လှကျော်ဇော ● ကျွန်မဆက်၍ရေးချင်သော ဖေဖေအကြောင်းများ

လှကျော်ဇော ကျွန်မဆက်၍ရေးချင်သော ဖေဖေအကြောင်းများ 
ဆောင်းပါးအမှတ် (၄၅)
(မိုးမခ) အောက်တိုဘာ ၁ဝ၊ ၂ဝ၁၇

● စစ်အာဏာရှင်စနစ်ရဲ့သားကောင်များ
“......ခင်ဗျားတို့တွေထဲက သူ့စိတ်ကြိုက် ပြည်သူတွေ ပိုသတ်နိုင်မယ်ထင်တဲ့ လူတချို့ကို ရာထူးကြီးတွေနှင့်လာဘ်ထိုးခဲ့ တယ်။ ဒီလိုနှင့် တပ်ကြပ်ကြီးကနေ ဗိုလ်မှူးကြီးတွေအထိ နှစ်အနည်းငယ်အတွင်း တိုးပေးဖို့ ဝန်မလေးဘူး။ ဒါပေမဲ့နောက်ထပ် သတ်ဖို့ နောက်လူကိုတင်ပေးဖို့ ရှေ့လူကိုကန်ထုတ်ဖို့လည်း ဝန်မလေးဘူး။ သူ့စိတ်ကြိုက် ပြည်သူတွေကိုသတ်ဖို့ လက်ရွံ့တဲ့ မျိုးချစ်တွေ အစဉ်အလာရှိခဲ့တဲ လေးစားခြင်းခံရတဲ့ တပ်မှူးတပ်သားတွေကိုတော့ တဦးပြီးတဦး ကန်ထုတ်တယ်မဟုတ်လား။ ဒါတွေကြောင့် ရာထူးကြီးတဲ့လူတွေလည်း စိတ်တထင့်ထင့်နေရတဲ့ဘဝ မဟုတ်လား”...... (၁၁-၈-၁၉၇၆။ တိုင်းပြည်သို့တင်ပြ ချက်။)
(ဆိုင်းစုမှသည်မန်ဟိုင်းဆီသို့။ ကိုယ်တိုင်ရေး အတ္ထုပွတ္တိပေါင်းချုပ်၊ ဗိုလ်မှူးချုပ်ဟောင်းကျော်ဇော၊ ယဉ်မျိုးစာပေ နှာ-၃၂၂)

“...... ထိုအချိန်ကာလ (၁၉၅၆)  ခုနှစ်သည် ဆိုရှယ်လစ်များက တပ်တွင်းတပ်ပြင် သြဇာလွှမ်းမိုးရေး အကြီးအကျယ်ကြိုးစား နေမှု အရှိန်ရနေချိန်နှင့်လည်း တိုက်ဆိုင်နေပါသည်။ သူတို့သည် ပြင်ပအန္တရာယ်ဖြစ်သည့် တရုတ်ဖြူတိုက်ရေးထက် ပြည် တွင်းစစ်ကိုသာ အလေးပေး အပြုတ်တိုက်ချင်သူများ ဖြစ်ကြသည်။ ပြည်သူလူထုနိုးကြားပြီး တောင်းဆိုလွန်း၍သာ (တဖက် ကလည်း ဗမာပြည်ကွန်မြူနစ်ပါတီက ဖော်ထုတ်ဖွင့်ချနေ၍သာ) တရုတ်ဖြူတိုက်ရေးကို လုပ်ကြခြင်းဖြစ်သည်။ ထိုတိုက်ပွဲများ အရှိန်နှင့် ကျွန်တော်သြဇာကြီးလာမှုကိုလည်း သူတို့စိုးရိမ်နေကြသည်။

“...... တပ်တွင်းမှာ ဆိုရှယ်လစ်ပါတီဆန့်ကျင်သည့် တပ်မှူးများလည်းရှိရာ ကျွန်တော်နှင့်ပူးပေါင်းစည်းရုံးမိပြီး သူတို့ဆိုရှယ် လစ်များကို အာခံခေါင်းမာလာကြမှာလည်း စိုးရိမ်ကြသည်။ အဓိကမှာ ဆိုရှယ်လစ်များအနေနှင့်တိုင်းပြည်ကို ၎င်းတို့စိတ် ကြိုက် ခြယ်လှယ်လိုကြရာတွင် တပ်မတော်ကို ပထမဆုံးသူတို့စိတ်ကြိုက် အုပ်စီးနိုင်ဖို့ရာမှာ ဆူးငြောင့်ခလုတ်ဖြစ်နေသော ကျွန်တော့်ကို ဖယ်ရှားပစ်ဖို့လိုပေသည်”----- (အထက်ပါစာအုပ်-နှာ၂၄၄)
........

အထက်ပါစာစုများဟာ ဖေဖေရေးသားခဲ့တဲ့ အကြောင်းအရာများထဲက တပ်မတော်တွင်း အခြေအနေများကို တစိတ် တပိုင်း ဖော်ပြနေတဲ့ အကြောင်းအရာများဖြစ်ပါတယ်။ ဖေဖေ-ပြည်ပကနေ ဒီစာစုတွေရေးသားစဉ်က-ပြည်တွင်းမှာဖိနှိပ်မှု အလွန် ပြင်းထန်နေချိန်ဖြစ်လေတော့ တချို့သူများထိခိုက်မှာ စိုးရတာကြောင့် တချို့ကိစ္စတွေမှာ နာမည်ဖော်မရေးနိုင်ခဲ့ပါဘူး။ အခု အချိန်မှာတော့ ကာယကံရှင်များ ကွယ်လွန်ကုန်ပြီဖြစ်လို့ ဖေဖေမပြည့်မစုံ (သို့မဟုတ်) ရိပ်ဖမ်းသံဖမ်းလောက်သာ ရေးနိုင်ခဲ့ တဲ့ အကြောင်းအရာတွေကို (ယခုနောက်ပိုင်းထွက်ပေါ်လာတဲ့ အချက်အလက်များပါပေါင်းစပ်ပြီး) ကျွန်မ ဖြည့်စွက် ရေးသား လိုက်ပါတယ်။ ဖေဖေကိုယ်တိုင်လည်း အဲသလို ရိပ်ဖမ်းသံဖမ်းလောက်ရေးရတာကို ဘဝင်ကျဟန်မရှိပါဘူး။ ဒါ့ကြောင့်ပဲ ဖေဖေက တချို့အဖြစ်အပျက်တွေကို ကျွန်မတို့ သားသမီးများအပါအဝင် သူ့အနီးအနားမှာ အလုပ်လုပ်ဖူးသူရဲဘော်တချို့ကို အပြည့်အစုံပြောပြောပြတတ်ပါတယ်။

ဒီလိုပြောဆိုရေးသားတဲ့အခါတိုင်း ဖေဖေရင်ထဲ ပေါ်ပေါ်လာတတ်တဲ့-ဖေဖေရောင်းရင်း ရဲဘော်ကြီးများရှိတတ်ပါတယ်။ ဥပ မာ--တပ်တွင်းမှာ ဆိုရှယ်လစ်ပါတီ ဆန့်ကျင်သူများလည်းရှိရာဆိုတဲ့နေရာမျိုးမှာ ဖေဖေဆိုလိုချင်သူများဟာ ဖေဖေနဲ့ ဗမာ့ တပ်မတော် အမြုတေဘဝကစလို့ တောက်လျှောက်အတူတွဲ တိုက်ခဲ့ခိုက်ခဲ့တဲ့-တပ်မှူးကြီး ဟောင်းများဖြစ်ကြတဲ့ ဗိုလ်မှူး ကြီးကြည်မောင် (နောက်ပိုင်းNLD-ဦးကြည်မောင်)၊ ဗိုလ်မှူးကြီးတင်မောင် (စာရေးဆရာမြတ်ထန်) စသူတို့ဖြစ်ကြပါတယ်။ (သူတို့နှစ်ဦးစလုံး တပ်မတော်မှ ဖြုတ်ထုတ်ခံရပြီး မဆလခေတ်မှာ ထောင်တန်းလည်း ကျခံခဲ့ရပါတယ်။)

ဒီနေရာမှာ အခုခေတ်လူငယ်များအတွက် မျက်စိလည်စရာဖြစ်တဲ့ ဆိုရှယ်လစ်ပါတီဆိုတဲ့အသုံးကိ်ု ရှင်းပြချင်ပါတယ်။ တ ကယ်တော့ ဗမာ့တပ်မတော်ကို စတင်တည်ထောင်ခဲ့တဲ့ ရဲဘော်သုံးကျိပ်အဖွဲ့မှာ စကတည်းက တို့ဗမာအဖွဲ့အစည်းကအုပ်စု (၂) ဖွဲ့ (သခင်ကိုယ်တော်မှိူင်းအုပ်စုနဲ့ သခင်ဗစိန်-သခင်ထွန်းအုပ်-အုပ်စု) နဲ့ဖွဲ့စည်းခဲ့တာပါ။ ဒါပေမဲ့ ဂိုဏ်းဂနစိတ်ကင်း စင် တဲ့ သခင်အောင်ဆန်း (ထိုအချိန်က ဗိုလ်ချုပ်အမည်မတွင်သေး။ သာမန်ကျောင်းသာခေါင်းဆောင်တဦးသာဖြစ်သေး) ရဲ့ အမြော်အမြင်ကြီးကြီးနဲ့ ဦးဆောင်မှုအောက်မှာ တညီတညွတ်တည်း တစိတ်တဝမ်းတည်း-ဗမာ့ လွတ် လပ်ရေး အတွက်-ဆိုတဲ့ဦးတည်ချက်နဲ့စည်းလုံးညီညွတ်ခဲ့ကြပါတယ်။

ဗိုလ်ချုပ်အောင်ဆန်းက ၁၉၄၂ခုနောက်ပိုင်း-ဗမာ့တပ်မတော်ကို ခေတ်မီတပ်မတော်အဖြစ် ထူထောင်ရေးအတွက် ဗမာ့ကာ ကွယ်ရေးတပ်မတော်(ဘီ-ဒီ-အေ)ကိုတည်ထောင်ရာမှာ ပညာတတ် အများအပြား ဝင်လာဖို့ စည်းရုံးခဲ့ပါတယ်။ ဒီအထဲမှာ နောင်ပြည်သူ့အရေး တော်ပုံပါတီ(ဆိုရှယ်လစ်ပါတီလို့လည်းခေါ်ပါတယ်။) ကို ဦးစီကြမယ့်သူများ (ဥပမာ-ဗိုလ်အောင်ကြီး ၊ဗိုလ်မောင်မောင်) ပါလာကြပါတယ်။ ဗိုလ်ချုပ်ကျဆုံးသွားပြီးနောက် အာဏာရလာတဲ့-ဖဆပလ-လက်ယာဂိုဏ်းနဲ့ အဲဒီအုပ်စု ကပေါင်းမိသွားပါတယ်။ အဲဒ်ီသူတွေကို-တပ်တွင်းဆိုရှယ်လစ်များလို့ ခေါ်ကြပါတယ်။ အဲဒီ သူများအကြောင်းကိုကျွန်မ-ဆိုရှယ်လစ်တပ်မှူးများ ဆိုတဲ့ခေါင်းစဉ်နဲ့ ဆောင်းပါးရေးဖူး ပြီးပါပြီ။ (ကျွန်မဆက်၍ ရေးချင်သော ဖေဖေ့အကြောင်းများ။ ဆောင်းပါးပေါင်းချုပ်အတွဲ(၁)။ ဖြိုးမောက်သာစာပေ။ နှာ-၁၁၉-၁၄၄)။

ဒီလိုနဲ့-ဗမာ့တပ်မတော်တွင်း ဂိုဏ်းအုပ်စုတွေ ပေါ်ထွက်လာပါတယ်။ ၁၉၄၈-ပြည်တွင်းစစ်စတင်တော့-ဗမာ့တပ် မတော် တွင်းရှိ ကွန်မြူနစ်များ တောခိုကုန်ကြပါတယ်။ ဒီတင်-ဆိုရှယ်လစ်များ တန်ခိုးထွားလာပြီး-တပ်မတော်တွင်း ထိပ် တန်းနေရာ တော်တော်များများ (အထူးသဖြင့်-စစ်ရုံးချုပ် War-Office မှာ)ကို သူတို့ အုပ်စီးမိသွားပါတယ်။ ဒါကြောင့်ပဲ၊ သူတို့ပါတီထဲ မ ဝင်သူများကို ဖဲကြဉ်လာကြပါတယ်။ တကိုယ်ရည်ကောင်းစား   ကြီးပွားချင်သူများကလည်း  သူတို့ ပတ်လည် ဝိုင်းနေခဲ့လေ တော့-အလွယ်တကူ အစားထိုးသွင်းနိုင်ခဲ့ပါတယ်။

တပ်မတော်ထဲမှာ နောက်အုပ်စုတစု ရှိပါသေးတယ်။ ကွန်မြူနစ်ကိုလည်းမကြိုက်-ဆိုရှယ်လစ်နောက်လည်းမလိုက်-အခြေခံ မျိုး ချစ်ပြည်ချစ်စိတ်နဲ့ အနေမှန်မှန်နေ-နေကြသူများပါ။ တိုက်ရေးခိုက်ရေးမှာလည်း နံမည်ရထားသူများလည်းဖြစ်တော့-စစ်ရေးအမြင်သန်ကြပြီး-ဘာစစ်မှ ထိထိရောက်ရောက် မတိုက်ခဲ့ကြဘဲ နိုင်ငံရေးအရ နေရာတွေ ဝင်ယူလာကြ သူများကို လည်း သိပ်ကြည့်ရသူများမဟုတ်ရုံမက၊ အဲဒီလူတွေကို ဘယ်တော့မှလည်း ခခယယ လုပ်သူများ မဟုတ်ကြပါဘူး။

ဒီအပြင်-သူတို့ဆိုရှယ်လစ်အုပ်စုအနေနဲ့-အဲဒီတပ်မှူးကြီးများကို ကြည့်မရတဲ့ အချက်တရပ်ကလည်း ရှိနေပါတယ်။ဒါကတော့-ဗမာပြည်ကြီးလွတ်လပ်ရေးမရခင်ကာလ-၁၉၄၇ခုနှစ်ကစပြီး(ရခိုင်မူဂျာဟစ်အရေးအခင်း)ကအစနောက်ပိုင်းပေါ်ပေါက်ခဲ့တဲ့ တိုင်းပြည်အကျပ်အတည်းများ (၁၉၄၉-၅ဝ-ကေအင်ဒီအို အရေးအခင်း--အင်းစိန်တိုက်ပွဲ)အလယ်-တိုင်းတပါးကျူးကျော်မှု အဆုံး (၁၉၅၄-၅၅-တရုတ်ဖြူကျူးကျော်မှု)စတဲ့ တိုက်ပွဲကြီးများမှာ-- ဖေဖေနဲ့ ပူးတွဲ တာဝန်ထမ်းဆောင်ခဲ့ကြပြီး ဖေဖေအပေါ် မှာ လည်း အလွန်လေးစား ခင်မင်ခဲ့ကြသူများ ဖြစ်ကြလို့ဖြစ်ပါတယ်။ [မှတ်ချက်။ ဗိုလ်မှူးကြီးချစ်မြိုင်ရဲ့ ဘဝအတွေ့အကြုံ ပြန်ပြောင်းပြောဆိုချက်များ။(Burma Debate)။ ဗိုလ်မှူးကြီင်္းမောင်လွင် (NLDဦးလွင်ရဲ့) မျိုးချစ်စစ်သည်မှ NLD ပါတီခေါင်း ဆောင်ဘဝသို့ (RFA ထုတ်လွှင့်ချက်။)ဗိုလ်ချုပ်ကြီးဟောင်းတင်ဦး(NLDဦးတင်ဦး)ရဲ့ VOA-တပ်မှူးတပ်သားပြောစကားကဏ္ဍ။ဗိုလ်မှူးကြီးဟောင်းတင်မောင်(မြတ်ထန်)ရဲ့-တိုင်းပြည်ကနုနု-မုန်တိုင်းကထန်ထန် စာအုပ်-စတာများကိုကြည့်ပါ။]အဲဒီ ကာလက ဖေဖေရဲ့ လုပ်ဆောင်ချက်တွေအပေါ်-အတူတွဲ တာဝန်တွေထမ်းဆောင်ခဲ့ကြတဲ့ တပ်မှူးများရဲ့ဖေဖေအပေါ်ထားရှိတဲ့လေးစားချစ်ခင်မှုတွေကိုတွေ့ရှိနိုင်ပါတယ်။

ဒါ့အပြင်-အခုကျွန်မနောက်ဆုံးရရှိလာတဲ့စာအုပ်ကိုဖတ်မိတဲ့အခါ-အထက်ဖော်ပြပါအကြောင်းတရပ်-ဖေဖေအပေါ်လေး စားသမှု ပြုသူများအပေါ် ဘယ်လိုဂိုဏ်းဂဏစိတ်ထားခဲ့ကြတယ်ဆိုတာ ပေါ်လွင်သွားပါတယ်။ ဗိုလ်မှူးကြီးဟောင်းတင်မောင် ရဲ့--ဘဝမုန်တိုင်းထန်လေပြီ (ဘဝသမင်လည်ပြန်)-(စိတ်ကူးချိုချိုစာပေ) စာအုပ်ပါ။ စာအုပ်ရဲ့အမှာစာမှာ- ဒီလိုရေးထားပါ တယ်။

“----စာရေးသူမကွယ်လွန်မီ ရေးသားပြီးစီးခဲ့ပြီး ချယ်ရီမဂွဇင်းတွင် လဆက်ဖော်ပြခဲ့ရာမှ ရပ်ဆိုင်းသွားပြီးနောက် လုံးချင်းအဖြစ်လည်း ထုတ်ဝေခွင့်မရခဲ့ဘဲ ၂ဝ၁ဝ ခုနှစ်နောက်ပိုင်း (Newly News)ဂျာနယ်တွင်မှ အခန်း ဆက်ပြန်လည်ဖော် ပြခဲ့သည့် စာမူကို ပထမအကြိမ်အဖြစ် တစ်ပေါင်းတည်း ထုတ်ဝေခြင်းဖြစ်သည်”---တဲ့။

ဗိုလ်မှူးကြီးဟောင်းတင်မောင်၏ ကိုယ်တိုင်ရေး ဘဝတစိတ်တဒေသ ဖြစ်ရပ်မှန်မှတ်တမ်းရှည်ကြီးလို့ဆိုထားပြီး--တကြိမ် တခါမှ ပုံနှိပ်ထုတ်ဝေခြင်း မပြုရသေးသော ဘဝထုပ္ပတ်စာတအုပ်-လို့လည်းဆိုထားပါတယ်။

ဗိုလ်မှုးကြီးဟောင်းတင်မောင်ဟာ-(ဂျပန်ခေတ်) မင်္ဂလာဒုံစစ်တက္ကသိုလ်ပထမပတ် ဆင်းဖြစ်ပြီး၊ ဂျပန်ဘုရင့်စစ်တက္ကသိုလ်ဆင်းလည်းဖြစ်ပါတယ်။ ၁၉၆၁ခုနှစ်-တပ်မတော်မှ ပင်စင်ယူပြီးချိန်မှစပြီး စာပေအမျိုးမျိုးရေးသားလာတာပါ။ တပ်တွင်း အတွေ့အကြုံများကို “ဗိုလ်မှူးကြီးဟောင်းတင်မောင်”ဆိုတဲ့ ကလောင်အမည်နဲ့ရေးခဲ့ပြီး၊ ရသဝတ္တုစာပေများ ကိုတော့ “မြတ်ထန်”ဆိုတဲ့ကလောင်အမည်နဲ့ရေးသားလာခဲ့ပါတယ်။ စာပေဗိမာန်ဆုတောင် ရဖူးပါတယ်။

အခုနောက်ဆုံးထုတ်လိုက်တဲ့စာအုပ်မှာတော့-သူအရင်ကရေးခဲ့တဲ့စာအုပ်များထဲက-အချိုအစိတ်အပိုင်းတွေပြန်ပါတာတွေရှိ ပေမယ့် အစိတ်အပိုင်း အတော်များများကတော့ ပထမဆုံး ထုတ်ဖော်ရေးသားထားဟန်ရှိပါတယ်။ ဗမာ့တပ်မတော် ရဲ့ အတွင်းရေးတွေ အတော်ပါပါတယ်။ ဒါတွေ မခြွင်းမချန်ရေးသွားတဲ့အတွက် စာရေး မှတ်တမ်းတင်သွားသူ ဗိုလ်မှူးကြီးဟောင်း တင်မောင်ကို ကျေးဇူးတင်သင့်ပါတယ်။

မျိုးချစ်ကျောင်းသားငယ်လေးတယောက် တိုင်းပြည်လွတ်လပ်ရေးအတွက်-ဗမာ့တပ်မတော်တွင်းဝင်ရောက်ပြီးအရိုးကျေကျေ အရည်ခန်းခန်း တာဝန်တွေ ထမ်းဆောင်ခဲ့ပေမယ့် တပ်တွင်းအာဏာမက်မှုများကြောင့်-အထူးသဖြင့် နိုင်ငံတော်အာဏာ ကို မက်လာကြတဲ့အခါ-ဘာကိုမှ မထောက်ထားတော့ဘဲ အကြောင်းအမျိုးမျိုးရှာပြီး-ဘယ်လိုဘေး ဖယ်ခံလိုက်ရတယ်--ဆိုတာကို (ပါးပါးလေးတို့ပြီး) အလွန်ရသမြောက်စွာ ရေးသားဖော်ကျူးထားမှုဟာ-လက်ရှိ တပ်မတော် သားများအတွက်ရော၊ ဗမာပြည်ကြီး တိုးတက်ဖွံ့ဖြိုးရေးအတွက် အဓိကလိုအပ်ချက်ကြီးဖြစ်တဲ့-တပ်ပြုပြင်ပြောင်းလဲရေး ကို လုပ်ဖို့ကြိုးစားနေသူများ အတွက်ရော-အလွန့်ကို သံဝေဂရစရာ၊ လေ့လာစရာ၊ သင်ခန်းစာယူစရာတွေဖြစ်နေပါတယ်။

ဒီအထဲကမှ-အထက်မှာ ကျွန်မပြောခဲ့တဲ့အချက်ကို သက်သေပြတဲ့အနေနဲ့ အောက်ပါ “အခန်းကလေး”ကို ကူးယူ ဖော်ပြ လိုက်ပါတယ်။

“-----နောက်တနေ့ စစ်ရာထူးခန့် အတွင်းဝန်၏ ရုံးခန်း၌ ဒုဦးစီးချုပ်နှင့်တွေ့ရသည်။ သူသည် ဖော်ရွေပြုံးရွှင်စွာပင်နှုတ်ဆက်သည်။ ဘိလပ်ရှိရုံးအကြောင်းစသည်တို့ကို ခေတ္တဆွေးနွေးကြသည်။ ထို့နောက်မှ သူ၏အိတ်အတွင်းက ဒိုင်ယာရီကဲ့သို့ စာအုပ်ကလေးတစ်အုပ်ကိုထုတ်၍ဖွင့်ကာ စာမျက်နှာတစ်ခုကို ကြည့်သည်။ ကျွန်တော်အားပြောရန် အချက် အလက်တို့ကို ရေးမှတ်ထားဟန်တူပါသည်။

“ဗိုလ်မှူးတင်မောင် တာဝန်ဝတ္တရားဆောင်ရွက်တာနဲ့ ပတ်သက်လို့ ဘာမှပြောစရာမရှိပါဘူး။ အားလုံးကျေနပ်ပါ တယ်။ အစစလည်း အင်မတန်အဆင်ပြေပါတယ်။ ကျေပွန်တယ်။ ငွေရေးကြေးရေးနဲ့ ပတ်သက်လို့လည်း အင်မတန် သန့်ရှင်းတယ် ဆိုတာကို ကျွန်တော်တို့ သိပါတယ်။ အလုပ်သဘောနဲ့ကတော့ အားလုံးကောင်းပါတယ်။ တခုပဲ-ကျွန် တော့်အနေနဲ့ ပြောစရာရှိတယ်။ အဲဒါက ခင်ဗျားဟာ တပ်တွင်းညီညွတ်မှုနဲ့ ပတ်သက်လို့ ထိခိုက်စေတဲ့ စကားနည်းနည်း ပါးပါး ပြောခဲ့ တယ်။ တိတိကျကျပြောရရင်- ခင်ဗျားဘိလပ်ရောက်ခါစက ဗိုလ်မှူးချုပ်ကျော်ဇောနဲ့ ပြောတာတွေ မကောင်းဘူး”။ သူသည် ထိုစွဲချက်ကို အကျယ်ချဲ့၍ပြောပြနေပါသည်။

ကျွန်တော်ကတော့တချိန်လုံးပြုံး၍ နားထောင်နေသည်။ သို့ရာတွင် ကျွန်တော်သည် သူစွပ်စွဲသော အခြင်းအရာနှင့်ပတ်သက်၍ အတိတ်သို့ပြန်လည် စဉ်းစားနေခဲ့မိပါသည်။ ဘာတွေများပြောခဲ့ မိသလဲ၊ သတိရပါပြီ။ ဟုတ်ပါသည်။ တစိတ်တဒေသတော့ မှန်သည်။ ကျွန်တော် ဘိလပ်ရောက်ခါစ ရောက်တဲ့ညမှာပဲ ထင်သည်။ ဗိုလ်မှူးချုပ်ကျော်ဇော အခန်းတွင် စုဝေး၍ စကားစမြည် ပြောနေခဲ့ကြသည်။ အခြားအရာရှိနှစ်ဦးသုံးဦးလည်းပါသည်။

ဟိုအကြောင်း ဒီအကြောင်းတွေပြောရင်းမှ တပ်တွင်းကိစ္စများသို့ ရောက်သွားသည်။ ထိုသို့ တပ်အတွင်းရေးတွေ ပြောကြရင်း ဝေဖန်ချက်အချိုပါရှိလာပါလိမ့်မည်။ သို့ရာတွင် ဘာတွေဝေဖန်မိခဲ့သည်ကိုပင်မေ့နေပါပြီ။ ကျွန်တော်တို့တတွေ အချင်းချင်းတွေ့လျှင် ဒီလိုပဲပြောတတ်ဆိုတတ်၊ ဝေဖန်စရာရှိတာတွေဝေဖန်တတ်ကြသည်။ ထူးဆန်းသော ကိစ္စမဟုတ်ပါ။ တွေ့တုန်းပြောကြပြီး လူချင်းခွဲလျှင် မေ့ကြစမြဲပင်ဖြစ်သည်။ ယခုလည်း ကျွန်တော်အဖို့တော့မေ့ခဲ့ပါပြီ။

သို့ရာတွင် ကျွန်တော်စိတ်မကောင်းသောအချက်တခုတော့ ပေါ်လွင်ပါသည်။ ထိုစကားဝိုင်းအတွင်းမှ ပုဂွိုလ်တဦးဦးသည် စေတနာဖြင့် ဖြစ်ကောင်းဖြစ်ပါမည်။ သို့မဟုတ် အခြားရည်ရွယ်ချက်ဖြင့် ဖြစ်ကောင်းဖြစ်ပါမည်။ ထိုညက ပြောခဲ့ကြသောစကားတို့ကို ဗိုလ်မှူးချုပ်အောင်ကြီးအား ပြန်လည်ပြောပြ တိုင်တန်းခဲ့သည်။ အဲဒီအတွက်ကိုတော့ ကျွန်တော်စိတ်မကောာင်းဖြစ်မိသည်။ ထိုသို့ စိတ်မကောင်းဖြစ်ခြင်းမှာ စိုးရိမ်ကြောင့်ကြမှုကြောင့်တော့ မဟုတ်ပါ။ ထို ပုဂွိုလ် ညံ့ဖျင်းပြုမူချက်ကြောင့် ကျွန်တော့်စိတ်တွင်း၌ ဖြစ်ရလေ ဟုသာ မှတ်တမ်းတင်မိခြင်းကြောင့် ဖြစ်သည်။ ထိုသူ သည် မည်သူမည်ဝါဖြစ်သည် ဆိုတာကိုလည်း ကျွန်တော်တွက်ဆလို့ရသည်။သို့ရာတွင်ရှိပါစေတော့။

ထိုသို့ဖြစ်ရခြင်း၏ အကြောင်းရာဇဝင်၊ ထိုစွပ်စွဲချက်၏ နောက်ကွယ်မှ ဇာတ်လမ်းကိုတော့ ကျွန်တော်သည် ကွက်ကျော် တွေးမိပါသည်။ ထိုအချိန်က တပ်တွင်း၌ ကိုယ့်အုပ်စုကလေးနှင့်ကိုယ်လိုလို ရှိခဲ့ကြသည်။ သူကတော့ ဘယ်သူ့လူ သူကတော့ဘယ်ဝါ့လူဟူ၍ ပြောတတ်ကြသည်။ ကျွန်တော့်ကိုလည်း ထိုသို့ပင် ပြောကြမည်ဖြစ်သည်။ ပြောလည်းပြောကြသည်။ ကျွန်တော့်ကို”ဗိုလ်မှူးချုပ်ကျော်ဇော ၏ လူ” ဟုတချို့ကထင်ကြသည်။ ကျွန်တော်သည် စစ်ဆင်ရေးတို့တွင် ဗိုလ်မှူးချုပ်ကျော်ဇော ၏လက်အောက်တွင် များစွာအမှုထမ်းခဲ့ရသည်။ ထို့ကြောင့်ဗိုလ်ချုပ်နှင့်နီးကပ်စွာနေခဲ့ရသည်။ ဒီလိုနေခဲ့ရလို့ သူ၏စွမ်းရည်သတ္တိ၊ လုပ်ရည်ကိုင်ရည်နှင့် စိတ်ရင်းစိတ်ဓာတ်တို့ကို ကောင်းစွာသိမြင်ခဲ့သည်။ သိမြင်ခဲ့သည့်အလျောက်လည်း အလုပ်သဘောအားဖြင့် ကျွန်တော်သည် လေးစားသည်။ ထို့ ကြောင့်အတူသွား အတူလာဖြင့် ကြာမြင့်ခဲ့ကြသောကြောင့် တဦးနှင့်တဦးခင်မင်ခဲ့ကြပါသည်။ ကျွန်တော်တို့၏ ဆက်ဆံရေးသည် ဒိထက် မပိုခဲ့ပါ။ ဒါနဲ့တော့ ကျွန်တော်သည် ဗိုလ်မှူးချုပ်ကျော်ဇော၏လူ မဟုတ်ရပါ။ အမှန်မှာကျွန်တော် သည်ဘယ်သူ၏ လူမှမဟုတ်ခဲ့။ တပ်အတွင်းရှိ ခေါင်းဆောင်ပိုင်းဟု ကျွန်တော်တို့ အသိအမှတ်ပြုထားသူတို့သည် ဗိုလ်ချုပ်ကြီးနေဝင်း အပြင် သုံးလေးဦးမျှသာရှိသည်။ ထိုပုဂွိုလ်တို့အားလုံးအား ကျွန်တော်သည် လေးစားသည်။ အချိုမှာမူပုဂွိုလ်စွဲအရ ပိုမို၍ ခင်မင်သည်။သို့ရာတွင်ကျွန်တော့်တွင် ဆရာမရှိ။ မည်သူ့ကိုမျှလည်း ဆရာမမွေးခဲ့။ ထိုသို့ဆရာမွေးရန်လည်း အကြောင်း မရှိ။ ညာချင်၊ ခိုချင်၊ ကပ်ချင်၊ အခွင့်အရေးယူလိုချင်သူတို့သာလျှင် ဆရာမွေးကြမည်ဖြစ်သည်။

ဒါတွေကိုတော့ ထားပါတော့။ ဘယ်သူ့ကိုမှလည်း ဖြေရှင်းရန်မလိုပါ။ဖြေရှင်းရန်လည်း မရည်ရွယ်ပါ။ ဗိုလ်မှူးချုပ်အောင်ကြီး၏ စကားဆုံးလျှင် ကျွန်တော်က----“ဒါဖြင့် ကျွန်တော်နည်းနည်း ပြန်ပြောပါရစေ။”

“ပြောပါ။”သူ၏မျက်နှာသည်ပြုံးလျက်ပင် “ဒါပေမဲ့ဗိုလ်မှူးတင်မောင်ပြောတာတွေကိုတော့ အသိအမှတ်မပြုဘူးနော်”---တဲ့။

ကျွန်တော်သည်အားပါးတရ ရယ်မောလိုက်မိပါသည်။ ကျွန်တော့်အား စွဲချက်တင်တုန်းကတော့ စစ်ရာထူးခန့်အတွင်းဝန်ရှေ့တွင် တရားဝင်အဖြစ် စွဲချက်တင်ခဲ့သည်။ ကျွန်တော်က ဖြေရှင်းပါရစေဆိုတော့ တရားမဝင်ဘူးတဲ့။ ရှိပါစေတော့၊ ကျွန်တော်အဖို့လည်း အထူးတလည် ပြောစရာမရှိပါ။ ကျွန်တော်ပြောခဲ့မိသရွေ့တို့ကို ဝန်ခံလိုက်ပါသည်။ တောင်းပန်လိုက်ပါသည်။ ကျွန်တော်မပြောခဲ့ရသော အပိုစကားတို့ကိုမူ ငြင်းဆိုခဲ့ရသည်။...... ဗိုလ်မှူးကြီးဟောင်းတင်မောင်၊ “ဘဝမုန်တိုင်းထန်လေပြီ” စိတ်ကူးချိုချိူစာပေ။ နှာ-၃၇၈-၃၈ဝ)

ဒီအခန်းရဲ့နောက်ခံအကြောင်းအရာတွေကို-ကျွန်မ နည်းနည်း ရှင်းပြပါရစေ။

၁၉၅၂ခုနှစ်မှာဖဆပလက ပြည်ထဲရေးဝန်ကြီးဦးကျော်ငြိမ်းအဖွဲ့ခေါင်းဆောင်အဖြစ် အနောက်နိုင်ငံအတော်များများကို စစ်ဖက်လေ့လာရေးအဖွဲ့အဖြစ် သွားရောက်ရာမှာ ဖေဖေကဒုအဖွဲ့မှူးအဖြစ် ပါသွားပါတယ်။ ဖေဖေတို့ လန်ဒန်ရောက် ချိန်မှာ ဗိုလ်မှူးကြီးတင်မောင်ကလည်း လန်ဒန်က ဗမာသံရုံးမှာ စစ်သံမှူးအဖြစ်ရောက်စပါပဲ။ အိမ်အဆင်သင့် မဌားရ သေးတာကြောင့် ဖေဖေတို့အုပ် တည်းနေတဲ့ ဟော်တယ်မှာ ဝင် ခဏ နေရပါတယ်။ အဲဒီကာလက အဖြစ် အပျက်များ ဖြစ်ဟန်ရှိပါတယ်။ ဖေဖေလည်းဒီကိစ္စတွေ ဘာမှသိဟန်မတူပါဘူး။ ဒါပေမဲ့ ဖေဖေတို့အုပ်ထဲမှာက-ဆိုရှယ်လစ် တပ်မှူး များ ပါပါတယ်။ ဖေဖေကပြောပြဖူးတဲ့ အကြောင်းအရာတချို့တော့ ရှိပါတယ်။ ဖေဖေဘယ်သွားသွား-ဘာလုပ်လုပ် သူတို့အုပ်(ဆိုရှယ်လစ်အုပ်စုကိုဆိုလို)ကလူတယောက်ကို ကပ်ထည့်ထားတာချည်းပဲတဲ့။ အခုဒီအုပ်ထဲမှာလည်း ဗိုလ်မှူး ကြီးတင်မောင်က နံမည်အတိအကျဖော်မရေးပေမယ့် ဖေဖေကတော့ ဗိုလ်မှူးကြီးကျော်စိုး(နောင်မဆလခေတ် ပြည်ထဲ ရေးဝန်ကြီး)ကို သူ့အကြောင်းသတင်းပေးအဖြစ် သူ့စာအုပ်(ကိုယ်တိုင်ရေးအတ္ထုပွတ္တိ-နှာ-၁၉၉)မှာ ဖော်ထုတ်ရေးသား ထားတာ တွေ့ရပါတယ်။

၁၉၅၅ခုနှစ်-ဗိုလ်မှူးတင်မောင်-ဗမာပြည်ပြန်ရခါနီးမှာ အင်္ဂလန်ဆေးကုဖို့ရောက်လာတဲ့ ဗိုလ်ချုပ်နေဝင်းက ဗမာပြည် ပြန်ရောက်ရင် ပြည်မှာရှိတဲ့-တပ်မဟာကို ကိုင်ရမယ်လို့ပြောလိုက်တာပါ။ တပ်မဟာမှူးအဖြစ်ရာထူးတိုးမယ်ပေါ့။

ဒါပေမဲ့-ရန်ကုန်-စစ်ရာထူးခန့်အတွင်းဝန်(ဗိုလ်စန်းယု)ဆီရောက်တော့ မြစ်ကြီးနားရှိ ကယားတပ်ရင်းကို တပ်ရင်းမှူး အဖြစ်အမြန်သွားဖို့ ပြောပါတယ်။ ဗိုလ်နေဝင်းကိုယ်တိုင်က တပ်မဟာမှူးအဖြစ်ပြည်သွားရမယ်လို့ပြောထားတာဖြစ်တော့ ဗိုလ်မှူးတင်မောင်က စောဒကတက်တော့တာပေါ့။ ဒီတော့ဗိုလ်စန်းယုကအပါး။ (ဒါ့ကြောင့်လည်းဗိုလ်နေဝင်းကိုယ်ခွဲ အဖြစ် သမ္မတဖြစ်တာ)။ ဒါဆို-ဒုကာကွယ်ရေးဦးစီးချုပ်နဲ့ တွေ့လိုက်ပါလားဆိုပြီး ချိန်းပေးပြီး အဲဒီနေ့ကအဖြစ်အပျက်ကို အထက်ပါအတိုင်းဗိုလ်မှူးကြီးတင်မောင်က ပြန်ရေးထားတာဖြစ်ပါတယ်။

ဒီနေရာလေးမှာ ဗိုလ်မှူးကြီးတင်မောင်ရဲ့(မထိတထိ)ရေးသားချက်လေးတခုကို ဖေါ်ပြလိုက်ပါရစေ။

“----ဒုကာကွယ်ရေးဦးစီးချုပ်သည် ဗိုလ်မှူးချုပ်အောင်ကြီး ဖြစ်ပါတယ်။(ယခု-ဗိုလ်မှူးချုပ်ဟောင်း ကျွန်တော်ကဲ့သို့ပင်အထိန်းသိမ်းခံနေရသည်။)”-----တဲ့။(အထက်ပါစာအုပ်နှာ-၃၇၇)။

သြော်….ကာလဝိဘက်နောက်ပိုးတက်တာများ-နောင်ဘဝတောင်မကူးလိုက်ရရှာဘူး။
..............................

ဒီဗိုလ်မှူးကြီးတင်မောင်စာအုပ်ရဲ့ဇာတ်ရှိန်အမြင့်ဆုံးအခန်း (climax) ကတော့----(အထက်ပါစာအုပ် နှာ၅ဝဝ-၅ဝ၇)။ ၁၉၆ဝ ခုနှစ် ရွေးကောက်ပွဲအပြီး၁၉၆၁ခုဖေဖော်ဝါရီလပထမပတ်အတွင်း-ဗိုလ်နေဝင်းက တပ်မဟာမှူးများညီလာခံကိုစစ်ရုံးချုပ်မှာခေါ်ယူကျင်းပပြီး အားလုံးကို(လက်နက်ပါလာရင် အပ်ပါလို့ဆိုပြီးမှ) ပြင်းပြင်းထန်ထန် ကြိမ်းမောင်းဆူပူ ပါတယ်။ စွပ်စွဲချက်တွေ တခုပြီးတခု တင်ပါတယ်။ ရွေးကောက်ပွဲအတွင်း ဘက်မလိုက်ဖို့ ညွှန်ကြားထားပါလျက်-တည်မြဲဘက်လိုက်မှုလည်းပါတယ်။ တပ်အတွင်းရေးတွေလည်း ပါတယ်--တဲ့။ တကယ်တော့ တရားလိုနဲ့ တရားသူကြီးက တယောက်တည်းဖြစ်နေပြီး-စွပ်စွဲခံရသူများကလည်း ဘာမှဖြေရှင်းခွင့်မရှိတဲ့-ဗိုလ်နေဝင်းတယောက်တည်း ကြဲချင်တိုင်း ကြဲနေတဲ့ပွဲ။ ဗိုလ်နေဝင်းရဲ့ အာဏာရှင်ပြယုဂ်ကို အလွန့်ကိုရသမြောက်စွာ-အသက်ဝင်စွာရေးသားထားတဲ့ အခန်းပါ။

တနည်းပြောရရင်တော့-စစ်အာဏာရှင်စနစ် သန္ခွေတည်ခန်းပါ။

“ထွက်ကြ၊ အခုထွက်ကြ၊”-ထွက်ရမည့်သူတွေ၏ နာမည်တို့ကိုတစ်ဦးစီခေါ်၍ တပ်မတော်မှနုတ်ထွက်ကြရန်အမိန့်
ပေးလျက်ရှိနေပါပြီ။

“ကိုယ်ရေးကိုယ်တာကိစ္စကြောင့် ယနေ့မှအစပြု၍ တပ်မတော်မှ နုတ်ထွက်ခွင့်ပြုပါမည့် အကြောင်းလေးစားစွာဖြင့်”---ပြီးတော့ တပ်မှူးကြီးများ လက်မှတ်ထိုးပေးလိုက်ရပါသည်---တဲ့။

ဗိုလ်မှူးတင်မောင်ကတော့-ဒီအဖြစ်အပျက်တွေမှာ ဗိုလ်ချုပ်ကြီးရဲ့အထင်အမြင်လွှဲမှားမှုကိုခံရတာ။ ပြန်ဖြေရှင်းဖို့အ
ခွင့်အရေးလည်းမရခဲ့တော့။-ရှိ-ပါ-စေ-တော့။----တဲ့။

သူကသာ-ကိုယ့်အပြစ်နှင့်ကိုယ်(တကယ်လည်းရွေးကောက်ပွဲမှာ တည်မြဲဘက်ပင်းခဲ့မိတာပါ)ရှိပါစေတော့- လို့သဘော ထားပြီး- အေးအေးဆေးဆေးခြံစိုက်စားတော့မယ်-ဆိုပြီးတောင်ကြီးတက်-ညှိုးညှိုးငယ်ငယ် နှိမ်နှိမ်ချချနေနေပေမယ့် စစ်အာဏာ ရှင်ရဲ့ မျက်မာန်ရှခံရသူအနေနဲ့ ဒုက္ခတွေတမျိုးပြီးတမျိုး မဆုံးနိုင်အောင်တွေ့ခဲ့ရပါတယ်။ စစ်ခုံရုံးဖွဲ့ပြီးတပ်တွင်းရှိစဉ်က ဆောင်ရွက်ချက်များအပေါ် အပြစ်မရှိအပြစ်ရှာ စစ်ဆေးအပြစ်ပေးခဲ့တာတွေ၊ လုပ်ကြံသတ်ဖြတ်ဖို့ကြံစည်ခံခဲ့ရတာတွေ နောက်ဆုံး ၁၉၆၂ ဖမ်းဆီးထိန်းသိမ်းခံလိုက်ရတာတွေ-စုံနေပါတယ်။ ဒါတောင် ဒီကိုယ်တိုင်ရေးအတ္ထုပွတ္တိစာအုပ်ကြီးဟာ-အဲဒီအဖမ်းခံလိုက်ရတဲ့အခန်းမှာဆုံးသွားပေလို့ပဲ။

အဲဒီနောက်ဆုံးခန်းများကတော့-စိတ်ထိခိုက်စရာကောင်းလှပါတယ်။ ဒါပေမဲ့- ဖေဖေကတော့-အဲဒီအဖြစ်အပျက်ကို ဒီလိုနိဂုံးချုပ်ထားပါတယ်။

-----တကယ်တော့ ထိုရွေးကောက်ပွဲမှာ ပြည်သူလူထု၏ “အသံမထွက်သော တော်လှန်ရေးတရပ်”သာဖြစ်ခဲ့ပါ တော့သည်။ ထိုရွေးကောက်ပွဲဖြင့် ကျွန်တော်တို့ဗမာပြည်သူများက စစ်တပ်ကိုပထမဆုံးအကြိမ် နိုင်ငံရေးအရ ဖယ်ချ လိုက်ခြင်းဖြစ်ပါသည်။

“-----သန့်ရှင်းအစိုးရတက်လာပြီးနောက် ဗိုလ်နေဝင်းသည် ထိုလူထု၏ တည်မြဲဆန့်ကျင်ရေးလှိုင်းကိုစီးပြီး တပ်မ တော်ထဲမှ-‘မိမိ၏ဘက်မလိုက်ရေးညွှန်ကြားချက်ကိုမလိုက်နာ’ ဟုဆိုကာ ရွေးကောက်ပွဲအတွင်း တည်မြဲဘက်က ပင်း ပေးခဲ့သည့် တပ်မှူးကြီးများကို ထုတ်ပယ်ပြစ် လိုက်ပါသည်။ ဗိုလ်နေဝင်း၏ တကယ့်ရည်ရွယ်ချက်မှာ သူ့အားပြိုင်ဆိုင် နိုင်သည့် စစ်ဘက်ဝါချင်း မတိမ်းမယိမ်းဖြစ်နေသည့် တပ်မှူးကြီးများကို သူ့ရာထူးလုံခြုံရေးအတွက် ဖယ်ရှားရန်သာ ဖြစ်ပါသည်” ......

----- ဤနည်းဖြင့် ဗိုလ်နေဝင်းသည် မိမိအားတင်ပေးခဲ့သည့် ပြည်သူလူထု၏ စွန့်ပစ်ခြင်းခံလိုက်ရပြီဖြစ်သော ဆရာရင်းတည်မြဲများနှင့် လမ်းခွဲလိုက်ပါတော့သည်။ တပ်တွင်းတွင်လည်း တစုံတရာ သြဇာရှိနေသည့် ဆိုရှယ်လစ်တပ်မှူးများကိုလည်း ဖယ်ထုတ်လိုက်နိုင်ပြီဖြစ်သည်။ ဗိုလ်နေဝင်း၏ ဤလုပ်ရပ်သည် သူ့ကိုယ်ကျိုးအတွက်တော့ အလွန်ပြောင်မြောက်သည့်လုပ်ရပ်တခု ဖြစ်ပါတော့သည်။ ပြည်သူလူထုအတွင်းမှာလည်း သူ့အပေါ် နိုင်ငံရေးအရအမြင်ကောင်းမွန်စေပြီးစစ်တပ်တွင်းမှလည်း သူ့အားယှဉ်ပြိုင်နိုင်သည့် အလားအလာရှိသည့် တပ်မှူးအချိုကို ဖယ်ထုတ်လိုက်နိုင်ပါသည်။----တဲ့။ (ကိုယ်တိုင်ရေးအတ္ထုပွတ္တိ-နှာ၂၅၄)။

ဗမာပြည်ကြီး စိန်ခေါ်မှုအမျိုးမျိုးကြုံတွေ့နေရတဲ့ အခုလိုအချိန်အခါမှာ-အဓိကနဲ့အကြီးဆုံးအခက်ဆုံးဖြစ်တဲ့စိန် ခေါ်မှုကြီး(စစ်အာဏာ ရှင်စနစ်-ပုံစံအမျိုးမျိုးတိုက်ဖျက်ရေး) ကို မျက်ခြည်မပြတ်စေရေးအတွက် ဒီဆောင်းပါးကိုရေးပါတယ်။ ဒီဆောင်းပါးကို ဖေဖေရဲ့ ဗမာပြည်နိုင်ငံရေး နိဂုံးချုပ်ချက်လေးတရပ်နဲ့ နိဂုံးချုပ်လိုက်ပါတယ်။

----“ကနေ့ တိုင်းပြည်ကြုံတွေ့နေရတဲ့ ဒုက္ခအဖုံဖုံဟာ စစ်အာဏာရှင်စနစ်မှာ မြစ်ဖျားခံတာပါ။ ဒီစစ်အာဏာရှင်စနစ်ဟာ ပြည်သူလူထုအတွက် ဒုက္ခတွေ သယ်လာရုံမက တပ်မတော်သားတွေအပေါ်မှာလည်း ဒုက္ခတွေကျရောက်စေပါတယ်။

စစ်ဗိုလ်ချုပ် လက်တဆုပ်စာ လူတစုလေးသာ ချမ်းသာနေတာပါ။ ဒါတောင် တစ်သက်လုံး စံစားသွားရတာမဟုတ် ပါဘူး။ ရှေ့ကသွားကြပြီဖြစ်တဲ့ စစ်အာဏာရှင်ကြီးများရဲ့ ဘဝဇာတ်သိမ်းကိုပဲကြည့်ပါ”----

၈-၉-၂ဝဝ၇--ဒီဗွီဘီနှင့်တွေ့ဆုံမေးမြန်းခန်း။ (ဗိုလ်မှူးချုပ်ဟောင်းကျော်ဇော--သတင်းဌာနများနှင့်အင်တာဗျူး။
(နေရီရီစာပေ)- -နှာ ၁၇၉)။

ဗမာပြည်သူအပေါင်း(တပ်မတော်သားများအပါ)စနစ်ဆိုးအမျိုးမျိုးမှလွတ်မြောက်ပြီး ငြိမ်းချမ်းတဲ့-ဖွံ့ဖြိုးသာယာတဲ့နိုင်ငံတော်သစ်ကြီးဆီသို့ အမြန်ဆုံးရောက်ရှိနိုင်ပါစေကြောင်း---- ဆန္ဒပြုလျက်။

လှကျော်ဇော
၃-၁ဝ-၂ဝ၁၇။

မှတ်ချက်
၁။ ၂ဝ၁၇-အောက်တိုဘာ (၁ဝ) ရက်နေ့မှာကျရောက်မဲ့ ဖေဖေကွယ်လွန်ခြင်း (၅) နှစ်မြောက်နေ့ အထိမ်းအမှတ်အဖြစ် ရေး သားပါတယ်။

၂။ အရေးတော်ပုံဂျာနယ်။ အတွဲ (၂)။ အမှတ် (၁ဝ) မှ။

0