ကိုဂျေ - တရားခံဖြစ်သွားတဲ့ ရှေ့နေ စာရေးဆရာကြီး ဦးကုိုယု (မောင်သစ်)


ကိုဂျေ - တရားခံဖြစ်သွားတဲ့ ရှေ့နေ စာရေးဆရာကြီး ဦးကုိုယု (မောင်သစ်)
(မိုးမခ) ဇန်န၀ါရီ ၁၄၊ ၂၀၁၈

မြန်မာစာရေးဆရာတွေသာ ပြောတဲ့ နင့်ယောက်ျားဆီလာတဲ့ စာရေးဆရာတွေကလဲ တရုတ်နဲ့ ကုလားတွေချည်းပဲလုို့ ကျနော် ဇနီးရဲ့ အမေ ပြောတဲ့စကားကုို သတိရနေမိတယ်။ ယောက်ခမကြီး ပြောစကားကုို သတိထား ကြည့်မိတော့မှ ကုိုယ့်ကုိုယ်ကုိုယ် ပြုံးလုိုက်မိပါ့…။
ဟုတ်ပါရဲ့။ အိမ်ကုို ဝင်ထွက်သွားလာခဲ့တဲ့ စာရေးဆရာတွေ၊ စာပေနဲ့ ပတ်သက်နေသူတွေကုို ကြည့်လုိုက်ရင်… ကာတွန်းကံချွန်၊ ကာတွန်းဗုိုလ်မောင်၊ ကုိုနေဝင်းမြင့်နဲ့ စာကြည့်တုိုက်မှူး ကုိုသန်းထွန်းအောင် တုို့က အိန္ဒိယကပြားတွေ။ ရုပ်ရှင်ဒါရုိုက်တာနဲ့ သွေးသောက်မဂ္ဂဇင်းအယ်ဒီတာ ဦးပြည့်စုံ၊ စာရေးဆရာ မောင်ခေတ်ထွန်းနဲ့ ဦးကုိုယု(မောင်သစ်) တုို့က တရုတ်ကပြားတွေ…။
xxxxxxxxx

'ဦးကုိုယု ဆုိုတာ ငါ့တုို့ တပ်ဦးခေါင်းဆောင် ပေါ့ကွ။ သူ့မိန့်ခွန်းတွေ သူ့ ခေါင်းဆောင်မှုတွေနောက် ငါတုို့ လုိုက်ခဲ့ရတာ၊ သတ်မှတ်ထားတဲ့ ဥပဒေစည်းမျည်းရဲ့ အပေါ်မှာ မတ်တပ်ရပ်ပြီး တော်လှန်ရေး လုပ်တတ်တဲ့ ခေါင်းဆောင်ထဲမှာ ဦးကုိုယုဟာ ထိပ်ဆုံးကပါတယ်'လုို့ ၁၉၉၁ ခုနှစ်က ထောက်လှန်းရေး ၉ စစ်ကြောရေး စခန်းက အခန်းထဲမှာ အတူနေခဲ့ရတဲ့ အားကစား ကလောင်ရှင် ဦးခင်မောင်ထွေး(ပျဉ်းမနား)က ပြောခဲ့ဖူးတယ်။ 

ဗုိုလ်အောင်ကျော် အရေးအခင်းမှာ ကျောင်းသားတွေ ချီတက်ကြတော့ ဦးကုိုယုဟာ ကျောင်းသားခေါင်းဆောင်တဦးအနေနဲ့ ရှေ့ဆုံးက ဦးဆောင်ချီတက်ခဲ့တယ်။ ဗုိုလ်အောင်ကျော်လမ်း၊ အတွင်းဝန်ရုံးနားရောက်တော့ ပုလိပ်တွေက စည်းသုံးစည်းတားထားတယ်။ ပထမစည်းကုို မကျော်ဖုို့၊ ပထမစည်းကုို ကျော်ပြီး ဒုတိယစည်းကုို ရောက်လာရင် သေနတ်ကုို ကျည်ထုိုးဖုို့နဲ့ တတိယစည်းကုိုကျော်ရင် ပစ်ဖုို့… အမိန့်ထုတ်ထားတယ်။ ဦးကုိုယုက ဦးဆောင်းပြီး ပထမစည်းကုို စတင်ကျော်ခဲ့တယ်။ ပြီးတော့ ဒုတိယစည်းကုို ကျော်ပြန်တယ်။ နောက်တော့ တတိယစည်းပေါ်မှာ မတ်တပ်ရပ်ပြီး ဗုိုလ်အောင်ကျော် အရေးအခင်းအကြောင်းနဲ့ ကျောင်းသားတွေရဲ့ ရပ်တည်ချက်ကုို တရားဟောခဲ့တယ်။ 

စည်းတွေ တခုပြီး တခုကုိုကျော်ကျော်သွားတုိုင်း ပလိပ်တွေက တဖက်က အမိန်တွေ ဥပဒေတွေ ဖတ်ပြလုိုက်၊ ဦးကုိုယုက ဒီဘက်ကနေ မိန့်ခွန်းပြောလုိုက်နဲ့ အရမ်းစိတ်လှုပ်ရှားစရာ ကောင်းခဲ့တဲ့ အကြောင်းကုို အဲဒီတုန်းက အခန်းဖော် နေခဲ့ရတဲ့ အားကစားကလောင်ရှင် မောင်ရဲဝင်းကလဲ ပြောခဲ့တယ်။ သွေးပျက်စရာ အကောင်းဆုံးကတော့ ဒုတိယစည်းကုို ကျော်တဲ့ အချိန်မှာ ပလိပ်တွေကုို အသင့်ပြင်ဆုိုပြီး ကျည်ထုိုးတဲ့ အချိန်ပဲလုို့ ဆုိုတယ်။ ဒီအချိန်မှာ ဦးကုိုယုဟာ ဒုတိယစည်းကုိုကျော် တတိယစည်း မျဉ်းပေါ်မှာ ရပ်ပြီး ကျောင်းသားတွေကုို မိန့်ခွန်းပြောခဲ့တာလုို့ ဦးခင်မောင်ထွေးကဆက် ပြောခဲ့တယ်။ 

'ရဲဘော်တုို့ တုို့တွေရဲ့ ရပ်တည်ချက်ကုို အကောင်းအထည် ဆက်လက်ဖော်ဖုို့က ကျောင်းသားတုိုင်း အသက်ရှင်သန်နေဖုို့က အရေးကြီးတယ်' ဆုိုပြီး မိန့်ခွန်းရှည်ကြီး တခုကုို ပြောခဲ့တယ်လုို့ ဦးခင်မောင်ထွေးက ပြောပြတယ်။ မိန်းခွန်းနောက်ဆုံးပိတ်မှာ။ လူတုိုင်းရဲ့ အသက်ဟာ တန်ဖုိုးရှိတဲ့ အကြောင်းနဲ့ တုို့တွေ တတိယစည်းကုို မကျော်ဘဲ ဒီနေရာက လှည့်ပြန်ပြီး နောက်နေ့တွေမှာ ဆက်လက် တုိုက်ပွဲဝင်ကြဖုို့ မိန့်ခွန်းကုို ပြောခဲ့ပြီး လူစုခွဲခဲ့တာပဲလုို့ ဆုိုတယ်။

 မောင်ကုိုယု ဆုိုတာ အဲဒီအချိန်ကတည်းက ဥပဒေဆုိုတာ ဘာလဲဆုိုတာကုို သေသေချာချာ နားလည်ခဲ့တဲ့ ငါတုို့ရဲ့ တပ်ဦးခေါင်းဆောင် ဖြစ်တယ်လုို့ ဦးခင်မောင်ထွေးက ပြောခဲ့တယ်။ အခုဆုိုရင် ဒီအကြောင်းတွေ ပြန်ပြောခဲ့တဲ့ ဂုိုးသမား ခင်မောင်းထွေး (ပျဉ်းမနား)နဲ့ ဦးကုိုယု (မောင်သစ်) တုို့ ကွယ်လွန်ခဲ့ပြီဖြစ်ပါတယ်။ အားကစားကလောင်ရှင် မောင်ရဲဝင်း(ဦးထွန်းသာ)တယောက် ကျန်သေးပေမယ့် သူလဲ ကျန်းမာရေး မကောင်းဘူးလုို့ သိရပါတယ်။
xxxxxxxx

ကိုမျိုးညွန့်၊ မောင်ကုိုယု၊ မောင်သော်က၊ ဦးဝင်းတင်၊ ဦးထွန်းဝေ၊ မောင်မိုးသူ၊ ပန်းချီစိုးမိုး


သရော်စာ ရေးတဲ့ စာရေးဆရာတုိုင်းကုို ကုိုဂျေ ချစ်တယ်။ သူတုို့လုို သိပ်ရေးတတ်ချင်တယ်။ ဒါကြောင့်လဲ သူတုို့ရေးသမျှ စာတွေကုို မလွတ်တမ်း ဖတ်ခဲ့ပါတယ်။ ဦးကုိုယု လုို့ခေါ်တဲ့ မောင်သစ်၊ မောင်သော်ကတုို့ကနေ ကံချွန်၊ မင်းလူ၊ ခင်မြဇင် Khin Zin နဲ့ မင်းဒင် တုို့ အထိ သူတုို့ ရေးသမျှ သရော်စာတွေကုို ကုိုဂျေ တတ်နုိုင်သမျှ ဖတ်နေတုန်းပါတယ်။ အတုယူဆဲ ဖြစ်ပါတယ်။ စာပေထဲမှာ လူတွေ တမြေ့မြေ့ ကျိတ်ပြီးပြုံးရအောင် ရေးတဲ့ စာရေးနည်းဆုိုတာ သရော်စာပဲ ဖြစ်တယ်။ တနည်းအားဖြင့် ဖော့ရုိုးနဲ့ ရုိုက်ပေမယ့် ဆယ်ပေါင်တူနဲ့ အထုခံရသလုို အခံရခက်တဲ့ စာရေးနည်းဟာ သရော်စာပဲ ဖြစ်တယ်လုို့ ကုိုဂျေက ယုံကြည် ထားပါတယ်။ ဒါကြောင့်လဲ မောင်သစ်၊ မောင်သော်က၊ မင်းလူ၊ ခင်မြဇင်တုို့နဲ့ ကုိုဂျေ ရင်းနှီးခွင့်ရခဲ့တာ ဖြစ်ပါတယ်။
xxxxxxxx

'မန္တလေးကျုံးကြီးကုို စစ်အစုိုးရက ဘာလုို့ မရမက ဖော်နေတယ်ဆုိုတာ သိလားကွ' လုို့ ဆရာဦးကုိုယုက စကားဝုိုင်း တခုမှာ ပြောလာပါတယ်။ ဒီစကားဝုိုင်းမှာ ဆရာအောင်ပြည့်၊ ကုိုဂျေနဲ့ ပန်းချီမောင်မောင်သုိုက်ရဲ့ သားတပည့်တွေ ဖြစ်တဲ့ မောင်စည်သူ၊ မောင်ချစ်ဆန်းနဲ့ တခြားသူတွေလဲ နားထောင်ခွင့် ရခဲ့ပါတယ်။ ဆရာဦးကုိုယု အဲသလုို ပြောတုိုင်း တမြေ့မြေ့ပြုံးစရာ ပါလာမယ်ဆုိုတာ သိတဲ့ အတွက် ပြောပါဦး ဆရာလုို့ ပြောလုိုက်တော့…. ဆရာက…..

'ဒီကောင်တွေ ဆရာတင်တာ မှားနေပြီကွ။ သီပေါမင်းပါတော်မူတဲ့နေ့တုန်းက စုဖုရားလတ်က အထုပ်တထုပ်ကုို ကျုံးထဲပစ်ချခုိုင်းခဲ့တဲ့ အချက်တချက်ထဲကုို ဖတ်မိပြီး အခါတော်ပေးတဲ့ ပညာရှင်တွေက ဒီအထုပ်ဟာ ရတနာထုပ် ဖြစ်လိမ့်မယ် အထင်နဲ့ စစ်ခေါင်းဆောင်တွေကုို ပြောလုိုက်ပုံရတယ်'လုို့ ဆရာဦးကုိုယုက ပြောပါတယ်။ သူဆက်ပြောတာကတော့…။ 

ပါတော်မူနေ့ ဆရာဝန် မှတ်တမ်းတွေအရ။ အဲဒီနေ့က စုဖုရားလတ်ဟာ အမျိုးသမီး ဓမ္မတာလာနေကြောင်း၊ မိဖုရားတွေ ဓမ္မတာလာတဲ့အခါမှာ စိန်ကတ္တီပါစတွေကုို အောက်ကခံလေ့ရှိကြောင်း၊ အဲဒီ အသုံးပြုပြီး စိန်ကတ္တီပါစတွေကုို ထုပ်ထားတဲ့ အထုပ်တထုပ်ကုို စုဖုရားလတ်ရဲ့ အကူတော် တယောက်က စုဖုရားလတ်အမိန့်အရ ကျုံးထဲကုို ပစ်ချခဲ့တာ ဖြစ်ကြောင်း… အခုတော့ ဓမ္မတာလာလုို့ အောက်ကခံခဲ့တဲ့ အထုပ်ကုို ရတနာထုပ် ထင်ပြီး ကျုံးကုို ဖော်နေကြတဲ့အတွက်၊ မန္တလေးကျုံးကြီးရဲ့ သဘာဝအလှ ပျက်ဆီးရတော့မယ့် အကြောင်းကုို ဆရာဦးကုိုယုက ပြောခဲ့ပါတယ်။ တဝုိုင်းလုံး ရယ်လုိုက်ကြတာ အတောမသတ်အောင်ပါပဲ….။ အခုထိ ဒီအကြောင်းကုို တွေးပြီးပြုံးနေရတုန်းပါပဲ။ လွမ်းရတုန်းပါပဲ။

ကုိုဂျေ
ဇန် ၁၃၊ ၂ဝ၁၈
ည ၁၀နာရီ ၄၅ မိနစ်

(ဒါကအမြည်းသဘောပါ။ နောက်နေ့မှာ တင်ပေးမယ်။ ဆရာဦးကုိုယု အကြောင်းတွေက ပြောစရာတွေ များလွန်းလှတယ်)

Comments