ် အာရပ်နွေဦး

ကိုသန်းလွင် ● တူနီးရှားမှ နောက်ထပ် အာရပ်နွေဦး
(မိုးမခ) အောက်တိုဘာ ၂၆၊ ၂ဝ၁၇

(၁)
အာရပ်ကမ္ဘာတွင် မည်သူသည် ယခုအချိန်ထိ စစ်ခင်းလျက်ရှိပါသနည်း။ သူတို့ကိုယ်သူတို့ အကြမ်းဖက်မှု၊ အစွန်းရောက်မှုများ နှင့် ပိတ်မိနေသော အာရပ်စစ်သွေးကြွများ၏ခေတ်သည် ကုန်လုလု ဖြစ်ပါသည်။ လက်ဝဲအစွန်းရောက်များသည်လည်း သူ တို့၏ အမျိုးသားရေးလှုံ့ဆော်မှုများမှာ နာမည်ပျက်ဖြင့် ပြီးဆုံးသွားကြပါသည်။ ငယ်ရွယ်သော ဘလော့ဂါများမှာ အာရပ် နွေ ဦး၏ ရှေ့ဆုံးတန်းမှပါဝင်ခဲ့ကြသော်လည်း အီဂျစ်ပြည်တွင် ထောင်များကိုကြောက်ရသည်။ အယ်ဂျီရီးယား၊ မော်ရိုကိုနှင့် ဆော် ဒီ အာရေးဗီးယားတွင် အစိုးရ၏ ခြိမ်းခြောက်မှုနှင့်ဆင်ဆာများ ပုလိပ်များ၏ စောင့်ကြည့်မှုများရှိသည်။ ဆီးရီးယားတွင် အသက်ပါဆုံးရှုံးသွားနိုင်ကြသည်။

(၂)
ယခုတူနီးရှားနိုင်ငံသမ္မတကြီး(Bej caid Essebsi) ၏စစ်ပွဲမှာအရှိန်အဟုန်ရနေသည်။ သူသည် ကိုလိုနီတိုက်ဖျက်ရေးတွင် ရှေ့တန်းမှ ပါဝင်ခဲ့ပြီး ဥပဒေအကျိုးဆောင်တစ်ယောက်ဖြစ်သည်။ အသက်အရွယ်မှာ ၉၀ ရှိပြီး နိုင်ငံခေါင်းဆောင်တစ်ဦးဖြစ်သည်။ အနောက်နိုင်ငံမှ လူများအဖို့ သူ၏နိုင်ငံရေးအရ အယူဝါဒကောင်းမြတ်ပုံကို မသိနိုင်ကြသေးပေ။ သူ့တွင် စစ်အုပ်ချုပ် ရေးကာလက ခြစားမှုများဖြင့် ပြစ်မှုကျူးလွန်ခဲ့ကြသောသူများရှိသလို၊ တစ်ဖက်ကလည်း ဒီမိုကရေစီဝါဒ၏ဘက်တော် သား များက တောင်းဆိုမှုများရှိကြသည်။ တူနီးရှားတွင်စီးပွားရေးနှင့်ပတ်သက်သော အငြင်းပွားနေရသည့်ဥပဒေမှာ ခြစားမှု နှင့် စွတ်စွဲခံရသော စစ်တပ်ဆိုင်ရာ အရာရှိကြီးများကို ခွင့်လွှတ်နိုင်သောဥပဒေဖြစ်ပါသည်။

ထို့ပြင် ဤသမ္မတကြီးမှာ အရပ်အမျိုးသမီးများကို နိုင်ငံခြားသားနှင့်လက်ထပ်ခွင့်ညီမျှသော အမွေဆက်ခံပိုင်ခွင့် စသည်တို့ရှိ ရမည်ဖြစ်ကြောင်း ဦးဆောင်ဆော်သြသူတစ်ယောက် ဖြစ်လာခဲ့ပါသည်။ အစ္စလမ်ဘာသာ ဥပဒေအရဆိုလျင် မိန်းကလေး များသည် ယောက်ျားလေးများ၏ တဝက်မျှသောပမာဏကိုသာ အမွေဆက်ခံပိုင်ခွင့်ရှိပါသည်။ အာရပ်ကမ္ဘာတွင် ဤဥပဒေ ကို မည်သူမျှ မပြင်ရဲပါ။ အထူးသဖြင့် မုဆိုးမတစ်ယောက်အနေဖြင့် သူ၏ In-Law များအလိုကျ နေနေရသည်။

တူနီးရှား၊ အယ်ဂျီးရီးယားနှင့် အခြားအာရပ်နိုင်ငံများတွင် ဘာသာရေးလွတ်လပ်ခွင့်ကို ရှေ့တန်းတင်လိုကတင်မည်၊ သို့ပေ မယ့် အယ်ဂျီရီးယားနိုင်ငံတွင် မိန်းကလေးတစ်ယောက်သည်။ နိုင်ငံခြားသားတစ်ယောက်ကို လက်ထပ်ယူရန် ခက်ခဲလှပါ သည်။ ပဌမပြင်းပြင်းထန်ထန် ငြင်းဆန်ကြမည်။ ထို့နောက် အများရှေ့တွင် အမျိုးသားလုပ်သူက အစ္စလန်ဘာသာဝင်အဖြစ် ပြောင်းလဲရမည်။ ဤကိစ္စအတွက် (Certificate) လိုသည်။ Shariah Law အရ လိုအပ်ချက်အားလုံးကို လိုက်နာရမည်။ သို့ သော် အစ္စလန်ဘာသာဝင် ယောက်ျားလေးမှာ မွတ်စလင်မဟုတ်သူမိန်းခလေးကို လက်ထပ်လျင် ဘာမျှမလိုပေ။

ဤသို့ ကန့်သတ်မှုများသည် ယခုမှမဟုတ် နှစ်ပေါင်း ရာချီ၍ ကြာခဲ့ပြီဖြစ်သည်။ မွတ်စလင်တို့၏ စိတ်ထဲတွင် အရိုးစွဲနေပြီဖြစ် သည်။ မည်သည့်နိုင်ငံရေးဆိုင်ရာပုဂ္ဂိုလ်ကမှ ဤအချက်ကို စိန်မခေါ်ရဲကြပေ။ နိုင်ငံရေးအရ အထောက်အပံ့ရပ်စဲသွားမည်စိုးသောကြောင့်ဖြစ်သည်။ တူနီးရှားနိုင်ငံ ပဌမဆုံး သမ္မတ Habib Bourguiba သည် ဤသို့လေသံပေး အစပြုလိုက်သည်နှင့် ပြင်းထန်စွာကန့်ကွက်ကြသောကြောင့် ရပ်စဲသွားရဘူးသည်။

သို့နှင့်ယခုနှစ် သြဂုတ်လက တူနီးရှားပါလီမန်တွင် ရုတ်ရုတ်သဲသဲဖြစ်စေမည့်မိန့်ခွန်းတစ်ခုကို သမ္မတကြီး အက်စဘာစီက ပြောဆိုရာတွင် “ကျွန်တော်တို့မှာ ညီမျှမှုကို ဦးစားပေးရမယ်၊ အဓိကကတော့ အမွေခံစားခွင့်ဥပဒေဟာ ညီမျှမှုမရှိပါဘူး” ဟု ပြောသည်။

စက်တင်ဘာလလယ်သို့ရောက်သောအခါ နောက်ထပ်ပြသနာတစ်ခုကို တင်ပြခဲ့ပြန်သည်။ ၁၉၇၃ ခုနှစ်က အစိုးရက ထုတ်ပြန်ခဲ့သော အစိုးရညွှန်ကြားချက်ကို ဖယ်ရှားပြစ်ရန်အတွက်ဖြစ်သည်။ မွတ်စလင် အမျိုးသမီးတယောက်က နိုင်ငံခြား သားတယောက်ကို လက်ထပ်ပိုင်ခွင့်ဖြစ်သည်။ တူနီးရှားနိုင်ငံအမျိုးသမီးများ ဒီမိုကရေစီအသင်းက (The Tunisian Association of Woman Democrat) က ချက်ခြင်း ထောက်ခံခဲ့သည်။
တူနီးရှားသမ္မတကြီး၏ ကျေညာချက်ကို အီဂျစ်နိုင်ငံက ပြင်းပြင်းထန်ထန်ကန့်ကွက်လိုက်သည်။ ဤ လှုပ်ရှားမှုကိုရာဇဝတ်မှု မကင်းသော လှုတ်ရှားမှု တစ်ခုအဖြစ် ရှုံ့ချလိုက်သည်။ ကိုင်းရိုမြို့မှ ဘာသာရေး ဆရာမတစ်ဦးက သူ့ဖေ့ (စ) ဘွတ်တွင် အမွေဆက်ခံပိုင်ခွင့် ညီတူညီမျှပေးခြင်းမှာ အမျိုးသမီးများ အတွက်အန္တရာယ်ရှိကြောင်း၊ တရားမျှတခြင်းမရှိကြောင်း “Shariah Law” နှင့် လည်းဆန့်ကျင်သည်ဟု ဖေါ်ပြသည်။ အယ်ဂျီးရီးယား သတင်းစာများကလည်း ရေးသားရှုံ့ချလိုက်ကြ သည်။

တူနီးရှား အဓိကပါတီကြီးက ဘာမှမပြော၊ အကယ်၍ ပြောင်ပြောင်တင်းတင်း ဆန့်ကျင်လျင် လာမည့် လအနည်းငယ်အတွင်း ကျင်းပတော့မည့် ရွေးကောက်ပွဲတွင် ခက်ခဲလိမ့်မည်။

မစ္စတာ အက်စဘာစီ၏ ကြေညာချက်အရ အာရပ်ကမ္ဘာ အတွက် ထပ်လုပ်ရန် လိုအပ်သည်များကို မီးမောင်းထိုးပြလိုက်ခြင်းပင် ဖြစ်တော့သည်။ အာဏာရှင်များကို ပြုတ်ကျရုံနှင့်မပြီး၊ ဖခင်လွှမ်းမိုးမှုကိုပါ ဖယ်ရှားပစ်ရန် တောင်းဆိုနေခြင်းဖြစ်သည်။ လူတို့၏အခြေခံ ရပိုင်ခွင့်အတွက် ခေါင်းဆောင်းတစ်ဦး အဖို့ (Term limit)ကို ထည့်ပေးခြင်းနှင့် ကျားမ မရွေး နေရာတန်း တူရရေး ကိုဆော်သြခဲ့သည်။

ယခုလောလောဆယ်အခြေအနေတွင်မူ အာရပ်ကမ္ဘာတစ်ခုလုံးက အမွေဆက်ပိုင်ခွင့်တွင် မတူညီမှုများရှိနေခြင်းကို လက်ခံ သည်။ အထူးသဖြင့် အမွေဆက်ခံပိုင်ခွင့်တွင် ယောက်ျားများက အသာစီး ရယူထားသည်။ Honor Crime ခေါ် ဖေါက်ပြန်မှုများ အတွက် ဆွေမျိုးများက အရေးယူအပြစ်ပေးသော ဥပဒေများရှိသည်။ ထိုပြစ်မှုများကို ဂျော်ဒန်ကဲ့သို့ အယူအဆအတွေး အ ခေါ်တွင် အယူမသီးသော နိုင်ငံများတွင်ပင် ရှိနေဆဲဖြစ်ပါသည်။

တူနီရှားသမ္မတကြီးက တူနီရှား၏ မြို့ပြနှင့် ဘာသာရေးဥပဒေနှစ်ခု မတူညီပုံကို ပေါ်လွင်စေခဲ့သည်။ ဘာသာရေးဆိုင်ရာ ဥပဒေက မြို့ပြဥပဒေများနှင့် အချို့နေရာများတွင်တူညီ၍ အချို့နေရာများတွင် ကွဲပြားနေသည်။ ဤဥပဒေနှစ်ခုကို ညီမျှ အောင်ပြုလုပ်ပေးရန်မှာ အာရပ်နွေဦး နောက်တစ်ခုကို ဖန်တီးပေးရမည်ကဲ့သို့  ဖြစ်နေသည်။ မော်ရိုကို၊ ဂျော်ဒန်နှင့် လက် ဘနွမ်တို့တွင် မုဒိန်းကျင့်သူက အကျင့်ခံရသူကို တရားဝင်လက်ထပ်ယူပါက ထိုအပြစ်မှ ခွင့်လွှတ်သောဥပဒေကို အပြီးဖျက် သိမ်းနိုင်ခဲ့ပြီဖြစ်၏။

လွန်ခဲ့သောအပါတ်ကပင် ဆော်ဒီအာရေးဗီးယားတွင် အမျိုးသမီးများကို ကားမောင်းပိုင်ခွင့်ပေးခဲ့သည်။ ဆော်ဒီအမျိုးသမီးများ မှာ ယခုအချိန်ထိသွားလိုရာကို မသွားနိုင်၊ မိမိဝတ်လိုရာကို မဝတ်နိုင်သေးပေ၊ ထို့ကြောင့်ပင် မစ္စတာ အက်ဘာစီသည် အာရပ်ကမ္ဘာ၏ အခြေခံကျသောအက်ကြောင်းကြီးတစ်ခုကို ထုတ်ဖော်လိုက်ခြင်းပင်ဖြစ်သည်။  အမျိုးသမီးများ၏ အခြေခံရ ပိုင်ခွင့်များကိုပေးဘို့ ကြိုးစားခြင်းပင် ဖြစ်သည်။

(၃)
သူ၏ရပ်တည်ချက်မှာ ယခုအချိန်တွင်အားလုံးက နားလည်နိုင်ကြပြီဟုမဆိုလိုပါ၊ ကိုပါနီကန် ရီးဗော်လူးရှင်း Copernican Revolntion ကဲ့သို့ ကမ္ဘာကြီးအပေါ်အခြေခံကစ၍ ပြောင်းလဲပစ်သော အတွေးအခေါ်သစ်တစ်ရပ်ကို ဖိတ်ခေါ်နေပါသည်။ အာရပ်ကမ္ဘာမှာ ကမ္ဘာကြီး ပြားသောခေတ်အတိုင်း ပင်ရှိနေပါသေးသည်။

ကိုသန်းလွင်
Ref: In Tunisia The Next Arab Spring , Kamal Daoud New Yrok Times Oct 2 2017

0