ဇူလိုင် ၃၁ သို့မဟုတ် ...
သန်းစိုးလှိုင်
ဇူလိုင် ၃၁၊ ၂၀၀၉
နံနက် ၈နာရီ ခွဲ ရန်ကုန်၏ နံနက်ခင်းမှာ ပုံမှန်နေ့ တနေ့ဟု ထင်ရသော်လည်း အချို့သူများကတော့ ယနေ့ကို တစုံတရာ ဖြစ်ပျက်နိုင်သည့် နေ့တနေ့ အဖြစ်ထင်မှတ် လျက်ရှိသည်။ မနေ့ညနေမှ စပြီး သည်းသည်းမဲမဲ ရွာသည့်
ရန်ကုန်မိုးသည် ဒေါ်အောင်ဆန်းစုကြည်ကို အမိန့်ချမှတ်မည့် နံနက်တွင် တိတ်ဆိတ်နေပြီး အုံ့အုံ့ဆိုင်းဆိုင်းနှင့် တချက်တချက် နေရောင်ပင် မြင်နေရသည်။ လမ်းပေါ်တွင် သွားလာနေသည့် လူအများ၏ စိတ်ထဲတွင် ဒီနေ့တော့ ဒေါ်စုကို အမိန့်ချလိမ့်မယ်၊ ဘာများဖြစ်ဦးမလဲ စသည့်အတွေးများလည်း တွေးမိနေကြသည်။
လမ်းထိပ်က လက်ဖက်ရည်ဆိုင်တွင်တော့ ယူနီးဖောင်း တောက်ပြောင်လျက်ရှိသည့် လုံထိန်းရဲ ၃ယောက်မှာ လက်ဖက်ရည်သောက် နံနက်စာစားပြီး ဗိုက်ဖြည့်နေကြသည်။ ဆူးလေ ဘုရားလမ်းနှင့် ဗိုလ်ချုပ်လမ်းဆုံတွင်တော့ အစိမ်းပုပ်ပုပ် ယူနီဖောင်းဝတ် စစ်သားနှစ်ယောက်က သေနတ်ကို လွယ်လျက်အနေအထားဖြင့် ယာဉ်ထိန်းရဲ စခန်းဘေးတွင် မတ်တပ်ရပ်နေကြသည်။ သူတို့သည် မီးရထားရုံးချုပ်ထဲတွင် စခန်းချနေကြသည့် စစ်တပ်များထဲမှ ဖြစ်ဟန်ရှိပြီး ဇူလိုင် ၃၁ ရက်၊ ယနေ့တွင် တစုံတရာ ဖြစ်ပွားနိုင်သည့် အတွက် အင်အားပြနေကြခြင်း ဖြစ်သည်။
စမ်းချောင်းနှင့် လှည်းတန်း လမ်းဆုံတို့တွင်တော့ လုံထိန်းရဲ ၈ယောက် ၁၀ ယောက်ခန့်ကို တင်ဆောင်ထားသည့် ရဲကားနှင့် အရပ်ဝတ် ကြံ့ဖွံ့စွမ်းအားရှင်များတင်ဆော
အင်းစိန်ဘူတာအနီး ပန်းခြံမှတ်တိုင်ရောက်တော့ ဘတ်စကား စပယ်ယာက “ထောင်ဗူးဝ၊ ပေါက်တော မှာဆင်းမယ့်သူတွေပါ ဒီမှာပဲပေါင်းဆင်းမယ်၊ ဟိုဘက်လမ်းပိတ်ထားတယ်” ဟုကြေငြာသည်။
ပန်းခြံမှတ်တိုင် ဆင်းလိုက်သည်နှ
အင်းစိန်ထောင်ဗူးဝ ရှေ့သို့ဖြတ်သည့် ခုံးကျော်တံတားကို ဆူးကြိုးတပ် သစ်သားအတားအဆီးများဖြင့် ပိတ်ထားပြီး အဆိုပါအရှေ့သို့ ဖြတ်မည့် သူများကို တဦးချင်း စိစစ်ပြီး ထိုရပ်ကွက်တွင် နေထိုင်သူမဟုတ်လျင်၊ အကြောင်းမခိုင်လုံလျင် ဖြတ်သန်းခွင့်မပြုသည်ကို တွေ့ရသည်။ ရဲကား ၃စီးကို ခုံးကျော်တံတားဘေး ရပ်ထားပြီး ယာဉ်ထိန်းရဲအပါအ၀င် ရဲနှင့် ရဲမေ စုစုပေါင်း ၂၅၊ ၃၀ ယောက်ခန့်စောင့်နေကြသည်။
နံနက် ၉နာရီ ၀န်းကျင်မှ စပြီး အဖြူရောင် နံပါတ်ပြားတပ်ထားသည့် သံရုံးနှင့် ကုလအဖွဲ့အစည်းများမှ ကားများတစီးပြီးတစီး ရောက်ရှိလာကြသည်။ သံတမန်များကို တင်ဆောင်ထားသည့် ကားများမှာ စစ်ဆေးရေး ဂိတ်တွင် ခေတ္တရပ်တန့်ကာ စာရင်းပေးပြီး အင်းစိန်ထောင်ဘက်သို့ မောင်းနှင်သွားကြသည်ကို ခပ်ဝေးဝေးမှ သတင်းထောက်များနှင့် လူစုစုကစောင့်ကြည့်လျက်ရှိကြသည်
ထိုအတောအတွင်း ရုံးထုတ်မည့် အချုပ်သားများကို တင်ဆောင်မည့် ခပ်စုတ်စုတ် အချုပ်ကားများလည်း အင်းစိန်ထောင်ဘက် ၀င်သွားသည်ကို တွေ့ရသည်။
ဒေါ်အောင်ဆန်းစုကြည်၏ အန်အယ်လ်ဒီ ပါတီမှ ထောက်ခံသူများကတော့ ခုံးတံတား၏ လက်ဝဲဘက် ပန်းခြံနံဘေး၊ ကြွေးကြော်သံ ဆိုင်းဘုတ်အောက်တွင် စုရုံးရောက်ရှိလာကြသည်။ ၁၀နာရီ ထိုးခါနီးအချိန်တွင်တော့ ထိုလူအုပ်အင်အားမှာ ၃၀ကျော် ရှိနေပြီး ထိုသူများကို လမ်းတဘက်ခြမ်းမှ အရပ်ဝတ် အက်စ်ဘီ၊ စရဖ တွေက ဒစ်ဂျစ်တယ် ကင်မရာ၊ ဗီဒီယိုကင်မရာများဖြင့် ရိုက်ယူကာ မှတ်တမ်းတင်လျက်ရှိသည်။
နာမည်ရင်း တင်မောင်လတ်ကို ကျောက်ဘီလူး တင်မောင်လတ်ဟု အခြားတင်မောင်လတ်များနှင့် ကွဲပြားအောင် ခေါ်ဆိုသည့် ရဲထောက်လှမ်းရေး၏ ဓါတ်ပုံဆရာကလည်း ကင်မရာ ကြီးကြီးတလုံးဖြင့် ခုံးကျော်တံတားဘေးတွင် စောင့်ဆိုင်းကာ ဓါတ်ပုံရိုက်ဖို့စောင့်နေသည်။ သူစီးလေ့ရှိသည့် အ၀ါရောင် ဒီတီ ဆိုင်ကယ်ကိုလည်း နံဘေးတွင် ရပ်ထားသည်ကို တွေ့ရသည်။
ထိုလမ်းဆုံကို လှမ်းမြင်နေရသည့် လက်ဖက်ရည်ဆိုင်ထဲတွင် ထိုင်နေသူများ အထဲမှာလည်း ဝေါ်ကီတော်ကီသံ ထွက်နေသူ၊ ဖုန်းမြည်လာ၍ ထိုင်ခုံမှ ထသွားပြီး သွားပြောသူများ ဖြင့်စည်ကားနေသည်။ တယောက်ကို တယောက် စူးစမ်းသည့် မျက်လုံးများဖြင့် ကြည့်ရှုနေကြပြီး၊ ရဲမဟုတ်သူ၊ ထောက်လှမ်းရေး မဟုတ်သူတွေကတော့ နာရီဝက်လောက် ထက်ပိုမထိုင်တော့ပဲ နောက်တဆိုင်သို့ ပြောင်းရွှေ့ကြရသည်။
ဆယ်နာရီတွင် လူထုခေါင်းဆောင် ဒေါ်အောင်ဆန်းစုကြည်ကို အမိန့်ချမည်ဟု လူအများက မျှော်လင့်ထားကြသဖြင့် အားလုံးက စိတ်လှုပ်ရှားစွာဖြင့် စောင့်စားနေကြသည်။ ရန်ကုန်နှင့် မိုင် ၂၀၀ကျော် ဝေးကွာသည့် ဖားအံတွင် နေထိုင်သည့် ကိုယ်ပိုင် စီးပွားရေးလုပ်ကိုင်သူ တဦး ကလည်း ရန်ကုန်မြို့ရှိ မိတ်ဆွေထံ ဖုန်းဆက်ပြီး ဒေါ်အောင်ဆန်းစုကြည် အမိန့်ချမည့် သတင်းထူးသည်နှင့် မိုဘိုင်းဖုန်း မက်ဆေ့ခ်ျဖြင့် ပို့ပေးပါရန် ပြောဆိုထားသည်ဟု သိရသည်။
ကုလသမဂ္ဂ အထွေထွေ အတွင်းရေးမှူးချုပ်နှင့် ကမ္ဘာ တ၀ှမ်းမှ နိုင်ငံခေါင်းဆောင် အချို့က ဒေါ်အောင်ဆန်းစုကြည်ကိုလွှတ်ပေးဖိ
၁၀နာရီ ခွဲကျော်ကျော်တွင်တော့ အမိန့်ချမည့် နေ့ကို လာမည့် သြဂုတ်လ ၁၁ရက်နေ့သို့ ရွှေ့လိုက်ကြောင်း အေပီ သတင်းတွင် ဖေါ်ပြထားသည်ဟု မိတ်ဆွေ တဦးက ဖုန်းလှမ်းဆက်သည်။ မြို့တွင်းသို့ပြန်မည့် တက္ကစီ တစီးကို တားလိုက်ပြီး မြို့ထဲသို့ ပြန်လာခဲ့သည်။ အင်းစိန် ခုံးကျော်တံတား တ၀ိုက်တွင် စောင့်ဆိုင်းနေကြသည့် ဒေါ်အောင်ဆန်း စုကြည်ကို ထောက်ခံသူများ ထိုသူများကိုစောင့်ကြည့်သူများကတော့ သူတို့၏ ရပ်စောင့်ဆိုင်းရာ လမ်းတဘက်တချက်စီတွင် ဆက်လက်ရှိနေကြဆဲ။
နိုင်ငံရေး ရပ်တည်ချက် မည်မျှ ကွဲပြားသည်ကို မခန့်မှန်းနိုင်သော်လည်း ယခု အင်းစိန် ခုံးကျော်တံတား အနီး တွင်မူ ထိုအုပ်စုနှစ်စု၏ ကွာဟချက်မှာ ပေ ၃၀သာသာ ရှိသည့် ကတ္တရာလမ်းတလမ်းသာပင်။
ကားဖြင့် မြို့ထဲသို့ အပြန်လမ်းတွင် တက္ကစီ မောင်းသူက တက္ကသိုလ်ရိပ်သာဘက်မှ ဖြတ်ပြီး မြို့ထဲသို့မောင်းနှင်လာသည်။ ချိုင့်ခွက်များ ထူပြောသည့် တက္ကသိုလ်ရိပ်သာလမ်းတွင် ချိုင့်ခွက်ကို ရှောင်မောင်းရင်း ဒေါ်အောင်ဆန်းစုကြည်၏ နေအိမ်ရှေ့ရောက်တော့ ဒရိုင်ဘာက အိမ်ဘက်သို့ လက်ညှိုးညွှန်ပြပြီး “ဒီမှာလေ ဒေါ်စုအိမ်ပေါ့” ဆိုသည်။ ခြံဝအနီးတွင် သစ်သားခုံတန်း တခု ချထားပြီး ယခင်တွေ့မြင်ရလေ့ရှိသည့် ယူနီဖောင်းဝတ် ရဲနှစ်ဦး သုံးဦးကို မတွေ့ပဲ ရဲအရောင်ရှပ်အကျီဝတ်ပြီး လုံချည်ဝတ်ဆင်တားသည့် ရဲတယောက်သာ ထိုင်နေသည်။ အမှတ် ၅၄ ခြံအတွင်းကို ကြည့်လိုက်တော့ သစ်ပင်အုံ့ဆိုင်းနေသည့် အကြား ဆောက်လက်စ ပစ်ထားသည့် အုတ်အဆောက်အဦ ထို အဆောက်အဦနောက်တွင် အဖြူရောင် ၂ထပ်တိုက်တလုံးကို မြင်ရသည်။
အိမ်ရှင်ဖြစ်သူ မြန်မာနိုင်ငံ ဒီမိုကရေစီ ရရှိရေးအတွက်ကြိုးပမ်းလျက်ရှိသူ လူထုလေးစားသည့် ခေါင်းဆောင် ဒေါ်အောင်ဆန်းစုကြည်မှာ အင်္ဂလိပ် ကိုလိုနီလက်ထက်ကတည်းက နာမည်ဆိုးဖြင့်ကျော်ကြားခဲ့သည့် အင်းစိန်အကျဉ်းထောင်တွင် စစ်အစိုးရ၏ မတရား အမိန့်ချမှုကို စောင့်ဆိုင်းလျက်၊ အိမ်နှင့်ခြံဝင်းမှာ တိတ်ဆိတ်ငြိမ်သက်ပြီး ပိုင်ရှင်မဲ့သည့် အသွင်ကိုဆောင်လျက်။ ။
Comments