မန်းတက္ကသိုလ်က ဆရာကြီး ဦးမောင်မောင်တင် (မဟာဝိဇ္ဇာ)
မောင်စွမ်းရည်
ဇန်န၀ါရီ ၁၆၊ ၂၀၁၂
ဇန်န၀ါရီ ၁၆၊ ၂၀၁၂
ဒီနေ့ ကျနော်ပြောချင်တာကတော့ မန်းတက္ကသိုလ်နဲ့ပတ်သက်တဲ့ ရောက်တတ်ရာရာ အကြောင်းကလေးတွေပါပဲ။ ခုတလော မြန်မာ ပြည်သတင်းတွေကိုဖတ်တော့ မြန်မာပြည်မှာ စာရေးဆရာတွေဟာ စာပေဟောပြောပွဲတွေနဲ့ အလွန်အလုပ်ရှုပ်နေကြတာကို တွေ့ရ ပါ တယ်။ စာပေဟောပြောပွဲသတင်းတွေနဲ့ ဆက်စပ်ပြီး ကျနော်တို့ ကျောင်းသားဘ၀တုန်းက မန္တလေးတက္ကသိုလ်မှာ စာဆိုတော်နေ့ကျင်းပခဲ့ကြပုံတွေကို သတိရနေမိပါတယ်။ ဒီလိုသတိရစရာတွေထဲက မန္တလေးတက္ကသိုလ်ရဲ့ ငယ်မွေးခြံပေါက် မြန်မာစာပေပညာရှင်၊ သမိုင်းသု တေသီ ဦးမောင်မောင်တင် (မဟာဝိဇ္ဇာ) ကိုလဲ အထူးသတိရနေမိပါတယ်။ တကယ်တော့ မန္တလေးတက္ကသိုလ်ကြီးကို ပြုစုပျိုးထောင်ရာမှာ ဆရာကြီး ဦးမောင်မောင်တင်က အောက်ခြေကနေပြီး အစအဆုံးပါဝင်ခဲ့သူဖြစ်ပါတယ်။
ကျနော်တို့ ကျောင်းသားဘ၀တုန်းကဆိုရင် ဆရာဟာ ကျောင်းသားတွေနဲ့ အရင်းနှီးဆုံးဆရာဖြစ်ပါတယ်။ မန်းတက္ကသိုလ်ကို ရောက်လာ သမျှကျောင်းသားတွေကလည်း စာတော်သူ၊ မြန်မာစာထူးချွန်သူ၊ စာပေ၀ါသနာပါသူတွေကို ဆရာက အရင်ဆုံးသိရရှိနေတတ်ပါတယ်။ ကျောင်းသားတွ နေစရာမရှိရင်ပဲဖြစ်ဖြစ်၊ ကျောင်းပိတ်ရက်တွေမှာ အိမ်မပြန်ချင်သေးရင်ပဲဖြစ်ဖြစ်၊ ဆရာ့အိမ်အပေါ်ထပ်မှာ တည်းခိုနေထိုင် ခွင့်ပေးတတ်ပါတယ်။ အိမ်အောက်ထပ်မှာ စာအုပ်တွေ၊ ပေပုရပိုက်တွေ၊ ရှေးဟောင်းပစ္စည်းတွေနဲ့ ပြည့်ကျပ်နေပါတယ်။ အဲဒီအိမ်က ဆရာတဦးတည်းနေတဲ့အိမ်ပါပဲ။ အဲဒီအိမ်နဲ့ကပ်လျှက် တထပ်တိုက်ကလေးမှာ ဆရာ့အဒေါ်၊ ဆရာ့အမတွေ ရှိပါတယ်။ အဲဒီအိမ်မှာ ဆရာ ထမင်းစားပါတယ်။ ကြုံရင် ကျောင်းသားကျောင်းသူတွေကို ဖိတ်ခေါ်ကျွေးပါသေးတယ်။ တခါတရံ မန္တလေးနန်းတွင်းစားတော်ဆက် လက်ရာ ဟင်း၊ ဒါက ရိုးရာမုန့် စသဖြင့်လည်း ကျွေးတတ်ပါသေးတယ်။ တပည့်တွေအလုပ်လိုချင်တယ်ဆိုရင်လဲ ပုံနှိပ်တိုက်တွေနဲ့ အလွတ်ပညာသင်ကျေင်းတွေကို ခေါ်သွားပြီး အလုပ်ရှာပေးတတ်ပါသေးတယ်။
ကျောင်းသားသမဂ္ဂခေါင်းဆောင်တွေဆိုရင် တချို့ဆရာများက ခပ်ရှောင်ရှောင်နေတတ်ပါတယ်။ ဆရာကတော့ သူ့တပည့်တွေအဖြစ် တန်းတူသဘောထားပြီး ကူညီစောင့်ရှောက်တတ်ပါတယ်။ မန်းတက္ကသိုလ်မှာ ထောင်ခဏ ခဏကျလေ့ရှိတဲ့ ကျောင်းသားခေါင်းဆောင် မောင်သာနိုးဆိုရင် သူဟာ တိုင်းတားမင်းကြီးရဲ့ မြေးတော်သူအဖြစ် ပွဲထုတ်ရေးသားတင်ပြခဲ့ဖူးပါတယ်။ ဆရာ့ ဆရာတွေဖြစ်တဲ့ ဆရာဇော်ဂျီ၊ ဆရာမင်းသုသဏ်တို့ မန်းတက္ကသိုလ်ကို စာမေးပွဲစစ်ဖို့လာရင်းက အပန်းဖြေဖို့ မေမြို့တို့၊ တောင်သမန်အင်းတို့ကို လိုက်ပို့ရှုး စာပေးဝါသနာရှင် ကျောင်းသားတွေကို အတူခေါ်သွားတတ်ပါတယ်။ ဆရာ့စာအုပ်တွေထွက်ရင်လဲ လက်ဆောင်ပေးလေ့ရှိပါတယ်။ ဒီလို တခြားဆရာတွေ မလုပ်ဖူးပါဘူး။ ကျနော် ပေပုရပိုက်တွေရှာဖွေတာ၊ ဗုံကြီးသံတွေစုဆောင်းတာကို နည်းပြအားပေးသူတွေထဲမှလဲ ဆရာက ရှေ့ဆုံးက ပါပါတယ်။ ပန်းချီ၊ ပန်းပု၊ ယွန်းထည်၊ ရွှေချည်ထိုး၊ ကျောက်ဆစ်၊ ရွှေပြားခတ်၊ စတဲ့ မန္တလေး အနုပညာလုပ်ငန်းတွေရှိရာကိုလဲ ၀ါသနာရှင် ကျောင်းသားတွေကို လိုက်ပို့ပါတယ်။ နယ်ကို သုတေသနခရီးသွားရင်လဲ တပည့်တွေကို ခေါ်သွားတတ်ပါတယ်။ ကဗျာဆရာ တင်မိုး၊ ဂုဏ်ထူးသိန်းနိုင်၊ ကြည်အောင်၊ ကိုလေး၊ မောင်လူခင်၊ မောင်စွမ်းရည်၊ တမ္ပ၀တီဝင်း၊ မောင် စတဲ့မန်းတက္ကသိုလ်ကျောင်းထွက် စာရေးဆရာ၊ စာပေသုတေသီ၊ ပန်းချီပန်းပုသမား အားလုံးဟာ ဆရာ့တပည့်တွေချည်းပါပဲ။
ဆရာကိုယ်တိုင် ကျောင်းသားဘ၀တုန်းက ဂန္တလောကမင်းအောင်အမည်နဲ့ စာရေးခဲ့ပါတယ်။ ကောက်စိုက်တေး၊ ဗုံကြီးသံများကိုလဲ စာအုပ်ထုတ်ဝေဖူးပါတယ်။ ဆရာရဲ့ မဟာဝိဇ္ဇာကျမ်းဟာ မြန်မာပြဇာတ်သမိုင်းနဲ့ပတ်သက်လို့ အကောင်းဆုံး အစုံဆုံး ကျမ်းဖြစ်မယ် ထင်ပါတယ်။ ဆရာဟာ နောက်ပိုင်းမှာ ရန်ကုန်ကို ပြောင်းပြီး သမိုင်းသုတေသီအဖြစ်နဲ့ အမှုထမ်းပါတယ်။ အဲဒီတော့လဲ ဆရာတပည့်တွေ ပြန်ဆုံကြပြန်ပါတယ်။ ကျနော်တို့ အန္တရာယ်ကင်းအောင် အဌာနပေတံ ဂါထာပါတဲ့ စာရွက်ကလေးတွေပေးပြီး အဲဒီဂါထာအလွတ်အာဂုံရရင် လက်ဖက်ရည်တခွက်တိုက်မယ်လို့ ကျောင်းသားတွေကိုပြောသလိုပဲ ပြောပါတယ်။ ဆရာဟာ သူ့ဘ၀နောက်ဆုံးအချိန်ပိုင်းအထိ တပည့်တွေကို စောင့်ရှောက်သွားခဲ့ပါတယ်။ ဒီအကြောင်းကို ကျနော်ကဗျာရေးတော့ ကျနော့်ကို ငွေတထောင်ဆုချပါသေးတယ်။ ကျနော်တို့ကို အထက်ဘုံကနေ စောင့်ရှောက်နေမယ့် ဆရာ့ကို အာစရိယဂုဏော၊ အနန္တောပါ ဆရာလို့ ကျူးရင့်တမ်းတရင်း ကန်တော့လိုက်ရပါတယ်။ ကျနော် မောင်စွမ်းရည်ပါခင်ဗျ။
(ဗွီအိုအေ သက်ကြီးစကား သက်ငယ်ကြားအစီအစဉ်မှ)
Comments