ရွှေပြည်စိုး - နယူးယောက်မှာ ပီနန်ဆရာတော်ကြီး ရည်စူး ဆွမ်းကပ်


ရွှေပြည်စိုး - နယူးယောက်မှာ ပီနန်ဆရာတော်ကြီး ရည်စူး ဆွမ်းကပ်
(မိုးမခ) ဒီဇင်ဘာ ၄၊ ၂၀၁၇

နိုဝင်ဘာ ၃၀ ရက်က အမေရိကန်ပြည်၊ နယူယောက်မြို့မှာ တပည့်သံဃာများနဲ့ တကာတကာများ စုပေါင်း၍ ကမ္ဘာ့ဗုဒ္ဓသာသနာပြု ပီနန် ဆရာတော်ကြီး ဦးပညာဝံသအား ရည်စူး ရက်လည်ဆွမ်းကပ် လှူဒါန်းခဲ့ကြသည်။

ကမ္ဘာ့ဗုဒ္ဓသာသနာပြု ပီနန်ဆရာတော်ကြီး ဦးပညာဝံသ(အဂ္ဂမဟာပဏ္ဍိတ)သည် မလေးရှား နိုင်ငံ၊ ပီနန်ကျွန်းရှိ ဓမ္မိကာရာမ မြန်မာဘုန်းတော်ကြီးကျောင်းတွင် ၂၀၁၇-နိုဝင်ဘာ-၂၄ ရက်နေ့က ပျံလွန်တော်မူသွားရာ ယနေ့ (၃၀-၁၁-၂၀၁၇)တွင် ဆရာတော်ကြီး တည်ထောင်ခဲ့သော နယူးယောက် မြို့ Long Island မြို့နယ်ရှိ ဗုဒ္ဓဒီပန်ကျောင်းတော်ကြီး၌ ဆရာတော်ကြီး၏ တပည့် သံဃာတော်များနှင့် တကာ တကာမများ စုပေါင်း၍ ရက်လည်ဆွမ်းကပ်ခြင်းကို အောက်ပါ အစီအစဉ်အတိုင်း ပြုလုပ်ကြ ပါသည်။

၁။ တကာ တကာမများက သရဏဂုံ သုံးပါးနှင့် ငါးပါးသီလကို ခံယူဆောက်တည်ကြပါသည်။

၂။ ဆရာတော် သံဃာတော်များက ဆရာတော်ဘုရားကြီးအား ရည်စူး၍ မေတ္တာသုတ် စသော ပရိတ်တရားတော်များကို ရွတ်ဖတ် ပူဇော်ကြပါသည်။

၃။ ဆရာတော် အရှင်မဏ္ဍလ (B.A., M.A.)က သံဝေဂတရားလေးပါး ဖြစ်သော -

(၁) ကျန်းမာခြင်းသည် နာခြင်းလျှင် အဆုံးရှိသည်။

(၂) ငယ်ရွယ်နုပျိုခြင်းသည် အိုမင်းရင့်ရော်ခြင်းလျှင် အဆုံးရှိသည်။

(၃) အသက်ရှင်ခြင်းသည် သေခြင်းလျှင် အဆုံးရှိသည်။

(၄) ပြည့်စုံခြင်းသည် ပျက်စီးခြင်းလျှင် အဆုံးရှိသည် -

ဟူသော သံဝေဂ တရားများ၏ အနက် အဓိပ္ပာယ်များကို ရှင်းလင်း ဟောကြားတော်မူသည်။

၎။ ဆရာ ဦးခင်မောင်စန်းကလည်း တိပိဋက ဓမ္မဘဏ္ဍာဂါရိက ဆရာတော်တော်ကြီး ဦးဝိစိတ္တ၏ သံဝေဂ ဂါထာနှင့် မဟာဂန္ဓာရုံ ဆရာတော်ဘုရားကြီး၏ ဝိပဿနာသံဝေဂ ဂါထာ (၂)ပုဒ်ဖြင့် ရွတ်ဆို ပူဇော်ပါသည်။

၅။ ပျံလွန်တော်မူသွားသော ပီနန်ဆရာတော်ကြီး ဦးပညာဝံသအား ရည်စူး၍ ရေစက်ချ အမျှဝေ ကြပါသည်။

၆။ ပင့်သံဃာ (၁၁)ပါးအား သင်္ကန်း တစ်စုံစီနှင့် နဝကမ္မ ဝတ္ထုငွေများ လှူဒါန်းပါသည်။

၇။ ကြွရောက်လာသော ဆရာတော်ကြီး၏ တပည့် တကာ တကာမ (၅၀)ကျော်အား နေ့လည် စာဖြင့် ဧည့်ခံ ကျွေးမွေးပြီး အခမ်းအနားကို ရုပ်သိမ်းလိုက်ပါသည်။


ရွှေပြည်စိုး
၃၀-၁၁-၂၀၁၇
0