ကျော်ထင် ● ဖအေနဲ့ တူမှာ ကြောက်တဲ့ကောင်

ကျော်ထင် ● ဖအေနဲ့ တူမှာ ကြောက်တဲ့ကောင်
(မိုးမခ) အောက်တိုဘာ ၂၃၊ ၂၀၁၇

(တစ်)
တူမတယောက်ရဲ့ စေ့စပ်ပွဲမှတ်တမ်းဓာတ်ပုံတခုမှာ ကျနော့်ပုံကို တွေ့လိုက်ရတယ်။ ကျနော် တော်တော် အရွယ်ကျသွားပြီ။ တော်တော်အိုစာသွားပြီ။ ဇရာပိ ဒုက္ခာဆိုတာကို နဖူးတွေ့ဒူးတွေ့ တွေ့မြင်လိုက်ရပြီ။ ဒီ့ထက်ပိုသိသာတာက ကျနော်ဟာ အဖေနဲ့ တော်တော်တူနေတာ။ ကျနော့်ကိုယ်ကျနော်ကြည့်ရတာဟာ အဖေ့ကိုမြင်နေရသလို ထပ်တူခံစားနေရတယ်။ ကျနော်ဟာ အဖေ့လိုပဲ။ ကျနော်ဟာ အဖေပါပဲ။ အဖေနဲ့ကျနော်ဟာ တော်တော်တူနေတာပဲ။

(နှစ်)
တကယ်တော့ ဒီလိုအဖေနဲ့တူနေတာကြီးက ကျနော့်အတွက်တော့ ဟိုးလူပျိုပေါက်လောက်တုန်းက မဖြစ်ချင်ဆုံး စိတ်ထား ပါ။ ကျနော်ဟာ အဖေနဲ့နည်းနည်းလေးမှကို မတူချင်ခဲ့ပါဘူး။ ဘယ်လောက်များလဲဆိုရင် ကျနော့်ချောင်းဟန့်သံကို အဖေ့ ချောင်းဟန့်သံနဲ့ တူနေတယ်လို့ စိတ်ထဲထင်မိရင် ချောင်းဟန့်သံတမျိုးနဲ့ပြန်ဟန့်တာပါ။ အဖေ့အသုံးအဆောင်တွေဆိုလည်း တတ်နိုင်သမျှ မကိုင်မိအောင်နေတယ်။

ဒါဟာ ဘာလို့လဲ။ အဖေ့ကို ကျနော်မုန်းတီးနေလို့လား။ နာကျည်းစရာတွေ ရှိနေလို့လား။ အဖေဟာ မုန်းတီးခံရလောက်အောင် ဘာတွေများပြုမူခဲ့လို့လဲ။ နာကျင်စရာအမွေတွေ ဘာများပေးဝေခဲ့လို့လဲ။ မိသားစုတာဝန် မကျေပွန်တာတွေကြောင့်လား။

ဒီမေးခွန်းတွေအတွက်ကတော့ အဖြေဟာ မဟုတ်ဘူးဆိုတဲ့အဖြေတခုတည်းပဲ ရှိပါတယ်။

(သုံး)
တကယ်တော့ ကျနော့်စာဖတ်ကျင့်တွေဟာ အဖေမွေးပေးခဲ့တဲ့ အမွေပါ။ အဖေဟာ ကျနော့်ကိုမွေးဖွားနိုင်အောင် ဆောင်ရွက် ပေးခဲ့သလို စာဖတ်ဝါသနာကိုလည်း တပါတည်းအမွှာပေးလိုက်တာပါလို့တောင် အတိသယ ပြုနိုင်ပါတယ်။ ကလေးဘဝ ကတည်းက အဖေပြောတဲ့ ပုံပြင်တွေကိုနားထောင်ခဲ့တယ်။ အဖေက ပုံပြောသိပ်ကောင်းတယ်။ အသံအမူအရာ၊ ကိုယ်အမူအရာတွေနဲ့ဝေဝေဆာဆာပြောပြတတ် တာမို့ ကျနော်သာမကဘူး သူငယ်ချင်းတွေပါ စွဲမက်ကြတယ်။

မကွေးက၊ ပြည်တော်သာရပ်ကွက်က မျိုးနိုင်နဲ့မျိုးကျော်ပါ။ ဒီညီအစ်ကိုနှစ်ယောက်ဟာ အဖေ့ပုံပြင် ပရိသတ်တွေပေါ့။ အဖေ ပုံပြောတော့ မယ်ဆို ဒီကောင်တွေကြားအောင် အိမ်ထောင့်ကသွပ်ပြားကြီးကို ခေါက်ရတယ်။ သွပ်ပြားခေါက်သံကြားတာနဲ့ ဒီကောင်တွေ ပြေးလာကြတယ်။ အဖေ့ပုံပြင်တွေကို ကျနော်နဲ့အတူနားထောင်ဖို့ ရောက်လာကြတယ်။ ပြီးတော့ အဖေ့ပုံပြင် တွေကို တဝကြီးနားထောင်ကြတယ်။

ဒီကောင်တွေနဲ့က အဲ့ဒီ့ တနှစ်ပါပဲ။ နောက်နှစ်မှာ ကျနော်တို့ပျဉ်းမနား ပြန်ပြောင်းရတယ်။ ဒီကောင်တွေနဲ့ဝေးသွားတယ်။ ခုထိပါပဲ။ ပြန် မတွေ့ဖြစ်ကြတော့ဘူး။ သူတို့ကော အဖေ့ပုံပြင်တွေ နားထောင်ခဲ့ကြရလို့ စာဖတ်ဝါသနာတွေ၊ စာရေးဝါသနာ တွေ ပါလာကြသလား၊ မပါလားဘူးလား။ သူတို့ကိုတော့ မပြောတတ်ပါဘူး။ ကျနော်ကတော့ ပုံပြင်တွေကို အဖေဘာလို့ ပြောနိုင်တာတုန်းပေါ့။ ဘယ်လိုသိတာတုန်းပေါ့။ အဲ့ဒီလိုစဉ်းစားလည်း ကြည့်တယ်။ မေးလည်း မေးကြည့်တယ်။ အဖေက ဘိုးဘိုးရဲ့စာအုပ်ဘီဒိုကြီးကို မေးငေါ့ပြပြီး အဲ့ဒီလို စာအုပ်တွေဆီကပေါ့ကွာတဲ့။

ဒီတော့ ပုံပြင်ကြိုက်တတ်တဲ့ကျနော် စာအုပ်တွေဖတ်ဖို့ကြိုးစားတော့တာပေါ့။ ဒါပေမဲ့ အဖေမေးငေါ့ပြတဲ့စာအုပ်တွေကို ဖတ်ဖို့ကြိုးစားတာ တော့မဟုတ်ပါဘူး။ ကြိုးစားစကတော့ ရွှေသွေးတွေ၊ တေဇတွေ၊ မိုးသောက်ပန်းတွေပါ။ ဘာပဲပြောပြော ဒါကို အဖေ့ကျေးဇူးလို့ပဲ ပြောရ မှာပါပဲ။ အဖေက ကျနော့်အပေါ်မှာ အဲ့ဒီလို စာဖတ်ကျေးဇူးရှိခဲ့ဖူးတာ။

(လေး)
ဒါပေမဲ့ အဖေက မိသားစုရဲ့စားဝတ်နေရေးတာဝန်တွေကိုတော့ ပြေလည်အောင် မဖန်တီးပေးနိုင်ရှာပါဘူး။ ဒီ မပေးနိုင်ရှာပါဘူး ဆိုတဲ့ အသုံးအနှုန်းကိုကြည့်ရင်ပဲ ဒါဟာ ကရုဏာသံဆိုတာ သိသာစေမှာပါ။ အဖေ့ကို တာဝန်မကျေသူအဖြစ် နာကျည်းမနေ မိဘူးဆိုတာ ပေါ်လွင်နေမှာပါ။ အဖေ့ကို မေတ္တာမပျက်ပါဘူး။ မေတ္တာ မပျက်တဲ့အပြင် ကရုဏာတောင် သက်ခဲ့ပါသေးတယ်။

တကယ်တော့ အဖေ့တာဝန်တွေကို ကျနော်က (၇) တန်းကျောင်းသားအရွယ်ကတည်းက ကူညီဖြေရှင်းပေးခဲ့ရတာ။ အဖေက မိုးဇလဗေဒမှာ တိုင်းထွာရေးမှူးလေ။ သူ့အောက်မှာ လက်ထောက်တိုင်းထွာရေးမှူးတယောက် ရှိတယ်။ ဂျေအိုလို့ ခေါ်တာပဲ။ ကျန်တဲ့ ကျောက်ချက်က ဆင်သေချောင်းကို တိုင်းထွာရတဲ့သူ၊ ပေါင်းလောင်းမြစ် တိုင်းထွာရေးရုံးကလူ၊ ရုံး စောင့်၊ ဒီဝန်ထမ်းတွေလည်း ရှိတယ်။

ဝန်ထမ်းကတော့ နည်းပါတယ်။ တရုံးလုံးပေါင်းမှ (၈) ယောက်ပဲ ရှိတာ။ အဖေက တရုံးလုံးမှာ အကြီးဆုံး။ သူ့ထက်ကြီးတာ ဆိုလို့ရုံးနဲ့ တိုင်းထွာရေးမျှော်စင်ကြီးပဲ ရှိမယ်။ အဖေနဲ့ သူ့လက်ထောက်က တိုင်းထွာရမယ့်အချိန်တွေကိုခွဲတော့ လက် ထောက်က မနက် (၉)၊ နေ့လယ် (၁၂) နဲ့ နေ့လယ် (၃) နာရီတွေမှာ တိုင်းထွာရမယ်။ အဖေက မနက် (၆)၊ ညနေ (၆)နာရီ တွေကို တိုင်းထွာရတယ်။

အဖေက ရုံး မကပ်ဘူး။ အဲ့ဒီ့တုန်းက ကျနော်တို့က ရုံးမှာပဲ မိသားစုလိုက်လိုက်နေကြတာ။ ကျနော်တို့ ကိုယ်ပိုင်အိမ်ကြီးကိုငှား စားပြီး  ရေမီးအသင့်သုံးလို့ရတဲ့ရုံးကို ကျနော်တို့ကအိမ်လုပ်ပြီး တက်နေကြတာ။ လစာနဲ့မလောက်ငတော့ ကြံမိကြံရာလုပ်တာ နေမှာ။ မိုးဇလဗေဒဆိုတာ အဲ့ဒီ့ရုပ်ပျက်ဆင်းပျက်ခေတ်မှာ အကန်းတွေထဲ၊ မျက်ခမ်းစပ်က လူမော်ပေါ့။ နိုင်ငံ့ဝန်ထမ်းတွေ အကျင့်ပျက်ခြစားနေကြတဲ့အခါမှာ မိုးဇလဗေဒဆိုတာ မျက်ခမ်းဏပ်လေးဖြစ်ရုံပါ။ အကန်းတွေကြားထဲမှာ မျက်ခမ်းလေးစပ်ရုံ ဆိုတော့ တော်သေးတယ်ဆိုတဲ့ သဘောပေါ့။

မိုးဇလဗေဒဆိုတာ လာဘ်တွေလာဘတွေမပြောနဲ့ စက္ကူစုတ်တောင် ရောင်းစားစရာမရှိတာ။ ဆင်းရဲလိုက်တဲ့ ဌာန။ ချာတူး လန် နေတာပါပဲ။ အဲ့ဒီ့ကဝန်ထမ်းတွေခမျာ သားသမီးအတွက် အဲ့ဒီ့ခေတ်က အပေါဆုံးမောင်ဗမာ စက်ဘီးလေးတောင် အစိုးရဈေးနဲ့ဝယ်မပေးနိုင်ကြဘူး။ အခြားဌာနက မိသားစုတွေ ရွှေတပြောင်ပြောင်ဖြစ်နေချိန်မှာ၊ ကျနော်တို့ကတော့ ဝမ်းတ ခေါင်ခေါင်မဖြစ်ဖို့ မနည်းကြီး ရုန်းကန်နေရတာ။

ဒါပေမဲ့လည်း ကျနော်အဖေနဲ့ကိုမျက်ခမ်းစပ်တို့တတွေက ရုံးဝန်းကြီးထဲမှာ နှမ်းလေးစိုက်စားလိုက်ကြ၊ ပြောင်းလေး စိုက်စား လိုက်ကြတော့ လုပ်ကြရတယ်။ အဲ့ဒီ့ကရတဲ့ဝင်ငွေကို ဝန်ထမ်းတွေ အချိုးကျ ခွဲဝေယူကြတာ။ ဝက်ကလေး၊ ကြက်ကလေး လည်း မွေးတာပါတယ်။ ဒါကိုတော့ အမေကပဲ ဦးစီးလုပ်တယ်။ အဖေက အဲ့ဒီ့အလုပ်တွေ ဘာမှမလုပ်တတ်ဘူး။ ပြောင်းစိုက် ၊နှမ်းစိုက်တောင် တောင်သူကို အငှား ချ စိုက်ခိုင်းတာ။

မညာတမ်းပြောရရင် အဖေဟာ သံကိုတောင် ဖြောင့်အောင်မရိုက်တတ်ဘူးလို့ဆိုရမယ်။ အဖေက လောင်းကစားတော့ လုပ်တတ်တယ်။ ဂျင်ထိုးတယ်။ ဂျင်ကျသံကိုနားထောင်ပြီး ဘာကောင်လို့ထိုးတဲ့နေရာမှာ အဖေက ဆရာကြီးတဲ့။ အဲ့လို ပြောကြတယ်။ သူနဲ့တွဲဖက်က နားလေးထွန်းသင်းတဲ့။ သူလည်း ဆရာကြီးပဲ။ နားလေးဆိုပြီးတော့ ဘာလို့ဂျင်ကျသံကျတော့ ကြားတာတုန်းတာင် မေးမိသေးတယ်။

ဂျင်ထိုးတဲ့နေရာမှာ ဆရာကျတယ်သာပြောတာပါ၊ အဖေနိုင်လာတာကို ဘဝမှာ တခါပဲကြုံခဲ့ဖူးပါတယ်။ အဲ့ဒီ့နေ့ကိုလည်း ဘယ်တော့မှ မေ့မှာ မဟုတ်ပါဘူး။ ဘာလို့တုန်းဆိုတော့ စွန်လွှတ်ဖို့ရစ်ဘီးလေးတလုံးဝယ်ပေးခဲ့လို့ပါပဲ။ ရစ်ဘီးက (၁၂)ကျပ် ပေးရတယ်။ အဲ့ဒီ့နေ့က အပျော်ဆုံးပဲ။ အဖေ့ကိုလည်း သိပ်ကိုကျေးဇူးတင်ခဲ့တယ်။ တခါမှ စွန်ကိုရစ်ဘီးနဲ့တူတူတန်တန် မလွှတ်ဖူးဘူး။ အဲ့ဒီ့ကောင် အဲ့ဒီ့နေ့က စလို့ စွန်ကို ရစ်ဘီးနဲ့လွှတ်နိုင်ခဲ့တယ်။

ဒီ့အရင်က ဝါးခြမ်းပြားရစ်ဘီးနဲ့လွှတ်ရတာ။ ဝါးခြမ်းပြားရစ်ဘီးဆိုတာက ဘီးပုံသဏ္ဌာန်အဝိုင်းမမဟုတ်တာ။ ပြီးတော့ ပြား ပြားကြီး။ ဝါးခြမ်းပြားလေးတွေကို ဖြတ်တောက်ပြီး သရေကွင်းနဲ့တုပ်ထားတာ။ စွန်ကြိုးကို လျှော့တာလွယ်ပေမယ့် ရစ်ဖို့ကျ တော့ အတော်ကသိကအောက်နိုင်ခဲ့တာ။ ဒီကြားထဲချည်ထားတဲ့သရေကွင်းကြိုးတွေ ပြေသွားလို့ရစ်လည်း မရ၊ လျှော့လည်း မဖြစ်နဲ့ စွန်ကြိုးတွေ ရှုပ်ကုန်ခဲ့ဖူးတယ်။


လူ အရယ်ခံခဲ့ရတယ်။ အနီးအနားက မြင်သွားတဲ့ကောင်တွေက ရယ်ကြတယ်။ ရယ်စရာတွေ့လို့ သာမန်ပဲရယ်တဲ့သူတွေ ရှိသလို၊ လှောင်ပြောင်သရော်ပြီး ခြစ်ကပ်ရယ်တဲ့ကောင်တွေလည်း ပါတယ်။

ရစ်ဘီး ရတဲ့နေ့။ အဲ့ဒီ့နေ့ဟာ ကွဲခဲ့တဲ့သောက်ရှက်တွေအတွက် ပြန်ပြီးအဖတ်ဆယ်တဲ့နေ့လည်းဖြစ်ပြန်ဆိုတော့ ပိုလို့ မှတ်မိ နေတယ်။ ဒါပေမဲ့ ဒီတခုပါပဲ။ ဂျင်နိုင်တဲ့အကျိုးကို ထိထိရှရှခံစားမိတာ အဲ့ဒီ့တခါပါပဲ။ လောင်းကစားသမားဟာ အလျော်နဲ့ အစားပဲရှိတယ်ဆိုရင် ကျနော့်ဘဝမှာ အဖေနိုင်လို့စားတာ အဲ့ဒီ့တခါတည်းပဲရှိတာပါ။ ကျန်တာတွေကတော့ လျော်ရတဲ့ အလှည့် တွေချည်းပဲလေ။

ရေကူးကျွမ်းတဲ့သူဟာ ရေနစ်ပြီးပဲသေတာများတယ်ဆိုရင် ဂျင်ကျသံကို နားထောင်တဲ့နေရာမှာဆရာကျတဲ့ အဖေဟာလည်း ဂျင်ကြောင့်ပဲ ဘဝပျက်ခဲ့ရတာပါပဲ။ ဒီအရှုံးတွေကြောင့် အဖေဟာ မိသားစုဆီ ပြန်လာဖို့ပျက်ကွက်ခဲ့တယ်။ အိမ်ပြန်မလာ၊ ရုံးပြန်မအိပ်နဲ့နေနေခဲ့တယ်။ ပြန်လာတဲ့အခါကျပြန်တော့လည်း ညမှ မူးမူးဝေဝေပြန်လာတာ။ မနက်ရောက်တော့ သုတ် သုတ် သွက်သွက်ထွက်သွားနဲ့။ အဖေမရှိတုန်း တိုင်းထားလိုက်ဦးနော်သားလို့တောင် မှာ မသွားနိုင်တော့ဘူး။

လောင်းကြွေးတွေ ပူနေတာ။ ပူမယ်ဆိုလည်း ပူလောက်စရာပါပဲ။ အဖေ့အရင် တိုင်းထွာရေးမှူးတုန်းကလည်း ဒီလိုပဲ။ လောင်းကစားကြွေး မပေးလို့ဆိုပြီး အသတ်ခံလိုက်ရတာ။ လောင်းကစားကြွေးတောင်းတဲ့သူက ရုံးပေါ်ထိအောင် လူမိုက် တွေခေါ်လာပြီး၊ တောင်းတာ။ မရတော့ ရုံးပေါ်မှာတင် ဓားနဲ့ခုတ်ပစ်ခဲ့တာ။ အဖေကျင်လည်တဲ့ လောကက အဲ့ဒီလိုလောက။ လူ့အသက်တချောင်းကို ကြက်ကလေး၊ ငှက်ကလေးသာသာပဲ သဘောထားကြတာ။

ဒါကို အဖေက မျက်မြင်ကိုယ်တွေ့ဆိုတော့ စိုးရိမ်မှာပေါ့။ ဒါကြောင့်လည်း အိမ်ကပ်တယ် မရှိတာ။ ရုံးမှာ နေ၊ ရုံးအလုပ်တွေ လုပ် ဆိုတာရယ်လို့မရှိတော့ဘူး။ ဒီတော့ အဖေပြန်မလာမချင်း ကျနော်က မနက်(၆) နာရီ၊ ညနေ (၆)နာရီတွေမှာ တိုင်းထွာပေးထားရတာပေါ့။ အဖေပြန်လာတဲ့အခါမှ ရက်တွေနေ့တွေကိုပေါင်းပြီး လချုပ်လုပ်တယ်။ ရက်စွဲတွေ၊ နေ့တွေ အလွဲလွဲအမှားမှားပါပဲ။

အဲ့ဒီ့ရလာဒ်က နောက်ဆုံးဘာလဲဆိုတော့ လစာမဲ့ပြစ်ဒဏ် အဖေခံရတယ်။ ဘာဝင်ငွေမှ မရှိတော့ဘူး။ လောက်တာ၊ မလောက်တာ အသာ ထား၊ လကုန်ရင် လစာဆိုတာလေးရနေသေးတဲ့ဟာ၊ လစာမဲ့ပြစ်ဒဏ်ဆိုတော့ ဘာမှမျှော်လင့်စရာ မရှိတော့ဘူး။ လကုန်ရက်တွေဟာ ဝန်ထမ်းမိသားစုအတွက် အဓိပ္ပာယ်ကင်းမဲ့သွားတယ်။ အမေ ကွမ်းထွက်ရောင်းရတယ်။ ရှမ်းကန်ခြံစည်းရိုးနဲ့ ဗိုလ်ချုပ်ကြေးရုပ်စည်းရိုးနှစ်ခု စုံတဲ့နေရာမှာ ဆိုင်လေးခင်းရောင်းတယ်။ မနက်စောစောမှာ ကျနော်က ဆိုင်ခင်းပေးရတယ်။ ညသိမ်းရင်လည်း ကျနော်ပဲသိမ်းတယ်။ သယ်လို့ မလို့ကောင်းတဲ့ ဖြုတ်တပ် ခေါက်ခုံလေးနဲ့။

ရောင်းတာကိုတော့ ကျနော် ဝင်မကူပါဘူး။ ကျနော်က စာလုံးရေးရတဲ့ အလုပ်ရှိသေးတယ်။ ကျနော့်ညီက အမေ့ကို ကူရောင်းတယ်။ ဒီကောင်ဆိုင်ထိုင်တုန်း အမေက ဈေးဝယ်တာ၊ ချက်ပြုတ်တာတွေ လုပ်တယ်။ နေ့လယ် နေ့ခင်းဆိုရင် ခဏနားတယ်။ အိပ်တယ်ပေါ့။ အဲ့ဒီ့အချိန်မှာ အဖေက ယစ်ထုပ်ကြီးတထုပ်ဖြစ်နေပါပြီ။ အလုပ်က ပေးတဲ့အပြစ်ဒဏ်၊ ဝင်ငွေမရှိမှုရဲ့ဒဏ်တွေ အဖေမခံနိုင်ဘူးနဲ့တူပါတယ်။ စိတ်ညစ်လို့အရက်ကို သောက်တယ် နေမှာပေါ့။ အရက်ကိုကြိုက်လို့ သောက်တဲ့သူ၊ စိတ်ပျော်တတ်လို့သောက်တဲ့သူတော့ မဟုတ်ပါဘူး။

ညဆို မူးပြီးမှ အိမ်ပြန်လာတယ်။ ရပ်ကွက်ကို စိန်ခေါ်တယ်။ ထုံးစံအတိုင်း အားလုံးကို ရီးပဲထင်တယ်ပေါ့။ သူက တိုင်းထွားရေး မှူးပဲ။ အဲ့ဒီလိုတိုင်းထွားရေးမှူးပီပီဆဲတာကို ရပ်ကွက်က သည်းခံကြပါတယ်။ အဖေ့ကို လန့်တာကြောက်တာလည်း ပါမှာ ပေါ့။ အဲ့ဒီ့ဆဲသံကြားရင် အမေ့မှာ ရင်တုန်ပန်းတုန်ဖြစ်ရတာ ခုထိ ပြောမကုန်သေးဘူး။ အမေ့လိုပဲ ကျနော်တို့လည်း တဒိတ် ဒိတ်ပါပဲ။ ကျနော်တို့ကို ရန်မူလို့၊ အန္တရာယ်ပြုလို့တော့ မဟုတ်ပါဘူး။ အဲ့ဒီလိုမူးနေတာကြီးကို ရှက်လို့ ကဲ့ရဲ့ခံရမှာကိုကြောက်လို့ရင်ခုန်နေတာ။


လစာမဲ့ပြစ်ဒဏ်ကို (၂)နှစ်လောက်ခံရပြီးတဲ့နောက်မှာ ဝန်ထမ်းလစာ အဖေပြန်ရတယ်။ မူလရာထူးမှာပဲ။ ဒါပေမဲ့ အပြောင်းအရွှေ့ ပါ တယ်။ မန္တလေးဆီ အဖေပြောင်းရတယ်။ ၁၉၈၉။ အဖေတယောက်တည်း ရွှေ့ သွားတာ။ အဆောင်ငှားနေတယ်။ လစာကိုဝက်ပို့တယ်။ သူသုံးဖို့နဲ့ ကျနော်တို့သုံးဖို့ပေါ့။ မလောက်ပါဘူး။ တလမှ ၄၀၀ လားရတာ။ အဆောင်စရိတ်၊ စားစရိတ်နဲ့ဝက်လိုက်တော့ အဖေတယောက်တည်းစာနဲ့ ကျနော်တို့မိသားတစုလုံးစာက ဝေပုံ တူနေတယ်။ ဒီတော့လည်း ဘယ်လောက်ငမှာလဲ။ အမေပါ ကူရုန်းဦးပေါ့။ ကျနော်တို့ကိုလည်း တော မီးလောင် သားကောင် ချနင်းဦးပေါ့။ စိတ်ချမ်းသာတာတခုက အဖေမူးနေတာကို မတွေ့မြင်ရတော့တာနဲ့ မူးပြီးဆဲတာကို မကြားရတော့ တာပါပဲ။

အဖေ မန္တလေးကပြန်လာတော့ ပင်စင်နဲ့အတူ ပြန်လာတာ။ လုပ်သက်ပြည့်လား၊ သက်ပြည့်လားတော့ ကျနော်လည်း မမှတ်မိတော့ဘူး။ အဖေ တော်တော်အိုစာလာတာတော့ တွေ့လိုက်ရတယ်။ အဖေ့မာန်တွေကိုတော့မတွေ့ရတော့ဘူး။ အဖေ့ဋ္ဌာန်တွေကိုလည်း မမြင်ရတော့ ဘူး။ အဲ့ကျမှ အဖေ့ဆီက နွေးထွေးတဲ့ဖခင်တဦးရဲ့မေတ္တာကို မြင်လိုက်ရတာ။

အဖေဟာ ကျနော်တို့ရဲ့ဝေယျာဝစ္စတွေကို သိမ်းကျုံးလုပ်ပေးရင်းနဲ့ပြည့်အောင် မဖြည့်ခဲ့ရတဲ့ဝတ္တရားကို ဖြည့်စွက်ခဲ့တာ။ တလျှောက်လုံး ဖခင်တာဝန်မကျေသမျကို အဲ့ခါကျမှ အဖေဖြည့်လေသလားတော့မသိဘူး။ ကျနော်တို့အဝတ်အစားတွေ ကအစ လျှော်ဖွတ်ပေးတယ်။ ရေအခက်အခဲဖြစ်တဲ့အခါဆိုလည်း အဖေဟာ အိုကြီးအိုမနဲ့ဝင်ကူခပ်ပေးတယ်။ မလုပ်ပါနဲ့ဆို လည်း မရဘူး။ ကျနော်တို့မရှိခိုက်မှာ အဲ့ဒါတွေ ကို အဖေလုပ်ထားတာ။

မနက်ဆိုလည်း အစောကြီးထပြီး အမေလုပ်ရမယ့်အလုပ်တွေကို ထလုပ်တယ်။ ပန်းကန်တွေ ဆေးတယ်။ ရေနွေးအိုးတည် တယ်။ ထမင်း ချက်တယ်။ ဆွမ်းတော်ကပ်တယ်။ ချမ်းလည်း ထတာပဲ။ မိုးရွာနေလည်း အိပ်ရာထဲမှာ ကွေးမနေဘူး။ နွေ လည်း ဝတ္တရား မပျက်ဘူး။ မကောင်းတာဆိုလို့ ကွမ်းစာတာနဲ့ ချဲတွက်တာလောက်ကလွဲလို့ ဘာမှ မလုပ်တော့ပါဘူး။ ဝယ်ဘဝတလျှောက်လုံးမှာ အမေ့ကို အနိုင်ပိုင်းခဲ့သမျှတွေကိုလည်း ကြီးမှ အလံဖြူတဝေ့ဝေ့ပြခဲ့တာ။

(ငါး)
ပင်စင်ယူပြီးတဲ့နောက်ပိုင်းတလျှောက်လုံးမှာ မိဘနှစ်ပါးစလုံးကို ကျနော်တယောက်တည်းကပဲ ဒိုင်ခံတာဝန်ယူ ကျွေးမွေးခဲ့ တာပါ။ စောစောပိုင်းက အစ်မကဝင်ကူပေးခဲ့ပေမယ့် နောက်ပိုင်း ကျနော် ဝင်ငွေကောင်းလာတော့ မုန့်ဖိုး၊ ပဲဖိုးပေးတာလောက် ပဲ လုပ်တော့တာပါ။ ကျူရှင်ဆရာအလုပ်နဲ့ပဲ အဖေကော အမေကောကို ဘဝအမောတွေ ပြေစေခဲ့တယ်။ ကျနော်တို့တုန်းက တည်းက ဆင်းရဲတွင်းကို နိုင်သလောက်အားနဲ့ဖို့ပစ်ခဲ့တယ်။

ကျနော့်လက်ထဲကို အိမ်တွင်းအာဏာ ရလာတာကိုး။ ကျနော့်ခြေ၊ ကျနော့်လက် ဖြစ်ရပြီကိုး။ တကယ်တော့ အဖေဟာ အိမ်တွင်းအာဏာ ကို လက်လွတ်လိုက်ရသူပါ။ ကျနော်က အာဏာရလာသူပါ။ ဒါပေမဲ့ အဖေဟာ နိုင်ငံရေးပါတီတွေလိုတော့ အတိုက်အခမလုပ်ပါဘူး။ သူ့ရဲ့ ချို့ယွင်းတဲ့နားလေးကိုသာစွင့်ရင်း ကျနော်ရဲ့စကားကို စောင့်မျှော်ခဲ့တာ။ ဒါပေမဲ့ ကျနော့်မှာက စိတ်ဝေဒနာနှစ်ခုရှိတယ်။ ဟုတ်တယ်။ ဒါတွေကို စိတ်ဝေဒနာလို့ပဲ ကျနော်ယူဆပါတယ်။

တခြားတော့ မဟုတ်ပါဘူး။ ကျနော့်စိတ်ဝေဒနာတခုက မိသားစုချင်းဆို ဖွယ်ဖွယ်ရာရာသိုင်းသိုင်းဝိုင်းဝိုင်း စကားတွေ မပြော ချင်တဲ့ ဝေဒနာပါ။ ဒီဝေဒနာကြောင့် ပြောလည်း မပြောချင်ဘူး။ ပြောလည်း မပြောဘူး။ တေမိလို နေတာ။ တုံဏိဘာဝေနေတာ။ ဒီတော့ ကျနော့် စကားကို အဖေမကြားနိုင်ဘူးပေါ့။ ဒါကို နားလည်တဲ့အဖေကလည်း ကျနော့်စကားတွေကိုကြားရဖို့ ကျနော့် စာတွေကို စောင့်ဖတ်ပြီး ဖြေရှင်းတယ်။ သတင်းစာမှာ၊ ဂျာနယ် မှာ၊ မဂ္ဂဇင်းမှာပါတဲ့ကျနော့်စာတွေဟာ အဖေ့အတွက်တော့ ကျနော့်အသံတွေ ဖြစ်နေမှာပေါ့။

(ခြောက်)
နောက်တော့ အဖေ့အပေါ် ကျနော်နားလည်လာတယ်။ အဖေ့သဘောကို ဖတ်မိလာတယ်။ အဖေဟာ မိသားစုရဲ့အပေါ်ယံမှာ မနေတော့ တာ၊ မိသားစုရဲ့အောက်ခြေကို ဆင်းသွားတာ၊ အဖေဟာ သူ့ကိုယ်သူ နာခံသူအဖြစ် ပြောင်းလဲနေထိုင်လာတာ၊ မိသားစုရဲ့ အဓိကနေရာ ကနေ သာမညနေရာဆီ ပြောင်းရွှေ့ သွားတာ၊ မိသားစုရဲ့ ရှေ့မှာမဟုတ်တော့ဘဲ ဘေးမှာ၊ နောက်မှာ အဖေနေထိုင်နေတာဟာ ကျနော်ရဲ့ လုပ်စာကို စားနေရလို့မဟုတ်ဘဲ ပျက်ကွက်မှုတွေအတွက် ဝန်ချတိုးလျှိူးသွားတာလို့ ကျနော်သဘောပေါက်လာတယ်။

အဖေဟာ ကျနော်တို့ မိသားစုဘ၀မှာ အရှုံးသမားအဖြစ်နဲ့ အဆုံးသတ်သွားတာလား။ လောကီမှာလည်း မ အောင်မြင်ခဲ့ဘူး။ လောကုတ္တရာ မှာလည်း နိမ့်ရှုံးခဲ့တယ်။ လူမှုရေးကော၊ ဘာသာရေးကောမှာ အညတရအဖြစ်နဲ့ပဲ(၇၆)နှစ်ရောက်တော့ အဖေဆုံးသွားတယ်။

ဒါတွေကို ကျနော် မတူချင်တာလား။အဖေနဲ့ တူမှာကို ကြောက်တာ ဒါတွေကြောင့်လား။ဆိုတော့ မဟုတ်ပါ ဘူး။အဖေ့ဘ၀ ဖြတ်သန်းမှုကို သင်ခန်းစာယူစရာအဖြစ် ကျနော်မသတ်မှတ်ပါဘူး။ ဘဝသံဝေဂ ယူဖွယ်အဖြစ်လည်း ကျနော် မမြင်ပါဘူး။ အဖေဟာ ကျနော့်အတွက် စံ မဖြစ်ခဲ့ပါဘူး။ ဒါဆို ဘဝသံဝေဂပေးခဲ့တဲ့သူလား။ အဲ့ဒီလိုလည်း ရက်စက်စွာမသတ်မှတ်မိပါဘူး။

ကျနော်တူမှာကြောက်တာက ကျနော့်ရဲ့ဒုတိယစိတ်ဝေဒနာနဲ့ဆိုင်ပါတယ်။ ဒီဝေဒနာက ရူးကြောင်ကြောင်လို့တောင် ပြောရင်ရပါလိမ့်မယ်။ အသားအရေနဲ့ပဲဆိုင်ပါတယ်။ ရူပါနဲ့ပဲဆိုင်ပါတယ်။ ဘာလို့လဲဆိုတော့ အဖေ့ဆီက ရူပအမွေးဆိုးကြောင့် ကျနော့်ဘဝမှာ စူးစူးဝါးဝါးထိခိုက် ခဲ့ရဖူးပါတယ်။ သိမ်သိမ်ငယ်ငယ်ဝေဒနာ ခံစားခဲ့ရတယ်။ မှတ်မှတ်ရရပြောရရင် (၇)တန်းအပ်တဲ့နှစ်ဟာ သိသာတဲ့ အစပါ။ ကျောင်းသွားအပ်တော့ (၇)တန်း ကျောင်းအပ်လက်ခံတဲ့ဆရာတွေထဲမှာ လေးတန်းတုန်းက ကျနော့်ဆရာမတယောက်ပါပါတယ်။

Form ထဲက ကျနော့်အမည်ကိုဖတ်ပြီး ဆရာမက ကျနော့်ကို သေသေချာချာကြည့်တယ်။ပြီးတော့ ဟယ်-- ဘယ်လိုကြီးဖြစ် သွားတာ တုန်းကျော်လင်းဦး တဲ့။ ဒီစကားကို ဆရာမပြောခဲ့တာတခွန်းတည်း၊ တခဏတည်းပါပဲ။ ဒါပေမဲ့ ကျနော့်ဘဝမှာတော့ တဆယ်ကျော်ပြီး နှစ် ၂၀ လောက်ထိ စိတ်ဝေဒနာနဲ့ရှက်ရွံ့ မှုကို ခံစားခဲ့ရတယ်။ ဆရာမ ဘာကိုကြည့်ပြီးပြောတာ၊ ဘာတွေကိုတွေ့လို့ ပြောတယ်ဆိုတာ ကျနော် သိပါတယ်။

အဲ့ဒါတွေက အဖေ ပေးတဲ့ဆိုးမွေတွေပါ။ အဖေက ရှမ်းမျိုးရှမ်းနွယ်၊ ရှမ်းသွေးပါတယ်။ ပျဉ်းမနားကို စတည်တဲ့ ရှေးဦးရှမ်းမျိုးတွေထဲကနေ အဖေဆင်းသက်လာတာပါ။ အဖေဟာ အရပ်ပုတယ်။ အသားဖြူတယ်။ ဒီအမွေတွေကို ကျနော်ရထားတယ်။ ဒီအတွက်တော့ ကျေးဇူး တင်တယ်ပြောရမယ်။ ဒါပေမဲ့ အဖေ့အရေပြားပေါ်မှာရှိတဲ့ မှဲ့ခြောက်တွေကို အမွေအဖြစ် ကျနော်ရခဲ့တာကတော့ သိပ်ကိုဆိုးဝါးလှပါတယ်။ ဒီမှဲ့ခြောက်တွေကြောင့်ပဲ ကျနော် လူတောမတိုးဝံ့ဖြစ်ခဲ့တာ။ ဒါဟာ ကျနော့်ရဲ့စိတ်ဝေဒနာ ဒုတိယတခုပါ။

ဒီမှဲ့ခြောက်တွေကို လူမြင်မှာကြောက်တယ်။ အထူးသဖြင့် ကျနော့်ကို ချစ်စရာလေး၊ ချောလိုက်တာလို့ ပြောတဲ့သူတွေတွေ့သွားမှာကို ပိုရှက် တယ်။ မှဲ့ခြောက်တွေဟာ ကျနော့်နှာခေါင်းပေါ်မှာ ပျားအုံတခုအုံဖွဲ့နေသလိုပေါက်နေတာ။ ဒီတော့ ဘာနဲ့မှ ဖို့ကွယ်ထားလို့မရနဲ့ ပိုပြီးထင်းနေတာပေါ့။ ဒါတွေကို ပျောက်ဖို့နှစ်ရှည်လများ နည်းလမ်းတွေရှာပြီး ကြိုးစားခဲ့တယ်။ ဆေးမျိုးစုံခဲ့တယ်။ မပျောက်ပါဘူး။ မှဲ့ခြောက်ဆိုတာ တော်တော်ဆိုးတဲ့အသား အရေဖျက်ပိုးလိုပဲ။ ကူးတတ်တယ်လို့လည်း ကျနော် ခံစားရတယ်။ အမေကလည်း ငါ့ပါးမှာ တောင် နင့်အဖေဆီက ကူးတာ လို့ပါးလေးကို လက်ညှိုးထိုးပြဖူးတယ်။

ဒီတော့ မှဲ့ခြောက်တွေ ကျနော်ဆီမှာ ထပ်ပေါက်မှာကို ကျနော်သိပ်ကြောက်တယ်။ ထပ်ပွားမှာကို မလိုလားဘူး။ ဒီတော့ ကူးနိုင်တဲ့ အဖေ့ အသုံးအဆောင်ပစ္စည်းတွေကို ရှောင်တယ်။ ဆပ်ပြာ၊ မျက်နှာသုပ်ပုဝါနဲ့အဝတ်အထည်တွေကို အဓိကထား ရှောင်ဖယ်မိတယ်။ အဖေကတော့ ဒါကို သေသာသွားရောသိမသွားပါဘူး။

ကျနော့်အသက် (၂၀) လောက်မှာတော့ မှဲ့ခြောက်ပျောက်ဖို့အကြောင်းကံဖန်လာတယ်။ ဆေးကွမ်းရွက်ဆိုတာနဲ့ ကပ်လိုက်တာ၊ (၂)လ လောက်ပဲကြာတယ်။ ဆယ်နှစ်လောက်စွဲနေတဲ့ မှဲ့ခြေက်တွေ ပျောက်သွားတယ်။ ကျနော် လူရှေ့သူရှေ့ထွက်လာနိုင်ခဲ့တယ်။ ကိုယ့်မျက်နှာကို ကိုယ်ပြန်ရှက်မနေရတော့ဘဲ ယုံကြည်မှုတွေ တိုးလာတယ်။ သတ္တိတွေတိုးလာတယ်။ လူဝင်ဆံ့လာတာလည်း ဘယ်လောက်ထိအောင်လည်းဆို မိန်းမရတဲ့ထိပါပဲ။

(ခုနစ်)
ခုလည်း ကျနော်ဟာ အဖေနဲ့တူနေတုန်းပါ။ အိုမင်းပြီး အရွယ်ကျနေတဲ့ရုပ်ကော၊ အရေပြားပေါ်မှာ အညိုအမည်း စွဲထင်နေတာကောဟာ အဖေနဲ့တူနေတုန်းပါ။ မျက်နှာမှာ အညိုစွဲလာတယ်။ အမည်း ထင်းလာတယ်။ ဒါပေမဲ့ သက်ကြီးမှဲ့တွေအဖြစ် ပေါ်လာတဲ့ မှဲ့ညိုမှဲ့နီတွေနဲ့ အညိုအမည်းတွေကိုတော့ အရင်ကလို ရှက်ရွံ့ စရာအဖြစ် ကျနော်မခံစားမိတော့ပါဘူး။ ရှက်ရွံတဲ့အဓိပ္ပာယ်အဖြစ်လည်း ဘာသာ မပြန်ဖြစ် တော့ပါဘူး။

ဇရာအထုအထောင်းကို ကျနော် ကောင်းကောင်းကြီးခံယူနေပါပြီ။ ဖြစ်-ဖြစ်-ပျက်ကနေ၊ ဖြစ်-ပျက်။ ဖြစ်-ပျက်က နေ၊ ဖြစ်-ပျက်-ပျက် အရွယ်ကို ရောက်နေပါပြီ။ အရေပြားအလှဆိုတာ တထောက်စာတည်းပါ။ ဒါကို ကျနော် နှလုံးသွင်းနိုင်ခဲ့ပါပြီ။ ဒါပေမဲ့ ယောနိသော မဏသိကာရ မဖြစ်နိုင်သေးတာတခုတော့ ကျနော်ဆီမှာ ထပ်ပေါ်တယ်။ ဒါလည်းကလည်း စိတ်ဝေဒနာတခုပဲနဲ့တူတယ်။ တတိယဝေဒနာပေါ့။

ဝေဒနာက တခြားတော့ မဟုတ်ပါဘူး။ ကျနော့်သားဟာ ကျနော်နဲ့တူမှာကြောက်တဲ့သားများ ဖြစ်နေမလားဆိုတာကိုပါ။ ကျနော် စိုးရိမ်မိတယ်။

 ကျော်ထင်
0