လှကျော်ဇော - တရုတ်ကွန်မြူနစ်ပါတီ (၁၉)ကြိမ်မြောက်အစည်းအဝေး။ အပိုင်း(၃)။ ရှီကျင့်ဖင်- အတွေးအခေါ်


လှကျော်ဇော ● တရုတ်ကွန်မြူနစ်ပါတီ (၁၉) ကြိမ်မြောက် အစည်းအဝေး - အပိုင်း (၃)
(မိုးမခ) နိုဝင်ဘာ ၂ဝ၊ ၂ဝ၁၇

● ရှီကျင့်ဖင် အတွေးအခေါ်
(ခေတ်သစ်ကာလနဲ့အညီ တရုတ်ကွန်မြူနစ်ပါတီတည်ဆောက်ရေး)

၂ဝ၁၇ အောက်တိုဘာ ၁၈ ရက်နေ့ မနက် ပီကင်းပြည်သူ့ ခန်းမကြီးအတွင်း သဘာပတိစင်ပေါ်သို့ သမ္မတရှီကျင့်ဖင် ဝင် ရောက်လာတဲ့အခါ အသက် ၉၁ နှစ်ရှိ သမ္မတဟောင်း ကျန်းစစ်မင်၊ အသက် ၇၈ နှစ်ရှိ သမ္မတဟောင်းဟူချင်ထောင်တို့ နောက်ကပါလာပါတယ်။ ခန်းမကြီးတခုလုံးရှိ ကိုယ်စားလှယ် (၂ဝဝဝ) ကျော်နဲ့ အထူးဖိတ်ကြားထားသူများအားလုံး မတ်တပ် ရပ်လက်ခုပ်တီး သောင်းသောင်းဖျဖျ ကြိုဆိုခဲ့ပါတယ်။ အဲဒီနောက်မှာတော့ လက်ရှိတာဝန်တွေထမ်းဆောင်နေတဲ့ ပါတီနိုင်ငံ ရေးဦးဆောင်အဖွဲ့အမြဲတန်းကော်မတီဝင်များနဲ့ တာဝန်များကအနားယူသွားပြီဖြစ်တဲ့ ထိပ်တန်းခေါင်းဆောင်များ (ဒုသမ တများ၊ ဝန်ကြီးချုပ်များ၊ လွှတ်တော်ဥက္ကဌများ/ဟောင်းများ) တသီတသန်းကြီး ဝင်လာကြပါတယ်။

အခမ်းအနားကို အခမ်းအနားမှူးဝန်ကြီးချုပ် လီခက်ချန်က နိုင်ငံတော်သီချင်းနဲ့ ဖွင့်လှစ်လိုက်ပြီးနောက် ကွယ်လွန်ကုန်ကြပြီ ဖြစ်တဲ့ခေါင်းဆောင်များ မော်စီတုန်း၊ ချူအင်လိုင်း၊ ချူတေး၊ လျှိုရှောက်ချီ၊ တိန်ရှောင်ဖင်၊ ချင်ယွန်အမှူးပြုတဲ့ မျိုး ဆက်ဟောင်းရဲဘော်ကြီးများအား ၁ မိနစ်ငြိမ်သက်စွာ အလေးပြုခဲ့ကြပါတယ်။

(မှတ်ချက်။ ။ ဒါတွေအားလုံးက တရုတ်ကွန်မြူနစ်ပါတီရဲ့ခေါင်းဆောင်မှုဟာ တဆက်တစပ်ထဲရှိတယ်ဆိုတာကို ဖော်ညွှန်းနေ ပါတယ်။ ဒါ့အပြင်အခန်းအနားအပီးမှာ ခေါင်းဆောင်ဟောင်းရဲဘော်ကြီးများကို တနိုင်ငံလုံးကတက်လာတဲ့ ကိုယ်စားလှယ် များက သဘာပတိစင်ပေါ်တက် ဝမ်းသာအားရဝိုင်းဝန်းနှုတ်ဆက်နေကြတာတွေကို တွေ့ရပါတယ်။ ဒီကိုယ်စားလှယ်တွေဟာ ပါတီဝင် စုစုပေါင်း သန်း (၈ဝ) ကျော်ကို ကိုယ်စားပြုတာပါ။ ဒီမြင်ကွင်းက တရုတ်တပြည်လုံးရှိ ပါတီဝင်အားလုံးရဲ့စုစည်းညီညွ့တ်မှုကို ပြသလိုက်ပါတယ်။)

ဒီနောက်မှာတော့ (၁၈) ကြိမ်မြောက်ပါတီကွန်ဂရက်ရဲ့ဗဟိုကော်မတီရဲ့အစီရင်ခံစာကို အထွေထွေအတွင်းရေးမှူး ရှီကျင့်ဖင် က တင်သွင်းပါတယ်။ ၃ နာရီခွဲကြာပါတယ်။

အနာဂါတ်အတွက် ယုံကြည်မှုတွေပြည့်လျှံနေတဲ့ ဒီအစီရင်ခံစာအကြောင်း ကြည့်ရအောင်ပါ။

ပါတီရဲ့အမျိုးသားကွန်ဂရက်ဆိုတာ ပြီးခဲ့တဲ့ (၅) နှစ်အတွင်းလုပ်ဆောင်ချက်များအပေါ်အဆိုးအကောင်း နိဂုံးချုပ်ပြီး နောင် (၅) နှစ်အတွက် လုပ်ဆောင်မယ့်စီမံကိန်းများကို တင်ပြလေ့ရှိပါတယ်။ တရုတ်ကွန်မြူနစ်ပါတီရဲ့ ဖွံ့ဖြိုးတိုးတက်မှုဆိုင်ရာ သဘောတရားများပါ။

သဘောတရားတွေဟာ လက်တွေ့တွေကပေါ်ထွက်လာတာဖြစ်ပြီး တခါ ဒီသဘောတရားတွေကပဲ နောင်လက်တွေ့တွေကို ထပ်လမ်းညွှန်ပေးပါတယ်။ ဒါဟာ တရုတ်လူမှုအဖွဲ့အစည်းနဲ့ လူသားဘဝ (Humanity) ဖွံ့ဖြိုးတိုးတက်မှုဖြစ်စဉ်တခုလုံးရဲ့ ဥပဒေသဖြစ်ပါတယ်။ ဒီနှစ်ကွန်ဂရက်မှာလည်း တရုတ်ကွန်မြူနစ်ပါတီရဲ့သဘောတရားအသစ်စုပေါင်းထားချက်များကို တရုတ်ထူးခြားချက်များနဲ့ ကိုက်ညီတဲ့ ဆိုရှယ်လစ်စနစ်ခေတ်သစ်ပိုင်းဆိုင်ရာအတွေးအခေါ်များလို့ သတ်မှတ်ခေါ်ဝေါ်လိုက် တာဖြစ်ပါတယ်။ ဒါ့အပြင် တရုတ်ကွန်မြူနစ်ပါတီရဲ့ဖွဲ့စည်းအုပ်ချုပ်ပုံမှာလည်း ဒီသတ်မှတ်ချက်ကို ရှီရဲ့အတွေးအခေါ်များလို့ ခေါ်ဆိုလိုက်ပြီး ပါတီရဲ့လမ်းညွှန်ချက်အဖြစ်ပါ သတ်မှတ်လိုက်ပါတယ်။

ဒီအတွေးအခေါ်တွေအားလုံးဟာ လွန်ခဲ့တဲ့ (၅) နှစ်အတွင်း ရှီကျင့်ဖင်တင်ပြခဲ့တဲ့ အုပ်ချုပ်မှုပိုင်းဆိုင်ရာ အတွေးအမြင်များ၊

အတွေးအခေါ်များ၊ ဗျူဟာများ၊ နည်းနာများဖြစ်ရုံမက၊ တရုတ်ကွန်မြူနစ်ပါတီရဲ့လမ်းညွှန်မူဝါဒများဖြစ်တဲ့ မာက်စ်ဝါဒ-လီ နင်ဝါဒ၊ မော်စီတုန်းအတွေးအခေါ်၊ တိန့်ရှောင်ဖင်သဘောတရား၊ ကိုယ်စားပြုမှု သုံးခုသဘောတရားနှင့် ဖွံ့ဖြိုးတိုးတက်မှု ဆိုင်ရာ သိပွံနည်းကျကြည့်မြင်နည်းတို့ရဲ့ တိုးတက်ဖြစ်ထွန်းမှုလည်း ဖြစ်ပါတယ်။ ဒီအတွေးအခေါ်ဟာ တရုတ်အနာဂတ်ဖွံ့ဖြိုး တိုးတက်မှုလမ်းကြောင်းကို လမ်းညွှန်ပေးမှာဖြစ်ပြီး ဒီအခြေခံပေါ်ကနေ ဘက်စုံဒေါင့်စုံတဲ့ သေနင်္ဂဗျူဟာသစ်များကို ချမှတ် မှာဖြစ်ပါတယ်။ ဒီဖြစ်စဉ်များအတွင်း တရုတ်ကွန်မြူနစ်ပါတီရဲ့ခိုင်မာတော့င်တင်းတဲ့ခေါင်းဆောင်မှုဟာ အခရာကျတဲ့အတွက် ပါတီတည်ဆောက်ရေးလမ်းစဉ်အသစ်များလည်း ပါပါတယ်။

ခေတ်သစ်လို့ သတ်မှတ်လိုက်မှုက တရုတ်ရဲ့တိုးတက်ဖွံ့ဖြိုးမှုလမ်းကြောင်းရဲ့ အရေးကြီးသမိုင်းဝင်ချိန်ခါကို အလေးပေး ဖော်ပြတာပါ။

တရုတ်တွေမှာ ရာပြည့်ရည်မှန်းချက်ကြီး (၂) ရပ်ရှိပါတယ်။

၁။ တရုတ်ကွန်မြူနစ်ပါတီ အနှစ်တရာပြည့်ချိန် (၁၉၂၁-၂ဝ၂၁) အဖက်ဖက်က မျှတသင့်တော်စွာချမ်းသာ ကြွယ်ဝတဲ့ လူ့ အဖွဲ့ အစည်းတရပ် တည်ဆောက်ပြီးရေး။

၂။ တရုတ်ပြည်သစ်တည်ထောင်တာ နှစ်တရာပြည့်ချိန် (၁၉၄၉-၂ဝ၄၉) မှာ အင်အားတောင့်တင်းတဲ့၊ ဒီမိုကရေစီရှိတဲ့၊ ယဉ် ကျေးမှုအရရှေ့တန်းရောက်တဲ့၊ ချမ်းသာကြွယ်ဝတဲ့ မျှတမှုရှိတဲ့  ခေတ်မီဆိုရှယ်လစ်နိုင်ငံတော်ကြီးတည်ဆောက်ပြီးရေး ဆိုတာပါပဲ။

ဒီအစီရင်ခံစာမှာ ရှီက ဒီရည်မှန်းချက်ကြီးများပြည့်ဝဖို့အတွက် အသေးစိတ်လမ်းညွှန်ချက်၊ စီမံကိန်းများကို အချိန်ကာလတွေ ခွဲ၊ အဆင့်တွေခွဲပြီး ပြောဆိုသွားတာပါ။

ရှီကလက်ရှိအခြေအနေတွေကိုပြောသွားရာမှာ တရုတ်ပြည်အနေနဲ့ လူထုသန်းပေါင်း တထောင်ကျော်ရဲ့ အခြေခံလိုအပ်ချက် များကို ယေဘုယျ ဖြည့်ဆည်းပေးနိုင်ခဲ့ပါပြီ။ လူအများ တင့်တောင်းတင့်တယ် နေထိုင်နိုင်ကြပါပြီ။ သင့်တင့်ချောင်လည်တဲ့အဖွဲ့အစည်းတရပ် မကြာခင်ပေါ်ပေါက်လာတော့မှာပါ။ လူတွေရဲ့ပိုမိုကောင်းမွန်တဲ့ဘဝအတွက် တောင်းဆိုချက်တွေဟာ ပိုမြင့်မားပိုကျယ်ပြန့်လာပါလိမ့်မယ်။ ရုပ်ဝတ္တုပစ္စည်းဆိုင်ရာ၊ ယဉ်ကျေးမှုဆိုင်ရာတောင်းဆိုချက်များသာမက၊ ဒီမိုကရေစီတို့၊ တရားဥပဒေစိုးမိုးရေးတို့၊ တရားမျှတမှုတို့၊ လုံခြုံရေးတို့၊ သဘာဝပတ်ဝန်းကျင်သန့်ရှင်းရေးတို့ စတဲ့ တောင်းဆိုမှုတွေကလည်း မြင့်လာနေပါတယ်။

ဒါ့အပြင် တရုတ်ရဲ့ထုတ်လုပ်မှုစွမ်းအင်ဟာ ယေဘုယျခြုံကြည့်ရင် အတော်တိုးတက်မှုရှိပြီး နယ်ပယ်အတော်များများမှာ ကမ္ဘာကိုရှေ့ဆောင်နေပေမဲ့ နိုင်ငံ့ရဲ့ဖွံ့ဖြိုးတိုးတက်မှုဟာ မညီမမျှနဲ့ မလုံမလောက်ဖြစ်နေပါသေးတယ်။ ဒါဟာပြည်သူတွေရဲ့ပိုမိုကောင်းမွန်တဲ့ဘဝတောင်းဆိုမှုအတွက် အဟန့်အတားဖြစ်နေပါတယ်။ ဒါ့ကြောင့် တရုတ်လူအဖွဲ့အစည်းခေတ်သစ်ကာလရဲ့အဓိကပဋိပက္ခဟာ မညီမမျှမလုံမလောက်ဖြစ်နေတဲ့ ဖွံ့ဖြိုးတိုးတက်မှုနဲ့ ပြည်သူလူထုရဲ့ အဆက်မပြတ်တိုးပွားနေတဲ့ ပိုမိုကောင်းမွတဲ့ဘဝအတွက် လိုအပ်ချက်များ ဖြစ်လာပါတယ်။

(မှတ်ချက်။ ယခင်ပါတီကသတ်မှတ်ထားတဲ့ ပဋိပက္ခ ပြည်သူလူထုရဲ့ရုပ်ဝတ္တုပစ္စည်းနဲ့ ယဉ်ကျေးမှု ဆိုင်ရာလိုအပ်မှုများ အ ဆက်မပြတ်တိုးမြင့်လာနေမှုနဲ့ လူမှုထုတ်လုပ်ရေးနိမ့်ကျမှု ဖြစ်ပါတယ်။ ဒီပဋိပက္ခအသစ်ကို ပြောင်းလဲသတ်မှတ်လိုက်ရတာ ကလည်း တရုတ်ပြည်ရဲ့ သိပွံနဲ့နည်းပညာ တိုးတက်မှုများက ထုတ်လုပ်မှုများကိုခေတ်နဲ့အမီ ရင်ဘောင်တန်းနိုင်လာလို့ ဖြစ် ပါတယ်။)

ဒီလိုပဋိပက္ခပုံစံပြောင်းသွားတဲ့အတွက် ပါတီရဲ့ရှေ့လမ်းစဉ်သတ်မှတ်ချက်များလည်း ပြောင်းသွားရမှာဖြစ်ပါတယ်။ ဒီအ တွက် တရုတ်အိပ်မက်ကိုအကောင်အထည်ဖော်ရေးဟာ ခေတ်သစ်ကာလမှာ တရုတ်ကွန်မြူနစ်ပါတီရဲ့ကြီးမြတ်တဲ့ သမိုင်း ဝင်တဲ့ အရေးတော်ပုံကြီး ဖြစ်ပါတယ်။ ဒီအရေးတော်ပုံကြီးအောင်မြင်ဖို့အတွက် သမိုင်းအခြေအနေသစ်များကို ရင်ဆိုင် တိုက်ပွဲဝင်ပြီး တိုင်းပြည်နဲ့လူထုအတွက် လုံခြုံမှုနဲ့အကျိုးစီးပွားများကို အကာအကွယ်ပေးရပါမယ်။

လူမှုတည်ငြိမ်ရေးကို ထိမ်းသိမ်းပြီးစီးပွားရေးဖွံ့ဖြိုးတိုးတက်မှုကို မြှင့်တင်ပေးရပါမယ်။ ဒီအတွက် ပါတီဝင်ထုတရပ်လုံးပါတီ ခေါင်းဆောင်မှုကို ကိုင်စွဲပြီး တရုတ်ဆိုရှယ်လစ်အရေးတော်ပုံကြီးမှာ ပါဝင်ရပါမယ်။

ဒီဖြစ်စဉ်များအတွင်းပါတီအခန်းကဏ္ဍဟာ အလွန်အရေးပါတဲ့အတွက် ခေတ်သစ်ကာလပါတီတည်ဆောက်ရေးကို အစွမ်း ကုန် ကြိုးစားရပါလိမ့်မယ်။

ခေတ်သစ်ကာလပါတီတည်ဆောက်ရေးအတွက်အထွေထွေလိုအပ်ချက်များ။

၁။  ပါတီကိုနိုင်ငံရေးအရတည်ဆောက်ခြင်း။ ပါတီကိုတက်ကြွရွှင်လန်းနေတဲ့ မာက်စ် ဝါဒီပါတီ၊ အုပ်ချုပ်ရေးနည်းပညာပြည့်ဝတဲ့ ပါတီတရပ်အဖြစ် တည်ဆောက်ရမှာဖြစ်ပြီး၊ အမြဲမပြတ် ခေတ်ရှေ့ပြေးနေဖို့လိုပါတယ်။ (Forefront of the Times) ပြည် သူလူထုတရပ်လုံးရဲ့ စိတ်ရောကိုယ်ပါထောက်ခံမှုကိုရရှိနေနိုင်အောင် ကြိုးစားရမယ်။ ပြုပြင်ပြောင်းလဲနိုင်စွမ်းရှိရမယ်။ စမ်းသပ်မှုအမျိုးမျိုးကို ခံနိုင်ရည်ရှိရမယ်။

၂။ ပါတီတရပ်လုံးကို တရုတ်ထူးခြားချက်များနဲ့ကိုက်ညီတဲ့ ဆိုရှယ်လစ်စနစ် ခေတ်သစ်ပိုင်းဆိုင်ရာအတွေးအခေါ်များ တပ် ဆင်ပေးရမယ်။

၃။ ဘာသာရပ်လိုက် စွမ်းရည်ပြည့်ဝတဲ့ဝန်ထမ်းတပ်ဖွဲ့ကို မွေးမြူရမယ်။

၎။ ပါတီအဖွဲ့အစည်းများရဲ့အောက်ခြေအဆင့်များကို အားဖြည့်တည်ဆောက်ရမယ်။

၅။ ပါတီရဲ့လုပ်ငန်းများ ကောင်းမွန်တိုးတက်ရေးအတွက် အဆက်မပြတ်ကြိုးစားရမယ်။ ပါတီရဲ့ စည်းမျဉ်းစည်းကမ်းများကို လိုက်နာ ဖော်ဆာင်ရမယ်။

၆။ လာဘ်ယူ လာဘ်စားတိုက်ဖျက်ရေးတိုက်ပွဲ အပြတ်အသတ်အောင်ပွဲခံနိုင်ရေးအတွက် အာမခံရမယ်။

၇။ ပါတီနဲ့ နိုင်ငံတော်အပေါ်ကြီးကြပ်တဲ့စနစ်များ တိုးတက်ကောင်းမွန်လာစေရမယ်။

၈။ ကျွန်ုပ်တို့ရဲ့အုပ်ချုပ်ရေးဆိုင်ရာစွမ်းရည်ကို အဖက်ဖက်က ခိုင်မာအားကောင်းအောင် လုပ်ရမယ်။

ဒါတွေကတော့ ပါတီတည်ဆောက်ရေးဆိုင်ရာလမ်းညွှန်ချက် (အကျဉ်း) ဖြစ်ပါတယ်။ ဒါ့အပြင် ရှီရဲ့အစီရင်ခံစာမှာ တခြား နယ်ပယ်အသီးသီး တည်ဆောက်ရေးဆိုင်ရာပြောဆိုချက်များလည်း ပါဝင်ပါသေးတယ်။

အပိုင်း (၄) မှာ ဆက်လက်တင်ပြပါ့မယ်။

လှကျော်ဇော
၁၉၊ ၁၁၊ ၂ဝ၁၇။


အပိုင်း (၁) အပိုင်း (၂) 
0