2009 and economic cirsis

၂ဝဝ၉ နဲ့ မြန်မာ့စီးပွားရေး အကြပ်အတည်း
သန်းစိုးလှိုင်
ဇန်နဝါရီ ၂၉၊ ၂ဝဝ၉

(photos: moemaka)

ပြည်ပကလွှင့်တဲ့ မြန်မာပိုင်း ရေဒီယိုတွေ၊ အပတ်စဉ် ထွက်နေတဲ့ ဂျာနယ်တွေရဲ့ စာမျက်နှာပေါ်မှာ ကမ္ဘာမှာ စီးပွားရေး အကြပ်အတည်း ကြုံတွေ့နေရတာ၊ ကုမ္ပဏီတွေက လုပ်သားအင်အား လျှော့တာ၊ ၃လတခါ ထုတ်ပြန်တဲ့ စီးပွားရေး အချက်အလက်တွေမှာ စားသုံးသူ ဝယ်လိုအား လျော့ကျနေတာ၊ ကုန်ပစ္စည်း ထုတ်လုပ်တဲ့ ကုမ္ပဏီတွေလည်း အမှာစာ လျော့ကျနေလို့ စက်ရုံတွေ ရပ်ထားတာ စတဲ့ သတင်းတွေ ကြားနေ ဖတ်နေရပါတယ်။ ဒါတွေက ကမ္ဘာပေါ်ရှိ နိုင်ငံအတော်များများကို ထိုးနေတဲ့ စီးပွားရေး အရိပ်မည်းကြီးတခုလို ဖြစ်နေပါတယ်။

၂ဝဝ၇-၂ဝဝ၈ ခုနှစ်မှာ အမေရိကန် နိုင်ငံက အိမ်ချေးငွေ စာချုပ်စာတမ်းတွေကနေ အစပြုလိုက်ရာက နေအိမ် ဈေးတွေကျ၊ ငွေကြေးဈေးကွက်ထဲက ဧရာမ ကုမ္ပဏီကြီးတွေ အကြပ်ဆိုက်၊ စတော့ရှယ်ယာတွေ ဈေးထိုးကျနဲ့ ဗြောင်းဆန်နေတဲ့ ဈေးကွက်ရဲ့ ဂယက်က ဥရောပကို ကူးစက်၊ ဂျပန်ကို ကူးစက်၊ တရုတ်နိုင်ငံကို ကူးစက်ပြီး ကမ္ဘာလုံးဆိုင်ရာ စီးပွားရေး အကြပ်အတည်း တခု အဖြစ်ကို ရောက်ရှိ လာခဲ့ပါတယ်။

အခြားတဘက်မှာလည်း သက်ဆိုင်ရာ နိုင်ငံ အစိုးရတွေက ဈေးကွက်ထဲမှာ အကြပ်အတည်းတွေ ကြုံနေရတာကို နေ့ချင်း၊ ညချင်း ဆွေးနွေး အဖြေရှာ ရေတို၊ ရေရှည် ကုနည်းတွေနဲ့ ကုဖို့ ကြိုးစားနေတာလည်း ကြားသိနေရပါတယ်။ တနိုင်ငံချင်းသာ မကပဲ ဥရောပ နဲ့ ဂျပန်နဲ့ တရုတ်နိုင်ငံနဲ့ တိုင်ပင် ဆွေးနွေးကြပြီး အတိုးနှုန်း တပြိုင်တည်း လျှော့ချပေးကြတာမျိုးလည်း လုပ်ကိုင်ကြတာကို ကြားသိနေရပါတယ်။ အလုပ်အကိုင် ဆုံးရှုံးတဲ့ လူတွေအတွက် အလုပ်အကိုင်သစ်တွေ ဖန်တီးဖို့ အစိုးရရဲ့ ဘဏ္ဍာငွေထဲက သုံးနိုင်သလောက် သုံးစွဲပြီး အခြေခံ အဆောက်အဦတွေ ဖြစ်တဲ့ လမ်းတွေ၊ တံတားတွေနဲ့ အခြားလိုအပ်ချက်တွေကို လုပ်ဆောင်ပေးကြတာကိုလည်း ကြားရပါတယ်။

ဈေးကွက် စီးပွားရေး စနစ် ဖြစ်တဲ့အတွက် ကုမ္ပဏီ မပြိုလဲရအောင် လုပ်သား အင်အား လျှော့ချတာမျိုး၊ လုပ်ငန်းခွဲတွေ ပိတ်သိမ်းတာမျိုး လုပ်ဆောင်ကာ ရပ်တည်ဖို့ ကြိုးစားကြရတဲ့အပေါ် အစိုးရက ဝင်ရောက် စွက်ဖက်ခွင့် မရှိပေမယ့် အလုပ်အကိုင် ဆုံးရှုံးရသူတွေအတွက် တဘက်မှာ အစိုးရက ထောက်ပံ့ကြေး၊ အလုပ်အကိုင်သစ် ဖန်တီးပေးရေး နည်းတွေနဲ့ အဖြေရှာကြတာကို ကြားသိနေရပါတယ်။

အိမ်ဈေးကွက်
မြန်မာနိုင်ငံဟာ ကမ္ဘာနဲ့ စီးပွားရေး ဆက်စပ်မှု နက်နက်ရှိုင်းရှိုင်း မရှိတဲ့ အချက်ကြောင့် ကမ္ဘ္ဘာ့ စီးပွားရေး အကြပ်အတည်းမှာ အရင်းရှင် နိုင်ငံကြီးတွေလို ခံရစရာမရှိဘူး။ ကိုယ့်နိုင်ငံမှာ စားသုံးမယ့် သီးနှံစပါးကို ကိုယ့်ပြည်တွင်းမှာသာ စိုက်ပျိုးနိုင်တာကြောင့် “ထမင်းတော့ မငတ်ပါဘူး” ဆိုတဲ့ စကားလုံးမျိုးနဲ့ ဝန်ကြီးချုပ် ဗိုလ်ချုပ်ကြီး သိန်းစိန် ပြောခဲ့ပါတယ်။ ဒီအချက်ဟာ တကယ်ပဲ မှန်ကန်ပါသလား။

ပြီးခဲ့တဲ့ လအနည်းငယ်က စတင်ပြီး မြို့ကြီးတွေက အိမ်ဈေး မြေဈေးတွေ ကျဆင်းစ ပြုလာပါတယ်။ ဘယ်သူမှ ဒီလိုအချိန်မှာ အိမ်တွေ မြေတွေကို ပိုင်ဆိုင်မှုတရပ် အဖြစ် သော်လည်းကောင်း၊ ရင်းနှီးမြှုပ်နှံမှု တရပ် အဖြစ် သော်လည်းကောင်း မဝယ်ကြတော့ပါဘူး။ ပိုင်ဆိုင်မှု ပစ္စည်း ဝယ်ဖို့ထက် လောလောဆယ် ကာလမှာ ငွေသာလျင် လှည့်ပတ်သုံးစွဲဖို့ အကောင်းဆုံး ဖြစ်မယ်လို့ သဘောပေါက် နားလည်ထားကြတာကြောင့်အပြင် လုပ်ငန်းတိုင်းမှာ ဝယ်လိုအား ကျဆင်းနေတဲ့ အတွက် ငွေ များများ စားစားလည်း လူတွေလက်ထဲ မလည်ပတ်နိုင်ကြလို့ ဖြစ်ပါတယ်။

စစ်အစိုးရကလည်း ၂ဝ၁ဝ ရွေးကောက်ပွဲ မပြုလုပ်မီ ဝန်ကြီးဌာနပိုင် မြေနဲ့ အဆောက်အဦ၊ စက်ရုံတွေကို အလောသုံးဆယ် လေလံတင် ရောင်းချလျက် ရှိပါတယ်။ ၂ဝဝ၅ခုနှစ်ကုန် ရန်ကုန်မြို့မှ ပျဉ်းမနားကို စစ်အစိုးရ ပြောင်းရွှေ့သွားပြီး ဝန်ကြီးရုံးတွေကို ဒီအတိုင်းထားရှိပြီး အငှားချတာ ရောင်းချတာမျိုး မလုပ်ခဲ့ဘဲ ယခု၂ဝဝ၈ အကုန်မှာမှ ဆက်တိုက်ဆိုသလို ရောင်းချဖို့ ပြင်ဆင်နေပါတယ်။ ယခုလို လုပ်ဆောင်တာဟာ နအဖ စစ်အစိုးရအနေနဲ့ လိုငွေ ပြနေတာကြောင့်လား သို့မဟုတ် ၂ဝ၁ဝ ရွေးကောက်ပွဲ မတိုင်ခင် ထုခွဲစရာရှိတာကို ထုခွဲထားပြီး ယူစရာ အကျိုးအမြတ်ကို အိတ်ထဲ တခါတည်း ထည့်ထားတာလား ဆိုတာတော့ သဲသဲကွဲကွဲ မသိရသေးပါဘူး။

ကားဈေးကွက်
ယခင်က ငွေပိုငွေလျှံ အများဆုံးကို လှည့်ပတ် ရင်းနှီးကြတဲ့ ကားဈေးကွက်လည်း ဝယ်သူမရှိဖြစ်လာတာ ကြောင့်ရပ်ဆိုင်းလု နီးပါးဖြစ်နေပါတယ်။ လွန်ခဲ့တဲ့ လပိုင်းတွေ အတွင်းမှာ ၂ဝဝ၄ ခုနှစ်အကုန်ကတည်းက လူထုထံမှ ခြိမ်းခြောက် သိမ်းဆည်းထားတဲ့ လိုင်စင်မဲ့ကားအစီးရေ တသောင်းခွဲကျော် အနက်က လူကြီးဆိုသူ စစ်အရာရှိတွေ ယူတာယူပြီး ကျန်တာတွေကို လူထုဆီ လေလံတင်ပြီး ပြန်ရောင်းချနေပါတယ်။ နေပြည်တော်၊ တောင်ငူ၊ မန္တလေးတို့မှာ အစီးရေ ရာဂဏန်းနဲ့ ချီ ရောင်းချခဲ့ရာမှာ သိန်းပေါင်း သောင်းဂဏန်း၊ သိန်းဂဏန်းအထိ လူတွေလက်ထဲမှ နအဖ အစိုးရက သိမ်းယူ သွားပြန်ပါတယ်။

ရန်ကုန်မြို့မှ ခြောက်ကပ်နေသော ဟံသာဝတီ ကားပွဲစားတန်း

စိုက်ပျိုးရေး ထွက်ကုန်၊ ရေထွက်ပစ္စည်း၊ သစ်မာနဲ့ အခြားထွက်ကုန် တင်ပို့ခြင်း လုပ်ငန်းတွေမှာ အခြေအနေ မကောင်းတဲ့အတွက် ကားဈေးကွက်ဟာလည်း အကျိုးဆက်အားဖြင့် ကောင်းမွန်နိုင်ဘွယ် မရှိပါဘူး။ ငွေပိုငွေလျှံရှိလို့ ကားဈေးကွက်မှာ လာမြှုပ်နှံကြသူတွေလည်း ကားဈေးကွက်ကို စွန့်ခွာစ ပြုနေကြတာကို တွေ့ရပါတယ်။ စစ်အစိုးရအနေနဲ့ သူတို့ရဲ့ ကိုယ်ပိုင်ပိုင်ဆိုင်မှုတွေ ဖြစ်တဲ့ ဇိမ်ခံကားတွေကို အစဉ်အမြဲ ဈေးမြင့်မားနေစေလိုပါတယ်။ ဒါမှ သူတို့ရဲ့ ပိုင်ဆိုင်မှုတွေ မလျော့ပါးသွားမှာ ဖြစ်ပါတယ်။ ဒါ့အပြင် ကုန်သည်လုပ်ငန်းရှင်တွေက သူတို့နဲ့ ပခုံးချင်းယှဉ်ပြီး လင်ခရုဇာကား၊ မတ်တူး ဇိမ်ခံကားတွေ စီးလာကြမှာကို မလိုလားကြပါဘူး။

နအဖ ခေါင်းဆောင်တွေ အပေါ် စစ်အရာရှိတွေ သစ္စာစောင့်သိဖို့ စည်းရုံးရေး ကိရိယာများ အထဲမှာ အိမ်တွေ မြေကွက်တွေ ပါဝင်သလိုပဲ ဆလွန်းနဲ့ ဗင်ကားဝယ်ခွင့်၊ ကားပါမစ်တွေလည်း ပါဝင်ပါတယ်။ စစ်ဗိုလ်ချုပ်တွေ တိုင်းမှူးတွေဟာ လင်ခရုဇာ ဇိမ်ခံကား ဝယ်ခွင့်ရရင် သိန်း၂ဝဝဝလောက် အကျိုးအမြတ် ရှိနေတာ ဖြစ်ပါတယ်။ ဒိအပြင် မြန်မာ စစ်တပ်တခုလုံးကို ထောက်ပံ့နေတဲ့ စီးပွားရေး ဦးပိုင် လီမိတက်ရဲ့ ငွေရအလွယ်ဆုံး လုပ်ငန်းတွေအထဲက တခုကတော့ ဂျပန်နိုင်ငံမှ တပတ်ရစ်နဲ့ ဇိမ်ခံကား တင်သွင်း ရောင်းချတာ ဖြစ်ပါတယ်။

ကားပါမစ်တစောင်ကို ကျပ်ငွေ သိန်း ၂ထောင်ကျော် ၃ထောင်နီးပါးအထိ ဦးပိုင်က လွယ်လွယ်နဲ့ ရရှိနေခဲ့တာပါ။ အခု ကားဈေးကွက် အပျက်မှာ စီးပွားရေး ဦးပိုင် အနေနဲ့လည်း ဝင်ငွေလျော့သွားမှာ သေချာပါတယ်။ ငွေများများ လိုချင်ရင်တော့ ခါတိုင်းထက် ကားအရေအတွက် များများ ပိုသွင်းရမှာလည်း ဖြစ်ပါတယ်။

ပဲဈေးကွက်
မကြာခင် လပိုင်းတွေက အိန္ဒိယ နိုင်ငံကို မှီခိုအားထားနေရတဲ့ မြန်မာ့ ပဲဈေးကွက်ဟာ ဈေးနှုန်းကျဆင်း၊ အမှာကျဆင်းပြီး ကြိုရောင်းကြိုဝယ် လုပ်ဆောင်ထားတဲ့ ကုန်သည် ပွဲစားတွေ ထွက်ပြေးကာ ဈေးကွက်လည်း ပျက်စီးခဲ့ပါတယ်။ အစိုးရက ဒီလိုဈေးကွက်ပျက်ရတဲ့ အချက်ကို ပါးစပ်နဲ့ လေပတ်ကား ရောင်းဝယ်တဲ့ ကုန်သည် ပွဲစားတွေကြောင့်လို့ လွယ်လွယ် ကောက်ချက်ချပေမယ့် တကယ့်အခြေအနေက ဒိထက် နက်ရှိုင်းတဲ့ လက္ခဏာတွေ တွေ့ရပါတယ်။ ပဲဈေးကွက် ဈေးကျတာဟာ ကမ္ဘာ့ စီးပွားရေး အကြပ်အတည်းရဲ့ ဂယက်ရိုက်ခတ်မှု တခု ဖြစ်သလိုပဲ အိန္ဒိယ ပဲဈေးကွက်ထဲမှာ မြန်မာနိုင်ငံနဲ့ ဈေးနှုန်းအရ ပြိုင်ဆိုင် ရောင်းချမယ့် ဗီယက်နမ်လို နိုင်ငံတွေ ပေါ်ထွက်လာတာကလည်း အကြောင်း တချက် ဖြစ်ပါတယ်။

ပဲတင်ပို့မှုက ထွက်ရှိတဲ့ အကျိုးအမြတ်ကို စိုက်ပျိုးတဲ့ လယ်သမားတွေက တချို့တဝက်သာ ခံစားရပြီး အတော် များများကို Union of Myanmar Federation of Chambers of Commerce and Industry (UMFCCI) ရဲ့ အဖွဲ့ဝင် ပဲတင်ပို့သူတွေက ပိုခံစားကြရတာပါ။ ဒါကြောင့်လည်း ယခုရက်ပိုင်းမှာ စိုက်ပျိုးရေး ထွက်ကုန် အိတ်စ်ပို့ လိုင်စင်ကို အချက်အလက် ပြည့်စုံရင် နေ့ချင်းပြီး လုပ်ပေးမယ်လို့ စစ်အစိုးရ စီးပွားကူးသန်း ဝန်ကြီးဌါနက ဆိုတာပါ။ ပဲတင်ပို့သူတွေ အကျိုးကို ကြည့်ပေမယ့် စိုက်ပျိုးတဲ့ တောင်သူလယ်သမားတွေ စိုက်ပျိုးစရိတ် ချေးငွေ ထုတ်ပေးတာမျိုးကို စစ်အစိုးရက ဂရုစိုက်တဲ့ လက္ခဏာ ဘာမှ မတွေ့ရသေးပါဘူး။

ဆန်စပါးဈေးကွက်
ယခုနှစ် စပါးသစ် ပေါ်ချိန်မှာ စပါးဈေး သိသိသာသာကို ကျဆင်းနေပါတယ်။ ပြီးခဲ့တဲ့ နှစ်မေလမှာ တိုက်ခတ်ခဲ့တဲ့ နာဂစ်မုန်တိုင်းကြောင့် ဧရာဝတီတိုင်းမှာ စပါး အထွက် ၃၅ရာခိုင်နှုန်း ကျဆင်းခဲ့တယ်လို့ အက်ဖ်အေအို အစီရင်ခံစာက ဆိုပါတယ်။ မြန်မာနိုင်ငံရဲ့ စပါးကျီလို့ တင်စားရတဲ့ ဧရာဝတီတိုင်းက စပါး အထွက် ကျဆင်းသည့် တိုင် ဈေးနှုန်းမတက်ဘဲ ကျရတဲ့ အကြောင်းရင်းကတော့ နိုင်ငံတကာ ဈေးကွက်မှာ ဈေးကျနေတဲ့ အချက်နဲ့ ဝယ်လိုအား ကျနေတာကြောင့်လို့ ဈေးကွက်ထဲမှ သုံးသပ်ကြပါတယ်။ ယခင်နှစ်တွေက နအဖ အစိုးရက တရားဝင် တင်ပို့ခွင့် ပြုလိုက် မပြုလိုက် လုပ်နေပေမယ့်လည်း နယ်စပ်ထွက်ပေါက်များမှ ဘင်္ဂလားဒေ့ရ်ှနဲ့ ထိုင်းနိုင်ငံတွေကို ဆန်ပမာဏ များပြားစွာ တင်ပို့နေခဲ့တာပါ။ ဒီနှစ်တော့ နိုင်ငံတကာ ဆန်ဈေးကွက်မှာလည်း ဈေးကျ အဝယ် မလိုက်တဲ့ အခြေအနေကြောင့် မြန်မာနိုင်ငံမှာ နအဖ အစိုးရက ဆန်တင်ပို့ခွင့် ပြုသည့်တိုင် ဆန်ဈေး မတက်နိုင်ဘဲ ဖြစ်နေတာပါ။

နာဂစ်မုန်တိုင်းအပြီး ဧရာဝတီတိုင်း လပွတ္တာမြို့နယ် မှ မြင်ကွင်းတခု။ မုန်တိုင်းက အိမ်များ၊ စိုက်ပျိုးရေးလုပ်ငန်းများကို ဖျက်ဆီးသွားခဲ့သည်။

လက်ရှိ စပါးဈေးဟာ စိုက်ပျိုးသူ တောင်သူလယ်သမားတွေအတွက် စိုက်စရိတ် မကြေတဲ့ အဆင့်ထိ ရောက်နေပါပြီ။ နာဂစ်ကြောင့် ပျက်စီးမှုဒဏ် ခံခဲ့ရတဲ့ ဧရာဝတီတိုင်းက လယ်သမားတွေအဖို့ ပြီးခဲ့တဲ့ မိုးဦးက စပါးစိုက်နိုင်အောင်၊ မျိုးပေါက်အောင်၊ နောက်တဖန် မြေသြဇာ ထည့်နိုင်အောင် ကိုယ်ထူကိုယ်ထ တဖုံ၊ ကယ်ဆယ် ကူညီရေး အဖွဲ့အစည်းတွေရဲ့ အားယူပြီး တသွယ် ကြိုးစား လုပ်ဆောင်ခဲ့ရပါတယ်။ နာဂစ်က နလန် ပြန်ထလာဖို့ ကြိုးစားခဲ့ရတဲ့ လယ်သမားတွေကို ကမ္ဘာ့ စီးပွးရေး အကြပ်အတည်းက ထပ်မံ နှိပ်စက်ဦးမယ့် အနေအထားကို ယခု ရောက်ရှိနေပါတယ်။

၁၉၃ဝ ဆရာစံ လယ်သမား အရေးတော်ပုံ
၁၉၃ဝ ခုနှစ် ဆရာစံ တောင်သူလယ်သမား ပုန်ကန်မှုဟာ ကမ္ဘာ့ စီးပွားပျက်ကပ်ကြောင့် ထိုစဉ်က မြန်မာ့ဆန် တင်ပို့မှုကို ထိခိုက်ခဲ့ရပါတယ်။ ပြည်ပဈေးကွက်မှာ စပါးဈေးတွေကျ၊ လယ်သမားတွေ အကြွေးတွေတင်၊ ပြန်မဆပ်နိုင်၊ ဒီအကြပ်အတည်း အခါသမယမှာ လယ်သမားတွေကို ဆရာစံ ဦးဆောင်တဲ့ လက်နက်ကိုင် ပုန်ကန်မှုက အရှိန်အဟုန် ကြီးကြီးနဲ့ တောက်လောင်ခဲ့ပါတယ်။ ပုန်ကန်မှုရဲ့ အရင်းခံ အကြောင်းမှာ အင်္ဂလိပ် အစိုးရကို တော်လှန်လိုမှုနဲ့ ထိုစဉ်က အင်္ဂလိပ်အစိုးရမှာ လယ်သမားများကို ကြည့်ရှုဖို့ရာထက် စပါးတင်ပို့ခြင်းဖြင့် အကျိုးရှိနေတဲ့ ကုမ္ပဏီကြီးတွေ အကျိုးကိုသာ ထည့်တွက်ခဲ့တာကို မကျေနပ်လို့ ဖြစ်ပါတယ်။

ယခု ၂ဝဝ၉ ခုနှစ်မှာ ကြုံတွေ့ရတဲ့ ကမ္ဘာ့ စီးပွားပျက်ကပ်ဟာလည်း ၁၉၃ဝ နောက်ပိုင်းမှာ အကြီးဆုံးလို့ အကဲဖြတ်ကြပါတယ်။ အဲဒီတုန်းက ကမ္ဘာ့ အခြေအနေနဲ့ ယနေ့ ကမ္ဘာ့ အခြေအနေ မတူညီတာတွေ အများအပြား ရှိသလိုပဲ အဲဒီတုန်းက ကိုလိုနီလက်အောက် မြန်မာနိုင်ငံအခြေအနေနဲ့ ယနေ့ စစ်အုပ်ချုပ်မှု လက်အောက် မြန်မာနိုင်ငံ အခြေအနေ မတူညီတာတွေလည်း ရှိမှာ ဖြစ်ပါတယ်။

သို့ပေမယ်လို့ ယခုလက်ရှိ စပါးဈေး ထုတ်လုပ်မှု စရိတ်အောက်ကို ကျဆင်းနေတဲ့ အချက်ကတော့ တိုင်းပြည်ရဲ့ လူဦးရေ ၈ဝ ရာခိုင်နှုန်းက လယ်ယာ စိုက်ပျိုးရေး ကဏ္ဍမှာ ရှိနေတဲ့ မြန်မာနိင်ငံအတွက် အလွန်အရေးကြီးတဲ့ အချက်လို့ ဆိုနိုင်ပါတယ်။ ဒီအချက်ကို ၂ဝ၁ဝ ရွေးကောက်ပွဲ ကိုပဲ စိတ်ဝင်စားနေတဲ့ နအဖ စစ်အစိုးရက သတိမပြုမိဘူးဆိုရင် ဒီနှစ်ထဲမှာ မြန်မာနိုင်ငံမှာ စီးပွားရေး မကြေနပ်မှုတွေ၊ လူထု အုံကြွမှုတွေ ဖြစ်ပေါ်လာနိုင်ပါတယ်။ နအဖ အစိုးရကတော့ လက်ရှိစီးပွားရေး အကြပ်အတည်းဟာ ဘယ်လောက်ထိ ထပ်မံနက်ရှိုင်းလာနိုင်တယ် ဆိုတာထက်ကို ကြံ့ဖွံ့ အဖွဲ့ကို အသွင်းပြောင်းရေး၊ လက်ရှိ ဝန်ကြီးတွေကို ပါတီထောင်ပြီး ဝင်ရောက် ယှဉ်ပြိုင်စေရေး၊ လာမယ့် ရွေးကောက်ပွဲကို ဝေဘန်ပြောဆိုမယ့် အတိုက်အခံ အင်အားစုအားလုံးကို ဖမ်းဆီး နှိပ်ကွပ်ထားရေးနဲ့ ၂ဝ၁ဝ ရွေးကောက်ပွဲကို ကမ္ဘာက လက်ခံအောင် လုပ်ရေးတွေကိုသာ စိတ်စောနေပါတယ်။

၂ဝဝ၉ ခုနှစ် စီးပွားရေး အကြပ်အတည်းက နိုင်ငံရေး ပြဿနာတရပ်၊ ပေါက်ကွဲမှု တရပ် ဖြစ်လာနိုင်တယ် ဆိုတာကိုတော့ နအဖ စစ်အစိုးရအနေနဲ့ အခု အချိန်ထိ ထည့်သွင်း စဉ်းစားမိပုံ မရသေးပါဘူး။

နာဂစ်မုန်တိုင်းအပြီး ပြန်လည် ရုန်းကန်နေရသည့် ဧရာဝတီတိုင်း ဒေးဒရဲမြို့နယ်မှ လယ်သမားများ

အတိုက်အခံ နိုင်ငံရေး အဖွဲ့အစည်းများအနေနဲ့လည်း နိုင်ငံရေး ပြဿနာ သက်သက်ကို စိတ်ဝင်စား ပြောဆိုဖို့ လိုအပ်သလိုပဲ မြန်မာလူထုတွေ နေ့စဉ် ရင်ဆိုင်နေရတဲ့ စီးပွားရေး အကြပ်အတည်းကို ဘယ်လို ရင်ဆိုင် ကျော်ဖြတ်မလဲ ဆိုတာကိုလည်း အာရုံစိုက် ပြောဆိုသင့်ပါတယ်။ အာဏာလက်ရှိ စစ်အစိုးရမှာ အများဆုံး တာဝန်ရှိတာကတော့ အမှန်ပဲ ဖြစ်ပါတယ်။ ။