ဇော်အောင် (မုံရွာ) ● ဂျပန်ကုမ္ပဏီများက မြန်မာ့စီးပွားရေးကို အုပ်စီးမိသွားပြီလားနဲ့ FDI/PPP

ဇော်အောင် (မုံရွာ) ● ဂျပန်ကုမ္ပဏီများက မြန်မာ့စီးပွားရေးကို အုပ်စီးမိသွားပြီလားနဲ့ FDI/PPP
(မိုးမခ) မတ်လ ၁၉၊ ၂ဝ၁၈

● JICA (Japan International Cooperation Agency)
မိုဘိုင်းဖုန်းမှာ အမ်ပီတီကို ဂျပန် ဆူမီတိုမိုကုမ္ပဏီက အပိုင်စီးလိုက်ပြီ သတင်းနဲ့အတူ ဂျပန်နိုင်ငံရဲ့ ရင်းနှီးမြှုတ်နှံမှုတွေဟာ ဂျပန်အစိုးရရဲ့ ဂျိုင်ကာ JICA နဲ့အတူ တဟုန်ထိုးဝင်လာပါတော့တယ်။ ပထမဆုံး ဂျပန်ရဲ့အကူအညီကတော့ ဒေါ်လာ သန်း တစ်ထောင်အကူအညီ Grant နဲ့ မြန်မာနိုင်ငံ ၁၉၈၇ ကတည်းကမပေးနိုင်တဲ့ အကြွေးတွေကို ဂျပန်ကတဆင့် အာရှ ဘဏ်၊ ကမ္ဘာ့ဘဏ်တွေကို ပေးချေလိုက်ခြင်းဖြစ်ပါတယ်။

ဇန္နဝါရီ ၂ဝ၁၃ မှာ ဂျပန်အစိုးရရဲ့ အိုဒီအေ ODA Loan နဲ့ အရေးကြီးတဲ့အကြွေးတွေ အကြေဆပ်လိုက်တော့မှပဲ မြန်မာနိုင်ငံ အကြွေးနွံ့အောက်နစ်နေတာ ကယ်ထုတ်နိုင်လိုက်ပါတယ်။

JICA အကြောင်း မလေ့လာခင် LDC ဆင်းရဲမွဲတေနိုင်ငံဆိုတာဘာလဲ သိဖို့လိုပါတယ်။ မိမိနိုင်ငံဟာ ကုလသမဂ္ဂသတ်မှတ် ချက်အရ ကမ္ဘာ့အဆင်းရဲဆုံးနိုင်ငံစာရင်းက မလွတ်သေးကြောင်း၊ ၃ နှစ်တခါ သုံးသပ်ချိန်မှာ မြန်မာနိုင်ငံကို ၂ဝ၁၄ မှာ LDC အဆင့်ကလွတ်ဖို့ ဦးသိန်းစိန်အစိုးရကမျှော်လင့်ခဲ့ပေမဲ့ အခုထိ ၂ဝ၁၇ မှာလည်း မလွတ်သေးပါဘူး။ အာစီယံ ၄ နိုင်ငံ မြန်မာ၊ ကမ္ဘောဒီယား၊ လာအို၊ အရှေ့တိမောနဲ့ ဘင်္ဂလားဒေ့ခ်ျနိုင်ငံများက လက်ရှိ LDC များဖြစ်ပါတယ်။ (၃) ချက်နဲ့ သတ်မှတ်တော့ (၁) GNI per capital = $1190 ဖြစ်လို့ သတ်မှတ်ထားတဲ့ $1250 မီတော့ပါမယ်။ (၂) လူတွေရဲ့ အဆင့်အတန်း ကျန်းမာရေး၊ ပညာရေး၊ အဟာရအဆင့်မှာလည်း မီဖို့လိုပါတယ်။ (၃) စီးပွားရေးတည်ငြိမ်မှုတို့ အားလုံးအဆင့်မီရင် ၂ဝ၂ဝ မှာ မြန်မာနိုင်ငံ LDC က လွတ်မယ်ဖြစ်ပါတယ်။

JICA ဂျပန် နောက်ဆုံးချေးငွေက ဘလူချောင်းရေအားလျှပ်စစ် ၁၉၈၇ Y3,530 ဖြစ်ပါတယ်။ အဲဒီနောက် မြန်မာနိုင်ငံက ကမ္ဘာ့အဆင်းရဲဆုံးနိုင်ငံ LDC အဖြစ်ကြေငြာခဲ့လို့ ဆက်မချေးတော့ပါဘူး။ နှစ်ပေါင်းများစွာ မပေးခဲ့တဲ့အကြွေးများ ပေးချေပြီး တာနဲ့ချက်ခြင်း အေဒီဘီ ADB က ဒေါ်လာ ၅၁၂သန်း ချေးငွေအသစ် စတင်ပေးပါတယ်။ ကမ္ဘာ့ဘဏ်ကလည်း အလားတူ မြန်မာနိုင်ငံဖွံ့ဖြိုးတိုးတက်ရေး အကူအညီ ဒေါ်လာသန်း ၄၄ဝ ချေးပေးမယ် ကြေငြာပါတော့တယ်။

● ဂျပန်အစိုးရ JICA Japan International Cooperation Agency

သူတို့ဝက်ဆိုဒ် www.jica.go.jp မှာ အလွန်ရှင်းလင်းစွာ ဖော်ပြထားပါတယ်။ ရည်ရွယ်ချက်ကတော့ ဖွံ့ဖြိုးဆဲနိုင်ငံများကို နည်းပညာ၊ ငွေကြေးနဲ့ ဂျပန်အစိုးရက စတင်ကူညီပြီး၊ ဂျပန်ကုမ္ပဏီများ စီးပွားရေးလာလုပ်ဖို့ အားပေးခြင်းဖြစ်ပါတယ်။ တနည်းအားဖြင့် ဂျပန်ရဲ့ စီးပွားရေးနဲ့ သြဇာထူထောင်ခြင်းဖြစ်ပါတယ်။ အထူးသဖြင့် ငွေစာရင်းများနဲ့ ချေးငွေနဲ့လုပ်တဲ့ စီမံကိန်းများကို ဘယ်လိုထိန်းသိမ်းမလဲ၊ အထူးသဖြင့် ခြစားမှုအနည်းဆုံးဖြစ်အောင် ကာကွယ်စနစ်များကို အသေးစိတ် နီးပါး ဖော်ပြထားပါတယ်။ မြန်မာနိုင်ငံ သီလဝါစက်မှုဇုံ SEZ ကို ၂ဝ၁၃ ခုနှစ်ကတည်းက စတင်စာချုပ်ပြီး နိုင်ငံခြားကုမ္ပဏီများကို ဆွဲဆောင်ဖို့ P.P.P လို့ခေါ်တဲ့ Public Private Partnership သင်တန်းပုံစံ လုပ်ဆောင်နေပါတယ်။

JICA 2017 Report (စာမျက်နှာ ၁၃၇) မှာ ဂျပန်အစိုးရရဲ့ ဂျိုင်ကာအဖွဲ့ တကမ္ဘာလုံးကို ဘယ်လိုကူညီလုပ်ဆောင်နေမှုများ ရေးသားထားပါတယ်။ ဂျိုင်ကာအဖွဲ့မှာ ဝန်ထမ်းပေါင်း ၁၈၄၅ ဦးရှိပြီး ၉၇ နိုင်ငံမှာ ရုံးဖွင့်ထားပါတယ်။ ၁၉၇၄ ခုနှစ်မှာ စတင်ဖွဲ့စည်းခဲ့ပြီး ၂ဝဝ၄ ခုနှစ်မှာ ခေတ်နဲ့အညီ ပြန်လည်ဖွဲ့စည်းခဲ့ပါတယ်။ ၂ဝ၁၆ ခုနှစ်မှာ Grants(အကူအညီ) – Y98.0 billion, Technical Assistance(နည်းပညာအကူညီ) – Y207.7 billion, Finance & Investment(ချေးငွေနဲ့ရင်းနှီးမြှုတ်နှံမှု) – Y1485.8 billion၊ စုစုပေါင်း Y1791.5 billion = US$16.5 billion ဖြစ်ပါတယ်။ ချေးငွေကိုတော့ ဂျပန်အစိုးရ ODA Loan ကရယူပြီး၊ ရင်းနှီးမြှုတ်နှံမှုကိုတော့ ဂျပန်ကုမ္ပဏီများကို လိုက်ရှာဖွေ ရင်းနှီးမြှုတ်နှံစေပါတယ်။ အရှေ့တောင်အာရှအတွက် ၂ဝ၁၆ မှာ စုစုပေါင်း Y363.6 billion အသုံးပြုခဲ့တာ ဗီယက်နမ်နိုင်ငံက အများဆုံး Y185.7 billion ရပြီး၊ မြန်မာနိုင်ငံက Y30.3 billion = အမေရိကန်ဒေါ်လာ သန်းပေါင်း ၂၈ဝ ရရှိပါတယ်။ မြန်မာနိုင်ငံ ချေးငွေမှတ်တမ်း ၂ဝ၁၇ အရ စုစုပေါင်း ဂျပန်ချေးငွေ ကန်ဒေါ်လာ ၂.၃၁ ဘီလျံ နဲ့ ဒုတိယအများဆုံး ငွေချေးပေးတဲ့ နိုင်ငံဖြစ်နေပါတယ်။



JICA ဂျပန်အကူညီ အများဆုံးရတဲ့ အရှေ့တောင်အာရှနိုင်ငံက ဗီယက်နမ်ဖြစ်ပါတယ်။ စုစုပေါင်းငွေရဲ့ ၅၂.၂ ရာခိုင်နှုန်းကို ဗီယက်နမ် ရရှိထားပြီး၊ မြန်မာနိုင်ငံကတော့ ဗီယက်နမ်၊ ထိုင်း၊ အင်ဒိုနီးရှားနိုင်ငံများပြီးရင် စတုထ္ထအများဆုံး ၈.၇ ရာခိုင်နှုန်း ပဲရတဲ့ နိုင်ငံဖြစ်ပါ တယ်။ (ပုံ - JICA 2017 Report)

● မြန်မာပြုပြင်ပြောင်းလဲမှု၊ စီးပွားရေးလုပ်ငန်းအတွက်
မြန်မာနိုင်ငံ တိုးတက်ကြီးပွားအောင် လူသားအရင်းအမြစ်ကို ပျိုးထောင်ရမယ်၊ လူတွေကိုသင်ပေးဖို့ လက်တွေ့ စီမံကိန်းကြီး တွေကို ချေးငွေ၊ ကူညီငွေ၊ ရင်းနှီးမြှုတ်နှံငွေများနဲ့ နိုင်ငံခြားသားများ တည်ဆောက်နေစဉ် မြန်မာများက လေ့လာ၊ အတူလုပ် ကိုင်ခွင့် ရကို ရမှ ဖြစ်ပါမယ်။ မြန်မာများဟာ လုပ်ငန်းကျွမ်းကျင်မှုမရှိတာများတဲ့အတွက် စီမံကိန်းများအတူလုပ်ရင် အပြင်းအ ထန် လေ့လာသင်ယူရပါတယ်။

စီမံကိန်းကြီးများလုပ်ဆောင်ဖို့ နည်းပညာအကူအညီများ၊ သင်တန်းများတက်ရပါတယ်။ နောက်တဆင့်ကတော့ စီမံကိန်းများ တည်ဆောက်ရာမှာ ပါဝင်လုပ်ကိုင် သင်ကြားရပါတယ်။ စီမံကိန်းတည်ဆောက်ဖို့ ငွေရနိုင်တဲ့နည်းလမ်းများကတော့ ...
၁။ ချေးငွေများ Loan
၂။ ရင်းနှီးမြှုတ်နှံမှုများ FDI
၃။ ကုမ္ပဏီများရဲ့ P.P.P ရင်းနှီးမြှုတ်နှံငွေများ ဖြစ်ပါတယ်။

Grant, Technical Co-operation စတဲ့ အကူအညီများကတော့ ငွေပမာဏ နည်းပါတယ်။ ချေးငွေများကတော့ စည်းကမ်း သတ်မှတ်ချက်များပြားတဲ့အတွက် မြန်မာနိုင်ငံကပညာရှင်များကို သင်တန်းများအဖြစ် သတ်မှတ်ရပါမယ်။ ရင်းနှီးမြှုတ်နှံမှု FDI က အတော် အရေးကြီးပါတယ်။ ၂ဝ၁၈ အထိ မြန်မာနိုင်ငံ FDI ရင်းနှီးမြှုတ်နှံငွေ ၇၇ ဘီလျံရရှိထားပေမဲ့ အရေးကြီးပြီး၊ အလုပ်ကိုင်ပေးတဲ့ ကုန်ထုတ်လုပ်ငန်း Manufacturing များဝင်လာဖို့ ကြိုးစားနေပါတယ်။ နောက်ဆုံး အကြီးမားဆုံးနဲ့ အမြန် ဆန်ဆုံးကတော့ P.P.P လို့ခေါ်တဲ့ နှစ်ရှည် (နှစ် ၃ဝ၊ ၄ဝ၊ ၅ဝ) ရင်းနှီးမြှုတ်နှံမှုများ ဖြစ်ပါတယ်။

၁။ ချေးငွေများ Loan
အခြေခံလမ်းတံတား၊ လျှပ်စစ်၊ ဆင်းရဲမွဲတေမှု စတဲ့လုပ်ငန်းများအတွက် ချေးငွေပေးကြပါတယ်။ ဂျပန်နိုင်ငံက မြန်မာနိုင်ငံ သာမကဘူး အခွင့်အလမ်းရှိတဲ့ ကမ္ဘာ့ပေါ်က နိုင်ငံတိုင်းကို ကူပံ့ငွေ Grant, နည်းပညာအကူညီ Technical Co-operation နဲ့ အစိုးရချေးငွေ ODA Loan အမြောက်အများနဲ့ ဝင်ရောက်ပါတယ်။ တနည်းအားဖြင့် အဲဒီဖွံ့ဖြိုးဆဲနိုင်ငံများက လုပ်ငန်းများကို ဂျပန်ကုမ္ပဏီများ လာရောက်လုပ်ကိုင်စေပါတယ်။ အလားတူပဲ အာရှဘဏ် ADB မှာလဲ ဂျပန်နိုင်ငံက ရှယ်ယာအများပါဝင် ပါတယ်။ အမေရိကန် ကမ္ဘာ့ဘဏ်အုပ်စု IDA နဲ့လည်း အမေရိကန်ကုမ္ပဏီများစွာ နောက်ကပါလာကြပါတယ်။ အစိုးရချင်း လုပ်ကိုင်မှ ကုမ္ပဏီတွေလဲ စိတ်ချလက်ချ ရှိမဲ့ ခေတ်ကာလ ဖြစ်ပါတယ်။

အခု မတ်လ၊ ၂ဝ၁၈ ရောက်ချိန် ပြည်သူ့လွှတ်တော် ကြွေးမီအစီရင်ခံစာမှာ လက်ရှိ မြန်မာနိုင်ငံတင်နေတဲ့အကြွေးများ (ဒေါ်လာသန်းပေါင်း) ကတော့ တရုပ်နိုင်ငံ (၃၈၇၅)၊ ဂျပန်နိုင်ငံ (၂၁၃၂သန်း)၊ ကမ္ဘာ့ဘဏ် (၉၁၆သန်း)၊ ဂျာမဏီ (၆၉၂သန်း)၊ အာရှဘဏ် (၅၂၂သန်း)၊ ပြင်သစ် (၄၆၂သန်း)၊ အခြား (၅၄၅သန်း) စုစုပေါင်း ၉.၁၄ ဘီလျှံ ရှိပါတယ်။ တရုတ်နိုင်ငံအကြွေးများ ကတော့ စစ်အစိုးရလက်ထက်က အတိုးနှုန်း အလွန်များပြားတဲ့ ချေးငွေများ ဖြစ်ပါတယ်။ ဒါကြောင့် နှစ်အနည်းငယ်အတွင်း ဂျပန် JICA ကအများဆုံး ချေးပေး၊ ကူညီပေး နေတာကို တွေ့နိုင်ပါတယ်။

၂ဝ၁၆-၂ဝ၁၇ ဘတ်ဂျတ်မှာ ရရှိတဲ့ချေးငွေများ (ဒေါ်လာသန်းပေါင်း) တွေကတော့ အာရှဘဏ် (၄၈၄ သန်း)၊ အေအိုင်အက်ဖ် (၂ဝ သန်း)၊ အေအက်ဒီ (၄၂ သန်း)၊ ကမ္ဘာ့ဘဏ် (၁၉၃ သန်း)၊ ဂျိုင်ကာ (၁၁၁၅ သန်း) စုစုပေါင်း ဒေါ်လာ ၁၇၇၆သန်း ဖြစ်ပါ တယ်။ ဒါကြောင့် ဂျပန်နိုင်ငံက ချေးငွေအကူညီပေးမှုမှာ ထိပ်ဆုံးကိုရောက်နေပါတယ်။

အမေရိကန် အထူးအရေးကြီးသည်၊ သို့သော်…
မြန်မာနိုင်ငံ ဘယ်လိုအစိုးရပဲ ပြောင်းပြောင်း၊ ချေးထားတဲ့ ငွေတွေ မဆုံးရှုံးရအောင် အရေးကြီးဆုံးက အမေရိကန်သဘောတူမှ ဖြစ်မှာပါ။ ဒါကြောင့် အာရှတိုက်က ဂျပန်၊ တိုင်ဝမ်၊ တောင်ကိုးရီးယားတို့က အမေရိကန်ထောက်ခံမှုနဲ့ သူတို့တိုင်းပြည်တိုးတက်သွားပါတယ်။ အမေရိကန်ကူညီလို့ဆိုပေမဲ့ အမေရိကန်ကူညီပြီး ပိုဆိုးသွားတဲ့ အာဖကန်နစ္စတန်၊ အီရက်တို့အပြင် အာရှတိုက်က ဖိလစ်ပိုင်နိုင်ငံလဲ အမေရိကန်ဘယ်လောက် ကူညီပေမဲ့ စစ်အာဏာရှင် မားကိုးစ် (ဗိုလ်ချုပ်ကြီးဟောင်း) လက်ထက်မှာ ကမ်းကုန်အောင် ဆင်းရဲချမ်းသာ အလွန်ကွာခြားသွားခဲ့ပါတယ်။ အမေရိကန်နဲ့ အိမ်နီးချင်း မက္ကဆီကိုနိုင်ငံကို ကြည့်ပါ။ အစိုးရက အမေရိကန်လို မကောင်းတဲ့အတွက် အိမ်နီးခြင်းနိုင်ငံဖြစ်ပေမဲ့ မက္ကဆီကို နိုင်ငံသား သန်း ၂ဝ လောက် အမေရိကန်နိုင်ငံမှာ တရားမဝင် အလုပ်လာလုပ်နေကြရပါတယ်။ မြန်မာနဲ့ထိုင်းနိုင်ငံလိုပါပဲ၊ မြန်မာ ၄ သန်းလောက် ထိုင်းနိုင် ငံကို အလုပ်သွားလုပ်နေရပါတယ်။

အမေရိကန်တွေ ကူညီတဲ့ အာဖရိကတိုက် အနောက်ဖက်ကမ်းခြေက လစ်ဘေးရီးယားနိုင်ငံလေး ဖြစ်ပါတယ်။ အမေရိကန်လို နိုင်ငံလေးတစ်ခု စံပြအဖြစ် အမေရိကန်ပြန် ပညာတတ်လူမည်းများက ၁၈၄၈ ခုနှစ်မှာ လစ်ဘေးရီးယားနိုင်ငံကို စနစ်တကျ တည်ထောင်ပါတယ်။ အမေရိကန်ဖွဲ့စည်းပုံနဲ့ အမေရိကန်အလံပုံစံ၊ အမေရိကန်စနစ်နဲ့ ပညာရေး၊ စီးပွားရေး ပျိုးထောင်ပါ တယ်။ အာဖရိကတိုက်ရဲ့ ပထမဆုံး ဒီမိုကရေစီနိုင်ငံဖြစ်ပါတယ်။ ဒါပေမဲ့ တိုင်းရင်းသား ၂ဝမျိုးနဲ့ ရှုပ်ထွေးနေတဲ့ နိုင်ငံလေးမှာ အမေရိကန်ပြန်အုပ်စုနဲ့ ဒေသခံတိုင်းရင်းသားများအုပ်စု ယဉ်ကျေးမှုကွာခြားမှုများနဲ့ အဆင်မပြေပါ။ ၁၉၈ဝ မှာတော့ စစ်တပ် က အာဏာသိမ်း၊ ပြည်တွင်းစစ်ဖြစ်ပြီး တိုင်းပြည်မွဲတေသွားပါတယ်။ ၂ဝဝ၃ မှာ ရွေးကောက်ခံအစိုးရဖြစ်လာပြီး ၂ဝ၁၇မှာ လစ်ဘေးရီးယားနိုင်ငံသား ကမ္ဘာကျော်ဘော်လုံးသမား ဂျောဝေးလ် George Wales သမ္မတဖြစ်လာပါတယ်။ အခုဆို လစ် ဘေးရီးယားနိုင်ငံ မြန်မာပြည်ထက် ၂ဆမက ဆင်းရဲမွဲတေနေပါတယ်။ လူဦးရေ ၄.၅ သန်းမှာ ခရစ်ယန် ၈၅ ရာခိုင်နှုန်း၊ မွတ်ဆလင် ၁၂ ရာခိုင်နှုန်း ကိုးကွယ်ကြပါတယ်။
Ref: https://en.wikipedia.org/wiki/Liberia

အမေရိကန်တွေ ကူညီတဲ့ အာရှနိုင်ငံများကို ကြည့်ရင် ပါကစ္စတန်၊ ဖိလစ်ပိုင်၊ ကမ္ဘောဒီယား နိုင်ငံများ မအောင်မြင်ပါဘူး။ အီရတ်နိုင်ငံကို စစ်ရေးနဲ့ဝင်ကူတော့ အရမ်းဆိုးဝါးသွားပါတယ်။ ထ်ိုင်းနိုင်ငံကတော့ အမေရိကန်၊ ဂျပန် အားလုံးအကူညီများ၊ ရင်းနှီးမြှုတ်နှံမှုများနဲ့ အောင်မြင်တယ်လို့ ပြောရပါမယ်။ အမေရိကန်အားဖြင့် အထူးအောင်မြင်တဲ့နိုင်ငံများကတော့ ဂျပန် (၁၉၄၅)၊ တိုင်ဝမ် (၁၉၄၉)၊ တောင်ကိုးရီးယား (၁၉၅၄) တို့ဖြစ်ပြီး နောက်ဆုံးနိုင်ငံကတော့ တရုတ် (၁၉၇၈) ဖြစ်ပါတယ်။ အထူးအောင်မြင်ဖို့ဆိုရင် နိုင်ငံရေးစနစ်ကောင်းပြီး၊ အဂတိနည်းပါးအောင် လုပ်နိုင်ဖို့လိုပါတယ်။

နိုင်ငံခေါင်းဆောင်တွေဟာ လူထုကြားက ထွက်ပေါ်လာရင်တော့ တိုင်းပြည်အမြန်ဆုံး တိုးတက်မှာပါ။ အမေရိကန်နိုင်ငံ၊ ဂျပန်၊ ဂျာမဏီနိုင်ငံတွေက နည်းပညာနဲ့ ငွေချေး၊ ထောက်ပံ့နေပါစေ၊ မိမိခေါင်းဆောင်ကောင်း၊ စနစ်ကောင်းပါမှ အောင်မြင် မှာ ဖြစ်ပါတယ်။

၂။ ရင်းနှီးမြှုတ်နှံမှုများ FDI

ချေးငွေနဲ့ထောက်ပံ့ခြင်းက ငွေချမ်းသာပြီး၊ သြဇာရှိတဲ့နိုင်ငံများ နိုင်ငံရေး၊ စီးပွားရေး ရေရှည်စီမံကိန်းဖြစ်ပါတယ်။ အစိုးရချင်း ချေးငွေ၊ အစိုးရများကို နောက်ခံထားတဲ့ ADB, IDA, AFD, JICA, GIZ စတဲ့ အဖွဲ့အစည်းများက ချေးငွေများ ထုတ်ချေးပြီး၊ သူတို့နိုင်ငံက ကုမ္ပဏီများကို မြန်မာနိုင်ငံနဲ့ ဖွံ့ဖြိုးဆဲနိုင်ငံများထံ ရင်းနှီးမြှုတ်နှံစေပါတယ်။ အခုခေတ်မှာ အရေးကြီးဆုံးက ရင်းနှီးမြှုတ်နှံမှုဥပဒေဖြစ်ပြီး FDI လို့ခေါ်တဲ့ တိုက်ရိုက်ရင်းနှီးမြှုတ်နှံမှု များများဝင်လာအောင် အစိုးရတိုင်းက ဦးစားပေး လုပ်ကိုင်ကြပါတယ်။

တကယ်တော့ ကုမ္ပဏီကောင်းများက ဆင်းရဲတဲ့နိုင်ငံများထံ သိပ်မလာချင်ပါဘူး။ သယံဇာတ ထုတ်ရောင်းတဲ့ လုပ်ငန်းများမှာ ပဲ ဦးစွာပထမ လာရောက်ရင်းနှီးကြပါတယ်။ နှစ်အနည်းငယ်အတွင်း ရင်းနှီးငွေတွေ အမြတ်များများနဲ့ ပြန်ထုတ်သွားဖို့ပါပဲ။ နိုင်ငံရေး တည်ငြိမ်လောက်ပြီ ဆိုမှာ အခြေခံအဆောက်အဦများဖြစ်တဲ့ လမ်း၊ တံတား၊ လျှပ်စစ် စတဲ့ လုပ်ငန်းများမှာ ဝင်လာ ကြပါတယ်။ ပိုပြီး အခြေခံကောင်းပါမှ အလုပ်အကိုင်များများ ပေးတဲ့ ကုန်ထုတ်လုပ်ငန်းတွေမှာ ရင်းနှီးမြှုတ်နှံကြပါတယ်။

မြန်မာနိုင်ငံကို စစ်အာဏာရှင်စနစ်တုံးက တရုပ်နိုင်ငံတစ်ခုထဲ ရင်းနှီးမှုများလုပ်ပါတယ်။ ဦးသိန်းစိန်လက်ထက်မှာတော့ နိုင်ငံတကာအသိအမှတ်ပြုအောင် အထူးသဖြင့် အမေရိကန်ကန်အသိအမှတ်ပြုအောင်လုပ်နိုင်ခဲ့လို့ နိုင်ငံတကာက ရင်းနှီး မြှုတ်နှံမှုများ ဝင်ရောက်စပြုလာပါတယ်။ ဒေါ်အောင်ဆန်းစုကြည်အစိုးရလက်ထက်မှာ နိုင်ငံရေးတည်ငြိမ်တော့မယ် မျှော်လင့်ချက်နဲ့ စင်ကာပူ၊ ဂျပန်၊ တောင်ကိုးရီးယား စတဲ့နိုင်ငံများက ရင်းနှီးမြှုတ်နှံမှုများစွာ စတင်ဝင်ရောက်လာပါတယ်။ ရေနံကုမ္ပဏီကြီးများ Puma, Shell ကတော့ ဝင်လာဖို့လုပ်နေပြီး၊ နည်းပညာကုမ္ပဏီများ GE, Siemen,Hitachi, Toshiba, Motorola, Microsoft, Intel, Apple Samsung စတဲ့ ကုမ္ပဏီကောင်းများကတော့ လာဖို့လှမ်းကြည့်နေဆဲဖြစ်ပါတယ်။

၃။ ကုမ္ပဏီများရဲ့ P.P.P ရင်းနှီးမြှုတ်နှံငွေများ
ငွေပမာဏ အကြီးမားဆုံးနဲ့ အမြန်ဆန်ဆုံးဖြစ်တဲ့ P.P.P လို့ခေါ်တဲ့ နှစ်ရှည် (နှစ် ၃ဝ၊ ၄ဝ၊ ၅ဝ) ရင်းနှီးမြှုတ်နှံမှုများကို ၁၉၉ဝ နောက်ပိုင်းမှာ နိုင်ငံအစိုးရများက လုပ်ဆောင်လာကြပါတယ်။ တိုးတက်တဲ့ နိုင်ငံများမှာ စနစ်တကျ လုပ်ဆောက်တဲ့အတွက် အလွန်ကောင်းတဲ့ ရင်းနှီးမြှုတ်နှံမှုများ ဖြစ်ပေမဲ့ ဖွံ့ဖြိုးဆဲ မြန်မာနိုင်ငံလို နိုင်ငံမျိုးအတွက်တော့ သေချာသင်တန်းပေးပြီးမှ လုပ်သင့်ကြောင်း JICA Report (P-82 to 85) မှာ အထူးရေးသားထားပါတယ်။ P.P.P မလုပ်တတ်ရင် အစိုးရဌာနဆိုင်ရာများရဲ့ နှောင့်နှေးမှုများကြောင့် စီမံကိန်းစရိတ် ၂ဆ၊ ၃ဆ ပိုကုန်သွားပြီး ပြည်သူလူထုက နောင်နှစ်၃ဝ၊ ၄ဝ၊ ၅ဝ ပေးဆပ်နေရမှာ ဖြစ်ပါတယ်။

မြန်မာနိုင်ငံမှာ B.O.T လမ်းတံတား၊ လျှပ်စစ်ဓါတ်အားလုပ်ငန်းများ လုပ်ဆောင်နေပါတယ်။ အခု တိုင်းပြည်အတွက် မလိုအပ်တဲ့ ရှော့ပင်စင်တာများ၊ အထပ်မြင့်အဆောက်အဦ၊ ကွန်ဒိုများကို P.P.P နဲ့လုပ်မယ်ဆိုရင် ဖွံ့ဖြိုးဆဲ ဆင်းရဲတဲ့နိုင်ငံမှာ ဆင်းရဲချမ်းသာ အရမ်းကွာသွားနိုင်ပါတယ်။ အာဏာပိုင်နဲ့ ပေါင်းပြီး လက်ဝါးကြီးအုပ်တဲ့ လုပ်ငန်းများစွာ ပေါ်ပေါက်လာချိန်မှာ ရန်ကုန်တိုင်းအစိုးရကလည်း စီးပွားရေးလုပ်မယ်၊ ရန်ကုန်တိုင်းစည်ပင်ဌာနကလည်း စီးပွားရေးလုပ်တော့မယ် သတင်းများ ထွက်လာပါတယ်။ ရန်ကုန်မြို့လယ်ခေါင်း အစိုးရဌာနဆိုင်ရာ မြေနေရာများကို ရှောပင်စင်တာလုပ်တဲ့ စီမံကိန်းများ၊ မြန်မာပလာစာလိုမျိုးတွေလဲ အများအပြားပေါ်လာမှာ ဖြစ်ပါတယ်။ ဒါပေမဲ့ လောလောဆည် အလိုအပ်ဆုံး P.P.P ကတော့ လမ်းတံတားနဲ့လျှပ်စစ်လုပ်ငန်းများ ဖြစ်ပါတယ်။

● ပြည်ထောင်စုလွှတ်တော်မှာ ၂ဝ၁၇-၂ဝ၁၈ ဘတ်ဂျတ်
(ရသုံးမှန်းခြေ) ငွေစာရင်း ဆွေးနွေးချိန်မှာ ပွင့်လင်းမြင်သာအောင် အစိုးရသစ်က ဆွေးနွေးပြီး၊ ဝန်ကြီးဌာနက ပြန်လည်သုံး သပ်၊ အစီရင်ခံစာပြန်ရေး ပြန်ဆွေးနွေး လုပ်နေကြပါပြီ။ တိုးတက်လာပါတယ်။ ပြည်သူ့ငွေကြေးပူးပေါင်းကော်မတီ အစီရင် ခံစာနဲ့ လွှတ်တော်အမတ် သန်းစိုး (ဘောဂဗေဒ) ဆွေးနွေး၊ အကြံပြုချက်မှာလည်း P.P.P လုပ်တဲ့စနစ်ကို စနစ်တကျလုပ်ဖို့ အထူးတင်ပြသွားပါတယ်။

စင်ကာပူ EDB, တောင်ကိုးရီးယား KDI တွေလို မြန်မာနိုင်ငံမှာလည်း ဒေါက်တာအောင်ထွန်းသက် ဦးဆောင်လုပ်ကိုင်နေတယ် ဆိုပေမဲ့ ရပ်တံ့နေသလိုပါပဲ။ အစိုးရ ဦးဆောင်ပြီး၊ လူငယ်အမြောက်အများကို စီမံကိန်းများ အထူးသဖြင့် JICA Project များမှာ ခန့်ထားပြီး သင်တန်းပေးရပါမယ်။ မြန်မာအင်ဂျင်နီယာများက ရအောင် နှိုက်ထုတ်၊ ပညာယူရပါမယ်။ အထူးသဖြင့် စီမံကိန်းကွပ်ကဲခြင်း Project Management ပညာရပ်က အလွန်အရေးကြီးပါတယ်။ ဂျပန် အတိုင်ပင်ခံအဖွဲ့ Consultant Firm ဖြစ်တဲ့ JICA ဘယ်လိုလုပ်ကိုင်သလဲ ဆိုတာ မြန်မာများ စနစ်တကျ အဖွဲ့ဖွဲ့ပြီး သင်ယူရပါမယ်။

JICA စီမံကိန်းများကို သူတို့ရဲ့ ဝက်ဆိုဒ်ထဲမှာ စနစ်တကျ ထည့်သွင်းထားပါတယ်။ အသေးစိတ် အချက်အလက်များလဲ Database စနစ်နဲ့ ထိမ်းသိမ်းထားပါတယ်။ ဒါလဲ အခြေခံစနစ်ကျမှု ဖြစ်ပါတယ်။ မြန်မာနိုင်ငံ e-Government လုပ်တယ် ဆိုပေမဲ့ ဒါမျိုး စာချုပ်များကိုတောင် ဝန်ကြီးဌာနများက ဝက်ဆိုဒ်ထဲ သိမ်းမထားတော့ ပြောပြီး၊ လေထဲ လွင့်ပျောက်သွားတာမျိုး မဖြစ်အောင် JICA စီမံကိန်းများက အတုယူရပါမယ်။

● နိဂုံး (သုံးသပ်ချက်)
JICA Report မှာ ချေးငွေနဲ့အကူညီများကို စစ်ဆေးဖို့၊ ဂျပန်စာရင်းစစ်များက အထူးကြပ်မတ်ပါတယ်။ ကော်ပိုရိတ်ဂါဗား ထိန်းချုပ်မှုစနစ်များအရ ဌာနအတွင်းစာရင်စစ်၊ ပြင်ပစာရင်းစစ်များနဲ့ ဒါရိုက်တာအဖွဲ့ကြီးက တိုက်ရိုက်ကွပ်ကဲပါတယ်။ စီမံ ကိန်းလုပ်နေစဉ်မှာ စနစ်တကျလုပ်ဖို့၊ လုပ်ပြီး ၅ နှစ်အထိ စီမံကိန်းအကျိုးရှိမှုကို သုံးသပ်တဲ့ Performance Evaluation စနစ် ရှိပါတယ်။ သုံးသပ်ချက် Grade S ဆိုရင် ရည်မှန်းချက်ကျော်လွန်တယ်၊ Grade A ဆိုရင် ရည်မှန်းချက်ပြည့်မီတယ်၊ စသဖြင့် သုံးသပ်ပါတယ်။ PDCA Plan Do Control Action ဆိုတဲ့စနစ်ကို သုံးပါတယ်။ ဂျပန်စနစ်နဲ့ လုပ်ကိုင်တဲ့အတွက် စီမံကိန်းများက ဈေးကြီးပြီး အောင်မြင်တာများပါတယ်။

မြန်မာအိမ်နီးချင်း ထိုင်းနိုင်ငံက လမ်းတံတား၊ လေယာဉ်ကွင်း၊ သင်္ဘောဆိပ်၊ ရေနက်ဆိပ်ကမ်းများ၊ ဆည်မြောင်းများ၊ လျှပ်စစ်ဓါတ်အားလုပ်ငန်းများစွာ ဂျပန်ကုမ္ပဏီများက တည်ဆောက်ပေးထားပါတယ်။ ပညာယူနိုင်တဲ့ ထိုင်းနိုင်ငံပညာရှင် များနဲ့ ကုမ္ပဏီများဟာ ကမ္ဘာ့အဆင့်ဝင် ဖြစ်နေပါပြီ။ အထူးသဖြင့် P.P.P လုပ်တဲ့ ဂျပန်ကုမ္ပဏီများ JICA စီမံကိန်းဆိုရင် စိတ်ချရတယ်လို့ ပြောနိုင်ပါတယ်။ JICA စီမံကိန်းတွေ အတူလုပ်ရင်း မြန်မာအင်ဂျင်နီယာ၊ စာရင်းစစ်များကို သင်တန်းများစွာ လက်တွေ့သင်ယူကြရပါတယ်။

လမ်းတံတား လုပ်ငန်းအားလုံး၊ ဂျပန်တွေ အုပ်စီးသွားပြီဆိုပြီး ဘာမှမလုပ်ပဲ နေလို့မဖြစ်ပါဘူး။ JICA လမ်းတံတား လုပ်ငန်းကို ဂျပန်ကုမ္ပဏီကပဲ ဂျပန်အချင်းချင်း တင်ဒါပေးလိုက်တယ်။ အဲဒီ ဂျပန်ကုမ္ပဏီက နောက်ထပ် ဂျပန်ကုမ္ပဏီ အငယ်လေးကို မြန်မာခရိုနီကုမ္ပဏီနဲ့ JV တွဲ တင်ဒါပေးလုပ်ခိုင်းတယ်။ အများအားဖြင့် JICA နဲ့ အဆင်ပြေတဲ့ မြန်မာကုမ္ပဏီကပဲ ရရှိသွားခြင်း ပါပဲ။ JICA Project မရလို့ စိတ်ပျက်နေလို့မဖြစ်ပါ။ ဂျပန်စကားပြောတတ်တဲ့ မြန်မာလူငယ်ပညာရှင်များကို JICA Projects တွေမှာ အသုံးချဖို့ ကြိုးစားရပါမယ်။ ဂျပန်များထံက ပညာသင်နေချိန် ဖြစ်ပါတယ်။

နောက်ဆုံးတော့ ခေါင်းဆောင်ကောင်းများစွာ လိုပါတယ်။ ဌာနဆိုင်ရာများက ဇီသီးဗန်းမှောက်ခြင်း မလုပ်နိုင်အောင် လူငယ် မျိုးဆက်သစ်ကို ပျိုးထောင်ရပါမယ်။ လစာအပြင် စီမံကိန်းစရိတ် ဆိုပြီး NGO များ ပေးသလို၊ လောက်ငှအောင် ပေးရပါမယ်။ ဌာနဆိုင်ရာငွေစာရင်းများကို ဖော်ထုတ်စေရပါမယ်၊ စာတန်းများ၊ အစီရင်ခံစာများ ရေးသားစေပြီး၊ စနစ်တကျ မှတ်တမ်းတင် စေရပါမယ်။

အခုဆိုရင် ပြည်ထောင်စုအစိုးရက DACU ဆိုပြီး စီမံကိန်းများကို ထိရောက်စေဖို့ ဒေါ်အောင်ဆန်းစုကြည် ကိုယ်တိုင် ဥက္ကဌနဲ့ လုပ်ဆောင်နေပါပြီ။ ကဏ္ဍ (၁ဝ) ခု အဖွဲ့များနဲ့ ဝန်ကြီးဌာနများက အစီရင်ခံစာများတင်ပြနေကြပါတယ်။ လူငယ်များ မျိုး ဆက်သစ်များပါမှ ပိုမိုထိရောက်ပါမယ်။

ရန်ကုန်တိုင်းအစိုးရကလဲ စီးပွားရေးလုပ်မယ်ဆိုရင်၊ ခရိုနီကုမ္ပဏီကြီးများကို P.P.P လုပ်ငန်းများ စီမံကိန်းများကို JICA လို အဖွဲ့နဲ့ အရည်အသွေးထိမ်းရပါမယ်။ လူငယ်ပညာရှင်များနဲ့ တတ်ကျွမ်းအတွေ့ကြုံရှိသူများကို ခေါင်းဆောင်စေပြီး၊ စင်ကာပူ EDB, တောင်ကိုးရီးယား KDI များကဲ့သို့ ဖွဲ့စည်းလုပ်ဆောင်ဖို့ မျှော်လင့်ပါတယ်။

ဇော်အောင်
၁၈ မတ် ၂ဝ၁၈


အတိုကောက်စာလုံးများနှင့် ကိုးကားချက်များ

JICA – Japan International Cooperation Agency
DACU – Development Assistant Coordination Unit
SEZ – Special Econimic Zone
FDI – Foreign Direct Investmant
AIF – ASEAN Infracture Fund
ODA - Official Development Assistance
ADB – Asia Development Bank
IDA - The International Development Association (World Bank Group)
AFD - French Development Agency
GIZ - German International Cooperation
PDCA – Quality Control, Plan Do Control Action
LDC – Least Developed Country
ဂျိုင်ကာ ၂ဝ၁၇ အစီရင်ခံစာနဲ့ငွေစာရင်းရှင်းတမ်း - https://goo.gl/uBNYWn
ဂျိုင်ကာ မြန်မာနိုင်ငံသို့ အကူညီ၊ ချေးငွေမှတ်တမ်းများ - https://goo.gl/49YbhZ
https://www.jica.go.jp/myanmar/english/index.html
0