ကျော်ကျော် (မြရည်စမ်း) ● ချွေးစက်​​လေးများရဲ့သီအိုရီ

ကျော်ကျော် (မြရည်စမ်း) ● ချွေးစက်​​လေးများရဲ့သီအိုရီ
(မိုးမခ) ဇန်နဝါရီ ၉၊ ၂၀၁၈

ကျွန်​​တော်​​နောက်​ဆုံးနှစ်​စာ​မေးပွဲမ​ဖြေခင်​ကတည်းက ​မေ​မေ​​ပြောပြော​နေတဲ့စကားက အခုဆို ပိုလို့မှန်​လာတာ​ပေါ့။ ကျွန်​​တော် အခု​ကျောင်းပြီးသွားပြီ။ ​ကျောင်းတက်​​နေရတုန်းက  ​စာ​တွေကျက်​ရတာ ပင်​ပန်းတဲ့အ​ကြောင်း၊ ပိုက်ဆံကိုသူများသုံး သလို မသုံးနိုင်​လို့ စိတ်​ညစ်​​ကြောင်း ​မေ​မေ့ကို ​ပြောခဲ့ဖူးပါတယ်​။ ​မေ​မေက ကျွန်​​တော့်​ကို တ​ခွန်းထဲပဲ ပြန်​​ပြောခဲ့ပါတယ်​။ "​ကျောင်းပြီးသွားရင်​ ဒီထက်​ပိုပြီးပင်​ပန်းအုံးမှာ၊ ပိုက်​ဆံဆိုတာ ဘယ်​လိုဟာလဲဆိုတာကိုလဲ ပိုပြီးသိမှာ" တဲ့။

ကျွန်​​တော်​က ရူပ​ဗေဒအဓိကနဲ့ ​ကျောင်းပြီးပါတယ်​။ ဘွဲ့​တော့ မယူရ​သေးပါဘူး။ ကျောင်းတက်​​နေတုန်းက စိတ်​ကူး​တွေဟာ ​ကျောင်းပြီးတာနဲ့ မှုန်​သထက်​ မှုန်​လာ​တော့တာပါပဲ။ အစိုးရအလုပ်​မလုပ်​ချင်​တာ ငယ်​ကတည်းကဆို​တော့ ​ကျောင်းပြီး တဲ့အခါ ကျူရှင်သင်​စားမယ်​လို့ စိတ်​ကူးခဲ့ဖူးပါတယ်​။ တကယ်​​တမ်း ကျူရှင်​ပြစားမယ်​ စိတ်​ကူး​တော့လည်း ထင်​ထားသလို မလွယ်​လှပါဘူး။ သူများ​တွေ ​ထောင်​ထားတဲ့ ကျူရှင်​မှာ ဝင်​သင်​ဖို့ဆိုတာက လည်း ​နေရာလွတ်​အုံးမှ ဖြစ်​တာပါ။ ကျောင်း တက်​​နေတုန်းက​တော့ စတိတ်​​ခ်ျ​ပေါ်က​နေ ဘယ်​လို​ပြောလိုက်​မယ်​။ ဘယ်​လိုသင်​လိုက်​မယ်​။ အလွတ်​ကျက်​စရာမလို​အောင်​ ဘယ်​လိုနည်း​တွေသုံးပြီးသင်​မယ်​ဆိုပြီး စိတ်​ကူး​တွေလှ​ပနေခဲ့ဖူးပါတယ်​။ အဲဒီအချိန်​ကစိတ်​ကူးဟာ လက်​​တွေ့ ဘဝ မှာ အရူးအိပ်​မက်​ပါပဲ။ အ နေတဲ့သူမက်​တဲ့အိပ်​မက်​ကိုမှ စာနာမှုနဲ့နား​ထောင်​ကြအုံးမယ်​​လေ။

မကြာခင်​​လေးက ဘွဲ့အတွက် ​(form) တင်​ရတယ်​။ ကျောင်းသား​ရေးရာဌာနကို သွားရတယ်​။ ပညာ​ရေးဟာ ခက်​ခဲတယ် ​ဆိုတာကလွဲပြီး နှိုက်​နှိုက်​ချွတ်​ချွတ်​မသိတဲ့ ​မေ​မေက​တော့ "နင်​တို့ဟာကလည်း ​လေးနှစ်​လုံး ပိုက်​ဆံကုန်​ထားတာ​တောင်​ အခုထိ​ပေး​နေရတုန်းလား"တဲ့။

မေမေ့ကို အများကြီးလည်း ရှင်းပြမ​နေ​တော့ပါဘူး။ လိုတဲ့​ငွေ​တောင်း၊ ဓာတ်​ပုံရိုက်​၊ ပုံစံမှာ ဖြည့်​ခိုင်းထားတာ​တွေ ဖြည့်​ပြီး တင်​လိုက်​တယ်​။

ဝင်​​ငွေရှားပါးတဲ့ကာလကြီးမှာဆို​တော့ ကုန်​ကျစရိတ်​ကို ​မေမေကစစ်​​နေ​သေးတယ်​။ ကျွန်​​တော်​တို့က​တော့ သတ်​မှတ်​ထားတဲ့​ငွေ​ကြေးထက်​ အမြဲပို​ပေးရတဲ့​ ​ကျောင်းသား​ရေးရာဌာနကို ထူးလို့လည်း အပြစ်​မမြင်​တတ်​​​တော့​အောင်​ ကျင့်​သားရ​နေပါပြီ။

ကျောင်းတက်​​နေရတုန်းက​တော့ အခုလို​ဆောင်းတွင်းဆိုရင်​ မနက်​၈နာရီ​လောက်​မှ အိပ်​ရာထဖြစ်​တာပါ။ အခု​တော့ မနက် ​၆ နာရီထိုးရင်​ အိပ်​ရာထရပြီ။ ထမင်းဘူးထည့်​ရပြီ။ တ​နေကုန်​အလုပ်​လုပ်​ရမှာဆို​တော့ ​ချွေးစိုအင်္ကျီလဲဖို့ကအစ လွယ်​အိတ်​​လေးထဲ ထည့်​ယူခဲ့ရတယ်​။

အိုင်းစတိုင်းရဲ့​ဖော်​မြူလာကို အခုအချိန်​မှာ ကျွန်​​တော်​မ​တွေးဖြစ်​​တော့ပါဘူး။ မေ​မေ့ကို ပိုက်​ဆံအပ်​နိုင်​ဖို့ပဲ စဉ်းစား​နေရပါ တယ်​။ တ​ခါတ​လေ​တော့လည်း ​နောက်​ဆုံးနှစ်​စာ​မေးပွဲ​ဖြေပြီးတဲ့ ညက​မေ​မေနဲ့စကား​ပြောဖြစ်​ကြတာကို ပြန်​သတိရမိတယ်​။

ကျွန်​​တော်​က ​မေ​မေ့ကို ဦး​လေး (​မေ​မေ့ရဲ့​မောင်​)​ ရှိတဲ့မြို့​လေးမှာ အလုပ်​သွားလုပ်​ချင်​တယ်​လို့ပြောလိုက်​​တော့ ခါးခါး သီး သီး ကန့်​ကွက်​တယ်​။ "နင့်​ကိုပညာသင်​​ပေးထားတာ အဲဒီလိုလုပ်​ရမှာစိုးလို့" တဲ့။ ကျွန်​​တော်​က​တော့ အဲဒီအချိန်​မှာ ​မေ​မေ့ကို ဘာမှ​စောဒကမတက်​ခဲ့ပါဘူး။ ကိုယ်​တိုင်​ကလည်း ကျူရှင်​သင်​စားမယ်​ဆိုပြီး စိတ်​ကူးရှိ​သေးတာကိုး။ ဦး​လေးတို့ဆီမှာက နယ်​စပ်​မြို့​လေးဆို​တော့ အခုအချိန်​အထိ ဝင်​​ငွေ​မဆိုးကြ​သေးဘူး။ အဓိကက​တော့ ဒီဖက်​ကပစ္စည်း​တွေကို ဟိုဖက်​ပို့ကြ တာပါ။ ကျွဲ​တွေ၊ နွား​တွေကအစ​ ​ကျောက်​စိမ်းအထိ​ပေါ့။ ကျွန်​​တော်​အလည်​တစ်​​ခေါက်​​ရောက်​ဖူးပါတယ်​။ ကျွန်​​တော့်​အရွယ်​လူငယ်​​တွေဆို လက်​ဖျား​ငွေသီး​နေကြတယ်​။ တစ်​ခု​တော့ ​ပြောစရာရှိတာ​ပေါ့။ သူတို့အားလုံးလိုလိုဟာ မူးယစ်​​ဆေးတစ်​မျိုးမျိုး​တော့ သုံးတတ်​​နေကြပြီ။ အလိမ်​မာဆုံးဆိုတဲ့​ကောင်​ဟာ ဘီယာ​လောက်​​တော့ ​သောက်​တတ်​ပါတယ်​။

အခုလည်း​ ​ကျောင်းတက်​တုန်းက ဆိုင်​ကယ်​​ဟောင်း​လေးကို စီးလာရင်း အ​တွေးနယ်​ကျွံလာမိတာ စုရပ်​ကို ​ကျော်​​တော့မလို့။ ကျွန်​​တော်​အခုလုပ်​ရတဲ့ လုပ်​ငန်းခွင်​မှာ​တော့ ကျွန်​​တော်​က​ခေါင်း​ဆောင်​​ပေါ့။ ကျန်​တဲ့သူ​တွေက ကျွန်​​တော့်​လို ​ကျောင်းမပြီး ကြ​သေးဘူး​လေ။ ​မေ​မေ့ကိုလည်း တခါတ​လေ​တော့ ​စောဒကတက်​ချင်​မိပါတယ်​။ အခုအတူတူ အလုပ်​လုပ်​​နေကြတဲ့ အထဲ ကညီတယောက်​ဆိုရင်​ အ​ဝေးသင်ဒုတိယနှစ်​။ ဒါ​ပေမဲ့ သူ​ဆေးသုံးတတ်​​ နေပြီ။ သူ့ကျ​တော့ ​မေ​မေဘယ်​လို​ပြောမလဲ။ နယ်​စပ်​လည်းမသွား၊ ဘယ်​ကိုမှလည်းမသွား။ ဝေးဝေးလံလံဆိုလို့ ဘယ်​မှမ​ရောက်​​ပေမဲ့ အခုဆိုရင်​ မူးယစ်​​ဆေးက သူ့​သွေး သားထဲစိမ့်​​နေပြီ။ အချိန်​တန်​ရင်​ ​သူ့​သွေးသားက သူ့ကိုပြန်​​တောင်း​နေပြီ။

မေ​မေက သိပ်​ပြီးစိတ်​ပူတတ်​လို့သာ ကျွန်​​တော်​မ​ပြောပြဖြစ်​ခဲ့တာပါ။ ကျွန်​​တော်​တို့ ​ကျောင်းတက်​​နေတုန်းကလည်း အဲဒီအန္တ ရာယ်​ကြီးကို ကြည့်​​ရှောင်​ခဲ့ရတာပါပဲ။ ​ကျောင်းဝင်းထဲတင်​မကဘဲ စာသင်​ခန်းထဲထိ ဝင်​လာတဲ့အကြိမ်​​တွေ အများကြီး​ပေါ့။ သူငယ်​ချင်းတချို့ဆိုရင်​ အ​ကြောင်းအမျိုးမျိုးနဲ့ ဆေး​ရောင်းသူ​တွေဖြစ်​သွားဖူးကြတယ်​။ ​ပြောရမယ်​ဆို အများကြီးပါ။ အိမ်​မှာစီးပွား​ရေး အဆင်​မ​ပြေလို့ပါဆိုတဲ့​ကောင်​​တွေပါသလို ​နောက်​ဆုံး​ပေါ် ပစ္စည်း​ ကောင်း​ကောင်း​လေး​တွေ သုံးချင်​တဲ့​ကောင်​​တွေလည်း ပါကြပါတယ်​။ ဆိုင်​ကယ်​​ပေါ်က ကျွန်​​တော်​ဆင်းပြီး စက်​သတ်​လိုက်​​ပေမယ့်​ အ​တွေးကိုဇက်သတ်​လို့မရတတ်​ဘူး။

စုရပ်​ကို​ရောက်​ပြီဆိုရင်​ ကျွန်​​တော်​တို့အားလုံးကို လိုက်​ထရပ်​တစင်းနဲ့တင်​ပြီး မြို့လုံးပတ်​လည်​လှည့်​​တော့ တာပါပဲ။ ငယ်​ဘ၀က ​မောင်​ရင်​​လောင်း လှည့်​သလို​တော့ ​ပျော်​စရာမ​ကောင်းဘူး​ပေါ့။ ဒါ​ပေမဲ့ ​ပျော်​နိုင်​​အောင်​ကြိုးစားပါတယ်​။

ခေါင်း​ဆောင်​​နေရာ ရထား​တော့ ​ခေါင်း​ဆောင်​ပီသ​အောင်​ကြိုးစားပါတယ်​။ ကျွန်​​တော်​က အ​ပြောနဲ့တင်​မပြီးပဲ အလုပ်​နဲ့ သက်သေပြမှ ​အောက်​ကလူ​တွေ​နှစ်​သက်​ကြမှာ​လေ။ ကျွန်​​တော်​က သူတို့ထက်​စာရင်​ ပညာတတ်​ကြီးတယောက်​​လေ။ အ​ဝေးသင်​တက်​​နေကြသူ​တွေကြားထဲမှာ ရူပ​ဗေဒနဲ့​ကျောင်းပြီးထားတယ်​ဆိုတဲ့ အဆင့်​ဟာ နည်းတာမှမဟုတ်​တာ။

ကျွန်​​တော်​ကိုးတန်းနှစ်​က စာ​ပေ​ဟော​ပြောပွဲသွားနား​ထောင်ဖူးခဲ့တယ်​။ ဆရာကြီး​တ​​ယောက်​က​တော့ ကျွန်​​တော်​တို့လို ​ကျောင်းသားလူငယ်​​တွေကိုပဲ အဓိကထားပြီး ​ပြောပါတယ်​။ ဆရာကြီးက ပညာသင်​ယူခြင်းကိစ္စနဲ့ပတ်​သက်​ပြီး​​ပြောခဲ့တာ ကျွန်​​တော်​မှတ်​မိ​နေ​သေးတယ်​။

"ဘွဲ့ရ​တော့ ဘာလုပ်​ရမှာလဲမ​မေးနဲ့ "တဲ့။ "ပညာဆိုတာတတ်​​အောင်​သင်​ရမယ်​" တဲ့။ " သားသမီးဆိုတာ မိဘထက်​တဆင့် မြင့်​သွားမှ ဖြစ်​မှာ၊ နို့မို့ဆိုရင်​အကုန်​​မြေကြီးထဲ ​ရောက်​ကုန်​ကြမှာ" တဲ့။

ကျွန်​​တော်​နဲ့အတူတူ ရူပ​ဗေဒအဓိကနဲ့ ​ကျောင်းပြီးသွားပြီး အလုပ်​၀င်​​လုပ်​​နေကြတဲ့ သူငယ်​ချင်း​တွေကို တခါတရံ​တော့ သတိရမိပါတယ်​။ တယောက်​က လျှပ်​စစ်​ကုမ္ပဏီတခုမှာ အလုပ်​သင်​အ​နေနဲ့ဝင်​ရင်း အိမ်​မီးဆင်​တဲ့​နေရာမှာ ဝိုင်​ယာလိုက်​ရိုက်​​နေတယ်​။ နောက်​တယောက်​က​တော့ ရတနာ​မြေတခုက ဘက်​ဟိုး​မောင်းတဲ့ဆီမှာ (helper) အကူလိုက်​​နေတယ်​။ ကျွန်​​တော်​တို့ဟာ ​ကျောင်းကပညာနဲ့​တော့ အနီးစပ်​ဆုံးအလုပ်​အကိုင်​ကို လုပ်​​နေကြရပါပြီ။ အဲတာအတွက်​​တော့ ​တွေးတတ်​မယ်​ဆို ဂုဏ်​ယူစရာကြီး ​နေမှာပါ။ ဘယ်​​လောက်​အားစိုက်​ထုတ်​ပါ​စေ၊ ​ရွေ့သွားမှ အလုပ်​လို့ ​ခေါ်တယ်​လို့ သိခဲ့ရတယ်​။ ကျွန်​​တော်​တို့ကို တင်​ပြီး​ခေါ်လာတဲ့ လိုက်​ထရပ်​က​တော့ တနေ့လုံး ​ရွေ့​နေတာပါပဲ။ ဂုဏ်​ယူစရာပါ။

လှေကား​ပေါ်မှာ​နေရင်း အ​တွေးများ​နေတဲ့ ကျွန်​​တော့်​စိတ်​​တွေကို ပြန်​ပြန်​ထိန်း​နေရပါတယ်​။ ဆောင်းတွင်းကြီးမှာ​တောင်​ အင်္ကျီတစ်​ထည်​လုံး ချွေး​တွေရွှဲ​နေပြီ။ အ​ပေါ်က​ဆောင်း​နေကလည်းအ​တော်​ပူ​နေပြီ။ နဖူးက​ချွေးဟာ ​ခြေမထိမကပဲ ​အောက်​​ ခြေသံမံတလင်း​ပေါ်ထိကျသွားတယ်​။ ​ကျောင်းကသင်​​ပေးလိုက်​တဲ့ ပညာရပ်​နဲ့ စပ်​ဆိုင်​တဲ့သမာအာဇီဝအလုပ်​ဆို​တော့ လည်း ​မော​ပေမယ့်​ဂုဏ်​ယူစရာပါ။

ကျွန်​​တော်​​ခေါင်း​ဆောင်​တဲ့ အဖွဲ့ဟာ ဖုန်းဆိုင်​တစ်​ခုရဲ့ မျက်​နှာစာအမြင့်​ပိုင်းမှာ ​ကြော်​ငြာ​တွေလိုက်​ကပ်​​နေကြပါတယ်​။နေ့ စား/လရှင်း ၀န်​ထမ်းအဖြစ်​နဲ့ ကျွန်​​တော်​အလုပ်​လုပ်​​နေတဲ့ ဆက်​သွယ်​​ရေးကုမ္ပဏီက ​ကြော်​ငြာလှလှ​လေး​တွေဟာ ဝယ်​ယူစားသုံးသူ​တွေကို မြူဆွယ်​​နေကြပြီ။

လှေကား​ပေါ်က သတိထားပြီးပြန်​ဆင်းလိုက်​တဲ့အချိန်​မှာ ဆိုင်ထဲကသီချင်းသံကို သတိထားမိလိုက်​ပါတယ်​။ ကျွန်​​တော်​ငယ်​ဘဝထဲက ဦး​လေးဆို ဆို​နေလို့ နားစွဲခဲ့ရတဲ့ သီချင်း​လေး​ပေါ့။ အဆို​တော်​စိုင်းထီးဆိုင်​ရဲ့ ပလက်​​ဖောင်းမင်းသား သီချင်း။ 'ရုပ်​ရှင်​ကြည့်​ပြီး ရူးချင်​တယ်​ဆိုလည်း ကပ်​လက်​စနဲ့ ကပ်​အုံး​ပေါ့ ထရံထက်​မှာ ​ရွှေမင်းသမီးဇာတ်​ကား​ကြော်​ငြာ...'။

ရူပ​ဗေဒအဓိကနဲ့ ​ကျောင်းပြီးလာခဲ့​ပေမဲ့ သီချင်းသံရဲ့ လှိုင်းအလျားကို ခန့်​မှန်းနိုင်​​လောက်​တဲ့ အသိတရားနဲ့ဉာဏ်​ပညာကို ကျွန်​​တော်​မရခဲ့ဘူးဆိုတာကို​တော့ ဝန်​ခံပါရ​စေ။ ခဏ​လေးကြာရင်​​တော့ ကျွန်​​တော်​တို့ကား​လေးလည်း လမ်းမကြီးအတိုင်း ​ရွေ့လျားသွားရင်း သီချင်းသံနဲ့ ​ဝေးသွားရအုံးမှာပါ။

ကျော်​​ကျော်​ (မြရည်​စမ်း)
၁၇ ဒီဇင်​ဘာ၊ ၂၀၁၇