ကိုသန်းလွင် ● အိန္ဒိယမှ အက်ဒဟာစီမံကိန်း

ကိုသန်းလွင် ● အိန္ဒိယမှ အက်ဒဟာစီမံကိန်း
(မိုးမခ) မတ်လ ၂၂၊ ၂၀၁၈

(၁)
မြန်မာနိုင်ငံအစိုးရကနိုင်ငံတော်တွင် e-government စနစ်ကို လုပ်ကိုင်ရမည်ဟု မူဝါဒချကာဆောင်ရွက်နေသည်။ ကျွန် တော်တို့ များစွာကြိုဆိုပါသည်။ နိုင်ငံတော်ကြီး Smart Nation ဖြစ်ရေးအတွက် ဤခြေလှမ်းကိုလှမ်းရန် လိုအပ်ပါသည်။ နိုင်ငံတော်၏ အတိုင်ပင်ခံပုဂ္ဂိုလ်ကိုယ်တိုင်ဦးဆောင်မည့်အရေးဖြစ်သဖြင့် ပိုမိုအားတက်ဘွယ် ဖြစ်ပါသည်။ သို့ပါသော်လည်း အကောင်အထည်ဖေါ်ရာတွင် ဖြေးဖြေးမှန်မှန်သာသွားရန်လိုအပ်ပါသည်။ အိန္ဒိယတွင်ဖြစ်ပေါ်နေသောအဖြစ်အပျက်များက သက်သေခံနေပါသည်။

(၂)
အိန္ဒိယနိုင်ငံ၌ (Aadhaar) အက်ဒဟာ စီမံကိန်းသည် အိန္ဒိယ အမျိုးသားတစ်ဦးလျှင် ဂဏန်း ၁၂ လုံးပါ ကိုယ်ပိုင်နံပါတ်များ ထုတ်ပေးရန်ဖြစ်သည်။ လူဦးရေ ၁.၈ ဘီလီယံရှိသည့်အနက် ၁.၃ ဘီလီယံကို ထုတ်ပေးပြီးဖြစ်သည်။ အစက မိမိကြိုက်မှသာ ဂဏန်းကို ထုတ်ယူရန်ဖြစ်ပြီး နောက်ပိုင်းတွင် မလုပ်မနေရ ဖြစ်သွားသည်။

၂၀၀၉ ခုနှစ်တွင် ကွန်ဂရက်ပါတီအစိုးရကစခဲ့သောစီမံကိန်းမှာလူတဦးချင်း၏ လူပုဂ္ဂိုလ်ဆိုင်ရာ (Biomedical data) ဒေတာ နှင့် ပူးပေါင်းပြီး ID ( Identification Card) စနစ် ဖြစ်ရန်ကြိုးစားခဲ့ခြင်းဖြစ်ပါသည်။ လူတို့၏ လုပ်ငန်းဆောင်တာ အရပ်ရပ်ကို လွယ်ကူစွာဆောင်ရွက်နိုင်မည်ဟု မျှော်လင့်ခဲ့ပါသည်။ အထူးသဖြင့် အစိုးရကပေးသော လူမှုထောက်ပံ့ကြေးနှင့် အစိုးရ ဆောင်းပေးသော (Subsidize) ပစ္စည်းများမှာ ဆင်းရဲသားများထံ မရောက်ပဲ မသမာမှုများဖြင့် တဝဲဝဲလည်နေခဲ့သည်။

BJP (Bharatiya Janata Party) ပါတီက ဤစီမံကိန်းကို ကွန်ဂရက်ပါတီစတင်ဆောင်ရွက်စဉ်က ငွေကုန် ကြေးကျများလွန်း သည်ဟုဆိုကာ ကန့်ကွက်ခဲ့သည်။ နိုင်ငံရေးဆိုင်ရာ လှည့်ကွက်တမျိုးအဖြစ်မြင်ခဲ့သည်။ ဘီဂျေပီပါတီက ၂၀၁၄ ခုမေလတွင် အာဏာလွဲပြောင်းယူပြီးသောအခါ ကွန်ဂရက်က စိတ်ကူးယဉ်ထားခဲ့သည်ထက်ပင် အဆများစွာ ခရီးရောက်သွားခဲ့ပါသည်။ ထိုအချိန်ကစ၍ အက်ဒဟာ (ဟင်ဒီဘာသာဖြင့် အခြေခံဟုအဓိပ္ပါယ်ရသည်) မလုပ်မနေရသတ်မှတ်ခဲ့ပြီး ဆောင်ရွက်ရန်ရှိ သည်များကို မဖြစ်မနေလုပ်ရမည်ဟု ဖြစ်လာခဲ့ပါသည်။

အက်ဒဟာသည် ပြည်သူကို ကူညီရာမရောက်၊ ပြည်သူတို့လုပ်စရာရှိသည်များကိုလည်း ဖြစ်ဖြစ်မြောက်မြောက် မကူညီနိုင်၊ ခြစားခြင်းကိုတိုက်ဖျက်ရန်ကိစ္စမှာလည်းလူတွေက်ုပိုမိုချစားအောင် ဖန်တီးနေပြီး ပြည်သူတို့၏ ပရိုက်ဗိတ်ဘဝများ မှာလည်း ထိခိုက်ကုန်ပါသည်။

ဇန၀ါရီလ ပဌမပါတ်အတွင်းက ပြည်သူအများ စုပေါင်းတင်သွင်းသော အယ်ဒယာဆိုင်ရာအရေးသည် အိန္ဒိယ အမြင့်ဆုံး တရားရုံး ရောက်နေပြီဖြစ်သည်။ ပြည်သူအများက အက်ဒဟာစံနစ်က်ု မပြဌာန်းရန် အဆိုပြု တင်သွင်း ကြသည်။ အက်ဒဟာ ကိုသာ အပြည့်အဝပြဌာန်းလိုက်ပါက ဤနံပါတ် (၁၂ လုံးပါနံပါတ်) မရှိလျှင် သေတာနှင့် အတူတူပါဘဲ ဟုပြောကြသည်။

တဖက်က အက်ဒဟာနံပါတ်မရှိခြင်းသည် အိန္ဒိယလူမှုရေးထောက်ပံ့ငွေကို မရဘူးဟု ဆိုလိုရာရောက်သည်။ ထိုငွေပမာဏမှာ ကမ္ဘာအဆင့်အတန်းနှင့်ဆိုပါက များသည်ဟု မပြောနိုင်ပါ၊ မိမိ၏ အက်ဒဟာနံပါတ်ကို ဘဏ်အကောင့်နှင့် ဆက်တွဲထားဖို့လို သည်။ သို့မဟုတ်ပါက လူမှုရေးဆိုင်ရာထောက်ပံ့ငွေကို မရတော့ဘူးဖြစ်သွားနိုင်သည်။

ပြည်နယ်အများစုတွင် မိမိအတွက် ကောက်ပဲသီးနှံနှင့်အစားအစာရလိုပါက မိမိနံပါတ်ကို မှတ်ပုံတင်ထားရမည်။ အရှေ့ပိုင်း ဆင်းရဲသောပြည်နယ် Jharkhand တွင် (၇) ရာခိုင်နှုန်းခန့်သာ လုံလောက်အောင် အစားအစာရရှိသည်။ လွန်ခဲ့သော စက် တင်ဘာလက အသက် ၁၁ နှစ်ရွယ်မိန်းကလေးငယ်တစ်ဦး ကွယ်လွန်သွားခဲ့သည်။ ပြောသူတို့က အက်ဒဟာကတ်နှင့် အစားအစာ ရာရှင်စနစ်မတွဲမိသောကြောင့် အစားအစာကို မရရှိ၊ အစိုးရကမှု ကလေးမကလေးကွယ်လွန်သွားရခြင်းမှာ အစာအာဟာရကြောင့်မဟုတ်ဘဲ ငှက်ဖျားရောဂါကြောင့်ဟု ဆိုသည်။ လူ ၆ ဦးထက်မနည်း ဤနည်းများဖြင့်ပင် သေဆုံးကြရ သည်။ ဤသို့သေဆုံးရခြင်းမှာ အဆိုးဆုံးဥပမာသာ ဖြစ်ပြီး အက်ဒဟာ စနစ်တွင် ချိုယွင်းချက် များရှိနေခြင်းကိုပြသည်။

ဆင်းရဲသားကို အကူအညီပေးရမည့်စနစ်က အိန္ဒိယလူမျိုးထောင်ပေါင်းများစွာ (သန်းချီ၍ရှိနိုင်ပါသည်) သည် သေဆုံးခြင်း မဟုတ်သည့်တိုင် အစားအစာ၊ ပင်စင် စသည်များကို ငြင်းပယ်ခံအောင်လုပ်နေခြင်းဖြစ်ပါသည်။

အချို့ပြည်နယ်များတွင် လက်ဗွေနှိပ်ယူရာတွင် လက်ချောင်းထိပ်ကလေးများကို လက်ကိုင်စက်ကိရိယာတစ်ခုဖြင့် မှတ်တမ်း ယူရသည်။ လက်တွေ့တွင် ထိုကိရိယာအလုပ်လုပ်ရန်အတွက် လျှပ်စစ်ဓါတ်လိုသည်။ အင်တာနက် လိုအပ်သည်။ (Operation Server)  များလည်းလိုအပ်ပါသည်။ ထိုကိရိယာအားလုံးမှာ အိန္ဒိယဆင်းရဲသော ပြည်နယ်များ၌ မရှိနိုင်ပါ၊ ဤကဲ့သို့သောစနစ်ကြီးတွင် တနေရာရာမှာ တစ်ခုခုလွဲချော်နေပါက အစားအသောက် အထောက်အပံ့ ရဘို့အရေးမှာ ခက်ခဲသွားသည်။

ရှေးယခင်က အသက်ကြီးရင့်သူ၊ အိပ်ယာတွင်လဲနေသူများအဖို့ မိမိတို့ စာရွက်စာတမ်းများကို ငယ်ရွယ်သူတို့နှင့် ပေးလိုက် ရုံသာဖြစ်သည်။ ဘိုင်အိုစနစ်ပေါ်လာသောအခါ လူကိုယ်တိုင်ရှိရမည်ဆိုသောအချက်က ပါလာသည်။ ၂၀၁၇ ခုနှစ်က လေ့ လာမှုတစ်ခုတွင် အက်ဒဟာစနစ်ကျင့်သုံးသည့် ပြည်နယ်တစ်ခုတွင် သီးနှံများဝယ်မရသောဦးရေမှာ မရှိသော နေရာများ ထက် ၅ ဆခန့်ပိုများနေသည်ကို တွေ့ရသည်။ အက်ဒဟာစီမံကိန်း အတည်ဖြစ်သောပြည်နယ်က ၂၀ ရာခိုင်နှုန်းဖြစ်၍ မဖြစ် သေးသောပြည်နယ်က ၄ ရာခိုင်နှုန်း ရှိပါသည်။လူကိုယ်တိုင်လာမှ ငွေထုတ်ပေးရသော စနစ်ကြောင့် ငွေပျောက်ဆုံးရမှုများမှာ ပိုများပြားလာပါသည် ကောက်ပဲသီးနှံရောင်းချရာတွင်လည်း တာဝန်ရှိပုဂ္ဂိုလ်များက စည်းကမ်းကိုချိုးဖေါက် နေကြခြင်းဖြစ် သည်။ ပြည်နယ်ရှစ်ခုမှ မိသားစု ၂၀၀၀ ကျော်ကို ၂၀၁၃ ခုနှစ်က စစ်တမ်းကောက်ယူရာတွင် အိမ်တစ်အိမ်၏ ရထိုက်သော အခွင့်အရေး၏ ၈၇ ရာခိုင်နှုန်းသာရနေကြပါသည်။

အက်ဒဟာကြောင့် မသမာမှုလုပ်ခြင်းကို မပျောက်သွားစေသည်ဟု မတွေ့ရပါ၊ ၂၀၁၇ တွင် ကောက်ယူသောစစ်တမ်းအရ မတော်မတရားအလုပ်ခံရသော (Level) အဆင့်အတန်းမှာ အက်ဒဟာရှိရှိ၊ မရှိရှိ၊ ၇ ရာခိုင်နှုန်းမျှရှိပါသည်။

ဤပြဿနာများ ရှိနေသည့်အထဲတွင် ဘီဂျေပီအစိုးရက ဤစနစ်ကို ချဲ့ထွင်၍ လက်ထက်ထိမ်းမြားခြင်းနှင့်  အကောက်ခွန် စနစ်နှင့် ပါအသုံးပြုရန် စီစဉ်နေပြန်ပါသည်။ အက်ဒဟာနံပါတ်ကို ဘဏ်အကောင့်နှင့် မိုဘိုင်းဖုန်း တို့ကိုပါ တွဲချိတ်ထားသဖြင့် အွန်လိုင်းမှ  ဖိနပ်တစ်ရံ၊ စာအုပ်တစ်အုပ်ဝယ်ရန်ကိုပင် လူတစ်ဦးစီ၏ အက်ဒဟာနံပါတ်ကို မေးမြန်းနေသည်။

ရည်ရွယ်ချက်မှာ နယ်ရုံးများ၌ မိမိနံပါတ်ကိုပြော၍ ပုံနှိပ်လျှင် မိမိမွေးနေ့၊ နေရပ် အလုပ်အကိုင် စသည်တို့ကို ရိုက်ထုတ်နိုင် ရန်ဖြစ်သည်။ ဖြစ်နေသည်မှာ ယခုနှစ်ထဲတွင်အစိုးရ၏ Website နှစ်ရာတို့တွင် အိန္ဒိယလူမျိုး သန်းပေါင်းများစွာတို့၏ ID နံပါတ်များကို အများပြည်သူကြည့်ရှု၍ရအောင် မှားယွင်း၍ဖွင့်ပေးထားခြင်း ဖြစ်သည်။ သတင်းစာတစ်စောင်က ရူပီး ၅၀၀ ($ ၈) ပေးလျှင် လူတစ်ဦး၏ ID နံပါတ်နှင့် အခြားပုဂ္ဂိုလ်ရေးဆိုင်ရာ အချက်အလတ်များကို ရှာဖွေပေးနိုင်သည်ဟု ဆိုသည်။

ထို့ကြောင့် ဤစနစ်အတွင်းမှ ထွက်သွားလိုသူတို့ကို ထွက်ခွာခွင့်ပေး၍ ထိုသူတို့ထွက်သွားလျင် သူနှင့်ဆိုင်သည့် မှတ်တမ်း များကို ဖျက်ပေးရမည်ဖြစ်ပါသည်။

ဤစနစ်သည် နိုင်ငံတော်၏ရှေ့ရေးကို မျှော်ကြည့်တတ်မှုနှင့် တိုင်းသူပြည်သားများအတွက် ကောင်းစေရန် အစီအစဉ်များရှိ သော်လည်း ထိုစနစ်ကပင် ပြည်သူပြည်သားများကို အင်အားသုံး၍ နှိက်စက်နေသည့်သဘော ဖြစ်နေသည် လူတစ်ယောက် ၏ဘဝ (Private) အတွင်းသို့ အတင်းဝင်ရောက်လာသည့်သဘောမျိုး သက်ရောက်နေပါသည်။ ဆင်းရဲသားများကို ကူညီ ရန်ဖြစ်သော်လည်း မရှိသူကို နစ်နာစေသည်။ လူတို့၏ ပုဂ္ဂိုလ်ရေးဆိုင်ရာ မှတ်ချက်တို့ကို ပေါက်ကြားစေသည်။ အစိုးရ၏ အောင်မြင်သောစီမံကိန်းကို ပြရမည့်အစား စနစ်တခု၏ ပျက်စီးယိုယွင်းပုံကို ပြသနေသည့်သဘောမျိုး ဖြစ်နေသည်။

(၃)
အိန္ဒိယသည် Smart Nation ဖြစ်ရမည်ဟုကြွေးကြော်ကာ ဤစီမံကိန်းကိုစခဲ့ဖြင်းဖြစ်ပါသည်။ ပြဌာန်းသည်နှုန်းက မြန်ဆန် လွန်းသဖြင့် မထိမ်းနိုင်မသိမ်းနိုင်ဖြစ်ရပါသည်။ နောက်မှလိုက်မည့် ကျွန်တော်တို့ကလည်း သူတို့အတွေ့အကြုံမှ သခန်းစာ ယူကြရန်ဖြစ်ပါသည်။

ကိုသန်းလွင်
Ref: Why India Big Fix Is a Big Flub, By Reetika Khera  New York Times Jan 21 2018
0