လင်းသစ္စာဦး - အဖြေ မရှိတဲ့ မေးခွန်းများ

အဖြေ မရှိတဲ့  မေးခွန်းများ
လင်းသစ္စာဦး
(မိုးမခ)၊ ဒီဇင်ဘာ ၃၊ ၂၀၁၇
 
ဖျောက်ဆိပ်ကြယ်လေးတွေဟာ ငါတို့အနာဂတ်လား တဲ့
မလင်းလက်နိုင်တော့တဲ့ ပိုးစုန်းကြူလေးက မေးတယ်
ဒဏ်ရာကိုနက်နက်တူးရင်  ကျောက်စိမ်းထွက်နိုင်သလားဆရာ တဲ့
ပထဝီဘာသာရပ်နဲ့ နေသားမကျသေးတဲ့ ကျောင်းသားလေးကမေးတယ်
လူလူချင်းတူညီပါလျက်  ဘာကြောင့် ပိုင်ဆိုင်မှုတွေ မညီမျှတာလဲ တဲ့
ဒုက္ခသည်စခန်းက ခြေတဖက်ဆာနေတဲ့ကောင်မလေးက မေးတယ်
ဘုရားသခင်ဆီမှာ  ဒီအဖြေတွေ ရှိနိုင်ပါသလားတဲ့
တနင်္ဂနွေနေ့တိုင်း ဘုရားကျောင်းတက်တဲ့ကောင်းလေးက မေးတယ်
စစ်ပွဲတွေဆီက ဘာအကျီုးအမြတ်တွေ ရနိုင်ပါသလဲတဲ့
ရွာကိုပစ်ပြေးနေရတဲ့ စစ်ရှောင်ကောင်လေးက မေးတယ်
ဒီသောကတွေက လွတ်မြောက်ဖို့ ဘာတွေလိုအပ်ပါသလဲ တဲ့
ဆေးရုံမှာပိုက်တန်းလန်းနဲ့ အသက်လုနေရတဲ့ လူမမာလေးက မေးတယ်
မီးပြတိုက်ကြီးတွေဆီမှာ သူတပါးဘဝကို လင်းလက်စေလိုတဲ့ဆန္ဒတစုံတရာ ရှိနိုင်ပါသလားတဲ့
အသက်သေနေတဲ့ ပင်လယ်ကြီးက တမေးတည်း မေးနေတော့တယ်. . . . .

လင်းသစ္စာဦး

Comments