လှကျော်ဇော ● လက်ရှိ ဒီချုပ်ခေါင်းဆောင်များအတွက် သမိုင်းအမွေကောင်း

လှကျော်ဇော ● လက်ရှိ ဒီချုပ်ခေါင်းဆောင်များအတွက် သမိုင်းအမွေကောင်း
(မိုးမခ) ဧပြီ ၁၊ ၂၀၁၈

မတ်လ (၂၁) ရက်နေ့က နိုင်ငံတော်သမ္မတဦးထင်ကျော်ရာထူးမှနုတ်ထွက်ခွင့်တောင်းတဲ့စာသတင်း ကွန်ရက်မှာ တက်လာ ပြီးနောက် နောက်ဆက်တွဲသတင်းတွေ တက်လာပါတယ်။ ကျန်းမာရေးတစုံတရာချို့ယွင်းနေမှုကနေ နုတ်ထွက်မယ်ဆိုတဲ့သတင်းထွက်နေတာကြာနေပေမဲ့ တကယ်ထွက်တော့မယ်ဆိုတော့လည်း လှုပ်လှုပ်ရှားရှားဖြစ်သွားတာပါပဲ။

အဲလိုထွက်လာတဲ့သတင်းများအကြားမှာ ကျွန်မစိတ်ဝင်စားမိတဲ့ သတင်းတချို့ပါလာပါတယ်။
- သမ္မတရာထူးမှ အကြောင်းပြချက်မရှိပဲနုတ်ထွက်တာဖြစ်လို့ ပင်စင်တို့ နစ်နာကြေးတို့ မရနိုင်ကြောင်း။
- သမ္မတရဲ့ဇနီး ဒေါ်စုစုလွင်က မိမိတို့ကိုယ်ပိုင်ပစ္စည်းစာရင်းစာအိတ်အပ်ထားတာ ပြန်ယူမှာမဟုတ်ကြောင်း၊ သိချင်သူ မည် သူမဆို သွားကြည့်နိုင်ကြောင်း၊
- သမ္မတသက်တမ်း (၂) နှစ်အတွင်း ဘာမှထူးထူးခြားခြားလုပ်ဆောင်နိုင်ခဲ့မှုမရှိကြောင်း၊ ကလေးစာအုပ်ပြပွဲ ဖွင့်ပွဲလေးတခုလုပ်ဆောင်ပေးသွားကြောင်း (အာမနာပပြောစကားများ) စတာများဖြစ်ပါတယ်။

တကယ်တော့ သမ္မတဦးထင်ကျော်ချန်ပေးခဲ့တဲ့ သမိုင်းဝင်အမွေဟာ လက်ရှိအစိုးရတာဝန်ထမ်းနေတဲ့ ဒီချုပ်ခေါင်းဆောင်များ ကိုရော နောင်အဆက်ဆက်အစိုးရတာဝန်တွေယူကြရမဲ့ နိုင်ငံရေးသမားများအတွက်ရော အလွန်ကိုတန်ဖိုးရှိပါတယ်။ ပြည် သူလူထုကြီးအတွက် နိုင်ငံရေးတာဝန်ထမ်းဆောင်ရာမှာ ပေးဆပ်ဖို့သာ အဓိကဆိုတဲ့တရားပါ။

ဒီသတင်းတွေနားထောင်ရင်း လွန်ခဲ့တဲ့ကာလတခုက ဖေဖေနဲ့ပြောဆိုဆွေးနွေးဘူးတဲ့ ကိစ္စတရပ်ကို သတိရလာမိပါတယ်။ ၁၉၉၇ ခုနှစ် ဗိုလ်ချုပ်အောင်ဆန်းလုပ်ကြံခံရမှု အနှစ် (၅၀) ပြည့် အထူးအစီအစဉ် ဘီဘီစီကလုပ်ဆောင်ရာမှာ ဖေဖေကို စာနဲ့ရေးပြီး မေးမြန်းခန်းလုပ်ခဲ့ပါတယ်။ မေးခွန်းပေါင်း (၁၃) ပုဒ်ပါပါတယ်။ ဖေဖေက အဲဒီအဖြေတွေကို အကြမ်းရေးပေးပြီး ကျွန်မကအချောကူးပြီး၊ အင်္ဂလိပ်ဘာသာပါ တခါတည်းပြန်ရပါတယ်။ အဲဒီကာလက အဖြစ်အပျက်ပါ။

(မှတ်ချက်။ အဲဒီအမေးအဖြေတွေအားလုံးကို ဘီဘီစီကိုပို့ပေးပြီးနောက်၊ ထိုင်းနယ်စပ်ရှိ ပြည်သူ့ဘက်တော်သားများက-တရားခံ အစစ်ဘယ်သူလဲ။ (Who is a real culprit) ဆိုတဲ့အမည်နဲ့ စာအုပ် (မြန်မာ၊ အင်္ဂလိပ် ၂ ဘာသာနဲ့) ထုတ်ခဲ့ပါ တယ်။ ဖေဖေစာအုပ်များကို ပြည်တွင်းမှာထုတ်ခွင့်ရလာတော့ နေရီရီစာပေက ၂၀၁၃ မှာ တခြားသတင်းဌာနအင်တာဗျူး များနဲ့စုပေါင်းပြီး စာအုပ်ထုတ်ဝေခဲ့ပြီးပါပြီ။ တချို့သမိုင်းဆိုင်ရာအရေးကြီးအချက်အလက်တွေပါတဲ့အဖြေများကိုတော့ ဖေ ဖေက သူ့အတ္ထုပွတ္တိစာအုပ်မှာလည်း ထည့်ထားပါတယ်။)

အဲဒီမေးခွန်းတွေထဲမှာ မေးခွန်းတခုက ကွန်မြူနစ်များတောမခိုနိုင်အောင် သူ (ဗိုလ်ချုပ်အောင်ဆန်းကိုဆိုလို)ကာကွယ်နိုင်မ လား။ ကာကွယ်နိုင်မယ်ဆိုရင် ဘယ်လိုနည်းနဲ့ကာကွယ်နိုင်မလဲလို့ မေးထားပါတယ်။ အဲဒီမေးခွန်းအဖြေကို ဖေဖေကရေးနေ ရင်း ဆက်မရေးနိုင်ဖြစ်နေပုံရနေပါတယ်။ ဒါနဲ့ကျွန်မလည်း ဖေဖေရေးလက်စမူကြမ်းကိုယူကြည့်တော့ အောက်ပါအတိုင်း ရေးထားတာတွေ့ရပါတယ်။

ဗိုလ်ချုပ်၏ မြင့်မားသော ဒီမိုကရေစီစိတ်ဓာတ်ကို ကျွန်တော်တို့အားလုံးမြင်တွေ့နိုင်သည့် ထင်ရှားသောတချက်မှာ ဖက်ဆစ် တော်လှန်ရေးအပြီး ဒုတိယကမ္ဘာစစ်ကြီးပြီးသွားပြီးနောက် ၁၉၄၅ ခုနှစ် စက်တင်ဘာတွင် စစ်တပ်အတွက် ကန္ဒီစာချုပ်ချုပ်ဆိုပြီးသည့်နောက်တွင် သူ့အနေဖြင့် တိုင်းပြည်အကျိုးကို စစ်သားဘ၀ထက် နိုင်ငံရေးဘက်ပိုလိုအပ်မည်ထင်ပြီး နိုင်ငံရေးဘက်သို့ကူးပြောင်းသွားသည့်အခါ သူဖွဲ့စည်းတည်ထောင်ခဲ့သည့်တပ်မတော်အပေါ် သံယောဇဉ်နှင့် တပ်ကောင်းရေးစေတနာ သာရှိပြီး စစ်တပ်၏ အခွင့်အရေး အရှိန်အ၀ါများကို သူ့နိုင်ငံရေးအတွင်း ဆွဲယူအသုံးချခြင်းမရှိ၊ သန့်သန့်ရှင်းရှင်းနှင့် ရိုးသား စွာ နိုင်ငံရေးဘက်သို့ ကူြးုပာင်းသွားခြင်းကို မြင်တွေ့နိုင်ပေသည်။ (ဗိုလ်မှူးချုပ်ဟောင်းကျော်ဇော၊ ဆိုင်းစုမှသည် မန်ဟိုင်းဆီ သို့၊ ယဉ်မျိုးစာပေ။ နှာ - ၁၄၅)

ဒါနဲ့ ကျွန်မက ဖေဖေဆက်ပါဦးဆိုတော့ ... ဖေဖေက သမီးရယ်၊ ဖေဖေတို့တတွေ အလွန့်ကိုမသိတတ်ခဲ့ကြတာပါ။ ဗိုလ်ချုပ်တပ်ကထွက်တော့၊ နုတ်ဆက်ပွဲလေးဘာလေးတောင် လုပ်မပေးခဲ့မိပါဘူး။ အကိုကြီးဗိုလ်လက်ျာကတော့-ဗိုလ်ချုပ် တပ်ပြင်ရောက်သွားရင် တို့တတွေဝိုင်းထောက်ပံ့ရလိမ့်မယ်လို့တော့ ပြောဘူးတယ်။ နောက်ပိုင်း ဖဆပလကများ ဗိုလ်ချုပ်ကို ထောက်ပံ့သလားမသိဘူး။ တပ်ကဗိုလ်ချုပ်ထွက်သွားတုန်းကတော့ လက်ချည်းဗလာနဲ့ ထွက်သွားရရှာတာတဲ့။

(နောက်ပိုင်း ဗိုလ်ချုပ်က ဘုရင်ခံရဲ့အစိုးရအဖွဲ့ထဲရောက်သွားတော့၊ ၀န်ကြီးလစာရသွားပါတယ်။ တပ်ကထွက်တုန်းက တော့ ဘာပင်စင်၊ ဘာဂရုဏာကြေး၊ ဘာဆုလာဘ်၊ ဘာငွေကြေး၊ ဘာအထူးအခွင့်အရေးမှ ရမသွားပါဘူး။) ဒါတွေကို ဖေ ဖေကပြန်စဉ်းစားမိပြီး စိတ်မကောင်းဖြစ်နေပုံရပါတယ်။ ဒါ့ကြောင့် စာဆက်မရေးနိုင်တာပါ။

ဗိုလ်ချုပ်ကိုလပြည်သူတွေက တသသ သတိရနေတာလည်း သိပ်တော့မထူးဆန်းလှပါဘူး။ ကာကီယူနီဖေါင်းကို အကောင်း စားလုပ်ဝတ်ပြီး၊ ပဲပြုတ်နဲ့နံပြားကို အကောင်းစားလုပ်စား၊ ရုပ်ရှင်တမတ်တန်းကို အကောင်းလုပ်ကြည့်သွားရရှာတဲ့ ဗိုလ်ချုပ်အပေါ် ဗမာပြည်သူတွေမကြည်ညိုပဲနေပါ့မလား။ မလွမ်းပဲနေပါ့မလား။ တကယ်စစ်မှန်တဲ့ မျိုးချစ်ပြည်ချစ်နိုင်ငံရေးသမားတွေဟာ မိမိတိုင်းပြည်နဲ့ပြည်သူများဆင်းရဲခြင်းမှ လွတ်ကင်းပြီး ချမ်းသာကြွယ်ဝလာရေးအတွက်သာ မနေမနားကြိုးစားလုပ်ဆောင်ကြရတာပါ။ ပြည်သူဘ၀လွတ်မြောက်ရေးနဲ့ မိမိဘ၀လွတ်မြောက်ရေးကို ထပ်တူပြုပြီး ပြည်သူတွေ မလွတ် မြောက်မချင်း မရပ်နားတတ်ပါဘူး။ ဒါကို ဗိုလ်ချုပ်က တပြည်လုံးပြည်သူများအတွက် စံပြလုပ်ဆောင်ပြသွားခဲ့တာပါ။

နိုင်ငံရေးသမားများအနေနဲ့ ဘယ်ဘ၀ရောက်ရောက် မိမိတို့ဒီလမ်းကို ဘာလို့လိုက်ခဲ့ကြတယ်ဆိုတာ အမြဲသတိရှိနေဖို့ လို အပ်ပါတယ်။ ဒါမှသာ လောကဓံတရားအမျိုးမျိုးကို ရင်ဆိုင်နိုင်မှာဖြစ်ပါတယ်။ ဒီချုပ်ပါတီဝင်တဦးဖြစ်တဲ့ ဦးထင်ကျော်က လည်းကျန် (အစိုးရတာဝန်အသီးသီးထမ်းဆောင်နေတဲ့) ဒီချုပ်ပါတီဝင်များကို ရိုးသားဖြူစင်တဲ့ စံပြလုပ်ဟန်ပြသွားပါတယ်။ဒီချုပ်ပါတီဝင်များသာမက ကျန်နိုင်ငံရေးသမားများအားလုံး ဒီလမ်းအတိုင်းလိုက်နိုင်ကြရင်ဖြင့် တိုင်းပြည်အတွက် အကျိုးရှိ မှာပါ။

အစိုးရတာဝန်တွေဝင်ယူနေရတဲ့ နိုင်ငံရေးသမားများအားလုံး သတိကြီးစွာဖြင့်မိမိတို့အပေါ် မျှော်လင့်ချက်ကြီးစွာပုံထားတဲ့ ပြည်သူများရဲ့မျက်နှာကိုထောက်ထားပြီး ရိုးသားတဲ့လုပ်ဟန် ကိုယ်ကျိုးမကြည့်တဲ့လုပ်ဟန်ကို စိုက်ထူနိုင်ပါစေကြောင်း ဆန္ဒပြုလျှက် ....။

လှကျော်ဇော
၁-၄-၂၀၁၈
0